CLOSE WINDOW

D3141
བོད་ཡིག

@##/ /rgya gar skad du/ niSh+pan+na yo ga a bA li nA ma/ bod skad du/ rdzogs pa'i rnal 'byor gyi phreng ba zhes bya ba/ bcom ldan 'das dpal rdo rje sems dpa' la phyag 'tshal lo/ /rdo rje can gang 'di yi 'od kyis 'gro ba long byed mun rnams las rgyal byed/ /gang zhig gnas skabs mthar thug dbyer med dpal ldan yon tan tshogs kyis mdzes pa dang /gang gi snying rje'i tshogs kyi bdud rtsis rab tu brlan pa'i thugs kyis shin tu spros pa ste/ /de dag rnams kyis spyod pa rmad byung 'di bsten shes rab rang bzhin khyed las myur gyur cig /rdo rje'i phreng bas brgyan pa'i dkyil 'khor 'dir//rdo rje 'chang spyod shin tu mdzes pa yis/ /sna tshogs skyes pa sprul pa'i tshogs rnams kyis/ /myur du don yod phun sum tshogs par shog /'dir ni chung ngu dang 'bring po dag gi rim pas ting nge 'dzin legs par bsgoms pa las shes rab mchog dang ldan pa la/ bcom ldan 'das kyis spro ba dang bsdu ba'i byed pa po/ /rnam pa kun gyi mchog ldan pa/ /ye shes skad cig gis rdzogs pa/ /rdzogs pa'i rnal 'byor zhes brjod do/ /zhes gsungs so/ /de yang bdag dang sems can thams cad rdo rje 'dzin pa nyid thob par 'dod pa'i spro ba dang ldan pas/phung po dang khams dang skye mched la sogs pa gzugs brnyan lta bur stong pa nyid dang ro gcig par nges par byas nas/ 'od rab tu gsal ba la rab tu zhugs te/ skad cig gi yan lag dang bcas pa'i gzhal yas khang gi dbus su dkyil 'khor dang dkyil 'khor pas yongs su bskor ba'i dpal rdo rje sems dpa' dang 'jam pa'i rdo rje la sogs pa'i sku stong pa nyid dang /snying rje ro gcig pa'i bde ba chen po'i rang bzhin rigs kyi bdag pos dbu brgyan cing thugs ka'i sa bon dang ldan pa la de bzhin gshegs pa dang / lha mo dang / byang chub sems dpa' dang / khro bo la sogs pa dpag tu med pa spros te/ji ltar gzhan la phan par nus pa'i chos ston pa la sogs pas gzhan bsod nams kyi tshogs mthar phyin pa la gzhag cing / bsdu ba byas pas bsam gyis mi khyab pa'i skur bskyed par bya'o/ /de la 'di'i yan lag la sogs pa ni sa 'og gi mthar thug par ji ltar mngon par 'dod pa'i rgyar/gcig tu sra zhing mkhregs la 'bar ba'i rdo rje'i rang bzhin gyis sa gzhi dang bskal pa'i mtha'i me 'bar ba'i 'od zer gyi phreng ba dang ldan pas mtshams bcing ba dang / sa 'og nas steng gi bar du shin tu mtho zhing mkhregs la sra zhing 'bar ba'i rdo rje ra ba dang / rdo rje'i ra ba'i steng du bar mtshams med par dum bu gcig tu gyur cing steng du rdo rje'i mda'i dra ba dang /'og tu rdo rje'i bla res brgyan pa'i rdo rje'i gur 'bar ba'o/ /de'i nang du gnas pa'i sna tshogs chu skyes dang nyi ma la gnas pa'i 'khor lo rtsibs bcu pa ser po g.yas skor du 'khor ba'o/ /de'i shar gyi rtsibs la gshin rje mthar byed nag po/zhal dkar po dang dmar po rdo rje'i tho ba nag po dang ral gri dang nor bu dang pad+ma 'dzin pa'o/ /lho'i rtsibs la shes rab mthar byed dkar po zhal nag po dang dmar po/ rdo rjes mtshan pa'i dbyug pa dkar po dang / ral gri dang / nor bu dang pad+ma 'dzin pa'o/ /nub kyi rtsibs la pad+ma mthar byed dmar po zhal sngon po dang dkar po/pad+ma dmar po dang ral gri dang nor bu dang 'khor lo 'dzin pa'o/ /byang gi rtsibs la bgegs mthar byed nag po zhal dkar po dang dmar po khro bo'i rdo rje dang ral gri dang nor bu dang pad+ma 'dzin pa'o/ /mer 'dod pa'i rgyal po sngon po zhal dkar po dang dmar po/lcags kyu dang ral gri dang nor bu dang mtsho skyes 'dzin pa'o/ /bden bral du dbyug pa sngon po nag po zhal dkar po dang dmar po dbyug pa sngon po dang ral gri dang nor bu dang chu skyes 'dzin pa'o/ /rlung du stobs po che nag po zhal dkar po dang dmar po/ rtse gsum pa dang ral gri dang nor bu dang pad+ma bsnams pa'o//dbang ldan du mi g.yo ba sngon po zhal dkar po dang dmar po ral gri dang nor bu dang pad+ma 'dzin pa'o/ /steng du gtsug tor 'khor los sgyur ba ser po zhal sngon po dang dmar po/ 'khor lo ser po dang ral gri dang nor bu dang pad+ma 'dzin pa'o/ /'og tu gnod mdzes rgyal po sngon po zhal dkar po dang dmar po rdo rje dang ral gri dang nor bu dang pad+ma bsnams pa'o//de la gtsug tor dang 'dod pa'i rgyal po dang mi g.yo ba dang gnod mdzes rnams ni rin po che'i cod pan can/ rin po che sna tshogs kyis brgyan par gyur pa/ mche ba cung zad gtsigs pa ston pa/sma ra dang bral ba'o/ /de las gzhan pa rnams ni mi sdug pa'i gzugs can smin ma 'khyog pa dang bcas pas dbu skra dmar ser gyen du brdzes pa/ smin ma dang sma ra dmar ser dang bcas pa/ zhal gdangs pa/ mche ba gtsigs pa/ ljags 'gyur ba/ gad rgyangs dang ldan pa/drag po'i klu brgyad kyis brgyan pa sku bong thung zhing rags pa lto ba 'phyang ba'o/ /bcu po 'di dag ni g.yon brkyang ba g.yas bskum pas rtsibs kyi rtse mo la cung zad ma reg pa'i sna tshogs pad+ma dang / nyi ma'i gdan dang bcas pa brtan par gnas pa/ nyi ma'i 'od can shin tu khros pa dang 'bar bas shin tu 'jigs pa bskal pa 'jig pa'i dus kyi me lta bu'i 'od dang ldan pa'i rang gi sku'i sprul pa dpag tu med pa'i tshogs kyis kyang khams gsum mtha' yas pa na gnas pa'i bgegs kyi tshogs ma lus pa yang dang yang du brlag par byed pa phyag drug pa rtsa ba'i phyag dag gis rang dang 'dra ba'i shes rab ma la 'khyud pa/zhal gsum pa khyad par du rtsa ba'i zhal gyi mdog ni sku mdog lta bu ste/ g.yas pa dang g.yon pa yi ni gong du brjod do/ /zhal re re la'ang dmar la zlum pa'i spyan gsum mo/ /'khor lo yang rgyun mi 'chad par drag tu 'khor bas brtan par gnas pa lta bur 'bar ba'i tshogs dpag tu med pa 'phro ba'o//de'i lte ba'i nang du 'og gi rtsibs kyi steng du chos 'byung gru gsum dkar po shin tu yangs pa'i nang du 'og gi zur la gnas pa'i sna tshogs pad+ma'i steng du sna tshogs rdo rje dang bcas pa'o/ /rdo rje de'i phyogs kyi ra rnams dang lte ba ni ji ltar rigs par rnam par snang mdzad la sogs pa'i mdog dang 'dra ba'o//der rin po che kha dog lnga las yongs su rdzogs pa thub pa'i dbang po'i dkyil 'khor 'od gsal ba phyogs kyi 'khor lo thams cad sna tshogs pa'i 'od zer gyis khyab pa'i gzhal yas khang ngo / /de'i dbus su bcom ldan 'das dpal rdo rje sems dpa' 'jam pa'i rdo rje'i sku gur gum gyi mdog lta bu g.yas dang g.yon gyi zhal nag po dang dkar po/rtsa ba'i phyag dag gis rang dang 'dra ba'i shes rab ma la 'khyud pa/ ral gri dang mda' dang ut+pal dang gzhu 'dzin pa rin po che'i cod pan can no/ /rin po che sna tshogs pas brgyan pa/'od zer mtha' yas pa'o/ /de'i shar gyi phyogs su rnam par snang mdzad dkar po g.yas ba dang cig shos kyi zhal nag po dang dmar po phyag rnams na 'khor lo rtsibs brgyad pa dkar po dang / ral gri dang nor bu dang pad+ma'o/ /lhor rin chen 'byung ldan ser po rin po che margata zur dgu pa dang /ral gri dang 'khor lo dang pad+ma 'dzin pa'o/ /nub tu snang ba mtha' yas dmar po pad+ma dmar po dang ral gri dang nor bu dang / 'khor lo 'dzin pa'o/ /byang du don yod grub pa ljang gu ral gri dang 'khor lo dang nor bu dang pad+ma 'dzin pa'o/ /'di gsum gyi g.yas pa dang cig shos kyi zhal ni nag po dang dkar po'o//de bzhin gshegs pa 'di dag thams cad rin po che'i cod pan dang ldan pa rin po che sna tshogs kyis brgyan pa'o/ /mer spyan ma rnam snang dang mtshungs pa'o/ /bden bral du mA ma kI mi bskyod pa lta bu ut+pal dmar po dang / ral gri dang nor bu dang pad+ma 'dzin pa ste/sgrub thabs thams cad las de ltar bshad pa'i phyir ro/ /rlung du gos dkar mo snang ba mtha' yas dang mtshungs pa'o/ /dbang ldan du sgrol ma rin chen 'byung ldan lta bu ut+pal ser po dang ral gri dang nor bu dang pad+ma 'dzin pa'o/ /dbus kyi rim pa las phyi rol du me'i mtshams su gzugs rdo rje ma rnam par snang mdzad lta bu rin po che'i me long dang ral gri dang nor bu dang chu skyes 'dzin pa'o//srin por sgra rdo rje ma mi bskyod pa lta bu pi wang sngon po dang ral gri dang nor bu dang pad+ma 'dzin pa'o/ /rlung du dri rdo rje ma rin chen 'byung ldan lta bu dri chab kyi dung ser po dang ral gri dang 'khor lo dang chu skyes 'dzin pa'o//dbang ldan du ro rdo rje ma snang ba mtha' yas dang mtshungs pa ro'i snod dmar po dang ral gri dang nor bu dang 'khor lo 'dzin pa'o/ /shar sgo'i g.yon logs su reg bya rdo rje ma don yod grub pa dang mtshungs pa gos sna tshogs dang ral gri dang nor bu dang chu skyes 'dzin pa'o/ / shar sgo'i g.yas logs su chos kyi dbyings kyi rdo rje ma rdo rje sems dpa' dang mtshungs pa chos 'byung dkar po dang ral gri dang nor bu dang chu skyes 'dzin pa'o/ /'jam pa'i rdo rje la sogs pa'i lha 'di rnams ni zhal gsum pa phyag drug pa phyag mtshan dang po gnyis ni g.yas pa dag gis so/ / gzhan gnyis ni g.yon pa dag gis 'dzin pa'o/ /thams cad kyi rtsa ba'i zhal ni sku mdog bzhin no/ /shar la sogs pa'i sgo ru gshin rje mthar byed dang shes rab mthar byed dang pad+ma mthar byed dang bgegs mthar byed rnams so/ /'jam pa'i rdo rje dang rnam par snang mdzad dang lha mo bcu po rnams ni zla ba'i dkyil 'khor la rdo rje skyil krung gis bzhugs pa'o//gzhan ni nyi ma la'o/ /zla ba dang nyi ma'i 'og tu sna tshogs pad+ma'o/ /de bzhin gshegs pa rnams kyi gtso bo'i phyag dag gis rang 'od kyi shes rab dag la 'khyud pa ste de bzhin du shes rab rnams 'od kyi thabs la'o/ /dbu la rigs kyi bdag po ste 'jam pa'i rdo rje la sogs pa'i de bzhin gshegs pa rnams dang /mA ma kI dang sgra rdo rje ma dang / srung ba'i 'khor lo'i khro bo brgyad la ni mi bskyod pa'o/ /spyan ma dang gzugs rdo rje ma dang gshin rje gshed rnams la ni rnam par snang mdzad do/ /dri rdo rje ma la ni rin chen 'byung ldan no//gos dkar mo dang ro rdo rje ma dang pad+ma mthar byed rnams la 'od dpag med do/ /sgrol ma dang reg bya rdo rje ma la ni don yod grub pa'o/ /chos kyi dbyings kyi rdo rje ma la ni rdo rje 'dzin pa'o/ /gzhan ni mi bskyod pa'o/ /'dir rdo rje sems dpa' ni sku mdog dkar po la cung zad dmar po'i mdangs dang ldan pa g.yas pa dang cig shos kyi zhal ni sngon po dang dmar po gtso bo'i phyag dag gis rang 'od kyi shes rab la 'khyud pa rdo rje sngon po dang ral gri dang nor bu dang pad+ma 'dzin pa/sna tshogs pad+ma dang / zla ba'i gdan la rdo rje skyil krung gis bzhugs pa zla ba'i mdog can rin po che'i cod pan dang /rin po che'i rgyan dang ldan pa dbul mi bskyod pas rgyas btab pa'o/ /'dir 'jam pa'i rdo rje'i thugs kar dam tshig sems dpa' lta bu'i ye shes sems dpa' de'i thugs kar zla bar ral gri'i yu ba la gnas pa'i sa bon maM ngo / /rtag pa dang rin 'byung dang / 'od dpag med dang don yod grub pa dang mi bskyod pa rnams kyi thugs kar phyag mtshan la ji ltar rigs par zla ba'am/nyi ma la/ b+h+rUM/ AM/ dzrAM/ khaM/ hUM ngo / spyan la sogs pa'i lha mo rnams la lAM mAM pAM tAM/ dzaHhUM baM hoHkhaM raM maM/ khro bo rnams la hUM ngo / /lha thams cad kyi snying po'i sngags ni rdo rje'i phreng bar bshad do//'dir rdzogs pa'i rnal 'byor du mig la sogs pa byin gyis brlab pa dang ye shes sems dpa' dgug gzhug la sogs pa ni ma bshad do/ /de med kyang mig gi mngon par shes pa la sogs pa'i yon tan gyi tshogs dpag tu med cing bsam gyis mi khyab pas mdzes par byas pa'i yi dam gyi lha'i sku cig car kho na la legs par yongs su dag cing rnam pa thams cad yongs su rdzogs par rgyun du yang dang yang lhag par mos pa brtan par bya'o//snying po'i sngags la sogs pa bstan pa ni bum pa lhag par gnas pa la sogs pa la nye bar mkho ba'i ched du'o/ /gang gi tshe dbus su de bzhin gshegs pa gzhan gtso bor gyur pa de'i dbus su gnas pa gzhan de'i gnas su dgod do//'od dpag med dkar por yang 'gyur te/ chos rnams dkar po'i rang bzhin gyis/ /'dir ni ngag gi dbang phyug dkar/ /zhes gsungs pa'i phyir/ 'di dang 'chad pa'i dkyil 'khor rnams su gang gi dkyil 'khor ba'i lha'i gtso bo'i gnas gang du bshad pa de nyid du gtso bo de dkyil 'khor gyi dbang po la mngon par phyogs shing de dang 'khyud pa ni de la mngon du phyogs pa nyid de gzhan gyi gnas su phyin pa'i phyir ro//'dir ni gzhal yas khang gi yan lag rnam pa gsum ste/ rdo rje'i sa gzhi la sogs pas yongs su bskor ba'i rdo rje'i gur dang /srung ba'i 'khor lo dang / chos 'byung ngo / /de la rdo rje'i gur ni 'chad par 'gyur ba'i gzhal yas khang thams cad la'o/ /srung ba'i 'khor lo dang / chos 'byung ni 'ga' zhig kho na la 'chad do/ /bri bar bya ba'i gzhal yas khang rnams la ni chos kyi dbyings kyi ngo bo chos 'byung ngam chos kyi dbyings kyi khongs su chud par mtshon pa'i ched du rdo rje phreng ba bri bar bya'o//ji ltar phyi rol de bzhin nang / zhes pas rdzogs rim gyi dkyil 'khor rtogs par bya ba'i ched du 'jig rten khams kyi 'khor yug mtshon pa'i phyir rdo rje phreng ba bri ba ni nges par ro/ /'dir srung ba'i 'khor lo ni de ltar ma yin pas bri mi dgos te/bgegs bzlog pa ni gzhan gyis kyang byed pas so/ /gzhan yang stong pa nyid kho na/ bcom ldan 'das kyis bgegs kyi tshogs ma lus pa rtsa ba dang bcas pa brlag par byed pa'i nus pa rab tu gyur pas/ de la lhag par mos pa brtan pa nyid bskyed pa'i ched du bri ba'i dkyil 'khor la srung ba'i 'khor lo bri bar ma bstan to//bsgom bya'i dkyil 'khor la yang kha cig tu bsgom par gsungs pa las thams cad du ma yin no/ /bgegs bsal ba'i rjes la stong pa nyid la rab tu zhugs pas bsgom par bya ba'i dkyil 'khor la srung ba'i 'khor lo med de de'i phyir mi 'dri'o zhe na de ltar na khor yug mtshon pa'i rdo rje'i ra ba yang mi 'dri bar 'gyur ro//yang na gzhal yas khang bskyed pa'i dus su de yang bskyed do zhe na/ ma yin te/ bcom ldan 'das kyis rdo rje ra ba lan gsum bskyed par ni gang nas kyang ma gsungs so/ /lan gnyis bskyed pas ci zhig bya cig car rdzogs pa nyid kyang rdo rje'i sa gzhi dang mtshams bcing ba dang rdo rje'i ra ba la sogs kun brtags mtha' dag stong pa nyid kyi rang bzhin sgyu ma'i ngo bor gnas pa nyid do//des ni srung ba'i 'khor lo yod kyang dkyil 'khor du mi 'dri ba'i 'thad pa brjod pa nyid do/ /kha cig ni kha cig la srung ba'i 'khor lo bri bar bya'o zhes 'dod do zhes bya ba ni 'jam pa'i rdo rje'i dkyil 'khor ro// //bsdus pa'i rim par gsungs pa'i dkyil 'khor la ni gzhal yas khang gi bar du snga ma bzhin no/ /khro bo rnams kyi khyad par ni bshad par bya'o/ / gzhal yas khang gi dbus su mi bskyod pa nag po drag po g.yas pa dang cig shos kyi zhal dkar po dang dmar po phyag g.yas pa rnams ni khro bo'i rdo rje dang 'khor lo dang pad+ma bsnams pa/ g.yon pa rnams ni dril bu dang yid bzhin gyi nor bu dang ral gri 'dzin pa rang dang 'dra ba'i reg bya rdo rje ma la 'khyud pa'o//de'i shar la sogs pa'i phyogs rnams su rnam par snang mdzad la sogs pa dang / me la sogs pa'i mtshams rnams su spyan ma la sogs pa'o/ /de la rnam par snang mdzad ni zhi ba dkar po'o/ /zhal dkar po dang nag po dang dmar po 'khor lo dang rdo rje dang pad+ma dkar po dang dril bu dang nor bu dang ral gri 'dzin pa'o//bshad zin pa dang 'chad par 'gyur ba'i phyag mtshan dang po nas rim pa bzhin du phyag g.yas par steng nas 'og tu dang / g.yon par 'og nas steng du rig par bya'o/ /rin chen 'byung ldan ni ser po ste zhal ser po dang nag po dang dkar po'o/ /zhal gyi mdog gsum ni rim pa bzhin du rtsa ba dang g.yas pa dang g.yon yin no//nor bu dang rdo rje dang 'khor lo dang / dril bu dang pad+ma ser po dang ral gri 'dzin pa'o/ /snang ba mtha' yas dmar po zhal dmar po dang nag po dang dkar po phyag g.yon pas dril bu dang bcas pa'i pad+ma dmar po'i yu ba thugs kar bzung ba/phyag g.yas pas kha 'byed pa'o/ /gzhan rnams kyis rdo rje dang 'khor lo dang rin po che dang / ral gri 'dzin pa'o/ /don yod grub pa ni ljang gu zhal ljang gu dang nag po dang dkar po ral gri dang sna tshogs rdo rje dang 'khor lo dang dril bu dang pad+ma ljang gu dang nor bu 'dzin pa'o/ /de bzhin gshegs pa lnga po 'di dang 'chad par 'gyur ba'i kun du bzang po'i bar ni ral pa'i thor cog dang rin po che'i cod pan dang rin po che la sogs pa'i rgyan sna tshogs kyis brgyan pa'o//spyan ma ni rnam par snang mdzad dang mtshungs pa ste/ 'on kyang pad+ma dkar po'i gnas su ut+pal dkar po'o/ /mA ma kI ni mi bskyod pa lta bu ste 'on kyang pad+ma'i gnas su ut+pal sngon dmar ro//gos dkar mo ni snang ba mtha' yas dang mtshungs pa'o/ /sgrol ma ni don yod grub pa lta bu sna tshogs rdo rje dang 'khor lo dang ut+pal sdo ser dang dril bu dang nor bu rin po che dang ral gri 'dzin pa'o/ /rim pa gnyis par me'i mtshams su gzugs rdo rje ma spyan ma lta bu ste 'on kyang dang po'i phyag dag gis me long dmar po 'dzin pa'o//bden bral du sgra rdo rje ma ser mo zhal ser po dang nag po dang dkar po dang ldan pa rtsa ba'i phyag gnyis kyis pi wang sngon mo bsgring ba'o/ /phyag lhag ma dag gis rdo rje dang ut+pal sngon mo dang rin po che dang ral gri 'dzin pa'o//rlung du dri rdo rje ma ni gos dkar mo lta bu rtsa ba'i phyag gnyis kyis dri'i dung chos ser po 'dzin pa'o/ /dbang ldan du ro rdo rje ma ljang gu zhal ljang gu dang nag po dang dkar po phyag dang po gnyis ro'i snod dmar po 'dzin pa'o/ /lhag ma rnams kyis rdo rje dang 'khor lo dang rin po che dang ral gri 'dzin pa'o//rim pa gsum pa'i shar gyi snam bu la byams pa dang sa'i snying po'o/ /lho'i snam bu la phyag na rdo rje dang nam mkha'i snying po'o/ /nub kyi snam bu la spyan ras gzigs dang 'jam pa'i dbyangs so/ /byang du sgrib pa thams cad rnam par sel ba dang kun du bzang po'o/ /brgyad po 'di dag ni rang gi rigs kyi bdag po dang mtshungs pa ste/'on kyang byams pa ni rtsa ba'i phyag gis 'khor los mtshan pa'i yal ga dang bcas pa'i klu shing gi me tog 'dzin pa'o/ /shar la sogs pa'i sgo dang me la sogs pa'i mtshams dang steng dang 'og tu go rims bzhin du khro bo bcu'o/ /de la gshin rje gshed ni nag po nag po dang dkar po dang dmar po rdo rje'i thob dang 'khor lo dang rdo rje dang thugs kar zhags pa dang bcas pa'i sdigs mdzub dang dril bu dang dgra s+t+wa 'dzin pa'o//shes rab mthar byed ni dkar po zhal dkar po dang nag po dang dmar po/ rdo rje dang rdo rjes mtshan pa'i dbyug pa dkar po dang / ral gri dang thugs kar zhags pa dang bcas pa'i sdigs mdzub dang dril bu dang dgra sta 'dzin pa'o//pad+ma mthar byed ni dmar po zhal dmar po dang nag po dang dkar po/ pad+ma dmar po dang ral gri dang gtun shing dang dril bu dang / dgra sta dang zhags pa 'dzin pa'o/ /bgegs mthar byed ni sngon po zhal sngon po dang dkar po dang dmar po/sna tshogs rdo rje dang 'khor lo dang gtun shing dang zhags pa dang bcas pa'i sdigs mdzub dang dril bu dang dgra sta 'dzin pa'o/ /mi g.yo ba ni sngon po zhal sngon po dang dkar po dang dmar po/ ral gri dang rdo rje dang 'khor lo dang sdigs mdzub dang dgra sta dang zhags pa 'dzin pa'o//'dod pa'i rgyal po ni sngon po zhal sngon po dang dkar po dang dmar po/ phyag gnyis kyis rdo rje hUM mdzad kyi phyag rgya 'dzin pa gzhan rnams kyis rdo rje dang ral gri dang zhags pa dang lcags kyu 'dzin pa'o/ /dbyug pa sngon po ni nag po zhal nag po dang dkar po dang dmar po/rdo rjes mtshan pa'i dbyug pa sngon po dang / ral gri dang 'khor lo dang thugs kar zhags pa dang bcas pa'i sdigs mdzub dang pad+ma dang dgra sta 'dzin pa'o/ /stobs po che ni nag po zhal nag po dang dkar po dang dmar po rdo rjes mtshan pa'i dbyug pa nag po dang ral gri dang 'khor lo dang thugs kar zhags pa dang bcas pa'i sdigs mdzub dang pad+ma dang dgra sta 'dzin pa'o//gtsug tor 'khor los sgyur ba ni nag po zhal nag po dang dkar po dang dmar po/ rtsa ba'i phyag dag gis gtsug tor spyi bor 'dzin pa'o/ /phyag lhag ma rnams kyis rdo rje dang pad+ma dang sdigs mdzub dang ral gri rnams 'dzin pa'o//lag pa gnyis thal mo gan rkyal du mnyam par brkyang ba'i srin lag gnyis ni sen mo'i steng du mthe bo gnyis kyi sen mos mnan te mthe'u chung gnyis brkyang ngo / /de bzhin du gung mo gnyis kyi sen mo mnyam par yang dag par rtse sprad la/ mdzub mo gnyis dbus su rwa'i rnam pa ni kun du snang ba zhes bya ba gtsug tor gyi phyag rgya'o zhes kha cig go/ /'ga' zhig tu ni gzhan no/ /gnod mdzes rgyal po nag po zhal nag po dang dkar po dang dmar po/ rdo rje dang 'khor lo dang rin po che dang thugs kar zhags pa dang bcas pa'i sdigs mdzub dang pad+ma dang ral gri 'dzin pa'o//mi bskyod pa la sogs pa 'di dag ni sna tshogs pad+ma'i steng du go rims bzhin du rdo rje rtse lnga pa dang 'khor lo dang rin po che ma ra ka ta cha dgu pa dang pad+ma dmar po dang sna tshogs rdo rje dang 'khor lo dang rdo rje dang pad+ma dang sna tshogs rdo rje dang klu shing gi me tog dang 'khor lo dang rdo rje dang rin po che dang /pad+ma dang rdo rje dang sna tshogs rdo rje dang rdo rje dang thob dang rdo rje dang pad+ma dmar po dang sna tshogs rdo rje dang ral gri'i yu ba dang rdo rje dang rdo rjes mtshan pa'i dbyug pa sngon po dang dbyug pa nag po dang rdo rje dang rdo rje la gnas pa'i nyi ma dang zla ba la bzhugs pa zhal gsum phyag drug pa'o//yang gzhan nas ni rang rang gi lha'i mdog lta bu'i rin po che las byas pa'o/ /de la rnam par snang mdzad dang lha mo rnams dang byang chub sems dpa' rnams zla ba la gnas pa'o/ /gzhan rnams ni nyi ma la gnas pa'o/ /mi bskyod pa la sogs pa rnams ni rdo rje'i skyil krung can no/ / khro bo rnams ni zhabs g.yon brkyang pa g.yas bskum pa zhal so so la dmar la zlum pa'i spyan gsum gsum mnga' ba sgra sgrogs shing 'bar ba ste/ shin tu 'jigs pa srung ba'i 'khor lor brjod pa'i 'jigs pa'i gzugs la sogs pa'i khyad par dang ldan pa'o/ /'dir dkyil 'khor gyi bdag po kho na yum dang bcas pa ste gnod mdzes kyi bar du lha gzhan rnams yum med pa'o//srung ba'i 'khor lo la gnas pa'i gshin rje gshed la sogs pa ni rang gi 'od kyi shes rab dang bcas pa ste de rnams ni go rims bzhin du rdo rje ro langs ma dang / gzhan gyis mi thub ma dang khro gnyer can dang ral pa gcig ma dang /sna tshogs rdo rje ma dang / sna tshogs rin chen ma dang / sna tshogs pad+ma dang / sna tshogs las ma dang / nam mkha' rdo rje ma dang / sa 'dzin ma rnams so/ /mi bskyod pa'i thugs kar ye shes sems dpa' phyag gnyis pa dmar po yum dang bcas pa'o/ /de'i thugs kar ting nge 'dzin sems dpa' hUM nag po'o//rnam par snang mdzad kyi oM/ rin chen 'byung ldan gyi swA/ snang ba mtha' yas kyi AHdon yod grub pa'i hA/ spyan ma la sogs pa'i lha mo rnams kyi lAM mAM pAM tAM/ dzaHhUM baM hoH/ reg bya rdo rje ma'i khaM ngo / /byams pa la sogs pa byang chub sems dpa' brgyad po rnams kyi mai th+liM/oM oM oM hUM oM saM ngo / /khro bo bcu po rnams kyi hUM ngo / /lha rnams kyi snying po'i sngags ni rdo rje phreng bar brjod do/ /rigs kyi bdag po ni mi bskyod pa dang kun du bzang po gnyis kyi gong du brjod pa'i rdo rje sems dpa' ste/ 'on kyang rdo rje dang 'khor lo dang / pad+ma dang dril bu dang /nor bu dang ral gri 'dzin pa/ rang 'dra ba'i rdo rje dbyings kyi dbang phyug mas yang dag par 'khyud pa'o/ /de bzhin gshegs pa rnams dang mA ma kI dang / phyag na rdo rje dang 'jam dpal dang gtsug tor 'khor los sgyur ba dang / gnod mdzes rgyal po rnams kyi ni mi bskyod pa'o//spyan ma dang gzugs rdo rje ma dang / byams pa dang sa'i snying po dang gshin rje gshed dang mi g.yo ba rnams kyi rnam par snang mdzad do/ /sgra rdo rje ma dang nam mkha'i snying po dang / shes rab mthar byed dang 'dod pa'i rgyal po rnams kyi ni rin chen 'byung ldan no/ /gos dkar mo dang / dri rdo rje ma dang spyan ras gzigs dang pad+ma mthar byed dang dbyug pa sngon po rnams kyi ni snang ba mtha' yas so//sgrol ma dang ro rdo rje ma dang reg bya rdo rje ma dang sgrib pa rnam par sel ba dang / bgegs mthar byed dang / stobs po che rnams kyi ni don yod grub pa'o/ /rgyas 'debs kyi de bzhin gshegs pa thams cad ni rang 'od kyi yum dang bcas pa'o//dpal kun tu kha sbyor gyi rgyud las gsungs pa'i rdo rje sems dpa'i dkyil 'khor ni rdo rje gur gyi nang du srung ba'i 'khor lo'i lte ba'i dbus su rlung dang me dang chu dang sa'i dkyil 'khor dang ri rab kyi steng du chos 'byung gi dkyil du gzhal yas khang ngo / /srung ba'i 'khor lor gshin rje gshed phyag g.yas pa gsum gyis rdo rje lcags kyu dang 'khor lo dang /rdo rje rnams bsnams pa/ g.yon gsum gyis snying gar sdigs mdzub dang bcas pa'i zhags pa dang dril bu dang dgra sta 'dzin pa'o/ /shes rab mthar byed ni rdo rje zhags pa dang / rdo rje dang ral gri dang snying gar sdigs mdzub dang dril bu dang dgra sta 'dzin pa'o//pad+ma mthar byed ni lcags sgrog dang pad+ma dang ral gri dang / dril bu dang dgra sta dang zhags pa'o/ /bgegs dgra ni rdo rje dril bu dang rdo rje rgya gram dang 'khor lo dang / snying gar sdigs mdzub dang bcas pa'i zhags pa dang gtun shing dang dgra sta'o//mi g.yo ba ni ral gri dang 'khor lo dang rdo rje dang sdigs mdzub dang dgra sta dang zhags pa'o/ /'dod pa'i rgyal po ni g.yas dang cig shos kyi phyag gnyis kyis rdo rje hUM mdzad kyi phyag rgya dang lcags kyu dang ral gri dang rdo rje dang zhags pa'o/ /dbyug pa sngon po ni rdo rjes mtshan pa'i dbyug pa sngon po dang /ral gri dang 'khor lo dang sdigs mdzub dang bcas pa'i zhags pa dang pad+ma dang dgra sta'o/ /stobs po che ni rtse gsum pa dang ral gri dang 'khor lo dang / snying gar sdigs mdzub dang bcas pa'i zhags pa dang pad+ma dang dgra sta'o/ /gtsug tor 'khor los sgyur ba ni g.yas dang cig shos kyi phyag dang po gnyis kyis spyi bor gtsug tor gyi phyag rgya dang 'khor lo dang pad+ma dang sdigs mdzub dang ral gri'o//gnod mdzes ni rdo rje dang 'khor lo dang rin po che dang / snying gar sdigs mdzub dang bcas pa'i zhags pa dang pad+ma dang ral gri'o/ /bcu po 'di dag ni dbu la thod pa lngas brgyan pa 'khor lo la sogs pa'i phyag rgya lnga dang ldan pa mi mgo'i phreng ba ske la 'chang ba go rims bzhin du rnam par snang mdzad dang rin chen 'byung ldan dang 'od dpag med dang don yod grub pa dang rtag pa dang rin chen 'byung ldan dang 'od dpag med dang don yod grub pa pa dang mi bskyod pa dang mi bskyod pas rgyas btab pa'o//gzhal yas khang gi dbus su rdo rje sems dpa' zhal 'dzum pa dang bcas pa'i sku mdog dkar po la cung zad dmar ba'i mdangs dang ldan pa ral pa'i thor cog nag po la gnas pa'i nor bu dang sna tshogs rdo rje dang de'i 'og tu g.yon ngos su gnas pa'i zla ba phyed pa dri ma med pa dang /sangs rgyas lnga'i cod pan can dpral ba'i steng du thod pa lnga dang gtsug gi 'khor lo dang / rna cha dang mgul rgyan dang lag gdub dang ske rags dang thal ba rnams kyis brgyan pa zhal gsum pa g.yas pa dang cig shos kyi zhal sngon po dang dmar po zhal re re la spyan gsum gsum dang ldan pa phyag drug pa rdo rje dang rdo rje dril bus rnam par mdzes pa'i phyag gnyis kyis rang dang 'dra ba'i shes rab la 'khyud cing chu skyes la mnyam par sbyar ba'i dga' ba dang ldan pa phyag g.yas pa dag gis ral gri dang lcags kyu 'dzin pa g.yon pa dag gis thod pa dang zhags pa 'dzin pa nyi ma'i 'od kyi dkyil 'khor can sna tshogs pad+ma dang thod pa dang zla ba'i gdan la skyil krung phyed pas bzhugs pa gar gyi nyams dgu dang ldan pa'o//de'i thugs kar sna tshogs pad+ma dang zla ba la ye shes sems dpa' sku mdog dkar dmar sems dpa'i skyil krung can sangs rgyas lnga'i cod pan gyis spras pa rin po che'i rgyan gyis brgyan pa rdo rje dang rdo rje dril bu dang bcas pa'i phyag gnyis kyis/rang dang 'dra ba'i shes rab la 'khyud pa/ de'i thugs kar zla ba la ting nge 'dzin sems dpa'i rang bzhin hUM nag po'i rnam pa'o/ /'dir sems dpa' gsum gyi bdag nyid can rdo rje 'chang gi shar du rnam par snang mdzad dkar po zhi ba phyag bzhi pa g.yas pa dag gis 'khor lo dang dril bu dang g.yon pa dag gis thod pa dang zhags pa bsnams pa'o//lhor ni rin chen 'byung ldan ser po phyag bzhi pa g.yas pa dag gis rin po che dang lcags kyu g.yon pa dag gis thod pa dang zhags pa bsnams pa'o//nub tu 'od dpag med dmar po phyag bzhi pa g.yas pa dag gis mda' dang pad+ma g.yon pa dag gis gzhu dang zhags pa 'dzin pa'o/ /byang du don yod grub pa ljang gu phyag bzhi pa g.yas pa dag gis rdo rje dang lcags kyu/ g.yon pa dag gis dril bu dang thod pa 'dzin pa'o//dbang ldan du spyan ma dkar mo phyag brgyad ma g.yas rnams kyis 'khor lo dang / rdo rje dang ral gri dang mda' rnams so/ /g.yon pa rnams kyis thod pa dang dril bu dang zhags pa dang gzhu rnams so/ /me ra mA ma kI sngon mo phyag bcu gnyis pa g.yas pa rnams kyis mda' dang ral gri dang rdo rje dang 'khor lo dang /rin po che dang pad+ma'o/ /g.yon pa rnams kyis gzhu dang lcags kyu dang dril bu dang zhags pa dang thod pa dang kha T+wAM ga'o/ /bden bral du gos dkar mo dmar mo phyag brgyad ma g.yas rnams kyis mda' dang pad+ma dang ral gri dang rdo rje rnams so/ /g.yon pa rnams kyis gzhu dang thod pa dang zhags pa dang /dril bu bsnams pa'o/ /rlung du sgrol ma ljang gu phyag brgyad ma g.yas pa rnams kyis ut+pal dmar po dang ral gri dang / lcags kyu dang mda'o/ /cig shos rnams kyis 'khor lo dang zhags pa dang thod pa dang gzhu rnams so/ /rim pa gnyis pa la shar gyi phyogs su rdo rje drag mo dkar mo phyag na mda' dang lcags kyu dang gzhu dang byang chub kyi sems kyis gang ba'i thod pa 'dzin pa'o//lhor rdo rje gzugs ma ser mo phyag na rdo rje dang / mdung dang zhags pa dang thod pa khrag gis gang ba'o/ /nub tu 'dod chags rdo rje ma dmar mo phyag na ral gri dang rdo rje dang chus gang ba'i thod pa dang dril bu'o//byang du rdo rje zhi ba ma ljang gu ni phyag na tal pa thung ngu dang ba dan gsum pa dang rdo rjes mtshan pa'i kha T+wAM ga dang sman gyis gang ba'i thod pa rnams so/ /dbang ldan du rdo rje gnod sbyin ma ni dkar ser gyi mdog la phyag na dbyug to dang ut+pal dang thod pa dang Da ma ru'o//mer rdo rje mkha' 'gro ma dmar ser phyag na pad+ma dang me long dang rkang mar gyis gang ba'i thod pa dang dgra sta'o/ /bden bral du sgra rdo rje ma sngon dmar phyag na shak+ti dang dung dang 'khor lo dang khrag gis gang ba'i thod pa'o/ /rlung dus rdo rje ma dkar ljang pad+ma dang rdo rje