CLOSE WINDOW

D3140
བོད་ཡིག

@##/ /rgya gar skad du/ badzra A ba li nA ma maN+Dal u pA yi kA/ bod skad du/ dkyil 'khor gyi cho ga rdo rje phreng ba zhes bya ba/ sangs rgyas dang byang chub sems dpa' thams cad la phyag 'tshal lo//dpal ldan rdo rje dbang phyug la 'dud bdud rnams srid dgra'i zhabs dran gyis shig kwa'i/ /khro bo rnams ni phyogs su rgyug mdzod rdo rje lha mo bkra shis glu dbyangs long / /dpal ldan rdo rje 'chang gi phun tshogs dkyil 'khor chen por 'gro ba yongs gzung phyir//'jigs pa med pa'i mthu yis bgegs med 'dir ni rdo rje phreng ba 'du bar shog /gang gi 'od kyis nang gi mun bsal nas/ /rdo rje 'chang dpal skur bcas 'dzin pa 'di//rdo rje 'chang gis phyi nang rdo rje bzhin/ /rim par brgyud pa snying la gzung bar mdzod/ /dkyil 'khor la sogs cho ga ni/ /ston pas rgyud sde gnyis su spros/ /de 'dir bya ba nus bsdus nas//gsal bar rim pas bshad par bya/ /gzhan yang slob dpon rnams kyis bya ba'i gzhung mdzad rnams/ /rdzogs dang skabs su bab dang gsal bar brjod pa min/ /kha cig kyang ni gdams pa dang bral rigs pa med//de phyir kho bo'i 'di ni de 'dir yon tan brgyan/ /'dir sems can thams cad thog ma med pa'i ma rig pa la sogs pa dor bar dka' ba'i 'ching ba brgyud pas bcings pa'i blo can bzlog par dka' ba'i las kyi rlung gi shugs kyis 'phangs la/phal cher ngan song gsum dang bde 'gro gnyis kyis 'khor ba'i rgya mtsho zab mo'i dba' klong shin tu rgal dka' bar so sor yang dang yang du lhung zhing 'thon pas dal skabs med cing rang dbang med par lus len pa rnams snying rje mchog tu gzhol bas yang dag par 'don par brtson pa rnams kyis/dang por mchod yon la sogs pa nye bar mkho ba bsags pa la sogs pa'i rim pas yid du 'ong ba'i gtsug lag khang la sogs pa bya ba dang /rab tu gnas pa bya ba la sogs pa bsgrub pa dang / dbang bskur dang / thos bsam la sogs pa'i bsod nams dang ye shes kyi tshogs la ji ltar rigs par spro ba bskyed du gzhug go/ /de nas slob dpon mang du thos pa/ gsang sngags kyi tshul la mkhas pa/blo brtan pa/ ser sna med pa/ spro ba'i ngang tshul can/ snying rje dang ldan pas rim pa bzhin du gtsug lag khang la sogs par mchod yon dang / mchod yon la sogs pa dbul ba'i mtshan nyid dang / sngon du bsnyen pa'i dgos pa dang /slob ma bsdu ba dang / sa brko ba dang / sa sbyang ba dang / sa gzung ba dang / bgegs la phur bu gdab pa dang / sa'i lha mo lhag par gnas pa dang / bum pa lhag par gnas pa dang / lha lhag par gnas pa dang / dkyil 'khor gyi thig gdab pa dang / tshon dgye ba dang /bum pa dgod pa dang / dkyil 'khor bsgrub pa dang / sku gzugs la sogs pa'i rab gnas dang / rdzing la sogs pa'i rab gnas dang / a mra'i skyed mos tshal la sogs pa'i rab gnas dang / slob ma lhag par gnas pa dang / slob dpon 'jug pa dang /slob ma 'jug pa dang / phreng ba dang / chu dang / cod pan dang / rdo rje dang / dril bu dang / ming gi dbang dang / dam tshig gsum sbyin pa dang / slob dpon gyi dbang dang / sngags sbyin pa dang / mig sman dang / me long gi dbang dang / mda' 'phang ba dang / gsang ba dang / shes rab ye shes dang / dbang bzhi pa dang /rig ma'i brtul zhugs dang / rdo rje'i brtul zhugs dang / spyod pa'i brtul zhugs dang / lung bstan pa dang / rjes su gnang ba dang / dbugs dbyung ba dang / rang dbang bskur ba dang / sbyin sreg dang / dkyil 'khor bsdu ba dang / yid kyi dkyil 'khor bsdu ba dang / gtor ma dang / bgegs bzlog pa dang / rdo rje dril bu'i mtshan nyid dang / bzung ba ste cho ga lnga bcu bsgrub par bya'o/ /de la nyi ma bzang po'i snga dro la/ gtor ma sbyin pa sngon du 'gro bas gtsug lag khang la sogs pa'i sa brtag par bya'o/ /de la shar du shing a shwad+tha dang / mer shing ardzun dang / lhor shing pa lak+Sha dang /bden bral du shing pa lA sha dang / nub tu shing n+ya gro d+ha dang / rlung du shing shal ma li dang / byang du shing ba ku la dang / dbang ldan du shing u dum+WA ra dang / sa shin tu rus sbal gyi rgyab lta bu ni 'chi ba'am nor nyams pa'i rgyu yin pa dang / byang mtho ba ni rigs chad pas 'jigs pa dang / shar mtho ba dang /dbus dma' ba ni sgrub pa po nyams pas 'jigs pas yongs su dor te/ rgyal srid dam rig pa 'dzin pa la sogs pa'i rgyu yin pas/ gang cung zad dbus mtho ba/ dkar ba gru bzhi pa/ /g.yas skor gyi rgyun dbang ldan mtshams su 'bar zhing 'jam pa'o/ /der ni mtho gang tsam du ni/khung bur brkos nas sa de nyid/ /khung bur myur du bkang ba na/ /gal te sa de lhag gyur na/ /de tshes de bzang zhes bya/ /slar yang dong de bkang ba yi/ /mtho gang tsam du brkos pa yi/ /khung bu de ni chus bkang ba/ /nya lcibs dang ni nya gson dang / /ldan par zhes ni kha cig go//gom pa brgyar ni yang dag phyin/ /slar yang 'ongs nas yang dag brtags/ /chu yis gang nas bzang po/ /dma' ba phan pa 'dod pas sdang / /gal te chu de sgra dang bcas/ /klu rnams 'jigs pa yang dag ston/ /de ltar sa'i mtshan nyid legs par shes pa'i slob dpon khrus byas te/mchod pa'i yo byad drung du byas pas/ ji ltar rnyed pa'i gos dang rgyan la sogs pa'i chas su zhugs la lha'i rnal 'byor shin tu bsgoms te/ phyi dro'i dus su sa de'i dbus su ba lang gi pags pa'i khyon tsam zhes pa 'dis dkyil 'khor gru bzhi pa zhes gsungs te/ sa dang ba'i lci ba dag gis byas la/der dkyil 'khor gyi 'khor lo bsgoms te yang dag par mchod la/ phyogs kyi gtor ma byin te/ pus mo g.yas pas la btsugs la thal mo sbyar te/ phyogs bcu na bzhugs pa'i sangs rgyas dang byang chub sems dpa' dang / 'jig rten skyong ba la sogs pa rnams las blang bar bya'o//khams gsum 'di ni mgon gang dag /chen pos mchod pa bzhugs rnams dang / /lha dang klu dang gnod sbyin dang / /dri za dang ni lha min sogs/ /de dang de la 'di gsol bgyi/ /sems can kun gyi don bsgrub phyir/ /sa yi cha ni mdzes pa 'dir/ /gtsug lag khang bzhengs 'byor pa la//thos bsam la sogs mchog 'jug pas/ /chos nyid rtogs par bya ba'i phyir/ /che ge bdag ni che ge mo'i/ /grags pa dam pa bya bar brtson/ /gal te khyod kyis bzod gnang na/ /bgyid de gzhan du ma yin no/ /rmi lam la sogs mtshan ma yis/ /sa bzang 'di ni bdag la stsol//zhes lan gsum brjod par bya'o/ /de'i rjes su oM mu tsi li swA hA/ oM mo hA ni swA hA/ oM daM ti li swA hA/ zhes pa rmi lam brtag pa 'dis lag pa g.yon pas khar lan nyi shu rtsa gcig tu bsngags la/ bcom ldan 'das lo ke shwa ra'i drung du mchod pa sngon du 'gro bas mgo lhor bstan cing kha shar du phyogs la gos gtsang mas brgyan la/phyogs gtsang mar ji ltar 'dod par nyal bar bya'o/ /rmi lam ngan na bdud rtsi 'khyil pa'i sngags bzlas pas sam/ don dam par chos thams cad rang bzhin med par mos pas sam/ yang na slar yang rmi lam brtag par byas pas lha rnams kyis gnang ba'am/ma bkag pa'i sa la 'og nas 'chad pa rnams bya'o/ /bkag pa la ni ma yin pa kho na'o/ /rmi lam bzang na ni nyi ma gnyis pa bzang po'i snga dro'i dus su sa gnon gyi phyag rgya dang / rdo rje'i skyil mo krung bcas te/ rdo rje sems dpa'i rnal 'byor dang ldan pas oM b+hu khaM zhes pa'i sngags kyis sa gzhi stong pa nyid dang /hUM laM hUM zhes pas rdo rje'i rdul phra rab kyi rang bzhin du bsgoms la/ oM me di nI badzI b+ha ba badzra ban+d+ha hUM zhes pas byin gyis brlab po/ /lag pa g.yas par zla ba la hUM gsum bsams la lan gsum brjod pa dang / de'i 'od zer dang sor mo'i rtse mos mnan pa dang /de'i sgra rnams kyis bskul ba las sa'i lha mo ser mo lus phyed dam thams cad 'thon pa phyag gnyis na gser gyi bum pa dang / mi 'jigs pa can rgyan bzang pos brgyan pa la zhabs bsil dang zhal bsil dang mchod yon sngon du 'gro ba'i me tog la sogs pas mchod de/ skyob pa sangs rgyas thams cad kyis//spyod pa'i tshul dang khyad par dang / sa dang pha rol phyin rnams la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi dpung bcom pa/ /de bzhin bdag gis bdud kyi dpung / /bcom nas gtsug lag khang sogs bgyi/ /zhes lan gsum du gsol ba btab pas kyis shig ces gsungs nas de nyid du thim ste sa'i ngo bor gnas par bsam mo//de nas sa gzhi der baM las byung ba'i 'khor lo dang / b+hUM las byung ba'i gzhal yas khang bsgom par bya'o/ /kha cig tu yaM raM baM laM suM rnams yongs su gyur ba las/ rlung dang me dang chu dang sa dang ri'i rgyal po ri rab tsam gyi steng du b+hUM las byung ba'i rgyal ba'i sa gzhi'o zhes so//de la gzhal yas khang gi nang du dri'i dkyil 'khor byas la/ rang gi snying ga'i sa bon gyi 'od zer rnams kyis dkyil 'khor gyi 'khor lo dang / phyogs skyong la sogs pa rnams spyan drangs la zhabs bsil dang /zhal bsil dang / mchod yon dang / mchod pa dang gtor ma dbul ba sngon du 'gro bas lce hUM las rdo rjer byas la sbos phor bzung ste/ dril bu dkrol zhing bcom ldan zhes bya ba la sogs pa nas/ nye bar gnas par mdzad pa'i rigs/ /nyes pa'i bar 'chad par 'gyur ba'i tshigs su bcad pa'i rab gnas kyi sgra'i gnas su gtsug lag khang la sogs pa'i sgra bcug pas nye bar gnas pa dang /sangs rgyas dang byang chub sems dpa' dang / lha dang klu la sogs pa rnams kyis kyang nam mkha' yongs su gang bar bsams la/ 'chad par 'gyur ba'i rnam par rgyal ba la sogs pa'i bum pa'am/yon bdag gi dbang gis de dag med na gzhan gyi yang nang du nya gson bcug pa rnams rim pa bzhin du gzhag par bya'o/ /las byed pa rnams bgegs mthar byed la sogs pa las thams cad pa'i lha'i rnam par sprul te/ de dag gis khung bu gru bzhi pa rgyar khru do pa zabs su de'i phyed pa'i dong brko bar bya'o//de'i dbang ldan du zlum po de'i tshad dam de'i phyed pa yang ngo / /de gnyis ka sa dang ba'i lci bas byug par bya'o/ /de nas khung bu gru bzhi par 'chad par 'gyur ba'i mchod yon gyi sngags nyid kyis mchod yon gyi snod nas mchod yon nas rim pa bzhin du rnam par rgyal ba la sogs pa'i bum pa rnams kyis chu blugs pas/ji ltar gru bzhi pa bkang nas de'i rgyun gyis zlum po dgad bar bya'o/ /de'i rjes su nya lcibs dang nya gson bcug la chu g.yas su 'khyil bar bltas la/ shing 'o ma can gyi 'dab ma bcug nas/ bdag nyid dzAM las skyes pa'i rdo rje dang / dzAM las dzAM gu li sor mo/ rtsa ba dang g.yas pa dang g.yon pa'i zhal gsum ser ba dang / gnag pa dang / dkar ba/ gdengs ka bdun pa/ rin po che'i cod pan can/ phyag drug gi g.yas pa gnyis kyis rdo rje dang mda' dang / cig shos dag gis gzhu dang zhags pa dang bcas pa'i sdigs mdzub 'dzin pa/ rang snang gi thabs la 'khyud pa/na bza' sna tshogs dang sbrul gyis brgyan pa/ sna tshogs pad+ma dang nyi ma'i gdan la bzhugs pa/ nyi ma'i 'od can du bsgoms te/ pad skor lan lnga byas la dbang chen gyi bar du bltas pas/ sa gzhi sna tshogs rdo rje'i rang bzhin du bsam mo/ /ltad mo pa'i mi rnams so rtsi dang me tog gi phreng ba dang /tsan+dan la sogs pas tshim par bya'o/ /bsrung ba'i don du dbang po la sogs pa phyogs skyong ba bcu 'khor dang bu dang chung ma dang bcas pa dbang ldan du bsams la/ de rnams kyi steng du 'og nas 'chad par 'gyur ba'i phur pa bcu la las thams cad pa'i sngags kyis brgya rtsa brgyad du bsngags pa dang /don grub rnams oM g+ha g+ha zhes pa la sogs pa'i sngags kyis bsrung ba'i don du gdab par bya'o/ /de nas bgegs dang bral ba'i bsam pas sa bdag dang klu brtag par bya'o/ /de yang sa gang dang gtsug lag khang la sogs pa bya ba nye 'khor dang bcas pa de gru bzhir bcal la/ sa de'i nang gi phyogs su sa bdag klu nyal ba la sogs pa'i mtshan nyid nges par bzung ste sa 'dul bya'o//de la nyi ma rgyu ba'i ston zla ra ba la sogs pa zla ba gsum gsum rim pa bzhin/ shar dang lho dang nub dang byang phyogs su mgo bstan cing lho la sogs par kha phyogs te/ sa de'i nang du sa bdag klu nyal lo zhes grags so/ / de brtags nas rdo rje khu tshur gyis thig skud bzung ste/ /sgrub pa'i grogs dang bcas pa g.yas skor gyis bgrod pas me dang rlung du gnas te/ shar dang nub dang byang dang lho'i phyogs su thig btab nas/ nyi ma 'char ba nas brtsams la klu'i mtshan las khru gang dor ba'i mtshams kyi char g.yas skor du rtsig rmang brko bar bya'o//mthong ba'i thad kar yang zhes pa ni kha cig go/ /gang gi phyir mgo la brkos na pha dang bu la sogs pa nyams par 'gyur ro/ /rgyab kyi char ni bdag nyid nyams pa'am yul 'pho ba'o/ /mjug mar ni ba lang dang ma he la sogs pa nyams par 'gyur ro/ /sa de la rdo yod na rlung 'byung ngo //rus pa yod na zug gzer ro/ /gyo dum yod na lkugs pa nyid do/ /phub ma dang sol ba yong na rims so/ /skra dang rtswa dang shing la sogs pa yod na nye bar 'tshe ba phra mo'o zhes pas/ sdong dum dang rtswa dang grog sbur dang / keng rus dang sol ba la sogs pa bsal la/ sa dang me dang de bzhin gshegs pa rnams dang /gnas de'i bdag po dang / phyogs skyong dang 'jig rten skyong ba dang zhing skyong rnams zhi ba'i sbyin sreg gis tshim par byas te sa'i bdag po dang yon bdag gi zhi ba bya'o/ /phyi nas gtor ma yang dbul lo/ /cho ga phyi ma rnams su yang ngo / /nus pa ji lta bas dga' ston dang / dge 'dun gyi ston mo bya'o/ /bla ma la yon dbul lo/ /bzo bo dang las byed pa rnams kyang mnyes par bya'o zhes pa/ gtsug lag khang dang / mchod rten dang / gtsang khang phyur bu dang / khang bzangs dang / dgon gnas rnams kyi mchod yon gyi cho ga'o/ /rdzing dang rdzing bu dang khron pa la sogs pa byed pa la gtor ma dang mchod yon la sogs pa sngon du 'gro bas de ma thag pa bzhin du mchod yon byas la oM baM badzra ba ru Na hUM zhes pas rdo rje chu bdag gi gzugs can rnam par snang mdzad bsams la/de yongs su gyur pa las klu rigs brgyad kyi bdud rtsi'i chus gang ba/ oM badzra satwa sa ma ya s+t+waM zhes brjod cing /dbang chen gyi gting la thug par yan lag brgyad dang ldan pa'i chus gang bar blta bar bya'o/ /zhes pa rdzing la sogs pa'i mchod yon gyi cho ga'o/ /sku gzugs dang pu sti la sogs pa byed pa la ni gtor ma dang mchod pa sngon du 'gro bas/ bzo bo rnams byed par 'gyur ba'i lha'i rigs kyi bdag po'i gzugs su dang /yig mkhan rnams snang ba mtha' yas kyi ngo bor te/ snying gar rang rang gi sa bon dang / snying ga dang mgrin pa dang / mgo bo rnams la rim pa bzhin rdo rje dang pad+ma dang 'khor lo rnams la gnas pa'i hUM AHoM rnams dang / g.yon pa dang cig shos kyi lag pa dag la zla ba dang rdo rje ngag dang ldan par skad cig gis bsams la/snying ga la sogs par reg cing hUM AHoM zhes brjod pas byin gyis brlabs nas/ shing dang 'jim pa dang rdo dang ras la sogs pa'i rdzas gtsang ma rnams stong pa nyid du lhag par mos nas skad cig gis snying ga'i sa bon gyis byed par 'gyur ba'i lha'i gzugs su bsams la/bcom ldan 'das zhes pa la sogs pa nas/ nye bar gnas par mdzad pa'i rigs/ /zhes pa'i bar du brjod par bya'o/ /shog bu ni yi ge d+hIHbsgoms pa'i 'od zer gyis spyan drangs pa'i gsung rdo rje yi ge'i rnam par gyur par bsgom mo/ /rang nyid kyis kyang oM badzra satwa hUM zhes pa dang / oM AH big+h+nAn+ta kr-ita hUM zhes lan nyi shu rtsa gcig tu bsngags pa'i pir la sogs pa dang /smyu gu shes rab ye shes kyi bdag nyid du dang / snag tsha yang rdo rje'i rdul phra rab yongs su gyur pa las ye shes kyi bdud rtsi'i rnam par bsam zhing / yang oM d+hIHshu ti smr-i ti bi dza ya sarba a dz+nyA na pa Da la a pa ha ri NaM hrIHswA hA zhes pas smyu gu dang snag tsha la bsngags la de rnams la gtad do//yi ge brgya pas brtan par bya'o/ /bzo bo mnyes pa dang dge 'dun la ston mo la sogs pa bya'o/ /thams cad du yang 'dir sgom pa'i lha gshegs su gsol bar bya'o/ /zhig pa dang gas pa'i gtsug lag khang la sogs pa lhar 'dus bya bar 'dod pas gtor ma dang mchod pa la sogs pa byas te/rab gnas kyi tshe bzhugs su gsol ba'i lha rnams gshegs su gsol la/ de kho na bzhin du 'dus bya ba la sogs pa bya'o/ /sku gzugs la sogs pa'i mchod yon gyi cho ga'o/ /'dir 'chad bzhin pa'i cho ga rnams su ji ltar rigs par/ gser dngul rdo dang zangs dang shing //sar byas nya phyis dung dang ni/ /'dab ma'i skyong bu zhabs bsil dang / bsang gtor zhal bsil mchod yon snod/ /de dang snod gzhan du nas dang 'o ma dang / me tog dkar po dang / ku sha dang / til dang / 'bras yos dang / dri dkar po'i chu bdud rtsi dang bcas pa rnams blugs la/oM AHhUM zhes pa'i sngags dang / rang gi rigs kyi bdag po'i sngags dang / bdud rtsi 'khyil pa'i sngags kyis lan bdun nam/ brgya rtsa brgyad du bsngags te zhi ba'i don du'o/ /rgyas pa'i don du til dang zho dang me tog ser po dang / ku sha dang / dri ser po'i chu bdud rtsi dang bcas pa blugs la de ltar bzlas par bya'o//de nas rang gi g.yon logs su mchod yon gyi snod dang / zhabs bsil gyi snod dang / bsang gtor dang zhal bsil gyi snod gzhag par bya'o/ /de rnams kyi mdun du bzed zhal gyi snod stong pa gsum yang ngo / /de la khu tshur g.yas pa'i mthe bong dang /mdzub mo'i skam pas zhabs bsil gyi snod kyi chu dang me tog 'gying ba'i tshul gyis sor mo rnams bskor zhing blangs la 'chad par 'gyur ba'i sngags kyis mdzub mo dang gung mo dang srin lag dang / mthe'u chung rnams rim gyis dgrol zhing snod du lan gsum dbul lo/ /snod gnyis pa'i chu lag pa g.yas par bzung ba'i ku sha'i chun po'i rtse mos blangs te bzed zhal gyi snod gnyis par lan gsum bsang gtor bya'o//las thams cad pa'i bum pa'i chus bsang gtor bya ba la yang de ltar ro/ /snod gnyis pa nyid kyi chu g.yas pa'i khu tshur gyi mthe bong dang / mdzub mo'i skam pas me tog bzung la/zhal bsil gyi ched du bzed zhal gnyis pa de nyid du 'chad par 'gyur ba'i sngags brjod cing / kha 'og tu phyogs pa'i khu tshur gyi mthe chung dang srin lag dang gung mo dang mdzub mo rnams rim gyis dgrol zhing lan gsum du dbul lo/ /gsum pa mchod yon gyi snod kyi chu la sogs pa snyim pas bzung la/oM AHhrIHpra ba ra sat+kA raM ar+g+haM pra tIts+tsha hUM swA hA/ zhes brjod cing bzed zhal gyi snod gsum par rdo rje thal mo phye bas lan gsum dbul lo/ /gong gi zhabs bsil dang / bsang gtor dang / zhal bsil gsum ni ar+g+haM gyi sgra dor nas rim pa bzhin du pA d+yaM dang /prok+Sha NaM dang / any+dza ma naM zhes pa bcug pas dbul lo/ /zhabs bsil dang / bsang gtor dang / mchod yon sbyin pa'i rim pas 'di ni phal cher las mthong ngo / /kha cig tu ni gzhan du'o/ /bsang gtor ni ji ltar rigs pa'o/ /kha cig tu ni dang po mchod yon dbul lo/ /kha cig tu ni mchod yon dbul ba kho na'o//skabs ji lta bar ji ltar 'os par bya'o/ /de la zhabs bsil gyi chu ni lha rnams kyi zhabs bkru ba'i phyir dbul bar bsam mo/ /bsang gtor ni sku thams cad la'o/ /zhal bsil ni phyag gam zhal du'o/ /mchod yon ni mdun nam dbu la'o/ /me tog ni dbu la'o//bdug spos dang mar me ni mdun du'o/ /lha bshos ni mdun nam phyag gam zhal du'o/ /dri ni thugs kar ro/ /de lta bu ni cho ga thams cad du'o/ /mchod yon la sogs pa dbul ba'i mtshan nyid kyi cho ga'o/ /de nas gtsug lag khang la sogs pa rdzogs pa'i rab tu gnas pa'am/ dbang bskur ba'i don du gsol ba btab par gyur pas sam/rang ngam gzhan gyi dngos grub sgrub pa la sogs pa don du gnyer bas sam/ sems can gyi don chen po mthong bas sam/ gzhan gyis bskul bas kyang rung ste dkyil 'khor bri ba'i phyir/ thams cad mkhyen pa'i lam shes pas/ /sngon du bsnyen pa'i tshogs bsags shing //bgegs ni rnam par nyams byed bya/ /bsnyen pa med pas dngos grub med/ /de phyir rim gnyis de nyid rig /dben par yang dag gnas nas ni/ /lha yi 'khor lo bsgom par bya/ /skyo na de yi gsang sngags bzla/ /'khor lo'i gtso bo'i 'bum bzlas shing //yang na rang gi lhag lha'i 'bum/ /dkyil 'khor pa yi khri yin te/ /'di ni sngon du bsnyen par brjod/ /de yang bskyed pa dang rdzogs pa'i rim pa'i lha rnams kyi bsgom pa'i rim pa dang sngags dag gzhan du tshul bzhin du rgyas par gsal bar byas pas 'dir ma spros so/ / 'chad par 'gyur ba'i rdul tshon gyi dkyil 'khor mang po rnams kyi so so'i dbyibs dang sku mdog dang / zhal dang phyag dang mtshan ma dang sngags tsam brjod kyang gzhung mang bar 'gyur bas nyung ngu la mos pa rnams mi 'jug par dogs pas dbyibs la sogs pa tsam yang 'dir ma bstan no//kho bo cag gis rdzogs pa'i rnal 'byor gyi phreng bar ni dbang po rnon po'i blo ngor byas te dkyil 'khor gyi lha bsgom pa'i rim pa dang / snying po bsdus pa brjod pa ni nges par bsgom par bya'o/ /de'i phyir 'od kyi snye ma dang rdzogs pa'i rnal 'byor gyi phreng ba ni rdo rje phreng ba'i cha lag go/ /de ltar sngon du bsnyen pa rgyas par byas pas skad cig gis dkyil 'khor gyi lha'i rnal 'byor rnam pa thams cad yongs su rdzogs pa spro ba dang bsdu ba mngon du bya bar nus pas 'khor lor gnas pa nyid kyi 'khor lo can gyis ma bkag pa'am/tshogs bsags pa nyid kyi gnang bas kyang dkyil 'khor dang rab tu gnas pa dang slob ma bsdu ba la sogs pa bya'o//sngon du bsnyen pa'i nges pa dang dgos pa'i cho ga'o/ /de la rab gnas kyi cho ga ni/ mgo'i zla ba dang / mchu'i zla ba dang / dbo'i zla ba dang / sa ga'i zla ba dang / snron gyi zla ba dang / chu stod kyi zla ba'am/ nag pa'i zla ba'i nya la zhes dus kyi 'khor lo las gsungs pas nag pa'i zla ba'am/gzhan du gsungs pa'i smin drug gi zla ba dang / dbyug pa'i zla ba la tshes gnyis dang gsum dang / lnga dang bdun dang bcu gsum dang bco lnga rnams la/ gza' zla ba dang lhag pa dang phur bu dang pa ba sangs rnams su snar ma la nor rnyed par 'gyur ro/ /mgo la zhi ba'o//lag la skal ba bzang po can no/ /rgyal la rgyal ba'o/ /dbo la 'khor 'phel lo/ /me bzhi la dngos grub 'grub bo/ /lha mtshams la 'dod pa 'byung ngo / /snron la bde ba'o/ /snrubs dang gro bzhin la gzhung la mkhas par 'gyur ro/ /chu stod dang chu smad dag la bu 'phel lo/ /khrums stod dang khrums smad la nor 'phel lo//zhi ba'i gza' bstan pa'i dus sbyor la bya ba bzang bar 'gyur ro/ /dge ba'i bya ba la dngos grub kyi rgyur/ sbyor ba ni rnam par sel ba dang / shin tu bskrad pa dang / zug rngu dang / 'bras dang / bya ba ma grub pa dang / rdo rje dang / kun du ltung dang / yongs su bsnun dang / sha kho na 'dzin pa rnams dang bral ba'o/ /byed pa yang 'jug phod dang bral ba'o zhes pa zla ba dang / tshes dang / gza' dang / rgyu skar dang / sbyor ba dang / byed pa bzang po rnams rang dang gzhan gyi grub mtha'i rim pas sam/ rten cing 'brel par 'byung ba'i cho gas kyang zla ba bcu gnyis po rnams la yang yud tsam bzang po rnams brtags nas dkyil 'khor bri ba'i don du slob mas lan gnyis sam/lan gsum du gsol ba btab pa tsam gyis/ gal te mkho ba'i yo byad ma tshogs na de'i tshe slob ma de'i lte bar nyi ma'i dkyil 'khor la gnas pa'i hUM gi 'od zer gyis snying gar gnas pa'i kaM las byung ba'i sdig pa sha za ltar gnag cing /gzugs rnam par 'gyur ba/ gcer bu 'bras 'chang ba skra gyen du 'greng ba sna rtse nas phyung la yi ge hUM de yang snying gnas 'ongs nas yongs su gyur pa las 'chad par 'gyur ba'i khro bo chen po rdo rje hUM mdzad du rnam par bsgoms nas phyir 'thon te/oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bAn bid+ya rA dza che ge mo'i sarba pA paM na sha ya hUM hUM phaT swA hA/ zhes brjod cing phyag na gnas pa'i rdo rje 'bar bas phyung ba'i sdig pa stong par mdzad par bsam mo/ /slob ma'i sems kyi bgegs rnams kyang bdud rtsi 'khyil pa lte ba nas 'og phur bu'i rnam pa can gyis/oM badzra kI li kI la ya s+ya sarba bi g+h+nAn ban+d+ha ban+d+ha hUM hUM phaT/ ces pas rdo rje hUM mdzad kyis bka' bsgo ba dang / rang nyid kyis kyang 'don zhing phur bu btab nas/ phur bu'i 'od zer shin tu drag po rnams kyis sdang ba kun bsreg par bya'o//slob ma de yang saM las kun tu bzang po'i gzugs su bsams te/ bsrung ba'i don du snying gar a las skyes pa'i zla ba'i dkyil 'khor dbyangs tha ma las byung ba'i sna tshogs rdo rjes mtshan pa dang / mgo bo la zla ba la gnas pa'i hUM las byung ba'i rdo rje rtse mo lnga pa gyen du 'greng ba las mA ma kI dbus su bzhugs par bsams la/de'i ye shes kyi lha mo'i thugs ka'i zla ba la gnas pa'i rdo rje lte ba'i nang du chud pa'i sngags kyi phreng ba las byung ba'i rdo rje ser po phra mo'i 'od zer spros pas lus thams cad khyab par byas te/ go cha bgo bar bsam zhing / oM AHshaM ka ra shAn+tiM ka re g+huT+Ti ni g+hA ta ya g+hA ta ya/g+huT+Ta ni che ge mo la rak+Sha rak+Sha swA hA hUM zhes brjod pas bsrung bar bya'o/ /'khyil ba'i sngags kyang bzlas pa'i ched du 'di la sbyin no/ /de ltar byas na 'di la bgegs rnams kyis me tshugs shing mkho ba'i yo byad rnams kyang bde bar rnyed par 'gyur ro/ /slob ma bsdu ba'i cho ga'o//de nas nye bar mkho ba tshogs pa dang / grogs shin tu yid gzhungs pa dang ldan pas nya nas bzung ste/ gzhan nya'i bar du'am dkar po'i tshes gcig gam/ lnga 'am/ brgyad dam/ bcu'am/ bcu gsum mam/ bcu bzhi nas brtsams pas sam/ nya'i tshe yang rung ste snga dro nas brtsams te dkyil 'khor gyi las bya'o//dkyil 'khor du 'jug pa'i nyin mo'i slob dpon dang slob mar bcas pa smyung par gnas par bya'o/ /de la ni gza' dang rgyu skar dang yud tsam la sogs pa bzang po'i snga dro'i dus su rig ma dang bcas pas 'khor lo'i gtso bo'i lha'i rnal 'byor byas shing sngon du bsnyen pa byas pas shar phyogs su dkyil 'khor bris na sa'i bdag po 'chi ba dang /yul mi la nye bar 'tshe ba sna tshogs 'byung ngo / /lho phyogs su ni gang gi don du dkyil 'khor 'dri ba de 'chi'o/ /chur ni slob dpon no/ /gnod sbyin du ni der zhugs pa'o/ /mer ni char ro/ /bden bral du ni mu ge'o//rlung du ni char rlung ngo / /mchod rten la nye bar ni 'chi'o/ /klu gnas pa'i chu dang nye bar ni chu 'byung ngo / /shing grib tu byas pa 'chi'o zhes shes nas/ thams cad dor te grong rdal dang / grong khyer dang / grong dang / skyed mos tshal dang / gtsug lag khang dang / khyim rnams kyi dbang ldan gyi mtshams su'am/yang na gang du yid la 'thad par gyur cing shar dang byang gzhol ba rab tu shes pa'i dkyil 'khor gyis gzhi de brtags nas/ der dri la sogs pas maN+Dal byas te/ dkyil 'khor gyi lha rnams mchod nas gtor ma byin la nam mkha' la bteg ste/ der gnas pa'i zhing skyong la sogs pa la gtor ma dang zhal zas la sogs pas mchod de/gang dag 'dir gnas lha dang klu/ /gnod sbyin srin po'am gzhan dag la/ /sa 'di bdag gis bslang bar bya/ /dkyil 'khor don du khyed kyis stsol/ /zhes lan gsum gsol ba btab ste de dag gis rmi lam la sogs par byin pa'am/ma bkag par rig nas nyi ma gzhan gyi snga dro la nam mkha'i dkyil na bzhugs pa'i dpal rdo rje 'chang la sogs pa rnams la yid kyis gsol ba btab la rjes su gnang ba zhus te/ nyi ma'i gung la srung ba'i 'khor lo dang bgegs la phur bus btab pa bsgoms pas sam/drag po'i sbyin sreg gis bgegs bskrad par bya'o/ /sbyin sreg gi phyogs la slob ma bsrung ba'i don du phyi dro'i tshe/ me mtshams na gnas pa'i thab khung du zhi ba'i sbyin sreg byas las de yang oM AHbig+h+nAn+ta kr-i ta hUM zhes pa la sogs pa las thams cad pa'i sngags bzlas pa'i yungs kar dang / chu dang thal ba rnams kyis bsang ngo / /de nas sa der rdo rje skyil krung bcas te/ sa'i lha mo mchod par 'gyur ba'i gzugs can bsgoms la/ zhabs bsil dang / zhal bsil dang / mchod yon dang / mchod pa sngon du 'gro bas/ oM tshur spyon zhes pa la sogs pas sam/ skyob pa zhes bya ba la sogs pas lan gsum du gsol ba btab pas de ltar gyis shig ces brjod pa can yid kyis bteg la nam mkha' la bzhugs su gsol lo//de nas sa de bgegs med par rig nas gtor ma byin te sngar bzhin du sa bdag klu'i mtshan gyi char mgrin pa nub tsam mam/ chu la thug pa'am/ rdo la thug pa'am/dngos grub dman pa dang 'bring dang mchog gi dbye bas pus mo'am dku'am lte ba tsam du brko bar bya ba'o/ /sa rko ba'i cho ga'o/ /de nas/ rdo bar bcas na rlung chen po/ /rus par bcas na zug gzer 'byung / /gyo dum dang bcas lkugs pa nyid/ /phub ma sol ba ldan na rims/ / skra dang rtsa ba shing sogs bcas/ /nye bar 'tshe ba phra mo 'byung / /zhes shes par bya ste/ thal ba dang sol ba dang skra dang