CLOSE WINDOW

D3148
བོད་ཡིག

/ //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ badzra A sa na sA d+ha na/ bod skad du/ rdo rje gdan gyi sgrub thabs/ sangs rgyas la phyag 'tshal lo//yon tan tshogs ldan gzhan don bla mar gyur pa'i de bzhin gshegs rnams thams cad la ni 'dud/ /dpal ldan rdo rje gdan zhes bya bas brgyan pa'i lus can 'khor ba'i skyon gyis bzung ba rnams/ /reg tu mi 'dod sangs rgyas mchog nyid dul ba bsdams pa dam pa'i sgrub thabs de nyid ni//de bzhin gshegs pa la sogs kha dog sna tshogs mdzes pa'i sku de dag ni legs par bri/ /de las mdun du 'chad par 'gyur ba'i tshul gyi mdog dang phyag la sogs pa dang ldan pa'i bcom ldan 'das legs par bsams la me tog la sogs pa dbul bar bya'o//oM mi bskyod pa la phyag 'tshal lo/ /hU~M/ oM rdo rje'i me tog hUM swA hA/ re re zhing lan gsum gsum dbul bar bya'o/ /oM rnam par snang mdzad la phyag 'tshal lo oM/ oM rdo rje'i me tog hU~M swA hA/ oM rin chen 'byung ldan la phyag 'tshal lo//trA~M // oM rdo rje'i me tog hU~M swA hA/ oM snang ba mtha' yas la phyag 'tshal lo/ /hrIH oM rdo rje'i me tog hUM swA hA/ oM don yod grub pa la phyag 'tshal lo/ /AH oM rdo rje'i me tog hUM swA hA/ oM spyan ma la phyag 'tshal lo/ laM/ oM rdo rje'i me tog hUM swA hA/ oM mA ma kI la phyag 'tshal lo//mA~M/ oM rdo rje'i me tog hU~M swA hA/ oM gos dkar mo la phyag 'tshal lo/ /pAM/ oM rdo rje'i me tog hU~M swA hA/ oM sgrol ma la phyag 'tshal lo/ /ta~M/ oM rdo rje'i me tog hU~M swA hA/ de nas yang mi bskyod pa'i rang bzhin gyi rdo rje gdan la rab tu phal zhing ches shin tu phal che ba'i me tog dbul bar bya'o//rim pa 'di nyid kho nas oM rdo rje bdug spos hU~M swA hA/ oM rdo rje'i dri hUM swA hA/ oM rdo rje'i lha bshos hUM swA hA/ oM zhes bya ba la sogs pas mchod pa'i cho ga rnams byas la/ byams pa bsgom pa la sogs pa sngon du btang bas/ de nas rang gi snying gar a yongs su gyur ba las zla ba'i dkyil 'khor ro//de'i steng du yi ge hU~M gser bzang po'i mdog go/ /de las 'od zer kun nas spros pas bla ma dang / sangs rgyas dang / byang chub sems dpa' rnams bltas la/ de'i rjes la sku khrus dang / me tog la sogs pa mchod pa'i sprin gyi bkod pas legs par mchod par bya'o//de nas sdig pa bshags pa dang / bsod nams la rjes su yi rang ba dang / bsod nams yongs su bsngo ba dang gsum la skyabs su 'gro ba dang / lam la brten pa dang / byang chub tu sems bskyed pa rnams kyang / dkon mchog gsum la bdag skyabs mchi//zhes bya ba la sogs pa rnams kyis bya'o/ /de nas stong pa nyid rnam par bsgom par bya'o/ /chos thams cad rang bzhin med pa'i ngo bor rnam par bsgoms nas kyang / mi zad pa'i ngo bo'i byang chub kyi sems kyi rang bzhin 'od gsal ba'i bdag nyid blta ba'o//brtan par bya ba'i don du sngags brjod par bya ste/ oM rang bzhin gyis rnam par dag pas chos thams cad rang bzhin gyis rnam par dag pa ni nga yin no/ /'od kyi rang bzhin gyis gzugs de nyid kho na yongs su gyur nas zla ba'i dkyil 'khor du'o/ /de'i steng du yi ge hU~M a la sogs pa dbyangs yig bcu drug gis yongs su bskor ba'o//yang ka la sogs pa gsal byed kyi yi ge rnams kyis kyang yongs su bskor ba'o/ /thams cad mdog dkar po'o/ /ma lus pa yongs su gyur nas zla ba'i dkyil 'khor gzugs su bsam par bya'o/ /de'i steng du sa bon gyi yi ge hU~M ngo //der gyur pa las rdo rje'o/ /rdo rje de'i lte ba la yang yi ge hU~M ngo / /de dag ma lus pa yongs su gyur pa las gser bzang po'i mdog gi rdo rje gdan gyi sku'o/ /de'i gdan ni bdud bzhi'o/ /de yang phung po dang / nyon mongs pa dang / 'chi bdag dang / lha'i bu'i bdud rnams te/dkar po dang / dmar po dang / nag po dang / ljang gu'i kha dog tu rim pa ji lta bar de dag rnams kyi lus bsgom par bya'o/ /bdud 'di dag rnams yongs su dkrigs pa las seng ge'i khri yin no/ /de'i