dang bdud rtsi lnga dang sha lngas gang ba'i thod pa mi lpags kyis g.yogs pa dang dril bu'o//brgyad po 'di dag ni phyag bzhi pa dang po'i phyag mtshan gnyis ni g.yas pa dag gis 'dzin pa gzhan gnyis ni g.yon pa dag gis 'dzin pa'o/ /rim pa gsum pa'i shar du bzhad ma dmar mo phyag gnyis rdo rje dang rdo rje dril bu dang bcas pas mngon par bzhad pa'i tshul can no//lhor sgeg mo sngon po phyag gnyis rdo rje dang rdo rje dril bu 'dzin pas snyems pa dang bcas pas mngon par sgeg pa'i tshul can no/ /nub tu glu ma ser mo ni sku cung zad g.yo zhing sgeg pa'i phyag gnyis kyis ting ting shag 'dzin pa'o/ / byang du gar ma ljang gu pad skor gyi tshul la sogs pa'i gar gyis g.yo ba'i phyag gnyis kyis rdo rje rtse gsum pa dang rdo rje dril bu 'dzin pa'o/ /dbang ldan du gling bu ma dmar mo'o/ /mer pi wang ma ser mo phyag gnyis ma sgeg mo'i nyams kyis bag tsam lus g.yo ba'o/ /bden bral du mu kun+da ma dkar mo'o//rlung du rdza rnga ma du ba'i mdog can no/ /bzhi po 'di dag ni phyag gnyis kyis rang rang gi rol cha brdung ba'o/ /de nas phyi'i snam bu la me'i mtshams su me tog ma dkar mo phyag g.yon gyis me tog gi phreng ba dang cig shos kyis 'khor lo 'dzin pa'o/ /bden bral du bdug spos ma du ba'i mdog can phyag g.yon gyis bdug spos kyi snod dang cig shos kyis rin po che 'dzin pa'o//rlung du mar me ma gser gyi mdog can phyag g.yon du mar me'i kong bu g.yas su pad+ma 'dzin pa'o/ /dbang ldan du dri chab ma dmar mo phyag g.yon gyis dri'i dung chos dang cig shos kyis ral gri 'dzin pa'o//shar gyi phyogs su me long ma dkar mo phyag gnyis kyis me long 'dzin pa'o/ /lhor ro ma dmar mo phyag gnyis kyis ro'i snod 'dzin pa'o/ /nub tu reg ma ljang gu phyag gnyis kyis gos sna tshogs 'dzin pa'o/ /byang du chos ma dkar mo phyag gnyis kyis chos 'byung dkar po 'dzin pa'o//'di rnams dang rnam par snang mdzad la sogs pa'i lha rnams ni zhal gcig spyan gsum pa ral ba'i cod pan nag po la thod pa lnga dang 'khor lo la sogs pas brgyan pa/ lha'i na bza' gon pa skyil krung phyed pa'i gar gyis bzhugs pa'o/ /shar sgor rdo rje lcags kyu ma nam mkha'i mdog lta bu sngo bsangs zhal g.yas nag po g.yon dkar po phyag drug pa g.yas pa rnams kyis lcags kyu dang ral gri dang 'khor lo 'dzin pa'o//g.yon rnams kyis zhags pa dang sdigs mdzub dang dril bu'o/ /lho sgor rdo rje zhags pa ma dkar ser zhal g.yas nag po g.yon dmar po/phyag drug pa g.yas pa rnams kyis zhags pa dang rdo rje dang ral gri'o/ /g.yon pa rnams kyis 'khor lo dang dril bu dang sdigs mdzub dang bcas pa'i zhags pa'o/ /nub sgor rdo rje lcags sgrog ma dmar mo zhal g.yas nag po g.yon dkar po phyag drug pa g.yas rnams kyis lcags sgrog dang rdo rje dang ral gri'o//g.yon rnams kyis 'khor lo dang dril bu dang lcags kyu'o/ /byang du rdo rje dril bu ma ljang gu zhal g.yas nag po g.yon dkar po phyag drug pa g.yas pa rnams kyis dril bu dang rdo rje dang ral gri'o/ /g.yon pa rnams kyis 'khor lo dang lcags kyu dang zhags pa'o//bzhi po 'di rnams ni zhal re re la spyan gsum gsum dang ldan pa dbu skra dmar ser 'bar zhing gyen du brdzes pa thod pa lnga dang 'khor lo la sogs pas brgyan pa stag gi pags pa gon pa zhabs g.yas brkyang ba g.yon bskum pas gar byed pa'i tshul gyis sna tshogs pad+ma dang thod pa dang nyi ma la bzhugs pa'o//rin chen 'byung ldan dang 'od dpag med dang don yod grub pa rnams sna tshogs pad+ma dang thod pa dang nyi ma'i gdan la'o/ /lha gzhan thams cad ni sna tshogs pad+ma dang thod pa zla ba'i gdan la gnas pa'o/ /thams cad kyang nyi ma'i 'od zer can kho na'o//'dir rdo rje sems dpa' kho na shes rab dang bcas pa ste/ lha gzhan thams cad shes rab ma dang bral ba'o zhes pa ni phyogs gcig go/ /rang lta bu'i shes rab ma dang bcas pa zhes pa ni phyogs gnyis pa'o/ /rigs kyi bdag po ni rdo rje sems dpa' la sogs pa'i de bzhin gshegs pa rnams dang mA ma kI dang sgra rdo rje ma dang glu ma dang reg bya rdo rje ma dang chos kyi dbyings kyi rdo rje ma rnams kyi mi bskyod pa'o//spyan ma dang rdo rje drag mo dang sa'i rdo rje ma dang me tog ma dang / bzhad ma dang gling bu ma dang rdo rje lcags kyu ma rnams kyi rnam par snang mdzad do//rdo rje mkha' 'gro ma dang rdo rje sku ma dang rdo rje bdug spos ma dang / sgeg mo dang pi wang ma dang rdo rje zhags pa ma rnams kyi rin 'byung ngo / /gos dkar mo dang rdo rje chags pa ma dang / mar me ma dang dri chab ma dang mu kun+da ma dang lcags sgrog ma rnams kyi snang ba mtha' yas so/ /sgrol ma dang rdo rje zhi ba ma dang rdo rje gnod sbyin ma dang /gar ma dang ro ma dang / rdza rnga ma dang dril bu ma rnams kyi don yod grub pa'o/ /thugs ka'i sa bon ni rdo rje sems dpa' la sogs pa rnams dkyil 'khor lo dgod pa'i rim pas/ hUM bruM/ AM hIHkhaM b+h+rUM/ hUM hrIHtaM aM AM iM IM uM UM aM AHraM hAM/ IM rAM laM d+haM liM/gaM baM liM naM raM/ oM oM eM aiM dzaHhUM baM hoHzhes pa'o/ /rdo rje sems dpa'i snying po'i sngags ni oM badzra a mr-i ta ma hA su khaM haM swA hA zhes pa'o/ /rdo rje dril bu'i sngags oM AHbadzra g+haN+De hoHhaM swA hA zhes pa ni las thams cad pa'o/ /rdzogs pa'i rim pa'i rnal 'byor pa la ni 'khor lo'i gtso bo'i snying po'i sngags nyid kyis lha gzhan rnams kyi snying po'i sngags kyis bsgrub bya yang 'grub par 'gyur bas de rnams ni ma bris te gzhung mangs pas 'jigs pas so//de bzhin du thog ma dang tha ma yang rig par bya'o/ /ye shes mkha' 'gro ma'i dkyil 'khor ni rdo rje gur gyi nang du sna tshogs pad+ma dang sna tshogs rdo rje'i lte bar gnas pa'i gzhal yas khang gi dbus su gdugs dkar po dang bcas pa'i seng ge la gnas pa'i sna tshogs pad+ma dang nyi mar ye shes mkha' 'gro ma sngon mo'o//'di'i cod pan dar gyis bcings pa'i steng du rdo rjes mtshan pa sangs rgyas lnga 'od 'phro bas brgyan pa/rtsa ba'i zhal khro zhing gad rgyangs dang bcas pa/ g.yas dkar ba bzhad pa dang bcas pa/ g.yon dmar ba sgeg pa dang bcas pa/ zhal re re la spyan gsum gsum pa/ g.yas pa'i phyag gsum na steng du bstan pa'i kha T+wAM ga dang dgra sta dang rdo rje'o/ /g.yon gyi gsum la dril bu dang khrag gis gang ba'i thod pa dang ral gri rnams so//'di'i shar gyi phyogs su rdo rje mkha' 'gro ma dkar mo sgeg pa'i nyams dang ldan pa'o/ /byang phyogs su 'jigs byed mkha' 'gro ma gser gyi mdog can no/ /nub tu ro langs ma dmar mo'o/ /lho phyogs su gtum mo sngon mo'o/ bzhi po 'di dag kyang seng ge la gnas pa'i sna tshogs pad+ma dang nyi ma la gnas pa g.yas pa dang cig shos kyi phyag gnyis kyis steng du bsgreng pa'i kha T+wAM ga dang khrag gis bkang ba'i thod pa 'dzin pa'o/ /dbang ldan du seng ge mo ni seng ge'i gdong pa can g.yas ser g.yon dkar ba'i lus phyed phyed pa glang po che dkar po'i gdan la bzhugs pa'o//me'i mtshams su stag mo stag gi gdong pa can g.yon sngon mo g.yas dkar ba phyed phyed kyi sku rin po che bdun gyi phung po la gnas pa'o/ /srin po'i mtshams su ce spyang ma ce spyang gi gdong can g.yas dmar ba g.yon nag po'i lus phyed phyed pa ma he la bzhugs pa'o//rlung gi mtshams su 'ug pa mo 'ug pa'i gdong can g.yon pa dang g.yas pa'i lus phyed phyed pa ser po dang dmar po'o/ /klu brgyad kyi gzhug ma rnams la bzhugs pa'o/ /bzhi po 'di dag ni g.yas pa dang g.yon pa'i phyag gnyis rdo rje lcags kyu dang sdigs mdzub dang bcas pa'i rdo rje zhags pas brgyan cing sna tshogs pad+ma dang nyi ma la gnas pa'o//de'i shar sgor rgyal ba'i dbang phyug ma dkar mo phyag gnyis kyis thal mo khar bcug pa'o/ /byang du gsal byed ma ser mo mar me lta bu'i thal mo kha sbyar ba spyi bor 'dzin pa'o/ /nub tu 'jigs byed ma dmar mo khrag gis gang ba'i snyim pa steng du byas te kha'i thad kar bzung nas khrag gi rgyun 'thung bar byed pa'o//lhor kam+po dzi nag po rdo rje'i snyim pa la mthe bo'i rtse mo gnyis phan tshun sbyar te sdigs mdzub gnyis kyi rtse mo brkyang ba sbyar nas rang gi gsang ba'i gnas ston par byed pa'o//bzhi po 'di dag ni sna tshogs pad+ma la gnas pa'i yi dwags kyi snying gar nyi ma'i gdan la bzhugs pa'o/ /rdo rje mkha' 'gro ma la sogs pa bcu gnyis ni zhal gcig la spyan gsum pa'o/ /lha mo bcu gsum po thams cad kyang lha'i gos dmar po mnabs pa dbu la thod pa lnga'i phreng ba dang bcas pa'i phyag rgya lnga dang ldan pa sems dpa'i skyil krung can klu'i rgyal po brgyad kyis rnam par brgyan pa bskal pa'i mtha'i me 'bar ba'i 'od lta bu'i 'od zer gyi tshogs kyis 'jigs par byed pa go rims bzhin du mi bskyod pa dang rnam par snang mdzad dang rin chen 'byung ldan dang snang ba mtha' yas dang /don yod grub pa dang mi bskyod pa dang / rnam snang dang rin 'byung dang snang mtha' dang / rtag pa dang 'od dpag med dang / don yod grub pa rnams kyis rgyas btab pa'o/ /hUM hUM hUM hUM hUM/ AM IM UM r-IM l-IM aiM auM AH'di rnams ni thugs ka'i sa bon rnams so//oM hrIHswA hA/ zhes bya ba ni ye shes mkha' 'gro ma'i snying po'i sngags so/ /oM be tA lI hUM swA hA/ zhes bya ba ni ro langs ma'i sngags te las thams cad pa'o// //bcu bdun gyi bdag nyid kyi kye rdo rje'i dkyil 'khor la rdo rje gur gyi nang du chos 'byung gi dkyil na gnas pa'i gzhal yas khang gi dbus su sna tshogs pad+ma'i ze 'bru la gnas pa'i ro'i snying gar gnas pa'i khrag gis gang ba'i thod pa'i steng du nyi ma la kye'i rdo rje rnam pa gsum mo//bzhi pa la ni ro dang bral ba'o/ /de la 'jig rten gsum kun du bskyod pa nag po sna tshogs rdo rjes mtshan pa'i dbu skra kham ser gyen du brdzes pa thod pa lnga dang phyag rgya drug dang /mi mgo rlon pa'i phreng bas brgyan pa'o/ /rgyab kyi char stag gi pags pa'i smad dkris can zhabs g.yon pa'i brla la g.yas pa'i zhabs kyi rtse mo yang dag par bzhag pa'i skyil krung phyed pas gnas pa spyan gsum dmar la zlum pa zhal gcig phyag gnyis pa phyag g.yon pas thod pa khrag gis gang ba rdo rjes mtshan pa 'dzin pa/'chad par 'gyur ba'i rang bzhin gyis bdag med ma la 'khyud pa/ phyag g.yas pa rdo rje rtse lnga pa'i dbyug pa brdeg pa'i tshul gyis 'dzin pa'o/ /yang na phyag bzhi pa phyag gnyis pa lta bu phyag gzhan gnyis kyis bdag nyid lta bu'i rdo rje phag mo la yang dag par 'khyud pa'o zhes bya ba 'di ni khyad par ro//yang na phyag drug pa nag po zhal gsum pa nag po dang dkar po dang dmar po/ zhal re re la spyan gsum pa ral pa'i cod pan gyis brgyan pa phyag g.yas pa rnams ni rdo rje dang mda' dang rtse gsum pa 'dzin pa/g.yon pa rnams kyis rdo rje dril bu dang gzhu dang thod pa'o/ /rdo rje dang rdo rje dril bu dang ldan pa'i phyag gnyis kyis bdag nyid lta bu'i rdo rje lu gu rgyud ma la 'khyud pa ste/ gzhan ni ji ltar rigs par snga ma bzhin no/ /he ru ka 'di gsum gyi shar la sogs pa'i 'dab ma brgyad la rdo rje lha mo la sogs pa brgyad do//de dag gi phyi rol du dbang ldan la sogs pa'i mtshams su gling bu ma dang pi wang ma dang mu kuN+Da ma dang rdza rnga ma rnams so/ /shar la sogs pa'i sgo rnams su rdo rje lcags kyu ma dang / rdo rje zhags pa ma dang / rdo rje lcags sgrog ma dang rdo rje dril bu ma rnams so/ /lha mo bcu drug po 'di rnams ni gang bzhin te/yab dang bral ba'o/ /he ru ka gsum gyi rigs kyi bdag po mi bskyod pa'o/ /thugs ka'i sa bon hUM ngo / /snying po'i sngags ni oM AHhUM hrIHswA hA/ so so'i sngags ni rim pa bzhin du oM trai lokyA k+She pa hUM hUM hUM phaT swA hA/ oM dz+wa la b+h+yo hUM hUM hUM phaT swA hA/oM ki Ti ki Ti badzra hUM hUM hUM phaT swA hA/ zhes so/ /kye'i rdo rje bzhi pa ni phyag bcu drug pa mi bskyod pas rgyas btab pa bdag med pa dang snyoms par 'jug pa/ 'on kyang 'di la gong du bshad pa'i ro'i gnas su bdud bzhi ste/ de la phung po'i bdud kyi rang bzhin tshangs pa ser po/ nyon mongs pa'i bdud khyab 'jug nag po/'chi bdag gi bdud dbang phyug chen po dkar po/ lha'i bu'i bdud ni brgya byin kham ser ro/ der bcom ldan 'das zhabs bzhi ba'i zhabs gnyis kyis rdo rje'i skyil krung phyed pa rang gzhan gnyis kyis ni g.yon bskum pa dang g.yas brkyang bas bzhugs pa/sku mdog nag po dang sna tshogs rdo rje la sogs pa nas stag gi pags pa'i bar du sngar bshad pa'i khyad par dang ldan pa zhal brgyad pa spyan nyi shu rtsa bzhi pa rtsa ba'i zhal nag po gad mo can g.yas pa dkar po g.yon dmar po steng du gnas pa'i mche ba gtsigs pa lhag ma rnams ni nag po'o//g.yas pa'i phyag rnams ni rdo rje dang ral gri dang mda' dang 'khor lo dang thod pa dang dbyug pa dang rtse gsum pa dang lcags kyu rnams so/ /g.yon pa rnams su dril bu dang pad+ma dang gzhu dang kha T+wAM ga bsgreng ba dang thod pa dang rin po che dang sdigs mdzub dang zhags pa'o/ /shar gyi 'dab mar gau rI dkar ser phyag g.yas pa gnyis na mda' phyung ba dang rdo rje gri gug go//g.yon gnyis na gzhu dang nya ro hi ta dang bcas pa'i khrag gis gang ba'i thod pa'o/ /lhor tsau rI dmar mo rdo rje dang Da ma ru dang lcags kyu dang phag pa dang bcas pa'i thod pa khrag gis gang ba'o/ /nub tu ro langs ma ni sku mdog dkar ser ral gri dang rus sbal dang bcas pa'i thod pa khrag gis gang ba dang chang gis gang ba'i thod pa dang dri chus gang ba'i thod pa'o//byang du g+hasma rI ljang gu cung zad ser ba rkang mar gyis gang ba'i thod pa la gnas pa'i sbrul dang mi 'jigs pa'i phyag rgya dang rdo rjes mtshan pa'i me thab dang dgra sta'o//dbang ldan du puk+ka sI ser mo shas gang ba'i thod pa la gnas pa'i seng ge dang mchog sbyin gyi phyag rgya dang dpag bsam shing gi yal ga dang rin po che'o/ /me'i mtshams su sha ba rI dkar mo byang chub sems kyis gang ba'i thod par gnas pa'i dge slong dang rdo rje dang kha T+wAM ga dang zhags pa'o//srin po'i mtshams su tsaN+DA lI sngon mo g.yas su khrag gis gang ba'i thod pa la stag dang g.yon du pad+ma dkar po dang phyag gnyis na rlung ras so/ /rlung gi mtshams su DoM bi nI nag mo chang gis gang ba'i thod pa dang rtse gsum pa gyen du bstan pa dang bdud rtsi lngas gang ba'i thod pa la gnas pa'i ce spyang dang gshol lo//de dag gi phyi'i zur rnams su gling bu ma la sogs pa bzhi snga ma bzhin du'o/ /shar gyi sgo ru rta gdong ma nag mo zhal rnams nag mo dang dkar mo dang ser mo dang steng gi rta gdong ljang gu'o/ /lho ru phag gdong ma ser mo zhal rnams ni ser mo dang nag mo dang dkar mo'i steng du phag zhal dmar po'o//nub tu khyi gdong ma dmar po zhal rnams ni dmar mo dang nag mo dang dkar mo'i steng du khyi gdong ser po'o/ /byang sgor seng gdong ma ljang gu zhal rnams ni ljang gu dang nag mo dang dkar mo'i steng du seng ge'i gdong pa dmar po'o/ /'di ltar rtsa ba dang g.yas pa dang cig shos dang steng gi rim pas zhal bzhi pa'o//sgo skyong ma rnams phyag bzhi pa rdo rje lcags kyu ma la sogs pa bzhin du phyag mtshan 'dzin pa sna tshogs pad+ma dang khrag gis gang ba'i thod pa la gnas pa'i ro'i steng du g.yas bskum pa dang g.yon brkyang bas gnas pa dbu skra dmar ser gyen du brdzes pa'o//lha gzhan rnams ni skyil krung phyed pa dang ldan pa/ thams cad kyang zhal re re zhing spyan gsum pa phyag rgya lnga la sogs pas brgyan pa yab med pa'o/ /bcom ldan 'das kyi thugs ka'i sa bon ni hUM ngo / /snying po'i sngags ni/ oM de wa pi tsu badzra hUM hUM hUM phaT swA hA/zhes pa'o/ /g+hasma rI'i oM oM swA hA/ zhes pa ni las thams cad pa'i sngags so/ /bdag med ma'i dkyil 'khor la rdo rje gur gyi nang du chos 'byung gi dbus su gnas pa'i gzhal yas khang gi nang du sna tshogs pad+ma'i lte bar bdag med pa'o/ /shar la sogs pa'i phyogs kyi pad+ma'i 'dab mar rdo rje ma dang gau rI ma dang chu ma dang rdo rje mkha' 'gro ma rnams so//rim pa gnyis par sna tshogs pad+ma rnams la shar la sogs par gau rI/ tsau rI be+e tA lI g+hasma rI rnams so/ /dbang ldan la sogs par puk+ka sI dang sha ba rI dang tsan+Da lI dang DoM bi nI rnams so/ /bdag med ma'i steng gi shar ngos kyi pad+ma la gnas pa'i mkha' spyod ma steng zhal can no//'og gi nub ngos kyi pad+ma la gnas pa'i sa spyod ma 'og zhal can no/ /'dir phyi ma la gnas pa'i gau rI la sogs pa brgyad ni phyag bcu drug pa'i dkyil 'khor lta bur ser po la sogs pa'i mdog can no/ /gzhan bdun ni sngon mo'o//bco lnga po yang skyil krung phyed pas ro'i snying gar gnas pa'i zla ba'i dkyil 'khor la gnas pa'o/ /zhal gcig pa spyan gsum pa dmar ba dbu skra dmar ser gyen du brdzes pa stag gi pags pa'i sham thabs can phyag bzhi pa g.yas dag gis rdo rje dang gri gug go/ / g.yon pa dag gis thod pa dang / gyen du bsgreng ba'i kha T+wAM ga 'dzin pa'o/ /dbu la thod pa lnga'i phreng bas brgyan pa/ phyag rgya lnga dang ldan pa'o/ /zur rnams la gling bu ma la sogs pa bzhi ni snga ma bzhin no/ /shar gyi sgor rta gdong ma dkar sngo/ lhor phag gdong ma ser sngo/ nub tu khyi gdong ma dmar sngo/byang du seng gdong ma ljang sngo/ bzhi po 'di dag kyang g.yas brkyang g.yon bskum gyis nyi ma la gnas pa'o/ /g.yas dang g.yon pa'i phyag gnyis kyis gri gug dang thod pa 'dzin pa ming gis rjes su mthun pa'i zhal gcig ma phyag gnyis gnyis dang ldan pa'o/ / 'di dag gi khyad par ni bdag med ma dang mtshungs pa'o/ /bdag med ma la sogs pa rnams la go rims bzhin du mi bskyod pa dang rtag pa dang / rin chen 'byung ldan dang snang ba mtha' yas dang don yod grub pa dang mi bskyod pa dang / rtag pa dang rin chen 'byung ldan dang / snang ba mtha' yas dang rnam par snang mdzad dang /rin chen 'byung ldan dang snang ba mtha' yas dang rnam par snang mdzad dang mi bskyod pa rnams kyis rgyas btab pa'o/ /gling bu ma la sogs pa dang stag gdong ma la sogs pa rnams la rnam par snang mdzad dang rin chen 'byung ldan dang snang ba mtha' yas dang don yod grub pa rnams kyis so//bdag med ma'i thugs ka'i sa bon ni AM/ oM aM swA hA/ zhes bya ba ni g+hasma rI'i sngags te las thams cad pa'o/ /yang na bdag med ma la sogs pa lha mo bco lnga'i bdag nyid kyi dkyil 'khor ro/ /de la lha mo thams cad sku mdog nag mo g.yas g.yon gyi phyag gnyis kyis gri gug dang thod pa 'dzin pa mchod phyir thogs pa 'dra ba'i kha T+wAM ga dang bcas pa'o//gzhan rnams ni gong ma bzhin no/ /oM AHbadzra g+hasma rI oM hUM swA hA/ zhes bya ba ni g+hasma rI'i sngags so// //gang gi tshe dkyil 'khor gyi bdag po ku ru kul+le dmar mo phyag bzhi ma g.yas gnyis kyis mda' dang lcags kyu 'dzin pa/g.yon gnyis kyis ut+pal la dmar po dang gzhu 'dzin pa zhal gcig pa spyan gsum pa snang ba mtha' yas kyis rigs kyi bdag po byas pa/ rdo rje ma la sogs pa bcu bzhi sku mdog dmar mo phyag gnyis kyis mda' dang gzhu 'dzin pa bco lnga po thams cad kyang pad+ma dmar po dang ro'i snying gar zla ba la skyil krung phyed pas gnas pa'o//ku ru kul+le'i snying ga'i sa bon ni hrIHoM ku ru ku l+le hrIHswA hA/ zhes bya ba ni snying po'i sngags so/ /gzhan ni sngar bzhin du ste de'i tshe ku ru kul+le'i dkyil 'khor du 'gyur ro/ /rdo rje bdud rtsi'i dkyil 'khor la rdo rje gur gyi nang du chos 'byung gi dbus su gnas pa'i gzhal yas khang gi dbus su sna tshogs pad+ma'i ze 'brur zla ba la dpal rdo rje bdud rtsi sems dpa'i skyil krung gis gnas pa me tog phri yang ku lta bu ljang ser/rtsa ba dang g.yas pa dang g.yon pa'i zhal gsum me tog pri yang ku lta bu ljang ser dang dkar po dang dmar po sna tshogs pa'i lag gdub dang rkang gdub la sogs pa dang gos rnams kyis brgyan pa phyag drug pa rdo rje dang dril bur bcas pa'i phyag gnyis kyis rang 'od kyi shes rab ma la 'khyud pa g.yas pa gnyis kyis 'khor lo dang ral gri/g.yon pa gnyis kyis zhags pa dang lcags kyu 'dzin pa 'od dmar po'i dkyil 'khor can zhi ba dang sgeg pa'i nyams kyi tshogs can no//shar gyi 'dab mar zhi ba mo dkar mo zhal gsum ni dkar ba dang nag pa dang dmar ba'o/ /lhor zhi gdong ma ser mo zhal gsum ni ser po dang / dkar po dang dmar po'o/ /nub tu zla ldan ma dmar mo zhal gsum ni dmar po dang nag po dang dkar po'o//byang du ri bong can ma ljang gu zhal gsum ni ljang gu dang dkar po dang dmar po'o/ /me'i mtshams su zla dkyil ma sngon mo zhal gsum ni sngon mo dang dkar po dang dmar po'o/ /bden bral du zla tshes ma me tog pri yang ku lta bu ljang ser mo zhal gsum ni ljang ser dang dkar po dang dmar po'o//rlung du yid 'ong ma ut+pal sngon mo'i mdog can zhal gsum ni sngon mo dang dkar po dang dmar po'o/ /dbang ldan du yid tshim byed ma gser gyi mdog can ma zhal gsum ni ser po dang dkar po dang dmar po'o/ lha mo 'di rnams ni dkyil 'khor gyi gtso bo'i phyag mtshan lta bu 'dzin pa'o//'on kyang 'khor lo'i gnas su zla ba'i dkyil 'khor 'dzin pa'o/ /zla tshes ma ni zla ba'i cha gcig 'dzin pa'o/ /rim pa gnyis par dbang ldan gyi mtshams su me tog ma dkar po ni zhal gsum pa dkar po dang nag po dang dmar po'o/ / mer bdug spos ma du ba'i mdog can zhal gsum pa du ba'i mdog dang dkar ba dang dmar ba'o/ /bden bral du mar me ma gser gyi mdog can ma zhal gsum pa gser mdog dang dkar po dang nag po'o/ /rlung du dri chab ma dmar mo zhal gsum pa dmar po dang nag po dang dkar po'o/ / 'di rnams ni go rims bzhin du g.yas kyi dang pos me tog gi za ma tog dang spos phor dang mar me'i mchod sdong dang dri'i dung chos 'dzin pa'o/ /phyag lhag ma rnams kyis gtso bo'i phyag mtshan 'dzin pa'o/ /shar la sogs pa'i snam bu la gling bu ma dang pi wang ma dang mu kun+da ma dang rdza rnga ma rnams ni dmar po dang ser po dang dkar po dang du ba'i mdog can gyi zhal gcig ma phyag gnyis kyis gling bu la sogs pa'i sgra sgrogs par brtson pa'o//shar gyi sgor khro gnyer rim par ldan ma sngon po nam mkha' lta bu sngon po dang dkar po dang dmar po'i zhal gsum mo/ /lho'i sgor 'jigs sdigs dkar po 'jigs su rung ba dkar po dang nag po dang dmar po'i zhal gsum mo//nub sgor rta'i gzugs can dmar mo dmar po dang dkar po dang nag po'i zhal gsum mo/ /byang sgor tshogs kyi gtso bo ljang gu ljang gu dang dkar po dang dmar po'i zhal gsum pa'o/ /'di dag ni 'gying ba'i khro bo 'gying ba'i stang stabs kyis bzhugs pa dkyil 'khor gyi gtso bo'i phyag mtshan 'dzin pa'o//khyad par ni g.yas dang po'i phyag gis rim pa ji lta bar lcags kyu dang zhags pa dang / lcags sgrog dang dril bu 'dzin pa mche ba cung zad gtsigs pa'o/ /'dir dkyil 'khor gyi gtso bo'i gzugs brnyan ni de bzhin gshegs pa lnga dang rdo rjes mtshan pa'i rin po che sna tshogs pa'i cod pan dang ldan pa'o//de las gzhan pa'i lha nyi shu pa rnams ni rdo rje dang bdud rtsi dang po tis mtshan pa'i rin po che'i cod pan can zla ba'i dkyil 'khor la gnas pa/ dkyil 'khor gyi gtso bo lta bu rin po che sna tshogs kyi rgyan gyis brgyan pa la sogs pa'o//me tog ma la sogs pa bcu gnyis pa rnams kyi zla ba'i 'og tu sna tshogs pad+ma'o/ /rdo rje bdud rtsi'i thugs ka'i sa bon ni haH'o/ /oM haHbadzra a mr-i ta swA hA/ zhes bya ba ni snying po'i sngags so/ /las thams cad pa'i sngags kyang 'di nyid yin no/ /rdo rje bdud rtsi gzhan rnam pa gsum po 'di ltar bsgom pa'i khyad par gyi rim pa ni rdo rje bdud rtsi'i rgyud nyid las shes par bya'o//mangs pas 'jigs pas 'dir ma bshad do// //dgu'i bdag nyid kyi dgyes pa rdo rje rnam pa bzhi'i dkyil 'khor ni rdo rje gur gyi nang du gnas pa'i chos 'byung la gnas pa'i gzhal yas khang ngo //phyag bcu drug pa la slar yang 'jam pa'i rdo rje'i dkyil 'khor lta bu srung ba'i 'khor lo rtsibs bcu pa yang yod do zhes pa ni phyogs gnyis pa'o/ /gzhal yas khang gi dbus su sna tshogs pad+ma'i lte ba'i nang du gan rkyal du gnas pa'i tshangs pa dang khyab 'jug dang dbang phyug dang /lha'i dbang po ste/ bdud rnam pa bzhi'i rang bzhin can gyi snying gar gnas pa'i nyi ma la zhabs bzhi pa gcer bu gar gyi nyams dgu dang ldan pa/ zhabs gnyis kyis skyil krung phyed pa dang / zhabs gnyis kyis g.yon bskum pa dang / g.yas brkyang ba'i gar gyi tshul gyis gnas pa dang spyi bor sna tshogs rdo rjes mtshan pa'i dbu skra dmar ser gyen du brdzes pa dpral ba'i steng du pags pa dang bral ba'i mi mgo skam po lngas brgyan pa sangs rgyas lnga'i cod pan can/sku mdog nag po phyag bcu drug pa zhal brgyad pa/ zhal re re la dmar zhing zlum pa'i spyan gsum gsum yod pa rtsa ba'i zhal nag po g.yas pa rnams ni dkar po dang nag po dang nag po'o//g.yon pa rnams ni dmar po dang nag po dang nag po'o/ /steng gi zhal ni du ba'i mdog can mi sdug pa zhal thams cad ni smin ma kyog po dang bcas pa khro gnyer can mche ba'i myu gu gtsigs pa g.yas pa'i phyag brgyad kyis bsnams pa'i thod pa rnams la glang po che dang rta dang bong bu dang /glang dang rnga mo dang mi dang shar b+ha dang byi la rnams 'dzin pa'o/ /g.yon pa'i phyag brgyad pa'i thod pa rnams ni sa dang chu dang rlung dang me dang zla ba dang nyi ma dang gshin rje dang nor sbyin rnams so/ /gtsug gi 'khor lo dang rna cha dang mgul rgyan dang lag gdub dang ska rags dang thal ba rnams dang mi mgo rlon pa khrag 'dzag pa lnga bcu'i phreng ba dang dpung rgyan dang rkang gdub rnams kyis brgyan pa'o//'di'i yum bdag med ma nag mo gcer bu gri gug dang thod par ldan pa'i phyag gnyis kyis bcom ldan 'das la yang dag par 'khyud pa/ g.yas bskum pa g.yon brkyang ba'i gar gyis gnas pa phyag rgya lnga dang ldan pa zhal gcig pa stan gsum pa dmar la zlum pa mche ba gtsigs pa dbu skra dmar ser 'bar ba gyen du mdzes pa/dpral ba'i mtshams su thod pa lngas brgyan pa/ mgrin par mi mgo skam po'i phreng ba 'phyang ba dang / rkang gdub la sogs pas brgyan pa'o//shar la sogs pa'i phyogs kyi 'dab mar gnas pa'i tshangs pa dang dbang po dang nye ba'i dbang po dang drag po'i snying ga'i steng du zla ba rnams la gau rI la sogs pa'o/ /dbang ldan la sogs pa'i 'dab mar gnas pa'i gshin rje dang lus ngan dang srin po dang / thags bzangs ris kyi snying gar zla ba'i dkyil 'khor la gnas pa'i puk+ka sI la sogs pa'o//de la gau rI nag mo g.yas na gri gug g.yon na ro hi ta'i nya 'dzin pa'o/ /tsau rI dmar mo g.yas Da ma ru g.yon phag pa 'dzin pa'o/ /ro langs ma gser gyi mdog can g.yas g.yon gyi phyag gnyis kyis rus sbal dang pad+ma'i snod 'dzin pa'o//g+hasma rI ljang gu phyag g.yas pa na sprul g.yon pa na rnal 'byor gyi snod 'dzin pa'o/ /puk+ka sI sngon mo phyag g.yas pa na seng ge g.yon pa na dgra sta 'dzin pa'o/ /sha ba rI dkar mo phyag g.yas pa na dge slong g.yon pa na gsil byed 'dzin pa'o/ /tsaN+Da lI nam mkha' ltar sngo bsangs ma phyag g.yas pa na 'khor lo g.yon pa na gshol 'dzin pa'o//DoM bi nI khra mo phyag g.yas pa na rdo rje g.yon pa sdigs mdzub 'dzin pa'o/ /brgyad po 'di dag ni skyil krung phyed pa'i gar gyis bzhugs pa'o/ /khyad par gzhan ni sngar brjod pa'i bdag med ma bzhin no/ /he ru ka dang bdag med ma dag gi rigs kyi bdag po mi bskyod pa'o//gau rI la sogs pa rnams ni mi bskyod pa dang rnam par snang mdzad dang rin chen 'byung ldan dang snang ba mtha' yas so/ /puk+ka sI la sogs pa rnams kyi yang ngo / /yang na dkyil 'khor gyi gtso bo phyag gnyis pa g.yas pas rdo rje gyen du 'phyar ba g.yon pa rdo rjes mtshan pa'i thod pa 'dzin pas bdag med ma la 'khyud pa kha T+wAM ga dpung pa g.yon pa la brten pa'o//yang na dkyil 'khor gyi gtso bo phyag bzhi pa sngon po phyag g.yas pas rdo rje 'dzin pa g.yon pas thod pa khrag gis gang ba 'dzin pa phyag lhag ma dag rang dang mtshungs pa'i rdo rje phag mo la 'khyud pa'o/ /yang na dkyil 'khor gyi gtso bo phyag drug pa sngon po rtsa ba dang g.yas g.yon gyi zhal gsum sngon po dang dkar po dang dmar po/phyag g.yas pa dag gis rdo rje dang gri gug dang g.yon pa dag gis rtse gsum pa dang dril bu 'dzin pa lhag ma dag gis rdo rje lu gu rgyud ma la 'khyud pa'o/ /rdo rje lu gu rgyud ma ni sku mdog dang zhal dang phyag mtshan la sogs pa rnams bdag med ma dang mtshungs par yan lag med pa'i rdo rje'i zhabs kyis gsungs so//phyag gnyis pa la sogs pa 'di rnams sna tshogs pad+ma'i ze 'bru la ro'i snying gar nyi ma la skyil krung phyed pas gar mdzad pa mi bskyod pas rgyas btab pa sna tshogs rdo rjes mtshan pa dbu skra dmar ser gyen du brdzes pa mi mgo lngas dbu brgyan pa/smin ma 'khyog pa dang bcas pa'i khro gnyer can mche ba gtsigs pa phyag bcu drug pa bzhin du gtsug gi 'khor lo la sogs pas brgyan pa gau rI la sogs pa'i lha mo rnams kyis bskor ba'o/ /lha mo thams cad ni thal ba dang bral ba'o/ /rdo rje phag mo dang rdo rje lu gu rgyud ma ni mi bskyod pas rgyas btab pa'o//kye'i rdo rje rnam pa bzhi'i thugs ka'i sa bon ni hUM ngo / /oM de ba pi tsu badzra hUM hUM hUM phaT swA hA/ /zhes bya ba ni phyag bcu drug pa'i snying po'o/ /oM trai lo kyA k+She pa hUM hUM hUM phaT swA hA/ zhes pa ni phyag gnyis pa'o/ /oM dz+wa la dz+wa la b+h+yo hUM hUM hUM phaT swA hA/ phyag bzhi pa'o/ / oM ki Ti ki Ti badzra hUM hUM hUM phaT swA hA/ phyag drug pa'o/ /oM AHbadzra g+hasma rI oM hUM swA hA zhes bya ba ni g+hasma rI'i sngags te las thams cad pa'o// //sgyu 'phrul chen mo'i dkyil 'khor la rdo rje gur gyi nang na gnas pa'i chos 'byung gi dbus su gzhal yas khang ngo / /kha cig ni rdo rje gur gyi nang du chos 'byung med par gzhal yas khang ngo zhes so//gzhal yas khang gi dbus su pad+ma dmar po 'dab ma brgyad pa'i ze 'brur nyi ma la sgyu ma chen mo las byung ba'i he ru ka nag po nyi ma lta bu'i 'od zer can 'bar ba'i phreng ba du mas 'khrigs pa 'gying ba'i khro bo dbu skra dmar ser 'bar ba gyen du brdzes pa thod pas brgyan pa'i cod pan can rtsa ba dang g.yas dang rgyab dang g.yon gyi zhal bzhi sngon po dang ser po dang dkar po dang ljang gu'o//zhal re re la dmar la zlum pa'i spyan gsum gsum pa phyag bzhi pa'i g.yas gnyis na thod pa dang mda'/ g.yon gnyis na kha T+wAM ga dang gzhu 'dzin pa phyag rgya drug dang ldan pa mi'i pags pa'i na bza' 'dzin pa/skyil krung phyed pa'i gar gyis bzhugs pa'o/ /sangs rgyas mkha' 'gro ma ni sku mdog dmar mo gtso bo lta bu'i phyag mtshan can phyag gnyis kyis de'i mgul nas 'khyud pa/ dmar po dang ser po dang dkar po dang ljang gu'i zhal lo/ /shar gyi 'dab mar rdo rje mkha' 'gro ma sngon mo ser po dang dkar po dang ljang gu'i zhal rdo rje dang thod pa dang dril bu dang kha T+wAM ga 'dzin pa'o//lhor rin chen mkha' 'gro