phub ma dang rdo ba dang rus pa dang gyo dum dang so phag dang shing dum la sogs pa bsal la/ sa de nyid dri bzang po'i chu dang sbyar bas dong dgang ngo / /ma khengs na gzhan gyis kyang ngo / / de nas yi ge hUM dang las thams cad pa'i sngags bzlas pa'i dri bzang po'i chus gtor zhing brdungs la/ khru phyed tsam du mtho zhing mnyam la cung zad rus sbal gyi rgyab ltar mtho ba dang / shar dang byang gi mtshams yid tsam dma' bar bya'o/ /gzhan yang / sa sel nyes pa thams cad ni/ /gal te 'byung bar mi nus na//lag pas reg la sngags bzlas bya/ /de nyid dag pa mchog tu 'gyur/ /khang bzangs brag steng ba glang lhas/ /gtsug lag khang sogs chu 'gram mam/ /sngon dus byas pa'i gnas dag tu/ /ma brkos na yang dag pa yin/ /der ni bdud rtsi 'khyil pa 'ba' zhig gis sdang ba rnams bsal zhing //yungs kar dang chu dang thal ba la bzlas la gtor bar bya'o/ /sa 'di dang brkos shing brdungs pa la shar gyi phyogs nas brtsams te ba'i rnam lnga la de bzlas pas byug cing dri'i chus kyang gtor la/ oM b+huHkhaM zhes brjod pas nam mkhar ro/ /de nas hUM laM hUM zhes brjod pas rdo rje'i rang bzhin du bsgoms te/oM me di nI badzrI b+ha ba badzra ban+d+ha hUM zhes pa dang / oM ha na ha na badzra kro d+ha hUM phaT ces pa dang / oM AHhUM shod+ha ya sho d+ha ya rak+Sha rak+Sha hUM hUM phaT ces pas bsngags shing lag pas reg ste byin gyis brlab par bya'o/ /sa de'i dbus su ji ltar 'os par rin po che lnga dang sman lnga dang /'bru lnga la las thams cad pa bzlas pa bcug ste/ de bzlas pa'i dri'i chus byugs par nam mkha' la gnas pa'i sa'i lha mo la gtor ma dang zhal bsil la sogs pa phul te bstims la/ oM AHhUM zhes brjod cing lag pa pad skor gyi phyag rgya'o/ /yi ge brgya ba yang brjod par bya'o//sna tshogs pa stong pa nyid dang ro gcig pa'o/ /zhes bstan par mos pas sa de nyid kyi rang bzhin du rnam par dag par mos par bya ba ni bla na med pa'i rnam par dag pa'o/ /de nas 'chad par 'gyur ba'i rim pas shar la sogs pa'i phyogs nges par byas te dkyil 'khor gyi gnas de rgyar ji ltar 'dod par phub pa'i sgo bzhi pa'i gzhal yas khang gi dbus su chud pa/phyogs bzhir rta babs dang dra ba'i khor yug gis bskor ba thams cad du rgyan sna tshogs dang / me tog gi phreng ba dang / dril bu dang ldan pa/ tog dam pa dang / bla res sbras pa'o/ /de ltar sa sbyang ba'i cho ga rnam pa gsum yin no//der dkyil 'khor gyi sa'i dbus su me tog gcal du bkram par 'dug la rdo rje dang dril bu bzung ste 'dri bar 'gyur ba'i dkyil 'khor gyi rnal 'byor dang ldan pas/ srung ba'i 'khor lo la sogs pas bgegs bsal te/ spos phor bzung la lce hUM las skyes pa'i rdo rjer byas nas/ma lus phyogs na bzhugs pa yi/ /sangs rgyas rnams ni bdag la dgongs/ /bdag ni rdo rje che ge yis/ /'dir ni dkyil 'khor bri bar bgyi/ /sangs rgyas la sogs kun byon 'tshal/ /dngos grub 'di ni yang dag stsol/ /zhes sangs rgyas la sogs pa rnams la snyan gsan zhing mchod la/rnam par snang mdzad la sogs pa nam mkha' la bzhugs pa dang / shar la sogs pa'i gnas su slob ma rdo rje dang / rdo rje dril bu 'dzin pa ci ltar rigs par rnam par snang mdzad la sogs pa'i rnal 'byor dang ldan pa bzhi rnams kyis sam/ slob ma gcig nyid rim pa bzhin de dang der song bas kyang / de bzhin gshegs pa kun zhi ba/ de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan nyid min pa thams cad spangs//kun du bzang po sku yi mchog /dkyil 'khor dam pa bshad du gsol/ /zhi ba'i chos mchog las byung ba/ /ye shes spyod pa rnam sbyong mdzad/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag cing dri ma med//kun bzang thugs mchog kha lo sgyur/ /dkyil 'khor dam pa bshad du gsol/ /zhes pa'i tshigs su bcad pa bzhi re re so so nas bdag nyid la gsol ba 'debs su gzhug go/ /rigs lnga dang ldan pa'i phyir de bzhin gshegs pa kun gyi rang bzhin no/ /rnam par snang mdzad la sogs pa zhi ba chen po'i ting nge 'dzin 'byung bas zhi ba'o//de bzhin gshegs pa thams cad gnas pas na gnas so/ /dran pa nye bar gzhag pa la sogs pa rnams kyi rang bzhin med pa nyid kyi ngo bos ni chos kun bdag med pa'i mchog go/ /stong pa dang snying rje dbyer med pa bde ba chen po'i snying po len pa gsal bar byed pa'i phyir rdul tshon gyi dkyil 'khor yang dkyil 'khor ro//gru bzhi pa nyid la sogs pa'i mtshan nyid dang ldan pa rdzogs pa'o/ /phra ba dang sbom pa'i nyes pa dang bral bas na spangs pa'o/ /sku'i mchog sku rdo rje'i rang bzhin 'di la yod pas na sku'i mchog go/ /dkar po'i chos kyi ngo bor gsal bar byung bas chos mchog las 'byung ba'o//de lta bur gyur pa'i ye shes kyi ched du spyod pa gang yin pa de sbyong bar byed pas na ye shes spyod pa rnam sbyong mdzad do/ /de gsal bar mdzad pa po nyid kyis gsung rdo rje'i rang bzhin no/ /chos thams cad kyi ngo bor spro bas na sems chen po'o//don dam par kun brtags thams cad dang bral bas thugs rdo rje'i rang bzhin ni rang bzhin dag cing dri ma med do/ /'dul bar 'os pa 'dul ba na kha lo sgyur ba ste bshad du gsol zhes de ltar mngon du byed cing ngo / /dngos su gsol ba 'debs pa po med na bsam gtan gyis kyang de ltar bya ste 'di ltar man ngag go//de nas dkyil 'khor gyi 'khor lo la sogs pa spro ba la sogs sngon du 'gro bas bsgoms pa'i dkyil 'khor rdo rje khu tshur gnyis kyi mdzub mo gnyis brkyang la rtse mo sbyar ba 'og tu phyogs par spyi bor bzung zhing hUM badzra u tiSh+Tha zhes brjod cing nam mkha' la bteg ste/ de nas skyil krung bshig la langs te/kha shar du phyogs pas mnyam pa'i rkang stabs byas la/ mgo bor thal mo sbyar bas de bzhin gshegs pa rnams la phyag byas nas/ sems can ma rig pa'i mun par song zhing bdud kyis byin gyis brlabs pa rnams la mngon par bltas la/ bdud bsal bar bya ba'i phyir/skad cig gis mchod par 'gyur ba'i rdo rje hUM mdzad sku khro bo'i cha byad can/ smin ma gnyer zhing mche ba gtsigs pa/ shin tu khros pa'i cha byad kyis g.yo ba la sogs pa dang ldan pas yi ge mas mig g.yas pa nyi mar byas pa dang / yi ge Tas mig g.yon pa zla bar byas pa dang /yi ge hUM gis mig 'bras gnyis dus mtha'i me ltar byas pa'i rdo rje'i blta ba'i phyogs thams cad du 'gro ba la blta ba dang / nga rgyal bskyed par byas te/ nga ni rang nyid rdo rje can/ /rdo rje sems dpa' rang nyid nga / /nga ni sangs rgyas rgyal po che/ /nga ni stobs can rdo rje can/ / nga ni rnal 'byor dbang phyug rgyal/ /phyag na rdo rje ston pa nga / /bdag po rdo rje bdag po ste/ /byin gyis brlabs pa mi 'dor ro/ /zhes so/ /de nas rkang pa'i mthil du rdo rje 'bar ba bsgom zhing skabs ji ltar bgyi ba dang bcas pa'i pad skor byed cing / rdo rje gsor nas dril bu dkrol zhing rdo rje'i rkang stabs nyid kyis dbang ldan gyi phyogs su phyin la de nas brtsams te slob ma dang lhan cig g.yas skor du dkyil 'khor gyis gzhir rdo rje'i rkang stabs kyis gar byed cing //mig gnyis lag gnyis de bzhin dku/ /rkang pa gzhogs su g.yas su bskor/ / pheg rdob sbyor bas dgyer bar bya/ /slar yang g.yon du de bzhin no/ /de nas rgyug pa'i gar byed nas/ /de nas g.yo zhing gar bya'o/ /myur du pheg rdob de bzhin du/ /gar byed 'khor lo 'drar bskor zhing / /gang su dag lha dang / lha ma yin dang / gnod sbyin dang / srin po dang / yi dwags dang /sha za dang / brjed byed dang / 'byung po dang / mkha' 'gro dang / mkha' 'gro ma dang / grib gnon rgan po dang / grib gnon rgan mo dang / g.yog dang 'khor dang / nam mkha' lding dang / mi 'am ci dang / rig sngags 'chang grub pa khyed rnams dengs shig /sa'i phyogs 'dir bdag rdo rje slob dpon che ge mo zhes pas sems can thams cad kyis bla na med pa'i ye shes thob par bya ba'i phyir dang /slob ma che ge mo zhes bya ba'i mngon par byang chub pa rdzogs par bya ba'i don du dpal che ge mo zhes pa'i dkyil 'khor chen po bri bar bya'o/ /de'i phyir rdo rje 'chang chen po'i bka' 'di thos nas myur du dengs shig /gang dag mi 'gro ba de'i mgo bo bdag gis hUM mdzad kyi rdo rje 'bar ba gsal zhing rab tu gsal ba'i ye shes kyi rdo rje chen po 'dis rnam pa brgyar dgas par bya'o zhes pa'am/ lus ngag yid la gnas pa yi/ /bgegs kyi tshogs kun yang dag nyon/ /nga ni dpal ldan rdo rje 'chang //bka' yi 'khor lo sbyor ba po/ /rdo rje 'bar ba'i gzugs kyis ni/ /lus gsum las byung dgas bya ste/ /gal te kha cig bdag la 'das/ /'dir ni 'jig 'gyur gzhan du min/ /zhes lan gsum brjod cing khro bo dpag tu med pa spros pas bgegs rnams bsal bar bya'o//dkyil 'khor gyis gzhi yang dbang chen gyi gting gi bar du hUM las byung ba'i rdo rje'i rang bzhin du byin gyis brlab bo/ /'dir bskor ba'i dus su sgro so sor bdag nyid g.yon du gnas pa'i slob mas dril bu'i nang du rdo rje gzhug par bya'o/ /de'i rdo rje yang bdag nyid kyi dril bur ro/ / de ltar mdun dang g.yas dang rgyab tu yang ngo / /de la hUM las skyes pa'i rdo rje rtse gcig pa rkang mthil du bsams nas/ rkang mthil des rdo rje de sa la bri zhing gar gyis bskor bar bya'o/ /de nas de bzhin du rtse gsum pa'o/ /de nas de bzhin du rtse lnga pa'o/ /de nas sna tshogs rdo rje yang de bzhin du ste 'on kyang phyir log nas bskor zhing rjes dgod do//bzhi po 'di rnams rdo rjes mtshan pa dang / rdo rje 'dri bas rdo rje'i rkang stabs te so sor g.yas skor du g.yas brkyang la sogs pa rnams byed pas lan re bya'o/ /de nas g.yon pa'i byin pa bskum nas mtho lnga'i bar du rkang pa g.yas pa 'gying ba dang bcas pas drang por brkyang ba ni g.yas brkyang ngo //byin pa g.yas pa bskum nas g.yon pa de bzhin du byas pa ni g.yon brkyang ngo / /sor nyi shu rtsa drug gi rgyar brkyang ba'i sor mo logs su bstan cing / pus mo gnyis drang por byas pa ni sa ga'o/ /sa ga'i rkang stabs nyid bar du khru do ba ngang pa'i gshog pa ltar byas pa ni zlum po'i rkang stabs so//rkang pa gnyis kyi sor mo phan tshun sbyar ba ni mnyam pa'i rkang stabs so/ /lnga po 'di rnams byed pa na re re byed cing bskor ba lan re rdzogs par bya'o zhes pa ni kha cig go/ /re re byed cing bskor ba lan gsum mo zhes pa ni gzhan dag go//'dir nges pa cung zad med do zhes pa kha cig go/ /rting pa gnyis kyi bar du sor mo bzhi byas shing rkang pa g.yon pa drang por byas te 'gying ba dang bcas pas g.yas pa mtho gang gi bar du logs su bstan cing yangs pa can gyi sgrol ma'i zhabs ltar byas pa ni skyes pa'i rkang stabs so//de kho na bzhin du g.yas pa drang zhing g.yon pa logs su bstan pa ni skyes pa'i rkang stabs kyi zla'o/ /mnyam pa'i rkang stabs byas te mtho gsum gyi bar du rkang pa g.yas pa g.yon pa'i mdun du bzhag pa ni rnam par gtsigs pa'i rkang stabs so//de kho na bzhin du g.yas pa drang por byas te/ g.yon pa g.yas pa'i mdun du mtho gsum gyi bar du bzhag pa ni rnam par gtsigs pa'i rkang stabs kyi zla'o/ /'dug nas kyang rkang pa'i mthil gnyis kha sbyor ba ni kha sbyor gyi rkang stabs so/ /rkang pa g.yas pas rkang pa g.yon pa mnan pa ni rus sbal gyi rkang stabs so//rkang pa gcig bteg ste rkang pa gcig bskor ba ni rkang gcig go/ /rkang stabs bdun po 'di dang bud pa'i dra ba ni gnas nges pa med par bya'o/ /g.yas pa dang g.yon pa dag gis kun nas lus g.yo ba ni bung ba'i dra ba'o/ / g.yas brkyang ba la sogs pa bcu gsum po 'di dag byed pa na ji ltar rigs par rgya mtsho'i rlabs dang / ri bo 'degs pa dang / rol ba'i bskyod pa dang / khro bo'i bskyod pa dang / gom pa bgrod pa dang / tshul bzhi dang / bsnun pa la sogs pa kun nas bskyod pa dgu dang / rdo rje bsgreng ba la sogs pa drug dang /ral gri la sogs pa'i tshul bcu gsum bya'o/ /de nas g.yas brkyang gi gar byas la kha lhor phyogs te/ snying gar g.yon pa'i sdigs mdzub bsgrengs nas gzhogs g.yon du sa la 'gyel ba ltar byas te/ nam mkhar blta zhing rdo rje dang bcas pa'i lag pa g.yas pas bdud thams cad la bsnun no//bsnun pa'i kun tu bskyod pa'o/ /pad skor sngon du 'gro bas gar byed la rdo rje blangs te g.yon pa'i sdigs mdzub kyis bsdigs shing / g.yas rdo rje dang bcas pas dbyug pa'i phyag rgya bsgrengs la mnyam pa'i rkang stabs kyis gnas te/ 'gying ba dang bcas pa'i rdo rje rkang stabs kyis rkang pa g.yas pa bskum la/g.yon pa mtho phyed dang gsum du bzhag ste brtan par byas nas rkang pa gnyis gshog par gnas so/ /de nas pus mo g.yas pa bskum la dbyug pa'i phyag rgya steng du brkyang ste/ g.yon pa'i sdigs mdzub kyis bsdigs shing / lto ba g.yon pa smad la mig g.yon pa btsums te bskor zhing dkyil 'khor la bltas nas khro gnyer bya'o//'di ni 'dar bar byed pa'i kun du bskyod pa ste dku g.yas pa'i char bsdu'o/ /de bzhin du rdo rje bslangs nas mnyam pa'i rkang stabs kyis gnas te rkang pa mnyam par mtho phyed dang gsum du brkyang nas rkang pa gnyis zur gsum du byas te mdun du lag pa brdabs nas dbyug pa'i phyag rgya 'phyar zhing sdigs mdzub nu ma g.yon par bzhag ste blta bar bya'o//'di ni skrag par byed pa'i kun du bskyod pa ste dku g.yon pa'i phyogs su bsdu ba'o/ /de bzhin du rdo rje bslang ba'i phyag rgya bcas nas mnyam pa'i rkang stabs kyis gnas te dbyug pa'i phyag rgya phyar la/mig g.yas pa btsums te mig g.yon pas nu mar sdigs mdzub btsugs la blta'o/ /g.yon pa rdo rje'i rkang stabs byas te pus mo g.yas pa bskum la rkang pa bteg ste khro ba dang bcas pas/ cig car g.yon phyogs su 'khor lo bzhin du bskor ro//yang rkang pa de bskum la g.yon brkyang phyed pa gzhag par bya ste rkang pa gnyis gshog par gnas pa brtan par byas nas gnas so/ /'di ni yang dag par dkrugs pa'i kun du bskyod pa ste/ rdo rje gar gyi sbyor bas dku g.yas pa'i char bsdu'o/ /de bzhin du rdo rje bslangs nas mnyam pa'i rkang stabs kyis gnas te dbyug pa'i phyag rgya 'phyar la mig g.yon pa nu mar sdigs mdzub la blta'o//pus mo g.yon pa bskum ste g.yas pa rdo rje'i rkang stabs su byas nas g.yon pa bteg pa dang dus gcig tu g.yas phyogs su bskor te de nas gzhag par bya'o//bzhag pa'i rkang pa bskum zhing gru gsum du byas la g.yas pa gshog pa'i rnam par byas te g.yas brkyang du bzhag par bya'o/ /rnam par rmongs byed kyi kun du bskyod pa ste gar byed cing dku g.yon pa'i phyogs su bsdu'o/ /'di nyid rkang pa g.yon pas bskor bas slar mdun du lag pa sa la brdab ste slar dbyug pa'i phyag rgya bsgreng bar bya'o//'di ni khyad par du myur ba'i kun du bskyod pa'o/ /rmongs par byed pa'i lta stangs nyid kha gdangs pa'i kun du bskyod pa ste/ 'on kyang kha gdangs nas lce dril bu dkrol bzhin du byas te 'khor lo bzhin bskor bar bya'o//de bzhin du rdo rje bslangs nas rkang pa gnyis mtho gang tsam gyi bar du byas te gru gsum bya zhing pus mo g.yas pa cung zad bskum la pus mo g.yon pa dang gsus pa dang / nu ma g.yon pa'i cha smad de/ nu mar sdigs mdzub bya zhing dbyug pa lan gnyis bsgreng la de ma thag tu dbyug pa la blta zhing gdong bskor ba ni kA li kI la zhes pa'i kun du bskyod pa ste dku g.yas pa'i char ba sdu'o//de nyid ni kI li kI li chen po yin te gang gi tshe dbyug pa la blta bar gnas pa g.yas pa'i dpung pa'i phyogs nas rang gi rgyab tu khyer zhing mig g.yon pa btsums te khros shing rkang pa rnam par rkyong bar byed pa'i tshe'o//bsdu ba ni snga ma bzhin no/ /g.yon pa dkur byas te g.yas pa rdo rje snying gar bsgreng ba ni rdo rje bsgreng ba'o/ /g.yon pa'i rdo rje khu tshur gyi mdzub mo bsgrengs pas snying gar sdigs mdzub byed cing / g.yas pa'i rdo rje khu tshur gyis bzung ba'i rdo rje brdeg pa'i tshul du byas pa ni rdo rje 'phen pa'o//sor mo bzhi rtse mo bskum pas mthe bong mnan pa ni rdo rje'i khu tshur ro/ /rdo rje khu tshur las steng dang 'og tu lag pa brkyang bas kha gdangs pa dang sna bug dang 'gram pa dang mig rnams la bsdigs pa'i tshul du byas pa ni rdo rje 'jigs byed do/ /lag pa g.yas pa'i rdo rje g.yas skor du bskor nas rim gyis sa la rkang pa gnyis 'jog pa ni rdo rje 'khyil ba'i//lag pa g.yon pa brkyang la de'i mkhrig mar rdo rje dang bcas pa'i lag pa g.yas pa'i mkhrig mar sbyar bas gar byed pa ni rdo rje'i gar ro/ /rdo rje'i gar sngon du 'gro bas dku gnyis su btsugs te mgo g.yon par smad pa ni bud byed sgyu ma byed pa'o//dku gnyis su btsugs pa ni rdo rje sgeg mo'i phyag rgya'o/ /rdo rje khu tshur g.yon pa'i sbubs las rdo rje khu tshur g.yas pa phyung nas ral gri'i tshul du bzung ba ni ral gri'i tshul lo/ /snying gar sdigs mdzub byed cing g.yas pa rdo rje rtse gsum pa kun du brkyang ba ni rdo rje'i tshul lo/ rdo rje bsdams pas bzung ba'i gtun shing gis bgegs brdung ba ni gtun shing gi tshul lo/ /thal mo sbyar nas sor mo'i rtse mo phan tshun bsnol ba ni rdo rje thal mo'o/ /de ltar rtsa ba yang dag par bsdams pa rdo rje bsdams pa'o/ /snying gar rdo rje khu tshur gnyis kyi mthe chung gnyis dang mdzub mo dag rdo rje bsdams pa byas nas 'khor lo bzhin phye ba ni 'khor lo'i tshul lo//g.yas pa'i rdo rje khu tshur gyi mdzub mo gnyis gung mo dag 'gying ba dang bcas pas brkyang nas steng du bzhag pa ni ba dan gyi tshul lo/ /thal mo snyim pa kha sbyar te pad+ma bzhin kha phye ba ni pad+ma'i tshul lo/ /khu tshur g.yas pa'i nang du mthe bong bcug ste mdzub mo brkyang la lag pa steng du bsgreng pa ni dbyug pa'i tshul lo//g.yas pa'i mdzub mo lcags kyu'i tshul du bzung ba ni lcags kyu'i tshul lo/ /lag pa g.yas pa'i sor mo rnams brkyang la bkug pa ni gdengs ka'i tshul lo/ /lag pa g.yon par gzhu blangs te g.yas pas rgyud rna ba'i bar du drang zhing rlung gzung bar bya'o//'di ni gzhu'i tshul lo/ /g.yas pa'i mdzub mo dang gung mo dag gis g.yas phyogs nas mda' drang bar bya ba ni mda' drang ba'i tshul lo/ /de dag nyid kyis mda' 'phen pa'i tshul du byas pa ni mda' 'phen pa'i tshul lo/ /bstod pa byed pa'i tshul du snying gar thal mo sbyar ba gzung ba ni phyag 'tshal ba'i tshul lo//de nas phyag 'tshal ba'i tshul dang pad skor byas nas rdo rje gsor zhing dril bu dkrol la rdo rje'i rkang stabs kyis gar byas nas/ dkyil 'khor gyis gzhi'i dbus su zhugs te 'dug la gdan bcu'i tshul byed cing hUM brjod pa sngon du 'gro bas khro bo dpag tu med pa spros pas bgegs rnams bsal zhing dbang chen gyi bar du dkyil 'khor gyis rdo rje'i rang bzhin du bsgom mo//de la rdo rje'i skyil krung gis sa gnon gyi phyag rgya bcing ba ni rdo rje'i gdan gyi tshul lo/ /ting nge 'dzin gyi phyag rgya bcing ba ni bsam gtan gyi tshul lo//brla g.yas pa dang byin pa'i dbus su rkang pa g.yon pa bzhag nas de'i steng du brla g.yon pa dang byin pa'i dbus su g.yas pa bzhag pa ni rdo rje skyil krung ngo / /byin pa g.yas pa byin pa g.yon par bzhag ste pus mo gnyis smad pa ni pad+ma'i gdan no/ /brla g.yon pa'i steng du rkang pa g.yas pa gzhag la g.yon pa brla g.yas pa'i 'og tu gzhag pa ni sems dpa'i skyil krung ngo //rkang pa g.yon pas skyil krung phyed pa byas te de dang nye bar pus mo g.yas pa steng du drang bar bya ba ni dpa' bo'i 'dug stangs so/ /g.yon pa skyil krung phyed pa byas te de'i steng du pus mo g.yas pa bsnyal la/rkang pa g.yas pa brla g.yon pa'i rtsar gan rkyal du bzhag pa ni dpa' bo'i 'dug stangs so zhes kha cig go/ /stan mthon po la gnas te rkang pa gnyis drang por bzung ba ni bzang po'i 'dug stangs so/ /rkang pa gnyis mtho gang gi bar du stan la bkod la tsog pur gnas pa ni tsog pu'i 'dug stangs so//rkang pa g.yas pa sems dpa'i skyil krung bcas la 'gying ba dang bcas pas g.yon pa brkyang ba ni rol pa'i 'dug stangs so/ /rkang pa gnyis kha sbyar la 'dug pa ni bkra shis can no/ /rdo rje'i rkang stabs la sogs pa 'di rnams ji ltar rigs par rdo rje'i lta stangs gnyis las mdun du blta ba ni mdun du phyogs pa dang /rgyab tu phyir phyogs pa ste lta ba rnam pa gnyis dang / sgeg pa dang / dpa' ba dang / mi sdug pa dang / drag po dang / bzhad pa dang / 'jigs su rung ba dang / snying rje ba dang / rmad du byung ba dang / zhi ba'i nyams man ngag gi snye mar rnam par phye ba rnams bsgrub par bya'o//rdo rje'i rkang stabs la sogs pa nas rdo rje'i lta ba'i bar gyi stang stabs rnams ni sgyu 'phrul dra ba dang / dpal mchog dang po dang / khro bo rnam par rgyal ba la sogs pa'i rgyud du gsungs pa 'dir che ba rnams bsgrub par bya'o/ /yongs su mi shes pas sam mi nus pas sam bya ba bsdus pa la dga' bas sam mi 'dod pas kyang rung ste/rdo rje'i rkang stabs la sogs pa thams cad dam nyung zad ma bsgrubs na yang skabs su bab pa nyams par mi 'gyur te/ bgegs bsal ba ni bskor ba la sogs pas kyang 'grub pa'i phyir ro zhes man ngag rig pa rnams gsung ngo //de nas dkyil 'khor gyis gzhi dris byugs la me tog dang spos la sogs pa dang zur bzhi dang sgo bzhir spos phor la sogs pa dang / gar dang glu la sogs pas yang dag par mchod nas lag pas reg cing dkyil 'khor gyi bdag po'i sngags brgya rtsa brgyad dang / yi ge brgya pa lan bdun bzlas la de nyid du lha'i 'khor lo spro zhing bsdu bas nyal bar bya'o/ /sa yongs su bzung ba'i cho ga'o/ /de nas snga bar langs nas 'gro ba rdo rje 'chang gi go 'phang la dgod par bya ba'i ched du bgegs med par bya'o zhes bsams nas/ skad cig gis stong nyid kyi rjes la raM las byung ba'i nyi ma la gnas pa'i hUM las skyes pa'i sna tshogs rdo rje la gnas pa'i hUM gi 'od las byung ba'i rdo rje 'bar ba 'phros pas mtshams med cing dum bu gcig tu gyur pa'i rdo rje'i rab dang /gur dang mda'i dra ba dang bla re dang / 'og tu sa gzhi 'bar zhing 'od zer bzod par dka' ba'i sna tshogs rdo rje'i rang bzhin du bsgom mo//de'i dbus su skad cig gis bdag nyid rdo rje sems dpa'i ngo bo yongs su gyur nas/ khro bo 'jig rten gsum las rnam par rgyal ba/ ming gzhan ni rdo rje hUM mdzad ces pa g.yas brkyang ba'i zhabs kyis sna tshogs pad+ma dang nyi ma la gnas pa'i 'jigs byed dang dus mtshan mnan pa/rab tu khros pa bskal ba'i mtha'i me ltar 'od zer gyi phung po 'bar ba/ 'gro ba ma lus pa'i bgegs kyi tshogs zab lta bu/ sngo ba dang ser ba dang / ljang gu'i mdog can gyi rtsa ba dang / g.yas pa dang / cig shos kyi zhal gsum gdangs pa/ mche ba gtsigs pa/ ljags 'dril ba/zhal re re zhing smin ma 'khyug pa khro gnyer dang bcas pa/ spyan gsum dmar zhing zlum pa/ phyag rgya drug dang ldan pa/ dpral bar thod pa lngas brgyan pa/ khrag 'dzag pa'i mgo bo'i phreng ba mgul la 'phyang ba/ mgo bo dang bcas pa'i ske rags can/ stag gi pags pa'i na bza' 'phyang ba/mtha' yas nag pos bcings pa'i dbu skra kham pa gyen du 'bar ba/ 'jog po la sogs pa'i klu'i rgyal po brgyad kyis brgyan pa/ rdo rje dang dril bu dang ldan pa'i phyag rgya gnyis kyi rdo rje khu tshur gnyis rgyab sbyar te/ mthe'u chung gnyis sprel zhing mdzub mo gnyis brkyang bar byas pa'i 'jig rten gsum las rnam par rgyal ba'i phyag rgyas rang 'od kyi shes rab dang snyoms par 'jug pa phyag g.yas pa dag gis lcags kyu dang zhags pa dang /g.yon pa dag gis thod pa dang kha T+wAM ga 'dzin pa/ yi ge hUM drag po sgrogs shing phyogs su lta bas rang gi snying gar hUM las spros pa'i 'od zer gyis phyogs bcu'i bgegs rnams bkug ste/hUM las spros pa'i khro bo bcu la gtad par bya'o/ /khro bo de rnams kyis kyang srid du sor bco brgyad pa'am/ bcu gnyis pa'am/ brgyad pa sbom du rim pa bzhin du sor drug pa dang bzhi pa dang / drug cha dang bcas pa'i phyed dang gsum pa seng ldeng las byas pa'am/rus pa las byas pa'am/ lcags las byas pa'i phur pa bcu snod gsar par bzhag la yungs kar dang / tsan+dan dmar pos byugs nas tshon skud lngas dkris la mchod de/ de re re la me tog gi phreng ba dmar pos bcings te/ lte ba nas 'og tu rtse gcig pa'i rnam pa steng du bdag nyid kyi gzugs can bskal pa'i mtha'i me ltar 'bar bar bsgoms nas g.yon pa'i rdo rje khu tshur gyis bzung ste/phyag g.yas pas mtshan pa'i gtso bo yongs su gyur pa'i tho ba me tog dmar po'i phreng ba bcings pa bzung nas/ sgra ring por brjod pa'i hUM las byung ba'i khron pa bcur bgegs de rnams bcug la/oM badzra kI li kI la ya sarba bi g+h+nA na big+h+nA na hUM zhes pa'am/ oM g+ha g+ha g+hA ta ya g+hA ta ya sarba du Sh+TAM phaT phaT kI la ya sarba pA paM phaT phaT hUM hUM badzra kI la badzra d+hA ra A dz+nyA pa ya ti sarba bi g+h+nA na kA ya wA k+tsi t+taM kI la ya hUM hUM phaT phaT ces brjod pa sngon du 'gro bas mgo bor phur bus btab nas/oM badzra mung+ga ra A ko Ta ya hUM zhes brjod cing brdung bar bsams la/ dbang ldan nas bzung nas g.yas skor du dkyil 'khor gyi phyi'i rdo rje phreng ba'i phyi rol gyi 'od zer gyi phreng ba'i phyogs brgyad du dang por slob dpon gyis gdab pa dang brdung bar bya'o/ /mi nus na de'i rjes la sgo'i slob dpon rnams kyis so//gtsug tor gyi phur ba ni shar gyi phur pa las shar du'o/ /gnod mdzes kyi ni nub kyi phur pa las nub tu gdab par bya'o/ /gal te yang de nyid bsdus pa la sogs par phyi'i 'od zer gyi phreng ba la gdab po zhes gsungs so/ /de lta na yang da ltar gyi slob dpon rnams ni dkyil 'khor gyi khang pa las phyi rol du phur pa btab nas/de'i steng du sa'i gong bu bcu byas par phur pa'i gzugs kyi khro bo rnams la thun so so la me tog la sogs pa dang bdug pa dang gtor ma dbul ba rnams kyis mnyes par bya'o zhes gsungs shing mdzad pa ni mi 'gal te/ gang gi phyir de ltar byas nas yang mngon par 'dod pa'i dngos grub 'grub pa'i phyir ro//de ltar phur bu btab pa dang brdung ba dag gis bgegs kyi tshogs bde ba chen pos de bzhin nyid du ro gcig pa dang / bgegs lhag ma rnams kyang ring du bros par bsam mo/ /de lta bus steng dang 'og dang phyogs su khor yug chen po'i bar du 'gro ba rnams rnam pa thams cad du bgegs med par brtan par mos par bya'o zhes rim pa gcig go//yang na oM AHhUM ya mAn+ta kr-ita sarba duSh+Ta in+d+ra u pa in+d+ra naM sa pa ri bA rAn kI la ya hUM phaT/ oM AHhUM pradz+nyAn+ta kr-ita sarba duSh+Ta ya man sa pa ri bA rAn kI la ya hUM phaT/ oM AHhUM pad+mA n+ta kri ta sarba duSh+Ta nA gnas pa ri bA rA na kI la ya hUM phaT/oM AHhUM bi g+h+nA n+ta kr-i ta sarba duSh+Ta ku be ra na sa pa ri bA rA na kI la ya hUM phaT/ oM AHhUM a tsa la sarba duSh+Ta I shwa na sa pa ri bA rAn kI la ya hUM phaT/ oM AHhUM Tak+ki rA dza sarba duSh+Ta a g+ni na sa pa ri bA rAn kI la ya hUM phaT/ oM AHhUM ni la daN+Da sarba du Sh+Ta na nai r+r-i ta na sa pa ri sA rA na kI la ya hUM phaT/oM AHhUM ma hA ba la sarba duSh+Ta bA yu na sa pa ri bA rAn kI la ya hUM phaT/ oM AHhUM tsakra brti na sarba duSh+Ta arka tsan+d+ra pi ta ma hA na sa pa ri bA rAn kI la ya hUM phaT/ oM AHhUM su m+b+ha sarba duSh+Ta be ma tsi tri pr-i thi bI de ba tA/ sa pa ri bA rAn kI la ya hUM phaT/ ces pa'i sngags kyis shar la sogs par dbang po la sogs pa'i ngo bo bgegs rnams la phur bu gdab pa dang brdung bar bya'o//gzhan thams cad ni snga ma bzhin no zhes pa rim pa gnyis pa'o/ /kha cig ni mtshams bzhi kho nar phur pa bzhi gdab po zhes zer ro/ /sgo rnams kho na la zhes pa ni gzhan no/ /khro bo rnams dang dbang po la sogs pa rnams kyi kha dog dang dbyibs la sogs pa 'dod par gyur na srung ba'i 'khor lo rgyas par bsgom pa ni man ngag gi snye mar rig par bya'o//yang na sing ldeng la sogs pa'i phur pa med par ji ltar brjod pa'i sgom pa kho nas phur pa gdab pa dang / brdung ba byas la lag pa gan rkyal du gnas pa bsgyur nas oM AHbadzra hUM zhes brjod cing sa la bsnun cing de ltar mos par bya'o//bgegs la phur bus gdab pa'i cho ga'o/ /de'i rjes la dkyil 'khor gyi sa'i dbus su 'dug ste/ dri'i dkyil 'khor byas par rang gi mdun du sa'i lha mo baM las byung bar bsgoms nas lag pa g.yas pa'i zla bar hUM bsams te/sor mo'i rtse mos la lan gsum bsnun pa dang / de'i sgra dang hUM gi 'od zer rnams kyis bskul bas sa'i lha mo ye shes sems dpa'i ngo bo 'thon pa dang lhan cig 'dres par gyur pa dga' ba dang ldan pa'i thugs can ser mo zhi ba na bza' dkar po bsnams pa rgyan sna tshogs can/phyag g.yon pa gser gyi bum pa bzang po bsnams shing / cig shos kyis mi 'jigs pa mdzad pa/ zhal gcig ma mdun du gnas pa la mchod yon la sogs pa sngon du 'gro bas mchod pa'i mjug thog tu/ oM tshur spyon tshur spyon sa yi ni/ /lha mo chen mo 'jig rten yum//rin chen kun gyis rab gang ma/ /bzang po'i rgyan gyis rnam brgyan ma/ /do shal rkang gdub sgra ldan ma/ /rdo rje sems dpa' rab mchod ma/ /mchod yon 'di ni bzhes byas nas/ /dkyil 'khor las ni legs bsgrub mdzod/ hI hI hI hI hAM swA hA zhes lan gsum brjod la spyan drangs pa dang /nye bar gnas par gsol ba dang bcas pa'i lha dang gnas par bya'o/ /legs bsgrub mdzod ces pa'i shugs kyis ni nye bar gnas par brjod do/ /yang na/ skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin rnams dang //lha mo khyod ni dpang du gyur/ /skyob pa shAkya seng ge yis/ /ji ltar bdud kyi dpung bcom pa/ /de ltar bdag gis bdud kyi stobs/ /bcom nas dkyil 'khor 'dri bar bgyi/ /zhes lan gsum brjod la lhag par gnas par bya'o/ /de yang de ltar gyis shig ces gsungs nas de nyid du thim par bsam par bya'o//de nas rdo rje bcing ba nang du byas nas des sa de mnan la oM badzrI b+ha ba hUM/ zhes lan gsum brjod de rdo rje bsdams pa las byung ba'i yi ge hUM 'bar ba 'phros pas dbang chen gyi 'og gi bar rdo rjer byas par bsams nas oM badzra Di Da tiSh+Tha zhes lan gsum brjod pas byin gyis brlab po//de nas sa rang gi dbang du 'gyur ro/ /nor 'dzin ma lhag par gnas pa'i cho ga'o/ /de nas dkyil 'khor gyi sa la dri zhim po'i bdud rtsi lnga dang bcas pa la yi ge gsum gyis bsngags pas byug cing / me tog gcal du dgram du bcug la/ phyi dro'i dus su khrus bya zhing lus la dri bzang pos byugs te gos dmar po bzang po gyon la/me tog gi phreng ba can gyi zhal dri zhim pos bgos la/ do shal dang / rkang gdub dang / rna rgyan dang / dpung rgyan dang / lag gdub dang / 'og pag dang / sor gdub la sogs pa'i rgyan gyis brgyan te/ oM hUM swA hA zhes pa dang / oM badzra u Sh+NI Sha hUM phaT ces pa dag gis go rims bzhin du lan bdun du bsngags pa'i gos dmar po dang cod pan gyis brgyan pa dkyil 'khor gyi gzhi'i dbus su shar du phyogs par 'dug pa'am/phyogs gzhan la ni dkyil 'khor gyi shar nas nub tu phyogs pas 'dug ste/ dkyil 'khor gyi bdag po'i rnal 'byor dang ldan pas lha rnams kyi gnas su bdud rtsi dang /tsan+dan dang / gur gum la sogs pas maN+Dal rnams byas la rang gi dam tshig gi 'khor lo ji lta bar bsgoms nas de la nam mkha' la gnas pa'i ye shes kyi 'khor lo spyan drangs nas bcug ste/ mchod pa dang bstod pa dang bdud rtsi myang ba bya'o//de nas bsgoms pa'i dkyil 'khor gyi phyi rol du shar la sogs pa'i phyogs su gnas pa'i bum pa rnams sam/ phyogs gzhan la ni byang du phyogs pas dbang ldan gyi mtshams na gnas pa'i bum pa rnams lhag par gnas par bya'o/ /de la zhi ba dang / rgyas pa dag gi bum pa'i lto ba ni zlum po sor bcu drug go//lto ba'i 'og nas kha dang mchu'i bar gyi dpangs su ni sor nyi shu'o/ /kha'i mtshams nas 'phyang ba'i mchu dag ni sor gnyis so/ /mgrin pa ni sor drug go/ /mchu'i mtha' nas mchu'i mtha'i bar gyi kha ni sor brgyad do/ /sor brgyad kyi cha gnyis ni mgul ba'i sbubs so//cha gcig gis ni bcu gnyis kyi zheng ngo / /dbye ba dang bskrad pa dag gi lto ba ni zlum por sor bcu gnyis so/ /dpangs su sor nyi shu rtsa bzhi'o/ /ske ba yon po ste sor brgyad do/ /kha ni sor drug go/ /mchu gnyis ni sor re re'o/ /dbang dang dgug pa dag gi bum pa ni bzo pos ji ltar byas pa'o//rengs pa la ni thung zhing zlum pa dang / dpangs su sor bcu drug go/ /mgrin pa ni sor bzhi'o/ /kha ni sor drug pa'o/ /mchu ni sbom zhing sor gnyis pa'o/ /las thams cad pa la zhi ba la sogs pa'i las la brjod pa'i bum pa rnams gzung bar bya'o//'di ni dus kyi 'khor lo las gsungs pa'o/ /de las gzhan pa'i rgyud rnams las bum pa rtsa ba dang nag nog med pa la mchu 'phyang ba/ mgrin pa ring ba/ gsus pa che ba rnams zhes gsungs pa yang sor bcu drug pa la sogs par rig par bya'o/ /'dir klu'i blo gros zhabs kyis gsungs pa/gser ram dngul lam zangs ma'am/ /yang nas las byas pa nyid/ /ji ltar rnyed pa'i bum pa ni/ /rab bzang brtul zhugs can gyis dgod/ /ces so/ /de'i phyir gser la sogs pa'i bum pa brjod pa'i mtshan nyid dang ldan pa snyong par byas nas/baM las rin po che'i ngo bor bsgoms la zhi ba dang rgyas pa'i don du 'bras btags pa'am/ thod lo kor ram/ tsan+dan gyi lde gus dkar por byas te lha'i mtshan ma bris te bdud rtsi lnga dang bcas pa'i dri'i chu dang / rin po che dang / sman dang / 'bru lnga dang ldan pa yal 'dab kyis kha brgyan pa/ske la me tog phreng ba dang bcas pa'i gos zung bcings pa rnams bla re'i 'og tu 'chad par 'gyur ba'i rdul tshon gyi dkyil 'khor gyi mtshan ma dgod pa'i rim pas so sor dri'i maN+Dal gyi steng du rang dang mthun pa'i gdan la dkyil 'khor gyi rnam par mdun du bkod nas/ cho ga mkhas pas gos steng du//srad bu dkar bzang dgod par bya/ /zhes glu'i blo gros zhabs kyis gsungs shing man ngag de'i phyir/ hUM lan bdun bzlas pa'i srad bu dkar po bdun gyis/ oM badzra shi kha ra ru Ta ma Ta di shaM ban+d+ha ban+d+ha hUM zhes pa'i sngags kyis dkri bar bya'o/ /rgyud gzhan du zhi ba la sogs pa'i las dang mthun pa'i kha dog can lnga rnams kyis zhes so//rin po che lnga ni mu tig dang / gser dang / pad+ma rA ga dang / bye ru dang mu men no/ /pad+ma rA ga ma rnyed na dngul lam zangs sam dung ngo / /mu men gyi gnas su nor bu yang rung ngo / /'byor pa chung na rnam par rgyal ba dang / las thams cad pa'i bum pa dag la rin po che snying bor bya'i/bum pa gzhan la ni ma yin no/ /de yang rnam par rgyal ba'i bum pa la nges par rin po che'i snying por bya'o/ /sman lnga ni br-i ha ti dang / kaN+Da ka ri dang / daN+Da ut+pal dkar dmar dang / a pa ra dzi ta dkar po rnams so/ /'bru lnga ni til dang / nas dang / mon sran dang /'bras so ba dang / gro rnams so/ /kha cig tu ni gro'i gnas su mon sran gre'u'o/ /a mra dang / nA ga ge sar dang / a sho ka dang / a shwad+tha dang / u dum+WA ra ste lnga po rnams gang yang rung ba'i yal 'dab po/ /nA ga ge sar med na n+ya gro d+ha'am/ dzam+bu'i lo ma'o/ /gos ni dmar po 'am/ser po'am dkar po'o/ /kha cig tu ni ljang gu dang sngon po yang gsungs so/ /rnam par rgyal ba'i bum pa la chos 'byung gi dbus su pad+ma la ji ltar rigs par zla ba'am nyi mar bdag po'i mtshan ma'am sa bon no/ /bum pa gzhan rnams la ni pad+ma la gnas pa'i zla ba'am nyi mar ji ltar rigs par lha rnams kyi rang rang gi mtshan ma'am sa bon no//de skad du yang klu'i blo'i zhabs kyis/ dkyil 'khor pa ni thams cad kyi/ /sa bon yang na mtshan ma'ang rung / /gur gum la sogs mngon 'dus byas/ /mkhas pas bum pa'i logs la bri/ /zhes gsungs so/ /dkyil 'khor gang du lha ji snyed yod pa de snyed du de rnams kyi bum pa'o//yang na dbus kyi pho brang gi lha rnams kho na'i'o/ /de la rigs kyi yum rnams kyi bzhi'o/ /de bzhin gshegs pa rnams kyi lnga'o/ /yang na de bzhin gshegs pa kho na'i lnga'o/ /yang na bdag po'i gcig dang / de bzhin gshegs pa bzhi'i gcig dang rigs kyi yum bzhi'i gcig dang /gzugs rdo rje la sogs pa drug gi gcig dang / khro bo bzhi'i gcig ste lnga'o/ /yang na gtso bo kho na'i gcig go/ /phyogs 'di rnams la las thams cad pa'i bum pa lhag par bya ste/ slob ma la sogs pa bsang ba'i don du'o//kha cig gis ni 'di mi 'dod do/ /bum pa gnyis pa yang med na rnam par rgyal ba'i bum pa la gtso bo'i mtshan ma dang / de'i g.yon du las thams cad pa'i mtshan ma bri bar bya'o zhes pa ni phyogs gzhan te/ de'i mtshan ma ni bgegs mthar byed kyi'o/ /rnam par snang mdzad la sogs pa'i mtshan ma bzhi phyogs bzhir bri'o zhes pa'i phyogs la gtso bo'i mtshan ma ni rnam par snang mdzad kyi mtshan ma'i steng du'o//kha cig tu ni de nyid kha'i steng du'o zhes bshad do/ /spyan ma la sogs pa rnams kyi yang phyogs bzhi ru'o zhes pa ni phyogs gzhan no/ /yang na/ sangs rgyas lnga dang lha mo bzhi//khro bo bzhi yi bum pa rnams/ /so sor 'khyil ba'i gcig dang ni/ /gzugs kyi rdo rje sogs drug la'ang / /mtshan ma lhan pa gcig yin no/ /zhes bya bas bco lnga'o/ /'ga' zhig gis brjod pa'i phyogs rnams las phyogs gzhan du brjod pa ni mi rigs so/ / de ltar 'jam pa'i rdo rje'i dkyil 'khor la nyi shu dang / bcu dang / drug dang / gnyis dang / gcig dang / bco lnga ste bum pa'i grangs rnam par gzhag pa'o/ /bsdus pa'i rim pa'i dkyil 'khor du lnga pa gnyis pa'i phyogs la ni/ de bzhin gshegs pa rnams kyi gcig go/ /yum rnams kyi gcig go//gzugs rdo rje ma la sogs pa bzhi'i gcig go/ /byang chub sems dpa' brgyad kyi gcig go/ /khro bo bcu'i gcig go zhes pa ni khyad par ro/ /rang phyogs sras gnyis bdag gi gcig/ /khro drug btsun mo rnams kyi yang / /pho brang gnas dang sgo skyong dang /bgegs dgra'i re re nyi shu'o/ /zhes pa ni kha cig go/ /kha sbyor du gsungs pa'i rdo rje dbyings kyi dkyil 'khor du phyogs gnyis pa'i lnga pa la ni/ pho brang na gnas pa rnams kyi gcig go/ /rim pa gnyis par gnas pa rnams kyi gcig go/ /phyogs kyi lha mo rnams kyi gcig go/ / mtshams kyi lha mo brgyad rnams kyi gcig go/ /sgo skyong rnams kyi gcig go zhes pa ni khyad par ro/ /de bzhin gshegs pa dang rigs kyi yum dang sgo skyong rnams kyi bum pa so sor ro/ /rim pa gnyis par gnas pa'i phyogs kyi lha mo rnams kyi gcig go/ /mtshams kyi lha mo rnams kyi gcig go/ / rim pa gsum pa'i phyogs kyi g.yon phyogs su gnas pa rnams kyi gcig go/ /g.yas phyogs na gnas pa rnams kyi gcig go/ /mtshams su gnas pa rnams kyi gcig go/ /de'i phyi rol du mtshams su gnas pa rnams kyi gcig go/ /las thams cad pa'i gcig ste de ltar nyi shu zhes pa ni kha cig go/ / bde mchog gi dkyil 'khor la ni 'khor lo lnga la so sor re re ste lnga'o/ /yang na pho brang du gnas pa rnams kho na'i lnga'o/ /yang na 'di rnams kyi lnga dang 'khor lo bzhi'i bzhi ste dgu'o/ /yang na dbus kyi pho brang dang dam tshig gi 'khor lo la gnas pa rnams kyi bcu gsum mo/ /thugs kyi 'khor lor phyogs su gnas pa rnams kyi gcig dang /mtshams kyi gnas pa rnams kyi gcig go/ /de bzhin du gsung gi 'khor lo dang sku'i 'khor lor yang de bcu dgu'o/ /phyogs 'di rnams su lha so so'i dgod pa las kyang dum skyes ma'i las thams cad pa'i lhag par dgod do/ /'di'i rjes su 'brangs pas dkyil 'khor gzhan rnams la yang ji ltar rigs par bum pa'i grangs rig par bya'o//de la gtso bo yin pa'i phyir dang bya ba mang po'i phyir rnam par rgyal ba'i steng du ji ltar rnyed pa'i bdud rtsi lnga dang / dri bzang gi chu oM badzra a mr-i to da ka ThaHhUM zhes bya ba dang / yi ge gsum gyis lan bdun bsngags pas ye shes kyi bdud rtsir byas pa'i rdo rje'i rdul phra rab kyi rang bzhin dang ldan pa'i dung chos sam pad+ma'i snod hUM gis bsngags pa dang /me tog phreng ba bcings pa'i rdo rje bzhag nas/ nang du oM ta p+te ma hA tap+te swA hA/ zhes bya bas drangs pa'i lha'i gang+gA'i chu'i ngo bo'i chu la lha'i 'khor lo'i gdan dang bcas pa skad cig gis bsams la mdun du snying ga'i sa bon gyi 'od zer gyis ye shes kyi 'khor lo spyan drangs la/zhabs bsil dang zhal bsil dang / mchod yon phul la de nas de dam tshig gi 'khor lo la bcug nas 'dod chags chen pos zhu bar gyur nas byang chub sems kyi ngo bor sngar blugs pa'i chu dang ro gcig tu gyur par bsam mo//mtshan ma la yang dam tshig gi lha dang ye shes kyi lha gcig tu gyur par bsam mo/ /de nas hUM brjod cing rdo rje dang 'brel ba'i me tog gi phreng ba'i mtha' g.yon pa'i khu tshur gyis bzung la 'khor lo'i gtso bo'i snying po'i sngags sam oM badzrod ka hUM zhes bya bas chu la brgya rtsa brgyad bsngags nas der 'khyil pa bzlas pa'i me tog dkar po gsum gzhug par bya'o//bum pa gzhan lha gang dang gang yin pa de dang de'i sngags kyis brgya rtsa brgyad dam nyi shu rtsa gcig gam bdun du bzlas te steng gi rdo rje me tog gi phreng ba'i mthar de ltar bzung nas so//de bzhin du me tog kyang gzhug par bya'o/ /de nas rnam par rgyal ba la sogs pa'i bum pa rnams la me tog la sogs pas yang dag par mchod la/ bsrung ba'i don du las thams cad pa'i bum pa'i chus de'i yal 'dab nyid kyis bsangs te/ 'dir ji srid du dkyil 'khor gyi bya ba rnams rdzogs pa de srid du bgegs rnams bzlog par mdzod cig ces brjod cing gtor ma byin nas nye bar reg ste/mi bskyod rdo rje zhes bya ba la sogs pa'i bstod pa sngon du 'gro bas dril bu dkrol bar bya'o/ /bdag nyid dang slob ma rnams la yang bsang gtor bya ba'i don du bum pa de rnams las chu nyung zad blangs la dkyil 'khor khang pa'i shar sgo'i byang gi char man ji la gnas pa'i dung chos la sogs par gzhag go//gzhan du ni las thams cad pa'i bum pa nyid ku sha'i chun po dang ldan pa de'i don du der gzhag par bya'o zhes so/ /bum pa rnams la mngon par bsngags pa dang / mchod pa la sogs pa nyi ma so sor thun gsum mam gcig tu bya'o/ /'khor lo'i gtso bo la sogs pa'i sngags ni sgrub thabs la sogs pa rnams kyi nang du shes par bya'o/ /slar mdor bsdus pa ni rdzogs pa'i rnal 'byor gyi phreng ba phal cher grags pa'i phyir kha cig brjod par bya ste/de la 'jam pa'i rdo rje'i dkyil 'khor la gtso bo mi bskyod pa dang lhan cig dbyer med pa'i oM AHmAM hUM/ rnam par snang mdzad kyi oM AHdzi na dzika hUM/ rin chen 'byung ldan gyi oM AHrat+na d+h+r-ika hUM/ snang ba mtha' yas kyi oM AHA ro l-i ka hUM/ don yod grub pa'i oM AH pradz+nyA d+h+r-i ka hUM/ spyan ma'i oM AHmo ha ra tI hUM/ mA ma kI'i oM AHdwe Sha ra tI hUM/ gos dkar mo'i oM AHrA ga ra tI hUM/ sgrol ma'i oM AHbadzra ra tI hUM/ gzugs rdo rje ma'i oM AHrU pa badzra dzaHhUM/ sgra rdo rje ma'i oM AHshab+ta badzre hUM hUM/ dri rdo rje ma'i oM AHgan+d+ha badzre baM hUM/ ro rdo rje ma'i oM AHrA sa badzra hoHhUM/ reg bya rdo rje ma'i oM AHspa R+She badzre khaM hUM/chos kyi dbyings kyi rdo rje ma'i oM AHd+harma d+hA tu badzre raM hUM/ gshin rje gshed kyi oM AHya mAn+ta kr-ita hUM/ shes rab mthar byed kyi oM AHpradz+nyAn+ta kr-ita hUM/ pad+ma mthar byed kyi oM AHpad+mAn+ta kr-ita hUM/ bdud rtsi 'khyil pa'i oM AHbig+h+nAn+ta kr-ita hUM/ gang gi tshe 'jam pa'i rdo rje dang dbyer med pa'i mi bskyod pas 'khor lo'i gtso bo byed pa de'i tshe oM AH badzra d+h+r-ika hUM ngo //bsdus pa'i rim pa'i dkyil 'khor la mi bskyod pa la sogs pa rnams kyi sngags ni sngar brjod pa nyid do/ /byams pa la sogs pa rnams kyi oM AHmai tri ya maM hUM/ oM AHk+Shi ti gar+b+ha th+l+hiM hUM/ oM AH badzra pA Ni oM hUM/oM AHkha gar+b+ha oM hUM/ oM AHlo ke shwa ra oM hUM/ oM AHmany+dzu g+ho Sha hUM hUM/ oM AHsarba ni ba ra Na biskaM b+hi ni oM hUM/ oM AHsa man+ta b+ha dra saM hUM/ oM AHa tsa la hUM hUM/ oM AHTa ki rA dza hUM hUM/ oM AHnI la daN+Da hUM hUM/ oM AHma hA ba la hUM hUM/ oM AHuSh+NI Sha hUM hUM/ oM AHsum+b+ha hUM hUM/gang gi tshe mi bskyod pa dang dbyer med pa'i rdo rje sems dpa' 'khor lo'i gtso bo byed pa de'i tshe 'dir oM AHhUM hUM zhes pa sngags so/ /kha sbyor du gsungs pa'i rdo rje sems dpa'i dkyil 'khor la ni/ oM AHbadzra a mr-i ta ma hA su kha hAM swA hA/ zhes pa ni 'khor lo'i gtso bo rdo rje sems dpa'i snying po'i sngags so//oM AHbadzra g+ha N+Te hoHhaM swA hA/ zhes pa rdo rje dril bu ma'i sngags te las thams cad pa'o/ /sngags gzhan rnams ni rgyud nyid du phyogs gcig tu gsungs so/ /'khor lo sdom pa'i dkyil 'khor du gtso bo'o/ /oM shrI badzra he he ru ru kaM hUM hUM phaT/ DA ki ni dzA la saM war swA hA zhes pa ni snying po'o//oM khaN+Da ro hi hUM hUM phaT zhes pa ni dum skyes ma'i sngags te las thams cad pa'o/ /dkyil 'khor pa gzhan rnams kyi sngags ni bde mchog gi mngon par rtogs par kho bos gdams ngag dang bcas pa bris so/ /kye'i rdo rje'i dkyil 'khor du ni 'khor lo'i gtso bo'i oM de wa pi tsu badzra hUM hUM hUM phaT swA hA/zhes pa ni snying po'o/ /oM AH swA hA zhes pa'am/ oM AHbadzra g+hasma rI oM hUM swA hA/ zhes pa za phod ma'i sngags te las thams cad pa'o/ /sngags gzhan rnams ni kha sbyor du bsdus so/ /de kho na nyid bsdus par gsungs pa'i rdo rje dbyings kyi dkyil 'khor lo ni 'khor lo'i gtso bo'i oM sarba ta thA ga ta ma hA yo gi shwa rA hUM zhes pa ni snying po'o//oM badzra yak+Sha hUM zhes pa rdo rje gnod sbyin gyi sngags te/ las thams cad pa'o/ /gzhan ni de kho na nyid bsdus pa'i rgyud du yang dag par bsdus so/ /'dir dkyil 'khor la sogs pa'i las la nye bar mkho ba'i phyir/dang por rdul tshon dkar po la sogs pas pad+ma 'dab ma brgyad pa bris pa'i lte bar rnam rgyal gyi bum pa'am las thams cad pa'i bum pa gzhag go/ /shar gyi 'dab ma la 'chad par 'gyur ba'i cho gas lhag par gnas par byas pa'i tshon sna lnga'i thig skud gnas pa'i snod do/ / lhor rdo rje'o/ /byang du rdo rje dril bu'o/ /nub dang mtshams kyi 'dab ma rnams la ni ji ltar rigs pa'i rdul tshon lnga'i snod rnams so/ /bum pa de'i chu la 'khyil ba'i sngags sam/ oM A A aM aHzhes pa brjod cing tshon dang thig la bsang gtor bya'o/ /bum pa lhag par gnas pa'i cho ga'o//de nas dkyil 'khor gyis gzhi dri bzang po la sogs pas byug cing me tog gi gcal bkram ste/ der nub tu phyogs pas bdud rtsi lnga dang bcas pa dri bzang pos ji ltar 'byung ba'i bdag po lnga'i le'u tshe rnams su maN+Dal gru bzhi pa dang / lha gzhan rnams la zlum por byas la/ maN+Dal de rnams su rang gi snying ga'i sa bon gyi 'od zer gyis spyan drangs pa'i 'khor lo'i gtso bo la sogs pa'i lha'i dkyil 'khor ji ltar rigs par pad+ma la gnas pa'i zla ba'am nyi ma rnams la bkod nas/ zhabs bsil la sogs pa sngon du 'gro bas mchod pa dang / bstod pa dang bdud rtsi myang ba bya ste/pus mo g.yas pa sa la btsugs shing lce hUM las skyes pa'i rdo rje rtse gcig pa byas par hUM bkod de/ lag pa g.yas par spos phor thogs te g.yon pas rdo rje dril bu dkrol zhing / bcom ldan che ge rdo rje mchog /rig pa'i rgyal po khyod la 'dud/ /slob ma rnams la brtse phyir dang //khyed rnams la yang mchod pa'i phyir/ /mgon po thugs rje'i bdag nyid can/ /dkyil 'khor 'dri bar bdag 'tshal lo/ /de phyir bcom ldan bdag gus la/ /bka' drin gnang bar mdzad par rigs/ /sangs rgyas 'gro 'khor bya don stsol/ /byang chub sems dpa' 'bras gnas dang //gzhan yang gang dag gsang sngags lha/ /lha dang 'jig rten skyong ba dang / /'byung po byang chub bstan gnas dang / /sems can bstan la mngon dga' ba/ /gang su rdo rje'i spyan mnga' rnams/ /bdag la yang dag dgongs su gsol/ /bdag ni che ge rdo rje can/ /cho ga 'byung ba'i dkyil 'khor ni//ji ltar nus pa'i nyer spyod pas/ /'gro ba sbyang phyir bri bar bya/ /de phyir bdag dang slob ma la/ /rjes su brtse bas nyer bzung nas/ /dkyil 'khor dang bcas thams cad ni/ /nye bar byon par mdzad par rigs/ /zhes don mngon du byed cing lan gsum du brjod pas gsol ba gdab par bya'o//'gro 'khor bya don stsol ni 'gro ba la dkyil 'khor gyi bya ba rnams kyi don rab tu stsol ba'o/ /sems can ni mi la sogs pa'o/ /rdo rje'i spyan ni lha'i mig go/ /lha lhag par gnas pa'i cho ga'o/ /de nas/ dam tshig nyams par dogs pa yi/ /slob ma min pa gzhug mi bya//zhes gsungs pa'i phyir shar sgor 'dug ste 'chad par 'gyur ba'i sdom pa gnyis sbyin pa sngon du 'gro ba'i lhag par gnas pa'i cho gas sam/ slob dpon gyi sdom pa sbyin pa sngon du 'gro ba'i lhag par gnas pa'i cho gas sngar rang nyid kyis dbang ma byin par gdul bya sgo'i slob dpon du 'os pa rnams la lhag par gnas par bya'o//de dag kyang bzhi dang / med na gnyis sam/ gsum mam/ tha na gcig gis kyang bya bar 'dod do/ /de rnams las gzhan de ltar byas pa'i slob ma lnga pa ni las kyi rdo rjer bya'o zhes rgyud gzhan du 'dod de/ med na de rnams nyid do/ / de ltar slob ma lhag par gnas pa'i don du lha'i dkyil 'khor bkod pa rnams mchod de/ ye shes kyi thig la sogs pa'i don du dkyil 'khor gyis gzhi'i steng du nam mkha' la blos bkod nas shar du phyogs te rdo rje 'chang gi rnal 'byor ram dkyil 'khor gyi gtso bo'i rnal 'byor dang ldan zhing mtshan ma thob pas/gzhon nu ma ma nyams pas bkal ba'am/ dpa' bo'i rin gyis nyos pa'i skud pa lnga pa lnga snod lngar gnas pa rnams dri zhim po'i tshon dkar po dang / ser po dang / dmar po dang / ljang gu dang / nag po rnams yungs kar gyi phye ma dang / bdud rtsi lnga dang bsres pa rnams kyis so sor kha bsgyur te/g.yon pa'i lag mthil du sor mo'i rtse mo nas brtsams te mthe bo'i rtsa ba'i bar du bkod la/ b+h+rUM oM hrIHkhaM hUM gi yi ge rnams sam/ b+h+rUM AM dzrIM khaM hUM gi yi ge rnams sam/ oM a swa ha hUM rnams sam/ rgyud ji lta bar bskyed pa'i de bzhin gshegs pa lnga'i ngo por gyur par bsgoms nas nam mkha' la bzhugs su gsol ba'i rang rang gi phyogs kyi de bzhin gshegs pa bsdus par gyur pa'i de bzhin gshegs pa lnga'i thugs kar b+h+rUM la sogs pa las grub pa'i ye shes kyi skud pa 'od zer gyi rang bzhin bltas la/oM AHshA sho ta badzra su traM me pra yats+tsha ma hA maN+Dal sU tra na ya hUM zhes pas rnam par snang mdzad dang ming bsgyur nas rin chen 'byung ldan la sogs pa rnams la yang gsol ba gdab par bya'o//mig gnyis dzaH las bskyed ba'i zla ba dang nyi ma ser po'i rang bzhin du bya ste/ oM dIp+ta driSh+Ta aM ku sha dzaHzhes brjod nas/ mig rab tu myur du bsgril zhing mig gi rdzi ma 'degs shing brdeb pa/'bar ba'i lta stangs lcags kyu lta bus rnam par snang mdzad la sogs pa bskul bas de rnams bkug la rang rang gi kha dog can gyi thig skud lag pa na gnas pa rnams la bstim mo/ /de nyid kyi phyir de rnams ni me long lta bu la sogs pa'i ye shes lnga'i rang bzhin no/ /me long lta bu la sogs pa'i ye shes rnams ni re re zhing ye shes bzhi rjes su 'gro ba'i phyir dang sa bon re re las de bzhin gshegs pa lnga spro zhing sdud pa'i phyir na nyi shu rtsa lngar phye ba yin no//ye shes re re zhing lha nyi shu'i dkyil 'khor gyi bdag nyid yin pas rnam pa brgyar phye ba yin no zhes kha cig tu gsungs so//de nas rnam par snang mdzad kyi gzugs sam/ bdud rtsi 'khyil pa la thams cad pa'i gzugs kyis slob ma thig skud 'dzin pa dang lhan cig tu oM AHa n+yo n+ya a nu ga ta sarba d+ha rmAHspa ra spa ra/ a nu pra bi Sh+TaHsarba d+ha rmAHA d+yan+ta a nu pra biSh+ta sarba d+harmAHoM AHhUM zhes brjod cing dang por skud ba lnga lngas thig skud re re bya'o//de nas de ltar bsgril ba'i lnga rnams kyis thig skud gcig tu bsgril ba'i thig skud slob dpon dang slob ma'i lag pa g.yon pa'i mdzub mo nas brtsams nas sor mo bzhi'i dbus su bcug cing rgyab nas drangs te slar yang bcug cing drangs nas/ de dag rdo rje khu tshur du byas pa nyid dag gis mdzub mo'i rgyab kyis la sbyar te mnan pa'i bar gyi lhag pa ma gtogs pa ji srid du dkyil 'khor gyi nyis 'gyur du ring ba dang /sbom du nas kyi nyi shu chas lhag pa'i slob dpon gyis nas kyi tshad du 'gyur ba de ltar bya'o/ /nas bdun gyis sor gyi tshigs gcig ces mngon pa nas bshad do/ /sbom du 'khor lo'i brgyad cha'i nyi shu char bshad pa ni sor nyi shu rtsa bzhi'i bdag nyid khru gang ba'i dkyil 'khor kho na'i yin no//khru gnyis pa la sogs pa'i dkyil 'khor gyi tshad kyang des mtshon nas rig par bya'o/ /kun dga' snying po la sogs pas ni khru drug pa'i dkyil 'khor du thig skud sbom du mthe'u chung gi tshad du bya zhing gzhan rjes su mthun par bya'o zhes so//bsgril ba'i rjes la sngar gyi sa gzhi dris byugs pa'i gser la sogs pa'i snod gtsang mar dri'i chu dang / bdud rtsi lnga dang / ba'i rnam lngas spangs shing yi ge gsum nang du chud pa bzhag la/ dri dang me tog dang / spos rnams kyis mchod de/ lag pas reg cing 'khyil pa bzlas pas bsrung bar bya'o//de nas g.yas pa dang cig shos kyi mig dag la ma dang Ta'i yi ge dag las nyi ma dang zla ba de dag bltas te/ sngar bzhin badzra dr-iSh+Ti ma Ta zhes pas brtan par byas la/ las thams cad pa bzlas pa'i bdud rtsi'i chu dang / yungs kar dang dri'i chus gtor te/ rdo rje dang bcas pa'i lag pa g.yas pas reg la/oM badzra sa ma ya sU tra mA ti kra ma hUM zhes pa 'di bzlas nas/ yi ge gsum gyis brgya rtsa brgyad du bzlas pas lhag par gnas par bya'o/ /yang dkyil 'khor gyis la/ oM sarba saM sho d+ha ni hUM phaT ces pa'i sngags kyis bum pa thams cad kyi chus bsang gtor byas pas gtsang ma'i dri chus byugs nas/phyi rol du me tog gcal du bkram la/ nam mkha' la bri bar bya ba'i dkyil 'khor bzhugs par dmigs te/ mchod yon dbul ba sngon du 'gro bas mchod cing bstod nas/ rang nyid de'i rnal 'byor dang ldan pas sgrub pa'i grogs po rnam par snang mdzad dam 'khyil pa'i gzugs su bsams nas/rang dang de'i g.yon pa dang cig shos kyi mig dag la dzaHlas skyes pa'i nyi ma dang / zla ba 'od zer ser po can bsgoms te/ rdo rje'i rkang pas thig skud de rdo rje'i khu tshur g.yon pas gzung ba lte bar bzung zhing / sgrub pa'i grogs pos de ltar thig skud bzung la/ dz+dzaHdz+dzaH dz+dzaHzhes pa'i yi ge dz+dzaHgsum gyis kyang bskul lo//sgrub pa'i grogs pos kyang dz+dzaHdz+dzaHdz+dzaHzhes pa'i yi ge dz+dzaHgsum gyis drangs nas/ de kho na bzhin du mngon du blta zhing gnas pas nub phyogs su gnas te shar du kha bltas pa dang / lhor gnas te byang du kha bltas pas/ tshangs thig gnyis lte ba dang mnyam pa'i bar snang la brkyang nas/rdo rje dang bcas pa'i lag pa g.yas pa'i mthe bo dang mdzub mo dag gis thig skud bzung bas 'debs shing se gol gyi sgra bya'o/ /thig gdab pa thams cad du yang / oM badzra sa ma ya sU traM mA ti kra mA hUM/ hUM oM swA a ha zhes brjod par bya'o/ /thig gi sgra des kyang nam mkha' kun khyab pa'i de bzhin gshegs pa rnams bskul bar bya'o//de rnams kyang byon nas thig skud rnams la thim par bsgom mo/ /sgra 'di'i don ni/ sems can don du khyed rnams kyi/ /dus yin de phyir 'dir spyon cig /ces pa'i brda'o/ /thams cad du yang slob dpon dang sgrub pa'i grogs po g.yas skor du 'gro zhing phyogs thams cad mnyam pa nyid du mos par bya'o//nam mkha'i thig gnyis bzhin du sa la yang tshangs thig gnyis ka'i lag pa thig skud dang bcas pas mnyam por smad pas gdab par bya'o/ /'on kyang dang por khru'i tshad kyi maN+Dal gyi dbus su mtho gang gi tshad kyi shing bu bkod pa'i grib ma 'jug pa dang /'byung ba'i rtse mo maN+Dal gyi re khA'i dbus gang dag tu gnas pa de gnyis su thig le gnyis byas pa ni nub dang shar ro/ /de'i steng du thig skud bzung nas maN+Dal gnyis byas pas nyar 'gyur ro/ /de nas de'i mgo dang mjug ma'i mthar thig le byas pa ni lho dang byang ngo / / de'i steng du thig skud bzung nas maN+Dal gzhan gnyis bya'o/ /phub pa'i gnas su ni phyogs rnams su thig le bzhi byas pa'i steng du zlum po bzhi bskor bar bya'o/ /de nas phyogs rnams su nya'i mgo mjug dag gi dbus su thig skud bzung nas/ 'od zer gyi phreng ba'i bar du tshangs thig gnyis rkang pa g.yon pa skyil krung phyed par byas nas rkang pa g.yas pa sa la btsugs te/de las bzlog nas 'dug cing ji ltar rigs par rgyab kyis 'gro ba'i slob ma dang lhan cig tu g.yon pa'i rdo rje khu tshur gyis thig skud bzung nas nam mkha' la thig gdab pa'i mos pas gdab par bya'o/ /de ltar thig gdab pa gzhan rnams la yang ngo //thig gdab pa na/ mtshan ma min pas 'grub mi 'gyur/ /thig skud chad na bla ma 'chi/ /dman dang lhag pa las ni nang / /phyogs rmongs na ni slob ma 'khrul/ /zhes shes par byas la/ bcos pa'i cho ga yang bya'o/ /gal te thig ni gdab pa la/ /'ga' yang nus ldan ma gyur cing //de bzhin g.yog po dang bral na/ /phur pa la bcings rang nyid gdab/ /me'i mtshams su gnas pas rlung gi mtshams kyi thig dang / /bden bral gyi mtshams su gnas te dbang ldan gyi mtshams kyi thig go/ /'di gnyis re re zhing sgo'i tshad bcu bdun no/ /de nas maN+Dal lnga bri'o/ /tshangs thig kho na gdab pa'i don du thig skud dkyil 'khor nyis 'gyur du ring bar gsungs la/dkyil 'khor yang 'dir sna tshogs rdo rje'i lte bar chud pa'i rtsa ba'i dkyil 'khor 'khor dang bcas pa rtsa ba'i thig las phyir cha chung brgyad pa'i bar du ste/ cha chung bzhi bcu rtsa brgyad do/ /de'i