steng du sna tshogs pad+ma dang rdo rje'o/ /de la bzhugs pa'i bcom ldan 'das ni phyag gnyis pa rdo rje'i skyil mo krung gis gnas pa/phyag g.yas pas sa non gyi phyag rgya dang ldan pa g.yon pa mnyam par gzhag pa skul na bza' ngur [(]smig [,]smrig [)]mnabs pa zhi ba'i bdag nyid can du rnal 'byor pas bsgom par bya'o/ /de nas oM chos kyi dbyings kyi rang bzhin gyi bdag nyid ni nga yin no bar nga rgyal bskyed par bya'o//de nas bcom ldan 'das kyi g.yas phyogs su mdog ser ba phyag gnyis pa ral pa dang cod pan dang ldan pa g.yas na rin po che'i rnga yab bsnams pa g.yon na klu shing me tog gis rgyas pa bsnams pa'i byang chub sems dpa' byams pa'o//de bzhin du g.yon phyogs su ni byang chub sems dpa' 'jig rten dbang phyug ste/ mdog dkar ba g.yas pas rin po che'i rnga yab bsnams pa g.yon gyi pad+ma dmar skya bsnams pa'o/ /gnyis ka yang bcom ldan 'das kyi zhal la rnam par blta bar bsgom par bya'o//de'i rjes la ni go cha drug dgod par bya ste/ bcom ldan 'das kyi spyan gnyis la zla ba'i dkyil 'khor ro/ /de'i steng du yi ge k+ShiM kha dog dkar po'o/ /rna ba gnyis ka la zla ba'i dkyil 'khor gyi steng du yi ge dzrIM kha dog mthing nag go//sna bug gnyis la zla ba'i dkyil 'khor ro/ /de'i steng du yi ge kha~M kha dog ser po'o/ /lce la zla ba'i dkyil 'khor gyi steng du yi ge ga~M mdog dmar po'o/ /dpral bar zla ba'i dkyil 'khor gyi steng du yi ge ka~M mdog ljang gu'o/ /nu ma gnyis kyi bar du zla ba'i dkyil 'khor gyi steng du yi ge soM mdog dkar po'o//'di dag ni go cha drug dgod pa bsgom pa'o/ /de nas rang gi snying gar zla ba'i dkyil 'khor la yi ge hUM yongs su gyur pa las/ rdo rje lte ba la hU~M dang bcas pa zla ba'i dkyil 'khor gyi steng du ste/ de dag thams cad yongs su gyur pa las/ ye shes sems dpa' dam tshig sems dpa' lta bu rnam par bsam par bya'o/ /de nas mgo bo la zla ba'i dkyil 'khor gyi steng du yi ge oM yongs su gyur pa las 'khor lo kha dog dkar po'o/ /de'i dkyil 'khor du yang zla ba la gnas pa'i yi ge oM zhes bya ba ni bcom ldan 'das kyi sku'i rnam par dag pa bsgom pa'o//mgrin par zla ba'i dkyil 'khor gyi steng du yi ge AHyongs su gyur pa las pad+ma dmar po 'dab ma brgyad pa'o/ /de'i dbus su zla ba'i dkyil 'khor la gnas pa'i AHyi ge bya ba ni bcom ldan 'das kyi gsung rnam par dag pa bsgom pa'o/ /lte ba'i gong du zla ba'i dkyil 'khor de'i steng du yi ge hU~M yongs su gyur pa las rdo rje kha dog nag po'o//de'i dbus su zla ba'i dkyil 'khor la gnas pa'i yi ge hU~M ngo zhes bya ba ni bcom ldan 'das kyi thugs rnam par dag pa bsgom pa'o/ /'bras bu sangs rgyas nyid ni grub par bya'o/ / de nas nam mkha' la gnas pa'i bcom ldan 'das snying ga'i sa bon gyi 'od zer gyis spyan drangs la/ dzaHhU~MHba~M hoH zhes bya ba yi ge bzhis mdun du bzhugs su gsol lo/ /der mchod yon dang zhabs bsil dang / gdan dang / bsang gtor rnams dbul bar bya'o/ de nas ni 'o thug la sogs pa'i zhal zas drang bar bya ste/ 'dis ni bdud rtsi myang ba brjod do/ /de'i rjes su/ /sangs rgyas kun la bdag phyag 'tshal/ /zhes bya ba'i bstod pa 'di dag gis bstod par bya'o/ /de nas ye shes sems dpa' dang / dam tshig sems dpa' lhan cig gcig tu byas la/dam tshig khyod dam tshig khyod dam tshig khyod bdag oM AHhU~M zhes bya ba'i sngags 'dis gnyis su med par bya ba'o/ bsgoms pas ngal bar gyur na ni phyi nas bzlas pa bya ba'o/ /oM AHbadzra hU~M swA hA/ zhes bya ba ni bzlas pa'i sngags so/ /phyi nas ni bla na med pa yang dag par rdzogs pa'i byang chub tu bsod nams yongs su bsdos la/gshegs su gsol te/ ji ltar bde bar rgyu bar bya ba'o zhes bya ba'o/ /bsod nams 'dis sems can rnams thams cad myur du de bzhin gshegs pa'i ye shes thob par gyur cig /gdams ngag gi rim pa'i bcom ldan 'das rdo rje gdan gyi sgrub thabs yongs su rdzogs so/