ma ser mo ser po dang sngon po dang dkar po dang ljang gu'i zhal rin po che'i pa tra dang tri shU la dang mgrin pa btsir ba'i ce spyang dang ba dan 'dzin pa'o/ /nub tu pad+ma mkha' 'gro ma dkar mo dkar po dang ser po dang dmar po dang /ljang gu'i zhal sna tshogs pad+ma dang mda' dang thod pa dang gzhu 'dzin pa'o/ /byang du sna tshogs mkha' 'gro ma ljang gu dang ser po dang dkar po dang sngon po'i zhal lo/ /ral gri dang Da ma ru dang zhags pa dang thod pa 'dzin pa'o/ / thams cad kyang phyag rgya lnga dang ldan pa/ zla ba'i gdan la 'od dang ldan pa'o/ /'di rnams kyi khyad par gzhan rnams ni gtso bo lta bu'o/ /bcom ldan 'das kyi rigs kyi bdag po ni mi bskyod pa'o/ /sangs rgyas mkha' 'gro ma la sogs pa rnams kyang go rims ji ltar rnam snang dang / mi bskyod pa dang rin chen 'byung ldan dang ngag gi dbang phyug dang don yod grub pa rnams so//bcom ldan 'das kyi thugs ka'i sa bon ni hUM ngo / /oM hUM hUM snying po'i sngags so/ /sangs rgyas mkha' 'gro ma la sogs pa rnams kyi yang oM oM hUM/ oM hUM hUM/ oM swA hUM/ oM AHhUM/ oM haM hUM/ sna tshogs mkha' 'gro ma'i sngags ni las thams cad pa'o// //bcom ldan 'das sangs rgyas thod pa lha dgu'i bdag nyid kyi dkyil 'khor ni rdo rje gur gyi nang gi chos 'byung la gnas pa'i gzhal yas khang gi dbus su sna tshogs pad+ma'o/ /de'i ze 'bru la ro'i snying gar nyi ma'i gdan la shes rab ma dang bral ba'i bcom ldan 'das sku mdog la sogs pa phyi nas 'chad pa'i 'khor lo gsum la gnas pa'i dpal sangs rgyas thod pa bzhin no//shar dang byang dang nub dang lho'i 'dab ma la rim pa ji lta bas sna tshogs sde ma dang 'dod ma dang sa 'og na gnas ma dang legs bzangs mo rnams ni sku mdog sngon mo g.yas bskum pa g.yon brkyang ba stag gi pags pa'i sham thabs can phyag g.yas gnyis kyis gri gug dang thod pa g.yon gnyis kyis kha T+wAM dang Da ma ru 'dzin pa'o//dbang ldan dang me dang bden bral dang / rlung gi 'dab ma la chang 'tshong ma dang 'byung mo dang phyag bzhi ma dang nam mkha' la gnas ma rnams ni ser mo na bza' ser po gon pa 'od zer ser po 'phro ba zhabs gnyis kyis g.yas brkyang ba g.yon bskum pa klu brgyad kyis brgyan pa/phyag g.yas pa gnyis kyis gri gug dar Da ma ru/ g.yon gnyis kyis kha T+waM ga dang pad+ma'i snod 'dzin pa'o/ /brgyad po 'di dag kyang nyi ma'i dkyil 'khor la gar gyi tshul gyis gnas pa dbu skra ser po gyen du brdzes pa/dbu la thod pa lnga'i phreng ba dang ldan pa phyag rgya lnga la sogs pas brgyan pa mi mgo rlon pa lnga bcu mgul du 'phyang ba mche ba cung zad gtsigs pa zhal gcig phyag bzhi pa spyan gsum pa'o/ /bcom ldan 'das la mi bskyod pa la sogs pa sangs rgyas lngas rgyas btab pa'o//sna tshogs sde ma la sogs pa rnams la mi bskyod pa dang rnam snang dang rin 'byung dang snang mtha' rnams kyis so/ /chang 'tshong ma la sogs pa rnams kyi yang de dag rnams so/ /yang na bcom ldan 'das 'di dang phyogs kyi lha mo rnams kyang mdog dkar mo mtshams kyi lha mo rnams dmar po 'di ni yum dang bral ba'am yum dang bcas pa'o//rdo rje hUM mdzad kyi dkyil 'khor la rdo rje gur gyi nang du chos 'byung gi dbus su gzhal yas khang ngo / /de'i dbus su sna tshogs pad+ma dang nyi ma'i steng du 'jigs byed dang dus mchan g.yon bskum g.yas brkyang bas mnan pa'i 'jig rten gsum las rnam par rgyal ba'i bcom ldan 'das khro bo ni bskal pa 'jig dus me lta bu'i 'od zer 'bar zhing 'gro ba ma lus pa'i bgegs kyi tshogs thams cad rab tu bsal bar mdzad pa sku mdog sngon po dang ser po dang ljang gu'i zhal rtsa ba dang g.yas dang g.yon gyi mi sdug pa gdangs pa/mche ba gtsigs pa rab tu gtum pa ljags 'dril ba 'jigs su rung ba'i zhal gsum pa re re zhing spyan gsum gsum pa dmar la zlum pa smin ma g.yo ba khro gnyer dang bcas pa/ dpral ba'i steng na thod pa lnga'i phreng ba dang ldan pa/ khrag 'dzag pa'i mi mgo lnga bcu'i phreng ba mgul par 'phyang ba yum dang bcas pa klu mtha' yas sngon pos dbu skra 'bar zhing dmar ser gyen du bcings pa/ klu 'jog po dmar pos rna rgyan byas pa/ klu pad+ma chen po pad+ma'i rtsa ba lta bu dkar pos mgul rgyan byas pa/ klu karko Ta dUr ba lta bu ljang gus mchod phyir thogs byas pa nor rgyas dkar pos ska rags byas pa/pad+ma dkar po kun da'i me tog lta bur mdzes pas rkang gdub byas pa/ dud skyong ser pos lag gdub byas pa/ rigs ldan du ba lta bu khra bos dpung rgyan byas pa/ rdo rje sems dpas dbu la rgyas btab pa/ rdo rje dang dril bu 'dzin pa'i phyag gnyis kyis 'jig rten gsum las rnam par rgyal ba'i phyag rgyas rang gi yum la snyoms par zhugs pa gang sa gnyis kyis lcags kyu dang zhags pa dang g.yon gnyis kyis thod pa dang kha T+waM ga 'dzin pa'o//'di'i shar phyogs su rdo rje dbyug pa sngon po sngon po dang ser po dang ljang gu ni rtsa ba dang g.yas dang g.yon gyi zhal lo//g.yas pa gnyis kyis rdo rje thob dang sdigs mdzub dang bcas pa'i rdo rje gyen du 'phyar ba/ g.yon pa gnyis kyis thod pa dang kha T+rAM ga 'dzin pa'o/ /byang du rdo rje nyi ma ser po ser po dang sngon po dang ljang gu'i zhal lo/ /khyad par du phyag dang pos rdo rje dbyug pa 'dzin pa/khyad par du rdo rje la sogs pa'i phyag mtshan rnams kyang rdo rje dbyug pa lta bu'o/ /'og nas 'chad pa rnams kyang de ltar shes par bya'o/ /byang du rdo rje gtsug tor dmar po dmar po dang ljang gu'i zhal lo/ /pad+ma dmar pos mtshan pa'i phyag go/ /lhor rdo rje 'khyil ba ljang gu ni ljang gu dang dkar po dang ser po'i zhal lo//sna tshogs rdo rjes mtshan pa'i phyag go/ /mer rdo rje gnod sbyin du ba'i mdog du ba'i mdog dang ser po dang ljang gu'i zhal lo/ /lcags kyu 'dzin pa'o/ /srin por rdo rje bdud rtsi dmar po dmar po dang / ser po dang ljang gu'i zhal lo/ / dgra sta 'dzin pa'o/ /rlung du nag po chen po sngon po dang ser po dang ljang gu'i zhal tri shU la 'dzin pa'o/ /dbang ldan du rdo rje 'jigs su rung ba nag po nag po dang / ser po dang ljang gu'i zhal ral gri 'dzin pa'o/ /rdo rje dbyug pa la sogs pa brgyad po 'di rnams ni rim pa ji lta bar gshin rje mthar byed dang shes rab mthar byed dang pad+ma mthar byed dang bgegs mthar byed dang 'dod pa'i rgyal po dang /dbyug pa sngon po dang stobs po che dang mi g.yo ba rnams kyi ming gzhan no/ /steng du gtsug tor 'khor los sgyur pa dkar po dkar po dang sngon po dang ljang gu'i zhal 'khor lo 'dzin pa'o/ / 'og tu rdo rje sa 'og gnod mdzes kyi ming rnam grangs can sngon po sngon po dang ser po dang ljang gu'i zhal rol pa dang bcas pa'i rdo rje gtun shing 'dzin pa'o/ /'di'i phyag gnyis kyis klu'i zhags pa sdigs mdzub dang bcas pa dang kha T+wAM ga'o/ /rdo rje dbyug pa la sogs pa'i khro bo 'di rnams ni phyag mtshan gyi gtso bo dang thod pas mtshan pa'i phyag gnyis kyis rang dang mtshungs pa'i yum dang mnyam par sbyor ba'o//dbu skra dmar ser 'bar zhing gyen du 'khyil ba rang rang gi rigs kyi bdag pos cod pan mdzes par brgyan pa smin ma g.yo ba dang bcas pa'i khro gnyer can mche ba gtsigs pa'i zhal re re la spyan gsum gsum dang ldan pa dmar zhing zlum pa mi mgo'i phreng ba dang phyag rgya lnga la sogs pa dang klu'i rgyal po brgyad kyis brgyan pa/sna tshogs pad+ma dang nyi ma la gnas pa'i phyogs skyong brgyad dang steng du tshangs pa dang 'og tu thags bzangs ris rnams la g.yas brkyang gis mnan nas bzhugs pa rang gi rigs kyi bdag pos dbu brgyan pa ste/ji ltar 'jam pa'i rdo rje'i dkyil 'khor gyi rtsibs bcu pa'i srung ba'i 'khor lor bshad pa bzhin no/ /bcom ldan 'das rdo rje hUM mdzad kyi thugs ka'i sa bon ni hUM ngo / /oM kha badzra d+h+r-ika badzra hUM ka ra badzra hUM phaT ces bya ba ni rdo rje hUM mdzad kyi snying po'i sngags so//las thams cad pa'i sngags ni oM badzra kuN+Da li badzra hUM phaT swA hA/ zhes bya ba'o/ /yang shar la sogs pa'i phyogs dang phyogs mtshams dang steng dang 'og tu sna tshogs pad+ma dang nyi ma'i gdan rnams la g.yas skor gyis gshin rje mthar byed la sogs pa'i khro bo bcu'o/ /'di rnams kyi gnas dang sku mdog la sogs pa bsdus pa'i rim par gsungs pa'i dkyil 'khor ji lta ba bzhin no//yang na 'jam pa'i rdo rje srung ba'i 'khor lo'i rtsibs bcu pa bzhin no/ /yang na kun du kha sbyor gyi rdo rje sems dpa'i dkyil 'khor bzhin no/ /phyogs 'di gsum ka la yang oM AHbig+hA takr-i ta hUM zhes bya bas bgegs mthar byed kyi sngags te las thams cad pa'o// //bde mchog gi dkyil 'khor la rdo rje gur gyi nang du ri rab kyi steng du sna tshogs pad+ma'i ze 'bru la gnas pa'i sna tshogs rdo rje'i lte ba la gnas pa'i gzhal yas khang gi dbus su sna tshogs pad+ma'i lte ba'i steng du nyi ma la gnas pa'i 'jigs byed dang dus mtshan mo g.yas brkyang gi zhabs gnyis kyis mnan pa'i bcom ldan 'das sku mdog nag po shar dang byang la sogs pa'i zhal bzhi nag po dang ljang gu dang dmar po dang ser po zhal re re la spyan gsum gsum pa stag gi pags pa'i sham thabs can/phyag bcu gnyis pa rdo rje dang dril bu dang bcas pa'i phyag gnyis kyis rdo rje phag mo la 'khyud pa/ phyag gnyis kyis rgyab tu glang po che dkar po'i pags pa khrag dang bcas pa brgyangs nas 'dzin pa/ de las gzhan pa'i g.yas pa'i phyag rnams kyis Da ma ru dang dgra sta dang gri gug dang rtse gsum 'dzin pa/g.yon rnams kyis rdo rjes mtshan pa'i kha T+wAM ga dang khrag gis gang ba'i thod pa dang rdo rje zhags pa dang tshangs pa'i mgo bo rnams so/ /mi mgo rlon pa lnga bcu'i phreng ba mgul du 'phyang ba/ phyag rgya drug dang ldan pa'i mi'i rgyu mas mchod phyir thogs byas pa/ dpral ba'i steng du thod pa lnga dang ldan pa/nor bu dang g.yon ngos su gnas pa'i zla ba phyed pa dang sna tshogs rdo rjes mtshan pa'i ral pa'i thor cog nag po rnam par 'gyur zhing gdangs pa/ mche ba gtsigs pa'i zhal can gar gyi nyams dgu'i tshogs dang ldan pa'o/ /rdo rje phag mo ni dmar mo zhal gcig phyag gnyis spyan gsum pa skra'i tshogs grol ba gcer bu thod pa'i dum bu'i ska rags bcings pa 'khyud pa'i phyag gis bzung ba'i thod pa khrag gis bkang ba 'dzag pa'i rgyun gtso bo la stob pa/sdigs mdzub dang bcas pa rdo rje steng du 'phyar ba'i phyag g.yas pas gdug pa rnams la sdigs par byed pa khrag dang bral ba'i mi mgo skam po'i phreng ba can nyi ma'i 'od kyi dkyil 'khor can/phyag rgya lnga dang ldan pa cung zad bzhad pa zla mtshan 'bab pa dang bcas pa spu gyen du langs pa'o/ /de nas shar la sogs pa'i phyogs rnams la g.yon skor gyi dang / me la sogs pa'i phyogs bral rnams la g.yas skor gyis dgod do//de la phyogs kyi 'dab ma la mkha' 'gro ma dang / lA mA dang / dum skyes ma dang / gzugs can ma rnams ni nag mo dang ljang gu dang dmar mo dang / ser mo'i mdog can rnams zhal gcig pa spyan gsum pa dbu skra grol ba phyag bzhi ma g.yon pa gnyis kyis kha T+wAM ga dang thod pa 'dzin pa/g.yas pa dag gis Da ma ru dang gri gug 'dzin pa/ g.yas brkyang bas gnas pa rnams so/ /mtshams kyi 'dab mar byang chub kyi sems dang khrag dang bdud rtsi lnga dang sha lnga rnams grub pa'i bcud lta bu'i bdud rtsir gyur bas gang ba'i pad+ma'i snod rnams so/ / yang na bzhi char yang bdud rtsi lngas gang ba'o/ /de nas thugs kyi 'khor lo'i shar gyi rtsibs su thod pa'i dam bu dang rab tu gtum mo'o/ /byang du keng rus chen po dang gtum pa'i mig can ma'o/ /nub tu keng rus dang 'od ldan ma'o/ /lho ru mche ba rnam par gtsigs pa dang sna chen ma'o/ /mer chang dgra ma dang dpa' bo'i blo gros ma'o//srin por 'od dpag med dang mi'u thung ma'o/ /rlung du rdo rje 'od dang lang ka'i dbang phyug ma'o/ /dbang ldan du rdo rje'i lus dang shing grib ma'o/ /rim pa de bzhin du gsung gi 'khor lo la myu gu can dang sa srung ma'o/ /rdo rje ral pa can dang 'jigs byed chen mo'o//dpa' bo chen po dang rlung gi shugs can ma'o/ /rdo rje hUM mdzad dang chang 'thung ma'o/ /rdo rje bzang po dang lha mo sngo bsangs ma'o/ /rdo rje 'od dang shin tu bzang mo'o/ /'jigs byed chen mo dang rta rna ma'o/ /mig mi bzang dang bya gdong ma'o/ /de bzhin du sku'i 'khor lo la stobs po che dang 'khor lo'i shugs can ma'o//rin chen rdo rje dang dum skyes ma'o/ /rta mgrin dang chang 'tshong ma'o/ /nam mkha'i snying po dang 'khor lo'i go cha 'dzin pa'o/ /dpal he ru ka dang shin tu bzang mo'o/ /pad+ma gar gyi dbang phyug dang stobs chen ma'o/ /rnam par snang mdzad dang 'khor los sgyur ma'o//rdo rje sems dpa' dang brtson 'grus chen mo'o/ /de la thod pa'i dum bu la sogs pa dpa' bo rnams zhal gcig pa spyan gsum pa ral pa'i thor tshugs can dpral bar gnas pa'i rdo rje phreng bas mtshan pa'i dpa' bo'i dar dpyangs can phyag bzhi pa 'khyud pa'i phyag gnyis kyis rdo rje dang rdo rje dril bu g.yon pas kha T+wAM ga dang g.yas pa Da ma ru bsnams pa/tshangs pa'i skud pa dang dpung rgyan can mche ba gtsigs pa'i zhal/ phyag rgya lnga dang ldan pa g.yas brkyang gis gnas pa'o/ /rab tu gtum mo la sogs pa'i lha mo rnams zhal gcig pa spyan gsum pa drag po'i gzugs can ma dbu skra grol ba'i gcer bu ma/phyag gnyis pa 'khyud pa'i phyag gis thod pa 'dzin pa/ g.yas pa gdug pa rnams bsdigs pa'i gri gug 'dzin pa'o/ /sgo rnams la khwa gdong ma dang 'ug gdong ma dang khyi gdong ma dang phag gdong ma rnams ni mkha' 'gro ma la sogs pa bzhin no/ /khyad par du 'di rnams kyi zhal ni ming gi rjes su mthun pa'o//mtshams rnams su gshin rje brtan ma dang / gshin rje pho nya ma dang / gshin rje mche ba ma dang gshin rje 'joms ma rnams ni mi'i zhal lo/ /g.yas dang g.yon gyi phyogs kyi lha mo gnyis kyi g.yas dang g.yon gyi sku phyed phyed 'dra ba'o//brgyad po 'di rnams ni ro'i gdan can no/ /DA ki ma la sogs pa'i lha mo rnams ni mi mgo'i phreng ba can rdo rje phreng bas dpral bar brgyan pa phyag rgya lnga dang ldan pa ska rags la sgra dang bcas pa'i g.yer ga la sogs pas brgyan pa'o/ /rigs kyi bdag po ni bcom ldan 'das kyis mi bskyod pa'o//rdo rje phag mo'i rnam par snang mdzad do/ /DA ki ma la sogs pa'i rin chen 'byung ldan dang / thugs dang gsung dang sku'i 'khor lor gnas pa rnams ni mi bskyod pa dang snang ba mtha' yas dang rtag pa rnams so/ /dam tshig gi 'khor lo la gnas pa rnams ni don yod grub ba'o//bcom ldan 'das kyi thugs ka'i sa bon ni hUM ngo / /oM shrI badzra he he ru ru kaM hUM hUM phaT/ DA ki nI dzA la saM ba raM swA hA/ snying po'o/ /oM khaN+Da ro he hUM hUM phaT ces bya ba ni dum skyes ma'i sngags te las thams cad pa'o/ /lha gzhan rnams kyi ni kho bos dpal bde mchog gi mngon par rtogs pa'i sgrub thabs su bshad pa'o//yang dkyil 'khor gyi dbang phyug la sogs pa nas gshin rje 'joms ma'i bar thams cad ni zhal gcig pa phyag gnyis pa de la dpa' bo nyi shu rtsa lngas 'khyud pa'i g.yas g.yon gyi phyag gnyis kyis rdo rje dang dril bu 'dzin pa/ DA ki ma la sogs pa bzhi dang khwa gdong ma la sogs pa rnams ni g.yon pas thod pa dang dpung pa la brten pa'i kha T+wAM ga dang g.yas pa DA ma ru 'dzin pa gzhan thams cad ni gong bzhin no//yang na 'dir 'khor lo'i dbang phyug la sogs pa phyag gnyis pa nyid kyis phyogs la dpal bde mchog dang rdo rje phag mo gnyis kyis gser gyi mdog gam sngon pos yang ste/bcom ldan 'das ni phyag g.yas pas rdo rje gsor ba la mchog tu brtson pa g.yon pas thod pa dang kha T+wAM ga 'dzin pa'am/ yang na rdo rje dang dril bu'i phyag gnyis kyis 'khyud pas gnas pa'o/ /DA ki ma la sogs pa bzhi ni ser mo g.yas pa DA ma ru 'dzin pa rnams so//thugs kyi 'khor lo'i dpa' bo rnams nag po rdo rje dang rdo rje dril bu 'dzin pa dpa' mo rnams dkar mo phyag g.yas pas rdo rje dang bcas pa'i sdigs mdzub can rnams so/ /gsung gi 'khor lo'i dpa' bo rnams ni dmar po pad+ma dang pad+ma'i dril bu 'dzin pa'o//DA ki ma rnams ni nag mo phyag g.yas pa na pad+ma dang bcas pa'i sdigs mdzub mdzad pa'o/ /sku'i 'khor lo'i dpa' bo rnams ni dkar po 'khor lo dang 'khor lo'i dril bu 'dzin pa'o/ /lha mo rnams ni dmar mo g.yas pas sdigs mdzub dang bcas pa'i 'khor lo 'dzin pa rnams so//dpa' bo thams cad ni yum la 'khyud par brtson pa g.yas brkyang gis bzhugs pa rnams so/ /dpa' mo rnams ni de'i brla gnyis la 'khril ba'i tshul lo/ /khwa gdong ma la sogs pa rnams ni g.yas sdigs mdzub dang bcas pa'i gri gug 'dzin pa'o/ /lha mo thams cad ni g.yon pas thod pa 'dzin pa'o//gshin rje brtan ma la sogs pa ni g.yas pas DA ma ru g.yon pas sdigs mdzub dang bcas pa'i mi mgo 'dzin pa'o/ /DA ki ma la sogs pa rnams dang khwa gdong ma la sogs pa rnams kyi g.yon pa'i dpung pa la kha T+wAM ga'o/ /bcu gnyis po 'di rnams ni skyil krung phyed pa'i gar gyis gnas pa khyad par gzhan thams cad ni gong bzhin no//'di ni bde mchog gi dkyil 'khor rnam pa gsum mo// //gang gi tshe 'di rnams la dpa' bo nyi shu rtsa lnga mi bsgom par rdo rje phag mo dkyil 'khor gyi gtso bor gyur pa de'i tshe rdo rje phag mo'i dkyil 'khor gsum mo//rdo rje phag mo'i snying ga'i sa bon ni baM mo/ /oM badzra bai ro tsa nI ye hUM hUM hUM phaT ces pa ni snying po'o/ /bde mchog gi phyag gnyis pa la sogs pa lha 'di rnams kyi phyag g.yas su gnas pa'i phyag mtshan ni bri bya'i dkyil 'khor la bri bar bya'o// //bcom ldan 'das sangs rgyas thod pa lha nyi shu rtsa lnga'i bdag nyid can gyi dkyil 'khor la rdo rje gur gyi nang du chos 'byung gi dbus su gnas pa'i gzhal yas khang gi nang du 'khor lo rtsibs brgyad pa nag po la gnas pa'i sna tshogs pad+ma 'dab brgyad kyi ze 'brur ro//gan rkyal gyi snying gar nyi ma'i dkyil 'khor la bcom ldan 'das dpal he ru ka sku mdog nag po skyil krung phyed pa gar gyi nyams dgus gar byed pa zhal gcig pa phyag bzhi pa spyan gsum dmar la zlum pa g.yas kyi phyag gnyis na DA ma ru dang gri gug g.yon gyi phyag gnyis na thod pa dang kha T+wAM ga 'dzin pa'o//phyag rgya drug pa mi mgo rlon pa lnga bcu'i phreng ba mgrin pa la 'phyang ba/gnyis 'thung gi pags pa'i sham thabs cung zad rgyab na nyil ba sna tshogs rdo rje dang zla ba phyed pas mtshan pa'i ral ba'i thor cog nag po can dpral ba'i steng du thod pa lngas brgyan pa sangs rgyas lnga'i dbu rgyan can no/ /mnga' bdag 'di'i btsun mo ni sna tshogs sde ma gcer bu mi mgo'i phreng ba can skra sil bur 'gro zhing gyen du 'bar ba thod pa lngas dbu brgyan pa/mche ba cung zad gtsigs pa sku mdog dmar po zhal gcig phyag gnyis spyan gsum ma/ yab kyi mgrin pa la chags pa'i phyag g.yon pas thod pa khrag gi rgyun 'dzag pa yab la stob pa/g.yas kyi phyag gis gri gug brdeg pa'i tshul lo/ /shar gyi rtsibs nag po'i steng gi 'dab ma la legs phreng can ma'o/ /byang du thod pa can ma'o/ /nub tu 'jigs can ma'o/ /lhor mi thub ma'o/ /dbang ldan la sogs pa'i 'dab ma rnams la g.yas skor gyis byang sems dkar ba dang dmar ba dang bdud rtsi lnga dang sgron me lngas gang ba'i thod pa rnams so//rim pa dang po 'di ni rdo rje phreng ba sngon pos bskor ba'o/ /de nas rim pa gnyis pa ni rtsibs brgyad dmar po la gnas pa'i pad+ma brgyad kyi phyi rim rdo rje dmar po'i phreng bas bskor ba'o//de'i shar gyi rtsibs la dge ba'i ska rags ma'o/ /byang du ni gzugs can ma'o/ /nub tu rnam rgyal ma'o/ /lhor 'dod can ma'o/ /dbang ldan du dus can ma'o/ /mer ni mtsho chen ma'o/ /bden bral du byed ma'o/ /rlung du gsod ma'o/ /de nas rim pa gsum pa la ni 'khor lo dkar po rtsibs brgyad pa la gnas pa'i pad+ma brgyad de rdo rje dkar po'i phreng bas bskor ba'o//de'i shar gyi rtsibs la sgrol ma'o/ /byang du 'jigs mthong ma'o/ /nub tu legs mthong ma'o/ /lhor thub dka' ma'o/ /dbang ldan du dge ma'o//mer grib non ma'o/ /bden bral du dus mtshan ma'o/ /rlung du grags chen ma'o/ /shar gyi sgo'i pad+ma la mdzes ma'o/ /byang gi sgo'i pad+ma la nor 'dzin ma'o/ /nub sgo'i pad+ma la skal bzangs ma'o/ /lho sgo'i pad+ma la mthong na yid 'ong ma'o/ /'di rnams thams cad g.yas g.yon gyi phyag gnyis kyis gri gug dang thod pa 'dzin pa so cung zad ston pa zhal gcig ma spyan gsum ma rus pa'i rgyan gyis brgyan pa mi mgo'i phreng ba dang bral ba/dbu skra sil bu dmar ser gyi tshogs gyen du brdzes pa byang sems 'dzag pa nyi ma'i gdan la skyil krung phyed pa'i gar gyi tshul gyis gnas pa rnams so//sgo skyong ma rnams ni g.yas bskum g.yon brkyang ba'o/ /thams cad kyang stag gi pags pa gyon ma sku mdog sngon mo'o/ /yang na legs phreng can ma la sogs pa bzhi nag mo'o/ /rim pa gnyis ma la gnas pa rnams dkar ser ro/ /rim pa gsum pa la gnas pa rnams ljang gu ma'o//sgo'i lha mo rnams nag mo'o/ /bcom ldan 'das la mi bskyod pa la sogs pa'i de bzhin gshegs pa lngas rgyas btab pa'o/ /sna tshogs sde ma ni rnam par snang mdzad kyis so/ /legs phreng can ma la sogs pa bzhi ni rin 'byung gis so/ /rim pa gnyis pa la gnas pa rnams ni snang ba mtha' yas kyis so//rim pa gsum pa la gnas pa rnams ni rnam par snang mdzad kyis so/ /sgo'i lha mo rnams kyi don yod grub pa'o/ /bcom ldan 'das kyi snying ga'i sa bon ni hUM ngo / /oM bud+d+ha ka pA li nI AHhI heHhUM phaT snying po'o/ /sngags 'di nyid kyis dkyil 'khor 'di'i las thams cad pa'o// //dpal rnal 'byor nam mkha'i dkyil 'khor ni rdo rje gur gyi nang du rlung dang me dang chu dang sa'i dkyil 'khor gyi steng du rgya mtsho chen po la sogs pas yongs su bskor ba'i ri rab kyi steng du sna tshogs pad+ma dang rdo rje rgya gram gyi lte ba la gnas pa'i gzhal yas khang gi dkyil du dbus kyi rim pa'i lte bar seng ge'i steng du sna tshogs pad+ma dang zla ba la sems dpa'i skyil krung gis bzhugs pa'i bcom ldan 'das dpal rnal 'byor nam mkha' nag po rtsa ba dang g.yas g.yon gyi zhal gsum nag po dang dkar po dang dmar po zhal re re la spyan gsum gsum pa phyag rgya drug dang ldan pa dpral bar gnas pa'i thod pa lnga'i phreng ba dang nor bu dang zla ba phyed pa dang sna tshogs rdo rjes mtshan pa'i ral pa nag po'i cod pan can/de bzhin gshegs pa lnga 'phro ba'i dbu rgyan can stag gi pags pa'i sham thabs rgyab tu cung zad nyil ba/phyag drug pa rdo rje dang rdo rje dril bu bsnams pa'i phyag gnyis kyis ye shes kyi DA ki ma nag mo'am dkar mo la 'khyud pa/ lag pa g.yas pa gnyis kyis nu ma dang mda' 'dzin pa g.yon pa gnyis kyis pad snod dang gzhu 'dzin pa'o/ /de nas shar gyi re mig la glang po che'i rgyal po la 'gying ba'i tshul gyis gnas pa'i rdo rje DA ki ma dkar mo/byang du rma bya la skyil krung phyed pas gnas pa'i 'jigs byed DA ki ma ser mo sbrul gyis brgyan pa/ nub tu bya khyung la tsog pur gnas pa'i ro langs ma dmar mo/ lhor khol po'i gdan la byin pa'i skyil krung gis gnas pa'i gtum mo sngon mo dbu skra dmar po 'gram par grol zhing spyi bor thal mo sbyor ba'o//'dir ye shes kyi DA ki ma la sogs pa lnga ni g.yas dang g.yon gyi phyag gnyis kyis kha T+wAM ga dang thod pa 'dzin pa'o/ /rdo rje mkha' 'gro ma la sogs pa rnams ni glang po che la sogs pa la gnas pa'i pad+ma dang nyi ma la gnas pa glang po che'i pags pa smad la gon pa mi'i pags pa stod la gon pa'o//dbang ldan du seng ge la 'gying ba'i tshul gyis gnas ba'i seng ge ma dkar ser phyag gnyis ma g.yas pas steng du 'phyar ba'i kha T+wAM ga 'dzin pa/ g.yon pas sdigs mdzub dang bcas pa'i zhags pa 'dzin pa'o/ /mer rdo rje phag mchu ma zlum po'i tshul gyis bzhugs pa'i stag mo kha dog dkar nag mo phyag gnyis ma g.yas pa dang cig shos kyis lcags kyu dang zhags pa 'dzin pa'o//bden bral du ma he la skyil krung phyed pas bzhugs pa ce spyang ma ce spyang gi gdong can sku mdog dmar nag dgra sta dang zhags pa 'dzin pa'i phyag gnyis so//rlung du ce spyang gi gdan la tsog pur bzhugs pa'i 'ug pa ma 'ug pa'i gdong can dmar ser mo phyag gnyis kyis dbyug pa dang zhags pa 'dzin pa'o/ /'di rnams ni rang rang gi chibs rnams la pad+ma dang nyi mar gnas pa'o/ /shar du rdo rje DA ki ma'i rgyab tu DA ki ma dkar mo phyag gnyis rtse mo khar bcug pa'o//byang du 'jigs byed DA ki ma'i rgyab tu mar me ma ser mo spyi bor mar me lta bur thal mo sbyar ba dang bcas pa'o/ /nub tu ro langs ma'i rgyab tu 'jigs byed ma dmar mo snyim pa khrag gis bkang ba zhal du gsol ba'o/ /lhor gtum mo'i rgyab tu kam+po ji nag mo/phyag gnyis kyis thugs kar gtun shing 'phyar ba'o/ /bzhi po 'di rnams pad+ma dang nyi ma dang ro la gnas pa'o/ /de nas rdo rje phreng ba dang 'od zer gyi zlum po'i rim pa bskor ba la pad+ma dang zla ba rnams la shar phyogs su puk+ka sI dang DI mi DI dang gtum mo rnams phyag gnyis kyis bdud rtsi'i snod 'dzin pa'o//byang du 'jigs byed ma dang grags ma dang sha ma rnams ni sha lngas bkang ba'i pad+ma'i snod 'dzin pa'o/ /nub tu drag shul ma dang 'bar ma dang mi sdug ma rnams gtor ma'i snod 'dzin pa'o/ /lhor thod pa ma dang rdo rje ma dang bum pa ma rnams btung ba'i snod 'dzin pa'o/ / dbang ldan du sgeg mo snyems pa'i phyag rgya can dang dri chab ma dri'i snod 'dzin pa'o/ /me'i mtshams su pi wang ma pi wang bsgreng ba dang me tog ma me tog 'thor ba'o/ /bden bral du glu ma kha'i thad kar mdzub mo g.yo ba dang / bdug spos ma spos dang bcas pa'i spos phor 'dzin pa'o/ /rlung du gar ma gar gyi tshul gyis steng du thal mo sbyar ba dang /mar me ma mar me dang bcas pa'i mar me'i snod 'dzin pa'o/ /ye shes DA ki ma la sogs pa'i lha mo sum cu rtsa gsum po 'di dag ni zhal gcig pa phyag gnyis pa spyan gsum pa dbu skra grol ba/ dbu la thod pa lnga'i phreng ba can no/ /'jigs byed DA ki ma ni dbu skra gyen la brdzes ba/seng ge ma la sogs pa ni gos dmar po gyon pa'o/ /puk+ka sI la sogs pa dang me'i mtshams kyi lha mo rnams dkar mo'o/ /'jigs byed DA ki ma la sogs pa dang dbang ldan gyi lha mo dag ser mo'o/ /drag shul ma la sogs pa dang rlung mtshams kyi lha mo dag dmar mo'o//thod pa ma la sogs pa dang bden bral gyi lha mo dag nag mo'o/ /de nas rdo rje phreng ba zlum po'i phyi rol gyi rim pa'i sgo rnams dang snam bu rnams la chu skyes dang zla ba'i gdan rnams so/ /de la shar sgor khyab 'jug nag po dang / byang du tshangs pa ser po dang / nub tu dbang phyug chen po dkar po dang /lhor gdong drug dmar bo dang / dbang ldan du dbang po ser po dang / mer lus ngan ser po dang / srin por gshin rje nag po dang / rlung du chu lha dkar po'o/ /lha'i snam bu la shar du keng rus 'jigs byed dang kha T+wAM ga'i srin po dang tshogs kyi dbang phyug dang / dril bu'i rna ba can rnams dkar po'o//byang du gtum mo'i dbang phyug dang mdun sa'i lha dang rigs kyi dbang phyug dang / dz+haM gar 'jigs su rung ba rnams ser po'o/ /nub tu drag po'i 'dod pa dang Sha Na Di la'i dbang phyug dang Da ma ru'i 'dul byed dang rnga sgras 'jigs byed rnams dmar po'o/ /lho ru tum bu ra'i dbang phyug dang s+thA ra na dang /mche ba gtsigs pa dang gzhu 'dzin pa rnams ni nag po'o/ /khyab 'jug la sogs pa nyi shu rtsa bzhi po 'di rnams ni zhal gcig phyag bzhi pa spyan gsum pa/ phyag g.yas pa gnyis kyis kha T+wAM ga dang rtse gsum pa 'dzin pa'o/ /g.yon pa gnyis kyis lha mo la 'khyud pa dang thod pa 'dzin pa'o//ral pa nag po'i thor gtsug can rnams thod pa lnga'i phreng bas dbu la brgyan pa phyag rgya lnga dang ldan pa/ stag gi pags pa'i sham thabs can no/ /'di rnams kyi yum lha mo rnams kyang phyag g.yas pa dang cig shos kyis kha T+wAM ga dang thod pa 'dzin pa'o//'dir dpal rnal 'byor nam mkha' la mi bskyod pa la sogs pa'i de bzhin gshegs pa lngas rgyas btab pa'o/ /ye shes kyi mkha' 'gro ma la mi bskyod pa'am/ rdo rje rnam par snang mdzad kyi rgyas btab pa'o/ /rdo rje DA ki ma la sogs pa bzhi la rtag pa dang /rin chen 'byung ldan dang / snang ba mtha' yas dang / don yod grub pa rnams kyis so/ /seng ge ma la sogs pa bzhi ni mi bskyod pa dang rnam par snang mdzad dang / rin chen 'byung ldan dang / snang ba mtha' yas rnams kyis so/ /tshangs pa la rnam par snang mdzad kyis so//dbang phyug chen po la snang ba mtha' yas kyis so/ /lha gzhan dkar po rnams la rnam par snang mdzad kyis so/ /ser po rnams kyi ni rin chen 'byung ldan gyis so/ /dmar po rnams la snang ba mtha' yas kyis so/ /nag po rnams la mi bskyod pa'o//dkyil 'khor gyi dbang phyug gi snying ga'i sa bon hUM ngo / /oM hUM haHswA hA/ zhes pa ni snying po'i sngags so/ /oM g+huM g+haHswA hA/ ro langs ma'i las thams cad pa'i sngags so zhes bya ba ni/ rim pa gsum gyi dkyil 'khor ro/ /dbus kyi dkyil 'khor gzhal yas khang lta bu la DA ki ma la sogs pa bzhi po rnams ni sgo rnams su'o zhes pa gzhan no//rim pa gnyis pa yang gzhal yas khang gi dbyibs so zhes pa ni gzhan no/ /de yang zlum po'o zhes bya ba ni kha cig go// //bcom ldan 'das gshin rje gshed kyi dkyil 'khor la rdo rje gur gyi dbus su chos 'byung gi lte bar gnas pa'i gzhal yas khang gi dbus su sna tshogs mtsho skyes dang nyi ma'i steng du gnas pa'i ma he nag po khros pa rus pa'i rgyan gyis brgyan pa'i rgyab tu sna tshogs chu skyes dang nyi ma la gnas pa'i gshin rje'i gdan la g.yas bskum pa g.yon brkyang pas mnan nas bzhugs pa'i gshin rje gshed nag po smin ma dang ag tshom gyen du langs shing dbu skra dmar ser gyen du brdzes pa/rdo rje'i rgyan gyis brgyan pa sku bong thung zhing gsus pa 'phyang ba dregs pa mi mgo'i phreng ba mgul par 'phyang ba/ ljags 'gyu ba mche ba 'bar ba gtsigs pa/ rtsa ba dang g.yas dang g.yon gyi zhal nag po dang dkar po dang dmar po/phyag drug pa gri gug thod par ldan pa'i g.yas dang cig shos kyi phyag gnyis kyis rang 'od kyi shes rab ma la 'khyud pa/ g.yas pa gnyis kyis rdo rje dang ral gri/ g.yon pa gnyis na 'khor lo dang pad+ma 'dzin pa'o/ /'jig rten gsum las rnam par rgyal ba bzhin du mtha' yas la sogs pa'i klus brgyan pa'o//'di'i shar du rnam par snang mdzad dkar po ste/ rtsa ba dang g.yas dang cig shos kyi zhal dkar po dang nag po dang dmar po phyag g.yas gnyis na 'khor lo dang ral gri'o/ /g.yon gyi phyag gnyis na rin po che dang pad+ma 'dzin pa'o/ /lho phyogs su rin chen 'byung ldan gser btso ma'i mdog lta bu zhal gsum ser po dang sngon po dang /dkar po g.yas kyi phyag dag na rin po che dang ral gri'o/ /g.yon pa dag na 'khor lo dang pad+ma 'dzin pa'o/ /nub tu snang ba mtha' yas dmar po zhal gsum dmar po dang nag po dang dkar po'o/ / g.yas pa dag na pad+ma dang ral gri'o/ /g.yon pa dag na nor