phyi rol du cha chung bcu gnyis dang / gnyis dang / gnyis dang / gnyis dang / bzhi nyid de go rims bzhin du rta babs dang / chos kyi 'khor lo dang ra dang pad+ma'i 'dab ma dang rdo rje'i phreng ba dang 'od kyi phreng ba rnams te/ logs gcig la ni cha chung nyi shu rtsa bzhi'o/ /logs gnyis par yang de ltar ro/ /de bas cha chung bzhi bcu rtsa brgyad do/ /de'i phyir thig skud cha chung dgu bcu rtsa drug tu 'gyur ro//de yang / phyogs cha mnyam par shes nas ni/ /dkyil 'khor las ni nyis 'gyur srid/ /shar dang nub tu ring ba yis/ /tshangs thig yang dag gdab par bya/ /zhes pa dang / gzhan du yang / nges par 'di ni dkyil 'khor las/ /dkyil 'khor sa gzhi nyis 'gyur bzung //dbang po chu yi phyogs ring ba'i/ /thig ni cha chung rjes 'gro gdab/ /ces gsungs so/ /ra dang 'od zer dag la cha chung gcig dang gsum nyid dam/ cha chung gnyis gnyis nyid na thig skud cha chung dgu bcu rtsa gnyis su 'gyur te/ de'i tshe dkyil 'khor gyi 'od kyi mtha' las thig skud cha chung bzhis lhag par 'gyur ro//de ni gzung ba'i don du yin no zhe na/ mi rigs te/ khru gang nas ni brtsams nas ni/ /ji srid khru ni stong gi bar/ /zhes gsungs pa'i phyir rtsa ba'i dkyil 'khor khru stong pa'i brgyad cha'i sgo'i bzhi cha dang bcas pa'i khru sum cu rtsa gcig cha chung du 'gyur la/ de bzhis ni thig skud khru brgya nyi shu rtsa lngas lhag par 'gyur te/de ci zhig bya/ 'dab ma dang rdo rje phreng ba dag cha chung re re dag kyang mi rigs so/ /de'i phyir rnam pa 'di lta bu gzhan yang ngo / /logs kyi steng na rta babs sgo'i sum 'gyur gyi phyogs la 'dir lung dang 'gal zhes mang po rnams gsung ngo / / 'dir ni khru gang la sogs pa'i tshad kyi 'khor lo'i phyogs rnams su de'i tshad du rtsa ba'i thig bzhis yongs su bcad pa'o/ /de'i phyir slob dpon me mtshams su gnas te byang du kha bltas pas shar gyi rtsa ba'i thig 'khor lo'i tshad du gdab par bya'o/ /rlung mtshams su gnas te lhor kha bltas pas nub tu'o//de nyid du gnas te shar du kha bltas pas byang du'o/ /slar me mtshams su phyin nas nub tu kha bltas te lhor ro/ /de ltar yang mkha' 'gro ma rdo rje gur las/ dang po tshangs pa'i thig yin te/ /gnyis pa zur gyi thig yin no/ /gsum pa la ni ngos bzhi ru/ /thig bzhi rab tu gdab par bya//zhes gsungs so/ /thig de'i gcig gi brgyad cha ni sgo yin la sgo'i bzhi cha ni cha chung gcig go/ /de nas tshangs pa'i thig gi ngos su g.yas dang g.yon dag gi cha chung gnyis gnyis rtsa ba'i thig gis dang bcas pa de cha chung bzhi pa ste/ der gnas pa'i tshangs thig gi ngos gnyis kyi rtsa ba'i thig ni/hI yig khro bo'i lta ba yis/ /de nas sgo yang dbye bar bya/ /zhes gsungs pa'i phyir/ bcom ldan 'das kyi sku g.yon pa dang cig shos kyi mig dag gi yi ge hUM gis zla ba dang nyi mar bskyed nas khro bo'i lta bas thams cad du blta zhing / hI hI zhes brjod cing thar ba'i sgo'i gegs su gyur pa'i sgrib pa dbyi bar bya'o//zhes lhag par mos pas dbyi bar bya'o/ /de nas rtsa ba'i thig las phyi rol du rim pa bzhin du cha chung gcig dang / gnyis dang / gcig dang / gnyis dang / gcig dang / gcig gi bar dor la thig drug ni zur thig las logs su 'thon par gdab po//de la dang po gnyis tshon dang / stegs bu'i sa dag gi yin te/ phan tshun rtse mor reg pa cha chung gnyis pa'i thig gcig dang ldan zhing cha chung gsum gyi bar tshangs thig yongs su dor bar gnas pa'i gsum ni rin po che'i pha gu dang / do shal dang / rin po che'i shar bu rnams kyi sa ste cha chung brgyad spangs par ro//bzhi pa ni zur thig gnyis pa'i bar bar du'o/ /de nas stegs bu'i thig las byung ba'i thig bzhi ste/ de la gcig ni dar dpyangs kyis yin te/ logs su thig gsum gyi rtse mo la reg pa'o/ /de'i glor cha chung re re dor bar thig gsum ste/ rta babs kyi ka ba dang bar dang tshon gyi sa'o//bzhi po 'di rnams la dang po gsum ni srid du cha chung lnga'o/ /zhes pa ni cha chung bzhi'o/ /'dir dkyil 'khor dang rta babs kyi bar gyis ni mun pa'i snam bu dang / long ba'i snam bu dang / stong pa'i snam bu dang / bar snang skabs kyi snam bu zhes brjod do/ /de nas tshangs pa'i thig gi logs su cha chung gnyis spangs par rtsa thig nas sgo khyud cha chung bzhi pa drang por 'thon te/logs su 'gram pa cha chung gnyis song nas/ steng du logs su cha chung gnyis 'thon pa'i thig kyog po gnyis pa cig gdab bo/ /de'i rtse mo nas logs su tshangs thig gi logs gnyis par gnas pa de lta bu kyog po'i rtse mo'i bar du song bas cha chung brgyad pa gdung mtshon par byed pa'i thig go//de bzhin du de'i glo'i thig gi rtse mo nas gzhan de'i glo'i thig gi rtse mo'i bar du cha chung bcu pa'i thig gcig ste ya phubs kyi sa'am/ gdung dang bcas pa'i bre phul gyi sa'am gdung gi steng gi tshon sna lnga'i sa'o/ /de'i phyi'i cha chung gcig ni dkyil 'khor dang rta babs kyi bar gyi snam bu'o//'dis ni/ sgo ni 'khor lo'i brgyad cha ste/ /stegs bu dang ni bral bar 'dod/ /sgo yi tshad kyi sgo khyud de/ /de bzhin lha yi snam bu'o/ /stegs bu kun nas sgo yi phyed/ /de bzhin 'gram dang logs dang ni/ /dra ba dra phyed nyi zla dang / /me tog phreng ba'i snam bu'o//rtsa ba'i thig gis las phyir/ /tshon gyis ni de yi phyed/ /ces pa 'di yang bshad pa yin no/ /lha'i snam bu ni rtsa ba'i thig gi nang du'o/ /stegs bu la ni gzungs kyi snam bu dang gar gyi snam bu zhes kyang brjod do/ /'dir ngos su song ba ni logs yin zhing / /steng du song ba ni 'gram pa'o zhes brjod pa ni/lung dang mi ldan zhing / /sgo mnyam sgo khyud steng du 'gyur/ /ngos su 'gram pa sgo yi phyed/ /ces bshad pa dang 'gal lo/ /bar gyi snam bu'i dpangs su cha chung lnga'o/ /srid du ni sgo gsum gyi tshad do/ /klu'i blo'i zhabs ni logs kyi thig gnyis la gnas pa'i thig nyid gdung du dgongs nas bar gyi snam bu dang ya phubs kyi snam bu ni mi bzhed do//de yang / sgo ni 'khor lo'i brgyad cha ste/ /de bzhin lha yi snam bu'o/ /sgo khyud sgo yi tshad yin te/ /de bzhin du ni 'gram dang logs/ /de yi phyed du stegs bu yin/ /stegs bu'i phyed du tshon gyis/ /dra ba stegs bu'i tshad du 'gyur//rin chen sa ni de yi phyed/ /rin chen shar bu mda' yab phyi'i/ /ka ba la sogs sa de bzhin/ /zhes rgyud gzhan du gsungs so/ /gang yang phyogs 'di la bre phul gyi don dang mda' yab kyi don du logs kyi thig gnyis la gnas pa'i thig gi phyi rol du cha chung gcig gi bar spangs nas thig gcig ces smra ba de la ni 'dir rjod par byed pa'i gzhung med cing rang gis brtags pa yin na yang //shing rta chen po rnams kyis rtsa ba'i thig gi phyi rol cha chung brgyad pa'i gnas kyis bskor ba ni rtsa ba'i dkyil 'khor 'khor dang bcas pa yin no zhes mang du bshad pa 'di dang 'gal bas rtogs par gyis shig /mdzes pa'i don du rin po che dang / rin chen shar bu'i steng du mda' yab kyi snam bu byed do zhe na gyis shig/bdag la 'dir bgegs kyis ci zhig bya/ sgo khyud dang 'gram dang logs kyi tshad mnyam pa dang / mi mnyam pa'i phyogs 'di dag bcom ldan 'das kyis rgyud tha dad du gsungs so//'dir cha chung brgyad pa'i mda' yab kyis ji ltar gzhal yas khang mdzes pa'i de ltar mda' yab dang bral na/ mgo bcad pa lta bu'i rin po che dang shar bu rnams kyi ni ma yin zhing / lha khang chen po la sogs pa rnams la yang mthong bas/ 'dir bri bya'i dkyil 'khor la mda' yab ni dar dpyangs kyi thig gi bar du'o/ /bsgom bya'i dkyil 'khor la ni logs kyi steng gi bar du ste/ mda' yab rnams ni logs can dang / /zhes rdo rje phreng ba'i rgyud du gsungs pa'i phyir ro/ /gdung gi 'og tu ka ba gnyis ma bris kyang bsgom bya'i dkyil 'khor la rig par bya ste/gru bzhi pa dang sgo bzhi pa/ /ka ba brgyad kyis nye bar mdzes/ /zhes pa'i lung gis so/ /'dis dkyil 'khor gyi nang gi ka ba brgyad ni ma gsungs te/ de dag ni bde mchog la sogs pa'i dkyil 'khor la med la/ ka ba brgyad kyis nye bar mdzes/ /zhes pa'i mtshan nyid 'di yang dkyil 'khor thams cad kyi khyab byed yin pas so//gzhogs kyi ka ba rnams ni rta babs rnams kho na'i'o/ /de nyid kyi phyir gang dag sgo'i rtsa ba nas sgo khyud la sogs pa steng du nam mkha' la langs par rtogs pa de dag gis ni gsung rab kyi don ma shes pa nyid do/ /rdul tshon gyi rtsig pa la ni rin po che dang /dra ba dang dra pa phyed pa dang / rin po che'i shar bu dang / mda' yab rnams rim pa bzhin du steng du brtsegs pa mdzes par bstan pa'o/ /rin po che'i shar bu ni bya 'dab nas dbyangs par shes par bya'o/ /kha cig tu ni rin po che'i shar bu'i cha chung bdun pa la rin po che rnams bri bar bya'o zhes gsungs so//gang zhig de ltar thig thung mi 'dod pa des ni logs su zur thig gi bar du rtsa ba'i thig las phyir rim pa bzhin du cha chung gcig dang / gnyis dang / gcig dang / gnyis dang / gcig dang / gcig gi bar dor nas thig drug gdab par bya'o/ /rtsa ba'i thig las 'thon pa'i thig bdun yang tshangs thig gi g.yas su thig drug pa'i bar du'o//de la gcig ni cha chung gnyis spangs par ro/ /gzhan rnams ni cha chung re re spangs par ro/ /de ltar g.yon du yang ngo / /sngar brjod pa'i rim pas thig thung btab pa ltar gnas pa las gzhan du bya'o/ /ka ba'i steng du rta babs te cha chung bcu gnyis so//de la ka ba'i rtse mo nas phyir thig bcu gcig go/ /de la rta babs sgo'i sum 'gyur te/ de yang snam bu bcu gcig pa zhes gsungs pa'i phyir/ bar rnams ni go rims bzhin du gser dang / rin po che'i shar bu dang / rin po che dang / rmig pa dang / mun pa dang / ba raN+Da dang /mun pa dang / rin chen shar bu dang / rin po che dang / rmig pa dang / mda' yab rnams kyi snam bu'o/ /de rnams las mun pa'i snam bu gnyis so sor dpangs su cha chung phyed dang gnyis so/ /snam bu dgu ni so sor cha chung re re'o/ /'dir gser gyi snam bu ni med de/ 'di ni bre phul gyi snam bu yin no zhes pa ni kha cig go//yang na rin po che'i shar bu dang / rin po che dang rmig pa dang / gser dang / chu srin dang / gser dang / rmig pa dang / rin po che dang / rmig pa dang / gser dang / mda' yab rnams kyi snam bu yin te/ 'di rnams kyi dpangs su dang po dang gnyis pa ni cha chung phyed dang gnyis so//gsum pa ni cha chung gcig go/ /bzhi pa ni cha chung phyed do/ /lnga pa ni cha chung phyed dang gnyis so/ /drug pa ni cha chung phyed do/ /bdun pa ni cha chung gcig go/ /brgyad pa ni cha chung phyed dang gnyis so/ /dgu pa ni cha chung gcig go/ /bcu pa ni cha chung phyed do/ /bcu gcig pa ni cha chung phyed dang gnyis so//'di rnams dang sngar brjod pa'i snam bu bcu gcig po rnams kyi rgya'i tshad brjod par bya ste/ de la tshangs pa'i thig gi g.yas dang g.yon du cha chung phyed dang drug dor bar snam bu dang po ste cha chung phyed dang gsum pa'o/ /de'i steng du thig dang po ni cha chung phyed dang bzhi'o//cha chung drug dor bar gnyis pa dang gsum pa ste/ cha chung gsum pa'o/ /cha chung bzhi dor bar bzhi pa ste/ cha chung lnga ba'o/ /cha chung phyed dang bzhi dor bar lnga pa ni cha chung phyed dang lnga pa'o/ /cha chung gsum dor bar drug pa ste cha chung lnga pa'o/ /bdun pa la sogs pa bzhi ni cha chung bdun pa'o//bcu gcig pa ni cha chung lnga pa'o/ /'di la snam bu lnga pa'i logs su cha chung phyed dang bzhi ni steng gi cha la'o/ /bdun pa la 'og tu cha chung gsum pa ste steng du cha chung drug pa'o/ /snam bu rnams re re zhing phyir ngos kyi mthar thig gcig ji ltar rigs par ro/ /nang gi mthar yang thig dang po'i cha chung phyed dor nas ji ltar rigs par gyen du 'greng ba'i thig gcig go//de dag ni gzhan dang 'brel pas kyog po gcig tu mthong ste/ ji ltar mdzes par bri bar bya'o/ /'di'i nang du rin po che la sogs pa bri ba'i don du cha chung phyed dor nas de kho na bzhin du thig kyog po gcig go//bre phul gyi snam bu 'dod pa la ni de cha chung bcu drug pa yin no/ /gang dag /rgyal po nyes pa gsum nyi ma/ /rgyal po phyogs dang mi rnams gsum/ /phyogs te thad kar cha chung rnams/ /rta babs snam bu'i rim pa yin/ /zhes 'dod pa de la bar gyi cha chung rnams la rin po che'i shar bu la sogs pa med pas rin chen shar bu 'di la cha chung bco brgyad dang ldan pa yin no zhes pa/la sogs pa brjod par ji ltar rigs zhes brtag par bya'o/ /steng du chu srin gyi kha nas 'thon pa'i mu tig gi chun 'phyang la sogs pa ni ji ltar mdzes par ro/ /rta babs kyi steng gi tshangs thig la chos kyi 'khor lo rtsibs bcu gnyis pa cha chung gnyis pa'o//rtsibs brgyad ldan pa'i 'khor lo ni/ /cha lnga ldan pa'i mu khyud can/ /zhes pa ni kha cig tu'o/ /de'i gdan pad+ma dang zla ba ni rta babs kyi snam bu bcu gcig pa la'o/ /gdan gyi g.yas g.yon gyi logs dag tu gnas pa'i mda' yab rnams la gnas pa'i ri dwags dang /ri dwags mo ni 'khor lo la kha bltas shing 'khor lo las cha chung phyed tsam du ring bar gnas pa ste/ cha chung gcig tu mgrin pa dang bcas pa'i gdong pa 'greng zhing mig 'khor lo'i rtse mo la blta ba bri bar bya'o/ /dri ma med pa'i 'od las ni//'khor lo'i g.yas dang g.yon du ni/ /ri dwags dang ri dwags mo'o/ /zhes gsungs so/ /kha cig ni mda' yab med de/ de'i snam bu la ni ri dwags dang / ri dwags mo dag kho na gnas so zhes zer ro/ /'dod pa de ni 'phags pa klu'i blo'i zhabs kyis/ /bum pa ka ba'i steng gnas pa'i//sgo las sum 'gyur rta babs ni/ /phyogs can mda' yab dag dang ldan/ /dril bu'i sgra ni yang dag sgrogs/ /zhes pa'i lung dang 'gal lo/ /'dis ni gdan gyi gzhogs na gnas pa'i ri dwags dang ri dwags mo'i mjug ma'i phyi rol gyi phyogs dag tu mda' yang gnyis gnyis gsungs so//de nyid kyi phyir bzhed pa 'di la ni ri dwags dang ri dwags mo dag mda' yab la gnas pa ma yin no/ /'khor lo'i phyi rol gyi cha chung gnyis la sna tshogs rdo rje'i ra'i rtse mo ste/ 'khor lo'i rtsibs kyi bar rnams su yang mthong ba'o/ /ra cha chung bcu bzhi bar 'dod pa la ni 'khor dang bcas pa'i dkyil 'khor cha chen bcu gnyis pa'i rten sna tshogs rdo rje'i lte ba cha chen bcu gnyis pa'i phyogs so so'i ra pad+ma'i lte ba'i mtha'i bar du gnas pa rnams ni sgo'i cha bzhi dang ldan pa'o zhes par mi 'gyur te/'dod pa de ni sngar dpyad pa yang yin no/ /dkyil 'khor gyi lte bar seng ldeng gi phur pa 'og rtse gcig pa ste/steng rdo rje rtse lnga pa'i rnam pa hUM las skyes par bsams nas gdab pa'i sngags kyis brgya rtsa brgyad du bzlas nas/ brdung ba'i sngags kyis rdo rje tho bas brdungs te/ de la thig skud cha chung dgu bcu rtsa drug pa nyis bltab byas pa btags pas dbang ldan gyi phyogs nas brtsams nas g.yas su ra yi rtse mo nas phyi rol pad+ma'i ge sar gyi ri mo zlum por bskor bar bya'o//de'i phyi rol du cha chung gnyis pa'i pad+ma'i 'dab ma'i phreng ba'i khor yug gi thig zlum po 'dab ma'i rtse mos reg pa chos 'byung gi cha mtshon par byed pa'o/ /kha cig na re gang du yang bde mchog la sogs pa'i dkyil 'khor gyi khyad par 'ga' zhig la chos 'byung bsgom pa med pa de ni chos kyi dbyings kyi nang du chud pa kho na yin pas thig de ni chos kyi dbyings mtshon pa yin no zhes so//gzhan dag ni de khor yug chen po'i ngo bo yin no zhes so/ /de'i phyi rol du cha chung gnyis pa'i rdo rje'i phreng ba'i thig zlum po ste/mthug cing sra ba khor yug chen po'i ngo bo'o/ /rdo rje'i snam bu la rdo rje rtse gsum pa rnams sam/ rtse lnga pa rnams sam sna tshogs rdo rje rnams kyang rung ste lung ji lta bar bri bar bya'o/ /de'i phyi rol du cha chung bzhi pa'i 'od zer gyi sa'i thig zlum po ni 'od zer 'phro ba'i tshad mnyam par bya ba'i don du'o//de nyid kyi phyir der tshon gyi re khA mi bya'o/ /kun dga' snying po ni 'od kyi dkyil 'khor las phyi rol du khor yug zlum por gdab po zhes so/ /rta babs kyi glo rnams su ni dar dpyangs kyi snam bu'i steng du chu srin gyi kha las byung ba'i sna tshogs rdo rje'i ra rnams ni cung zad gzhogs su song nas phyir 'byung ba dbus kyi rgyar cha chung gsum dang ldan pa srid du cha chung bcu drug pa'o//sna tshogs rdo rje rtse lnga pa'i phyogs la ra'i 'gram du rab gzhan dag go/ /rta babs kyi ka ba rtsig pa'i thig las 'thon zhing cha chung bdun pa'o zhes pa'i phyogs ni mi rigs te/gzhal yas khang las cung zad ring bar rta babs kyi ka ba rnams re re zhing stegs bu gru bzhi pa la gnas pa'i phyir ro/ /sa mnyam po la gnas pa nyid kyis stegs bu dang 'brel pa bzhin mthong bas stegs bu'i phyi ngos su 'di rnams bri bar rigs so/ /de bzhin du bar gyi snam bu ni steng du bzhi chas nyung ba'i sgo gnyis kyi tshad yin no zhes pa ni 'chal pa'i rtog par rig par bya'o//de lta bu 'di ni phyogs gcig brjod pa'o/ /rtsa ba'i thig bzhis yongs su bcad pa'i rtsa ba'i dkyil 'khor kho na las thig skud nyis 'gyur gyis ring ba ste/ des tshangs pa'i thig cha chung drug cu rtsa bzhi gdab par bya'o//de ltar yang / tshangs thig gi ni logs re rer/ /cha chen brgyad rnams gdab par bya/ /cha chen 'di rnams nyid la ni/ /re re zhing yang cha chung bzhir/ /de nas tshangs thig logs re rer/ /cha chung sum cu rtsa gnyis so/ /cha chen sgo yi tshad yin te//bzhi cha cha chung brgyad cha bzhi/ /zhes gsungs so/ /gzhan du yang brjod pa/ dkyil 'khor nyis 'gyur lhag par ni/ /gru bzhi dag par yang dag byas/ /de nas thig skud dkar byas nas/ /rang nyid sgrub pa'i grogs dang ldan/ /tsan+dan dkar po bsres pa yi/ /sA lu btags pas spang bar bya//tshangs pa'i thig ni dag pa gnyis/ /'khor lo'i tshang ni gang yin pa/ /de yi nyis 'gyur gdab par bya/ /de yi phyed du rtsa ba'i thig /ces so/ /tshangs pa'i thig gi rtse mo'i pha rol du pad+ma'i ge sar dang / pad+ma'i 'dab ma dang / rdo rje dang 'od kyi phreng ba rnams kyi thig zlum po'o/ / ji skad du/ khor yug gi ni nang du yang / /srid du sgo yi bcu drug go/ /zhes bshad pa ni ge sar gyi re khA nas brtsams nas khor yug tu 'dod do/ /de ji ltar rigs te ge sar dang 'dab ma dang / chos 'byung rnams ni rdo rje'i phreng ba dang ma 'brel la/ rdo rje phreng ba'i tshul can rdo rje'i ra ba ni khor yug du bshad do//de ltar yang 'phags pa klu'i zhal snga nas/ rta babs rdo rje'i rtse mo can/ /de yi phyi rol khor yug ste/ /rdo rje'i phreng ba 'od bzang ldan/ /zhes gsungs so/ /'dis ni rdo rje phreng ba nyid/ /khor yug 'od bzang ldan zhes gsal bar brjod do/ /ci ste zlum skor du mthun pa'i phyir ge sar la sogs pa yang khor yug dang 'dra bas khor yug tu btags la/'di rnams btags par yang bzhed pa yin par go bar bya ste/ de'i phyi rol zhes gsungs pa'i phyir ro zhe na gal te de ltar na de ni legs par brjod do/ /kha cig na re de bas tshig 'di nyid kyis ge sar la sogs pa med do zhes pa ni mi rigs te/pad+ma la sna tshogs rdo rje gnas pa'i phyir ro/ /kha cig tu ni pad+ma dang chos 'byung med par yang de yod do zhes gsungs so zhe na/ /de ltar 'dir pad+ma'i 'dab ma dang bcas pa nyid la der btags pa legs so/ /bsdus pa'i rim par yang / brtan g.yo'i bdag nyid stong par bsgoms nas su//cho ga'i sbyor ba 'di yis ni/ /ye shes sa gzhi byin gyis brlab/ /nam mkha'i khams kyi dbus gnas par/ /rlung gi dkyil 'khor bsgom par bya/ /zhes pa la sogs pa nas/ /dkyil 'khor bzhi bsdus rdo rje yis/ /sa yi cha yi dkyil 'khor te/ der ni b+hUM yig las byung ba'i//gzhal yas khang par rnam par bsgom/ /zhes pa'i bar du ste/ 'dir ye shes sa gzhi dang nam mkha'i khams ni chos 'byung ngo / /de'i dbus ni pad+ma'o/ /der gnas pa'i rlung dang me dang chu dang sa'i dkyil 'khor bzhi 'dres par gyur pas/ sa'i cha sna tshogs rdo rje'i ngo bor bskyed nas/de'i steng du zla ba'i dkyil 'khor la b+hUM las gzhal yas khang ngo zhes pa'i don to/ /de nas 'dir pad+ma med par sna tshogs rdo rje'o zhes pa ni cher 'khrul lo/ /sna tshogs rdo rje'i lte ba ni sgo'i tshad bcu gnyis so/ /de'i ra ba rnams kyi srid du so sor sgo gnyis so/ /de la rtsa ba'i thig gi nang du sgo'i tshad brgyad do//phyi rol srid du sgo gnyis so/ /de la bar skabs kyi snam bu med pa nyid do/ /rta babs ni rta babs kyi ka ba'i bar du ngos su sgo las sum 'gyur ro/ /ka ba'i steng gi rta babs de'i dpangs su sgo gcig gi tshad la snam bu bcu gcig go/ /de la go rims bzhin du rin chen shar bu dang /rin po che dang / rta mig dang gser dang / chu srin dang / gser dang / rmig pa dang / rin po che dang / rmig pa dang / gser dang mda' yab rnams kyi snam bu ste/ sgo'i brgyad cha dang / brgyad cha dang / bcu gnyis cha dang / nyi shu rtsa bzhi cha dang /brgyad cha dang / nyi shu rtsa bzhi cha dang / bcu gnyis cha dang / brgyad cha dang / bcu gnyis cha dang / nyi shu rtsa bzhi cha dang / brgyad cha'o/ /rin chen shar bu rin chen gnas dang gser/ /chu srin de nas gser gyi gnas dang ni/ /rin chen gnas dang gser dang mda' yab ste/ /gnas rnams cha ni bcu gnyis cha ru 'gyur//gser gyi rnam grangs sgo yi nyer bzhi cha/ /snam bu lhag ma sgo yi brgyad cha yin/ /zhes gsungs so/ /'di rnams kyi rgya'i tshad brjod par bya ste/ tshangs thig gi g.yas dang g.yon du cha chung phyed dang lnga dor bar snam bu dang po ni cha chung phyed dang gsum pa'o//de'i steng gi thig dang po ni cha chung phyed dang bzhi pa'o/ /cha chung lnga dor bar gnyis pa dang gsum pa ste cha chung gsum pa'o/ /cha chung bzhi dor bar bzhi pa cha chung gsum mo/ /cha chung phyed dang bzhi dor bar lnga pa cha chung phyed dang bzhi'o/ /cha chung gsum dor bar drug pa ni cha chung lnga pa'o//bdun pa la sogs pa gsum ni cha chung brgyad pa'o/ /bcu pa ni cha chung bdun pa'o/ /bcu gcig pa ni cha chung drug pa'o/ /snam bu rnams so so'i phyi'i mthar thig gcig gyen du ji ltar rigs par ro/ /nang gi mthar yang ste thig dang po ni cha chung phyed dor nas gyen du 'greng ba'o//'di nyid ni thig gzhan dang 'brel pas kyog po gcig tu mthong bar 'gyur te/ ji ltar mdzes par bya'o/ /'di'i nang du rin po che la sogs pa bri ba'i don du cha chung phyed dor te/ de kho na bzhin du thig kyog po gcig go/ /'ga' zhig ni/ de la rgyar ni cha chen po/ /bzhi yis nor bu'i snam bu'o//de bzhin rta mig bcad pa dang / /rang gi mtshan mas brgyan pa ste/ /cha chen phyed dang bzhi pa ni/ /rin chen shar bu gser de bzhin/ /cha ni chen po gsum nyid kyis/ /chu srin dang ni mda' yab po/ /zhes smra'o/ /'dod pa de la bar gyi cha chung rnams la rin chen shar bu la sogs pa med na/rin chen shar bu'i snam bu cha chung bcu drug ces pa la sogs pa brjod pa ji ltar rigs zhes dpyad par bya'o/ /rta babs kyi steng du sgo tshad gcig gi tshangs thig la chu chung gnyis pa'i 'khor lo'o/ /de'i gdan ni mda' yab kyi snam bu'o/ /de'i glo dag tu sngon bzhin ri dwags dang ri dwags mo'o//de dag gi mjug ma'i pha rol tu mda' yab la gnas shing / spre'us bzung ba'i zla tshes dang / rin po che dang / rdo rje'i rtse mo can gyi cha chung phyed dang gsum pa'i rin po che'i yu ba la mtha' mar dar lce'i sham bu dang bcas pa'i g.yog cha chung gnyis pa'i gdugs dkar po gnyis te/kha cig tu ni dmar po dar dpyangs gnyis 'phyang ba'o/ /de'i steng yu ba bzhi pa'i chad/ /gdugs g.yog dag kyang de bzhin no/ /zhes ni gzhan zer ro/ /kha cig ni gdugs cha chung drug pa'o zhes so/ /mda' yab mtha' ma'i steng du cha chung gcig pa'i rgyal mtshan dang ba dan no/ /'khor lo las phyir ngos su cha chung gnyis pa'i sna tshogs rdo rje'i ra ste/'khor lo'i rtsibs kyi bar bar rnams su yang mthong bzhin pa'o/ /de'i phyi rol gyi phreng ba gnyis kyi snam bu dag ni cha chung gcig pa dag gam/ gnyis pa dag go/ /'od kyi phreng ba ni cha chung gnyis pa'o/ /de ltar yang rdo rje mkha' 'gro'i rgyud las/ phyi rol 'od kyi dkyil 'khor ni/ /tshon gyi sa yi nyis 'gyur tshad/ /khor yug de yi phyi rol du/ /shing sogs dur khrod brgyad po yin/ /zhes gsungs so/ /dur khrod rnams ni dur khrod na gnas pa'i lha rnams kho na la yod kyi gzhan rnams la ni ma yin no/ /skal ba dang mi ldan pa 'dus pa ni de rnams kyang rdul tshon gyi dkyil 'khor du mi bri'o//gzhan du 'od zer gyi snam bu cha chung bzhi par gsungs so/ /kha cig tu ni bde mchog gi dkyil 'khor la/ /rdo rje pad+ma 'khor lo'i gzugs/ /ra ba gsum yang dgod par bya/ /zhes pa 'dis rdo rje phreng ba las phyi rol du pad+ma dang 'khor lo'i phreng ba dag gsungs so//zlum po bskor ba'i don du thig skud mtho gang la sogs pa lhag par bya'o/ /thig skud brkyang bas kyang zlum po'i thig bya'o/ /bcom ldan 'das kyis dkyil 'khor nyis 'gyur du ring bar gsungs pa ni bri bya'i dkyil 'khor la sna tshogs rdo rje dang de'i rten gyi lte ba'i mtha' ma mnyam pa tshun chad rtsa ba'i dkyil 'khor gyi nang dang phyi mnyam par mtshon pa ste 'di ni phyogs gnyis pa'o//klu'i blo'i zhabs kyis ni phyogs dang po nyid bsngags so/ /des ni sgo khyud dang 'gram dag gi tshad mnyam pa dang / bum pa ka ba'i steng gnas pa'i/ /rta babs sgo las sum 'gyur dang //zhes gsungs so/ /de ltar na rta babs ni sgo las ngos su sum 'gyur du mi 'gyur te bzhi 'gyur du 'gyur ro/ /de'i phyir de ni dpangs su sum 'gyur nyid du bzhed do/ /kun tu stegs bu sgo yi phyed/ /'gram dang logs kyang de bzhin no/ /zhes pa'i lung las/ bcom ldan 'das kyis 'gram pa ni sgo'i phyed du yang gsungs la/ngos su rta babs sgo'i sum 'gyur gyi phyogs kyang ngo / /de ltar phyogs gnyis ka yang kho bos bshad do/ /phyogs gnyis pa la dbus kyi dkyil 'khor las pad+ma'i ge sar gyi zlum po'i thig tshun chad kyi dkyil 'khor du nyis 'gyur du brjod do//phyogs dang po la ni dbus kyi dkyil 'khor 'khor dang bcas pa las 'od kyi phreng ba'i bar nyis 'gyur du'o/ /rta babs kyi ka ba las phyi rol pad+ma'i ge sar zlum po'i thig las tshu rol cha chung bcu bzhi pa'o zhes pa ni phyogs gnyis ka dang yang mi mthun pas spangs so/ /'dir sgo dang sgo khyud kyi mtshams su cha chung gcig pa la zla tshos la gnas pa'i rin po che dmar po'am/ser po'am/ ljang gu'am/ nag po yang rung ste/ steng du rdo rje phyed pas mtshan pa'am/ yongs su rdzogs pa'i rdo rjes mtshan pa'o/ /de ltar yang / tshon gyi sa las phyi yi zur/ /sgo dang sgo khyud mtshams rnams su/ / zla ba rin chen rdo rjes mtshan/ /kun nas yongs su 'bar ba yin/ /zhes gsungs so/ /gzhan du yang / stegs bu'i phyi dang nang gi zur rnams su/ /zla ba nyi ma rin chen rdo rje dag/ /rdo rjes mtshan pa'am rin chen gcig po ni/ /mkhas pa rnams kyis rim bzhin yang dag bri/ /zhes so/ /rta babs kyi ka ba rnams ni stegs bu gru bzhi pa la gnas pa'i bum pa la gnas pa'o//de ltar yang / chu srin kha nas chu srin bar/ /rta babs sgo las sum 'gyur ro/ /stegs bu bum pa las byung ba'i/ /rta babs ka ba drang por bya/ /zhes gsungs so/ /de rnams kyi rtsa ba dang rtse mo la nor bus spras pa'o//dbus su glang po che'i steng du dpung pa la bteg pa'i seng ge'o/ /rta babs kyi gdung nas dang nge med pa'i phyogs la rin chen shar bu'i snam bu nas 'phyang ba'i rin po che'i pa tra 'phro ba las ji ltar mdzes par dbyangs ba'i kha dog dmar po dang ser po la sogs pa'am sna tshogs pa'i dar dpyangs dang /rin po che'i yu ba can gyi rnga yab rnams so/ /kha gcig tu ni dar dpyangs kyi snam bu la glang po che'i steng du seng ge'i kha nas rin po che'i do shal 'phyang ba dang / ka ba'i dbus su me long zhes gsungs so/ /rin po che'i snam bu la ni zur gsum dang / thig le dang / gru bzhi dang / zlum po rnams rim pas rin po che'i bcings pa ni ka ba so so'i gzhogs su'o//dra ba'i snam bu la gser gyi ske rags bzhi'i ngos su chu srin ma ka ra'i kha nas byung ba'i mu tig gi do shal skud pa dmar po las brgyus shing / glo gnyis dang / steng dang 'og tu gser gyis bsdams pa'i nor bu dbus na yod pa dang / do shal gyi glo gnyis su do shal phyed pa cung zad thung bar 'phyang ba'i rin po che'i phreng ba drang zhing rtse mo gser gyis bsdams pa'i nor bu sbom po dang ldan pas mdzes pa dang /kha cig tu ni rin po che'i yu ba can gyi rnga yab dang / dril bu'i mthar rnga yab 'phyang ba'o/ /kha cig tu ni dra ba phyed pa'i glo gnyis su yid du 'ong ba'i me tog phreng ba'i dra ba phyed pa 'phyang zhing /de'i glor gos sna tshogs pa'i dra ba phyed pa'o zhes gsungs so/ /gzhan ni grwa rnams su yid du 'ong ba'i me tog gi phreng ba'i ngo shal phyed pa dang / dar gyi chun po'i do shal rnams so zhe'o/ /do shal gyi nang du kha cig tu ni pad+ma la zla tshes dang rdo rje phyed bas mtshan pa'i nyi ma'i dkyil 'khor ro//kha cig tu ni rin po che'o/ /kha cig tu ni pad+ma la gnas pa'i rdo rje'o/ /phyogs rnams su pad+ma'i 'dab ma phyed pa'i dbyibs can gyi mda' yab rnams la gser gyi bum pa la gnas pa'am/ rin po che'i bum pa la gnas pa'i rgyal mtshan dang / ba dan brgyad de/zla tshes dang rin po che dang / rdo rje dang ldan pa'i rtse mo can rin po che'i dbyug pa la bcings zhing dril bu 'khrol ba bcings pa'i dar lce gsum pa rtse mo la ri dwags kyi rgyal po dang / ngang pa'i rgyal po dang klu za ba dang / nya sbu rgyas pa dang chu srin gyis mtshan pa/ rlung gis bskyod pas sum khugs su 'khyog cing 'gying ba'i cha byad can/dril chung gi sgra sgrogs pas sil sil zer ba rnga yab dang bcas pa'o/ /ba dan rnams kyang de bzhin de/ /ri dwags la sogs pa'i mtshan ma gzhan dang ni bral ba'o/ /grwa bzhir mnga' yab kyi steng du gdugs bzhi'o/ /rta babs la rnam par bkra ba'i bla re dang do shal dang do shal phyed pa'o//rta mig dang ba dan gyi mtha' rnams su rgyal mtshan dang ba dan rnams te ji ltar mdzes par ro/ /seng ge dang / seng ge rkang pa brgyad pa dang / ngang pa dang / rma bya dang / mi'am ci dang / mi'am ci mo rnams kyang ngo / /rta babs kyi gzhogs rnams su shin tu mi ring bar bum pa bzang po las skyes pa'i dpag bsam gyi shing rnams te/glang po che la sogs pa rin po che bdun dang ldan pa'o/ /bar bar du ni grub thob rnams dang / me tog gi phreng ba bzung ba sprin gyi sbubs las byung ba'i lha'i lus can rnams so/ /de lta bu 'di ni rtsa ba'i dkyil 'khor las phyi rol du thig gdab cing bri ba'i rim pa ste dkyil 'khor thams cad kyi thun mong ngo //nang du ni bye brag tu brjod par bya ste/ rtsa ba'i thig gi nang du sgo'i tshad du lha snam dor nas ngos thig gcig zur thig gnyis kyi bar du'o/ /de'i nang du gzugs rdo rje ma la sogs pa dgod pa'i don du sgo tshad dor nas tshangs pa'i lte ba la gnas pa'i thig skud kyis tshangs pa'am dbang ldan gyi thig nas bzung nas/dbus kyi dkyil 'khor gyi mtshams kyi zlum po'i thig dang po'o/ /de'i nang du rdo rje phreng ba'i cha chung spangs nas de ltar zlum po'i thig gnyis pa'o/ /de nas phyogs gzhan gyi zlum po'i thig gi bar du tshangs thig gi g.yas phyogs su thig gnyis te/dang po ni cha chung gnyis dor bar ro/ /gnyis pa ni gtso bo'i mtshan ma dang ka ba'i cha chung dor nas so/ /de ltar g.yon du'o/ /'dir lhor gnas te byang du phyogs pas shar phyogs su ka ba'i thig gdab bo/ /byang du gnas te lhor phyogs pas nub tu'o//nub tu gnas te shar du phyogs pas byang du'o/ /shar du gnas te nub tu phyogs pas lhor ro/ /rdo rje mkha' 'gror ni zlum po'i thig dang po las phyir 'od kyi phreng ba'i don du cha chung gcig spangs par zlum po'i thig gcig gsungs so/ /de nas tshangs thig dang zur thig phyi bas re mig dgur 'gyur ro//gzhan yang tshangs thig dang gtso bo'i gnas kyi snam bu'i nang gi thig rnams ni dbyi bar bya'o/ /lha'i gnas dang tshon khyad par du bya ba'i don du zur thig dang lha snam gyi thig rnams ni gzhag cing rdul tshon gdab pa nyid kyis g.yogs par bya'o/ /'dir gal te de ltar gdab pa las gzhan du gdab par 'dod na de'i tshe tshangs thig gi phyi rol du cha chung gnyis spangs par thig gcig go//de'i phyi rol du cha chung re re dor bar thig drug ste/ thig bdun ka yang gzhal yas khang gi mda' yab kyi thig gi bar du'o/ /de la dkyil 'khor gyi brjod pa'i bdun gdab pa nyid btab nas sngar bzhin thig zlum po gsum byas te/sngon gyi thig gdab pa'i rim pas gnas pa'i thig rnams bzhag ste gzhan rnams dbyi bar bya'o/ /'di gnyis ka yang 'jam pa'i rdo rje'i dkyil 'khor gyi thig gdab pa'o/ /gtso bo gzhan dgod pa la yang 'di'o/ /'dis ni/ gru bzhi pa la sgo bzhi pa//rta babs bzhi yis rnam par brgyan/ /thig bzhi dang ni yang dag ldan/ /phyi yi dkyil 'khor thig gdab bya/ /de yi nang du dkyil 'khor ni/ /dkyil 'khor brgyad pa lta bu yin/ /phyi yi 'khor lo'i phyed du ni/ /kun nas yongs su zlum po'o/ /'khor lo ka ba la sogs spras//rdo rje phreng bas bskor zhing mdzes/ /zhes pa dang / 'khor lo ka sogs thig rnams kyi/ /sa ni tshon gyi sa dang mnyam/ /zhes pa yang rnam par phye'o/ /bsdus pa'i rim par gsungs pa'i dkyil 'khor la yang gdab pa'i tshul 'di nyid do/ /khyad par du zlum po'i thig gnyis pa'i nang du yang rdo rje phreng ba'i cha chung dor bar zlum po'i thig gsum mo//zlum po dang po'i nang du ni 'od kyi phreng ba'o/ /zlum po'i thig dang po las phyi ngos su ni zlum po'i thig med do/ /klu'i blo'i zhabs kyis gang gsungs pa/ dbus kyi 'khor lo yi ni tshad/ /rtsa ba'i thig gi phyed kyis so//zhes dang / tshangs las stegs bu tsam du 'gyur/ /stegs bu phyed du gnyis pa ste/ /gsum pa stegs bu phyed dang gnyis/ /stegs bu'i phyed kyi gzhan yin te/ /'od zer lnga yis rnam brgyan pa'i/ /rdo rje phreng ba gsal bar bya/ /nang gi 'khor lo'i phyi rol du/ /thig bzhi mnyam par kun nas bri//rdo rjes mtshan zhing legs mdzes pa'i/ /ka ba brgyad ni nang du bri/ /de nyid du ni re mig dgu/ /rdo rje ka ba'i bar du'o/ /zhes so/ /dpal kha sbyor gyi rgyud du gsungs ba'i rdo rje sems dpa'i dkyil 'khor la/ rtsa ba'i thig gi nang du cha chung gsum gyi bar spangs nas bar du cha chung phyed pa'i zlum po'i thig gnyis kyi dbus su chud pa'i 'khor lo'i phreng ba'o//de'i nang du cha chung gsum dor nas bar du cha chung phyed pa'i thig zlum po gnyis kyi bar du chud pa'i pad+ma'i phreng ba'o/ /de'i nang du cha chung gsum dor te zlum po'i thig gi mtha' nas cha chung phyed kyi bar du ni 'od zer gyi phreng ba'o//de'i nang du cha chung phyed kyi bar gyi thig zlum po gnyis kyi nang du rdo rje'i phreng ba'o/ /'dir nang gi thig zlum po nas phyogs gzhan gyi zlum po'i thig gi bar du tshangs pa'i g.yas logs su thig gnyis te/ dang po ni cha chung phyed dang gnyis dor bar ro/ /gnyis pa ni gtso bo'i mtshan ma dang ka ba'i cha chung phyed dor nas so//de ltar g.yon du yang ngo / /sngon bzhin tshangs thig la sogs pa dbyi'o zhes pa bye brag dang bcas pa gdab pa'i tshul lo/ /ye shes mkha' 'gro ma'i dkyil 'khor du/ rtsa ba'i thig gi nang du cha chung bzhi dor bar thig zlum po'o/ /de nas dbus kyi cha chung dor bar gnyis pa'o//de nas rdo rje phreng ba'i cha chung dor bar gsum pa'o/ /de nas lha mo'i cha chung drug dor bar ngos kyi thig gcig ste zlum po la reg pa'o/ /de nas ka ba dang gtso bo'i phyag mtshan gyi don du cha chung gcig dor nas de bzhin du gnyis pa'o zhes pa khyad par gyi thig go/ /bcu bdun gyi bdag nyid dgyes pa'i rdo rje bzhi'i dkyil 'khor la/rtsa ba'i thig gi nang du tshangs pa dang zur thig rnams nyid de thig gzhan btab pa ni med do/ /tshangs pa'i thig las phyi ngos su thig zlum po bzhi'o/ /de la dang po ni lte ba yin te cha chung gcig gi brgyad chas lhag pa'i cha chung phyed dang gsum dor nas so/ / gnyis pa ni 'dab ma rnams kyi ste bzhi cha dang bcas pa'i cha chung lnga'i bar dor nas so/ /de'i phyi ngos su cha chung gcig gi brgyad cha dor nas kyang / cha chung gcig dor bar gsum pa ste rdo rje'i phreng ba yin no/ /bzhi pa ni dbus kyi 'od zer gyi thig ste cha chung gcig dor nas so/ /nyi shu rtsa gsum gyi bdag nyid can dang /bco lnga'i bdag nyid can bdag med ma dang / ku ru kul+le'i dkyil 'khor la yang de nyid do/ /rdo rje bdud rtsi bzhi yang de ltar ro/ /dgu'i bdag nyid can dgyes pa rdo rje bzhi'i ni tshangs thig las phyi ngos su lte ba'i don du cha chung lnga dor nas gser gyi thig zlum po gcig go/ /de'i phyi ngos su 'dab ma'i don du cha chung bcu spangs par thig gcig go zhes pa khyad par ro//de'i phyi ngos su cha chung gcig la bum pa rnams sam de la rdo rje'i phreng ba'o zhes pa kha cig go/ /lnga'i bdag nyid bcom ldan 'das sgyu ma chen mo'i dkyil 'khor la yang de lta bu nyid do/ /dgu'i bdag nyid bcom ldan 'das sangs rgyas thod pa'i dkyil 'khor la yang de ltar ro//rdo rje hUM mdzad kyi dkyil 'khor la tshangs pa'i thig nas cha chung phyed dang gsum dor bar ge sar gyi thig zlum po'o/ /de'i phyi ngos su 'dab ma'i don du cha chung lnga dor bar thig zlum po'o/ /de nas cha chung dor bar phyogs dang phyogs mtshams rnams su cha chung phyed dang brgyad pa'i 'dab ma brgyad de/shar gyi pad+ma las phyi rol tu pad+ma cha chung gsum pa'o/ /nub kyi pad+ma las kyang de bzhin no zhes pa gdab pa'i khyad par ro/ /bcom ldan 'das bde mchog dang rdo rje phag mo'i dkyil 'khor la rtsa ba'i thig gi nang du tshangs thig dang zur thig gnyis gnas pa la/ tshangs thig las phyi ngos su cha chung gnyis dor nas thig gcig rtsa ba'i thig la thug par gdab bo//zur thig gi g.yas dang g.yon du cha chung gnyis dor bar thig re re ste/ srid du lte ba'i glo gnyis pas sgo'i tshad bzhi bzhi'o/ /de nas tshangs thig dang zur thig gi phyi'i thig las phyi rol du cha chung gnyis dor bar thig dang po ste/tshangs thig dang zur thig dang de dag gi glo'i thig gi steng dag tu sgo'i tshad de/ thad kar logs dag tu cha chung gnyis gnyis kyi phyir ro/ /de'i phyi ngos su de ltar thig lnga'o/ /de bzhin du zur dang de dag gi 'gram gyi thig gi steng tu thig drug pa yang ngo / /de nas tshangs thig gi g.yas su dang po'i cha chung gcig gi mtha' nas phyung ste/gnyis pa'i rtse mor song nas gsum pa'i cha chung gcig gi mthar zhugs te bzhi ba'i rtse mor song nas lnga ba'i cha chung gcig gi mthar zhugs te/ drug pa'i rtse mor song nas bdun pa'i cha chung gcig gi mthar zhugs pa'i thig kyog po gcig go/ /'di'i nang du cha chung phyed dor nas 'di lta bu'i kyog po'i thig gnyis pa'o//de lta bu'i thig kyog po gnyis tshangs thig gi g.yon du yang ngo / /de bzhin du zur thig g.yon dang cig shos dag tu yang ngo / /de nas lte bar thig skud bzung nas rtsa ba'i thig nas brtsams nas nang du sgo re re spangs par tshangs thig la thig skud bzung bas thig zlum po bzhi'o//ji skad du/ rtsa ba'i thig nas nyer bzung ste/ /zlum po'i thig ni rnam bzhi'o/ /'khor lo gsum ni sgo tshad du/ /yang dag bskor bas phyin pa'o/ /lhag ma pad+ma 'dab ma brgyad/ /tshad de 'di las lhag chad min/ /thugs sogs 'khor lo'i mu khyud la//rdo rje pad+ma 'khor lo'i phreng / /zhes gsungs so/ /de la dang po gsum re re'i nang du cha chung phyed dor bar zlum po'i thig gcig go/ /bzhi pa thugs kyi 'khor lo'i lte ba'i nang mtshon par byed pa'i nang du cha chung gi bzhi cha las pha rol cha chung phyed dang gsum pa'i 'dab mdor bar lte ba'i don du ge sar gyi phreng ba'i ngo bo'i thig gcig go//rdo rje'i phreng ba'i don bzhi pa'i nang du cha chung phyed dor bar zlum po gcig go zhes kyang kha cig go/ /gzhan ni rtsibs kyi glo dag tu shin tu mi bzad pa'i rdo rje bzhis bskor ro zhes so/ /kha cig ni rtsibs kyi 'gram gyi steng du ji ltar rigs par rdo rje dang pad+ma dang 'khor lo'i phreng ba'o zhes so//'dir phyi rol gyi thig zlum po dang nang gi thig zlum po dang / rtsibs kyi thig rnams bsrung la gzhan ni dbyi bar bya'o/ /khyad par du gdab pa'o/ /nyi shu rtsa lnga'i bdag nyid kyi sangs rgyas thod pa'i dkyil 'khor la yang 'di nyid yin no/ / khyad par ni dang por brjod pa'i zlum po'i thig bzhi pa dang / ze'u 'bru'i thig mi bya'o/ /zlum po'i thig drug pa'i nang du ni 'dab ma cha chung lnga pa dor nas 'dir ge sar gyi rang bzhin zlum po'i thig gcig go/ /dpal rnal 'byor nam mkha'i dkyil 'khor la rtsa ba'i thig gi nang du cha chung phyed dang bcas pa'i gsum dor nas bar du cha chung gcig pa'i zlum po'i thig gnyis kyi dbus su chud pa'i rdo rje'i phreng ba'o//de nas cha chung phyed dang bzhi dor bar thig gzhan rnams ni bsdus pa'i rim par gsungs pa'i dkyil 'khor bzhin no/ /rtsa ba'i thig gi nang du gzhal yas khang gnyis pa ste/ thig kyang 'og nas 'chad par 'gyur ba'i bzhi bcu rtsa gsum gyi bdag nyid 'jam pa'i rdo rje'i dkyil 'khor lta bu'o zhes gzhan no//gcig dbus kyi gzhal yas khang pas gzhal yas khang gnyis pa zlum po'o zhes so/ /gzhan ni 'dir gzhal yas khang med de rdo rje'i phreng ba ni sngar bzhin no zhes so/ /bcu gsum gyi bdag nyid dpal gshin rje gshed kyi dkyil 'khor la tshangs thig dang zur thig rnams kho na ste gzhan med do//de la tshangs thig nas sgo gnyis kyi bar dor nas zur thig gi bar du ngos su sna tshogs rdo rje'i lte ba'i thig gcig go/ /de'i nang du cha chung gcig dor nas rdo rje'i phreng ba'i thig gcig go/ /lte ba'i thig las sgo'i bar du rwa lnga'o//de'i rjes la tshangs thig dang zur thig rnams dbyi bar bya'o/ /'di ni khyad du gdab pa'o/ /rdo rje sgrol ma'i dkyil 'khor la tshangs thig dang zur thig rnams gnas pa nyid la tshangs thig gi phyi rol du lte ba'i cha chung gsum dor bar thig zlum po gcig go/ /de'i phyi ngos su 'dab ma cha chung drug dor bar thig zlum po gcig go//tshangs thig dang zur thig rnams dbyi'o/ /nyi shu rtsa lnga'i bdag nyid can 'od zer can gyi dkyil 'khor la 'jam pa'i rdo rje'i dkyil 'khor bzhin thig gdab bo/ /bcu gsum gyi bdag nyid can bsrung ba lnga'i dkyil 'khor la tshangs thig dang zur thig rnams nyid de gzhan ni med do//de la tshangs pa'i thig gi phyi rol kun tu cha bzhi dor bar dbus kyi pad+ma'o/ /de'i phyi ngos su cha chung gcig dor bar phyogs rnams su pad+ma bzhi'o/ /tshangs thig dang zur thig dbyi'o zhes pa khyad par du gdab pa'o/ /lnga bcu nga gsum gyi bdag nyid can rdo rje dbyings kyi dkyil 'khor la rtsa ba'i thig gi nang na rang gi sgo gnyis kyi tshad spangs par zur thig gnyis kyi bar du ngos su thig gcig go//de nyid ni gnyis pa nang gi dkyil 'khor gyi rtsa ba'i thig yin te/ sgo dang sgo khyud la sogs pa mda' yab kyi thig gi bar dang ldan zhing rta babs la sogs pa med pa'o/ /rtsa ba'i thig 'di'i nang du bar med pa nyid zlum po'i thig dang po'o//de'i nang du rdo rje phreng ba'i cha chung gcig spangs par gnyis pa'o/ /de las phyogs gzhan gyi thig zlum po'i bar du tshangs thig gi g.yas kyi char thig gnyis te dang po cha chung gnyis spangs par ro/ /gnyis pa ni ka ba'i cha chung dor bar ro/ / de ltar g.yon du yang ngo / /de nas tshangs thig dang zur thig phyi bas re'u mig dgur 'gyur ro/ /gzhan tshangs thig dang gtso bo'i gnas kyi snam bu'i nang gi thig rnams ni dbyi'o/ /khyad par du gdab pa'o/ /de nyid bsdus pa las dbus kyi gzhal yas khang rta babs dang bcas pa'o zhes gsungs pa ni khams gsum rnam rgyal gyi dkyil 'khor kho na'i 'o//gang yang / rdo rje'i ka rtse gnas rnams su/ /dkyil 'khor lnga yi brgyan pa'o/ /zhes gsungs pa ni de bzhin gshegs pa lnga'i gnas rnams su rdo rje'i ri mo zlum po bri bar bya ste/ de rnams la yang zla ba'i dkyil 'khor lnga bris zhes kun dga' snying pos bshad pa 'di ni mi rigs te/rdo rje'i ri mo zlum po'i rjod byed rgyud tshig 'di la med pa'i phyir ro/ /bzhi bcu rtsa gsum gyi bdag nyid can 'jam pa'i rdo rje'i dkyil 'khor la rtsa ba'i thig gi nang du sgo gnyis spangs par zur thig gnyis la reg pa'i logs thig gcig go//de nyid ni gnyis pa nang gi dkyil 'khor gyi rtsa ba'i thig yin te/ sgo dang sgo khyud la sogs pa mda' yab kyi thig gi bar du ldan zhing rta babs la sogs pa med pa'o/ /'di'i nang du rang gi sgo gnyis spangs par zur thig la reg pa'i logs thig gcig go/ /de nyid gsum pa nang gi dkyil 'khor gyi rtsa ba'i thig yin te/sgo dang sgo khyud la sogs pa dang ldan zhing rta babs la sogs pa med pa'o/ /rtsa ba'i thig 'di'i nang du bar med pa nyid du zlum po'i thig dang po'o/ /zhes pa la sogs pa bshad pa'i rdo rje dbyings kyi nang gi dkyil 'khor lta bu'i dkyil 'khor gsum pa'o/ /khyad par du gdab pa'o//bcom ldan 'das chos kyi dbyings ngag gi dbang phyug gi dkyil 'khor la dkyil 'khor thams cad thun mong du phyi'i dkyil 'khor gyi thig gdab pa'i tshul sngar brjod pa shes par bya ste/ phyi'i rtsa ba'i thig la sogs pa'i thig bdun ni zlum po ste 'di ni khyad par ro/ /gang gsungs ba kun nas zlum po bzang po ste/zhes pa la sogs pa'o/ /sgo khyud dang 'grel pa'i rtsa ba'i thig 'di'i nang du sgo gnyis kyi bar spangs nas zur thig gnyis po la reg pa'i ngos thig gcig go/ /de nyid ni gnyis pa nang gi dkyil 'khor gyi rtsa ba'i thig yin te/ sgo dang sgo khyud la sogs pa nas mda' yab gyi bar dang ldan zhing rta babs med pa'o//rtsa ba'i thig 'di'i nang du de lta bu'i dkyil 'khor gsum pa'i rtsa ba'i thig ni de bzhin no/ /rtsa ba'i thig 'di'i nang du rang gi sgo gnyis zhes pa la sogs pa brjod pa'i rdo rje dbyings kyi nang gi dkyil 'khor bzhin du dkyil 'khor bzhi pa'o/ /khyad par du gdab pa'o/ / ngan song yongs su sbyong ba'i dkyil 'khor la bsdus pa'i rim par gsungs pa'i dkyil 'khor bzhin du gdab pa ste/ 'on kyang rdo rje phreng ba'i nang du ka ba brgyad la sogs pa med par 'khor lo rtsibs brgyad ser po nyid kyis brgyan pa ni khyad par zhes so/ /bcom ldan 'das 'byung po 'dul byed kyi dkyil 'khor la rtse ba'i thig gru bzhi pa'i nang du cha chung bzhi dor bar zur thig gnyis la reg pa'i logs thig gsum mo//de'i nang du cha chung bzhi'i bar du de bzhin du logs thig gcig go/ /de'i nang du cha chung bzhi dor bar 'jam pa'i rdo rje'i dkyil 'khor du brjod pa'i nang gi pho brang lta bu'i nang gi pho brang ngo / /rim pa bzhin gdab pa'o//mkha' 'gro lnga'i dkyil 'khor la rtsa ba'i thig gi nang du dkyil 'khor chen po'i sgo bzhi cha'i cha phyed dang gnyis kyi bar dor nas/ gzhan cha chung dgu'i bar la cha mnyam pa bcu gnyis byas nas logs so sor cha gnyis dor te/ dbus kyi cha gnyis kyi tshad kyi rtsa ba'i thig bzhi'o/ / de re re'i brgyad cha ni sgo'o/ /rtsa ba'i thig las phyi ngos su thig drug ces pa la sogs pa sngar bzhin du bya'o/ /de ltar phyogs rnams su rta babs med pa'i gzhal yas khang bzhi pa'o/ /dbus su yang de bzhin du gzhal yas khang lnga pa'o/ /cha chung dgu zhes pa la sogs pa ni 'dir yang rig par bya'i/ de lta mod kyi gzhal yas khang 'di dang bzhi po rnams kyi bar na dkyil 'khor chen po'i cha chung gcig go/ /'dir kye'i rdo rje'i gzhal yas khang la rtsa ba'i thig gi nang du cha chung gcig la gnas shing / thig gnyis kyi nang du son pa'i rdo rje'i phreng ba gru bzhis bskor ba'i zla ba phyed pa'i rnam pa'o/ /rtag pa'i 'khor lo'i phreng bas bskor ba'i zlum po'o//rdo rje nyi ma'i cha dgu pa'i rin po che'i phreng bas bskor ba'i rin po che cha dgu pa'am brgyad pa lta bu'o/ /pad+ma gar gyi dbang phyug gi pad+ma'i phreng bas bskor ba'i gru bzhi pa zur bzhi sgo la phyogs pa'am pad+ma'i rnam pa'o/ /rta mchog gi ral gri'i phreng bas bskor ba'i grwa gsum pa'o//khyad par du gdab pa'o/ /gzhal yas khang thams cad du yang rang rang la ltos nas rtsa ba'i thig dang sgo dang cha chung gi tshad rnams rig par bya'o/ /'khor los sgyur ba drug gi dkyil 'khor ro/ /gzhal yas khang chen po'i cha chung gi tshad kyis tshangs thig nas gang cha chung bzhi pa'i bar gzhan cha chung bzhi pa'i bar dang bcas pa de cha chung bcu gnyis su byas la/mdun dang rgyab dang g.yas dang g.yon gyi mtha' rnams su so sor cha gnyis kyi nang du rtsa ba'i thig cha brgyad kyi tshad du gdab po/ /de dang bstun pa'i sgo'i cha chung gis sgo khyud la sogs pa'i thig dang mda' yab kyi thig gi bar du gdab po//de nas phyi rol du dkyil 'khor chen po'i cha chung gi tshad kyis cha chung gnyis kyi bar dor nas tshangs thig la thig skud bzung nas tshad kyi don du thig zlum po gcig go/ /'di'i cha mnyam pa lnga byas nas cha re re'i dbus las byung ba'i tshangs thig ni dkyil 'khor chen po'i cha chung gi tshad kyi cha chung brgyad pa'o//de'i dbus su de bzhin du tshangs thig gzhan no/ /gnyis pa 'di re re zhing cha chung gnyis su byas la zhes pa la sogs pa nas rab tu gdab po zhes pa'i mthar thug pa de ma thag par brjod pa dag bya'o/ /dkyil 'khor drug po 'di rnams la zur thig rnams kyang gdab par bya'o//'di rnams kyi tshangs thig nas phyi ngos su lta ba'i cha chung gsum gyi bar spangs par thig zlum po gcig go/ /de'i phyi ngos su 'dab ma'i cha chung drug spangs bar thig zlum po gcig go/ /de'i phyi ngos su phyogs dang mtshams rnams su cha chung drug pa'i pad+ma brgyad do//de nas thig zlum po gcig go /de'i phyi ngos su cha chung gcig dor bar thig zlum po'o/ /de nas thams cad du tshang ba dang zur thig dbyi bar bya'o/ /de lta bu ni 'dir gdab pa'i khyad par ro/ /gzhan pho brang bdun pa la sogs pa'i gzhal yas khang gi khyad par rnams kyang bshad pa'i rjes su 'brangs te dpag la mkhas pa rnams kyis thig gdab pa'o//dus kyi 'khor lo'i dkyil 'khor la ni 'dir brjod pa'i rgyud gzhan ma lus par gsungs pa'i cho ga rnams las nyi ma'i shing rta la sogs pa 'dul ba'i don du bya ba mi mthun par gsungs so/ /de'i phyir rdzogs pa'i rim pa'i rnal 'byor pas bcom ldan 'das rdo rje 'chang chen po nyid mngon par 'dod pa thams cad grub par bya ba'i phyir sku sna tshogs pas dkyil 'khor ma lus pa'i dbang phyug nyid du 'gyur ro zhes lhag pa'i mos pa bstan pas/rgyud gzhan gyi cho gas kyang rab gnas la sogs pa bya ba mi 'gal te mngon par 'dod pa sgrub par byed do zhes pas/dus kyi 'khor lo'i bya ba spros pa dor nas dkyil 'khor gyi thig gdab pa tsam brjod par bya'o/ /rdul tshon bri ba tsam ni 'chad par 'gyur ba'i rdul tshon bri ba'i skabs su brjod par bya'o/ /'dir slob dpon gyi mthe bo nyi shu rtsa bzhi khru yin la/khru bzhis dkyil 'khor ro/ /de nyis 'gyur srid du khru brgyad pa'i tshangs thig gnyis gdab par bya'o/ /de nas de bzhin du zur thig gnyis so/ /thig skud ni sbom du slob dpon gyi nas kyi tshad do/ /de la thugs kyi dkyil 'khor gyi sgo'i drug cha ni mthe bong phyed kyi tshad de cha chung du tha snyad gdags par bya'o//de la tshangs thig gi lte bar gtso bo'i pad+ma'i lte ba'i don du tshangs thig las phyi ngos su cha chung gnyis dor nas tshangs thig gzhan gyi steng du bzung ste thig zlum po gcig gdab po/ /de nas 'dab ma'i cha chung bzhi dor nas thig gcig gdab bo/ /de nas rdo rje'i phreng ba'i cha chung spangs par thig gcig go//de nas lha'i pad+ma'i cha chung bzhi dor bar thig gcig go/ /de nas rdo rje'i phreng ba'i cha chung gcig dor bar thig gcig go/ /thig bzhi po 'di rnams ni zur thig gnyis kyi bar du'o/ /'dir lha'i cha chung bzhi'i dbus su ni pad+ma'i cha chung bzhi pa'o/ /de'i 'gram gnyis su ka ba gnyis te rgyar cha chung re re srid du cha chung bzhi'o//de gnyis kyi 'gram du rgyar cha chung gsum pa'i bum pa gnyis te de ltar ring ba'o/ /de dag gi 'gram du de bzhin du ka ba gnyis so/ /de nas zur thig gi mthar thug pa'i thig mtha' ma las phyi ngos su cha chung bdun gyi bar spangs nas thig gcig go/ /de nas lha snam gyi cha chung bzhi pa'i bar spangs nas thig gcig go//de nas cha chung gcig dor nas rtsa ba'i thig ste zur thig gi bar du'o/ /'dir thugs kyi dkyil 'khor ni rtsa ba'i thig gi mthar thug pa kho na'o/ /de ltar gsung gi dkyil 'khor dang de bzhin du sku'i dkyil 'khor ro/ /tshangs thig gi g.yas g.yon du rtsa ba'i thig cha chung gsum gsum sngon bzhin phyi bas sgo ni cha chung drug pa ste 'khor lo'i brgyad char 'gyur ro//sgo khyud dang 'gram dang logs gsum gyi tshad ni sgo dang mnyam mo/ /rtsa ba'i thig las phyi rol du cha chung phyed dang gnyis dor bar rtsig pa'i thig ste/ /zur thig las 'thon nas sgo khyud dang 'gram dang logs kyi rjes su 'gro bas gsum kyog po mda' yab kyi thig gi mthar thug pa'o//de'i glor rta babs kyi ka ba'i cha chung phyed dang gnyis dor bar mda' yab kyi thig la rtse mo reg pa'i thig ste/ nang gi dpangs su cha chung phyed dang brgyad pa'o/ /rtsa ba'i thig gi phyi'i thig las phyi ngos su stegs bu'i cha chung gsum gyi bar dor nas thig go//de nas rin po che'i pha gu'i cha chung phyed dang gnyis dor bar thig go/ /de nas dra ba dang dra ba phyed pa'i snam bu'i cha chung gsum dor bar thig go/ /de nas rin chen shar bu'i cha chung phyed dang gnyis dor bar thig go/ /de nas mda' yab kyi snam bu'i cha chung phyed dang gnyis dor bar mda' yab kyi thig ste zur thig nas zur thig gzhan gyi bar du ring ba'o//stegs bu'i thig la sogs pa bzhi ni thig gzhan gyi bar du'o/ /'dir ni ka ba gcig gi steng nas ka ba gnyis pa'i steng du son pa'i thig ni gdung mtshon par byed pa ste/ 'di'i nang du mda' yab rnams bri bar mi bya'o//ka ba'i steng du rta babs ni sgo'i tshad las steng du sum 'gyur ro/ /de yang rim pa gsum pa ste/ dang po ni cha chung drug go/ /gnyis pa ni cha chung phyed dang lnga'o/ /gsum pa ni cha chung phyed dang bzhi'o/ /har mi ni cha chung gnyis so/ /de'i steng du bum pa cha chung gnyis pa'o//de la rim pa dang po la ka ba'i steng du cha chung gcig pa'i snam bu cha chung nyi shu rtsa bzhir ring ba'o/ /de'i steng du cha chung gcig pa'i myos pas bsrung ba'i snam bu cha chung bcu drug tu ring ba'o/ /de'i steng du dbus su cha chung bzhi pa gru bzhi pa ste mchod pa'i lha mo'i gnas so/ /de'i g.yas dang g.yon du cha chung gcig pa'i ka ba'o//de dag gi glor de bzhin du mchod pa'i lha mo'i gnas so/ /de'i glor slar yang ka ba cha chung gcig pa'o/ /de dag gi gzhogs su rta babs kyi ka ba'i steng du mche ba can gyi dbang po dag mnan pa'i mgo bo'i steng du bteg pa'i seng ge dag go/ /de dag gi mgo dang ka ba bzhi'i steng du cha chung phyed pa'i snam bu cha chung bco brgyad du ring ba'o//de'i steng du cha chung gcig pa'i myos pas bsrung ba'i cha chung bcu gnyis su ring ba'o/ /de'i steng du cha chung gsum pa'i snam bu cha chung bcu gnyis su ring ba'o/ /de la so sor bzhi chas nyung ba'i cha chung gcig pa'i ka ba bzhi'o//ka ba'i bar rnams su so sor cha chung gsum pa'i lha'i gnas gsum mo/ /phyi'i ka ba'i glo dag tu gdung 'degs pa'i lha mo gnyis so/ /de dag gi mgo gnyis dang ka ba rnams kyi steng du cha chung phyed pa'i snam bu cha chung bco lngar ring ba'o/ /de'i steng du cha chung gcig pa'i myos pas bsrung ba'i snam bu cha chung brgyad du ring ba'o//de'i steng du cha chung gnyis pa'i snam bu cha chung brgyad du ring ba'o/ /de nas so sor cha chung phyed pa'i ka ba bzhi'o/ /ka ba'i bar rnams su lha'i gnas gsum ste re re zhing cha chung gnyis gnyis pa'o/ /phyi'i ka ba'i glo dag tu gdung 'degs pa'i lha mo gnyis so//de'i steng du cha chung phyed pa'i snam bu cha chung bcu gnyis su ring ba'o/ /de'i steng du har mi ste srid du cha chung brgyad po'o/ /de'i steng du bum pa'o/ /de'i g.yas dang g.yon du rgyal mtshan gyi yu ba'i gnas so/ /de ltar snam bu thams cad kyi rtse mo la dril bu dang mda' yab dang me long dang rgyal mtshan dang ba dan rnams so//'dir thugs kyi dkyil 'khor rtsa ba'i thig nas phyi ngos su gsung gi dkyil 'khor ro/ /de'i phyogs re rer cha chung bcu gnyis ba'i gnas ni thugs kyi dkyil 'khor gyi rtsig pa la sogs pa nas mda' yab kyi mthar thug pa'i snam bu rnams kyis khyab pa'o/ /de'i phyi ngos su cha chung bdun pa'i bar spangs nas thig gcig go//de nas cha chung bzhi pa'i lha snam dor nas thig gcig go/ /snam bu 'di la cha chung bzhi pa'i pad+ma rnams te/ 'on kyang phyogs su son pa thugs kyi dkyil 'khor gyi rta babs kyi 'og tu gnas pa ni rim pa gnyis pa'i myos pas bsrung ba la sogs pa'i cha chung bzhi pa'i gnas su ka ba gnyis kyi cha chung phyed pa bsnur nas bri bar bya'o//de nas lha snam gyi thig las phyi ngos su cha chung gcig dor bar rtsa ba'i thig go/ /thig gsum po 'di zur thig gi mthar thug bar ring ba'o/ /rtsa ba'i thig la tshangs thig gi g.yas dang g.yon du cha chung drug drug sngon bzhin phyi bas sgo cha chung bcu gnyis su 'gyur ro//de nas sgo khyud la sogs pa nas rta babs kyi mthar thug pa rnams thugs kyi dkyil 'khor gyi sgo khyud la sogs pa las nyis 'gyur du 'gyur ro/ /gsung gi dkyil 'khor 'di'i rtsa