bu dang 'khor lo 'dzin pa'o/ /byang phyogs su phrag dog gshin rje gshed ljang gu zhal gsum ljang gu dang nag po dang / dkar po g.yas pa dag na 'khor lo dang ral gri/ g.yon pa dag na nor bu dang pad+ma 'dzin pa'o/ /bzhi char yang / khro bo 'khor lo'i bdag po'i mtshan nyid can g.yas pa dang cig shos kyi rtsa ba'i phyag dag gis gri gug dang thod pa 'dzin cing rang dang 'dra ba'i yum la 'khyud pa'o/ /me'i mtshams su rdo rje tsa rtsi ka ma ni skem zhing / gzugs dang phyag mtshan rnams ni gti mug gshin rje gshed lta bu'o/ /bden bral du rdo rje phag mo phag zhal can ma zhe sdang gshin rje gshed lta bu'o//rlung du rdo rje dbyangs can ma 'dod chags gshin rje gshed lta bu'o/ /dbang ldan du dkar po phrag dog gshin rje gshed lta bu'o/ /'dir rnam par snang mdzad la sogs pa ni sna tshogs rdo rje'i ra'i rtsa ba rnams su'o/ / rdo rje'i ra mtshams rnams su rdo rje tsa rtsi ka la sogs pa bzhi ni rang 'od dang 'dra ba'i thabs dang bcas pa'o/ /shar sgor tho ba gshin rje gshed nag po zhal gsum ni nag po dang dkar po dang dmar po'o/ /g.yas dag gis rdo rje tho ba dang ral gri/ g.yon dag gis nor bu dang pad+ma 'dzin pa'o//lho sgor dbyug pa gshin rje gshed dkar po zhal gsum dkar po dang sngon po dang dmar po'o/ /g.yas pa dag gis dbyug pa dang ral gri/ g.yon pa dag gis 'khor lo dang pad+ma 'dzin pa'o/ /nub sgor pad+ma gshin rje gshed 'dod chags gshin rje gshed lta bu'o/ /byang sgor ral gri gshin rje gshed phrag dog gshin rje gshed lta bu la cung zad sngo ba'o//thams cad kyang ma rungs pa 'jigs pa gad rgyangs can dbu skra dmar ser 'bar ba gyen la brdzes shing mche ba gtsigs pa'i zhal can rtsa ba'i phyag gnyis kyis gri gug dang thod pa 'dzin cing rang 'od kyi shes rab ma la 'khyud pa'o//'dir rnam par snang mdzad dang lha mo rnams ni sna tshogs pad+ma dang zla ba la gnas pa'o/ /lha gzhan rnams ni sna tshogs pad+ma dang nyi mar gnas pa'o/ /dkyil 'khor gyi me la sogs pa'i mtshams bzhir sna tshogs pad+ma la gnas pa'i thod pa bzhi ni byang sems dkar ba dang dmar ba dang bdud rtsi lnga dang sgron ma lngas bkang ba'o//gshin rje gshed nag po'i rigs kyi bdag po ni spyi bor mi bskyod pa'i bdag nyid do/ /rnam par snang mdzad la sogs pa bzhi yang de bzhin no/ /de rnams ni go rims ji lta bar spyan ma la sogs pa bzhi dang tho ba gshin rje gshed la sogs pa rnams kyi'o//bcom ldan 'das kyi thugs ka'i sa bon ni yaM ngo / /oM hrIHSh+T-iHbi kr-i tA na na hUM hUM phaT swA hA/ zhes pa ni snying po sngags dang las thams cad pa'i sngags kyang 'di'o// //rdo rje sgrol ma'i dkyil 'khor la/ /rdo rje gur gyi nang du chos 'byung gi dkyil du gzhal yas khang gi lte ba la sna tshogs pad+ma 'dab ma brgyad pa'i lte bar zla ba la bcom ldan 'das ma rdo rje sgrol ma gser btsom lta bu sangs rgyas lnga'i cod pan rtsa ba dang g.yas pa dang rgyab dang g.yon gyi zhal bzhi gser mdog dang dkar po dang sngon po dang /dmar po phyag brgyad ma g.yas kyi phyag rnams kyis rdo rje dang zhags pa dang mda' dang dung rnams 'dzin pa'o/ /g.yon pa rnams kyis ut+pal ser po dang gzhu dang lcags kyu dang sdigs mdzub po/ /shar gyi 'dab mar me tog sgrol ma dkar mo ni phyag gnyis kyi me tog gi phreng ba 'dzin pa/lhor bdug sbos sgrol ma nag mo ni phyag gnyis kyis bdug spos 'dzin pa'o/ /nub tu mar me'i sgrol ma ser mo ni phyag gnyis kyis mar me'i gong bu 'dzin pa'o/ /byang du dri'i sgrol ma dmar mo ni phyag gnyis kyis dri chab kyi dung 'phyar ba'o/ /lha mo bzhi po 'di rnams ni zla ba la gnas pa'o//me la sogs pa'i 'dab ma rnams la rnam par snang mdzad la sogs pa'i mdog lta bu 'khor lo dang rdo rje dang pad+ma dang ral gri'o/ /rim pa gnyis pa'i shar sgor rdo rje lcags kyu ma dkar mo ni g.yas pa na lcags kyu 'dzin pa'o/ /lho ru rdo rje zhags pa ma ser mo ni phyag g.yas pa zhags pa 'dzin pa'o//nub tu rdo rje lcags sgrog ma dmar mo ni lcags sgrog la rdo rjes mtshan pa phyag g.yas su'o/ /byang du rdo rje dril bu ma ljang gu ma ni phyag g.yas pa rdo rjes mtshan pa'i dril bu 'dzin pa'o/ /me la sogs pa'i mtshams su gnas pa'i sna tshogs pad+ma rnams la spyan ma la sogs pa rnam par dag pa'i byang sems kyi bum pa dang /ri rab dang me thab dang rgyal mtshan chen po'o/ /steng du gtsug tor rnam par rgyal ma dkar mo ni 'khor lo 'dzin pa'i phyag g.yas pa'o/ /'og tu gnod mdzes ma sngon mo ni g.yas pa klu'i zhags pa 'dzin pa'o/ / lha mo drug po 'di rnams ni phyag g.yon pa sdigs mdzub dang bcas pa sna tshogs pad+ma dang nyi mar gnas pa'o/ /bcu po 'di rnams kyang zhal gcig phyag gnyis pa'o/ /bcu gcig po rnams kyang zhabs rdo rje'i skyil krung gis bzhugs pa gser gyi rna cha g.yo bas brgyan pa gos sna tshogs dang rin po che'i rgyan sna tshogs kyis brgyan pa pad+ma rA ga'i 'od zer 'phro ba'o//rdo rje sgrol ma'i rigs bdag ni rin chen 'byung ldan no/ /me tog sgrol ma la sogs pa ni rnam par snang mdzad dang mi bskyod pa dang / snang ba mtha' yas dang don yod grub pa rnams te rdo rje lcags kyu ma la sogs pa rnams kyi yang ngo //gtsug tor rnam par rgyal ma'i rin 'byung ngo / /gnod mdzes ma'i mi bskyod pa'o/ /bcom ldan 'das ma'i snying ga'i sa bon ni tAM ngo / /oM tA re tut+tA re tu re swA hA zhes pa ni snying po'i sngags dang las thams cad pa'i yang sngags so// //'od zer can ma'i dkyil 'khor la rdo rje gur gyi nang du gnas pa'i chos 'byung gi nang du gzhal yas khang ngo //kha cig gi lugs la chos 'byung med do/ /ri rab kyi steng du gzhal yas khang ngo zhes so/ /gzhal yas khang gi lte bar mchod rten gyi phug gi dkyil du sna tshogs pad+ma la gnas pa'i zla ba'am nyi ma la g.yas bskum pa g.yon brkyang bas gnas pa'i bcom ldan 'das ma 'od zer can ma ser mo rin po che sna tshogs kyi cod pan can dbu skra la mchod rten gyis brgyan pa/rin po che rnam pa sna tshogs kyi rgyan gyis brgyan pa/ zhal gsum pa rtsa ba'i zhal ser po g.yas dkar po g.yon zhal nag po phag pa'i zhal khros pas khro gnyer dang zur mig dang ldan pa/ljags 'dril ba 'jigs par byed ma phyag drug ma g.yas pa rnams kyis mda' dang rdo rje dang khab 'dzin pa'o/ /g.yon pa rnams kyis gzhu dang skud pa dang / mya ngan med pa'i shing me tog dang bcas pa'i yal ga 'dzin pa'o//smad gos sngon po gyon pa stod g.yogs rnam par bkra ba'i gos sngon po can/ gser mdog lta bu'i phag pa'i gdan la bzhugs pa rang gi mdog lta bu'i phag pas yongs su bskor ba/ mya ngan med pa'i me tog gi phreng ba dbu la brgyan pa/shar phyogs su arka ma sI zhes bya ba me tog ban+du ka'i mdog lta bu khab dang skud pa 'dzin pa/ g.yas g.yon gyi phyag go/ /lho ru marka ma sI zhes bya ba'i lha mo gser gyi mdog lta bu'i g.yas pas skud pa dang bcas pa'i khab dang / g.yon pas mya ngan med pa'i shing gi yal ga 'dzin pa'o//nub tu an+ta ra d+h+waM na ma sI ser mo ni g.yas pa mya ngan med pa'i yal ga g.yon pa sdigs mdzub dang bcas pa'i zhags pa 'dzin pa'o/ /byang du ni ra ma sI zhes bya ba sku mdog dmar mo phyag gnyis kyis gzhu dang mda' 'dzin pa'o/ /me'i mtshams la sogs par u da ya ma sI dang /gul+ma ma sI dang / ba na ma sI dang / tsI ba ra ma sI rnams rim pa ji lta ba bzhin du arka ma sI la sogs pa'i mdog dang phyag mtshan bzhin no/ /rim pa gnyis pa'i shar gyi snam bu la ma hA tsI bar ma sI dang / ba rA ha mu khi ni nag mo mche ba gtsigs pa 'jigs su rung ba/g.yas pa rdo rje lcags kyu dang g.yon pas rdo rje zhags pa 'dzin pa'o/ /lho ru pa dA kra ma sI dang ba rA li ser mo ni g.yas pas mya ngan med pa'i yal ga dang g.yon pas rdo rje 'dzin pa'o/ /nub tu pa ra kra ma sI dang bi da li dmar mo ni g.yas pa dang g.yon mda' dang gzhu 'dzin pa'o//byang du Ur ma sI dang / ba rA li ljang gu khab dang skud pa 'dzin pa/ g.yas pa dang g.yon gyi phyag go/ /me'i mtshams su ba tA li dmar mo g.yas g.yon gyi phyag gnyis kyis khab dang skud pa 'dzin pa'o/ /bden bral du ba dA li ser mo ni g.yas pa skud pa dang bcas pa'i khab dang g.yon pas yal 'dab dang bcas pa'i mya ngan med pa'i me tog gi chun po 'dzin pa'o//rlung du ba rA li sku mdog dkar mo g.yas pa dang g.yon pa gnyis kyis mya ngan med pa'i yal ga dang zhags pa 'dzin pa'o/ /dbang ldan du bA rA ha mu khi dmar mo ni phyag gnyis kyis mda' dang gzhu 'dzin pa'o//shar la sogs pa'i sgor A lo dang tA lo dang kA lo dang sats+tsha lo sam+pa ta mur+d+hi TI rnams ni rim pa ji lta ba bzhin du dkar po dang ser po dang dmar po dang ljang gu phyag gnyis ma rdo rje lcags kyu dang zhags pa dang lcags sgrog dang / dril bu 'dzin pa'o//arka ma sI la sogs pa'i lha mo nyi shu rtsa bzhi po 'di rnams ni mngon par gsar du byung ba'i lang tsho can mchod rten gyis dbu la brgyan pa rin po che sna tshogs kyis brgyan pa/ sna tshogs pa'i gos sngon pos stod g.yogs byas pa phag zhal gcig ma phyag gnyis pa spyan gsum pa gser mdog lta bu'i phag pa'i tshogs kyis bskor ba dang ldan pa gser mdog lta bu'i phag pa la chibs pa'o//sgo skyong ma rnams ni sna tshogs pad+ma dang nyi ma la g.yon bskum pa g.yas brkyang bas gnas pa'o/ /gzhan nyi shu po ni sna tshogs pad+ma dang zla ba la g.yas bskum g.yon brkyang bas gnas pa'o//'od zer can ma'i rigs bdag brtag pa'o/ /shar la sogs pa'i phyogs la gnas pa rnams kyi mi bskyod pa dang rin chen 'byung ldan dang / snang ba mtha' yas dang don yod grub pa rnams so/ /me la sogs pa'i phyogs bral rnams su yang de bzhin no kha cig go/ / yang na dkar po rnams la rnam snang nag po rnams la mi bskyod pa/ ser po rnams la rin chen 'byung ldan/ dmar po rnams la snang mtha' ljang gu rnams la don yod grub pa'o zhes pa ni gzhan no/ /'od zer can gyi snying ga'i sa bon ni mAM ngo / /oM mA rI n+ya swA hA/ zhes pa ni snying po'i sngags so//oM mA rI ts+yai hUM sarba big+h+nAM utsha d+ha ya hUM phaT swA hA/ zhes pa ni las thams cad pa'i sngags so// //bsrung ba lnga'i dkyil 'khor la rdo rje gur gyi nang du ri rab kyi steng du gzhal yas khang gi dbus su sna tshogs rdo rje'i lte bar gnas pa'i sna tshogs pad+ma dang zla ba la bcom ldan 'das ma so sor 'brang ma chen mo ni 'od zer dmar po'i dkyil 'khor can zhal bzhi pa phyag bcu gnyis pa rtsa ba'i zhal ser po g.yas dkar po nub sngon po g.yon dmar po'o//g.yas pa rnams kyis rin po che'i pa tra dang 'khor lo dang rdo rje dang mda' dang ral gri dang /mchog sbyin gyi phyag rgya'o/ /g.yon pa rnams kyis rdo rje dang zhags pa dang rtse gsum pa dang / gzhu dang dgra sta dang dung rnams 'dzin pa'o/ /dbul mchod rten gyis brgyan pa rdo rje'i skyil krung can ma'o/ /de'i shar phyogs su stong chen mo rab tu 'joms ma ni sna tshogs pad+ma dang zla ba la rol pa'i kun nas bskyod pas bzhugs pa sku mdog dkar po zla ba'i 'od kyi dkyil 'khor can zhal bzhi ma rtsa ba'i zhal dkar po g.yas sngon po rgyab ser po g.yon pa ljang gu'o//de'i g.yas pa rnams kyis pad+ma la gnas pa'i 'khor lo rtsibs brgyad pa dang mchog sbyin pa dang lcags kyu dang mda' dang ral gri rnams so//g.yon pa rnams kyis rdo rje dang sdigs mdzub dang / zhags pa dang gzhu dang dgra sta rnams so zhes bya ba'i phyag bcu'o/ /lho ru sna tshogs pad+ma dang nyi mar gnas pa'i nyi ma'i 'od can gyi gsang sngags rjes su 'dzin ma chen mo ni rdo rje skyil krung can ma nag mo nag mo dang dkar po dang dmar po ni rtsa ba dang g.yas pa dang g.yon pa'i zhal lo//phyag bcu gnyis pa g.yas pa dang g.yon pa'i phyag gnyis kyis chos 'chad kyi phyag rgya 'dzin pa/ gzhan rnam pa gnyis kyis bsam gtan gyi phyag rgya'o/ /g.yas pa'i gzhan rnams kyis rdo rje dang mda' dang /mchog sbyin dang mi 'jigs pa'i phyag rgya'o/ /g.yon pa rnams kyis sdigs mdzub dang bcas pa'i zhags pa dang / gzhu dang rin po che'i pa tra dang pad+mas mtshan pa'i bum pa 'dzin pa'o/ /nub tu sna tshogs pad+ma dang nyi ma la skyil krung phyed pas bzhugs pa/nyi ma'i 'od can gyi bsil ba'i tshal chen po ni dmar mo dmar po dang dkar po dang nag po dang rtsa ba dang g.yas pa dang g.yon pa'i zhal lo/ /phyag brgyad pa'i g.yas rnams kyis pad+ma dang bcas pa'i mi 'jigs pa'i phyag rgya dang mda' dang rdo rje dang ral gri'o//g.yon pa rnams kyis sdigs mdzub dang bcas pa'i zhags pa dang gzhu dang / rin po che'i rgyal mtshan dang snying gar gnas pa'i po ti 'dzin pa'o/ /byang du sna tshogs pad+ma dang zla ba la zla ba'i 'od can sems dpa'i skyil krung can/ rma bya chen mo ljang gu ni ljang gu dang nag po dang dkar po ni rtsa ba dang g.yas dang g.yon gyi zhal lo//phyag brgyad ma g.yas pa rnams kyis rma bya'i gzhug sgro dang mda' dang mchog sbyin dang ral gri'o/ /g.yon pa rnams kyis lhung bzed la gnas pa'i dge slong dang gzhu dang pang du gnas pa'i bum pa rin po che 'bar ba 'bab pa can dang /sna tshogs rdo rje la rin po ches mtshan pa'i rgyal mtshan 'dzin pa'o/ /rim pa gnyis pa la me'i mtshams su nag po ni phyag gnyis kyis dung 'dzin pa'o/ /bden bral du dus mtshan ma ser mo phyag gnyis kyis rdo rjes mtshan pa'i rgyal mtshan 'dzin pa'o//rlung gi mtshams su rna ba nag mo dmar mo phyag gnyis kyis dgra sta 'dzin pa'o/ /dbang ldan gyi mtshams su dkar mo sku mdog dkar mo phyag gnyis kyis rtse gsum pa 'dzin pa'o/ /bzhi po 'di rnams ni zhal gcig phyag gnyis pa'o/ /dgu po 'di dag ni rat+na sna tshogs kyi rgyan dang gos dang rin po che'i cod pan can/zhal re re la spyan gsum gsum pa rim pa ji lta ba bzhin du rin chen 'byung ldan dang / rnam par snang mdzad dang / mi bskyod pa dang / snang ba mtha' yas dang / don yod grub pa dang / mi bskyod pa dang / rin chen 'byung ldan dang / snang ba mtha' yas dang /rnam par snang mdzad kyis rgyas btab pa'o/ /shar la sogs pa'i sgor sna tshogs pad+ma dang nyi ma la rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bu ma rnams kyi yang sngar bzhin no/ /so sor 'brang ma la sogs pa rnams kyis bon ni praM ngo / / oM ma Ni d+ha ri badzra Ni ma hA pra ti sA re hUM hUM phaT phaT ces bya ba ni snying po'o/ /sa bon ni bruM mo/ /oM AHma hA sa hA sra pra marda ni brUM hUM snying po'o/ /sa bon hUM ngo / /oM AHma hA man+t+ra a nu sA ri ni hUM hUM snying po'o/ /sa bon ni dzrIM ngo / oM AHma hA shi ta pa ti badzri hUM snying po'o/ /sa bon ni maM ngo / /oM ma hA mA yU ra bid+ya rA dz+nyI hUM hUM phaT phaT swA hA/zhes pa snying po'o/ /dgos pa'i dbang gis 'di rnams gang yang rung bas 'khor lo'i dbang phyug ma bya'o/ /dkyil 'khor gyi dbang phyug ma'i snying po'i sngags kyis ni las thams cad pa'i sngags kyang bya'o/ /rdo rje dbyings kyi dkyil 'khor la rdo rje gur gyi nang du gling dang nye ba'i gling phran dang rgya mtsho dang ri bdun la sogs pas yongs su bskor ba'i ri rab kyi steng gzhal yas khang ste de'i dbus su seng ge'i steng du sna tshogs pad+ma'i ze 'bru la bcom ldan 'das rnam par snang mdzad dkar po rdo rje skyil krung gis gnas pa nyi ma'i 'od can/sangs rgyas lngas spras pa'i rat+na'i cod pan gyis brgyan pa'i ral pa'i thor cog can rat+na sna tshogs pa'i rgyan dang gos dang ldan pa zhi ba'i zhal bzhi dkar po dang ser po dang dmar po dang ljang gu dang / phyag brgyad pa g.yas pa dang g.yon pa gnyis kyis rdo rje dang bcas pa'i byang chub mchog gi phyag rgya mdzad pa'o//gzhan gnyis kyis bsam gtan gyi phyag rgya 'dzin pa'o/ /g.yas pa gnyis kyis bgrang phreng dang mda' 'dzin pa'o/ /g.yon pa gnyis kyis 'khor lo dang gzhu 'dzin pa'o/ /yang na 'di ni zhal gcig phyag gnyis pa sku mdog dkar po rdo rje dang bcas pa'i byang chub mchog gi phyag rgya 'dzin pa'o//g.yon pa'i rdo rje'i khu tshur gyi mdzub mo langs pa la g.yas pa rdo rje khu tshur gyis bzung ba byang chub mchog gi phyag rgya'o/ /shar gyi 'dab ma la sems ma rdo rje ma sngon mo g.yas pas rdo rje rtse lnga pa dmar po 'dzin pa g.yon pas sdigs mdzub dang bcas pa zhags pa 'dzin pa'o//lhor rin chen rdo rje ma ser mo g.yas pas rdo rje rtse lnga pas mtshan pa'i rin po che 'dzin pa/ g.yon pas sdigs par byed pa'i sdigs mdzub po/ /nub tu chos kyi rdo rje ma dmar mo ni rdo rje rtse lnga pas mtshan pa'i pad+ma 'dab ma brgyad pa dkar dmar g.yas pas 'dzin pa/g.yon pas pad+ma 'dzin pa'o/ /byang du las kyi rdo rje ma ljang gu g.yas pa sna tshogs rdo rje rtse mo bcu gnyis pa de bzhin gshegs pa lnga'i kha dog can 'dzin pa/ g.yon pas sdigs mdzub sdigs par byed pa'o/ /de nas shar phyogs su glang po che'i dbang po'i steng du sna tshogs pad+ma'i lte bar mi bskyod pa sngon po rdo rje skyil krung gis gnas pa/phyag g.yas pa gung mos rdo rje rtse lnga pa sngon po bzung nas sa gnon gyi tshul byed cing phyag g.yon pa gan rkyal du pang du bzhag pa'o/ /shar gyi 'dab mar rdo rje sems dpa' dkar po phyag g.yas pa'i gung mos snying gar 'gying ba'i tshul gyis rdo rje gsor ba'i sbyor ba'o//g.yon pa'i rdo rje khu tshur gyis nga rgyal dang bcas pa'i dril bu dkur brten pa'o/ /lhor rdo rje rgyal po ser po g.yas par gnas pa'i rdo rje lcags kyus 'gugs pa'i tshul byed cing phyag g.yon pas zhags pa 'dzin pa'o//kha cig ni phyag gnyis kyis rdo rje lcags kyu 'dzin pas 'gugs pa'i tshul byed pa'o zhes so/ /byang du rdo rje chags pa dmar po phyag g.yon dang cig shos rnam pa gnyis kyis gzhu dang mda' 'dzin pa'o/ /nub tu rdo rje legs pa margad kyi mdog lta bu rdo rje dang bcas pa'i phyag gnyis kyis snying gar legs so sbyin pa'i tshul byed pa'o//lhor rta'i rgyab tu sna tshogs pad+ma'i lte bar rin chen 'byung ldan ser po rdo rje skyil krung gis bzhugs pa/ g.yas pas rdo rjes mtshan pa'i rin po che gung mos bzung ste mchod sbyin gyi tshul byed pa/g.yon pa mnyam bzhag go/ /shar gyi 'dab mar rdo rje rin chen ser po ni g.yas pa'i rdo rje khu tshur gyi mtha' gnyis la rdo rje gnyis kyis mtshan pa'i rin po che'i phreng ba rang gi dbang bskur ba'i gnas su 'ching bar byed cing g.yon pas rdo rje dril bu snyems pa dang bcas pas dkur brten pa'o//lho ru rdo rje gzi brjid dmar po snying gar phyag gnyis kyis 'dzin pa'i nyi mas gsal bar byed pa'o/ /byang du rdo rje tog ljang gu g.yon gyi bar du lhur gnas pa'i phyag gnyis kyis yid bzhin gyi nor bu'i rgyal mtshan 'dzin cing 'phyar ba'o/ /nub tu rdo rje bzhad pa dkar po g.yas pas so'i phreng ba dang ldan pa'i rdo rje 'dzin pa/g.yon pas kyang de bzhin te so'i phreng ba dang ldan pa'i rdo rje gnyis khar bzhag pa'o/ /nub tu rma bya'i steng du sna tshogs pad+ma'i ze 'bru la snang ba mtha' yas rdo rje skyil krung can dmar po phyag g.yon pa dang cig shos gan rgyal du byas pa phang pa'i steng du bzhag pa ting nge 'dzin gyi phyag rgya'i g.yas pa'i gung mos rdo rjes mtshan pa'i pad+ma 'dzin pa'o//shar gyi 'dab mar rdo rje chos dmar skya g.yon pa 'gying ba'i tshul dang bcas pas pad+ma'i yu ba 'dzin cing g.yas pas kha 'byed pa'o/ /lho ru rdo rje rnon po nam mkha' lta bu sngon po g.yon pas thugs kar shes rab kyi pha rol tu phyin pa'i pusti 'dzin pa g.yas pas ral gri 'phyar ba'i tshul du 'dzin pa'o//byang du rdo rje rgyu gser btso ma'i mdog can g.yon par gnas pa'i 'khor lo rtsibs brgyad pa g.yas pa'i gung mo mgal me lta bu bskor zhing chos kyi 'khor lo'i phyag rgya 'dzin pa'o//nub tu rdo rje smra ba dmar po g.yon pa chos kyi dung dang g.yas pas rdo rje rtse gcig pa'i lce 'dzin pa'o/ /byang du khyung gi steng du sna tshogs pad+ma'i lte bar don yod grub pa ljang gu rdo rje skyil krung gis bzhugs pa/ phyag g.yas pa'i gung mos sna tshogs rdo rje 'dzin pas mi 'jigs pa sbyin pa'i tshul byed cing g.yon pa gan rkyal du pang bar bzhag pa'o//shar gyi 'dab mar rdo rje las ljang gu g.yas pas snying gar bslang ba'i sbyor bas sna tshogs rdo rje rtse mo bcu gnyis pa 'dzin pa/ g.yon pa sna tshogs rdo rjes mtshan pa'i dril bu dkur brten pa/yang na lag pa gnyis kyis thal mo spyi bor sbyar nas sna tshogs rdo rje spyi bor 'dzin pa'o/ /lhor rdo rje bsrung ba ser po phyag gnyis kyi rdo rje'i go cha 'dzin pa'o/ /byang du rdo rje gnod sbyin nag po phyag gnyis kyis mthe chung gnyis kyi rdo rje mche ba'i mtshon gyi rtse mo gnyis rang gi khar bcug pas gdug pa rnams sdigs par byed pa'o//nub tu rdo rje khu tshur ser po khu tshur gyi mtshams su rdo rje ste/ rdo rje khu tshur dag gis bzung ba'i rdo rje rtse lnga pa bsdams pa'o/ /dbus kyi gzhal yas khang gi me'i pad+ma rdo rje sgeg mo dkar mo rdo rje dkur brten pa'i phyag rgya'i phyag gnyis kyis rdo rje gnyis 'dzin pa'o//bden bral du pad+ma la phreng ba ma ser mo phyag gnyis kyis rat+na'i phreng ba 'dzin pa'o/ /rlung du pad+ma la glu ma dmar mo phyag gnyis kyis pi wang gi rgyud sbreng ba'o/ /dbang ldan du pad+ma la gar ma ljang gu rdo rje rtse gsum pa gnyis bzung nas phyag gnyis kyis gar byed pa'o//dbus kyi gzhal yas khang gi phyi ru snam bu la shar du pad+ma rnams la byams pa dang mthong ba don yod dang ngan song kun 'dren dang / mya ngan dang mun pa thams cad 'joms pa'i blo gros rnams ni mi bskyod ba lta bu'o/ /lhor pad+ma rnams la spos kyi glang po dang /dpa' bar 'gro ba dang / nam mkha' mdzod dang / ye shes tog rnams ni rin chen 'byung ldan lta bu'o/ /nub tu pad+ma rnams la 'od dpag med dang / zla ba'i 'od dang bzang skyong dang dra ba can gyi 'od rnams ni 'od dpag med lta bu'o/ /byang du pad+ma rnams la rdo rje snying po dang / blo gros mi bzad pa dang /spobs pa brtsegs pa dang / kun du bzang po rnams ni don yod grub pa lta bu'o/ /yang na shar la sogs pa'i snam bu rnams la bskal pa bzang po'i byang chub sems dpa' byams pa la sogs pa stong du bzhis mtshang ba bsgom par bya'o/ /de'i mtshan rnams mangs pas 'jigs pas ma bshad do//me'i mtshams su pad+ma la rdo rje bdug sbos ma dkar mo dang bden bral gyi pad+ma la rdo rje me tog ma ser po dang / rlung gi pad+ma la rdo rje mar me ma dkar dmar dang / dbang ldan gyi pad+ma la rdo rje dri chab ma ljang gu/ bdug spos ma la sogs pa 'di rnams gang bzhin du phyag mtshan 'dzin pa'o//shar la sogs pa'i sgo'i pad+ma rnams la rdo rje lcags kyu dang rdo rje zhags pa dang / rdo rje lcags sgrog dang / rdo rje 'bebs pa rnams rim pa bzhin du dkar po dang ser po dang dmar po dang ljang gu rnams ni gong bzhin du phyag mtshan 'dzin pa'o/ / 'dir bcom ldan 'das rdo rje dbyings las gzhan pa'i lha rnams ni zhal gcig phyag gnyis pa gos dang rat+na sna tshogs kyis brgyan pa rat+na'i cod pan can rdo rje sems dpa' la sogs pa ma gtogs pa dkyil 'khor gyi dbang phyug la mngon du phyogs pa'o/ /rdo rje sems dpa' la sogs pa'i byang chub sems dpa' bcu drug ni rang gi rigs kyi bdag po de bzhin gshegs pa la mngon du phyogs pa'o//rnam par snang mdzad la sogs pa nas rdo rje 'bebs pa'i bar gyi lha rnams ni ji ltar gsungs pa'i lte ba dang 'dab ma rnams la gnas shing nyi ma'i 'od zer can no/ /de bzhin gshegs pa lnga las gzhan pa'i lha bzhi bcu zhe brgyad ni sems dpa'i skyil krung gis bzhugs pa'o//'dir bcom ldan 'das rdo rje dbyings rnam par snang mdzad shin tu rnam par dag pa'i chos kyi dbyings kyi ye shes kyi bdag nyid la rang 'dra ba'i rdo rje sems dpas rgyas btab pa'o/ / me long lta bu'i ye shes la sogs pa'i bdag nyid kyis mi bskyod pa la sogs pa de bzhin gshegs pa bzhi'i rigs kyi bdag po ni rnam par snang mdzad do/ /sems ma rdo rje ma dang rdo rje sems dpa' la sogs pa bzhi dang sgeg mo dang bdug spos ma dang byams pa la sogs pa bzhi dang / rdo rje lcags kyu rnams kyi mi bskyod pa'o//rin chen rdo rje ma dang rdo rje rin chen la sogs pa bzhi dang / phreng ba ma dang me tog ma dang spos kyi glang po la sogs pa bzhi dang rdo rje zhags pa rnams kyi rin chen 'byung ldan no/ /chos kyi rdo rje ma dang rdo rje chos la sogs pa bzhi dang glu ma dang / mar me ma dang /'od dpag med la sogs pa bzhi dang / rdo rje lcags sgrog rnams kyi snang ba mtha' yas so/ /las kyi rdo rje ma dang / rdo rje las la sogs pa bzhi dang / gar ma dang dri chab ma dang / rdo rje snying po la sogs pa bzhi dang rdo rje 'bebs pa rnams kyi don yod grub pa'o/ /'dir nang gi gzhal yas khang gi sgo rnams su'ang /rdo rje lcags kyu la sogs pa sgo skyong bzhi bsgom par bya'o zhes pa phyogs gzhan no/ /rnam par snang mdzad kyi snying ga'i sa bon AHoM sarba ta thA ga tA ma hA yo gI shwa ra hUM zhes pa ni snying po'o/ /oM badzra yak+Sha hUM zhes pa ni rdo rje gnod sbyin gyi las thams cad pa'i sngags so//gang yang rdo rje rtse mo la sogs pa'i rgyud gzhan gyis kyang lha'i rnam pa'i khyad par gsungs pa de ni 'dir mangs kyis dogs pas ma bshad do// //bzhi bcu rtsa gsum gyi bdag nyid can/ 'jam pa'i rdo rje'i dkyil 'khor la rdo rje gur gyi nang la sogs pa gzhal yas khang bar du dang por bshad pa'i 'jam pa'i rdo rje'i dkyil 'khor bzhin no//'on kyang 'dir khro bo rnams ni 'og nas 'chad pa'i gzugs can no zhes pa ni phyogs gcig go/ /rdo rje gur gyi nang na ri rab kyi steng na sna tshogs pad+ma'i lte bar gnas pa'i sna tshogs rdo rje'i lte bar gzhal yas khang zhes pa ni phyogs gnyis pa'o//phyogs gnyis ka la yang mchod rten dkar po'i nang du gzhal yas khang ngo / /de'i lte ba la seng ge'i steng du sna tshogs pad+ma dang zla ba la sems dpa'i skyil krung gis bzhugs pa'i bcom ldan 'das rnam par snang mdzad kyi rang bzhin 'jam pa'i rdo rje sku mdog gser bco ma lta bu sdug cing yid du 'ong ba me tog sna tshogs kyis mdzes pa'i gtsug phud can gsum gyis rnam par brgyan pa rtsa ba dang g.yas dang g.yon gyi zhal ser po dang sngon po dang dkar po phyag drug pa g.yas pa rnams kyi ral gri dang /mchog sbyin dang mda' dang / g.yon pa rnams kyis shes rab kyi pha rol tu phyin pa'i pu sti dang chu skyes sngon po dang gzhu 'dzin pa'o//bdag lta bu'i rdo rje dbyings kyi dbang phyug ma la snyoms par zhugs pa'o/ /de'i shar phyogs kyi le tshe la glang po che'i steng du sna tshogs pad+ma dang nyi ma la mi bskyod pa sngon po 'gying ba'i tshul gyis gnas pa rtsa ba dang g.yas g.yon gyi zhal sngon po dang dkar po dang dmar po phyag brgyad pa g.yas pa'i gung mos snying gar rdo rje gyen du bsgreng ba/g.yon pa'i rdo rje khu tshur gyis rdo rje dril bu dku la brten pa/ g.yas gzhan rnams kyis ral gri dang lcags kyu dang mda' rnams so/ /g.yon pa rnams kyis nu ma dang zhags pa dang gzhu 'dzin pa'o//lho ru rta'i steng du sna tshogs chu skyes dang nyi ma la rin chen 'byung ldan ser po sems dpa'i skyil krung gis bzhugs pa/ ser po dang sngon po dang dkar po rtsa ba dang g.yas g.yon gyi zhal lo/ /phyag drug pa rtsa ba'i phyag dag gis mnyam gzhag gi phyag rgya byas la/g.yas pa'i phyag gnyis kyis rin po che dang ral gri 'dzin pa'o/ /g.yon pa gnyis kyis nu ma dang rdo rje 'dzin pa'o/ /nub tu rma bya'i steng du sna tshogs chu skyes dang nyi ma la sems dpa'i skyil mo krung gis gnas pa'i snang ba mtha' yas dkar po dkar po dang sngon po dang dmar po rtsa ba dang g.yas g.yon gyi zhal lo//phyag drug pa g.yon pa sgeg pa dang bcas pa'i pad+ma'i yu ba snying gar bzung ste/ g.yas pas kha 'byed pa'o/ /g.yas pa gnyis kyis bgrang phreng dang rdo rje 'dzin pa'o/ /g.yon pa gnyis kyis nu ma dang spyi blugs 'dzin pa'o/ /byang du khyung gi steng du sna tshogs chu skyes dang nyi ma la don yod grub pa sems dpa'i skyil krung gis bzhugs pa kha dog dmar po dmar po dang sngon po dang dkar po rtsa ba dang g.yas g.yon gyi zhal lo//phyag drug pa dang po gnyis kyis bsam gtan gyi phyag rgya bcing ba'o/ /g.yas pa gnyis kyis ral gri dang rdo rje 'dzin pa'o//g.yon pa gnyis kyis nu ma dang lcags kyu 'dzin pa'o/ /dbang ldan du spyan ma ser mo ni sems dpa'i skyil krung can/ phyag brgyad ma g.yas pa rnams kyis mchog sbyin dang mi 'jigs pa dang rdo rje dang mda' 'dzin pa'o/ /g.yon pa rnams kyis sdigs mdzub dang bcas pa'i zhags pa dang /rin po che'i snye ma dang bgrang phreng dang gzhu 'dzin pa'o/ /mer mA ma kI sems dpa'i skyil krung can ma sngon mo ni khro ba dang bcas pas dgod pa phyag drug pa g.yas pa rnams kyis mi 'jigs pa dang rdo rje dang mda' dang / g.yon pa rnams kyis sdigs mdzub dang zhags pa dang gzhu 'dzin pa'o//bden bral du gos dkar mo dmar po ni phyag drug pa g.yas pa rnams kyis mi 'jigs pa dang rdo rje dang mda'o/ /g.yon pa rnams kyis pad+ma dang bgrang phreng dang gzhu 'dzin cing 'gying ba'i tshul gyis gnas pa'o/ /rlung du sgrol ma margad lta bu'i mdog can ma sems dpa'i skyil krung gis gnas pa/phyag drug pa g.yas pa rnams kyis mi 'jigs pa dang rdo rje dang mda' 'dzin pa'o/ /g.yon pa rnams kyis sdigs mdzub dang ut+pal dang gzhu 'dzin pa'o/ /rim pa gnyis pa la shar la sogs pa'i phyogs rnams su sems ma rdo rje ma dang rin chen rdo rje ma dang chos kyi rdo rje ma dang /las kyi rdo rje ma rnams rim pa bzhin du sku mdog dang / phyag mtshan ni mi bskyod pa la sogs pa bzhin no/ /'on kyang nu ma 'dzin pa med pas sems ma rdo rje ma rin chen rdo rje ma las kyi rdo rje ma rnams sdigs mdzub 'dzin pa'o/ /chos kyi rdo rje ma ni zhags pa 'dzin pa'o//dbang ldan du tsun+da dkar mo zla ba'i mdog can phyag nyi shu rtsa drug ma rtsa ba'i phyag gnyis kyis snying gar rtsa ba'i phyag rgya dang / g.yas pa rnams kyis mi 'jigs pa dang ral gri dang rat+na'i phreng ba dang bi dza pU ra dang mda' dang dgra sta dang mdung thung dang thob dang lcags kyu dang rdo rje dang ba dan gsum gyi tshul dang bgrang phreng ngo //g.yon pa rnams kyis yid bzhin gyi nor bu'i rgyal mtshan dang / pad+ma dang spyi blugs dang zhags pa dang gzhu dang shag ti dang 'khor lo dang ral gri dang sdigs mdzub dang bum pa bzang po dang bi di ba la dang / shes rab kyi pha rol tu phyin pa'i po ti'o//kan dzI ka'i stod g.yogs bcings pa bla gos phrag pa la gzar ba gar gyi nyams dgu'i rang bzhin rtsa ba'i zhal dkar po g.yas pa'i sngon po ljags 'gul zhing mche ba bag tsam gtsigs pa/ g.yon pa ser po ma mchu mnan pa/ thal mo sbyar te mdzub mo gnyis gung mo'i tshigs par zlum po'i rnam par bzhag ste mthe bong gnyis mdzub mo'i rtsa ba'i logs la gzhag par bya ste/snying gar bzhag pa 'di ni rtsa ba'i phyag rgya'o/ /mer ni rin chen skar mda' ser mo phyag drug pa gnyis kyis snying gar rin po che kha sbyor 