ba'i thig las phyi ngos su sku'i dkyil 'khor ro//de'i phyogs re re cha chung nyi shu rtsa bzhi'i gnas ni gsung gi dkyil 'khor gyi rtsig pa la sogs pa mda' yab kyi mthar thug pa'i snam bu rnams kyis khyab pa'o/ /de'i phyi ngos su cha chung bcu gcig dor nas thig go/ /de'i phyi ngos su cha chung bcu gnyis kyi lha snam dor nas thig go/ / lha snam 'di la pad+ma bcu gnyis te re re zhing cha chung bcu gnyis pa'o/ /de la cha chung bcu gnyis pa'i pad+ma cha bdun byas nas dbus kyi cha ni lte ba'o/ /g.yas dang g.yon gyi cha dag ni 'dab ma bzhi'o/ /de'i g.yas dang g.yon du brgyad do/ /de'i g.yas dang g.yon dag bcu drug go/ /de ltar dkyil 'khor gsum rnams kyi 'dab ma nyi shu rtsa brgyad do//lha snam gyi thig las phyi ngos su cha chung gcig dor bar rtsa ba'i thig go/ /thig gsum po 'di srid du zur thig gi bar du'o/ /rtsa ba'i thig gi tshangs thig gi g.yas dang g.yon dag tu cha chung bcu gnyis sngon bzhin phyi ba las sgo cha chung nyi shu rtsa bzhi yin no//de nas de'i sgo khyud la sogs pa nas rta babs kyi mthar thug pa rnams gsung gi dkyil 'khor gyi sgo khyud la sogs pa nyis 'gyur te chu'i khor yug gi phyed tshun chad do/ /gsung gi dkyil 'khor gyi rta babs rnams kyi phyi rol du sku'i dkyil 'khor gyi sgo'i dbus rnams su cha chung bcu gnyis pa'i shing rta rnams so//de nas sa'i khor yug cha chung bcu gnyis pa'o/ /de'i phyi ngos su chu'i khor yug cha chung nyi shu rtsa bzhi'o/ /de nas me'i khor yug cha chung nyi shu rtsa bzhi'o/ /de nas rlung gi khor yug cha chung nyi shu rtsa bzhi'o/ /rlung gi khor yug las phyi ngos su nam mkha'i khor yug cha chung bcu gnyis so//khor yug de'i phyi ngos su 'od zer gyi phreng ba cha chung nyi shu rtsa bzhi'o/ /sa'i khor yug la sogs pa drug po 'di rnams rang rang gi dang por thig zlum po'o/ /'od kyi khor yug gi mthar yang ste thig zlum po bdun no/ /de lta bu 'di ni gtso bo thugs rdo rje'i dkyil 'khor gsum gyi bdag nyid kyi dkyil 'khor ro//'di'i thig skud la ni khru brgyad de sa'i khor yug gi thog ma'i bar du'o zhes pa ni/ phyogs dang po'o/ /gang gi tshe thugs kyi dkyil 'khor gyi sgo'i tshad dang / gsung gi dkyil 'khor gyi sgo'i tshad bsdoms nas sgo cha chung bco brgyad yongs su brtags te/ de'i drug cha la cha chung gi tha snyad byed pa de'i tshe/ cha chung des gtso bo'i pad+ma'i lte ba la sogs pa nas 'od kyi phreng ba'i mthar thug par cha chung gi grangs bya'o/ /de'i tshe gtso bo thugs rdo rje dkyil 'khor gsum gyi bdag nyid kyi dkyil 'khor khru bcu gnyis dang / de'i nyis 'gyur gyi thig skud ni sa'i khor yug gi thog ma'i bar du khru nyi shu rtsa bzhi'o//phyogs gnyis pa'o/ /gang gi tshe bcom ldan 'das thugs rdo rje gsung rdo rje'i gnas su gyur nas gsung rdo rje ni gtso bo ste/ de las gzhan pa'i lha la sogs pa'i bkod pa ni phyogs dang po bzhin du ste/ gang gi tshe yang / dbus kyi dkyil 'khor gru bzhi pa dang /de'i nyis 'gyur gnyis pa dang / de nyis 'gyur gsum pa yin pa de'i tshe khru bcu drug gi dkyil 'khor gsum gyi bdag nyid gsung gi dkyil 'khor dang / de nyis 'gyur gyi thig skud ni khru sum cu so gnyis pa ste/ sa'i khor yug gi dang po'i bar du'o zhes pa phyogs gsum pa'o/ / gang gi tshe dang por brjod pa'i thugs kyi dkyil 'khor gyi sgo'i tshad dang / dang por brjod pa'i sku'i dkyil 'khor gyi sgo'i tshad bsdoms nas sgo cha chung sum cur yongs su brtags te/ de'i drug cha la cha chung du 'dogs pa de'i tshe/ cha chung des gtso bo'i lte ba la sogs pa nas 'od kyi khor yug gi mthar thug par cha chung gi grangs bya zhing /bcom ldan 'das thugs rdo rje yang sku rdo rje'i gnas su bya'o/ /sku rdo rje ni gtso bo ste/ de las gzhan pa'i lha la sogs pa dgod pa ni phyogs dang po bzhin te/ de'i tshe gtso bo sku rdo rje'i dkyil 'khor gsum gyi bdag nyid khru nyi shu dang / de nyis 'gyur gyi thig skud kyang sa'i khor yug gi thog ma'i bar du khru bzhi bcu pa'o zhes pa ni phyogs bzhi pa'o//de ltar yang dri ma med pa'i 'od las thig skud khru brgyad pa zhes pa'i rtsa ba la khru brgyad pa zhes pa ni dkyil 'khor nyis 'gyur ro zhes bkral nas/ de la dang po'i sangs rgyas las/ thugs kyi dkyil 'khor khru bcu gnyis su bya zhing thig skud ni khru nyi shu rtsa bzhi'o//de bzhin du gsung gi dkyil 'khor ni khru bcu drug pa'o/ /sku'i dkyil 'khor ni khru nyi shu'o zhes pa ni thig skud nyis 'gyur gyi nges pa yin no zhes gsungs so/ /yang dbang gi don du dbus kyi dkyil 'khor tsam bri bar rjes su gnang ste/ji skad du/ dbang gi don du dkyil 'khor ram ni rigs kyi dbang las phyi yi 'khor los rab tu dman par 'gyur/ zhes gsungs so/ /gang yang khams gsum rnam par rgyal ba'i rgyud las sgo 'khor lo'i dgu cha dang / dkyil 'khor chen po bkod pa'i rgyud las 'khor lo'i bcu char gsungs pa de ltar ni slob dpon rnams kyis tha snyad mi byed pas na kho bos spangs so//dkyil 'khor gyi tshad kyang rab tu grags pa brjod kyi 'di tsam 'ba' zhig ni ma yin te/ de ltar yang bcom ldan 'das kyis/ /'dzam bu gling gi dbang phyug gam/ /'khor los sgyur ba'i rgyal po yis/ / kun nas dpag tshad mtha' ru ni/ /phyi rol dkyil 'khor bri bar bya/ /mkhas pas gdul bya'i skye bo yi/ /sems rnams yang dag bltas nas ni/ /'dod pas tshad ni byas na yang / /nyes pa cung zad yod ma yin/ /rang gi 'dod pas dkyil 'khor kun/ /lag pa'i mthil du bri byas na/ /bstan bcos las gsungs don byed de//sa steng sogs su smos ci dgos/ /zhes gsungs so/ /dkyil 'khor dpag tu med pa'i dbye ba tha dad pa rnams ji tsam zhig brjod cing bya bar nus/ /gang gi phyir na bcom ldan 'das kyis/ /dkyil 'khor ji lta ba de bzhin/ /rab tu bstan par su yis nus//rang gi lha yi sbyor ba yis/ /dkyil 'khor brtag par grub pa yin/ /zhes gsungs so/ /'dir thig gdab pa'i bsdu ba'i tshigs su bcad pa ni/ shar sogs phyogs kyi thig le'i steng / /srad bu bzung nas maN+Dal bzhi'i/ /nya yi mgo dang mjug ma'i mthar/ /tshangs thig dang ni zur thig gdab//zur de sgo tshad bdun dang phyogs/ /khru la sogs pa'i rtsa ba'i thig /dbus su brgyad cha phyi ba ste/ /sgo de'i bzhi cha cha chung ste/ /rtsa ba'i phyi rol gcig dang gnyis/ /gcig gnyis gcig dang gcig gi mthar/ /thig drug zur nas ngos su ste/ /tshangs las rim gyis ring bar ni//cha chung gsum du dang po'i thig /gnyis thig cha chung gnyis rtser reg /cha chung brgyad du gsum stegs bu'i/ /thig las drang po'i thig bzhi ste/ /gsum ni cha chung lnga bzhi pa/ /cha chung bzhi de'i dang po ni/ /ngos thig rtse mor yang dag reg /gsum ni cha chung re re'i bar/ / bzhi pa'i rtse nas ngos su thig /cha chung bcu dang ldan pa'o/ /rtsa ba'i rtse nas byung ba'i thig /cha chung bzhi pa ngos steng du/ /cha chung gnyis gnyis thad kar ni/ /cha chung brgyad de gsum 'khyog pa/ /ka ba'i rtse nas phyi ngos su/ /cha chung re re dor bar thig /bcu gcig 'di la lnga pa dag / bdun pa cha chung phyed dang gnyis/ /yang na gsum pa bdun pa dang / /dgu pa cha chung re re'o/ /bzhi pa drug pa bcu pa rnams/ /so sor cha chung phyed phyed do/ /lnga ni cha chung phyed dang gnyis/ /de la phyogs gnyis su ni rgyar/ /tshangs ba'i g.yas dang g.yon du ni/ /cha chung phyed bcas mnga' yi mthar//snam bu cha chung phyed dang gsum/ /thig ni cha chung phyed dang bzhi/ /cha chung drug mthar gnyis pa dang / /gsum pa cha chung gsum pa'o/ /cha chung bzhi mthar bzhi pa ni/ /cha chung lnga ste mda' phyed bcas/ /gsum dor nas ni phyed dang lnga/ /gsum nas drug pa cha chung lnga/ /bzhi ni cha chung bdun rnams te//thig bcu gcig pa cha chung lnga/ /snam bu lnga pa'i steng du ni/ /ngos su cha chung phyed dang bzhi/ /bdun pa'i 'og la cha chung gsum/ /steng gi cha chung drug steng du/ /snam bu rnams mthar son pa'i thig /gzhan gyi mtha' dang lhan cig tu/ /kyog po gcig go 'di nang du'ang //cha chung phyed nas de bzhin gzhan/ /de phyir cha chung rig byed mthar/ /thig zlum de nas gnyis yin te/ /cha chung gnyis gnyis dor bar ro/ /bzhi dor bar ni zlum po gzhan/ /'gram logs sgo dang mnyam pa na/ /mun pa'i snam bu med pa'o/ /rta babs sgo las sum 'gyur ni/ /ngos nyid du ste steng min pa//de tshe thig ni drang po gsum/ /stegs bu'i thig las de ltar gzhal/ /phyogs ni de ma thag pa yi/ /rta babs snam bu drag po'i las/ /dpangs su tshad ni sgo yi cha/ /nor lha nor lha nyi ma dang / /rgyal ba nor lha rgyal ba dang / /nyi ma nor lha nyi ma dang / /rgyal ba nor lha go rims bzhin/ / 'di rnams ngos kyis brjod par bya/ /tshangs pa'i g.yas dang g.yon du ni/ /cha chung phyed dang lnga dor nas/ /snam bu cha chung phyed dang gsum/ /thig ni cha chung phyed dang bzhi/ /gnyis pa dang ni gsum pa ni/ /cha chung lnga nas cha chung gsum/ /bzhi pa cha chung bzhi dor nas/ /cha chung gsum mda' cha chung ni//phyed dang bzhi nas phyed dang bzhi/ /gsum nas drug pa cha chung lnga/ /de nas gsum nas brgyad gcig ni/ /cha chung bdun de tha ma drug /de phyir cha chung rig byed mthar/ /zlum po gnyis nas de bzhin thig /cha chung gnyis mthar zlum po ste/ /tha ma cha chung bzhi pa'i mthar/ /tshangs las cha chung brgyad mthar dang //bdun pa'i mtha' ru zlum po'i thig /de nas yang dag drangs nas ni/ /phyogs gzhan thig gi mtshams song ba'i/ /thig gnyis rim bzhin tshangs pa'i phyir/ /cha chung gnyis gsum dor bar ro/ /phyi zlum thig las phyi ngos su/ /cha chung dor bar zlum po'i thig / de nas cha chung gsum dor nas/ /zur thig bar du gnas pa'i thig /kun du son pa'i tshangs thig dang / /re'u mig snam bu'i re khA dbyi/ /rtsa ba'i nang gi dkyil 'khor du/ /lha yi dbye bas thig gdab pa/ /cung zad tha dad bde mchog gi/ /gzhan de de yis brjod par bya/ /tshangs dang zur thig gnas pa las//gzhan min de yi tshangs las phyir/ /cha chung gnyis dor rtsa ba'i bar/ /thig gdab zur gyi 'gram dag tu/ /de bzhin lte ba'i logs dag las/ /sgo ni bzhi bzhir de yi srid/ /lte ba'i phyi ru cha chung bzhi/ /dor bar cha chung bzhi pa'i thig /thad kar tshangs dang zur la gnas/ / 'dir ni yang ni thig lnga yang / /cha chung gnyis gnyis dor bar ro/ /de bzhin de rnams dang drug pa/ /mtshams su yang dag son pa'o/ /tshangs pa dang ni zur thig gi/ /g.yas dang g.yon pa'i bdun rnams las/ /lnga pa gsum pa dang po yi/ /cha chung gcig gi mtha' las 'thon/ /rang gi gnyis pa'i rtser song nas//bdun pa yis ni dbus su song / /thig gcig kyog po lnga ru 'gyur/ /de nang du yang cha chung phyed/ /dor nas de bzhin gzhan yin no/ /tshangs las rim bzhin rgyal po dang / /nyi klu chu mig cha chung ni/ /dor bar zlum po'i thig lnga'o/ /dang po gsum gyi nang du yang / /cha chung phyed phyed dor nas thig /zlum po gsum mo rtsibs zlum gyi/ /thig las gzhan ni dbyi bar bya/ /mangs pas 'jigs pas gzhan gyi ni/ /khyad par bsdu ba ma byas so/ /zhes pa'o/ /de nas thig gdab pa'i mtha' mchod pa dang gtor ma sngon du 'gro bas/ /oM AHhUM badzra muHzhes pas ye shes kyi thig gshegs te/nam mkha' la gnas pa'i de bzhin gshegs pa rnams kyi thugs kar bcug nas tshon sna lnga'i thig skud gnas ji lta ba bzhin gzhag par bya'o/ /thig gdab pa'i cho ga'o// //de nas gtor ma byin la/ baM laM raM haM maM rnams kyi sa bon las byung ba'i dkar po dang ser po dang / dmar po dang ljang gu dang nag po'i tshon rnams go rims bzhin du zla shel dang /sbug dang / pad+ma rA ga dang / margata dang / in+d+ra nI la las byung ba rnams sam/ yang na mu tig dang / gser dang / byi ru rnams dang bsres pa dang / mu men las skyes pa rnams te/ bsres pa ni 'dir mu tig la sogs pa bzhi'o/ / yang na kham pa las byas pa'am/ 'bras las byas pa'am/ me tog las byas pa'am/ ji ltar rigs par so phag gi phye ma'am/ sol ba dang rus pa'i phye ma la sogs pas kyang rung ste/ legs par 'du byas pa bzang po rnams/ b+h+rUM aM hrIHkhaM hUM rnams las skyes pa'i rnam par snang mdzad la sogs pa'i ngo bor bsgoms nas/nam mkha' la bkod pa'i de bzhin gshegs pa rnams kyi thugs kar/ b+h+rUM la sogs pa las grub pa'i ye shes kyi tshon rnams thig skud 'du bya bar brjod pa'i 'bar ba'i lta stangs kyis bkug ste bcug pa rnams dang ro gcig tu gyur pas/ ye shes kyi tshon du grub pa rnams la b+hUM la sogs pa mngon par bsngags nas/oM badzra tsi tra sa ma ya hUM/ zhes pa'i sngags kyis brgya rtsa brgyad du bsngags so/ /de bzhin du 'bar ba'i blta bas yang dag par gzi byin bskyed cing re re la hI yig bkod nas bden pa gang gis sems can rnams rdul tshon mang zhing / sangs rgyas bcom ldan 'das rnams ni sems can rnams la chags pas rjes su chags par 'gyur ba'i bden pa des rdul tshon rnams 'bar bar gyur cig ces bden pa'i byin gyi rlabs kyis sbar bar bya'o//lha bsgom pa phul du byung ba las ni 'bar ro/ /dri dang me tog la sogs pas mchod nas snod gsar par gzhag par bya'o//de nas dkyil 'khor gyi lte ba na gnas pa'i phur ba 'chad par 'gyur ba'i hUM bzhi pa'i sngags kyis bton nas/ blos rang gi lag pa'i rdo rje la bstims te/ phur bu'i khung bu tshon lngas bkang la mnyam par byas te/ dril bu'i sgra dang rdo rje'i glus mtshan ma ngan pa bsal bar bya'o//chos dbyings 'di ni dag pa ste/ /sems can rnams ni rab grol mdzad/ /rang nyid rgyal po rdo rje 'chang / /de bzhin gshegs pa kun gyi gnas/ /nyes pa kun las rnam par grol/ /'khor lo'i nang du yang dag gnas/ /zhes pas chos dbyings rnam par dag par mos nas/dang por nang gi dkyil 'khor du 'dug ste/ lag pa g.yas pa rdo rjes mtshan zhing g.yon pa rdo rje khu tshur gyis/ oM badzrar ga sa ma ya/ oM AHhUM zhes pa'am/ oM badzra tsi tra sa ma ya hUM/ zhes pa brjod cing dkyil 'khor gyi nang du shar du phyogs par 'dug pas dbang ldan gyi mtshams nas brtsams te g.yas skor du tshon dgye bar bya'o//phyi nas slob dpon nam ri mo mkhan la sogs pas ji ltar bde bar dgye bar bya'o/ /sbom du sgo yi nyi shu char/ /re khA yang dag drang bar bya/ /mnyam nyid drang la ma chad pa/ /ji ltar rigs par phan tshun gyi/ /bar gyi tshad ni nas tsam ste//'og dang steng ni ci mdzes bya/ /sbom por bkye na nad 'byung ngo / /phra mo yis ni nor rnams nyams/ /yon pa yis ni rnam par sdang / /chad na bla ma slob ma 'chi/ /g.yas skor min par bkye na ni/ /tshon rnams phur pas btab par 'gyur/ /phur pas btab pa ni dngos grub kyi rgyu yang ma yin pa'o//phan tshun 'dres na rigs chad par 'gyur ro/ /bcom ldan 'das kyis nyes pa zhi bar bya ba'i phyir gsungs pa/ tshon bkye ba la nyes pa gang / /de nyid bsam sbyor med la'o/ /de nyid bsam bzang sbyor rnams la/ /sus kyang bar chad bya mi nus/ /dkyil 'khor ji lta ba de bzhin/ /ji srid du ni brtags pa yin//zhes pa'i bar du'o/ /tshon gyi re khA rnams la yang rin chen dkar po la sogs pa las byas pa'i thur ma la sogs pa'i ngo bor mos par bya'o/ /'jug dang 'byung las thig las tshon/ /'goms pa'i sdig pas 'jigs pa yis/ /rdo rje shugs kyi ye shes kyis tshon gyi re khA yid kyis nam mkha' la bteg la/oM badzra be gA kra ma hUM zhes brjod cing rtsa ba'i thig gi nang gi dkyil 'khor du bri ba'i phyir 'jug pa 'byung bar 'gyur ro/ /de la dang por lha thams cad kyi dkyil 'khor la phyi dang nang gi dkyil 'khor gyi spyi'i tshon gyi kha dog gi rim pa brjod par bya'o/ / shar dang lho dang nub dang byang gi phyogs kyi de bzhin gshegs pa dang / dbus kyi gtso bo'i kha dog gi go rims bzhin du phyi'i re khA nas brtsams te/ nang gi re khA'i bar du tshon lnga'i rtsig pa'i re khA'i kha dog go/ /phyogs dang dbus su lha gzhan dgod pa ni rgyas 'debs kyi de bzhin gshegs pa'i mdog gi rim pas so//bsgom bya'i dkyil 'khor la rtsig pa lnga po 'di dag rin po che kha dog lnga las grub cing nas kyi bar tsam pa'o zhes pa ni kha cig go/ /rtsig pa 'di ni gcig pa nyid kyis rim gyis steng nas steng du kha dog lnga'i rin po che las byas pa'o zhes pa ni gzhan dag go/ /de la 'dod pa dang po la ni rin po che'i snam bu'i sa dmar po dang /do shal dang do shal phyed pa'i sa nag po'o/ /'dod pa gnyis pa la ni dang po'i kha dog gi rin po che'i rang bzhin gyi cha nyid rnam par bkra ba'i rin po che'i snam bu'o/ /yang na de la kha dog gzhan gyi rin po che las byas pa bkod pa'i rin po che'i snam bu'o//lnga pa'i kha dog gi rin po che'i rang bzhin gyi cha nyid dra ba dang dra ba phyed pa sna tshogs pa'i snam bu'am/ yang na de la mdog gzhan gyi rin po che las byas pa bkod pa'i dra ba dang dra ba phyed pa snam bu'o/ /phyogs gzhan brjod pa ni de'i steng du rin po che'i snam bu dra ba'i snam bu lta bu'o//'dod pa gnyis ka la yang stegs bu ni shel lam gser gyi rang bzhin nam pad+ma rA ga'i rang bzhin nam/ /rin po che gzhan yang rung ste ji ltar mdzes pa'o/ /rin po che'i shar bu dang mda' yab rnams ni dkar po'o/ /rin po che'i shar bu dang mda' yab dang / dar dpyangs kyi bar gyis gzhi ni sngon po ste/nam mkha'i ngo bo yin pa'i phyir ro/ /de nyid kyi phyir bar gyi snam bu la mun pa'i snam bu zhes brjod do/ /gdung ni ji ltar mdzes par rin po che las byas pa ste/ rin po che sna tshogs pa'i pa tra 'phro ba la sogs pas brgyan pa'o/ /rta babs kyi ka ba rnams ni rang rang gi phyogs kyi de bzhin gshegs pa'i kha dog go//kyog po'i nang gi bla res kyi 'og gis yang ste/ de ni rang gi de bzhin gshegs pa'i kha dog gi 'od kyis sbras pa'i nam mkha'i rang bzhin no/ /rta rmig dang / ba ran dang / chu srin gyi snam bu ni kha dog ji ltar mdzes par ro//'khor lo rnams ni gser gyi kha dog go/ /kha cig rin po che gzhan las kyang byas pa'o zhes so/ /ri dwags dang ri dwags mo ni gser gyi rang bzhin te/ rin po che gzhan gyis spras pa'o/ /sna tshogs rdo rje'i lte ba ni nag po'o/ /kha cig tu gtso bo'i de bzhin gshegs pa'i mdog go/ /dbus kyi ra rnams ni rang rang gi phyogs rnams kyi de bzhin gshegs pa'i mdog go//de las gzhan pa rnams ni de'i glo dag gi de bzhin gshegs pa'i mdog go/ /ra lnga ba la ni de las gzhan pa'i phyogs dang dbus kyi de bzhin gshegs pa'i mdog ste ji ltar rigs par ro/ /phyogs gcig gi ra thams cad kyang rang rang gi phyogs kyi de bzhin gshegs pa'i kha dog kyang kha cig tu'o//'khor lo'i dbang po'i zhal bzhi pa nyid la rang rang gi phyogs kyi zhal gyi mdog go zhes pa ni phyogs gzhan no/ /bum pa bzang po rnams ni gser las byas pa'o/ /dpag bsam gyi shing rnams ni de las gzhan pa'i shing bzang po lta bu'o//pad+ma'i lte ba ni ljang gu'o/ /ge sar ni ser po'o/ /'dab ma rnams ni kha dog sna tshogs pa'o/ /de'i sa gzhi ni dmar pos shas che ba'i dkar po'o/ /chos 'byung gi cha'i re khA ni dkar po'o/ /khor yug gi phyogs la yang shel nyid yin na re khA dkar po'am gser nyid yin na ni ser po'o//rdo rje rnams dang de'i re khA nag po'o/ /gzhan rnams ni dkar po'am ser po'o zhes gsungs so/ /rdo rje'i sa gzhi'i mdog ni ji ltar mdzes pa ste/ bsgom bya'i dkyil 'khor la 'og tu rlung gi dkyil 'khor gyi mtha' nas steng du 'og min gyi mtha'i bar du rdo rje'i ra ba gnas pa'i phyir dang /rlung la sogs pa rnams ni ji ltar rigs par kha dog sna tshogs pa'i phyir ro/ /'od zer rnams ni de bzhin gshegs pa lnga'i kha dog ste 'phro ba'i tshul lo/ /'jam pa'i rdo rje ni/ rdzogs sangs ye shes sku yin phyir/ /ngag dbang rdo rje'i rigs su brjod/ chos sku'i rang bzhin dag pa la//'di yi thugs kyi dkyil 'khor ro/ /zhes pa'i rigs pas/ /dkar po ser po de bzhin dmar/ /ljang gu dang ni nag po nyid/ /rtsig pa'i tshon zhes gsungs so/ /gang gi tshe/ /chos rnams rang bzhin gyis ni dkar/ /des na ngag dbang 'dir dkar nyid/ /ces gsungs pas//gsung rdo rje dkar po gtso bor gyur pa de'i tshe ni tshon gyi re khA dkar po dang ser po dang ljang gu dang dkar po'o/ /kha sbyor du gsungs pa'i rdo rje sems dpa' dkar po nyid yin yang mi bskyod pa dang / lhan cig ro gcig pa nyid du bstan pa'i phyir/ nang gi rtsig pa nag po nyid do/ /gzhan du ni dkar po kho na yin te/ji skad du/ gsung rdo rje gtso bor gyur pa kha cig tu dkar po nyid du 'gyur ba'o zhes gsungs so/ /rtsa ba'i thig gi nang gi dkyil 'khor du yang zur thig gnyis gnyis kyis bcad pa'i phyogs bzhi'i sa gzhi rnams rang rang gi de bzhin gshegs pa'i mdog go/ /bsgom bya'i dkyil 'khor gyi phyogs bzhi'i thig rnams de bzhin no//ka ba rnams kyang de bzhin te/ rang rang gi re'u mig gi de bzhin gshegs pa'i mtshan ma'i phreng bas mtshan pa'o/ /gtso bo'i sa ni gtso bo'i mdog go/ /sna tshogs pad+ma'i 'dab ma ni/ /bden bral ljang la dbang ldan nag /me dang rlung gi mtshams ni ser//phyogs rnams kyi ni dmar po'o/ /gtso bo'i snam bu la ni gtso bo'i mtshan ma'i phreng ba'o/ /re khA gzhan ni mdog dang sbom phra ji ltar mdzes pa'o/ /bde mchog gi dkyil 'khor la ni thugs kyi 'khor lo nag po/ de'i rtsibs kyi bar rnams ni dmar po ste/ gsung gi 'khor lo'i lte ba yin pa'i phyir ro//gsung gi 'khor lo dmar po'o/ /de'i rtsibs bar rnams ni dkar po ste/ sku'i 'khor lo'i lte ba yin pa'i phyir ro/ /sku'i 'khor lo ni dkar po'o/ /de'i rtsibs rnams kyi bar ni shar la sogs pa'i phyogs rnams su rnam par snang mdzad la sogs pa'i de bzhin gshegs pa'i kha dog go//mu khyud gsum ni go rims bzhin du rdo rje nag po dang / pad+ma dmar po dang / 'khor lo dkar po'i phreng bas bskor ba'o/ /phyi ngos nas brtsams te nang gi bar du ljang gu dang / dkar po dang / dmar po dang / ser po dang / nag po'i kha dog gi re khA lnga'o/ / shar dang / byang dang / nub dang / lho dang / dbus kyis rnams dang / thog rnams kyi kha dog dkar po dang / ljang gu dang / dmar po dang / ser po dang / nag po'o/ /gzhan ni re khA lnga dang / sa gzhi dang / thog rnams nag po dang / ljang gu dang / dmar po dang / ser po dang / dkar po dang bsres pa'i sngon po'i mdog go zhes zer ro/ /de bzhin du snga ma dang / phyi mar kha dog gi rim pa yongs su bsams nas rdul tshon dgye bar bya'o/ /de yang skal ba dang mi ldan pa 'dus na mtshan ma dang phyag rgya ji ltar rigs par bri'o/ /skal ba dang mi ldan pa med na ni lha'i sku bri bar bya zhing /bris sku'am/ lugs ma'am/ 'bur du btod pa'am/ legs par 'dus byas pa gzhag par bya'o/ /de ltar klu'i blo'i zhabs kyis/ ji ltar nus pas dkyil 'khor du/ /sa bon dgod bya yang na ni/ /mtshan ma'am lha yi gzugs nyid de/ /lugs ma'am bzo byas dgod par bya//zhes gsungs so/ /phyag rgya bri ba ni mngon par brjod pa'i rgyud bla ma las gsungs te/ mi nus na ni bris pa yi/ /phyag rgya'am mtshan ma dgod par bya'o/ /gang yang gsungs pa/ tshon nam yang na pir rnams kyis/ /bris pa rnams kyis rnam par spras/ /zhes so/ /dpal kha sbyor gyi rgyud du yang /de ltar lugs ma dang / 'dus byas pa la sogs pa'i gzugs dang / mtshan ma'i phyag rgya dang ldan pa'o zhes gsungs so/ /de'i phyir 'jam pa'i rdo rje'i dkyil 'khor la/ lte bar bcom ldan 'das 'jam pa'i rdo rje'i zla ba ral gri sngo bsangs so/ /shar du zla ba la rnam par snang mdzad kyi 'khor lo dkar po rtsibs brgyad pa'o//lhor nyi ma la rin chen 'byung ldan gyi rin po che ljang gu cha dgu pa'o/ /nub tu nyi ma la mgon po 'od dpag med kyi pad+ma dmar po 'dab ma brgyad pa'o/ /byang du nyi ma la don yod grub pa'i ral gyi ljang gu'o/ /mer zla ba la spyan ma'i mig 'bras nag po can gyi mig dkar po gnyis sprin la gnas pa'o//bden bral du zla ba la mA ma kI'i rdo rje nag po rtse lnga pa ste rgyud du de ltar bshad pa'i phyir ro/ /rlung du zla ba la gos dkar mo'i pad+ma dmar po kha bye ba yu ba dang rtsa ba dang bcas pa'o/ /dbang ldan du zla ba la sgrol ma'i ut+pal mdog sngo ser ro/ / me la sogs pa'i mtshams bzhi dang / shar sgo'i g.yon dang g.yas su cha chung gnyis gnyis spangs pa'i 'gram dag tu zla ba rnams la go rims bzhin du gzugs dang sgra dang / dri dang / ro dang / reg bya dang / chos kyi dbyings kyi rdo rje ma rnams kyi me long dkar po dang / dri za'i pi wang sngon po dang dri ser po'i dung dang /ro'i snod dmar po dang / ras sna tshogs dang / chos 'byung dkar po'o/ /shar la sogs pa'i sgor nyi ma rnams la gshin rje mthar byed dang / shes rab mthar byed dang / pad+ma mthar byed dang bgegs mthar byed kyi go rims bzhin du rdo rje tho ba nag po dang / rdo rjes mtshan pa'i dbyug pa dkar po dang /pad+ma dmar po dang / rdo rje kha gyes pa sngon po'o/ /'dir zla ba dang nyi ma bcu dgu ni sna tshogs pad+ma la gnas pa'o/ /mtshan ma thams cad ni 'od zer dang bcas pa rang rang gi phyogs su mgo bstan pa'o/ /'khor lo'i dbang phyug ni mgo nub tu bstan pa'o/ /de ltar phyi ma rnams su yang ngo //rdo rje sems dpa' 'khor lo'i dbang phyug nyid la ni dbus su chu skyes dang zla ba la ni zhi ba'i rdo rje sngon po'o/ /kha cig ni sna tshogs rdo rje'o zhes so/ /mkhas pa rnams ni dbus kyi 'od zer gyi thig zlum po la tshon gyis re khA mi bya'o zhes so/ /zlum po'i thig gi phyi ngos su tshangs pa'i thig gi glo so sor cha chung bzhi dor nas bum pa cha chung bzhi pa ste/bdud rtsis bkang pa'i gsar gyi bum pa cha brgyad do zhes phyogs gcig go/ /gzhan ni rin po che'i rang bzhin rang gi phyogs kyi de bzhin gshegs pa'i mdog go zhes so/ /'di dang phyi ma rnams la dbus su de bzhin gshegs pa gzhan pa'i mtshan ma dgod pa ni/de'i dbus su dbus kyi mtshan ma bri bar bya'o/ /bsdus pa'i rim par gsungs pa'i dkyil 'khor la/ dbus su nyi ma la mi bskyod pa'i rdo rje kha gyes pa rtse lnga pa in+d+ra nI la lta bu dang / reg bya rdo rje ma'i sna tshogs pa'i gos so/ /rnam par snang mdzad la sogs pa'i rim pa dang po dang gnyis par gnas pa bcu gnyis po rnams kyi mtshan ma rnams ni snga ma bzhin no//rim pa gsum pa'i sgo'i 'gram gyi snam bu la tshangs pa'i thig nas cha chung bzhi dor bar g.yon du byams pa'i klu shing gi me tog gi 'khor lo dang bcas pa'o/ / g.yas su sa'i snying po'i 'khor lo rtsibs brgyad pa dkar po'o/ /lhor de bzhin du phyag na rdo rje'i dang / nam mkha'i snying po'i rdo rje dang / rin po che margata cha dgu pa'o/ /nub tu de bzhin du 'jig rten dbang phyug dang / 'jam pa'i dbyangs kyi pad+ma dmar po dang rdo rje'o/ /byang du de bzhin du sgrib pa thams cad rnam par sel ba dang /kun du bzang po'i ral gri dang rdo rje'o/ /shar la sogs pa'i sgo rnams su rim pa bzhin du gshin rje gshed la sogs pa rnams kyi rdo rje tho ba dang / rdo rjes mtshan pa'i dbyug pa dkar po dang / pad+ma dmar po dang / sna tshogs rdo rje'o/ /me la sogs pa'i mtshams su go rims bzhin du mi g.yo ba dang /'dod pa'i rgyal po dang / dbyug pa sngon po dang / stobs po che rnams kyi ral gri dang / rdo rje dang rdo rjes mtshan pa'i dbyug pa sngon po dang / rdo rjes mtshan pa'i dbyug pa nag po'o/ /gtsug tor 'khor los sgyur ba'i rdo rje sngon po dang / gshin rje gshed kyi mtshan ma la sogs phyi ngos su'o//kha cig ni 'khor lo ser po zhes bya'o/ /gnod mdzes rgyal po'i rdo rje ni pad+ma mthar byed kyi mtshan ma las phyi ngos su'o/ /byams pa la sogs pa brgyad rnams kyi mtshan ma ni zla ba la gnas pa'o/ /gshin rje gshed la sogs pa'i mtshan ma bcu ni nyi ma la gnas pa'o//'dir nyi ma dang zla ba sum cu rtsa gcig ni sna tshogs pad+ma la gnas pa'o/ /bum pa bri ba ni sngar bzhin no/ /kha sbyor du gsungs pa'i rdo rje sems dpa'i dkyil 'khor la dbus su zla ba la rdo rje sems dpa'i rdo rje rtse lnga pa sngon po'o/ /shar du zla ba la rnam par snang mdzad kyi 'khor lo'o//lhor nyi ma la rin chen dbang po'i rin chen no/ /nub tu nyi ma la snang ba mtha' yas kyi mda'o/ /byang du nyi ma la don yod grub pa'i sna tshogs rdo rje'o/ /spyan ma'i sprin la gnas pa'i mig nyid do/ /mA ma kI'i mda'o/ /gos dkar mo'i mda'o/ /sgrol ma'i ut+pal dmar po'o/ / rim pa gnyis par shar du drag mo'i mda'o/ /lhor rdo rje gzugs ma'i rdo rje'o/ /nub tu 'dod chags rdo rje ma'i ral gri'o/ /byang du rdo rje zhib mo'i til pa thung ngu'o/ /dpal ldan du rdo rje gnod sbyin ma'i dbyug pa dkar ser ro/ /mer mkha' 'gro ma'i pad+ma dmar ser ro/ /bden bral du sgra rdo rje ma'i sha k+ti'o//rlung dus rdo rje ma'i bum pa dkar ljang ngo / /rim pa gsum par shar