'dzin pa'o/ / g.yas pa gnyis mi 'jigs pa dang mda' 'dzin pa g.yon pa gnyis kyis sdigs mdzub dang gzhu 'dzin pa'o/ /bden bral du khro gnyer can dkar mo phyag drug ma g.yas pa rnams kyis rdo rje dang dbyug pa dang mda' 'dzin pa'o/ /g.yon pa rnams kyis sdigs mdzub dang spyi blugs dang gzhu 'dzin pa'o//rlung du rdo rje lcags sgrog ma ljang gu phyag drug ma g.yas pa rnams kyis rdo rje dang rdo rje lu gu rgyud dang mda' 'dzin pa g.yon pa rnams kyis sdigs mdzub dang zhags pa dang gzhu 'dzin pa'o/ /spyan ma la sogs pa'i lha mo bcu gnyis po 'di rnams ni rol pa'i kun du bskyod pa dang ldan pa zla ba'i gdan la bzhugs shing 'od dmar po'i dkyil 'khor can/rang rang gi rigs kyi bdag po bzhin du zhal gsum pa'o/ /rim pa gsum pa'i dkyil 'khor du shar gyi snam bu la byams pa gser gyi mdog lta bu phyag dang po gnyis chos 'chad kyi phyag rgya dang /g.yas pa mchog sbyin gyi phyag rgya dang g.yon pa me tog dang bcas pa'i klu shing gi yal ga 'dzin pa'o/ /'jam dpal ni brjod zin pa'i gzugs can te/ khyad par du shes rab ma dang bral ba'o/ /spos kyi glang po ljang gu g.yon pas bum par gnas pa'i glang po che'i sna 'dzin pa'o//g.yas kyi mchog sbyin no/ /ye shes tog ser po g.yon pas yid bzhin gyi nor bu'i rgyal mtshan 'dzin pa'o/ /g.yas mchog sbyin no/ /lho ru bzang skyong sku mdog dmar po/ /g.yon pa rat+na 'dzin pa g.yas pas mchog sbyin no/ /blo gros rgya mtsho dkar po phyag gnyis kyi sor mo thams cad brkyang bas chu rlabs kyi tshul byed pa'o//blo gros mi zad pa gser gyi mdog lta bu g.yon pa'i khu tshur snying gar bzhag ste/ g.yas pas mchog sbyin no/ /spobs pa brtsegs pa ljang gu g.yon pas khu tshur mkhal khung du bzhag pa'o//g.yas pas se gol gtogs pa'o/ /nub tu mthu chen thob dkar po g.yon pas bag tsam kha phye ba'i pad+ma dkar po'o/ /g.yas pas mchog sbyin no/ /ngan song kun 'dren dkar po phyag gnyis kyis sdig pa sprug pa'i tshul lo/ /mya ngan dang mun pa thams cad nges par 'joms pa'i blo gros gser gyi mdog lta bu phyag gnyis kha sbyar brdabs pa'i tshul lo//dra ba can gyi 'od dmar po g.yon pas ut+pal la gnas pa'i nyi ma'i dkyil 'khor 'dzin pa'o/ /g.yas pas mchog sbyin no/ /byang du zla 'od sku mdog zla ba'i 'od lta bu g.yon pas ut+pa lar gnas pa'i zla ba'i dkyil 'khor 'dzin pa g.yas pas mchog sbyin no//'od dpag med dmar po phyag gnyis kyis dbang bskur ba'i bum pa 'dzin pa'o/ /nam mkha' mdzod sku mdog gser lta bus g.yon pas rdo rje khu tshur 'gying pas dkur brten pa/ g.yas pas nam mkha' la bskor ba'o//sgrib pa thams cad rnam par sel ba sngon po'am dkar po g.yon pas sa la reg pa/ g.yas pa'i khu tshur gyis mthe bong dang sdigs mdzub sbyar te/ dri ba'i tshul gyis gnas pa'o/ /byams pa la sogs pa'i byang chub sems dpa' 'di rnams ni zla ba'i gdan dang zla ba'i 'od can no//sems dpa'i skyil krung gis bzhugs pa spyan gsum pa rang phyogs kyi bdag po bzhin du zhal gsum pa phyag drug pa phyag gnyis kyis mnyam gzhag gi phyag rgya byas pa/ gnyis kyis gzhu dang mda' 'dzin pa'o/ /byams pa dang 'jam dbyangs gnyis la ni mnyam gzhag gi phyag rgya med do//'jam pa'i rdo rje la sogs pa'i lha thams cad gos sna tshogs pa dang rin po che'i rgyan dang ral ba'i thor tshugs dang 'dzum pa dang bcas pa'i zhal dang sgeg pa'i nyams dang ldan pa'o/ /shar gyi sgor ma he'i steng du gshin rje mthar byed nag po phyag drug pa g.yas pa rnams kyis ral gri dang rdo rje dang mda' 'dzin pa'o//g.yon pas zhags pa dang bcas pa'i sdigs mdzub gyen du bsgrengs pas sdigs par byed pa/ g.yon pa'i gnyis pas 'khyud pa'i lha mo'i nu ma 'dzin pa'o/ /de yang zhal gcig pa phyag gnyis pa sku mdog dkar po g.yon pas pad+ma dkar po 'dzin pa phyag g.yas pas yab la 'khyud par brtson pa'o//g.yon pa'i gsum pas dngul gyi gzhu 'dzin pa'o/ /margad lta bu'i lha mo ljang gu phyag gnyis ma g.yas ut+pal sngon po 'dzin pa phyag g.yon pa yab kyi ske la 'khyud pas g.yas phyogs su brgyan pa/zhal drug pa gsus pa 'phyang ba/ zhal drug ni sngon po rtsa ba'i zhal dgyes pa'i gad mos bzhad pa/ gnyis pas 'jigs par byed pa/ gsum pa'i zhal gdangs pa/ bzhi pa 'jigs su rung ba/ lnga pa rdo rje mche ba can/ drug pa mgo'i steng du gnas pa ljags 'gul ba'o//yang na steng gi sngon po rtsa ba la sogs pa'i zhal rnams ni g.yas skor gyis sngon po dang dkar po dang ser po dang dmar po dang ljang gu rnams so/ /lho sgor gzhan gyis mi thub pa ser po ser po dang nag po dang dkar po rtsa ba dang g.yas g.yon gyi zhal lo/ / phyag drug pa g.yas pa rnams kyis rdo rje dang dbyug tho dang mda' 'dzin pa'o/ /g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /nub tu rta mgrin dmar po dmar po dang sngon po dang dkar po rtsa ba dang g.yas g.yon gyi zhal lo/ /phyag drug pa g.yas pa rnams kyis rdo rje dang dbyug pa dang ka na ya dang mda' rnams 'dzin pa'o//g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /byang du bdud rtsi 'khyil ba sngon po rkang pas bgegs mnan pa/ phyag drug pa g.yas pa rnams kyis ral gri dang dgra ste dang mda' 'dzin pa'o//g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /dbang ldan gyi mtshams su rat+na'i ri bo'i steng du mi g.yo ba sngon po phyag drug pa g.yas pa rnams kyis ral gri dang zhags pa dang mda' 'dzin pa'o//g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /g.yon ngos su 'phyang ba'i gos sngon po 'dzin pa'o/ /khrag gis brlan pa'i ljags 'gul ba'i zhal gdangs pa'o/ /mer 'dod pa'i rgyal po sngon po phyag drug pa dang po gnyis kyis rang gi phyag rgya byas pa g.yas pa gnyis kyis rdo rje dang mda' dang g.yon pa gnyis nu ma dang gzhu 'dzin pa'o//rdo rje khu tshur gnyis phan tshun rgyab sbyar te mthe'u chung gnyis bsnol te sdigs mdzub gnyis phyir brkyang nas zhags pa'i tshul byas pa ni 'dod pa'i rgyal po'i phyag rgya'o//bden bral du dbyug pa sngon po sku mdog sngon po phyag drug pa g.yas pa rnams kyis rdo rje dang dbyug pa dang mda'/ g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /rlung du stobs po che sngon po phyag brgyad pa g.yas pa rnams kyis rdo rje dang dbyug pa dang ral gri dang mda'o//g.yon pa rnams kyis sdigs mdzub dang bcas pa'i zhags pa dang nu ma dang tho ba dang gzhu 'dzin pa'o/ /dkyil 'khor gyi dbang phyug gi steng du gnod mdzes rgyal po sngon po phyag gnyis kyis rdo rje hUM mdzad kyi phyag rgya bcings pa g.yas pa gnyis kyis ral gri dang mda' 'dzin pa'o//g.yon pa gnyis kyis nu ma dang gzhu 'dzin pa'o/ /'dir 'dod pa'i rgyal po'i phyag rgya de nyid kyi mdzub mo gnyis gyen du bsgreng ba ni gnod mdzes kyi phyag rgya'o/ /'og tu rdo rje sa 'og sngon po phyag drug pa g.yas pa rnams kyis rdo rje dang lcags kyu dang mda' 'dzin pa'o//g.yon pa rnams kyis nu ma dang zhags pa dang bcas pa'i rtse gcig pa dang gzhu 'dzin pa'o/ /bgegs mthar byed la sogs pa bdun po ni sngon po dang ser po dang dmar po rtsa ba dang g.yas g.yon gyi zhal gsum mo//khro bo bcu yang khros pa'i lta stangs can spyan dmar po smin ma g.yo ba bag tsam rtsa ba'i zhal kha phye ba/ g.yas pa'i zhal gdangs ba/ g.yon pa'i zhal ma mchu mnan pa mche ba gtsigs pa stag gi pags pas smad dang stod la gon pa thod pa'i phreng bas dbu la brgyan pa/dbu skra 'bar ba gyen la bcings shing 'khyil ba sma ra dmar ser rol pa'i kun tu bskyod pa can/ klu'i rgyal po brgyad kyis brgyan pa/ phud kyi sgra sgrogs pa dang bcas pa'i gdengs ka can rnams kyis 'jigs pa sna tshogs pad+ma dang / nyi ma'i gdan la g.yon brkyang bas gnas pa'o//gshin rje mthar byed ni g.yas brkyang ba'am rdo rje skyil krung gis kyang bzhugs pa'o/ /dkyil 'khor 'di la gnod mdzes rgyal po'i gzugs kho nas rnam par gnas pa'i phyir gtsug tor 'khor los sgyur ba ni dkyil 'khor nyid du tha dad du ma bshad de/dpal sgyu 'phrul dra ba'i rgyud las rnal 'byor rgyas par bstan pa la'o/ /'bring bor bstan pa la ni 'jam pa'i rdo rje'i spyi bo'i steng na rat+na'i ri la gnas pa'i pad+ma dang nyi ma la rdo rje skyil krung gis gnas pa'i gtsug tor 'khor los sgyur ba ser po ser po dang sngon po dang dkar po rtsa ba dang g.yas dang g.yon gyi zhal lo//phyag brgyad pa'i phyag gnyis kyis mnyam gzhag gi phyag rgya byas pa/ g.yas pa rnams kyis 'khor lo dang bgrang phreng dang mda' 'dzin pa'o/ /g.yon pa rnams kyis 'khor lo dang nu ma dang gzhu 'dzin pa'o/ / sna tshogs pa'i gos dang rin po che'i rgyan can/ ral pa'i thor cog gi cod pan can gzhogs gnyis su spyan ma la sogs pa'i lha mo bzhi po rnams kyis brgyan pa'o zhes gsungs so/ /de'i rjes su 'brangs nas rnal 'byor rgyas pa la/ yang gtsug tor 'khor los sgyur ba ni dkyil 'khor ba tha dad du dang de'i steng du gnod mdzes rgyal po shes par bya'o zhes pa ni kha cig go//lha gzhan bzhi bcu zhe gsum po rnams kyang zhal re re la spyan gsum gsum pa'o/ /'dir nu ma 'dzin par bstan pa de yang mi bskyod pa la sogs pa bzhi bdag lta bu'i shes rab ma la snyoms par zhugs pa rnams kyi'o//khro bo rnams kyis ni bdag lta bu'i shes rab ma g.yon ngos su gnas pa'i nu ma 'dzin pa'o zhes shes par bya'o/ /gshin rje mthar byed las gzhan rnams la shes rab ma med kyang de'i nu mar 'dzin pa'i tshul gyis bdag gi nu mar 'dzin pa'o zhes pa ni gzhan no//'dir rnam par snang mdzad kyi rang bzhin 'jam pa'i rdo rje chos kyi dbyings rnam par dag pa'i ye shes kyi bdag nyid lta bu'i rdo rje sems dpas rgyas btab pa/ me long lta bu'i ye shes la sogs pa'i rang bzhin mi bskyod pa la sogs pa'i de bzhin gshegs pa bzhi dang /spyan ma dang tsun+da rnams la 'jam pa'i rdo rjes rgyas btab pa/ mA ma kI dang sems ma rdo rje ma dang byams pa la sogs pa bzhi dang / khro bo bcu la mi bskyod pas rgyas btab pa/ rin chen rdo rje ma dang rin chen skar mda' ma dang / bzang skyong ma la sogs pa bzhi la rin 'byung gis rgyas btab pa/ gos dkar mo dang chos kyi rdo rje ma dang khro gnyer ma dang mthu chen thob la sogs pa bzhi la snang ba mtha' yas kyis rgyas btab pa/ sgrol ma dang las kyi rdo rje ma dang rdo rje lcags sgrog ma dang / zla 'od la sogs pa bzhi la don yod grub pas rgyas btab pa'o//'jam pa'i rdo rje'i thugs kar sa bon ni muH'o/ /oM AHzhes pa snying po'i sngags so/ /oM A mr-i ta kuN+Da li big+h+nA n+ta ka hUM zhes pa las thams cad pa'i sngags so// //chos kyi dbyings gsung gi dbang phyug gi dkyil 'khor la/rdo rje gur la sogs pa bsgom par rnam par bzhag pa ni bshad ma thag pa'i dkyil 'khor bzhin no/ /khyad par du gshin rje gshed la sogs pa'i khro bo rnams ni 'chad par 'gyur ba'i gzugs can no/ /mchod rten ni 'dir med do/ /gzhal yas khang gi lte ba la sna tshogs pad+ma'i ze 'bru la gnas pa'i seng ge'i steng du sna tshogs pad+ma dang zla ba la 'jam pa'i dbyangs rdo rje skyil krung du bzhugs pa nyi ma 'char ba'i dkyil 'khor gyi 'od dang ldan pa sku mdog gser lta bu/iN+D+ra nI la lta bu'i gtsug phud dang ldan pa/ rdo rje dang rin po che dang pad+ma dang sna tshogs rdo rje'i phreng ba'i cod pan gyi steng du sangs rgyas lnga dang rin po che'i cod pan can/rat+na sna tshogs kyis brgyan pa dang na bza' sna tshogs bsnams pa/ sgeg pa'i nyams kyi tshogs dang ldan pa/ ser po dang sngon po dang dmar po dang dkar po ni rtsa ba dang g.yas dang nub dang g.yon gyi zhal lo//phyag brgyad pa'i phyag gnyis kyi chos kyi 'khor lo'i phyag rgya mdzad pa'o/ /g.yas pa rnams kyis ral gri dang mda' dang rdo rje bsnams pa'o/ /g.yon pa rnams kyis shes rab kyi pha rol tu phyin pa'i bu sti dang gzhu dang rdo rje dril bu bsnams pa'o/ /'dab ma brgyad pa la seng ge'i steng du gnas pa'i pad+ma dang zla ba'i dkyil 'khor rnams la shar la sogs pa'i phyogs rnams su gtsug tor chen po dang gdugs dkar po dang gzi brjid phung po dang /rnam par rgyal ba'i gtsug tor rnams dang / dbang ldan la sogs pa'i mtshams su 'od zer rnam par 'phro ba dang 'phags pa dang cher 'phags pa dang rgyal ba rnams so//gtsug tor brgyad po 'di rnams ni rdo rje skyil krung dang rin po che'i cod pan can sku mdog ser po phyag gnyis pa'o/ /phyag g.yas pas 'khor lo gyen du bzung ba/ g.yon pas rang gi gdan la mnan pa rnams so/ / de nas shar gyi re mig gi dbus su glang po che'i rgyal po la mi bskyod pa sngon po/ zhal bzhi pa rtsa ba'i zhal sngon po bag tsam khro ba dang bcas pa'i rol pa dang ldan pa g.yas pa dkar po kha gdangs pa drag po'o/ /nub kyi ser po dpa' bo g.yon pa dmar po mche bas ma mchu mnan pa phyag brgyad pa g.yas pa rnams kyis ral gri dang rdo rje dang mda' dang lcags kyu 'dzin pa/g.yon pa rnams kyis sdigs mdzub dang dril bu dang gzhu dang zhags pa 'dzin pa'o/ /rdo rje sems dpa' dang / rdo rje rgyal po dang rdo rje chags pa dang rdo rje legs pa rnams kyis yongs su bskor ba'o/ / lho'i re mig gi dbus su rta mchog gi steng du rin chen 'byung ldan ser po ser po dang / nag po dang dkar po dang dmar po'i zhal bzhi pa phyag brgyad pa g.yas pa rnams kyis rdo rje dang ral gri dang mda' dang lcags kyu'o/ g.yon pa rnams kyis yid bzhin gyi nor bu'i rgyal mtshan dang rdo rje dril bu dang zhags pa dang gzhu 'dzin pa'o//rdo rje rin chen dang rdo rje nyi ma dang rdo rje tog dang rdo rje bzhad pa rnams kyis yongs su bskor ba'o/ /nub kyi re mig gi dbus su rma bya'i steng du snang ba mtha' yas dmar po dmar po dang nag po dang dkar po dang ser po'i zhal bzhi'o//phyag brgyad kyi g.yas pa rnams kyis rdo rje dang mda' dang ral gri dang lcags kyu 'dzin pa'o/ /g.yon pa rnams kyis pad+ma dang gzhu dang zhags pa dang / dril bu 'dzin pa'o/ /rdo rje chos dang rdo rje rnon po dang / rdo rje rgyu dang rdo rje gsung ba rnams kyis yongs su bskor ba'o/ /byang gi re mig gi dbus su khyung gi steng du don yod grub pa ljang gu zhal bzhi pa rtsa ba'i zhal ljang gu mche ba gtsigs pa g.yas ser po zhi ba nub dmar po sgeg pa dang bcas pa/g.yon dkar po zhi ba phyag brgyad pa/ g.yas pa rnams kyis ral gri dang rdo rje dang mda' dang lcags kyu 'dzin pa/ g.yon pa rnams kyis sdigs mdzub dang dril bu dang gzhu dang zhags pa 'dzin pa'o//rdo rje las dang rdo rje bsrung ba dang rdo rje gnod sbyin dang rdo rje khu tshur rnams kyis yongs su bskor ba'o/ /mi bskyod pa la sogs pa de bzhin gshegs pa rnams rang rang gi chibs kyi steng du sna tshogs pad+ma dang nyi ma'i gdan la rdo rje skyil krung gis bzhugs pa/rat+na sna tshogs dang gos kyis brgyan pa/ rin po che'i cod pan no/ /rdo rje sems dpa' la sogs pa bcu drug po 'di rnams ni dbang ldan la sogs pa'i mtshams su gnas pa'i sna tshogs pad+ma dang zla ba'i gdan la gnas pa rdo rje dbyings kyi dkyil 'khor las bshad pa'i rang bzhin can rnams so//'di dag kyang phyogs su gnas pa'o zhes pa'i phyogs kyang yod do/ /dbang ldan la sogs pa'i mtshams la gnas pa'i sna tshogs pad+ma dang zla ba rnams la sems dpa'i skyil krung can/ sangs rgyas spyan ma dang ma ma kI dang gos dkar mo dang sgrol ma rnams rim pa ji lta ba bzhin du 'jam pa'i dbyangs dang mi bskyod pa dang snang ba mtha' yas dang don yod grub pa lta bu'o//shar gyi sgo ru rdo rje lcags kyu dmar ser rdo rje lcags kyu 'dzin pa/ g.yas brkyang gis bzhugs pa'o/ /lho ru rdo rje zhags pa ser po rdo rje zhags pa 'dzin pa g.yon brkyang gis gnas pa'o//nub tu rdo rje lcags sgrog dmar po rdo rje lcags sgrog phyag gnyis kyis 'dzin pas ga'i stang stabs kyis gnas pa'o/ /byang du rdo rje 'bebs pa ljang gu phyag gnyis rdo rje bsdams pas rdo rje dril bu 'dzin pa/ zlum pa'i stang stabs kyis gnas pa'o//bzhi po 'di dag sna tshogs pad+ma dang nyi ma la gnas pa zhal gcig pa phyag gnyis pa spyan gsum pa dbu skra dmar ser gyen du brdzes pa/ smar dmar ser dang ldan pa klu chen po brgyad kyis brgyan pa'o/ /nang gi dkyil 'khor 'di las dkyil 'khor gnyis pa la/ shar gyi phyogs kyi dbang ldan nas brtsams nas g.yas skor du rim pa bzhin du sa bcu gnyis kyi lha mo rnams zhal gcig phyag gnyis ma/ g.yas pa thams cad kyis rdo rje 'dzin pa/ g.yon pas rang rang gi phyag mtshan 'dzin pa'o/ /de la mos pa spyod pa'i sa ma ni pad+ma bzhin du dmar ba pad+ma dmar po 'dzin pa'o//rab tu dga' ba dmar mo yid bzhin gyi nor bu 'dzin pa'o/ /dri ma med ma dkar mo chu skyes dkar po 'dzin pa'o/ /'od byed ma dmar mo sna tshogs pad+ma la gnas pa'i nyi ma'i dkyil 'khor 'dzin pa'o/ /'od 'phro ma margad lta bu'i mdog ut+pa la sngon po 'dzin pa'o//spyang kha ma ser mo pang bar gnas pa'i phyag gan rkyal gyis ma ra ga ta'i nor bu bsnams pa'o/ /mngon du gyur pa'i sa ma gser gyi mdog can pad+ma'i steng du shes rab kyi pha rol tu phyin pa'i po ti 'dzin pa'o/ /ring du song ba ma nam mkha' ltar sngo bsangs sna tshogs pad+ma la gnas pa'i sna tshogs rdo rje 'dzin pa'o//mi g.yo ba ma ston ka'i zla ba'i mdog lta bu zla ba la gnas pa'i rdo rje rtse lnga ba dmar pos mtshan pa'i pad+ma'i yu ba 'gying ba dang bcas pa 'dzin pa'o/ /lags pa'i blo gros ma dkar mo ral gris mtshan pa'i ut+pa la 'dzin pa'o//chos kyi sprin ma ser mo chos kyi sprin gyis yongs su bskor ba'i shes rab kyi pha rol tu phyin pa'i pu sti 'dzin pa'o/ /kun tu 'od ma nyi ma phyed kyi nyi ma'i mdog can pad+ma'i steng du yang dag par sdogs pa'i byang chub mtshon par byed pa'i bde bar gshegs pa'i sku gzugs 'dzin pa'o//lho ru pha rol tu phyin ma bcu gnyis ni phyag gnyis pa g.yas pa thams cad kyis yid bzhin gyi nor bu 'dzin pa'o/ /g.yon pas rang rang gi phyag mtshan 'dzin pa'o/ /shes rab kyi pha rol tu phyin ma ni phyag gnyis kyis lhag pa'o/ /de la rin po che'i pad+ma'i pha rol tu phyin ma dmar mo pad+ma la gnas pa'i zla ba'i dkyil 'khor 'dzin pa'o//sbyin pa'i pha rol tu phyin ma dkar dmar gyi mdog can 'bras so ba'i snye ma sna tshogs 'dzin pa'o/ /tshul khrims kyi pha rol tu phyin ma dkar mo mya ngan med pa'i yal ga dang bcas pa'i me tog gi chun po 'dzin pa'o//bzod pa'i pha rol tu phyin ma ser mo chu skyes dkar po 'dzin pa'o/ /brtson 'grus kyi pha rol tu phyin ma ma ra ga ta lta bu'i mdog can ut+pal sngon po 'dzin pa'o/ /bsam gtan gyi pha rol tu phyin ma nam mkha' ltar sngo bsangs pad+ma dkar po 'dzin pa'o/ / shes rab kyi pha rol tu phyin ma gser mdog lta bu yid du 'ong ma pad+ma la gnas pa'i shes rab kyi pha rol tu phyin pa'i pu sti 'dzin ma/ phyag gnyis kyis chos kyi 'khor lo bskor ba'i phyag rgya mdzad pa'o/ /thabs kyi pha rol tu phyin ma me tog pri yang ku lta bu ljang gu pad+ma ser po la gnas pa'i ral gri dang rdo rje 'dzin pa'o//smon lam gyi pha rol tu phyin ma ut+pal sngon po'i mdog can ut+pal sngon po la gnas pa'i ral gri 'dzin pa'o/ /stobs kyi pha rol tu phyin ma dmar mo shes rab kyi pha rol tu phyin pa'i pu sti 'dzin pa'o/ /ye shes kyi pha rol tu phyin ma dkar mo rat+na sna tshogs pa'i 'bras bus brgyan pa'i byang chub kyi shing gi yal ga 'dzin pa'o//rdo rje las kyi pha rol tu phyin ma ni sku mdog sna tshogs pa ut+pal sngon po la gnas pa'i sna tshogs rdo rje 'dzin pa'o/ /nub tu dbang bcu ma ni phyag gnyis g.yas pa rnams kyis pad+ma 'dzin pa'o/ /g.yon pa rnams kyis snyems pas rang rang gi phyag rgya 'dzin pa'o//de la tshe la dbang ba ma ni dkar dmar gyi mdog can nor bu pad+ma rA ga la gnas pa'i ting nge 'dzin gyi phyag rgya can gyis sangs rgyas tshe dpag med kyi sku 'dzin pa'o/ /sems la dbang ba ma ni dkar mo rdo rje rtse lnga pa dmar po 'dzin pa'o/ /yo byad la dbang ba ma ni ser mo yid bzhin gyi nor bu'i rgyal mtshan 'dzin pa'o//las la dbang ba ma ni ljang gu sna tshogs rdo rje 'dzin pa'o/ /skye ba la dbang ba ma ni sku mdog sna tshogs ma me tog dzA ti kha dog sna tshogs pa'i yal 'dab 'dzin pa'o/ /rdzu 'phrul la dbang ba ma ni nam mkha' ltar sngo bsangs pad+ma la gnas pa'i nyi ma dang zla ba'i dkyil 'khor 'dzin pa'o//mos pa la dbang ba ma ni pad+ma'i rtsa ba ltar dkar ba'i pri yang ku'i ma tog gi snyem 'dzin pa'o/ /smon lam la dbang ba ma ni ser mo ut+pal sngon po 'dzin pa'o/ /ye shes la dbang ba ma sngon mo ut+pa la sngon po la gnas pa'i ral gri 'dzin pa'o//chos la dbang ba ma sku mdog dkar mo pad+ma la gnas pa'i bum pa bzang po 'dzin pa'o/ /de bzhin nyid ma dkar mo phyag g.yas pas pad+ma dkar po 'dzin pa/ g.yon pas rdo rje rin po che'i snye ma 'dzin pa'o/ /sangs rgyas kyi byang chub ma gser gzhu lta bu'i mdog can phyag g.yas kyis pad+ma ser po la gnas pa'i rdo rje rtse lnga pa 'dzin pa'o//g.yon pa yid bzhin gyi nor bu'i rgyal mtshan gyi steng du 'khor lo 'dzin pa'o/ /byang du gzugs ma bcu gnyis ni phyag gnyis ma g.yas pa rnams kyis sna tshogs rdo rje dang g.yon pa rnams snyems pa dang bcas pas rang rang gi mtshan ma 'dzin pa ste/de la dbyig gi blo gros ma ser mo 'bras kyi snye ma 'dzin pa'o/ /rin chen skar mda' ma dmar mo yid bzhin gyi nor bu'i rgyal mtshan 'dzin pa'o/ /gtsug tor rnam par rgyal ma dkar mo nor bu zla ba chu shel gyi bum pa 'dzin pa'o//'od zer can dkar dmar skud pa dang bcas pa'i khab 'dzin pa'o/ /ri khrod lo ma can ljang gu rma bya'i mjug sgro 'dzin pa'o/ /dgu sel ma dkar mo dug gi me tog gi chun po 'dzin pa'o/ /sgo mtha' yas ma me tog pri yang ku ltar ljang bu chu skyes dmar po la gnas pa'i mi zad pa'i gter chen po'i bum pa 'dzin pa'o//tsun+da ma dkar mo bgrang phreng 'phyang ba'i ril ba spyi blugs 'dzin pa'o/ /shes rab 'phel ma dkar mo ut+pal sngon po la gnas pa'i ral gri 'dzin pa'o/ /las dang sgrib pa thams cad rnam par sel ba ljang gu ste rdo rje rtse gsum pas mtshan pa'i pad+ma dkar dmar 'dzin pa'o//ye shes mi zad pa'i zla ma tog dmar mo rat+na'i za me tog 'dzin pa'o/ /sangs rgyas thams cad kyi chos kyi mdzod mo ser mo pad+ma la gnas pa'i rat+na sna tshogs kyi dpe sgrom 'dzin pa'o//shar phyogs kyi sgor chos so so yang dag par rig pa ma sku mdog dkar dmar phyag gnyis kyis rdo rje lcags kyu dang zhags pa 'dzin pa'o/ /lho phyogs kyi sgor don so so yang dag par rig ma ma ra ka ta'i mdog can phyag g.yon gyi rin po che'i zhags pa 'dzin pa'o//nub kyi sgor nges pa'i tshig so so yang dag par rig pa ma dmar po'i phyag gnyis kyis mtha' gnyis su pad+mas mtshan pa'i lcags sgrog 'dzin pa'o/ /byang gi sgor spobs pa so so yang dag par rig pa ma ma ra ka ta lta bu ljang gu phyag gnyis kyis rdo rje rtse gsum pas mtshan pa'i dril bu 'dzin pa'o//me'i mtshams su sgeg mo ser mo sgeg pa dang bcas pa'i phyag gnyis kyis rdo rje gnyis 'dzin pa'o/ /bden bral du phreng ba ma dmar ser phyag gnyis rat+na'i phreng ba 'dzin pa'o/ /rlung du glu ma dmar mo phyag gnyis kyis pi wang bsgeng ba'o//dbang ldan du gar ma ljang gu phyag gnyis kyis gar byed pa'i tshul gyis rdo rje rtse gsum pa dang rdo rje dril bu 'dzin pa'o/ /mos pas spyod pa'i sa la sogs pa'i lha mo 'di rnams thams cad ni rat+na'i rgyan sna tshogs dang gos dang rat+na'i cod pan dang ldan pa dang cung zad 'dzum pa dang sgeg pa'i nyams dang ldan pa sna tshogs pad+ma dang zla ba'i dkyil 'khor la sems dpa'i skyil krung gis bzhugs pa'o//khyad par du sgo skyong ma rnams ni nyi ma'i dkyil 'khor la bzhugs pa'o/ /gzhan ni de rnams kyang zla ba la gnas pa'o zhes so/ /dkyil 'khor gsum pa dbang ldan nas brtsams nas byang chub sems dpa' rnams te/de la shar phyogs kyi snam bu la kun tu bzang po ser po phyag g.yas pas mchog sbyin g.yon pas ut+pal la gnas pa'i ral gri 'dzin pa'o/ /blo gros mi zad pa ser po g.yas pas ral gri dang g.yon pas mi 'jigs pas pad+ma 'dzin pa'o//sa'i snying po ser po g.yas pas sa gnon mdzad pa/ g.yon pas pad+ma la gnas pa'i dpag bsam gyi shing 'dzin pa'o/ /nam mkha'i snying po ljang gu g.yas pas rat+na sna tshogs kyi char 'bebs pa/ g.yon pas yid bzhin gyi nor bu 'dzin pa'o//lho phyogs kyi snam bu la nam mkha' mdzod ser po g.yas pas yid bzhin gyi nor bu 'dzin pa/ g.yon pas bum pa bzang po la 'phyang ba'i dpag bsam gyi shing 'dzin pa'o/ /phyag na rin chen ljang gu phyag g.yas pas rin po che dang g.yon pas pad+ma la gnas pa'i zla ba'i dkyil 'khor 'dzin pa'o//blo gros rgya mtsho dkar po g.yas dung dang g.yon pas rdo rje ral gri 'dzin pa'o/ /rdo rje snying po ut+pal sngon po'i lo ma lta bu'i mdog can g.yas pas rdo rje dang g.yon pas mdo sde sa bcu pa'i pu ste 'dzin pa'o/ /nub tu spyan ras gzigs dbang phyug g.yas pas mchog sbyin gyi phyag rgya g.yon pas chu skyes dkar po 'dzin pa'o//mthu chen thob ser po g.yas pas ral gri g.yon pas pad+ma 'dzin pa'o/ /zla 'od dkar po g.yas pas rdo rje 'khor lo dang g.yon pas pad+ma la gnas pa'i zla ba'i dkyil 'khor 'dzin pa'o/ /dra ba can gyi 'od dkar dmar g.yas pas ral gri dang g.yon pas pad+ma la gnas pa'i nyi ma'i dkyil 'khor 'dzin pa'o//byang du 'od dpag med dkar po g.yas na sna tshogs pad+ma dang g.yon pas pad+ma la gnas pa'i bum pa 'dzin pa'o/ /spobs pa brtsegs pa ser po g.yas pas se gol g.yon pas pad+ma la gnas pa'i ral gri 'dzin pa'o//mya ngan dang mun pa thams cad 'joms pa'i blo gros gur gum lta bu g.yas pa rdo rje rtse lnga pa dang g.yon pa shak+ti 'dzin pa'o/ /sgrib pa thams cad rnam par sel ba sngon po g.yas pas ral gri g.yon pas sna tshogs rdo rjes mtshan pa'i ba dan 'dzin pa'o//bcu drug po 'di dag ni sna tshogs pad+ma dang zla ba'i dkyil 'khor la sems dpa'i skyil krung gis bzhugs pa rin po che'i cod pan can rin po che dang na bza' sna tshogs pas brgyan pa zhal gcig pa phyag gnyis pa rnams so/ /shar sgor ma he la gshin rje mthar byed nag po zhal drug pa gsus pa 'phyang ba zhabs drug pa phyag drug gi g.yas pa rnams kyis lcags kyu dang ral gri dang mda' 'dzin pa/g.yon pa rnams kyis sdigs mdzub dang bcas pa'i zhags pa dang dril bu dang gzhu 'dzin pa'o/ /zhal dang zhabs rnams kyi bye brag gong bzhin no//lho sgor shes rab mthar byed ser po zhal bzhi pa rtsa ba'i zhal sgeg pa dang bcas pa'i g.yas gdangs pa/ nub tu drag po chen po g.yon zhi ba yang na 'di rnams ni go rims ji lta bas ser po dang sngon po dang dmar po dang ljang gu rnams so/ /'di ni phyag brgyad pa g.yas pa rnams kyis zhags pa dang rdo rje dang ral gri dang mda' rnams 'dzin pa'o//g.yon pa rnams kyis snying gar lcags kyu dang rdo rje dril bu dang mdung dang gzhu 'dzin pa'o/ /nub tu pad+ma mthar byed dmar po zhal bzhi dmar ba sgeg pa dang drag po dang bzhad pa dang zhi ba'i nyams dang ldan pa ni/rtsa ba dang g.yas dang rgyab dang g.yon pa'i zhal rnams so/ /yang na 'di rnams ni dmar po dang nag po dang ser po dang dkar po rnams so/ /phyag brgyad pa phyag gnyis kyis rdo rje lcags sgrog 'dzin pa phyag g.yas pa rnams kyis rdo rje dang ral gri dang mda' 'dzin pa'o/ / g.yon pa rnams kyis dril bu dang sdigs mdzub dang bcas pa'i zhags pa dang gzhu 'dzin pa'o/ /gsum po 'di dag ni rol pa'i kun tu bskyod pas gnas pa'o/ /byang du bgegs mthar byed sngon po zhal bzhi sngon po'am yang na sngon po dang ser po dang dmar po dang ljang gu rnams so//phyag brgyad pa gnyis kyis rdo rje bsdams pa'i tshul gyis rdo rje dril bu dang g.yas pa rnams na ral gri dang mda' dang lcags kyu 'dzin pa'o/ /g.yon pa rnams kyis sdigs mdzub dang bcas pa'i zhags pa dang gzhu dang dril bu 'dzin pa'o/ /tshogs kyi bdag po g.yon brkyang bas kun nas mnan nas bzhugs pa'o//dbang ldan gyi mtshams su 'jig rten gsum las rnam par rgyal ba sngon po zhal bzhi sngon po rtsa ba'i zhal khro ba dang bcas pa'i sgeg pa dang g.yas drag po rgyab dpa' ba g.yon mi sdug pa'o/ /yang na 'di dag sngon po dang ser po dang dmar po dang dkar po rnams so//'di ni phyag brgyad pa phyag gnyis kyis rdo rje dang dril bu dang ldan pa thugs kar bzung nas rdo rje hUM mdzad kyi phyag rgya mdzad pa g.yas pa rnams kyis ral gri dang lcags kyu dang mda' dang / g.yon pa rnams kyis rdo rje dang zhags pa dang / gzhu 'dzin pa'o//g.yon brkyang ba'i stang stabs kyis zhabs g.yon pas dbang phyug chen po'i mgo mnan pa g.yas pas u ma'i nu mar mnan pa'o/ /mer rdo rje nyi ma me ltar 'bar ba nag po sgeg pa dang dpa' ba dang 'jigs su rung ba dang / snying rje'i ro dang ldan pa'i zhal bzhi nag po 'am yang na 'di dag ni sngon po dkar po ser po dmar po rnams so//'di ni phyag brgyad pa g.yas pa rnams kyis rdo rje dang ral gri dang mda' dang 'khor lo 'dzin pa'o/ /g.yon pa rnams kyis dril bu dang zhags pa dang gzhu dang kha T+wAM ga la 'brel pa'i ba dan 'dzin pa'o/ /chung ma dang bcas pa'i khyab 'jug g.yas brkyang gis mnan pa'o//bden bral du he ru ka rdo rje sngon po sngon po'i zhal bzhi pa rtsa ba'i zhal drag po g.yas pa rab tu dga' bas bzhad pa rgyab ni za bar rngams pa g.yon pa sgeg pa'o/ /yang na 'di dag ni sngon po dang dmar po dang ljang gu dang dkar po'o//'di ni phyag brgyad pa g.yas pa rnams kyis rdo rje rtse lnga pa dang mda' dang khrag gis bkang ba'i thod pa dang / g.yon pa rnams kyis snying gar pad+ma kha bye ba dang / gzhu dang dril bu dang ba dan dang bcas pa'i kha T+wAM ga 'dzin pa'o/ /phyag gnyis kyis 'jigs byed kyi pags pa rlung gi gos 'dra ba 'dzin pa'o//chung ma dang bcas pa'i tshangs pa g.yon brkyang bas mnan nas gnas pa'o/ /rlung du rta mchog ljang gu ljang gu'i zhal bzhi pa rtsa ba khro bo dang bcas pa'i sgeg pa g.yas pa drag po g.yon pa'i zhal tshangs pa lta bu ste/ yang na ni 'di ni ljang gu dang sngon po dang dkar po rnams te/spyi bor rta mgo ljang gu'o/ /'di ni phyag brgyad pa g.yas dang po sna tshogs rdo rje dang ba dan gsum pa dang ldan pas phyag bsgreng ba'i tshul byas pa gnyis pas ba dan gsum pa'i tshul byas pa/ phyag gnyis kyis ral gri dang mda' 'dzin pa'o/ / g.yon pas phub dang bcas pa'i phyag gi sna tshogs chu skyes 'dzin pa/ lhag ma gsum gyis shaka ti dang dbyug pa dang gzhu rnams 'dzin pa'o/ /zhabs g.yon bskum pa g.yas brkyang ba dang g.yas bskum zhing g.yon brkyang ba'i zhabs bzhi'o/ /g.yas dang po gcig gis dbang mo dang dpal mo/gnyis pas dga' mo dang tshim mo/ g.yon pa gcig gis dbang po dang sbrang rtsir byed pa dang / gnyis pas rgyal bar byed pa dang / dpyid kyi lha mnan nas gnas pa'o/ /dkyil 'khor gyi bdag po'i steng du nam mkha' la gtsug tor 'khor los sgyur ba ser po zhal bzhi ser ba'am yang na ser po dang sngon po dang dmar po dang dkar po'o//phyag brgyad pa'i g.yas pa rnams kyis 'khor lo dang lcags kyu dang ral gri dang mda'o/ /g.yon pa rnams kyis dril bu dang zhags pa dang bgrang phreng dang gzhu bsnams pa/rol pa'i kun du bskyod pas gnas pa'o/ /'og tu gnod mdzes rgyal po nag po zhal bzhi pa drag po dang zhi ba dang / bzhad pa dang sgeg pa'i nyams dang ldan pa'i nag po'o/ /yang na zhal bzhi ni nag po dang dkar po dang dmar po dang ser po'o/ /phyag brgyad pa'i g.yas pa rnams ni rdo rje dang lcags kyu dang ral gri dang mda'o//g.yon pa rnams kyis dril bu dang zhags pa gsal shing rtse gcig pa dang gzhu rnams 'dzin pa g.yon brkyang gis gnas pa'o/ /khro bo bcu po 'di dag ni sna tshogs chu skyes dang nyi ma la gnas pa zhal re re zhing spyan gsum gsum dmar ba smin ma 'khyog pa stag gi pags pas sku'i stod smad la dkris pa thod pa'i phreng bas gtsug tor byas pa dbu skra 'bar ba dmar ser gyen du bcings pa sma ra dmar ser dang ldan pa klu'i rgyal po brgyad kyis 'jigs su rung ba'o//dkyil 'khor gsum pa kho na'i grwa bzhi'i nang na 'jig rten gsum las rnam par rgyal ba la sogs pa khro bo bzhi'i phyi'i re khA'i phyi rol gyi gnas su me la sogs pa'i zur thig bzhi po rnams kyi g.yas logs su me tog ma la sogs pa bzhi'o//g.yon logs su gzugs rdo rje ma la sogs pa bzhi'o/ / de la me tog ma ser mo phyag na me tog gi snod 'dzin pa'o/ /bdug spos ma nag mo phyag na bdug spos kyi phor pa 'dzin pa'o/ /mar me ma dmar mo phyag na rat+na'i sgron me'i mchod sdong 'dzin pa'o/ /dri chab ma ljang gu phyag na dri'i dung chos 'dzin pa'o/ /rdo rje gzugs ma ser mo phyag na me long 'dzin pa'o//rdo rje sgra ma ljang gu phyag na pi wang 'dzin pa'o/ /rdo rje ro ma dmar mo phyag na ro'i snod 'dzin pa'o/ /rdo rje reg bya ma sna tshogs pa'i kha dog can phyag na gos sna tshogs 'dzin pa'o/ /brgyad po 'di dag ni zhal gcig phyag gnyis ma rat+na'i cod pan dang ldan pa gos sna tshogs dang rin po ches brgyan pa pad+ma dang zla ba'i dkyil 'khor la sems dpa'i skyil krung gis bzhugs pa'o//bzhi pa rdo rje rigs kyi dkyil 'khor la dbang po'i phyogs su dbang po ser po glang po che sa srung dkar po'i steng na gnas pa phyag g.yas na rdo rje g.yon pa nu ma 'dzin pa'o//gshin rjer ma he la gshin rje nag po phyag gnyis kyis dbyug pa dang rtse gcig pa 'dzin pa'o/ /chur chu srin la chu bdag dkar po sbrul mgo'i gdengs ka bdun pa klu'i zhags pa dang dung dkar 'dzin pa'o/ /lus ngan du mi la lus ngan ser po lcags kyu dang dbyug to 'dzin pa'o//dbang ldan du dbang ldan dkar po glang gi steng na gnas pa rtse gsum dang thod pa 'dzin pa thod pa dang ral pa'i thor cog dang zla ba phyed pas dbu brgyan pa/ sbrul gyi mchod phyir thogs dang ldan pa mgrin pa sngon po'o/ /mer ra la me lha dmar po blugs gzar dang spyi blugs 'dzin pa'o//bden bral du srin po'i bdag po sngon po rol gnas pa ral gri dang phub 'dzin pa'o/ /rlung du rlung lha sngon po ri dwags la gnas pa rlung ras 'dzin pa'o/ /brgyad po 'di dag ni phyag bzhi pa phyag g.yas pas phyag mtshan dang po 'dzin pa/g.yon pas phyag mtshan gnyis 'dzin cing rang rang gi btsun mo la 'khyud pa phyag 'og ma gnyis gtso bo la 'dud pa'i tshul gyis spyi bor thal mo sbyor ba'o/ /dbang ldan dang nye ba'i phyi rol du dbang ldan gyi mtshams nas brtsams nas rim pas tshangs pa la sogs pa ste de la tshangs pa ni ngang pa la zhon pa ser po zhal bzhi ni ser po'o//phyag bzhi pa dang po gnyis kyis bgrang phreng dang pad+ma 'dzin pa'o/ /'og ma gnyis kyis dbyug pa dang spyi blugs bzung nas thal mo sbyar ba'o/ /khyab 'jug nag po khyung la zhon pa phyag bzhi pa dang po gnyis kyis 'khor lo dang dung 'dzin pa/g.yas g.yon gnyis kyis mdung thung dang sa raM kha'i gzhu 'dzin pa spyi bor thal mo sbyar ba'o/ /dbang phyug chen po dkar po glang la zhon pa ral pa'i thor cog can zla ba phyed pas mtshan pa/ phyag bzhi pa spyi bor thal mo sbyar ba dang rtse gsum pa dang thod pa 'dzin pa'o//gdong drug dmar po rma bya la zhon pa gdong drug pa phyag drug pa g.yas pa gnyis sha ka ti dang rdo rje 'dzin pa g.yon pa gnyis kyis khyim bya dang dril bu 'dzin pa'o/ /lhag ma gnyis kyis spyi bor thal mo sbyar ba'o/ /'di rnams kyang gong bzhin du rang gi btsun mo la 'khyud pa'o//tshangs ma ni tshangs pa dang mtshungs pa'o/ /drag mo ni drag po dang mtshungs pa'o/ /khyab 'jug ma ni khyab 'jug dang mtshungs pa'o/ /gzhon du ma ni gdong drug dang mtshungs pa'o/ /dbang mo ni dbang po dang mtshungs pa'o/ / phag mo nag mo ni 'ug pa la zhon pa phyag bzhi pa phyag g.yas g.yon gnyis kyis ro hi ta'i nya dang thod pa 'dzin pa'o/ /gzhan gnyis kyis thal mo sbyar ba'o/ /tsa muN+DI dmar mo ri dwags la zhon pa phyag bzhi ma g.yas g.yon gyis gri gug dang thod pa 'dzin pa gnyis kyis thal mo sbyar ba'o/ / b+h+r-ing+gi ri ti nag mo shin tu skem pa phyag bzhi pa gnyis kyis phreng ba dang spyi blugs 'dzin pa gnyis kyis thal mo sbyar ba'o/ /tshogs bdag dkar po byi ba la zhon pa glang po che'i gdong can sprul gyi mchod phyir thogs pa can phyag bzhi'i g.yas gnyis kyis rtse gsum pa dang la du g.yon gnyis kyis dgra sta dang la phug 'dzin pa'o//nag po chen po nag po rtse gsum pa dang thod pa 'dzin pa'o/ /dga' byed dbang phyug nag po rdza rnga la zhon pa rdza rnga brdung ba la brtson pa'o/ /nyi ma dmar po rta bdun gyis 'dren pa'i shing rta la zhon pa g.yas pa dang g.yon pa'i phyag gnyis pad+ma la gnas pa'i nyi ma'i dkyil 'khor 'dzin pa'o//zla ba dkar po ngang pa la zhon pa phyag g.yas pa dang g.yon pas ku mu da la gnas pa'i zla ba'i dkyil 'khor 'dzin pa'o/ /mig dmar dmar por la zhon pa g.yas na gri gug g.yon pas mi mgo za ba'i tshul gyis 'dzin pa'o//lhag pa ser po pad+ma'i steng du mda' dang gzhu 'dzin pa'o/ /phur bu dkar po thod pa'am sbal ba la zhon pa phreng ba dang spyi blugs 'dzin pa'o/ /pa ba sangs dkar po pad+ma la gnas pa phreng ba dang spyi blugs 'dzin pa'o/ /spen pa nag po rus sbal la gnas pa dbyug pa 'dzin pa'o//sgra gcan dmar nag phyag gnyis kyis nyi ma dang zla ba 'dzin pa'o/ /mjug rings nag po ral gri dang klu'i zhags pa 'dzin pa'o/ /stobs bzangs dkar po glang po la gnas pa ral gri dang gshol 'dzin pa'o/ /rgyal bar byed pa ljang gu bya ko ki la'i shing rta la zhon pa ljang gu phyag bzhi pa g.yas pa gnyis na me tog gi phreng ba dang mda' g.yon gnyis kyis btung ba'i snod dang gzhu 'dzin pa'o//sbrang rtsir byed pa dkar po ne tso'i shing rta la gnas pa phyag bzhi pa g.yas chu srin gyi rgyal mtshan dang mda' g.yon pa gnyis na btung ba'i snod 'dzin pa'o/ / dpyid kyi lha dkar po spre'u la gnas pa phyag bzhi pa g.yas pa gnyis kyis mda' dang ral gri g.yon pa gnyis btung ba'i snod dang gzhu 'dzin pa'o/ /klu mtha' yas dang nor rgyas dang 'jog po dang stobs kyi rgyu dang pad+ma dang pad+ma chen po dang dung skyong dang rigs ldan rnams sbrul mgo bdun dang ldan pa thal mo sbyar ba'o//yang na rang rang gi yab kyi g.yas pa'i phyag mtshan gyi gtso bo dang ldan pas thal mo sbyar ba'o/ /thags bzangs ris dang stobs ldan dang tshim byed dang / rnam par snang byed la sogs pa lha ma yin gyi dbang po chen po rnams mdog nag po g.yul 'gyed pa'i go cha sna tshogs bgos pa ral gri dang phe ta ka la sogs pa'i mtshon cha sna tshogs phyag gis 'dzin pa'o//nam mkha' lding gi dbang po gshog pa brkyang ba pus mo'i bar du dkar po de'i steng du lte ba'i bar du ser po de'i steng du mgrin pa'i bar du dmar po//de'i steng du mgo'i bar du nag po phyag gnyis thal mo sbyar ba'o/ /mi'am ci'i rgyal po ljon pa dmar ser phyag gnyis kyis pi wang gi sgra sgrogs pa'o/ /dri za'i rgyal po zur phud lnga pa ser po phyag gnyis kyis pi wang gi sgra sgrogs pa'o//rig pa 'dzin pa'i rgyal po don kun grub pa dkar po me tog gi phreng ba 'dzin pa'o/ /gang ba bzang po sngon po/ nor bu bzang po ser po/ nor sbyin dmar po/ rnam thos kyi bu ser po/ pi tsi kuN+Da li dmar po/ ki li ma lI ljang gu/ sgo'i dbang po ser po/ spyod pa'i dbang po ser po ste/gang ba bzang po la sogs pa'i gnod sbyin gyi bdag po 'di dag ni phyag gnyis kyi g.yas kyis shing thog pi dza pU ra dang g.yon ne'u le 'dzin pa'o/ /'phrog ma ser mo phyag gnyis kyis zan gyi chang bu gnyis 'dzin pa bu dang bcas pa'o/ /tha skar dkar po dang / bra nye ljang gu dang / smin drug sngo bsangs dang / snar ma dmar skya dang / mgo nag po dang / lag ser po dang / na ba so sor po dang / rgyal sngo bsangs dang / skag dkar po dang / mchu ser po dang / gre me tog bri yang ku lta bu ljang ser dang / spo ljang gu dang / me bzhi dkar po dang /nag pa ljang gu dang / sa ri ser po dang / sa gnag po dang / lha mtshams ljang gu dang / snon ser po dang / snubs ser po dang / chu stod nag po dang / chu smad dkar po dang / gro bzhin dkar ser dang / mon gre nag po dang / mon gru ser po dang / khrums stod ljang gu dang / khrums smad ser po dang / nam gru dkar ser dang / byi bzhin sngo bsangs so/ /tha skar la sogs pa'i lha mo 'di rnams ni stod g.yogs g.yo ba dang bcas pa rnams thal mo sbyar ba'o/ /gzhan yang lha rnams ni shing rta la gnas par shes par bya'o/ /dbang po la sogs pa'i lha rnams pad+ma la gnas pa re re la'ang 'khor dpag tu med pas bskor pa'o//sbyor ba ji lta ba bzhin du rin po che dang gos sna tshogs pas brgyan pa/ dkyil 'khor gyi bdag po bcom ldan 'das la phyag 'tshal zhing bkra shis kyi tshigs su bcad pa'i sgra phyogs thams cad du sgrogs ba'o//shar la sogs pa'i sgo rnams su rdo rje lcags kyu ma la sogs pa'i sgo skyong rnams ni nang gi dkyil 'khor bzhin no/ /'dir bcom ldan 'das rnam par snang mdzad chen po'i bdag nyid 'jam pa'i dbyangs shin tu rnam par dag pa'i chos kyi dbyings kyi ye shes kyi rang bzhin la bdag nyid lta bu'i rdo rje sems dpas rgyas btab pa'o//me long lta bu la sogs pa'i ye shes kyi ngo bo mi bskyod pa la sogs pa de bzhin gshegs pa bzhi dang gtsug tor brgyad dang / spyan ma la 'jam pa'i dbyangs kyis rgyas btab pa'o/ /rdo rje sems dpa' la sogs pa bzhi dang mA ma kI dang /rdo rje lcags kyu dang sa bcu gnyis dang chos so so yang dag par rig pa ma dang / sgeg mo dang kun du bzang po la sogs pa bzhi dang / khro bo bcu dang me tog ma dang / rdo rje gzugs ma dang shar phyogs na gnas pa'i lha rnams la mi bskyod pas so/ /rdo rje rin chen la sogs pa bzhi dang rdo rje zhags pa dang /pha rol tu phyin ma bcu gnyis dang don so so yang dag par rig pa ma dang phreng ba ma dang nam mkha' mdzod la sogs pa bzhi dang / bdug spos ma dang rdo rje sgra ma dang lho'i phyogs na gnas pa'i lha rnams la rin chen 'byung ldan gyis so//rdo rje chos la sogs pa bzhi dang gos dkar mo dang / rdo rje lcags sgrog dang tshe la dbang ba ma la sogs pa bcu gnyis dang / nges pa'i tshig so so yang dag par rig pa ma dang glu ma dang spyan ras gzigs la sogs pa bzhi dang / mar me ma dang rdo rje ro ma dang / nub phyogs na gnas pa'i lha rnams la 'od dpag med kyis so/ /rdo rje las la sogs pa bzhi dang / rdo rje 'bebs pa dang / gzungs bcu gnyis dang spobs pa so so yang dag par rig pa ma dang / gar ma dang 'od dpag med la sogs pa bzhi dang dri chab ma dang rdo rje reg bya ma dang /byang phyogs na gnas pa'i lha rnams la don yod grub pas rgyas btab pa'o/ /'jam pa'i dbyangs kyi thugs ka'i sa bon ni muH'o/ /a A sarba ta tha ga ta hr-i da ya ha ra ha ra oM hUM hrIHb+ha ga wAn dz+nyA na mUrti wA gI shwa ra mahA wA tsa sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AHzhes bya ba ni snying po'i sngags so//oM a mri ta kuN+Da li bag+h+nA n+ta ka hUM zhes bya ba ni bdud rtsi 'khyil pa ste las thams cad pa'i sngags so// //ngan song yongs su sbyong ba'i dkyil 'khor la rdo rje gur gyi nang du rlung dang me dang chu dang sa dang ri rab kyi steng du gzhal yas khang gi dbus su nang gi dkyil 'khor la 'khor lo rtsibs brgyad pa ser po/rdo rje phreng ba sngon pos bskor ba ste/ 'ga' zhig tu 'khor lo rtsibs brgyad pa sngon por gsungs so/ /gzhan ni 'di'i 'khor lo'i lte ba sngon po shar gyi rtsibs dkar po lho nag po nub dmar po byang ljang gu'o zhes gsungs so//'khor lo'i lte ba la sna tshogs pad+ma la gnas pa'i seng ge'i steng du bcom ldan 'das shAkya seng ge rnam par snang mdzad chen po shin tu gser gyi mdog can chos kyi 'khor lo'i phyag rgya mdzad pa'o/ /shar gyi rtsibs la rdo rje gtsug tor dkar pos gnon gyi phyag rgya can no//lho'i rtsibs la rin chen gtsug tor sngon po mchog sbyin gyi phyag rgya mdzad pa'o/ /nub kyi rtsibs la pad+ma gtsug tor dmar po bsam gtan gyi phyag rgya can no/ /byang gi rtsibs la sna tshogs gtsug tor ljang gu mi 'jigs pa rab tu sbyin pa'i phyag rgya'o//me'i rtsibs la gtsug tor gzi brjid sku mdog dkar dmar phyag gnyis kyis nyi ma 'dzin pa phyag g.yon pa dkur brten pa'o/ /bden bral gyi rtsibs la gtsug tor rgyal mtshan sku mdog dmar nag 'dres pas phyag gnyis kyis yid bzhin gyi nor bu'i rgyal mtshan 'dzin pa'o//rlung gi rtsibs la gtsug tor rnon po nam mkha' ltar sngo bsangs phyag g.yas pas ral gri 'dzin pa g.yon pas po ti 'dzin pa'o/ /dbang ldan gyi rtsibs la gtsug tor gdugs dkar sku mdog dkar po phyag gnyis kyis gdugs 'dzin pa'o/ /rdo rje phreng ba'i phyi rol me la sogs pa'i mtshams su sgeg mo dang phreng ba ma dang glu ma dang gar ma rnams sku mdog dkar mo dang ser mo dang dmar mo dang sna tshogs can ma phyag gnyis pa'o//snam bu la sgo'i g.yon logs su byang chub sems dpa' gnyis dang g.yas logs su gnyis so/ /de la shar gyi snam bu la byams pa ser po/g.yas pa'i phyag gis klu shing gi me tog dang / g.yon pas spyi blugs 'dzin pa'o/ /mthong ba don yod ser po phyag g.yas pas spyan dang bcas pa'i pad+ma 'dzin pa/ g.yon pas khu tshur dkur brten pa'o/ /ngan song kun 'dren dkar po phyag gnyis kyis lcags kyu 'dzin pa'o//mya ngan dang mun pa thams cad 'joms pa'i blo gros dkar ser 'dres pa'i mdog can phyag g.yas dbyug pa 'dzin pa g.yon pas khu tshur dkur brten pa'o/ /lho phyogs kyi snam bu la spos kyi glang po dkar ljang g.yas kyis dri'i dung phor 'dzin pa/g.yon pa khu tshur dkur brten pa'o/ /dpa' bar 'gro ba dkar po g.yas pas ral gri g.yon pas khu tshur dkur brten pa'o/ /nam mkha' mdzod dkar ser g.yas pas pad+ma la gnas pa'i chos kyi mdzod 'dzin pa g.yon pas khu tshur dkur brten pa'o/ /ye shes tog sngon po phyag g.yas kyis yid bzhin gyi nor bu'i rgyal mtshan 'dzin pa g.yon pas khu tshur dkur brten pa'o//nub kyi snam bu la bdud rtsi'i 'od dkar po g.yas pas cod pan gyi steng du bdud rtsis gang ba'i bum pa 'dzin pa g.yon pas khu tshur dkur brten pa'o/ /zla ba'i 'od dkar po g.yas pas pad+ma la gnas pa'i zla ba 'dzin pa g.yon pas khu tshur dkur brten pa'o//bzang skyong dkar po g.yas pas rin po che 'bar ba dang bcas pa 'dzin pa g.yon pas khu tshur dkur brten pa'o/ /dra ba can gyi 'od dmar po g.yas pas rdo rje'i gur 'dzin pa/ g.yon pas khu tshur dkur brten pa'o//byang gi snam bu la rdo rje snying po sngo skya g.yas rdo rje dang bcas pa'i ut+pal sngon po 'dzin pa g.yon pas khu tshur dkur brten pa'o/ /blo gros mi zad pa dkar po phyag gnyis kyis bdud rtsis gang ba'i bum pa 'dzin pa'o/ /spobs pa brtsegs pa dmar po g.yas pas chu skyes la gnas pa'i rat+na brtsegs pa bsnams pa g.yon pas khu tshur dkur brten pa'o//kun tu bzang po gser gyi mdog can phyag g.yas pas rin po che'i snye ma 'dzin pa g.yon pas khu tshur dkur brten pa'o/ /dkyil 'khor gyi me la sogs pa rnams la me tog ma dang bdug spos ma dang mar me ma dang /dri chab ma rnams ni dkar mo dang nag mo dang dmar mo dang / ljang gu phyag gnyis kyis me tog la sogs pa 'dzin pa'o/ /shar sgor rdo rje lcags kyu dkar po phyag gnyis kyis lcags kyu 'dzin pa'o//lho ru rdo rje zhags pa sngon po phyag gnyis kyis zhags pa 'dzin pa'o/ /nub tu rdo rje lcags sgrog dmar mo phyag gnyis kyis rdo rje lcags sgrog 'dzin pa'o/ /byang du rdo rje 'bebs pa ljang gu phyag gnyis kyis rdo rje dril bu 'dzin pa'o/ /lha sum cu so bdun po 'di dag kyang gos sna tshogs dang rin po che'i rgyan sna tshogs kyis brgyan pa rat+na'i cod pan can zhal gcig spyan gnyis pa phyag gnyis pa sna tshogs pad+ma dang zla ba rnams la sems dpa'i skyil mo krung gis bzhugs pa'o//'dir rnam par snang mdzad chen po ni rang nyid dang mtshungs pa'i rnam snang gis rgyas btab po//rdo rje gtsug tor la sogs pa bzhi la rnam par snang mdzad chen pos so/ /shar gyi phyogs dang me'i mtshams na gnas pa'i lha rnams la rdo rje gtsug tor gyis so/ /lho phyogs dang bden bral gyi mtshams na gnas pa rnams la rin chen gtsug tor gyis so//nub phyogs dang rlung gi mtshams na gnas pa rnams la pad+ma gtsug tor gyis so/ /byang phyogs dang dbang ldan gyi mtshams na gnas pa rnams la sna tshogs gtsug tor gyis so/ /'dir phyi rol gyi dkyil 'khor gyi lha'i gnas kyi snam bu la zla ba'i dkyil 'khor nyi shu rtsa brgyad po lta'o zhes rgyud las gsungs pa'i phyir 'dod yon gyi snam bu rnams la byang chub sems dpa' bcu drug dgod par mi rigs so//'ga' zhig ni nang gi dkyil 'khor zhes rgyud du gsungs pas phyi rol gyi gzhal yas khang gi nang du gzhal yas khang gnyis pa'o zhes smra'o//'ga' zhig tu ni rnam par snang mdzad chen po la sogs pa de bzhin gshegs pa dgu gtsug tor dang bcas pa dge slong gi cha lugs 'dzin par gsungs so/ /pad+ma'i phreng bas yongs su bskor ba dang / khor yug gi nang du dbang ldan gyi mtshams nas brtsams nas g.yas skor gyis mgrin pa sngon po la sogs pa bskyed par bya ste//de la dbang ldan du glang la mgrin pa sngon po dkar po mchod phyir thogs pa can phyag g.yas gnyis na rdo rje dang mchod sbyin gyi phyag rgya g.yon gnyis na rtse gsum dang ral gri 'dzin pa'o/ /mgrin sngon ma mgrin pa sngon po lta bu'o//nam mkha' lding la khyab 'jug nag po g.yas gnyis na dbyug tho dang rdo rje g.yon gnyis na dung dang 'khor lo'o/ /gser gyi rdo rje ma khyab 'jug lta bu khyad par gser gyi mdog can no/ /rma bya la rdo rje dril bu zhal drug pa dmar ba g.yas pa gnyis na shaka ti dang rdo rje g.yon pa gnyis na khyim bya dang rdo rje dril bu'o//rdo rje gzhon nu ma rdo rje dril bu lta bu'o/ /ngang pa la mi smra rdo rje ser po zhal bzhi pa g.yas pa gnyis na rdo rje dang sngags bzla ba'i phreng ba g.yon pa gnyis na dbyug pa dang spyi blugs so/ /rdo rje zhi ba ma tshangs pa lta bu'o/ / glang po che mche ba drug pa'i dbang po dkar po dang zla ba la rdo rje mtshon cha dkar po rol pa'i kun du bskyod pas gnas pa phyag g.yas na rdo rje rtse lnga pa g.yon pas rdo rje rtse gsum dkur brten pa'o/ /lha mo rdo rje khu tshur ma ni rdo rje mtshon cha ji lta bu'o/ /rta bdun gyi shing rta la rdo rje 'khyil ba dmar po khros pa g.yas pa na pad+ma g.yon pad+ma la gnas pa'i nyi ma'i dkyil 'khor 'dzin pa'o//rdo rje bdud rtsi ma rdo rje 'khyil pa bzhin no/ /ngang pa la rdo rje 'od dkar po khro bo phyag g.yas pa rdo rje g.yon pa pad+ma la gnas pa'i zla ba 'dzin pa'o/ /rdo rje mdog ma rdo rje 'od lta bu'o/ /ra la rdo rje dmar ser khro bo g.yas kyis rdo rje dmar po 'dzin cing g.yon pas mi bzung nas za ba'i tshul lo//rdo rje ske rags ma rdo rje dmar ser bzhin no/ /pad+ma la rdo rje zhi ba khro bo ser po mda' dang gzhu 'dzin pa'o/ /rdo rje zhi ba ma rdo rje zhi ba bzhin no/ /sbal pa la rdo rje bla ma khro bo ser po g.yas bgrang phreng dang g.yon spyi blugs 'dzin pa'o//rdo rje bla ma ma rdo rje bla ma bzhin no/ /pad+ma la rdo rje pa wa sangs khro bo dkar po g.yas na bgrang phreng dang g.yon na spyi blugs 'dzin pa'o/ /rdo rje pa wa sangs ma rdo rje pa wa sangs bzhin no/ /rus sbal la rdo rje dbyug pa khro bo nag po g.yas pa na rdo rje g.yon pa na dbyug pa'o//rdo rje dbyug pa ma ni rdo rje dbyug pa dang 'dra ba'o/ /rdo rje sgra gcan khro bo ma dmar nag g.yas pas zla ba'i dkyil 'khor dang g.yon pa nyi ma 'dzin pa'o/ /rdo rje lha min ma ni rdo rje sgra gcan dang 'dra ba'o/ /rdo rje mjug rings khro bo mdog nag po g.yas pas ral gri g.yon pas sprul zhags 'dzin pa'o//rdo rje glu ma rdo rje mjug rings bzhin no/ /bzhi po 'di dag dang rdo rje zhi ba la sogs pa rgyud gzhan las gsungs pa ltar bdag gis bris so/ /glang po che la rdo rje glang sna dkar po g.yas rdo rje g.yon pas gshol 'dzin pa'o//rdo rje 'dul ba ma rdo rje glang sna bzhin no/ /de'i khyad par ni g.yon pas kha T+wAM ga 'dzin pa'o/ /bya ko ki la'i shing rta la rdo rje phreng ba can ljang gu g.yas pa na rdo rje g.yon pa na me tog gi phreng ba 'dzin pa'o/ /rdo rje brtan ma rdo rje phreng ba ji lta ba las khyad par ni phyag g.yon pa na mdung ngo //ne tso'i shing rta la rdo rje dbang can ser po g.yas na rdo rje g.yon pa na chu srin gyi rgyal mtshan 'dzin pa'o/ /rdo rje dbang can ma rdo rje dbang can dang 'dra ba'o/ /khyad par ni sku mdog dmar ba'o/ /sbal pa la rdo rje rnam par rgyal ba dkar po rdo rje dang ral gri 'dzin pa'o/ /rdo rje gdan ma rdo rje rnam par rgyal ba dang 'dra ba'o//me tog la rdo rje gtun shing ser po g.yas g.yon gyis rdo rje gtun shing 'dzin pa'o/ /rdo rje pho nya mo rdo rje gtun shing lta bu'o/ /khyad par ni g.yon pas kha T+wAM ga 'dzin pa'o/ /ral rdo rje me dmar po g.yas gnyis kyis rdo rje dang go cha g.yon gnyis dbyug to dang /spyi blugs 'dzin pa'o/ /rdo rje 'bar ma rdo rje me lta bu'o/ /ma he la rdo rje nag po sku mdog nag po rdo rje dang lcags kyu 'dzin pa'o/ /ro langs la rdo rje nag mo sku mdog nag mo rdo rje dang kha T+wAM ga 'dzin pa'o/ /lhag par klu la rdo rje lcags kyu sngon po phag pa'i zhal rdo rje dang lcags kyu 'dzin pa'o//mi la rdo rje gdong ma sngon mo phag gdong rdo rje dang ral gri 'dzin pa'o/ /chu srin la rdo rje klu dkar po sbrul mgo brgyad dang ldan pa g.yas pas rdo rje g.yon pas klu'i zhags pa'o/ /chu srin la chu srin ma dkar mo sbrul mgo brgyad dang ldan pa g.yas pas rdo rje dang g.yon pas rdo rjes mtshan pa'i chu srin 'dzin pa'o//ri dwags la rdo rje rlung sngon po g.yas pas rdo rje g.yon pas rlung sgrib pa'i gos 'dzin pa'o/ /rdo rje shugs can ma rdo rje rlung lta bu'o/ /ro langs la rdo rje 'jigs byed sngon po rdo rje dang dbyug to 'dzin pa'o/ / rdo rje rnam par gtsigs ma rdo rje 'jigs byed lta bu'o/ /khyad par ni g.yon pas zhags pa 'dzin pa'o/ /byi ba la rdo rje log 'dren dkar po glang po che'i zhal phyag g.yas pa gnyis kyis rdo rje dang dgra sta g.yon pa gnyis kyis rtse gsum pa dang / dbyug to 'dzin pa sprul gyi mchod phyir thogs pa'o//bra ba byi ba la sbrul mo sngon mo g.yas pas rdo rje g.yon pas phyags shing 'dzin pa'o/ /bsdigs ma ljang gu g.yas pas rdo rje g.yon pas ral gri'i bye brag phe Ta ka 'dzin pa'o/ /dpal mo sku mdog ser mo g.yas pas rdo rje g.yon pas pad+ma 'dzin pa/ dbyangs can ma dkar mo g.yas na rdo rje g.yon pa ni pi wang 'dzin pa'o/ seng ge la bgrod dka' ma ljang gu phyag g.yas pa gnyis na rdo rje dang tsakra g.yon pa gnyis na lde mig dang ral gri 'dzin pa'o/ /'dir mgrin pa sngon po la sogs pa'i lha 'di dag gi phyag g.yas pa rnams na ji ltar rigs par rdo rje rtse gsum par rig par bya'o//nub tu rdo rje klu dang nye bar pad+ma la gnas pa'i lha mo gser gyi mdog lta bu phyag gnyis kyis bdud rtsis gang ba'i bum pa bsnams pa'o/ /lha ma yin rnams ni sku mdog sna tshogs pa go cha sna tshogs pa bgos nas ral gri 'dzin pa ras bal gyi gdan 'jam pa la gnas pa'o//klu rnams ni nor bu dang ldan pa'i gdengs ka can btsun mo dang bcas pa'i thal mo sbyar ba'o/ /khor yug gi phyi rol du me'i mtshams su mnar med pa'i dmyal ba la sogs pa rnams so/ /bden bral gyi mtshams su yi dwags rnams so//rlung gi mtshams su dud 'gro'i 'gro ba rnams so/ /dbang ldan du mi'i 'gro ba rnams so/ /rim pa bzhin 'di ni rgyud gzhan gyi tshul gyis bris so/ /gzhan ni rdo rje 'jigs byed dang nye bar sa'i lha mo dang gnod sbyin rnams so/ /rdo rje nag mo dang nye bar lha ma yin rnams so zhes bya ba la sogs pa brjod par byed do//dkyil 'khor gyi bdag po'i thugs kar zla ba la oM mu ne mu ne ma hA mu ne ye swA hA/ zhes bya ba'i sngags dgod do/ /de nyid ni snying po'i sngags so/ /oM na mo b+ha ga wa te sarba durga ti ba ri sho d+ha ni rA dzA ya ta thA ga tA ya/ar+ha te samya k+saM bud+d+hA ya/ tad+ya thA/ oM sho d+ha ne sho d+ha ne/ sarba pA paM bi sho d+ha ne shud+d+he bi shu d+he sarba karma A ba ra Na bi shud+d+he swA hA/ zhes bya ba ni phreng ba'i sngags so/ /rdo rje 'bebs pa'i sngags/ oM sarba bid sarba a pA ya ga ti ga ha na bi sho d+ha ni hUM hoHphaT ces bya ba ni las thams cad pa'i sngags so//oM badzra yak+Sha hUM zhes gzhan dag go/ /'byung po 'dul byed kyi dkyil 'khor la rdo rje gur gyi nang du ri rab kyi steng du sna tshogs pad+ma'i ze 'bru la gnas pa'i rdo rje rgya gram gyi lte ba'i dbus su gzhal yas khang gi lte ba la glang po che'i rgyal po'i steng ngam de med kyang rung ste sna tshogs pad+ma dang zla ba la 'byung po gzhan gyis mi thub pa dkar po zla ba phyed pas mtshan pa'i 'od zer dang ldan pa ral pa'i thor cog can sma ra dmar ser thod pa lnga dang ldan pa mig gsum pa mche ba gtsigs pa 'jigs su rung ba gsus pa 'phyang ba sprul gyi mchod phyir thogs pa can stag gi pags pas phyed dkris pa lag pa bzhi pa g.yas pa gnyis gri gug dang Da ma ru g.yon pa gnyis kyis thod pa dang rtse gsum 'dzin pa drag po/g.yon brkyang gis mnan pa'i bcom ldan 'das 'byung po 'dul byed drag po chen po sku mdog sngon po thod pa lngas mtshan pa'i cod pan la de bzhin gshegs pa lnga'i dbu skra dmar ser gyen du 'bar bas bcings pa gos sngon po gon pa zhal mche ba gtsigs pa spyan gsum dmar ba sgeg pa'i gad mo mdzad pa/phyag bzhi pa'i g.yas pas rdo rje sngon po 'jigs pa gsor zhing g.yon pas sdigs mdzub dang bcas pa'i zhags pa 'dzin pa phyag gnyis kyis phyag rgya mdzad pa'o//phyag rgya ni srin lag gnyis bsnol nas mdzub mo gnyis bskum par bya'o/ /mthe chung dang gung mo yang mthe bong rgan pos mnan par bya'o zhes pa 'di gsungs so//klu'i rgyal po brgyad kyis brgyan pa ste de la karko Ta sngon pos dbu skra bcings pa/ 'jog po dmar pos mgul rgyan byas pa/ dga' bo dang nyer dga' bo ser pos rna ba brgyan pa ser po gcig pas gcig tu bgrang ngo / /mtha' yas dkar pos tshangs skud/nor rgyas dkar pos ska rags/ phyag rgya bcings pa'i phyag gnyis kyis dpung par rigs ldan phug ron gyi mdog lta bus brgyan pa/ dung skyong dkar pos phyag gzhan gnyis kyis dpung pa la brgyan pa/ pad+ma dang pad+ma chen po dmar pos rkang gdub byas pa'o/ / mdog gcig pas gcig nyid do/ /shar phyogs kyi re mig la glang dang nyi ma la dbang phyug chen po mtshan ma gyen du langs la thod pa can thal ba'i mdog spyan gsum pa zla ba phyed kyis mtshan pa'i ral pa'i thor cog can sbrul gyi mchod phyir thogs pa dang bcas pa'i phyag bzhi pa phyag g.yas pa gnyis kyis gri gug dang Da ma ru 'dzin pa g.yon gnyis kyis thod pa dang rtse gsum pa'o//lho ru nam mkha' lding gi steng du nyi ma la khyab 'jug nag po cod pan dmar po can/ phyag g.yas pa gnyis kyis rnga yab dang dung 'dzin pa/ g.yon pa gnyis kyis 'khor lo dang dbyug to 'dzin pa'o//nub tu ngang pa dang zla ba'i steng du tshangs pa dkar po zhal bzhi pa g.yas pa gnyis kyis bgrang phreng dang gdugs kyi yu ba 'dzin pa g.yon pa gnyis kyis pad+ma dang spyi blugs 'dzin pa'o/ /byang du rma bya dang nyi ma'i steng du smin drug gi bu dmar po gtsug phud gsum dang ldan pa g.yas pas rnga yab g.yon pas shaka ti 'dzin pa'o//dbang ldan du bra ba byi ba dang zla ba la tshogs bdag dkar po glang po che'i zhal spyan gsum pa spyi bor zla ba phyed pas mtshan pa phyag g.yas pa gnyis na la phug dang dgra sta g.yon gnyis na rtse gsum dang thod pa 'dzin pa'o/ / mer nyi ma'i dkyil 'khor la nyi ma dmar po g.yas pa dang g.yon pa gnyis kyis mtsho skyes la gnas pa'i nyi ma'i dkyil 'khor 'dzin pa'o/ /bden bral du shing rta'i steng du nyi ma dang zla ba la gnas pa'i sgra gcan dmar nag dbu skra dmar ser gyen du brdzes pa smin ma dang mig dang sma ra dmar ser 'bar ba mche ba bzhi pa zhal gdangs pa g.yas g.yon gyi phyag gnyis kyis nyi ma dang zla bar bcas pa'i thal mo sbyar ba'o//rlung du zla ba'i steng du dga' byed dbang phyug ser po gar byed cing spyi bor zla ba phyed pa can sbrul gyi mchod phyir thogs pa dang ldan pa/ g.yas pa dang cig shos dag gis Da ma ru dang rtse gsum pa 'dzin pa'o/ /rim pa gnyis pa la shar gyi phyogs su zla ba la dpal mo dkar mo thugs kar thal mo sbyar bas me tog pad+ma 'dzin pa'o/ /lho'i phyogs su zla ba la thig le mchog ma dmar mo gar byed cing spos snod 'dzin pa'o/ / nub tu zla ba la zla ba mo dmar mo mar me 'dzin pa'o/ /byang du zla ba la dka' bzlog ma ser mo gdengs ka'i lag pa bzlog nas spyi bor bzhag nas gar byed pa'o/ /mer zla ba la rin chen dpal mo dmar mo dri'i dung chos 'dzin pa'o/ /bden bral du zla ba la dbyangs can ma ljang gu pi wang gi sgra sgrogs pa'o//rlung du zla ba la lha mdzes ma nag mo rin po che'i phreng ba 'dzin pa'o/ /dbang ldan du zla ba la dbang po 'byor ma ser mo gar byed ma phyag na rdo rje rtse gsum pa 'dzin pa'o/ /rim pa gsum pa'i shar du glang pos srung dkar po dang zla ba la brgya byin ser po mig stong dang ldan pa rin po che'i cod pan can phyag g.yas pa skyabs sbyin g.yon pas rdo rje 'dzin pa'o//lhor ma he dang nyi ma la gshin rje nag po gsus pa 'phyang ba spyan gsum dang smin ma dang smar dang ral pa dmar ser can na bza' ser po mnabs pa phyag g.yas pas thod pas mtshan pa'i dbyug pa 'dzin pa/g.yon pas sdigs mdzub dang bcas pa'i zhags pa 'dzin pa'o/ /nub tu sbrul dang zla ba la chu lha dkar po sbrul gyi gdengs ka bdun dang ldan pa/ g.yas pas mchog sbyin gyi phyag rgya mdzad pa/ g.yon pas sbrul gyi zhags pa 'dzin pa'o/ /byang du gnod sbyin gyi steng du lus ngan po ser po sha rgyas shing gsus pa 'phyang ba rin po che'i cod pan can g.yas ba dang g.yon pa gnyis kyis dbyug to dang ne'u le 'dzin pa'o//mer ra dang nyi ma la me lha dmar po ral pa gsum dang ldan pa skra dang smar ser