gyi phyogs su bzhad ma'i rdo rje kha dog dmar po'o/ /lhor sgeg ma'i 'khar rnga'o/ /nub tu glu ma'i 'khor rnga'o/ /byang du gar ma'i rdo rje rtse gsum pa ljang gu'o/ /dbang ldan du gling bu ma'i gling bu'o/ /mer pi wang ma'i pi wang ngo //bden bral du mu kun+da ma'i mu kun+da'o/ /rlung du rdza rnga ma'i rdza rnga'o/ /phyi'i snam bu'i mer me tog ma'i me tog gi phreng ba'o/ /bden bral du bdug spos ma'i spos phor ro/ /rlung du mar me ma'i mar me'i mchod sdong ngo / /dbang ldan du dri ma'i dri'i dung chos so/ /shar du me long ma'i me long ngo //lhor ro ma'i ro'i snod do/ /nub du reg bya ma'i gos sna tshogs so/ /byang du chos ma'i chos 'byung dkar po'o/ /shar la sogs pa'i sgor ni go rims bzhin du rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bum rnams ni rdo rje lcags kyu dang / rdo rje zhags pa dang /rdo rje phreng ba'i bdag nyid kyi rdo rje lcags sgrog dang / rdo rje dril bum rnams te nyi ma la gnas pa'o/ /'dir brjod pa'i nyi ma'i gdan la gnas pa'i mtshan ma bdun las mtshan ma gzhan ni zla ba la gnas pa'o/ /nya ma dang zla ba sum cu rtsa bdun po 'di rnams ni sna tshogs pad+ma'i steng du thod pa rnams la gnas pa'o//bum pa bri ba ni snga ma bzhin te/ thig zlum po drug pa las phyi rol zhes pa ni khyad par ro/ /ye shes kyi mkha' 'gro ma'i dkyil 'khor la dbus dang / shar dang byang dang / nub dang / lho rnams su go rims bzhin du ye shes mkha' 'gro ma dang / rdo rje mkha' 'gro ma dang /mkha' 'gro ma mi zad ma dang / ro langs ma dang / gtum mo rnams kyi rdo rjes mtshan pa'i kha T+wAM ga rnams so/ /dbang ldan dang / me dang bden bral dang rlung rnams su seng ge mo dang stag mo dang / ce spyang mo dang 'ug pa mo rnams kyi rdo rje lcags kyu rnams so/ /shar dang byang dang nub dang / lho'i sgo rnams su rgyal po'i dbang mo dang / gsal byed ma dang / 'jigs byed ma dang / kaM po dzI rnams kyi go rims bzhin du lag pa gnyis snyim pa kha bye ba dang / thal mo sbyar ba dang / snyim pa khrag gis bkang ba dang / rdo rje thal mo kha sbyar ba'i mthe bo'i rtse mo gnyis sbyar ba'i mdzub mo gnyis sbyar ba'o//'dir mtshan ma dang phyag rgya rnams ni sna tshogs pad+ma dang nyi ma la gnas pa'o/ /bsgom par bya ba'i dkyil 'khor la ye shes mkha' 'gro ma la sogs pa'i sna tshogs pad+ma ni rim pa bzhin du/ seng ge dang mche ba can dkar po dang / rin po che sna bdun gyi phung po dang /ma he dang / sprul gyi dbang po brgyad kyi mjug ma dang / ro bzhi la gnas pa ste/ de ltar rdul tshon gyi dkyil 'khor la ni skal ba dang mi ldan pa 'dus pa na bri bar mi bya'o/ /gzhan du ni ngal bas 'jigs pa dang / yon bdag bsdus pa la dga' bas so/ /skal ba dang ldan pa rab tu dang bar bya ba'i don du ni yon bdag gi dbang las bri bar bya'o//de ltar phyi ma rnams la yang ji ltar 'byung ba bri ba dang mi bri bar rig par bya'o/ /phyi ngos kyi thig zlum po'i phyi ngos su bum pa bri'o/ /bcu bdun gyi bdag nyid kyi kye'i rdo rje gsum gyi dkyil 'khor la sna tshogs pad+ma'i lte ba la khro bo'i rdo rje sngon po'o//shar dang lho la sogs pa dang / dbang ldan dang me la sogs pa'i 'dab ma rnams la ni rim pa bzhin du rdo rje drag mo dang / rdo rje gzugs ma dang / 'dod chags rdo rje ma dang / rdo rje zhi ba mo dang / rdo rje gnod sbyin ma dang / rdo rje mkha' 'gro ma dang / sgra rdo rje ma dang / sa rdo rje ma rnams kyi mda' dang /rdo rje dang ral gri dang / tal pa thung du dang / dbyug pa ser po dang / pad+ma dmar ser dang / shak+ti dang / bum pa dkar ljang ngo / /rim pa gnyis par dbang ldan dang me la sogs pa rnams su gling bum dang / pi wang ma dang / mu kun+da ma dang / rdza rnga ma rnams kyi gling bu dang /pi wang dang / rnga mu kun+da dang rdza rnga rnams so/ /shar la sogs pa'i sgo rnams su rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bu ma rnams kyi rdo rje lcags kyu dang / rdo rje zhags pa dang / rdo rje lcags sgrog dang / rdo rje dril bu rnams so/ /mtshan ma bcu bdun po 'di rnams ni thod pa dang nyi ma la gnas pa'o//gling bu ma la sogs pa brgyad kyi ni thod pa'i 'og tu sna tshogs pad+ma'o/ /phyag gnyis pa dang bzhi ba la ni thod pa med do/ /phyag bcu drug pa'i dkyil 'khor la sna tshogs pad+ma'i lte ba la khro bo'i rdo rje sngon po'o/ /shar la sogs pa dang / dbang ldan la sogs pa'i 'dab ma rnams la gau rI dang / tsau rI dang / ro langs ma dang / za phod ma dang / sbos ma dang / ri khrod ma dang / gtum mo dang / rab tu rmongs byed ma rnams kyi rim pa bzhin du mda' dang / rdo rje dang / thod pa khrag dang bcas pa la gnas pa'i rus sbal dang / tshil gyis bkang ba la gnas pa'i sbrul dang /shas bkang ba la gnas pa'i seng ge dang / khu ba dang bcas pa'i thod pa la gnas pa'i dge slong dang / khrag dang bcas pa'i thod pa la gnas pa'i stag dang chang gi snod rnams so/ /rim pa gnyis pa'i mtshams rnams su gling bu ma la sogs pa'i mtshan ma ni snga ma bzhin no//shar la sogs pa'i sgor stag gdong ma dang / phag gdong ma dang / khyi gdong ma dang / seng ge'i gdong ma rnams kyi rdo rje lcags kyu dang / rdo rje zhags pa dang / rdo rje lcags sgrog dang / rdo rje dril bu'o/ /mtshan ma bcu bdun po 'di rnams nyi ma la gnas pa'o/ /gling bu ma la sogs pa brgyad kyi nyi ma'i 'og tu sna tshogs pad+ma rnams so//dbus kyi 'od zer gyi phyi ngos su sngar bzhin du bum pa rnams so/ /bdag med ma'i dkyil 'khor la sna tshogs pad+ma'i lte ba dang / shar la sogs pa'i 'dab ma rnams la go rims bzhin du bdag med ma dang / rdo rje ma dang / dkar mo dang / chu ma dang / rdo rje mkha' 'gro ma rnams dang / rim pa gnyis par phyag bcu drug pa'i dkyil 'khor du brjod pa'i dkar mo la sogs pa rnams kyi rdo rje'o/ /gling bu ma la sogs pa'i mtshan ma ni snga ma bzhin du'o/ /rta gdong ma la sogs pa'i gri gug rnams so/ /mkha' spyod ma'i rdo rje ni rta gdong ma'i phyi ngos su'o//sa spyod ma'i rdo rje ni khyi gdong ma'i phyi ngos su'o/ /'dir gri gug bzhi ni nyi ma la gnas pa'o/ /mtshan ma gzhan ni zla ba'i dkyil 'khor la gnas pa'o/ /phyi'i dkar mo la sogs pa bco brgyad po rnams kyi zla ba dang / nyi ma ni sna tshogs pad+ma la gnas pa'o/ /gling bum la sogs pa brgyad med pa ni lhag ma lha mo bco lnga po rnams kyi zla ba la gri gug rnams so//mkha' spyod ma'i mtshan ma ni dkar mo'i phyi ngos so/ /ro langs ma'i phyi ngos su sa spyod ma'o/ /de bzhin du ku ru kul+le'i dkyil 'khor la yang yin te/ khyad par ni zla ba la yu ba dang bcas pa'i ut+pa la dmar po kha 'bus pa'i mda' yod pa'o//'dir lha mo bco lnga po rnams kyang ku ru kul+le'i bzhin du mdog dmar po'o/ /rdo rje bdud rtsi'i dkyil 'khor dang po la sna tshogs pad+ma'i lte ba dang / shar la sogs pa dang dbang ldan la sogs pa'i 'dab ma rnams la go rims bzhin du rdo rje bdud rtsi dang /zhi ba mo dang / zla ldan ma dang / ri bong can ma dang / zla dkyil ma dang / zla tshes ma dang / yid 'ong ma dang / yid tshim byed pa rnams kyi rdo rje'o/ /khyad par ni zla tshes ma'i zla ba cha gcig pa'o/ /rim pa gnyis par dbang ldan la sogs pa rnams su me tog ma dang / bdug spos ma dang / mar me ma dang /dri chab ma rnams kyi me tog gi za ma tog dang / spos phor dang / mar me'i mchod sdong dang / dri'i dung chos rnams so/ /shar la sogs pa'i snam bu rnams su gling bu ma la sogs pa bzhi'i gling bu la sogs pa bzhi'o/ /shar la sogs pa'i sgo rnams su khro gnyer rim par ldan dang / 'jigs sdigs dang / rta gzugs dang / tshogs kyi gtso bo rnams kyi rdo rje lcags kyu dang / zhags pa dang / lcags sgrog dang / dril bu rnams so/ /mtshan ma nyi shu rtsa gcig po 'di rnams ni zla ba la gnas pa'o/ /me tog ma la sogs pa bcu gnyis kyi zla ba'i 'og tu sna tshogs pad+ma'o/ /yang na dkyil 'khor pa thams cad la chos 'byung bri bar bya'o//'di nyid kho na bri bar bya'o zhes pa ni gzhan dag go/ /gzhan rdo rje bdud rtsi gsum gyi dkyil 'khor gyi mtshan ma rnams ni rdo rje bdud rtsi'i rgyud du rig par bya'o/ /dgu'i bdag nyid can kye'i rdo rje gsum gyi dkyil 'khor la sna tshogs pad+ma'i lte bar nyi ma la rdo rje sngon po kha gyes pa'o//shar la sogs pa dang dbang ldan la sogs pa'i 'dab mar zla ba rnams la go rims bzhin du dkar mo dang / chom rkun ma dang / ro langs ma dang / za phod ma dang / spos ma dang / ri khrod ma dang / gtum mo dang / g.yung mo rnams kyi gri gug dang / cang te'u dang /rus sbal dang / sbrul dang / seng ge dang / dge slong dang / 'khor lo dang / rdo rje rnams so/ /phyag bcu drug pa'i nyi ma la sna tshogs rdo rjes mtshan pa'o/ /thod pa dkar po zhes pa ni khyad par ro/ /phyi ngos kyi zlum po las phyi ngos su bum pa rnams so/ /sgyu ma chen mo'i dkyil 'khor la pad+ma dmar po'i lte bar nyi ma la bcom ldan 'das ma sgyu ma chen po'i pad+ma'i snod do//shar la sogs pa'i 'dab ma'i zla ba rnams la g.yas skor du rdo rje mkha' 'gro ma dang / rin chen mkha' 'gro ma dang / pad+ma mkha' 'gro ma dang / sna tshogs mkha' 'gro ma rnams kyi rdo rje dang / rin po che'i snye ma dang / sna tshogs chu skyes dang /ral gri'o/ /sangs rgyas mkha' 'gro ma ni rdo rje sems dpa' la 'khyud nas gnas pas de'i mtshan ma tha dad du mi dgod do/ /dgu'i bdag nyid sangs rgyas thod pa'i dkyil 'khor la sna tshogs chu skyes kyi lte bar nyi ma la cang te'u'o/ /shar dang byang dang nub dang lho dang dbang ldan dang me dang bden bral dang /rlung gi 'dab mar nyi ma rnams la sna tshogs sde ma dang / 'dod ma dang / sa 'og na gnas ma dang / legs bzangs ma dang / chang 'tshong ma dang / 'byung mo dang / phyag bzhi ma dang / nam mkha' la gnas ma rnams kyi gri gug rnams so/ /rdo rje hUM mdzad kyi dkyil 'khor la dbus su rdo rje hUM mdzad kyi rdo rje'o//shar la sogs par g.yon skor du rdo rje dbyug pa dang / nyi ma me dang / rdo rje gtsug tor dang / rdo rje 'khyil pa rnams dang / me la sogs par g.yas skor du rdo rje gnod sbyin dang / rdo rje dus dang / nag po chen po dang / rdo rje bsdigs pa dang / gtsug tor dang /rdo rje sa 'og rnams kyi rdo rje tho ba dang / rdo rje dbyug pa dang / chu skyes dmar po dang / sna tshogs rdo rje dang / lcags kyu dang / dgra sta dang / rtse gsum dang / ral gri dang / 'khor lo dang / rdo rje'i gtun shing rnams te/ mtshan ma thams cad ni sna tshogs chu skyes dang nyi ma la gnas pa'o/ / yang na shar la sogs pa'i phyogs su g.yas skor du gshin rje mthar byed dang / shes rab mthar byed dang / pad+ma mthar byed dang / bgegs mthar byed rnams kyi rdo rje'i tho ba dang / rdo rjes mtshan pa'i dbyug pa dkar po dang / pad+ma dmar po dang / sna tshogs rdo rje'o/ /me la sogs pa'i mtshams rnams su mi g.yo ba dang /'dod pa'i rgyal po dang / dbyug pa sngon po dang / stobs po che rnams kyi ral gri dang / rdo rje dang / rdo rjes mtshan pa'i dbyug pa sngon po dang / rdo rjes mtshan pa'i dbyug pa nag po'o/ /gshin rje gshed kyi mtshan ma las phyi ngos su gtsug tor 'khor lo tsan gyi rdo rje'o/ / pad+ma mthar byed kyi mtshan ma las phyi ngos su gnod mdzes kyi rdo rje'o/ /mtshan ma bcu gcig po 'di rnams ni sna tshogs pad+ma dang nyi ma la gnas pa'o/ /yang na bgegs dgra'i rdo rje kha gyes pa'o/ /me la sogs pa rnams su 'dod pa'i rgyal po dang / dbyug pa sngon po dang / stobs po che dang /mi g.yo ba rnams kyi lcags kyu dang / rdo rjes mtshan pa'i dbyug pa sngon po dang / rtse gsum pa dang / ral gri'o/ /gtsug tor 'khor lo can gyi 'khor lo ser po chen po'o/ /gzhan rnams kyi bshad ma thag pa snga ma bzhin no/ /yang na gshin rje gshed la sogs pa bzhi po rnams kyi rdo rje lcags kyu dang /rdo rje zhags pa dang / rdo rje lcags sgrog dang / rdo rje dril bu rnams te/ /gzhan rnams kyi bshad ma thag pa snga ma bzhin no/ /bde mchog gi dkyil 'khor la sna tshogs chu skyes kyi lte bar gnas pa'i nyi ma la dpal bde mchog gi rdo rje rtse lnga pa sngon po kha gyes pa'o/ /phyogs bzhi'i 'dab ma la mkha' 'gro ma dang /lA ma dang / dum skyes ma dang / gzugs can ma rnams kyi gri gug rnams so/ /mtshams kyi 'dab ma rnams la pad+ma'i snod rnams so/ /thugs kyi 'khor lo la sogs pa'i rtsibs nyi shu rtsa bzhi la rab tu gtum mo dang / gtum mig ma dang / 'od ldan ma dang /sna chen ma dang / dpa' bo'i blo can ma dang / mi'u thung ma dang / lang ka'i dbang phyug ma dang / shing grib ma dang / sa srung ma dang / 'jigs byed chen mo dang / rlung gi shugs can ma dang / chang 'thung ma dang / lha mo sngo bsangs ma dang / rab tu bzang mo dang / rta rna mo dang / bya gdong ma dang / 'khor lo'i shugs can ma dang /dum skyes ma dang / chang 'tshong ma dang / 'khor lo'i go cha ma dang / rab tu dpa' mo dang / stobs can mo dang / 'khor los sgyur ma dang / brtson 'grus chen mo rnams kyi gri gug go/ /gtso bo ma yin pa'i phyir dpa' bo rnams kyi mtshan ma ni mi bri'o/ /sgo rnams su khwa gdong ma dang /'ug gdong ma dang / khyi gdong ma dang / phag gdong ma rnams dang / mtshams su gshin rje brtan ma dang / gshin rje pho nya mo dang / gshin rje mche ba mo dang / gshin rje 'joms ma rnams kyi sna tshogs chu skyes dang / nyi ma rnams la gri gug go/ /'dir shar la sogs pa'i phyogs su g.yon skor du dang /me la sogs pa'i mtshams su g.yas skor du mtshan ma dgod do/ /phyi ngos su zlum po'i thig las phyi rol gyi mtshams kyi char bum pa rnams bri'o/ /de las gzhan pa'i 'khor lo sdom pa dang / rdo rje phag mo'i dkyil 'khor rnams kyi mtshan ma rnams ni rdzogs pa'i rnal 'byor gyi phreng bar brjod do//nyi shu rtsa lnga'i bdag nyid sangs rgyas thod pa'i dkyil 'khor la dbus su sna tshogs chu skyes la nyi mar cang te'u'o/ /lha mo nyi shu rtsa bzhi rnams kyi gri gug rnams te shar la sogs pa'i phyogs su g.yon skor dang / me la sogs pa'i mtshams su g.yas skor ro//de la 'khor lo nag po'i rtsibs kyi steng du phyogs kyi 'dab ma la legs phreng can ma dang / thod pa can ma dang / 'jigs ma dang / mi thub ma rnams kyi'o/ /mtshams kyi 'dab ma rnams la thod pa rnams so/ /de nas rdo rje sngon po'i phreng ba'o/ /rim pa gnyis pa la rtsibs brgyad dmar po la gnas pa'i chu skyes brgyad rnams la phyogs rnams su dge ba'i ske rags ma dang /gzugs can ma dang / rnam rgyal ma dang / 'od can ma rnams kyi'o/ /mtshams rnams su dus can ma dang / mtsho chen ma dang / byed ma dang / gsod ma rnams kyi'o/ /de nas rdo rje phreng ba dmar po'o/ /rim pa gsum bar rtsibs brgyad dkar po la gnas pa'i pad+ma 'dab brgyad la phyogs su sgrol ma dang /'jigs mthong ma dang / legs mthong ma dang thub dka' ma rnams kyi'o/ /mtshams rnams su dge ma dang / grib gnon ma dang / dus mtshan ma dang / grags chen ma rnams kyi'o/ / de nas rdo rje phreng ba dkar po'o/ /sgo'i pad+ma rnams la mdzes ma dang / nor 'dzin ma dang / skal bzang mo dang / mthong ba yid 'ong ma rnams kyi'o/ /pad+ma nyi shu'i steng du nyi ma rnams la gri gug rnams so zhes gdams so/ /rnal 'byor nam mkha'i dkyil 'khor gyi dbang phyug gi sna tshogs pad+ma dang /rdo rje sngon po rtse lnga pa'o/ /shar dang byang dang nub dang lho'i re'u mig rnams la pad+ma dang nyi ma la gnas pa'i kha T+wAM ga rnams so/ /dbang ldan dang me la sogs pa'i re'u mig rnams la kha T+wAM ga dang / lcags kyu dang / dgra sta dang / dbyug pa'o/ /shar la sogs pa'i re'u mig rnams la kha T+wAM ga rnams kyi phyi ngos su rim pa bzhin du khar bsdus pa'i lag pa gnyis dang /snyim pa sbyar ba dang khrag gi snyim pa dang / gtun shing ngo / /kha T+wAM ga la sogs pa'i mtshan ma rnams pad+ma dang nyi mar gnas pa'o/ /'od zer gyi khor yug gi phyi rol gyi shar phyogs su bdud rtsi'i thod pa gsum mo//byang du sgron ma'i thod pa gsum dang / nub du gtor ma'i thod pa gsum dang / lhor btung ba'i thod pa gsum dang / dbang ldan du snyems pa'i lag pa dang / dri'i snod do/ /mer ni pi wang dang / me tog gi za ma tog go/ /bden bral du sdigs mdzub kyi lag pa dang spos snod do//rlung du thal mo dang mar me'o/ /de nas rdo rje phreng ba'i khor yug gi phyi'i shar la sogs pa'i snam bu rnams la so sor bzhi bzhi dang sgo dang mtshams su brgyad de kha T+wAM ga nyer bzhi'o/ /bdud rtsi'i thod pa la sogs pa ni mtsho skyes ma nyi ma la gnas pa'o/ /gshin rje gshed kyi dkyil 'khor la sna tshogs rdo rje'i lte ba'i dbus su bcom ldan 'das gshin rje gshed kyi rdo rje sngon po rtse lnga pa kha gyes pa'o//shar dang lho la sogs pa'i ra'i rtsa ba rnams su rtag pa dang / rin chen dbang po dang / snang ba mtha' yas dang / don yod grub pa rnams kyi 'khor lo dkar po rtsibs brgyad pa dang / rin po che ljang gu cha dgu pa dang /pad+ma dmar po 'dab ma brgyad pa dang / ral gri ljang gu rnams so/ /sna tshogs rdo rje'i me dang / bden bral la sogs pa'i grwar rdo rje tsartsi ka dang / rdo rje phag mo dang / rdo rje dbyangs can ma dang / dkar mo rnams kyi 'khor lo dang rdo rje dang pad+ma dang ral gri'o/ /de nas rdo rje phreng ba'o//de nas sna tshogs rdo rje'i phyogs so sor ra lnga'o/ /shar dang lho la sogs pa'i sgo rnams su tho ba gshin rje gshed dang / dbyug pa gshin rje gshed dang / pad+ma gshin rje gshed dang / ral gri gshin rje gshed rnams kyi rdo rje rtse mo nyi shu pas mtshan pa'i tho ba dang / dbyug pa dkar po dang / pad+ma dmar po dang / ral gri'o/ /'dir rtag pa dang / lha mo rnams kyi mtshan ma ni zla ba la gnas pa'o/ /gzhan gyi ni nyi ma la gnas pa'o/ /nyi ma dang zla ba'i 'og tu ni sna tshogs pad+ma'o/ /dkyil 'khor gyi mtshams rnams su pad+ma la gnas pa'i thod pa bzhi'o/ /ra'i glo rnams su bum pa rnams so//rdo rje sgrol ma'i dkyil 'khor la sna tshogs pad+ma'i lte bar zla ba la rdo rje rtse dgu pa gser gyi mdog can no/ /shar dang lho la sogs pa'i 'dab mar zla ba rnams la me tog sgrol ma dang / bdug sbos sgrol ma dang / mar me sgrol ma dang / dri'i sgrol ma rnams kyi me tog gi phreng ba dang / sbos phor dang / mar me'i kong bu dang / dri'i dung chos rnams so/ /me la sogs pa'i 'dab mar rtag pa dang / mi bskyod pa dang / snang ba mtha' yas dang / don yod grub pa'i rnam par dag pa'i 'khor lo dang / rdo rje dang / pad+ma dang / ral gri rnams so/ /shar dang lho la sogs pa'i sgo rnams su rdo rje lcags kyu ma dang /rdo rje zhags pa ma dang / rdo rje lcags sgrog ma dang / rdo rje dril bu ma rnams kyi lcags kyu la sogs pa snga ma bzhin te/ sna tshogs pad+ma dang nyi ma la'o/ /rdo rje lcags kyu ma'i phyi ngos su gtsug tor rnam par rgyal ba'i 'khor lo sna tshogs pad+ma dang nyi ma la'o/ /rdo rje lcags sgrog ma'i phyi ngos su rdo rje gnod mdzes ma'i sbrul gyi zhags pa ste/sna tshogs chu skyes dang nyi ma la'o/ /me la sogs pa'i mtshams su pad+ma la spyan ma dang / mA ma kI dang / gos dkar mo dang sgrol ma rnams kyi rnams par dag pa'i byang chub kyi sems kyi bum pa dang / ri rab dang me thab dang rgyal mtshan chen po'o/ /pad+ma'i phyi ngos su bum pa rnams so//'od zer can gyi dkyil 'khor gyi dbus kyi sna tshogs pad+mar nyi ma'am/ zla ba la mda' ste mtshan mo zla ba la gnas shing nyin mo nyi ma la gnas te lha mo rnam par rgyu'o/ /shar dang lho la sogs pa'i phyogs su arka ma sI dang / marka ma sI dang / an+da ra d+ha na ma sI dang / te dzo ma sI'i lha mo rnams kyi go rims bzhin du khab dang skud pa dang bcas pa'i khab dang / a shwa ka'i yal ga dang mda' rnams so/ /me dang srin po la sogs pa'i mtshams rnams su u da ya ma sI dang / gul+ma ma sI dang / ma na ma sI dang / tsI ba ra ma sI rnams kyi mtshan ma ni go rims bzhin du arka ma sI la sogs pa'i mtshan ma bzhin no//phyi'i pho brang gi snam bu'i shar du ma hA tsi ba ra ma sI dang / ba ra ha mu kha'i lha mo dag gi rdo rje dang lcags kyu gnyis so/ /lho phyogs su lha mo pa dA kra ma sI dang / ba ra lI dag gi a sho ka'i 'dab ma gnyis so/ /nub tu lha mo pa ra kra ma sI dang / ba da lI dag gi mda' gnyis so//byang du lha mo urma ma sI dang / ba rA lI dag gi khab gnyis so/ /me la sogs pa'i mtshams su bat+tA lI dang / bat+ta lI dang / ba rA lA dang / ba rA ha mu khi rnams kyi khab dang skud pa dang bcas pa'i khab dang a sho ka'i lo ma dang mda' rnams so/ /shar sgor lha mo a lo'i rdo rje lcags kyu'o//lhor lha mo ta lo'i rdo rje zhags pa'o/ /nub du lha mo ka lo'i rdo rje lcags sgrog go/ /byang du lha mo sats+tsha lo saM ba mU r+d+hi TI'i rdo rje dril bu'o/ /'dir sgo skyong ma'i mtshan ma rnams ni pad+ma dang nyi ma la gnas pa'o/ /gzhan dag gi ni pad+ma dang zla ba la'o/ /srung ba lnga'i dkyil 'khor la dbus su sna tshogs chu skyes kyi lte bar zla ba la so sor 'brang ma chen mo'i rin po che'i chun po'o//shar du sna tshogs pad+ma dang zla ba la stong chen mo rab tu 'joms pa'i 'khor lo'o/ /lhor sna tshogs pad+ma dang nyi ma la gsang sngags chen mo rjes su 'dzin pa'i rdo rje'o/ /nub tu sna tshogs pad+ma dang nyi ma la bsil ba'i tshal chen mo'i pad+ma'o//byang du sna tshogs pad+ma dang zla ba la rma bya chen mo'i rma bya'i mjug sgro'o/ /rim pa gnyis par me la sogs pa'i mtshams su nag mo dang / dus mtshan mo dang / rna ba nag mo dang / dkar mo rnams kyi dung dang / rdo rjes mtshan pa'i rgyal mtshan dang / dgra s+t+wa dang / rtse gsum rnams so//snam bu rnams la bum pa rnams so/ /shar la sogs pa'i sgor sna tshogs pad+ma dang nyi ma rnams la rdo rje lcags kyu ma la sogs pa'i rdo rje lcags kyu la sogs pa bzhi'o/ /rdo rje dbyings kyi dkyil 'khor la sna tshogs pad+ma'i lte bar zla ba la bcom ldan 'das rdo rje dbyings kyi rdo rje rtse lnga pa dkar po'o//lte ba'i shar la sogs pa'i phyogs kyi 'dab mar zla ba rnams la go rims bzhin du g.yas skor du sems ma rdo rje ma dang / rin chen rdo rje ma dang / chos kyi rdo rje ma dang / las kyi rdo rje ma rnams kyi rdo rje dmar po rtse lnga pa dang / rdo rje rtse lnga ba'i rtse mo can gyi rin po che dang / rdo rje rtse lnga pas mtshan pa'i pad+ma 'dab brgyad dkar dmar dang /de bzhin gshegs pa lnga'i kha dog gi sna tshogs rdo rje'o/ /shar la sogs pa'i pad+ma'i lte bar zla ba'i dkyil 'khor rnams la go rims bzhin du mi bskyod pa dang / rin chen 'byung ldan dang / 'od dpag med dang / don yod grub pa rnams kyi rdo rje rtse lnga pa sngon po dang /rdo rje rin po che dang / rdo rje pad+ma dang / sna tshogs rdo rje dang / mi bskyod pa'i pad+ma'i shar la sogs pa'i phyogs kyi 'dab mar zla ba rnams la rdo rje sems dpa' dang / rdo rje rgyal po dang / rdo rje chags pa dang / rdo rje legs pa rnams kyi rim pa bzhin du rdo rje rtse lnga pa dang / rdo rje lcags kyu dang / mda' dang /rdo rje'o/ /rin chen 'byung ldan gyi pad+ma la rdo rje rin chen dang / rdo rje gzi brjid dang / rdo rje tog dang / rdo rje bzhad pa rnams kyi rim pa bzhin du rdo rje sngon po rtse lnga pa gnyis kyis mtshan pa'i rin po che'i phreng ba dang / nyi ma dang / yid bzhin gyi nor bu'i rgyal mtshan dang / so'i phreng ba dang ldan pa'i rdo rje'o//snang ba mtha' yas kyi rdo rje chos dang / rdo rje rnon po dang / rdo rje rgyu dang / rdo rje srung ba rnams kyi pad+ma dmar po dang / ral gri dang / 'khor lo rtsibs brgyad pa dang / rdo rje rtse gcig pa'i lce'o/ /don yod grub pa'i rdo rje las dang / rdo rje srung ba dang / rdo rje gnod sbyin dang / rdo rje khu tshur rnams kyi sna tshogs rdo rje dang /rdo rje go cha dang / rdo rjes mtshan pa'i mche ba dang / rdo rje rtse lnga pa'o/ /mi bskyod pa la sogs pa so so'i byang chub sems dpa' gsum pa'i mtshan ma ni byang gi 'dab mar dang / bzhi pa'i mtshan ma ni nub kyi 'dab ma la bri bar bya'o/ /me la sogs pa'i pad+ma'i lte ba'i zla ba rnams la rdo rje sgeg mo dang /rdo rje phreng ba ma dang / rdo rje glu ma dang / rdo rje gar ma rnams kyi rdo rje dang / rin po che'i phreng ba dang / pi wang dang / rdo rje'o/ /dbus kyi gzhal yas khang las phyi rol gyi snam bu'i shar du byams pa dang / mthong ba don yod dang / ngan song kun 'dren dang / mya ngan dang mun pa thams cad 'joms pa'i blo gros rnams kyi pad+ma dang zla ba rnams la rdo rje rtse lnga pa rnams so//lho phyogs su spos kyi glang po dang / dpa' bar 'gro ba dang / nam mkha' mdzod dang / ye shes tog rnams kyi pad+ma dang zla ba rnams la rdo rje rin po che rnams so/ /nub tu 'od dpag med dang /zla 'od dang / bzang skyong dang / dra ba can gyi 'od rnams kyi chu skyes dang / zla ba rnams la rdo rje pad+ma rnams so/ /byang du rdo rje snying po dang / blo gros mi zad pa dang / spobs pa brtsegs pa dang / kun du bzang po rnams kyi pad+ma dang zla ba rnams la sna tshogs rdo rje rnams so/ /phyi'i dkyil 'khor gyi me la sogs pa'i grwa rnams su pad+ma dang zla ba rnams la rdo rje bdug spos ma dang /rdo rje me tog ma dang / rdo rje mar me ma dang / rdo rje dri chab ma rnams kyi mtshan ma ni snga ma bzhin no/ /shar la sogs pa'i sgor pad+ma dang zla ba rnams la rdo rje lcags kyu dang / rdo rje zhags pa dang / rdo rje lcags sgrog dang /rdo rje 'bebs pa rnams kyi mtshan ma rnams so/ /snam bu rnams la bum pa rnams so/ /bzhi bcu rtsa gsum gyi bdag nyid can 'jam pa'i rdo rje'i dkyil 'khor la phyi'i dkyil 'khor gyi rtsig pa lnga ni sngon po dang / dmar po dang / dkar po dang / ljang gu dang / ser po ste/ shar la sogs pa'i phyogs dang /dbus kyis thams cad kyang ngo / /dkyil 'khor gnyis pa la rtsig pa gsum ste/ sngon po dang / dkar po dang / ser po'o/ /'khor lo gsum pa la rtsig pa dkar po gcig go/ /de la dbus kyi sa gzhi ser po la sna tshogs pad+ma dang zla ba la 'jam dpal gyi ral gri yu ba ser po can no//shar la sogs pa'i re mig gi nyi ma la mi bskyod pa dang / rin chen 'byung ldan dang / snang ba mtha' yas dang / don yod grub pa rnams rdo rje sngon po dang / rin po che dang / pad+ma dkar po dang / ral gri'o/ /dbang ldan la sogs pa'i re'u mig gi zla ba rnams la spyan ma dang / mA ma kI dang / gos dkar mo dang /sgrol ma rnams kyi rdo rje ser po dang / rdo rje sngon po dang / rdo rje dkar bo dang / rdo rje ljang gu'o/ /rim pa gnyis pa'i dkyil 'khor la shar la sogs pa'i phyogs su zla ba rnams la sems ma rdo rje ma dang / rin chen rdo rje ma dang / chos kyi rdo rje ma dang / las kyi rdo rje ma rnams kyi mtshan ma ni mi bskyod pa la sogs pa bzhin no//dbang ldan la sogs pa'i mtshams su zla ba rnams la tsun+da dang / rin chen dkar mda' dang / khro gnyer can dang / rdo rje lcags sgrog ma rnams kyi ral gri dang / rin po che ser po dang / rdo rje dkar po dang / rdo rje lcags sgrog ljang gu rnams so/ / rim pa gsum pa'i dkyil 'khor la shar gyi zla ba rnams la byams pa dang / 'jam dpal dang / spos kyi glang po dang / ye shes tog rnams kyi klu shing gi yal ga me tog dang bcas pa dang / ral gri dang / lag ldan gyi snam bu la gnas pa dang / yid bzhin gyi nor bu ser po'o/ /lho'i zla ba rnams la bzang skyong dang /blo gros rgya mtsho dang / blo gros mi zad dang / spobs pa brtsegs pa rnams kyi mda' dmar po dang / dkar po dang ser po dang / ljang gu'o/ /nub kyi zla ba rnams la mthu chen thob pa dang / ngan song kun 'dren dang / mya ngan dang mun pa thams cad nges par 'joms pa'i blo gros dang /dra ba can gyi 'od rnams kyi pad+ma dkar po dang / mda' dkar po dang / mda' ser po dang / ut+pal dmar po la gnas pa'i nyi ma'o/ /byang phyogs kyi zla ba rnams la zla 'od dang / 'od dpag med dang / nam mkha' mdzod dang / sgrib pa thams cad rnam par sel ba rnams kyi ut+pal la gnas pa'i zla ba dang /bum pa dmar po dang / mda' ser po dang / mda' sngon po'o/ /'dir go rims bzhin du shar la sogs pa'i sgo rnams su logs gnyis kyi snam bu la mtshan ma gnyis gnyis so/ /shar la sogs pa'i sgor nyi ma rnams la gshin rje mthar byed dang /gzhan gyis mi thub pa dang / rta mgrin dang / bdud rtsi 'khyil pa rnams kyi ral gri yu ba nag po can dang / rdo rje ser po dang / rdo rje dbyug pa dmar po dang / ral gri yu ba sngon po