zhing 'bar ba gsus pa 'phyang ba phrag pa la phyag tshang ku ba btags pa mchod phyir thogs pa can g.yas pa gnyis kyis mchog sbyin dang bgrang phreng 'dzin pa g.yon pa gnyis kyis dbyug pa rtse gsum pa dang spyi blugs 'dzin pa'o//bden bral du ro langs dang nyi ma la srin po nag po/ smin ma nag po dang / sma ra dmar ser 'bar ba dang ldan pa phyag g.yas kyis ral gri dang g.yon gyis mi shas gang ba'i thod pa 'dzin pa'o//rlung du ri dwags dang zla ba la rlung lha sngon po gtsug phud gsum dang ldan pa phyag gnyis kyis rlung ras 'dzin pa'o/ /dbang ldan du ngang pa dang zla ba la zla ba dkar po g.yas pas ku mu da la gnas pa'i zla ba'i dkyil 'khor g.yon pas mchog sbyin no//dbang ldan yang dbang phyug chen po lta bu'o/ /rim pa bzhi pa'i shar du zla ba la seng ge'i rgyal mtshan 'dzin ma dkar mo seng ge'i rgyal mtshan 'dzin pa'o/ /lhor zla ba la gnas pa'i rnam par rgyal ma dmar mo lcags kyu 'dzin pa'o//nub tu zla ba la pad ldan ma chen mo dkar mo gzhu dang mda' 'dzin pa'o/ /byang du zla ba la chang 'phrog ma dmar mo yid bzhin gyi nor bu'i rgyal mtshan 'dzin pa'o/ /dbang ldan du zla ba la mchog 'phrog ma ser mo thugs kar me tog dang bcas pa'i thal mo kha sbyor ba'o//mer zla ba la rin chen dbang phyug ma ser mo spos phor 'dzin pa'o/ /bden bral du zla ba la rgyan ma ser mo dri'i dung chos 'dzin pa'o/ /rlung du zla ba la 'gro skyong ma ser mo mar me'i mchod sdong 'dzin pa'o/ /'dir gang la khyad par gyi tshig med pa de rnams la nyi ma dang zla ba thams cad ni sna tshogs pad+ma la gnas pa'o//lha thams cad sems dpa'i skyil krung can gos dang rin po che sna tshogs kyis brgyan pa'o/ /'dir dkyil 'khor gyi bdag po'i rigs kyi bdag po ni mi bskyod pa'o/ /thugs ka'i sa bon ni hUM ngo / /hUM badzra phaT ces pa ni snying po'o//yang na oM b+hUM ha Da ma ra b+hU ta ad+hi pa ti ak+Sho b+h+ya kI rI Ti na sarba b+hU ta pre ta pi shA tsa na sa d+hA ya hUM phaT ces bya ba ni las thams cad pa'i sngags kyang de nyid do/ /yang na bgegs mthar byed kyis so// //mkha' 'gro lnga'i dkyil 'khor la/ rdo rje'i sa gzhi la sogs pa nas bzung nas gzhal yas khang gi bar du sngar gyi 'jam pa'i rdo rje'i dkyil 'khor bzhin du shes par bya'o//de la dbus kyi gzhal yas khang gi dbus su bcom ldan 'das rdo rje mkha' 'gro'o/ /shar la sogs pa'i sgo rnams su gau rI la sogs pa rnams dang / dbang ldan la sogs pa'i mtshams rnams su puk+ka sI la sogs pa'o/ /de la gau rI dkar mo g.yas pas lcags kyu 'dzin pa'o/ /tsau rI dmar mo zhags pa 'dzin pa'o/ /be tA lI dmar mo phyag gnyis kyis lcags sgrog 'dzin pa'o/ /g+ha sma rI ljang gu rdo rje dang dril bu 'dzin pa'o/ / puk+ka sI sngon mo phyag na byang chub sems kyi bum pa 'dzin pa'o/ /sha ba rI dkar mo ri rab 'dzin pa'o/ /tsaN+Da lI sngon mo me thab 'dzin pa'o/ /DoM bi nI sku mdog sna tshogs ma rgyal mtshan chen po'i ba dan 'dzin pa'o/ /shar phyogs kyi gzhal yas khang gi dbus su zla ba'i steng du sangs rgyas mkha' 'gro dkar po ste/rtsa ba'i zhal dkar po g.yon pa dmar po gzhan thams cad sngon po'o/ /g.yas pa'i phyag brgyad kyi thod pa na rma bya dang ma he dang / chu srin dang nya dang rgyal po dang rus sbal dang / lhag pa'i klu dang ngang pa rnams so/ /g.yon pa brgyad kyi thod pa rnams ni dpyid dang srog chags dz+yeSh+Tha dang sbrul ha la ha la dang a dza nA b+h+yo dang byi ba dang g.yag dang dri can dang co ga rnams so//shar la sogs pa'i sgo rnams dang dbang ldan la sogs pa rnams su rim pa bzhin du skam pa mo la sogs pa'i lha mo rnams so/ /de la skam pa mo sngon mo phyag g.yas pa na skam pa 'dzin pa/zhags ldan ma ser mo zhags pa 'dzin pa'o/ /dol zlum ma dmar mo nya rgya zlum po 'dzin pa'o/ /lcags kyu ma ljang gu lcags kyu 'dzin pa'o/ /me tog ma dkar mo me tog gi za ma tog 'dzin pa'o/ /bdug spos ma nag mo spos phor 'dzin pa'o/ /mar me ma ser mo mar me'i mchod sdong 'dzin pa'o//dri chab ma ser mo dri ser pos bkang ba'i dung 'dzin pa'o/ /lho phyogs kyi gzhal yas khang gi dbus su rin chen mkha' 'gro ser po ste/ 'di'i rtsa ba dang g.yon pa gnyis ser po dang dkar po lhag ma rnams ni sngon po/ g.yas pa'i thod pa rnams na bya ka raN+Da/ngur pa dang lug dang bya tsa ko ra dang khra dang hor pa dang 'ol ba dang bya ku ra'o/ /g.yon pa rnams na stobs kyi rgyu dang dung skyong dang rigs ldan dang pad+ma dang pad+ma chen po dang / 'jog po dang nor rgyas dang mtha' yas rnams so/ /shar la sogs pa'i sgo rnams dang dbang ldan la sogs pa'i mtshams su lha mo rnams te/de la nyi phyag ma dkar mo nyi ma'i dkyil 'khor 'dzin pa'o/ /mar me ma sngon mo mar me'i mchod sdong 'dzin pa'o/ /rin chen dkar mda' ma ser mo rin po che 'dzin pa'o/ /glog phyag ma ljang gu glog gi phreng ba 'dzin pa'o/ / sgeg mo dmar mo snyems pa dang bcas pa'i phyag gnyis kyis rdo rje 'dzin pa'o/ /phreng ba ma dmar mo phyag gnyis kyis rin po che'i phreng ba 'dzin pa'o/ /klu ma dmar skya phyag gnyis kyis ting ting shag 'dzin pa'o/ /gar ma sna tshogs pa'i mdog phyag gnyis kyis rdo rje dang bcas pas gar byed pa'o//nub kyi gzhal yas khang gi dbus su pad+ma mkha' 'gro dmar po ste/ 'di'i rtsa ba'i zhal dang g.yon pa ni dmar po dang dkar po dang lhag ma rnams ni nag po'o/ /phyag g.yas pa'i thod pa rnams na dom dang bya rgod dang / bse dang ba man dang stag dang spre'u dang /chu srin nA kra dang ce spyang rnams so/ /g.yon pa rnams na khwa dang 'ug pa dang so bya dang seng ge dang bya sa ra sa dang ra dang ri dwags dang phag pa rnams so/ /shar la sogs pa'i sgo rnams dang dbang ldan la sogs pa rnams la lha mo rnams so/ /de la shar phyogs su pad+ma dkar po pad+ma 'dzin pa'o//chos 'byung ma ser mo chos 'byung 'dzin pa'o/ /lcags sgrog ma nag mo phyag gnyis kyis lcags sgrog 'dzin pa'o/ /rang 'khyud ma ljang gu sangs rgyas thams cad la rjes su chags pa'i phyag na rdo rje dang thod pa bzung bas rang la 'khyud pa'o/ /gling bu ma dmar mo phyag gnyis kyis gling bu bzung nas sgra sgrogs pa'o//pi wang ma ser mo phyag gnyis kyis pi wang bsgreng ba la brtson pa'o/ /mu kuN+Da ma dkar mo phyag gnyis kyis rnga bo che brdung ba'o/ /rdza rnga ma du ba'i mdog can phyag gnyis kyis rdza rnga brdung ba'o/ /byang gi gzhal yas khang gi dbus su sna tshogs mkha' 'gro dUr ba ltar ljang gu ste/de'i rtsa ba'i zhal ni rta'i gdong ljang gu'o/ /gzhan rnams lha'i zhal lo/ /phyogs gcig la rtsa ba'i zhal yang lha'i zhal lo/ /g.yon pa dkar po lhag ma rnams nag po'o/ /phyag g.yas pa'i thod pa rnams na gza' lag pa dang phur bu dang mjug rings dang sgra gcan 'dzin dang mig dmar dang pa wa sangs dang spen pa dang khyab 'jug rnams so//g.yon pa rnams la dbang po dang chu lha dang tshangs pa dang drag po dang 'dod pa'i lha dang stobs bzangs dang thags bzangs ris dang stobs can rnams so/ / shar la sogs pa'i sgo rnams dang dbang ldan la sogs par lha mo rnams so/ /de la sgo lcags ma dkar mo ni sgo lcags 'dzin pa'o/ /lde kyog ma ser mo lde kyog 'dzin pa'o/ /sgo glegs ma dmar mo sgo glegs 'dzin pa'o/ /yol ba 'dzin ma nag mo phyag gnyis kyis yol ba 'dzin pa'o//spyan ma dkar mo 'khor lo 'dzin pa'o/ /mA ma kI sngon mo rdo rje 'dzin pa'o/ /gos dkar mo dmar mo phyag na pad+ma 'dzin pa'o/ /sgrol ma ljang gu phyag na ut+pal sngon po 'dzin pa'o/ /gzhal yas khang chen po'i sgo rnams dang dbang ldan la sogs pa rnams su gau rI la sogs pa dang puk+ka sI la sogs pa ste sngar bzhin no//'dir rdo rje mkha' 'gro ni gdan dang mdog dang dbyibs dang zhal dang phyag la sogs pa rnams ni he ru ka lha dgu'i bdag nyid can gyi dkyil 'khor la ji ltar phyag bcu drug pa'i dgyes pa'i rdo rje dang 'khyud pa'i yum bdag med ma yang de bzhin no/ /'khor lo'i mkha' 'gro ma la sogs pa bzhi po 'di ni bshad pa'i khyad par rnams las khyad par gzhan rnams ni rdo rje mkha' 'gro dang mtshungs pa'o//de nas 'khyud pa'i lha mo rnams ni go rims ji lta bar spyan ma dang mA ma kI dang gos dkar mo dang sgrol ma rnams ni dkar mo dang ser mo dang dmar mo dang ljang gu ste gri gug dang sdigs mdzub dang ldan pa'i phyag gnyis pa rnams so//mkha' 'gro ma lnga po rnams kyang re re zhing de bzhin gshegs pa lnga'i cod pan can no/ /gzhal yas khang gi lha mo rnams ni gcer bu spyan gsum dmar la zlum pa mche ba gtsigs pa zhal gcig pa phyag gnyis pa dbu skra 'bar ba gyen du brdzes pa dpral ba'i dbyes la thod pa lnga dang mi mgo skam po'i do shal dang phyag rgya lngas brgyan pa'o//sna tshogs pad+ma dang ro dang nyi ma rnams la g.yas bskum g.yon brkyang gi gar gyis gnas pa'o/ /gang khyad par ma bshad pa rnams ni g.yon pa'i khu tshur gyis sdigs mdzub snying gar 'dzin pas sdigs par mdzad do//'khyud pa'i lha mo rnams la ni gdan tha dad pa med do/ /gau rI la sogs pa brgyad la rim pa bzhin du ro'i gdan gyi gnas su tshangs pa dang dbang po dang nye ba'i dbang po dang / drag po dang gshin rje dang / lus ngan po dang srin po dang / thags bzangs ris rnams zhes pa ni phyogs gzhan no//mkha' 'gro ma rnams dang gau rI la sogs pa rnams rdo rje mkha' 'gro la zhal mngon par phyogs pa'o/ /lha gzhan rnams ni rang rang gi bdag po la mngon par phyogs pa'o/ /dgyes pa rdo rje'i spyi bor rdo rje 'dzin pa dang rdo rje'o/ /sgo dang mtshams kyi lha mo rnams la/ thugs dang / rtag pa dang / rin 'byung dang / 'od dpag med rnams so/ /rtag pa'i spyi bor 'khor lo 'dzin pa dang 'khor lo'o/ /sgo dang mtshams kyi lha mo rnams la thugs dang / rin 'byung dang 'od dpag med dang / don yod grub pa rnams so/ /rdo rje nyi ma'i spyi bor rin 'byung dang yid bzhin nor bu'o//de'i sgo dang mtshams kyi lha mo rnams kyi ni sku dang thugs dang / 'od dpag med dang don yod grub pa rnams so/ /pad+ma gar gyi dbang phyug gi spyi bor pad+ma 'dzin pa dang / rdo rje pad+ma'o/ /de'i sgo dang mtshams kyi lha mo rnams kyi ni sku rdo rje dang rin chen 'byung ldan dang mi bskyod pa dang tshe dpag med rnams so//rta mchog gi spyi bor ral gri 'dzin pa dang ral gri'o/ /sgo dang mtshams kyi lha mo rnams kyi ni sku rdo rje dang gsung rdo rje dang / 'od dpag med dang don yod grub pa rnams so/ /phyi rol gyi gau rI la sogs pa rnams sngar dang mtshungs pa'o/ /rdo rje mkha' 'gro la sogs pa'i mkha' 'gro rnams kyi thugs ka'i sa bon ni go rims bzhin du hUM oM trAM AHkhaM zhes bya ba rnams so//snying po'i sngags rnams ni/ oM d+ha ra d+ha ra/ d+hA ra ya d+hA ra ya/ marda marda badzra d+h+r-ika phaT swA hA/ oM shA shwa ta pa ra ma shA shwa te e h+ye hi dzi na dzika hUM phaT swA hA/ oM badzra sUr+ya ta mo bid+ha ma nas ma ya s+t+waM/a haM rat+na d+h+r-ika phaT swA hA/ oM badzra d+harmA sa ma ya s+t+waM hu lu hu lu A ro l-i ka phaT swA hA/ oM phu phu hi hi pradz+nyA d+h+r-ika phaT swA hA/ zhes bya ba'o/ /na maHsa man+ta bud+d+he b+h+yo/ na mo badzra kro d+ha ya ma hA daM Sh+To t+ka Ta b+hai ra bA ya/ badzra san+do ha dar+pAya amr-i ta kuN+Da li hUM zhes bya ba ni bgegs mthar byed kyi sngags te/las thams cad pa'o/ /mkha' 'gro lnga po 'di dag gang yang rung ba'i dkyil 'khor gyi dbus su bsgom par bya ba de re re yang so so'i dkyil 'khor du bcom ldan 'das kyis gsungs te/ sangs rgyas mgon po gang zhig nyid/ /dbus su gyur pa'i dkyil 'khor ni//de nyid kyi ni dkyil 'khor gsungs/ /snying po len phyir dkyil 'khor te/ dkyil 'khor re re bsgom pa'am/ yang na bsdus pa'i dkyil 'khor ro/ /zhes gsungs so// //'khor los sgyur ba drug gi dkyil 'khor la/ /rdo rje'i sa gzhi la sogs pa dang / 'khor lo rtsibs bcu pa'i bar du 'jam pa'i rdo rje'i dkyil 'khor du bshad pa ji lta ba'i rtsibs bcu pa'i 'khor lo'o//khro bo bcu ni gzhan te 'jig rten gsum las rnam par rgyal ba'i khro bo'i dkyil 'khor las bshad pa'i rdo rje'i dbyug pa la sogs pa nas rdo rjes 'og gi bar lta bu'o zhes par ni khyad par ro//'khor lo rtsibs bcu pa 'di'i lte ba'i nang gi chos 'byung gi dbus su rlung dang me dang chu dang gser gyi rang bzhin gyis gzhi'i dkyil 'khor dang / ri rab kyi steng du sna tshogs chu skyes dang sna tshogs rdo rje'i lte ba la gzhal yas khang chen po'o/ /phyogs gzhan la 'dir chos 'byung med do zhes pa'o/ / gzhal yas khang chen po'i lte bar gnas pa'i lte bar gnas pa'i gzhal yas khang gi dbus su gnas seng ge'i steng du sna tshogs pad+ma la gnas pa'i nyi ma'i dkyil 'khor gyi steng du bzhugs pa'i rdo rje sems dpa' bsgom par bya'o zhes mngon par brjod pa'i rgyud bla ma las gsungs pas/ /nyi ma la gnas pa'i 'jigs byed dang gau rI dag gi steng du rdo rje skyil grung gis gnas pa'i ye shes mkha' 'gro rdo rje sems dpa' dkar po'am nag po rdo rje dang bcas pa'i rdo rje dril bu dang ldan pa'i g.yas pa dang cig shos kyi phyag gis yum la 'khyud pa'o//lha mo de ni rdo rje dang sdigs mdzub dang bcas pa'i phyag g.yas brkyang pa khrag gis gang ba'i thod pa dbul ba'i phyag g.yon gyis yab la 'khyud pa sku mdog dmar mo ye shes mkha' 'gro ma ste/ming gzhan chos kyi dbyings kyi dbang phyug ma zhes pa dang rdo rje phag mo zhes kyang grags so/ /de nas shar la sogs pa'i phyogs la g.yas skor gyis sangs rgyas mkha' 'gro la sogs pa lnga po dgod par bya ste/de dag gi 'khor rnams dkyil 'khor so sor shar la sogs pa'i sgo rnams su g.yon skor gyis dgod cing me la sogs pa'i mtshams rnams su g.yas skor gyis dgod par bya'o/ /rdo rje sems dpa' phyogs bral rnams la rim pa ji lta bas mkha' 'gro ma dang lA ma dang /dum skyes ma dang / gzugs can ma rnams ni sngon mo dang / ser mo dang / dmar mo dang / ljang gu rnams g.yas brkyang gis bzhugs pa'o/ /sgo rnams su thod pa'i dum bu dang / keng rus chen po dang keng rus dang / keng rus chen po dang keng rus dang / mche ba rnams par gtsigs pa rnams sku mdog nag po rdo rje dang rdo rje dril bu dang bcas pa'i phyag gnyis kyis rab tu gtum mo dang gtum pa'i mig can dang /'od ldan ma dang sna chen ma thal ba dkar po'i mdog can rnams la 'khyud pa'o/ /de nas rnam par snang mdzad kyi gzhal yas khang gi dbus su seng ge'i steng du sna tshogs pad+ma dang zla ba la gnas pa'i tshangs pa'i snying gar sangs rgyas mkha' 'gro rdo rje skyil krung gis bzhugs pa sku mdog dkar po 'khor lo dang 'khor los mtshan pa'i dril bu 'dzin pa'i phyag g.yas dang g.yon gnyis kyis sangs rgyas mkha' 'gro ma la 'khyud pa'o//sgo rnams la chang dgra dang / 'od dpag med dang / rdo rje 'od dang rdo rje lus rnams ni sku mdog dkar po 'khor lo dang 'khor los mtshan pa'i dril bu 'dzin pa'i phyag gnyis kyis dpa' bo'i blo gros ma dang mi'u thung ma dang lang ka'i dbang phyug ma dang shing grib ma rnams ser mo la 'khyud pa'o//rin chen 'byung ldan gyi gzhal yas khang gi dbus su rta'i steng du sna tshogs pad+ma dang nyi ma la gnas pa'i lha'i bu nyi ma'i snying gar rin chen mkha' 'gro rdo rje skyil krung du bzhugs pa sku mdog ser po rin po che dang rin po ches mtshan pa'i dril bu 'dzin pa'i phyag g.yas pa dang g.yon pa gnyis kyis rin chen mkha' 'gro ma ser mo la 'khyud pa'o//sgo rnams la myu gu can dang /rdo rje ral pa can dang / dpa' bo chen po dang / rdo rje hUM mdzad rnams sku mdog ser po rin po che dang / rin po ches mtshan pa'i dril bu 'dzin pa'i phyag gnyis kyis sa srung ma dang 'jigs byed chen mo dang rlung shugs ma dang chang 'thung ma rnams ljang gu'i kha dog dang ldan pa la 'khyud pa'o//snang ba mtha' yas kyi dkyil 'khor gyi dbus su rma bya'i steng du sna tshogs pad+ma dang nyi ma la gnas pa'i dbang phyug chen po'i snying gar pad+ma mkha' 'gro dmar po rdo rje skyil krung gis bzhugs pa sku mdog dmar po pad+ma dang pad+mas mtshan pa'i dril bu dang ldan pa'i phyag g.yas pa dang g.yon pa gnyis kyis pad+ma mkha' 'gro dmar mo la 'khyud pa'o//sgo rnams la shin tu bzang po dang rdo rje bzang po dang 'jigs byed chen po dang / mig mi bzang rnams dmar mo pad+ma dang nyi mas mtshan pa'i dril bu dang bcas pa'i phyag gnyis kyis lha mo sngo bsangs ma dang / shin tu bzang mo dang / rta rna mo dang /bya rog gdong rnams sku mdog dkar mo la 'khyud pa'o/ /mi bskyod pa'i gzhal yas khang gi dbus su glang po che'i steng du sna tshogs pad+ma dang nyi ma la gnas pa'i khyab 'jug gi snying gar rdo rje skyil krung gis bzhugs pa'i rdo rje mkha' 'gro nag po rdo rje dang rdo rjes mtshan pa'i dril bur ldan pa'i phyag g.yas dang g.yon pa gnyis rdo rje mkha' 'gro ma la 'khyud pa ste/lha mo de ni dmar mo'am nag mo'o/ /sgo rnams la stobs po che dang / rin chen rdo rje dang / rta mgrin dang / nam mkha'i snying po rnams nag po rdo rje dang rdo rjes mtshan pa'i dril bu dang bcas pa'i phyag gnyis kyis 'khor lo'i shugs can ma dang /dum skyes ma dang / chang 'thung ma dang / 'khor lo'i go cha ma rnams ser mo la 'khyud pa'o/ /don yod grub pa'i gzhal yas khang gi dbus su nam mkha' lding gi steng du sna tshogs pad+ma dang nyi ma la gnas pa'i lha'i bu zla ba'i snying gar rdo rje skyil krung gis bzhugs pa'i sna tshogs mkha' 'gro sku mdog ljang gu sna tshogs rdo rje dang /sna tshogs rdo rjes mtshan pa'i dril bu bzung ba'i phyag gnyis kyis sna tshogs mkha' 'gro ma ljang gu la 'khyud pa'o/ /sgo rnams su he ru ka dang pad+ma gar gyi dbang phyug dang / rnam par snang mdzad dang / rdo rje sems dpa' rnams sku mdog ljang gu sna tshogs rdo rjes mtshan pa'i dril bu 'dzin pa'i phyag gnyis shin tu dpa' mo dang /stobs chen mo dang / 'khor los sgyur ba dang / brtson 'grus chen mo rnams du ba lta bu'i sngo skya'i mdog can ma la 'khyud pa'o/ /de ltar dpa' mo nyi shu rtsa bzhi ni g.yas brkyang gis gnas pa'o/ /'dir mkha' 'gro ma la sogs pa bzhi ni g.yon pa thod pa dang kha T+wAM ga 'dzin pa g.yas pas Da ma ru 'dzin pa'o//ye shes mkha' 'gro ma dang rab tu gtum mo la sogs pa rnams ni phyag g.yas pas rdo rje dang bcas pa'i sdigs mdzub gdengs pa'o/ /sangs rgyas mkha' 'gro ma dang dpa' bo'i blo gros ma la sogs ma rnams kyis ni 'khor lo dang bcas pa'i sdigs mdzub bo//rin chen mkha' 'gro ma dang sa srung ma la sogs pa rnams ni rin po che dang bcas pa'i sdigs mdzub bo/ /pad+ma mkha' 'gro ma dang lha mo sngo bsangs ma la sogs pa rnams ni pad+ma dang bcas pa'i sdigs mdzub po/ /rdo rje mkha' 'gro ma dang shugs can ma 'khor lo la sogs pa rnams ni rdo rje dang bcas pa'i sdigs mdzub po//sna tshogs mkha' 'gro ma dang shin tu dpa' mo la sogs pa rnams ni sna tshogs rdo rje dang bcas pa'i sdigs mdzub po/ /ye shes mkha' 'gro ma la sogs pa thams cad la yang 'khyud par byed pa'i g.yon pa'i phyag tu 'dzag pa dang bcas pa'i khrag gis bkang ba'i thod pa 'dzin pa'o//dkyil 'khor chen po'i sgo rnams la khwa gdong ma dang / 'ug gdong ma dang khyi gdong ma dang phag gdong ma rnams ming gi rjes su mthun pa'i zhal te rim pa ji lta bas sngon po dang ser po dang dmar po dang ljang gu'i mdog can rnams/phyag g.yas pa rnams na lcags kyu dang / zhags pa dang / lcags sgrog dang / dril bu 'dzin pa'o/ /mtshams rnams la gshin rje brtan ma dang / gshin rje pho nya ma dang / gshin rje mche ba ma dang / gshin rje 'joms ma rnams ni mi mo'i gdong pa can no/ /g.yas dang g.yon pa'i lha mo'i kha dog g.yas g.yon gyi sku phyed phyed dang ldan pa rnams te/phyag g.yas pa na me long dang pi wang dang dri'i dung chos dang ro'i snod rnams 'dzin pa'o/ /lha mo brgyad po 'di dag kyang phyag g.yon pas thod pa dang kha T+wAM ga 'dzin pa g.yas brkyang gis gnas pa'o/ /gzhal yas khang drug po rnams kyi yang mtshams su sna tshogs pad+ma la gnas pa'i byang chub sems la sogs pas gang ba'i thod pa rnams so//mkha' 'gro ma la sogs pa nas gshin rje 'joms ma'i mthar thug pa rnams ni sna tshogs pad+ma dang nyi ma la gnas pa'i ro rnams la bzhugs pa'o/ /'khor los sgyur ba rnams kyang ro la gnas pa'o zhes pa phyogs gzhan no//lha mo rnams ni sku rgyab tu 'phyang ba'i stag gi pags pa'i sham thabs dkris pa mchod phyir thogs pa can mi mgo rlon pa'i phreng ba mgrin pa la 'phyang ba ral pa nag po'i thor cog can no/ /lha mo rnams ni gcer bu skra nag po grol zhing mi mgo skam po'i phreng ba mgrin pa la 'phyang ba'o//lha bzhi bcu rtsa gnyis kyang zhal gcig pa phyag gnyis pa spyan gsum pa rdo rje phreng bas mtshan pa'i dpral ba'i steng du thod pa lngas brgyan pa dpung rgyan dang g.yer kha la sogs pas brgyan pa phyag rgya lnga dang ldan pa'o/ /'khor los sgyur ba rnams kho na phyag rgya drug dang ldan pa/nor bu dang zla ba phyed pa dang sna tshogs rdo rjes mtshan pa'i ral pa'i thor cog can dag go/ /lha mo sum cu rtsa bzhi rnams rang rang gi dkyil 'khor gyi bdag po la mngon par phyogs pa'o/ /'khor los sgyur ba rnam pa lnga dang khwa gdong ma la sogs pa rnams kyis dbus kyi dkyil 'khor gyi bdag po la mngon par phyogs pa'o//dpa' bo rnams ni rang rang gi shes rab ma la mngon par phyogs pa'o/ /de ltar bshad pa 'di ni phyogs gcig go/ /'khor los sgyur ba drug po 'di dag kyang zhabs g.yas brkyang ngo zhes bya ba ni/ khyad par ni phyogs gnyis pa'o/ /phyogs gnyis po 'di dag la ye shes mkha' 'gro dang sangs rgyas mkha' 'gro dang de dag gi 'khor rnams kyang seng ge'i steng du gnas pa dang /rin chen mkha' 'gro dang de'i 'khor rnams kyang rta'i steng du gnas pa dang / pad+ma mkha' 'gro dang de'i 'khor rnams kyang rma bya'i steng du gnas pa dang / rdo rje mkha' 'gro dang de'i 'khor rnams kyang glang po che'i steng du gnas pa dang /sna tshogs mkha' 'gro dang de'i 'khor rnams kyang nam mkha' lding gi steng du gnas pa'o/ /ye shes kyi mkha' 'gro ma la sogs pa 'di dag rdo rje skyil krung can no/ /khwa gdong ma la sogs pa brgyad po 'di dag phyogs skyong brgyang rnams la g.yas brkyang gis gnas pa'o zhes pa ni phyogs gsum pa'o//phyogs 'di rnams dang phyogs gzhan rnams la yang ye shes mkha' 'gro ma la sogs pa rnams ni zhal gcig phyag bzhi pa la sogs pa nyid dang / zhal gsum phyag drug la sogs pa nyid dang / zhal lnga phyag brgyad pa la sogs pa nyid dang / zhal bzhi phyag bcu gnyis pa la sogs pa nyid dang /zhal brgyad phyag bcu drug pa la sogs pa nyid kyang bcom ldan 'das kyis rab tu spros nas gsungs te/ gzhung mangs pas 'jigs pas 'dir ma bstan to/ /rang rang gi 'khor rnams la dkyil 'khor gyi rigs kyi bdag po ni 'khor los sgyur ba drug gis so/ /'khor los sgyur ba lnga la ni rdo rje mkha' 'gros so//de nyid la ni ye shes mkha' 'gros so/ /khwa gdong ma la sogs pa rnams la ni sna tshogs mkha' 'gro ste/ ye shes mkha' 'gro'o zhes bya ba ni kha cig go/ /ye shes mkha' 'gro la sogs pa'i rim pa ji lta bar thugs ka'i sa bon rnams la ni baM b+h+rUM AM trAM hUM khaM ngo //snying po'i sngags rnams ni oM shrI ma hA su kha badzra satwa DA ki nI dzA la saM ba raM phaT swA hA/ oM shrI bud+d+ha DA ka a la la la b+h+rUM AHDA ki nI dzA la saM ba raM hUM phaT swA hA/ oM shrI rat+na DA ka trAM AHhUM DA ki nI dzA la saM ba raM hUM phaT swA hA/ oM shrI pad+ma DA ka hrIHAHhUM DA ki nI dzA la saM ba raM hUM phaT swA hA/ oM shrI badzra DA ka AHhUM phaT DA ki nI dzA la saM ba raM hUM phaT swA hA/oM shrI bi shwa DA ka hoHkhaM AHhUM DA ki nI dzA la saM ba raM hUM phaT swA hA/ zhes bya ba'o/ /oM khaM hUM phaT/ ces bya ba ni dum skyes ma ste las thams cad pa'i sngags so// //dpal dus kyi 'khor lo'i dkyil 'khor la/ rdo rje gur gyi nang du srung ba'i 'khor lo rtsibs bcu pa ste/ de'i shar dang lho dang nub dang byang gi rtsibs rnams la shin tu stobs byed dang /rmongs byed dang / rengs byed dang / rgyal byed rnams te/ gshin rje mthar byed dang shes rab mthar byed dang pad+ma mthar byed dang bgegs mthar byed ces bya ba ming gi rnam grangs so/ /me la sogs pa'i rtsibs rnams la dbyug pa sngon po dang 'dod pa'i rgyal po dang /stobs po che dang mi g.yo ba rnams so/ /steng gi rtsibs la gtsug tor 'khor los sgyur ba'o/ /'og gi rtsibs la gnod mdzes rgyal po'o/ /de skad du yang rtsa ba las/ de rjes 'khor lo rtsibs bcu pa ni phyogs dang phyogs bral la gnas khro bo'i tshogs rnams bsgom par bya/zhes pa dang / dri ma med pa'i 'od las kyang srung ba'i 'khor lo las khro bo la sogs pa spro bar bya ste/ dkyil 'khor gyi sa gzhi srung ba'i don du'o zhes gsungs so/ /khro bo 'di rnams 'chad par 'gyur ba'i gzugs can no/ /srung ba'i 'khor lo'i lte ba'i nang du chos 'byung ngo //de skad du dri ma med pa'i 'od las gsungs pa phyi rol du skye ba'i don du nam mkha'i khams mtha' yas pa ste/ nang du shes rab chos 'byung zur gsum pa'o zhes so/ /dkyil 'khor du nam mkha'i khams nyid chos 'byung gi gzugs su bsgom pa'o//chos 'byung gi dbus su rlung dang me dang chu dang sa'i dkyil 'khor la gnas pa'i ri rab dang sna tshogs pad+ma dang zla ba dang / nyi ma dang / thig le nag po'i gzugs sgra gcan gyi dkyil 'khor gyi steng du gnas pa'i phyi rol nas rdo rje 'od zer dang nam mkha' dang rlung dang me dang chu dang sa'i khor yug gis yongs su bskor bzhin pa'i gzhal yas khang chen po'o//yang na srung ba'i 'khor lo ni bgegs nye bar zhi ba tsam gyi dgos pa'o zhes pa ste/ bgegs bcom pa'i rjes la bsgom par ma byas shing chos 'byung yang bsgom par ma byas nas srung ba'i gur gyi nang du nam mkha'i nang du rlung la sogs pa'i dkyil 'khor dang sgra gcan gyi dkyil 'khor gyi mthar thug pa'i steng du gnas pa'i phyi rol nas 'od zer la sogs pa'i zlum po rnams kyis yongs su bskor ba'i gzhal yas khang chen po'o//de'i phyed kyis gsung gi dkyil 'khor ro/ /de'i phyed kyis thugs kyi dkyil 'khor ro//de'i phyed kyis bde chen gyi 'khor lo'o/ /de'i phyed kyis bcom ldan 'das kyi pad+ma ljang gu'o/ /pad+ma'i sum cha gcig gis ze 'bru'o/ /de'i steng nas steng du gnas pa'i zla ba dang nyi ma dang sgra gcan dang dus kyi me'i dkyil 'khor gyi steng du gan rkyal du gnas pa'i yan lag med pa dang drag po'i snying gar g.yas brkyang gis gar byed pa'i bcom ldan 'das dus kyi 'khor lo nag po/nor bu dang zla ba phyed pa dang sna tshogs rdo rjes mtshan pa'i ral pa'i thor tshugs can/ rdo rje nor bu dang rdo rje'i rna cha dang / rdo rje'i mgul rgyan dang / rdo rje'i lag gdub dang / rdo rje'i ska rags dang /rdo rje'i rkang gdub dang / rdo rje'i dar dpyangs dang / rdo rje'i phreng ba dang / stag gi pags pa 'phyang ba'i gos bsnams pa zhal bzhi pa phyag bcu gnyis pa'o/ /de la rtsa ba'i zhal ni nag po mche ba gtsigs pa drag po g.yas dmar po chags pa dang bcas pa/ nub ser po ting nge 'dzin la gnas pa/g.yon dkar po zhi ba'o/ /sngon po dang dmar po dang dkar po dbus dang g.yas dang g.yon gyi mgrin pa gsum ste/ bcom ldan 'das mgrin pa gsum pa'o/ /g.yas pa'i dpung mgo dang po sngon po gnyis pa dmar po gsum pa dkar po'o/ /de bzhin du g.yon pa sngon po dang dmar po dang dkar po ste/'di dag dpung mgo drug go/ /bar lhu dpung ba bcu gnyis so/ /nye ba'i phyag dpung pa nas brtsams nas phyag nyi shu rtsa bzhi'o/ /de la g.yas kyi dpung pa gnyis sngon po'o/ /gnyis dmar po/ gnyis dkar po ste/ de bzhin du g.yon pa dag kyang ngo / /de bzhin du phyag bzhi nag po bzhi dmar po bzhi dkar po ste/g.yas pa dang g.yon pa rnams kyang ngo / /phyag re re la sor mo lnga lnga ste/ de dag re re zhing tshigs rnam pa gsum gsum mo/ /de la mthe bong ser po mdzub mo dkar po gung mo dmar po srin lag nag po mthe'u chung ljang gu'o/ /phyag gi mthil nas sor mo thams cad kyi tshigs dang po'i phreng ba nag po gnyis pa dmar po gsum pa dkar po ste/de rnams kyang sor gdub rnams kyi 'od dang ldan pa'o/ /g.yas pa'i phyag nag po rnams la rdo rje dang ral gri dang rtse gsum dang gri gug go/ /dmar po rnams la me'i mda' dang rdo rje lcags kyu dang /Da ma ru dang tho ba'o/ /dkar po rnams la 'khor lo dang mdung dang dbyug pa dang / dgra sta rnams so/ /g.yon pa'i nag po rnams la rdo rje dril bu dang phub dang kha T+wAM ga kha bye ba dang / khrag gis gang ba'i thod pa'o/ /dmar po rnams la gzhu dang zhags pa dang nor bu rin po che dang pad+ma dkar po rnams so//dkar po rnams la dung dang / me long dang rdo rje lcags sgrog dang / tshangs pa'i mgo bo rnams so/ /brla nas brtsams nas zhabs g.yas pa dmar po'i mthil dmar pos 'dod pa'i lha dmar po zhal gcig phyag bzhin me tog lnga'i mda' dang gzhu dang zhags pa dang / lcags kyu 'dzin pa'i snying gar mnan pa'o/ /brla nas brtsams nas zhabs g.yon pa dkar po'i mthil dkar pos drag po dkar po zhal gcig spyan gsum pa phyag bzhi pa rtse gsum Da ma ru dang thod pa dang kha T+wAM ga 'dzin pa'i snying gar mnan pa'o/ /'dod lha'i gzhogs su dga' ba mo dang dbang phyug chen po'i gzhogs su dkar mo'o//lha mo 'di dag ni bcom ldan 'das kyi zhabs la 'jus pa dman pa'i bzhin can no/ /bcom ldan 'das kyis 'khyud pa'i sna tshogs yum ni g.yon brkyang gis gnas pa gser gyi mdog lta bu phyag g.yas pa rnams kyis gri gug dang lcags kyu dang Da ma ru dang /bgrang phreng dang / g.yon pa rnams na shaka ti dang zhags pa dang / pad+ma dkar po dang rin po che rnams 'dzin pa'o/ /shar gyi 'dab ma la nag mo 'bar ma ni nag mo phyag g.yas pa rnams kyis spos snod dang tsan+dan gyi snod dang gur gum gyi snod dang gla rtsi dang bcas pa'i ga pur gyi snod dang /g.yon pa rnams kyis dril bu dang pad+ma dang lha'i ljon shing gi me tog dang me tog sna tshogs kyi phreng ba 'dzin pa'o/ /lho phyogs kyi 'dab ma la dmar mo 'bar ma dmar mo g.yas pa rnams kyis mar me dang do shal dang cod pan dang lag gdub dang / g.yon pa rnams kyis gos dang ska rags dang rin po che'i rna rgyan dang / rkang gdub 'dzin pa'o/ /nub tu ser mo 'bar ma sku mdog ser mo/ g.yas pa rnams kyis dung dang gling bu dang nor bu dang / cang te'u dang / g.yon pa rnams kyis pi wang dang rnga zlum dang 'khar rnga dang dung 'dzin pa'o//byang du dkar mo 'bar ma dkar mo g.yas pa rnams kyis 'o ma'i snod dang chu'i snod dang lha'i sman gyi snod dang chang gi snod dang / g.yon pa rnams na bdud rtsi'i snod dang / bcud len grub pa'i snod dang shing thog gi snod dang bza' ba'i snod 'dzin pa'o/ /me la sogs pa rnams su du ba ma dang smig rgyu ma dang mar me ma dang mkha' gsal ma rnams kyi lha mo ste/rim pa ji lta bar nag mo dang dmar mo dang ser mo dang / dkar mo'i mdog can phyag brgyad kyis rang rang gi mdog dang mtshungs pa'i rnga yab brgyad 'dzin pa'o/ /de dag gi rgyab kyi phyi rol du yid bzhin gyi nor bu dang chos kyi gaN+DI dang dpag bsam gyi shing dang chos kyi dung rnams nag po dang dmar po dang ser po dang dkar po'o//nag po 'bar ma la sogs pa 'di brgyad ni zhabs gnyis mnyam pa'i stang stabs kyis gnas pa'o/ /sna tshogs yum la sogs pa'i lha mo thams cad ni phyag rgya lnga dang ldan pa phyag brgyad pa zhal bzhi pa spyan bcu gnyis pa'o//de la sna tshogs yum gyi shar dang lho dang nub dang byang gi rim pas ser po dang dkar po dang / sngon po dang dmar po'i zhal rnams te de ltar lha mo ser mo rnams so/ /nag po rnams kyi ni nag po dang dmar po dang ser po dang dkar po'i zhal rnams so/ /dmar po rnams kyi ni dmar po dang ser po dang /dkar po dang sngon po'i zhal rnams so/ /dkar po rnams kyi ni dkar po dang / nag po dang dmar po dang ser po'i zhal rnams so/ /rim pa gnyis pa dang gsum pa dag gi lha rnams ni phyag drug pa zhal gsum pa spyan dgu pa rnams so/ /de la shar gyi phyogs rnams su don yod grub pa nag po dang dmar po dang dkar po'i zhal lo//phyag g.yas pa rnams kyis ral gri dang gri gug dang rtse gsum pa dang / g.yon pa rnams kyis phub dang / thod pa dang kha T+wAM ga 'dzin pa spyan mas 'khyud pa'o/ /lho'i phyogs su rin chen 'byung ldan dmar po dmar po dang dkar po dang nag po'i zhal lo//g.yas pa rnams kyis me'i mda' dang rdo rje lcags kyu dang cang te'u bsnams pa/ g.yon pa rnams ni gzhu dang rdo rje zhags pa dang rin po che cha dgu pa 'dzin pa mA ma kI la 'khyud pa'o/ /nub tu rnam par snang mdzad ser po ser po dang dkar po dang nag po'i zhal lo//g.yas pa rnams kyis 'khor lo dang dbyug pa dang / mi 'jigs pa'i phyag rgyas rdo rje'o/ /g.yon pa rnams kyis mdung dang rdo rje lcags sgrog dang rdo rje dril bu 'dzin pa sgrol ma la 'khyud pa'o/ /byang du snang ba mtha' yas dkar po dkar po dang nag po dang dmar po'i zhal lo/ / g.yas pa rnams kyis tho ba dang mdung dang rtse gsum pa'o/ /g.yon pa rnams kyis pad+ma dkar po dang / me long dang bgrang phreng rnams 'dzin pa gos dkar mo la 'khyud pa'o/ /bzhi po 'di dag ni pad+ma dkar po dang nyi ma la gnas pa ral pa'i thor tshugs can rtsa ba dang g.yas g.yon gyi rim pas zhal rnams so//me dang bden bral dang rlung dang dbang ldan gyi mtshams rnams su pad+ma dmar po dang zla ba'i gdan la sgrol ma dang gos dkar mo dang / spyan ma dang mA ma kI rnams rim pa bzhin du don yod grub pa dang rin chen 'byung ldan dang / rtag pa dang / snang ba mtha' yas dang mtshungs pa rnam par snang mdzad dang /snang ba mtha' yas dang / don yod grub pa dang / rin chen 'byung ldan rnams kyis snyoms par zhugs pa'o/ /yang na sgrol ma'i kha T+wAM ga'i gnas su ut+pala'o/ /gzhogs brgyad du bdud rtsi'i bum pa brgyad do/ /rim pa gsum pa'i snam bu la shar sgo'i g.yon ngos su kun du bzang po sngon po g.yas pa rnams kyis rdo rje dang /gri gug dang dgra sta 'dzin pa g.yon pa rnams dril bu dang / thod pa dang tshangs pa'i mgo bo 'dzin pa ste tshangs pa'i mgo bo'i gnas su yang na ut+pala'o/ /'di ni chos kyi dbyings kyi rdo rje ma la snyoms par zhugs pa'o//shar sgo'i lho ru nam mkha'i snying po don yod grub pa lta bu'i dri rdo rje ma la 'khyud pa'o/ /lho sgo'i g.yon logs su phyag na rdo rje ljang gu g.yas pa rnams kyis rdo rje dang gri gug dang dgra sta dang / g.yon pa rnams kyis dril bu dang / thod pa dang tshangs pa'i mgo bo 'dzin pa/sgra rdo rje ma la 'khyud pa'o/ /g.yas su sa'i snying po rin chen 'byung ldan lta bu gzugs rdo rje ma la snyoms par zhugs pa'o/ /nub kyi sgo'i g.yon logs su chos kyi dbyings kyi rdo rje ma phyag na rdo rje lta bu kun du bzang pos 'khyud pa'o/ /g.yas logs su sgrib pa thams cad rnam par sel ba rnam par snang mdzad lta bu reg bya rdo rje ma la 'khyud pa'o//byang sgo'i g.yon logs su sgra rdo rje ma kun du bzang po lta bu phyag na rdo rjes 'khyud pa'o/ /g.yas logs su 'jig rten dbang phyug 'od dpag med dang mtshungs pa ro rdo rje ma la 'khyud pa'o/ /phyogs bral rnams kyi mer reg bya rdo rje ma sgrol ma lta bu sgrib pa rnam par sel bas snyoms par zhugs pa'o//bden bral du ro rdo rje ma gos dkar mo lta bu 'jig rten dbang phyug gis 'khyud pa'o/ /rlung du dri rdo rje ma spyan ma lta bu nam mkha'i snying pos 'khyud pa'o/ /dbang ldan du gzugs rdo rje ma mA ma kI lta bu sa'i snying pos 'khyud pa'o//'dir don yod grub pa la sogs pa de bzhin gshegs pa rnams dang / byang chub sems dpa' rnams ni rdo rje'i gdan gyis bzhugs ba'o/ /sgrol ma la sogs pa'i lha mo rnams ni pad+ma'i gdan gyi 'dug stangs kyis bzhugs pa'o/ /shar gyi sgo la khro bo shin tu stobs don yod grub pa lta bu rengs byed mas yang dag par 'khyud pa de yang spyan ma lta bu'o//lho sgo la rmongs byed ni rin chen 'byung ldan lta bu la rgyal byed mas snyoms par zhugs pa de yang mA ma kI lta bu'o/ /nub sgor rengs byed ni rnam par snang mdzad lta bu shin tu stobs ma la 'khyud pa de yang sgrol ma lta bu'o//byang sgor nga rgyal byed ni tshe dpag med lta bu rmongs byed ma la yang dag par 'khyud pa de yang gos dkar mo lta bu'o/ /'on kyang khro bo 'di rnams ni g.yas brkyang gis gnas pa'o/ /khro bo'i lha mo rnams ni g.yon brkyang gis gnas pa'o//de la lha pho rnams kyi gdan ni pad+ma dkar po dag la nyi ma rnams so/ /lha mo rnams kyi gdan ni pad+ma dmar po dag la zla ba'i dkyil 'khor rnams so/ /yang na nag po dang / dkar po dang / ljang gu rnams zla ba la gnas pa'o/ /dmar po rnams dang / ser po rnams dang /kun du bzang po dang / sgra rdo rje ma ni nyi ma la gnas pa'o/ /de dag gi rigs pa yang dri ma med pa'i 'od las gsungs so/ /'dir ni gang gi gnas su lha rnams gang gsungs pa de dang der ni gtso bo yin pa'i phyir dkyil 'khor gyi bdag po la zhal mngon par phyogs pa ste de'i pang du gnas pa ni ma yin no//'dir 'dab ma la gnas pa'i lha mo brgyad dang / bum pa rnams dang / chos kyi dung la sogs pa spangs par 'gyur bas nyi shu rtsa lnga'i bdag nyid kyi dkyil 'khor yang bsgom par bya'o/ /de'i tshe bcom ldan 'das steng du gnas par gyur te dpal gsang ba 'dus pa lta bu'o//shar gyi 'dod yon la rta babs kyi g.yon gyi ka ba'i rtsa ba'i g.yon pa la dri chab ma nag mo dri'i dung phor phyag na 'dzin pa'o/ /g.yas kyi ka ba'i rtsa ba'i g.yas la phreng ba ma sngon mo me tog gi phreng ba 'dzin pa'o/ /lho'i snam bu la bdug spos ma dmar mo phyag na bdug spos kyi snod 'dzin pa'o//mar me ma dmar mo phyag na mar me'i mchod sdong 'dzin pa'o/ /nub tu sgeg mo ser mo cod pan ser po 'dzin pa'o/ /bzhad ma ser mo do shal ser po 'dzin pa'o/ /byang du bdud rtsi ma zhal zas ma zhes bya ba'i ming gi rnam grangs can dkar mo phyag na 'bras bu dkar po 'dzin pa'o//'bras bu mi zad pa'am/ bdud rtsi'i 'bras bu zhes ming gi rnam grangs can phyag na bdud rtsi dkar pos gang ba'i snod 'dzin pa'o/ /stegs bu thams cad la yang mchod pa sna tshogs 'dzin pa'i lha mo grangs med pa'o//shar gyi rta babs kyi mchod pa'i lha mo'i gnas su gar ma sngon mo gar gyi tshul gyis gos 'dzin pa'o/ /lhor 'dod pa ma dmar mo pad+ma phyag na ldan pa'o/ /nub tu sgra ma ser mo rnga pa Ta ha brdung ba'o/ /byang du glu ma dkar mo rdo rje 'dzin ma'o//bdud rtsi ma la sogs pa'i dgod pa 'di dag ni dbang bskur ba'i le'u'i 'grel pa'i rim pa'o/ /de skad du sgrub thabs kyi le'u'i 'grel pa las byang phyogs su sgra ma dang / gar ma dang / nam mkha' ru glu ma dang 'dod ma'o/ /'og gi 'dod yon gyi snam bu la zhal zas ma dang /bdud rtsi'i 'bras bu ma zhes gsungs pa/ de dag la yang dbang bskur gyi le'u las gsungs pa'i dgod pa kho nas rig par bya ste/ de'i rjes su mthun pa'i gzhung gi sbyor ba nyid kyis so/ /de las gzhan du ni snga ma dang phyi ma 'gal bar 'gyur ro//lha mo bcu gnyis po 'di dag ni pad+ma'i 'dug stangs kyis gnas pa'o/ /gsung gi dkyil 'khor la phyogs kyi pad+ma rnams ni dmar po dang / mtshams kyi rnams ni dkar po'o/ /de rnams zla ba dang / nyi ma'i gdan dang bral ba sa ga'i 'dug stangs kyis gnas pa'i lha mo rnams so//de la yi dwags dmar po'i steng du gnas pa'i shar gyi chu skyes kyi ze 'bru la tsa rtsi ka nag po zhal gcig pa spyan gsum pa g.yas pa'i phyag gnyis kyis gri gug dang / rtse gsum pa g.yon pa gnyis kyis thod pa dang / kha T+wAM ga 'dzin pa dbang po la 'khyud pa'o/ / shar la sogs pa'i 'dab ma brgyad la 'jigs byed ma dang / drag mo dang / mche ba nag mo dang / kha nas me 'bar ba dang / rlung shugs ma dang / rab gtum mo dang / drag mig ma dang / sna sbom mo rnams so/ /nam mkha' lding gi steng du me'i chu skyes kyi ze 'bru la khyab 'jug ma nag mo g.yas dag gis 'khor lo dang dbyug to/g.yon pa gnyis kyis pad+ma dang / dung 'dzin pa tshangs pa la 'khyud pa'o/ /'dab ma rnams la dpal mo dang / sgyu ma mo dang / grangs ma dang / phun sum tshogs ma dang / rnam par rgyal ma dang / dpal rgyal byed ma dang / dpal 'khor lo ma rnam so//ma he'i gdan la lho'i pad+ma'i ze 'bru la gnas pa'i phag mo dmar mo phag gdong ma g.yas gnyis na dbyug pa dang ral gri/ g.yon pa gnyis na lcags sgrog dang / phub 'dzin pa drag po la 'khyud pa'o/ /'dab ma rnams la keng rus ma dang / dus mtshan ma dang / rab tu khro gdong ma dang / lce nag ma dang / gtsigs ma dang / nag mo dang / 'jigs ma dang / gzugs ngan ma rnams so/ /rma bya'i steng du bden bral gyi chu skyes kyi ze 'bru la gnas pa'i gzhon nu ma dmar mo zhal drug ma/ phyag g.yas pa gnyis na shaka ti dang lcags kyu/ g.yon pa gnyis na rin po che dang /zhags pa tshogs kyi bdag po la yang dag par 'khyud pa'o/ /'dab ma rnams la pad+ma dang / yan lag med ma dang / gzhon nu ma dang / rigs kyi bdag po'i 'gros ma dang / rin chen phreng ma dang / shin tu spyan ma dang / sdug ma dang bzang mo'o/ / sa srung gi steng du nub kyi pad+ma'i ze 'bru la dbang mo ser mo g.yas pa gnyis na rdo rje dang mda'/ g.yon pa gnyis na dril bu dang / gzhu 'dzin pa bden bral gyis 'khyud pa'o/ /'dab ma rnams la rdo rje 'od ma dang / rdo rje lus can ma dang / gser ldan ma dang / las dbang ma dang / ri mo sna tshogs ma dang /chu shing ma dang / a nya lags dang / shin tu mig 'bras ma rnams so/ /ngang pa'i steng du rlung gi chu skyes kyi ze 'bru la tshangs pa ma ser mo zhal bzhi ma phyag g.yas pa gnyis na pad+ma dang / tshangs pa'i dbyug pa dang / g.yon pa gnyis na spyi blugs dang snod 'dzin pa khyab 'jug la yang dag par 'khyud pa'o//'dab ma rnams la sA bid twI dang / pad+ma can dang / chu skyes can ma dang / blo ma dang / ngag gi dbang phyug ma dang / glu mkhan ma dang / glog ma dang / dran ma rnams so/ /glang gi steng du byang gi chu skyes ze 'bru la drag mo dkar mo g.yas pa gnyis na rtse gsum pa dang cang te'u/g.yon pa gnyis na kha T+wAM ga dang / sbrul 'dzin pa/ gshin rje la 'khyud pa'o/ /'dab ma rnams la gau rI dang / gang ga ma dang / gtum ma dang / myur ma dang / te te la dang / mtshan nyid ma dang / dmar ser ma dang /nag mo rnams so/ /seng ge'i steng du dbang ldan gyi pad+ma'i ze 'bru la phun sum tshogs ma dkar mo g.yas pa gnyis na pad+ma dang bgrang phreng / g.yon pa gnyis na pad+ma dang rin chen 'dzin pa/ gdong drug gis 'khyud pa'o/ /'dab ma rnams la dpal mo dang / zla ba'i ri mo dang /ri bong 'dzin pa'i zhal ma dang / ngang pa'i mdog can ma dang / nyams dga' ma dang / pad+ma'i dbang phyug ma dang / spyan myur ma dang / dri ma med pa'i ri bong 'dzin pa'o/ /tsa rtsi ka la sogs pa lha mo bdun cu rtsa gnyis po 'di dag ni phyag bzhi pa spyan gsum pa ste/ 'dir khyad par ni 'dab ma'i lha mo rnams ni rol pa'i 'dug stangs kyis gnas pa kha dog la sogs pa rnams rang rang gi gtso mo dang mtshungs pa/ rang rang gi gtso mo la gzigs pa'o/ /gtso mo brgyad po 'di dag ni sa ga'i rkang stabs kyis gnas pa/ 'khor lo'i dbang phyug la gzigs pa'o//brgyad po 'di rnams kyis 'khyud pa sa ga'i rkang stabs kyis gnas pa/ rjes su gtso bo rnams de la mngon du phyogs pa'o/ /sku'i dkyil 'khor gyi snam bu rnams la nyi zla gnyis dang bral ba'i pad+ma bcu gnyis so/ /de la phyogs kyi pad+ma rnams ni dmar po'o//mtshams la gnas pa rnams ni dkar po'o/ /pad+ma re re la 'dab ma rnams kyi rim pa dang po la 'dab ma bzhi dang / gnyis pa la brgyad dang / gsum pa la bcu drug ste/ de dag gi phyi rol gyi rim pa'i shar gyi 'dab ma nas brtsams nas g.yas skor gyis tshes gcig la sogs pa'i tshes brgyad kyi lha mo rnams dgod par bya'o//ze 'bru la nya dang stong ni gtso bo nyid kyis gnas pa'o/ /de la nya ni shes rab ma/ stong ni thabs bden bral la sogs pa'o/ /lha de rnams thams cad kyang phyag bzhi pa'o/ /de la shar gyi sgo'i g.yas logs su yi dwags dmar po'i steng du pad+ma'i ze 'bru la bden bral nag po phyag g.yas gnyis na ral gri dang gri gug go//g.yon gnyis na phub dang thod pa'o/ /kha la me 'bar ba'i srin mo la yang dag par 'khyud pa'o/ /'di'i nag pa zla ba'i tshes rnams so/ /mer ri dwags kyi steng du pad+ma'i ze 'bru la rlung lha nag po g.yas pa gnyis na dpag bsam shing dang /me tog pa ri dza ta'o/ /g.yon pa gnyis na rin po che in+d+ra nI la dang / ut+pal sngon po 'dzin pa'o/ /rab tu gtum mo la 'khyud pa'o/ /'di'i sa ga'i zla ba'i tshes rnams so/ /lho sgo'i g.yon logs su ma he'i steng du pad+ma'i ze 'bru la gshin rje dmar po nag po la yang dag par 'khyud pa g.yas gnyis na dbyug pa dang ral gri g.yon gnyis na lcags sgrog dang zhags pa'o//'di'i sbo'i zla ba'i tshes rnams so/ /g.yas ngos su lug gi steng du chu skyes kyi ze 'bru la me lha dmar mo chu lha ma la 'khyud pa phyag gnyis na shaka ti dang dbyug pa/g.yon pa gnyis na pad+ma dang spyi blugs so/ /'di'i snron gyi zla ba'i tshes rnams so/ /bden bral du rma bya'i steng du chu skyes kyi ze 'bru la gdong drug dmar po g.yas pa gnyis na shaka ti dang mdung / g.yon pa gnyis na rin po che dang me long 'dzin pa/phun sum tshogs ma la 'khyud pa'o/ /'di'i chu stod kyi zla ba'i tshes rnams so/ /nub kyi sgo'i g.yon ngos su glang po che'i steng du pad+ma'i ze 'bru la lus ngan po ser po lus ngan ma la yang dag par 'khyud pa phyag g.yas pa gnyis na nor bu rin po che dang dbyug to/ g.yon pa gnyis na ne'u le dang pad+ma'o//'di'i rgyal gyi zla ba'i tshes rnams so/ /g.yas phyogs su glang po che'i steng du pad+ma'i ze 'bru la dbang po ser po rlung lha ma la yang dag par 'khyud pa'o/ /g.yas pa gnyis na rdo rje dang me'i mda' g.yon gnyis na dril bu dang gzhu'o/ /'di'i tha skar gyi zla ba'i tshes rnams so//rlung du ngang pa'i steng du chu skyes kyi ze 'bru la tshangs pa ser po glog ma la yang dag par 'khyud pa/ g.yas pa gnyis na khab dang bgrang phreng ngo / /g.yon gnyis na pad+ma dang rdza snod do/ /'di'i smin drug gi zla ba'i tshes rnams so/ /byang sgo'i g.yon ngos su glang gi steng du pad+ma'i ze 'bru la drag po dkar po gau rI yang dag par snyoms par zhugs pa g.yas gnyis na rtse gsum dang mda'/g.yon gnyis na sbrul gyis dkris pa'i kha T+wAM ga dang gzhu'o/ /'di'i mgo'i zla ba'i tshes rnams so/ /g.yas su chu srin gyi steng du pad+ma'i ze 'bru la rgya mtsho'i lha dkar po g.yas gnyis zhags pa dang rin po che'o//g.yon pa gnyis na sbrul zhags dang chu shel gyi nor bu phag mo la yang dag par 'khyud pa'o/ /'di'i gro bzhin gyi zla ba'i tshes rnams so/ /dbang ldan du bya'i steng du pad+ma'i ze 'bru la tshogs kyi bdag po dkar po gzhon nu ma la yang dag par 'khyud pa/g.yas pa gnyis na dgra sta dang rdo rje g.yon pa gnyis na zhags pa dang rin po che'o/ /'di'i khrums kyi zla ba'i tshes rnams so/ /shar gyi sgo'i g.yon ngos su nam mkha' lding gi steng du pad+ma'i ze 'bru la khyab 'jug nag po dpal mo la yang dag par 'khyud pa/ g.yas gnyis na 'khor lo dang dbyug to/g.yon gnyis na pad+ma dang mdung ngo / /'di'i mchu'i zla ba'i tshes rnams so/ /'dir lha rnams rdo rje'i gdan gyi 'dug stangs kyis gnas pa'o/ /dpyid zla 'bring po la sogs pa'i tshes kyi lha mo rnams ni rol pa'i 'dug stangs kyis gnas pa/ rang rang gi bdag po bden bral la sogs pa'i mdog dang phyag mtshan dang dbyibs rnams mtshungs pa de rnams la lta bar byed pa rnams te/de rnams ni dkyil 'khor gyi gtso bo la gzigs pa'o/ /de rnams kyis 'khyud pa'i lha rnams kyis de nyid la zhal phyogs pa'o/ /shar gyi sgo ru phag pa nag po bdun gyis drangs pa'i shing rta nag po la dbyug pa sngon po don yod grub pa lta bu'o//'di yis 'khyud pa'i 'od zer can ma ni ser mo g.yas pa'i phyag gnyis kyis 'khor lo dang dbyug pa g.yon pa gnyis kyis dung dang rin po che 'dzin pa'o/ /lho phyogs su rta dmar po bdun gyis drangs pa'i shing rta dmar po la 'dod pa'i rgyal po rin chen 'byung ldan lta bu'o//'dis 'khyud pa'i tsun+da dkar po g.yas pa gnyis kyis tho ba dang dung / g.yon pa gnyis kyis pad+ma dang me long ngo / /nub du glang po che ser po bdun gyis drangs pa'i shing rta ser po la stobs po che rnam par snang mdzad lta bu'o/ /'dis 'khyud pa'i rdo rje lcags sgrog ma nag mo g.yas pa gnyis kyis ral gri dang rdo rje g.yon pa gnyis kyis bum pa dang sbrul 'dzin pa'o//byang du seng ge dkar po bdun gyis drangs pa'i shing rta dkar po la mi g.yo ba 'od dpag med lta bu'o/ /'dis 'khyud pa'i khro gnyer can dmar po g.yas pa gnyis kyis mda' dang lcags kyu/g.yon pa gnyis kyis gzhu dang zhags pa 'dzin pa'o/ /dkyil 'khor gyi bdag po'i steng gi nam mkha' la kha dog lnga pa mig gsum pa'i nam mkha' lding gis drangs pa'i shing rta ljang gu la gtsug tor 'khor los sgyur ba phyag na rdo rje lta bu'o/ /'di'i shes rab ma shin tu sngon mo kha dog sngon mo g.yas pa gnyis kyis gri gug dang rdo rje/g.yon pa gnyis kyis thod pa dang dril bu 'dzin pa'o/ /dkyil 'khor gyi gtso bo'i 'og gi sa'i 'og tu rkang pa brgyad pa'i seng ge nag po bdun gyis drangs pa'i shing rta nag po la gnod mdzes rgyal po kun du bzang po lta bu'o//'di'i shes rab ma drag mig ma ljang gu g.yas pa gnyis kyis dgra sta dang rtse gsum pa g.yon pa gnyis sbrul gyi zhags pa dang kha T+wAM ga 'dzin pa'o/ /'dir dbyug pa sngon po la sogs pa khro bo rnams ni shing rta'i steng na pad+ma dkar po dang nyi ma rnams la g.yas brkyang gis gnas pa gtso bo rnams ni rang rang gi gnas na gnas pa'i phyi rol la dkyil 'khor gyi bdag po la gzigs pa'o//'od zer can ma la sogs pa ni g.yon brkyang gis gnas pa rjes su gtso mo ste/ gzhan gyi gnas su phyin pa'i phyir khro bo rnams la blta ba'o/ /'dir shing rta rnams kyi nag po la sogs pa'i kha dog nyid ni/sgo'i dbus su shing rta dag ni rigs kyi dbang gi 'gyur ba yin zhes bya ba 'dis gsungs so/ /de'i rjes su 'brangs nas phag pa la sogs pa'i mdog kyang shes par bya'o/ /rta babs kyi ka ba 'di rnams kyi 'og tu 'dod yon gyi snam bu'i gnas kyi steng dang 'og tu klu rnams so//de la shar gyi sgo'i g.yon dang g.yas dag tu rlung gi dkyil 'khor gnyis kyi steng du rim pa ji lta bas pad+ma dang stobs kyi rgyu gnyis ka nag po khyi gdong ma dang / khwa gdong ma la 'khyud pa'o/ /lho sgo'i me'i dkyil 'khor gnyis kyi steng du nor rgyas dang dung skyong gnyis dmar po phag gdong ma dang /bya gdong ma la 'khyud pa'o/ /nub kyi sgor sa'i dkyil 'khor gnyis la 'jog po dang pad+ma chen po gnyis ser po ce spyang ma dang nam mkha' lding gi gdong ma la 'khyud pa'o/ /byang sgo'i chu'i dkyil 'khor gnyis kyi steng du mtha' yas dang rigs ldan gnyis dkar po stag gdong ma dang 'ug gdong ma gnyis la 'khyud pa'o//steng gi nam mkha' stong pa'i dkyil 'khor la rgyal ba ljang gu sngon mo la 'khyud pa'o/ /'og tu sa 'og la stong pa'i dkyil 'khor la rnam par rgyal ba sngon po rdo rje mig can ma la yang dag par 'khyud pa'o/ /klu thams cad kyang rdo rje gdan gyi 'dug stangs kyis gnas pa phyag bzhi dang ldan pas g.yas pa gnyis na bdud rtsi'i bum pa dang rdo rje/g.yon pa gnyis kyis pad+ma dang rin po che 'dzin pa'o/ /sa'i dkyil 'khor gyi phyogs bral dbang ldan la nya'i zla ba'i dkyil 'khor shar ba'o/ /bden bral du nyi ma'i dkyil 'khor nub pa'i tshul lo/ /me dang rlung gi dkyil 'khor gyi dbus su dur khrod chen po rnams la 'khor lo rtsibs brgyad pa rnams te phyogs rnams su dmar po dang mtshams su dkar po'o//de la shar gyi 'khor lo la khyi gdong ma nag mo'o/ /lhor phag gdong ma dmar mo'o/ /nub tu ce spyang gdong ma ser mo'o/ /byang du stag gdong ma dkar mo'o/ /me'i mtshams la sogs pa la khwa gdong ma dang bya rgod gdong ma dang nam mkha' lding gi gdong ma dang 'ug gdong ma rnams ni nag mo dang dmar mo dang ser mo dang dkar mo'o//steng gi nam mkha'i shing rta la sngon mo ni kha dog sngon mo ste/ 'di'i shing rta ni shin tu sngon mo'i lta bu'o/ /'og tu sa 'og gi shing rta la rdo rje mig can ma ljang gu ste 'di'i shing rta ni drag mig ma'i lta bu'o//khyi gdong ma la sogs pa 'di dag zlum po'i stang stabs kyis gnas pa gong du bstan pa'i klu pad+ma la sogs pa rnams kyis 'khyud pa g.yas dang g.yon gyis gri gug dang thod pa 'dzin pa/ spyan gsum pa gcer bu phyag rgya lnga dang ldan pa mi mgo'i phreng ba mgul du 'phyang ba'o//sngar gyi 'khor lo brgyad pa rnams kyi 'og tu rim pa bzhin du bse dang dom dang seng ge dang g.yag dang be ruN+Da dang / rung ba dang mig sngon dang bya ma byi rnams so/ /dud khrod 'di dag nyid la rlung gi dkyil 'khor gyi shar dang me'i mtshams kyi phyogs gnyis su rlung gi dkyil 'khor gnyis kyi steng du gnas pa'i zla ba dang nyi ma'o//lho dang bden bral gnyis su me'i dkyil 'khor la gnas pa'i gza' lag pa dang mig dmar ro/ /nub dang rlung gi mtshams la sa'i dkyil 'khor la gnas pa mjug rings dang spen pa'o/ /byang dang dbang ldan gyi mtshams su chu'i dkyil 'khor la gnas pa'i pa ba sangs dang phur bu'o//steng du nam mkha'i dkyil 'khor la sgra gcan no/ /'og tu nam mkha'i dkyil 'khor la dus kyi me'o/ /de bzhin du 'dir rlung gi dkyil 'khor gyi nang du d+h+ru ba dang ag t+yo dang skar ma nyi shu rtsa brgyad dang khyim bcu gnyis dang / cha bcu drug dang phyogs bcu'i 'jig rten skyong ba dang dga' ba can dang nag po chen po dang /dril bu'i rna ba can dang / nyam chung dang zhing skyong rnams dang / pho nya mo rnams dang 'phrog ma dang grub pa thams cad ces bya ba la sogs te/ 'byung po'i bye brag sku mdog dang phyag mtshan dang gzugs sna tshogs can bye ba phrag phyed dang bzhi'o/ / 'di ltar zla ba la sogs pa'i lha rnams rdo rje'i gdan gyi 'dug stangs kyis gnas pa'o/ /lha mo rnams ni rol pa'i stang stabs kyis gnas pa'o// //gsung gi dkyil 'khor gyi stegs bu la lha mo 'dod ma rnams so/ /de la shar gyi stegs bu la sgo'i g.yas su zhe sdang 'dod ma sgrol ma'o/ / gos 'dod ma reg ma rdo rje ma lta bu/ /lus 'phrug 'dod ma lha mo tsa muN+DA lta bu/ kha lud 'dor 'dod ma khyab 'jug ma lta bu/ skrod 'dod ma shin tu stobs lta bu'o/ /sgo'i g.yon ngos su rab tu tsha ba 'dod ma shin tu sngon mo lta bu'o/ /reg bya 'dod ma rdo rje lcags sgrog ma lta bu'o/ /yan lag thams cad dkrug 'dod ma khyi gdong ma lta bu'o//lhag ma za 'dod ma khwa gdong ma lta bu'o/ /lho'i sgo'i g.yas logs su bstod par 'dod ma gos dkar mo lta bu'o/ /zas 'dod ma ro rdo rje ma lta bu'o/ /yan lag gi sku mnyed 'dod ma phag gdong ma lta bu'o/ /gar 'dod ma gzhon nu ma lta bu'o/ /skam 'dod ma rmongs byed ma lta lta bu'o//sgo'i g.yon logs su 'gugs 'dod ma khro gnyer ma lta bu/ rgyug 'dod ma drag mig ma lta bu'o/ /dri chen dri chu spong 'dod ma phag gdong ma lta bu'o/ /g.yul ngo 'dod ma bya rgod gdong ma lta bu'o/ /nub kyi sgo'i g.yas logs su rengs 'dod ma spyan ma lta bu/ dri chab 'dod ma dri rdo rje ma lta bu/ nyal 'dod ma dbang mo lta bu/chu la 'dzul 'dod ma tshangs ma lta bu/ bcings 'dod ma rengs ma lta bu'o/ /sgo'i g.yon ngos su 'khrig pa 'dod ma chos kyi dbyings kyi rdo rje ma lta bu'o/ /phur bu 'debs 'dod ma 'od zer can ma lta bu/ slu 'dod ma ce spyang gi gdong ma lta bu/ sbrul gyis bcings 'dod ma nam mkha' lding gi gdong ma lta bu'o//byang gi sgo'i g.yas su rgyas 'dod ma mA ma kI lta bu/ rgyan 'dod ma gzugs rdo rje ma lta bu/ gdan 'dod ma drag mo lta bu/ rgyal po'i srid 'dod ma phun sum tshogs ma lta bu/ 'jam par smra 'dod ma nga rgyal byed ma lta bu/ sgo'i g.yon ngos su sgra 'dod ma sgra rdo rje ma lta bu'o/ /phyag 'tshal 'dod ma tsun+da lta bu 'thab mo mang po 'dod ma stag gdong ma lta bu/khye'u la khro 'dod ma 'ug gdong ma lta bu'o/ /lha mo sum cu rtsa drug po 'di dag bsgom par bya'o/ /gang gsod 'dod ma ni rdo rje dbyings kyi dbang phyug ma'i bskyed bya dang bskyed 'dod ma'i sna tshogs yum gyi bskyed bya'o zhes gsungs pa'i 'dod ma gnyis po de ji ltar rigs par 'dod ma gzhan gnyis la 'du ba'i phyir tha dad du bsgom pa ma yin no//gzhan yang gang dang gang 'dod ma de dag thams cad 'dod ma sum cu rtsa drug po nyid la ji ltar rigs pa 'du bar bya'o zhes pa'i bsam pa kho na'o/ /bsdu bar bya ba 'am 'dod mar gcig ste/ nye bar mtshon pa'i brda nyid kyis so/ /de ltar 'dod ma ni sum cu rtsa bdun zhes gsungs so//de nyid kyi phyir dri ma med pa'i 'od las gsungs pa gzhan yang gang dang gang la sems can gyi bya ba de thams cad 'dod ma de thams cad 'dir rnal 'byor ma'i bya ba khams kyi bye brag gis zhes gsungs so/ /de bas na rdul tshon gyi dkyil 'khor la lha sum cu rtsa drug gi sa bon dgod par bya bar bshad do//'on kyang 'debs 'dod pa'i sa bon ni saHzhes bya bas shar sgo'i g.yon ngos su dgod par gsungs so/ /slu 'dod pa'i sa bon ni ka /zhes bya ba lho sgo'i g.yon ngos su'o/ /sbrul bcing 'dod ma'i sa bon laHzhes bya ba ni byang sgo'i g.yon du'o/ /de ltar 'dod ma'i lha mo sgom pa ni ma yin no//gang dri ma med pa'i 'od las 'dod ma sum cu rtsa bdun gyi gsung gi dkyil 'khor gyi rang rang gi phyogs la rang rang gi rigs kyis dbye bas so zhes gsungs pa 'di dag thams cad nges par 'dod par byed pa'o/ /de ltar ma yin na yang dang yang du 'dod ma sum cu rtsa drug ces gsungs pa'i tshig rnams dang phan tshun 'gal bar 'gyur ro//'dod ma 'di dag zlog pa'i rang bzhin ma 'dod ma sum cu rtsa drug sku'i dkyil 'khor gyi stegs bu rnams la sngar bzhin du rang rang gi rigs kyi dbang gis rang rang gi phyogs rnams su'o/ /dus kyi 'khor lo la sogs pa'i de bzhin gshegs pa rnams las gzhan pa'i lha rnams thams cad rin po che sna tshogs kyi cod pan can no//'dir gang gi tshe bcom ldan 'das dpal dus kyi 'khor lo rdo rje sems dpa'i ngo bor rnam par bzhag na de'i tshe mi bskyod pa ljang gu'i mdog gis rgyas btab pa'o/ /de bzhin du sna tshogs yum gang gi tshe mi bskyod pa'i rang bzhin de'i tshe mi bskyod pa sngon po gzugs kyi rdo rje sems dpas so//de bzhin du sna tshogs yum rdo rje dbyings kyi dbang phyug ma'i rang bzhin no/ /de ltar na ye shes dang rnam par shes pa gnyis la phan tshun rgyas btab par 'gyur ro/ /de skad du dri ma med pa'i 'od las/ rgyal ba'i bdag po'i mchog ni ye shes kyi phung po'o//sna tshogs yum gyi rnam par shes pa'i khams so/ /rnam par shes pa ni nam mkha'i khams so zhes gsungs so/ /'dir ye shes ni stong pa nyid dang snying rje ro gcig pa'i mi 'gyur ba'i bde ba chen po'i ye shes so/ /gang gi tshe dus kyi 'khor lo rnam par shes pa'i phung po de'i tshe sna tshogs yum nam mkha'i khams rdo rje dbyings kyi dbang phyug ma'i rang bzhin no zhes bya ba'i don to//de'i phyir gsungs pa 'khyud par 'gyur ba ni rdo rje dbyings kyi dbang phyug ma sna tshogs yum zhes gsungs so/ /rdo rje dbyings kyi dbang phyug ma dang lhan cig rnam par shes pa pad+ma'i snying po la bde ba chen po zhes gsungs so/ /don yod grub pa dang /rin chen 'byung ldan dang / rnam par snang mdzad dang / 'od dpag med rnams ni mi bskyod pa ljang gus rgyas btab pa'o/ /yang na don yod grub pa ni rin chen 'byung ldan gyis so/ /rin chen 'byung ldan ni snang ba mtha' yas kyis so/ /de ni rnam par snang mdzad kyis so/ /de ni mi bskyod pa ljang gus so/ /kun du bzang po dang /sgra rdo rje ma dang / gnod mdzes rgyal po dang / shin tu sngon mo dang / sngon mo dang / drag mo dang / rmugs byed dang / rnam par rgyal ba'i klu rnams ni mi bskyod pa sngon po'i gzugs kyi rdo rje sems dpas rgyas btab pa rnams so/ /phyag na rdo rje dang chos kyi dbyings kyi rdo rje ma dang / gtsug tor 'khor los sgyur ba dang /drag mig ma dang / khyab 'jug ma dang / gshin rje dang / rgyal ba'i klu ni mi bskyod pa ljang gus so/ /lha gzhan nag po rnams ni don yod grub pas so/ /dmar po rnams ni rin chen 'byung ldan gyis so/ /ser po rnams ni rnam par snang mdzad kyis so/ /dkar po rnams ni snang ba mtha' yas kyis so//rgyas 'debs pa'i de bzhin gshegs pa drug po 'di dag ni gtsug tor dang bcas pa/ snam sbyar 'dzin pas gnon la sogs pa'i phyag rgya dang ldan pa'o/ /bcom ldan 'das dkyil 'khor gyi dbang po'i thugs ka'i sa bon ni hUM ngo / /sngags gzhan rnams ni mangs pas 'jigs pas ma bris so//de ltar bshad par bya mod kyi/ /phun tshogs sku ni dpag med de/ /rgya mtsho la ni chu 'dzin gyis/ /chu blangs zad par mi 'gyur ro/ /rdo rje 'dzin dpal sku yi bdud rtsi'i chu rgyun las/ /'dor bar byas pa'i bsod nams bdud rtsi'i tshogs kyis ni/ /dpag med sku yi rlabs ni rim par brgyud pa yis//mkhas pa'i dbang phyug 'jigs med gzhan don byed gyur cig /rdo rje phag mos mngon sum du byin gyis brlabs pa'i paN+Di ta chen po 'jigs med 'byung gnas sbas pa'i zhal snga nas mdzad pa rdzogs pa'i rnal 'byor gyi phreng ba zhes bya ba rdzogs so// //'di'i gzhung tshad ni stong nyis brgya bzhugs so//rgya gar gyi paN+Di ta chen po thams cad mkhyen pa'i dpal bzang pos 'gyur rnying pa la brten nas smon 'gro'i gtsug lag khang du rang 'gyur mdzad pa'o// //paN+Di ta de nyid kyis lan gnyis su zhus shing gtugs so/ /slad kyi rgya gar gyi paN+Di ta chen po mkhas btsun mchog gi grub pa brnyes pa/bla ma rje btsun chen po rat+na rak+Shi ta'i zhabs dang / bla ma rje btsun paN+Di ta chen po re ben+d+ra'i zhal snga nas/ chag lo tsA ba shAkya'i dge slong dpal gyi mtha' can gyis zhus shing dag par bsgyur te gtan la phab pa'o// //