can dang / dbang ldan la sogs pa'i mtshams kyi nyi ma rnams la mi g.yo ba dang / 'dod pa'i rgyal po dang /dbyug pa sngon po dang / stobs po che rnams kyi ral gri sngon po dang / rdo rje sngon po dang / rdo rje dbyug pa sngon po dang / rdo rje dbyug pa sngon po'o/ /gshin rje gshed kyi mtshan ma'i phyi rol du nyi ma la gnod mdzes kyi ral gri'o/ /rta mgrin gyi mtshan ma'i phyi ngos su nyi ma la rdo rjes 'og gi rdo rje lcags kyu'o//zla ba dang nyi ma thams cad kyi 'og tu sna tshogs chu skyes so/ /snam bu rnams la bum pa rnams so/ /kha cig tu ni gshin rje gshed kyi mtshan ma'i phyi ngos su nyi ma la gtsug tor 'khor los sgyur ba'i 'khor lo dang de'i phyi ngos su gnod mdzes kyi ral gri'o zhes gsungs so/ / chos kyi dbyings gsung gi dbang phyug gi dkyil 'khor la nang gi 'khor lo tshon dkar pos dgang bar bya'o/ /gzhan ni snga ma bzhin no/ /dbus kyi dkyil 'khor gyi dbus su sna tshogs pad+ma'i lte bar zla ba la 'jam pa'i dbyangs kyi ral gri yu ba ser po can no/ /shar la sogs pa dang dbang ldan la sogs pa'i 'dab ma'i zla ba rnams la go rims bzhin g.yas skor du gtsug tor chen po dang /gdugs dkar po dang / gzi brjid phung po dang / rnam par rgyal ba'i gtsug tor dang / 'od zer rnam par 'phro ba dang / 'phags pa dang / cher 'phags pa dang / rgyal ba ste gtsug tor brgyad po rnams kyi 'khor lo ser po rnams so//shar gyi re mig gi dbus su sna tshogs chu skyes dang nyi ma la mi bskyod pa'i rdo rje sngon po'o/ /dbang ldan la sogs pa'i mtshams su sna tshogs pad+ma dang zla ba rnams la rdo rje sems dpa' dang / rdo rje rgyal po dang / rdo rje chags pa dang / rdo rje legs pa rnams kyi rdo rje dang / rdo rje lcags kyu dang / mda' dang rdo rje'o/ /lho'i re mig gi dbus su sna tshogs pad+ma dang / nyi mal rin chen 'byung ldan gyi yid bzhin gyi nor bu ser po'i rgyal mtshan no/ /dbang ldan la sogs pa'i mtshams kyi sna tshogs chu skyes dang / zla ba rnams la rdo rje rin chen dang /rdo rje nyi ma dang / rdo rje tog dang / rdo rje bzhad pa rnams kyi rdo rje rtse lnga pa gnyis kyis mtshan pa'i rin po che'i phreng ba dang / nyi ma'i dkyil 'khor dang / yid bzhin gyi nor bu'i rgyal mtshan dang / so'i phreng ba dang ldan pa'i rdo rje'o/ /nub kyi re mig gi dbus su sna tshogs pad+mar nyi ma la snang ba mtha' yas kyi pad+ma dmar po'o//dbang ldan la sogs pa'i mtshams su sna tshogs chu skyes dang zla ba rnams la rdo rje chos dang / rdo rje rnon po dang / rdo rje rgyu dang rdo rje srung ba rnams kyi pad+ma dang / ral gri dang / chos kyi 'khor lo dang / rdo rje rtse gcig pa'i lce'o/ /byang phyogs kyi re mig gi dbus su sna tshogs pad+ma dang nyi ma la don yod grub pa'i ral gri'o//dbang ldan la sogs pa'i mtshams su sna tshogs pad+ma dang zla ba rnams la rdo rje las dang / rdo rje srung ba dang / rdo rje gnod sbyin dang rdo rje khu tshur rnams kyi rdo rje rtse gsum pa dang / rdo rje go cha dang / rdo rjes mtshan pa'i mche ba dang /rdo rje rtse lnga pa'o/ /dbang ldan la sogs pa'i mtshams kyi re mig gi pad+ma dang zla ba rnams la spyan ma dang / mA ma kI dang / gos dkar mo dang / sgrol ma rnams kyi mtshan ma rnams ni 'jam pa'i dbyangs dang / mi bskyod pa dang / snang ba mtha' yas dang / don yod grub pa'i mtshan ma bzhin no//shar la sogs pa'i sgor sna tshogs pad+ma dang nyi ma rnams la rdo rje lcags kyu dang / rdo rje zhags pa dang / rdo rje lcags sgrog dang / rdo rje 'bebs pa rnams kyi rdo rje lcags kyu la sogs pa'o/ /nang gi dkyil 'khor 'di las dkyil 'khor gnyis par shar phyogs su sna tshogs pad+ma dang zla ba rnams las bcu gnyis so//mos pas spyod pa dang / rab tu dga' ba dang / dri ma med pa dang / 'od byed pa dang / 'od 'phro ba dang / sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang / kun du 'od kyi sa rnams kyi go rims bzhin du g.yas skor du pad+ma dmar po dang /yid bzhin gyi nor bu dang / pad+ma dkar po dang / sna tshogs pad+ma la gnas pa'i nyi ma dang / ut+pal dang / nor bu margad dang / pad+ma la gnas pa'i shes rab kyi pha rol tu phyin pa'i po ti dang / sna tshogs chu skyes kyi steng du sna tshogs rdo rje yu ba dang bcas pa'i pad+ma dang /zla ba la gnas pa'i rdo rje rtse lnga pa dmar po dang / ut+pala'i steng du ral gri dang / chos kyi sprin gyis yongs su bskor ba'i shes rab kyi pha rol tu phyin pa'i po ti dang / pad+ma la bzhugs pa'i yang dag par rdzogs pa'i sangs rgyas kyi sku'o/ /lhor sna tshogs pad+ma dang zla ba rnams la rin chen pad+ma'i pha rol tu phyin pa dang /sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / rdo rje las kyi pha rol tu phyin pa bcu gnyis rnams kyi pad+ma'i steng du zla ba'i dkyil 'khor dang 'bru sna tshogs pa'i rin po che'i snye ma dang /lo ma dang bcas pa'i a sho ka'i me tog gi chun po dang / pad+ma dkar po dang / ut+pal sngon po dang / pad+ma dkar po dang / pad+ma la gnas pa'i shes rab kyi pha rol tu phyin pa'i po ti dang / chu skyes ser po la gnas pa'i rdo rje dang /ut+pal la gnas pa'i ral gri dang / shes rab kyi pha rol tu phyin pa'i po ti dang / rin po che sna tshogs pa'i 'bras bus brgyan pa'i byang chub kyi shing gi yal ga dang / ut+pal la gnas pa'i sna tshogs rdo rje'o/ /nub tu sna tshogs chu skyes dang / zla ba rnams la tshe dang / sems dang / yo byad dang / las dang / skye ba dang / rdzu 'phrul dang / mos pa dang / smon lam dang / ye shes dang / chos la dbang ba rnams dang / de bzhin nyid dang / sangs rgyas kyi byang chub ste/ dbang bcu gnyis rnams kyi nor bu pad+ma rA ga la gnas pa'i ting nge 'dzin gyi phyag rgya dang ldan pa'i tshe dpag med pa'i sangs rgyas kyi gzugs dang /rdo rje dmar po rtse lnga pa dang / yid bzhin gyi nor bu'i rgyal mtshan dang / sna tshogs rdo rje dang / me tog dzA ti kha dog sna tshogs pa'i yal 'dab dang / pad+ma la gnas pa'i nyi zla'i dkyil 'khor dang / pri yang ku'i me tog gi snye ma dang /ut+pa la sngon po dang / ut+pa la gnas pa'i ral gri dang / pad+ma la gnas pa'i bum pa bzang po dang / 'dam skyes dkar po dang / chu skyes ser po la gnas pa'i rdo rje rtse lnga pa'o/ /byang phyogs su sna tshogs pad+ma dang zla ba rnams la dbyig gi blo gros ma dang / rin po che'i skar mda' dang /gtsug tor rnam par rgyal ma dang / 'od zer can dang / ri khrod lo ma can dang / jaM gu lI dang / sgo mtha' yas ma dang / skul byed ma dang / shes rab 'phel ma dang / las dang sgrib pa thams cad rnam par sel ma dang / ye shes mi zad pa'i za ma tog dang / sangs rgyas kyi chos thams cad kyi mdzod ldan ma rnams te/gzungs bcu gnyis rnams kyi 'bras kyi snye ma dang / yid bzhin gyi nor bu'i rgyal mtshan dang / nor bu zla ba chu shel gyi bum pa dang / skud pa dang bcas pa'i khab dang / rma bya'i mjug sgro dang / dug gi me tog gi chun po dang / pad+ma dmar po la gnas pa'i mi zad pa'i gter chen po'i bum pa dang /ril pa spyi blugs la phreng ba dpyangs pa dang / ut+pal sngon po la gnas pa'i ral gri dang / rdo rje rtse gsum pas mtshan pa'i pad+ma dkar dmar dang / rin po che'i za ma tog dang / pad+ma la gnas pa'i rin po che sna tshogs pa'i dpe sgro ma mo/ /shar la sogs pa'i sgor chu skyes dang /nyi ma rnams la chos so so yang dag par rig pa dang don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa rnams kyi rdo rje dang lcags kyu dang / rin po che'i zhags pa dang / mtha' gnyis su pad+mas mtshan pa'i lcags sgrog dang /rdo rje rtse gsum pas mtshan pa'i dril bu'o/ /me la sogs pa'i mtshams su sgeg mo dang / phreng ba ma dang / glu ma dang / gar ma rnams kyi rdo rje dang / rin po che'i phreng ba dang / pi wang dang / rdo rje'o/ /dkyil 'khor gsum par pad+ma dang zla ba rnams la shar phyogs su kun du bzang po'i ut+pal la la gnas pa'i ral gri dang /blo gros mi zad pa'i ral gri dang / sa'i snying po'i pad+ma la gnas pa'i dpag bsam gyi shing dang / nam mkha'i snying po'i rin po che'o/ /lho phyogs su nam mkha' mdzod kyi yid bzhin gyi nor bu dang / phyag na rin chen gyi rin po che dang / blo gros rgya mtsho'i dung dang / rdo rje snying po'i rdo rje'o/ /nub tu spyan ras gzigs dbang phyug gi pad+ma dang / mthu chen thob kyi ral gri dang / zla 'od kyi rdo rje dang bcas pa'i 'khor lo dang / dra ba can gyi 'od kyi ral gri'o/ /byang du pad+ma dang zla ba rnams la 'od dpag med dang / spobs pa brtsegs pa dang /mya ngan dang mun pa thams cad nges par 'joms pa'i blo gros dang / sgrib pa thams cad rnam par sel ba rnams kyi sna tshogs pad+ma dang / pad+ma la gnas pa'i ral gri dang / rdo rje rtse lnga pa dang / ral gri'o/ /shar la sogs pa'i sgor pad+ma dang / nyi ma rnams la gshin rje mthar byed dang /shes rab mthar byed dang / pad+ma mthar byed dang / bgegs mthar byed rnams kyi lcags kyu dang / zhags pa dang / lcags sgrog dang / dril bu rnams so/ /dbang ldan la sogs pa'i mtshams su sna tshogs chu skyes dang nyi ma rnams la 'jig rten gsum las rnam par rgyal ba dang /rdo rje nyi ma me ltar 'bar ba dang / he ru ka rdo rje dang / rta mchog rnams kyi ral gri dang / rdo rje dang / rdo rje rtse lnga pa dang / sna tshogs rdo rje rnams so/ /gshin rje mthar byed kyi mtshan ma'i phyir gtsug tor 'khor los sgyur ba'i 'khor lo ser po'o/ /pad+ma mthar byed kyi mtshan ma'i phyir gnod mdzes kyi rdo rje'o//'jig rten gsum las rnam par rgyal ba la sogs pa'i mtshan ma bzhi'i phyi ngos su dkyil 'khor gsum pa kho na'i zur gyi nang du re khA bya'o/ /de'i phyi ngos kyi gnas kyi me la sogs pa'i zur thig rnams kyi g.yas logs su gnas pa'i pad+ma dang zla ba rnams la me tog ma dang /bdug spos ma dang / mar me ma dang / dri chab ma rnams kyi me tog gi snod dang / spos phor dang / rin po che'i sgron ma'i mchod sdong dang dung ngo / /g.yon logs su gnas pa'i pad+ma dang zla ba rnams la rdo rje gzugs ma dang / rdo rje sgra ma ma dang /rdo rje ro ma dang / rdo rje reg bya ma rnams kyi me long dang / pi wang dang / ro'i snod dang / gos sna tshogs so/ /phyi rol rdo rje'i rigs kyi dkyil 'khor la pad+ma rnams la shar la sogs pa'i phyogs su dbang po dang / gshin rje dang / chu bdag dang / lus ngan po rnams kyi rdo rje dang / dbyug pa dang / klu'i zhags pa dang / lcags kyu'o/ /dbang ldan la sogs pa'i mtshams su dbang ldan dang / me lha dang / srin po'i bdag po dang / rlung lha rnams kyi rtse gsum pa dang / blugs gzar dang / ral gri dang / rlung ras so/ /de nas dbang ldan gyi phyi ngos dang nye bar dbang ldan gyi mtshams nas brtsams te/mtshan ma rnams rim gyis bri bar bya'o/ /de la tshangs pa'i bgrang phreng ngo / /khyab 'jug gi 'khor lo'o/ /dbang phyug chen po'i rtse gsum pa dang / gdong drug gi shag ti dang / tshangs mo'i phreng ba dang / drag mo'i rtse gsum dang / khyab 'jug ma'i 'khor lo dang /gzhon nu ma'i shak+ti dang / dbang mo'i rdo rje dang / phag mo'i nya ro hi ta dang / tsa muN+Di'i gri gug dang / b+h+r-ing+gi ri ti'i phreng ba dang / tshogs bdag gi dgra sta dang / nag po chen po'i rtse gsum dang / dga' byed dbang phyug gi rdza rnga dang / nyi ma'i pad+ma la gnas pa'i dkyil 'khor dang / zla ba'i kun+da la gnas pa'i dkyil 'khor dang /mig dmar gyi gri gug dang / lhag pa'i mda' dang / phur bu'i phreng ba dang / pa wa sangs kyi phreng ba dang / spen pa'i dbyug pa nag po dang / sgra gcan gyi zla ba dang / mjug rings kyi klu'i zhags pa dang / stobs bzangs kyi gshol dang / rgyal bar byed pa'i me tog gi phreng ba dang /sbrang rtsir byed pa'i chu srin gyi rgyal mtshan dang / dpyid kyi zla dang / mtha' yas dang / nor rgyas dang / 'jog po dang / stobs kyi rgyu dang / pad+ma dang / pad+ma chen po dang / dung skyong dang / rigs ldan rnams kyis thal mo sbyar ba'am/ yang na rang rang gi pha'i mtshan ma dang 'dra ba'i mtshan ma'o//de la mtha' yas dang rigs ldan ni bram ze ste me lha'i bu'o/ /nor rgyas dang dung skyong ni rgyal rigs te dbang po'i'o/ /'jog po dang pad+ma chen po ni rje'u'i rigs te rlung lha'o/ /stobs kyi rgyu dang pad+ma ni dmangs rigs te chu lha'i'o/ /thags bzangs ris dang / stobs ldan dang /rab tu tshim byed dang / rnam par snang byed la sogs pa lha ma yin gyi dbang phyug chen po rnams kyi ral gril sogs pa'i mtshon cha sna tshogs pa'o/ /nam mkha' lding gi dbang po'i thal mo sbyar ba'o/ /mi'am ci'i rgyal po ljon pa'i pi wang ngo / dri za'i rgyal po zur phud lnga pa'i pi wang ngo //rig pa 'dzin pa'i rgyal po don kun grub pa'i me tog gi phreng ba'o/ /gang ba bzang po dang / nor bu bzang po dang / nor sbyin dang / rnam thos kyi bu dang / tsi pi kuN+Da li dang / ki li mi li dang / sgo'i dbang po dang / spyod pa'i dbang po ste/ gnod sbyin gyi dbang po rnams kyi shing thog bi dza pU ra rnams so//'phrog ma'i chang bu gnyis so/ /tha skar dang / bra nye dang / smin drug dang / snar ma dang / mgo dang / lag dang / nam so dang / rgyal dang skag dang / mchu dang / gre dang / dbo dang / me bzhi dang / nag pa dang / sa ri dang / sa ga dang / lha mtshams dang / snron dang / snrubs dang / chu stod dang / chu smad dang / gro bzhin dang / mon gre dang / mon gru dang / khrums stod dang / khrums smad dang / nam gru dang / byi bzhin rnams kyi ni lag pa thal mo sbyar ba'i phyag rgya rnams so/ /'dir yang sgo rnams su rdo rje lcags kyu la sogs pa'o/ /dkyil 'khor bzhi pa la bum pa rnams so//ngan song yongs su sbyong ba'i dkyil 'khor la rdo rje phreng ba sngon po'i nang du 'khor lo rtsibs brgyad ser po'i dbus su chos kyi 'khor lo'i phyag rgya ser po'o/ /shar la sogs pa'i rtsibs rnams las gnon gyi phyag rgya dkar po dang / mchog sbyin gyi phyag rgya sngon po dang /bsam gtan gyi phyag rgya dmar po dang / mi 'jigs pa'i phyag rgya ljang gu rnams so/ /me la sogs pa'i rtsibs rnams la nyi ma dang yid bzhin nor bu'i rgyal mtshan dang / ral gri dang / gdugs so/ /rdo rje phreng ba'i phyi'i me la sogs pa'i mtshams rnams su sgeg mo la sogs pa'i mtshan ma'o//shar la sogs pa'i snam bu rnams la sgo'i g.yon du mtshan ma gnyis te/ g.yas su yang ngo / /der klu shing gi me tog dang / spyan dang bcas pa'i chu skyes dang / lcags kyu dang / dbyug pa dang / dung dang / ral gri dang / pad+ma la gnas pa'i chos kyi sgro ma dang /yid bzhin gyi nor bu'i rgyal mtshan dang / bdud rtsi'i bum pa dang / pad+ma la gnas pa'i zla ba'i gzugs dang / rin po che dang / rdo rje gur dang / rdo rje dang bcas pa'i ut+pal dang bdud rtsi'i bum pa dang / chu skyes la gnas pa'i rin po che dang / rin po che'i snye ma'o/ /me la sogs pa'i mtshams rnams la me tog la sogs pa'i mtshan ma rnams so//sgo rnams la rdo rje lcags kyu la sogs pa rnams so/ /mtshan ma sum cu rtsa bdun po rnams sna tshogs pad+ma dang zla ba la gnas pa'o/ /mgrin pa sngon po la sogs pa rnams kyi mtshan ma ni mi bri ba yang ngo / /'byung po 'dul byed kyi dkyil 'khor la rtsig pa lnga dang /shar la sogs pa'i sa ni dkar po dang / ser po dang / dmar po dang / ljang gu dang / nag po'o/ /thig gi re khA gsum ni dkar po dang / dmar po dang / nag po'o/ /thig gi re khA gcig dang / rdo rje phreng ba'i re khA gnyis ni nag po'o/ /nang gi pho brang gi dbus kyi re mig la sna tshogs pad+ma dang zla ba la bcom ldan 'das 'byung po 'dul byed kyi rdo rje rtse lnga pa sngon po'o//shar du nyi ma la dbang phyug chen po'i rtse gsum pa'o/ /lhor nyi ma la khyab 'jug gi 'khor lo'o/ /nub tu zla ba la tshangs pa'i phreng ba'o/ /byang du nyi ma la smin drug gi bu'i shak+ti'o/ /dbang ldan du zla ba la tshogs bdag gi dgra sta'o//mer nyi ma la nyi ma'i pad+ma la gnas pa'i nyi ma'i dkyil 'khor ro/ /bden bral du nyi ma la sgra gcan gyi zla ba'i dkyil 'khor ro/ /rlung du zla ba la dga' byed dbang phyug gi cang te'u'o/ /rim pa gnyis par shar la sogs pa'i phyogs rnams su dbang mo dang / thig le mchog ma dang / zla ba mo dang / dka' bzlog ma rnams kyi zla ba la pad+ma dkar po dang / spos phor dang / mar me'i mchod sdong dang / gdengs ka'i rnam pa'i lag pa'o/ /me la sogs par rin chen dpal mo dang / dbyangs can ma dang / lha mdzes ma dang / kun du 'byor pa rnams kyi zla ba rnams la rim pa bzhin du dri'i dung chos dang /pi wang dang / rin po che'i phreng ba dang / rdo rje rtse gsum pa'o/ /rim pa gsum par shar la sogs pa'i phyogs su dbang po dang / gshin rje dang / chu bdag dang / lus ngan rnams kyi zla ba la gnas pa'i rdo rje dang / nyi ma la gnas pa'i thod pas mtshan pa'i dbyug pa dang /zla ba la gnas pa'i klu'i zhags pa dang / zla ba la gnas pa'i dbyug to'o/ /me la sogs pa'i mtshams su me lha dang / bden bral dang / rlung lha dang / zla ba rnams kyi nyi ma la gnas pa'i phreng ba dang / nyi ma la gnas pa'i ral gri dang / zla ba la gnas pa'i rlung ras dang /zla ba dang ku mu da la gnas pa'i zla ba'i dkyil 'khor ro/ /zla ba'i mtshan ma dang nye bar dbang ldan gyi nyi ma la rtse gsum mo/ /rim pa bzhi par shar la sogs pa'i phyogs su seng ge'i rgyal mtshan 'dzin ma dang / rnam rgyal ma dang / pad chen ma dang / chang 'phrog ma rnams kyi zla ba la seng ge'i rgyal mtshan dang /lcags kyu dang / mda' dang / yid bzhin gyi nor bu'o/ /dbang ldan la sogs par mchog 'phrog ma dang / rin chen dbang phyug ma dang / rgyal ma dang / 'gro skyong ma rnams kyi zla ba la me tog gi snod dang / spos phor dang / dri'i dung chos dang / mar me'i mchod sdong ngo //'dir nyi ma dang / zla ba thams cad ni sna tshogs pad+ma la gnas pa'o/ /rim pa bzhi par bum pa rnams so/ /mkha' 'gro ma'i dkyil 'khor la dbus kyi gzhal yas khang gi dbus su shes rab dang bcas pa'i kye'i rdo rje'i gri gug dang thod pa'o/ /shar la sogs pa'i sgor dkar mo dang /chom rkun ma dang / ro langs ma dang / za phod ma rnams kyi rdo rje lcags kyu dang / zhags pa dang / lcags sgrog dang / dril bu rnams so/ /dbang ldan la sogs pa'i mtshams rnams su spos mo dang / ri khrod ma dang / gtum mo dang / g.yung mo rnams kyi byang chub sems kyi bum pa dang /ri rab dang / me khab dang / rgyal mtshan chen po'i ba dan no/ /de las shar gyi gzhal yas khang gi dbus su rtag pa'i thod pa la gnas pa'i rma bya'o/ /shar la sogs pa'i sgor skam pa mo dang / zhags pa ma dang / ngo zlum ma dang / lcags kyu 'dzin ma rnams kyi skam pa dang /zhags pa dang / nya rgya zlum po dang / lcags kyu'o/ /dbang ldan la sogs par me tog ma dang / bdug spos ma dang / mar me ma dang / dri chab ma rnams kyi me tog gi snod dang / spos phor dang / mar me'i mchod sdong dang / dri ser pos gang ba'i dung ngo / /lho'i gzhal yas khang gi dbus su rdo rje nyi ma'i thod pa la gnas pa'i bya ka raN+Da dang /shar la sogs pa'i sgor nyi lag ma dang / mar me ma dang / rin chen skar mda' ma dang / phyag na glog thogs ma rnams kyi nyi ma'i dkyil 'khor dang / mar me'i mchod sdong dang / rin po che dang / glog gi phreng ba'o/ /dbang ldan la sogs par sgeg mo dang /phreng ba ma dang / glu ma dang / gar ma rnams kyi rdo rje dang / rin po che'i phreng ba dang / khar rnga dang / rdo rje'o/ /nub kyi gzhal yas khang gi dbus su pad+ma gar gyi dbang phyug gi thod pa la gnas pa'i dom dang shar la sogs pa'i sgor pad+ma dang / chos 'byung ma dang / sgrog ma dang / rang 'khyud ma rnams kyi pad+ma dang / chos 'byung dang / sgrog dang / rdo rje'o/ /dbang ldan la sogs par gling bu ma dang / pi wang ma dang / rnga mu kuN+Da ma dang / rdza rnga ma rnams kyi rang rang gi rol cha rnams so/ /byang gi gzhal yas khang gi dbus su rta mchog gi thod pa la gnas pa'i gza' lhag dang /shar la sogs pa'i sgor sgo lcags ma dang / lde kyog ma dang / sgo glegs ma dang / yol ba 'dzin ma rnams kyi sgo lcags dang / lde kyog dang / sgo glegs dang / yol ba'o/ /dbang ldan la sogs par spyan ma dang / mA ma kI dang / gos dkar mo dang / sgrol ma rnams kyi 'khor lo dang /rdo rje dang / pad+ma dang / ut+pala'o/ /phyi'i dkyil 'khor chen po'i sgo rnams su dkar mo la sogs pa'i mtshan ma rnams dang / dbang ldan la sogs par spos mo la sogs pa'i mtshan ma rnams so/ /mtshan ma 'di rnams ni sna tshogs pad+ma dang nyi ma la gnas pa'i rtag pa kho na'i zla ba la gnas pa'o//dkyil 'khor so so la bdud rtsi'i bum pa rnams so/ /kha cig ni dkyil 'khor chen po kho na la'o zhes so/ /'khor los sgyur ba drug gi dkyil 'khor la mtshan ma rnams sna tshogs pad+ma dang nyi ma la gnas pa ste/ sangs rgyas mkha' 'gro kho na'i zla ba la gnas pa'o/ /gzhal yas khang drug po rnams kyi grwa rnams su sna tshogs pad+ma la gnas pa'i thod pa rnams so//de la dbus kyi dkyil 'khor gyi dbus kyi pad+ma la rdo rje sems dpa'i rdo rje'o/ /mtshams kyi pad+ma rnams la mkha' 'gro ma dang / lA mA dang / dum skyes ma dang / gzugs can ma rnams kyi cang te'u rnams so//'dir dgod pa'i rim pa ni shar la sogs pa'i sgo rnams su g.yon skor dang / me la sogs pa'i mtshams rnams su g.yas skor ro/ /sgo'i pad+ma rnams la thod pa'i dum bu dang / rab tu gtum mo dag dang / keng rus chen po dang / gtum pa'i mig can ma dag dang / keng rus dang /'od ldan ma dag dang / mche ba rnam par gtsigs ma dang / sna chen ma dag gi rdo rje bzhi'o/ /khor yug gi dbus su rdo rje'i phreng ba'o/ /sangs rgyas mkha' 'gro'i dkyil 'khor du dbus kyi pad+ma la 'khor lo dang / sgo'i pad+ma rnams la lha dgra dang / dpa' bo'i blo can ma dag dang / 'od dpag med dang / mi'u thung ma dag dang / rdo rje 'od dang / lang ka'i dbang phyug ma dag dang / rdo rje lus dang / shing grib ma dag gi 'khor lo rnams so/ /khor yug gi dbus su 'khor lo'i phreng ba'o/ /rin chen mkha' 'gro'i dkyil 'khor la dbus su rin po che'o/ /sgo'i chu skyes rnams la myu gu can dang /e ra pa ti dag dang / rdo rje ral pa can dang / 'jigs byed chen mo dag dang / dpa' bo chen po dang / rlung shugs ma dag dang / rdo rje hUM mdzad dang / chang 'thung ma dag gi rin po che rnams so/ /khor yug gi dbus su pad+ma rin po che'i phreng ba'o/ /pad+ma mkha' 'gro'i dkyil 'khor la dbus su pad+ma'o//sgo'i pad+ma rnams la shin tu bzang po dang / lha mo sngo bsangs ma dag dang / rdo rje bzang po dang / shin tu bzang mo dag dang / 'jigs byed chen po dang / rta rnam dag dang / mig mi bzang dang / bya gdong ma rnams kyi pad+ma rnams so/ / khor yug gi dbus su pad+ma'i phreng ba'o/ /rdo rje mkha' 'gro'i dkyil 'khor la dbus su sna tshogs rdo rje'o/ /sgo'i pad+ma rnams la stobs po che dang / 'khor lo'i shugs can ma dag dang / rin chen rdo rje dang / dum skyes ma dag dang / rta mgrin dang / chang 'tshong ma dag dang / nam mkha'i snying po dang /'khor lo'i go cha ma dag gi rdo rje rnams so/ /khor yug gi dbus su rdo rje'i phreng ba'o/ /sna tshogs mkha' 'gro'i dkyil 'khor la dbus su sna tshogs rdo rje'o/ /sgo'i pad+ma rnams la he ru ka dang shin tu dpa' mo dag dang / pad+ma gar gyi dbang phyug dang /stobs chen mo dag dang / rnam par snang mdzad dang / 'khor los sgyur ma dag dang / rdo rje sems dpa' dang / brtson 'grus chen mo dag gi sna tshogs rdo rje rnams so/ /khor yug gi dbus su sna tshogs rdo rje'i phreng ba'o/ /gzhal yas khang chen po'i sgo rnams la khwa gdong ma dang /'ug gdong ma dang / khyi gdong ma dang / phag gdong ma rnams kyi rdo rje lcags kyu dang / zhags pa dang / lcags sgrog dang / dril bu'o/ /mtshams rnams su gshin rje brtan ma dang / gshin rje pho nya ma dang / gshin rje mche ba ma dang / gshin rje 'joms ma rnams kyi me long dang /pi wang dang / dri'i dung dang / ro'i snod rnams so/ /bum pa rnams ni ji ltar rigs par ro/ /de ltar brjod pa'i rjes su 'brangs te dkyil 'khor gzhan rnams la rdul tshon dgye pa yang shes par bya ste/ gzhung mangs pas 'jigs pas ma bstan to/ /dus kyi 'khor lo'i dkyil 'khor la ni tshon gyi kha dog gi rim pa bshad pa dag dang phal cher mi mthun pas/rdul tshon gyi kha dog gi rim pa brjod par bya'o/ /thugs kyi dkyil 'khor gyi rdo rje'i phreng ba gnyis pa'i bar gyi nang gis thams cad ni nag po'o/ /thugs dang / gsung dang sku'i dkyil 'khor rnams kyi shar gyis thams cad ni nag po'o//lho ni dmar po'o/ /nub ni ser po'o/ /byang du ni dkar po'o/ /stegs bu ni dkar po'o/ /rin chen snam bu ni dmar po ste/ de la rin po che sna tshogs pas spras pa'o/ /dra ba dang dra ba phyed pa'i sa ni nag po ste/ de la dra ba dang dra ba phyed pa ni dkar po'o/ / sa nag po la rin chen shar bu dkar po'o/ /sa nag po la mda' yab rnams ser po'o/ /rta babs kyi ka ba rnams ser po'o/ /thugs kyi dkyil 'khor la ni gtso bo'i pad+ma ljang gu'o/ /zhi ba la sogs pa la ni kha dog dkar po la sogs par 'gyur ro/ /rdo rje phreng ba dang / ka ba bcu drug ni nag po ste/shar du ral gri nag po dang / lhor rin po che dmar po dang / nub du 'khor lo ser po dang / byang du pad+ma dkar po rnams dang ldan pa'o/ /bum pa brgyad ni pad+ma la gnas shing dkar po ste/ pad+mas kha brgyan pa'o/ /thams cad du pad+ma'i gdan gyi sum cha ni lte ba'o/ /rdo rje phreng ba gnyis pa ni ljang gu'o//lha snam ni dkar po'o/ /rtsig pa'i re khA gsum ni nang nas brtsams nas dkar po dang / dmar po dang nag po'o/ /de rnams kyis ni cha dgur byas te/ de la cha re dor nas cha gnyis la re khA so so bya'o/ /sgo dang sgo khyud kyi mtshams su rdo rje dang rin po ches spras pa'o//rta babs bcu gnyis ni kha dog sna tshogs pa'o/ /gsung gi dkyil 'khor gyi lha snam dkar po'o/ /de'i pad+ma brgyad ni zla ba dang nyi ma dang bral ba ste/ phyogs rnams su dmar po dang / mtshams rnams su dkar po'o/ /re khA lnga'i kha dog ni nang nas brtsams te ljang gu dang /nag po dang / dmar po dang / dkar po dang / ser po rnams so/ /de rnams kyis cha bco lngar byas te der snga ma bzhin re khA bya'o/ /sku'i dkyil 'khor gyi lha snam ni dkar po'o/ /de'i pad+ma rnams ni zla ba dang nyi ma dang bral ba'o/ /re khA lnga ni sku'i dkyil 'khor bzhin no//rta babs kyi ka ba rnams kyi 'og gi stegs bu'i gnas rnams su sprul gyi gdan rnams te/ so sor cha chung bcu gnyis so/ /de la shar gyi phyogs su nag po zlum po gnyis kyi steng du rgyal mtshan gnyis so/ /lhor gru gsum dmar po gnyis la bkra shis kyis mtshan pa'o/ /nub tu gra bzhi ser po gnyis la rdo rjes mtshan pa'o//byang du zla ba phyed pa'i rnam pa dkar po gnyis la pad+mas mtshan pa'o/ /shar gyi g.yas kyi zlum po'i g.yas su klu'i rgyal po rgyal ba zhes pa'i bdud rtsi'i bum pa'o/ /nub kyi g.yon gyi gru bzhi pa'i g.yon du rnam par rgyal ba zhes pa'i bdud rtsi'i bum pa'o//shar gyi rta babs kyi rim pa dang po'i myos pa bsrung ba'i steng gi dbus kyi gru bzhi pa la chos kyi 'khor lo nag po/ de'i g.yas dang g.yon du ri dwags dang ri dwags mo nag po'o/ /lhor bum pa bzang po dmar po'o/ /de'i g.yas dang g.yon du dung dang / pad+ma dmar po'o/ /nub tu byang chub kyi shing ser po'o//de'i g.yas dang g.yon dag tu mi'am ci dang mi'am ci mo ser po'o/ /byang du rnga bo che dkar po ste de'i g.yas dang g.yon du dbyug pa dang tho ba dkar po'o/ /mda' yab dang sa'i khor yug gi dbus kyis ni nag po'o/ /der ji ltar mdzes par mchod pa'i yo byad rnams bri bar bya'o//sa'i khor yug ni ser po'o/ /der dbang ldan gyi mtshams su zla ba nya ba'i dkyil 'khor 'char ba cha chung bcu gnyis pa dang / bden bral du nub bzhin pa'i nyi ma cha chung bcu gnyis pa'o/ /chu'i khor yug dkar po'o/ /me'i khor yug dmar po'o//rlung gi khor yug nag po'o/ /me dang rlung gi khor yug de dag gi dbus su so sor cha chung bcu gnyis pa'i rtsibs brgyad pa'i dur khrod kyi 'khor lo brgyad de/ phyogs su dmar po rnams dang / mtshams su dkar po rnams so/ /shar gyi 'khor lo'i phyi ngos su stong pa'i dkyil 'khor nub kyi 'khor lo'i phyi ngos su yang stong pa'i dkyil 'khor ro//stong pa'i dkyil 'khor gnyis 'dri ba ni sgrub thabs kyi le'ur gsungs pa'i tshul gyis so/ /bcu char la yang mtshan ma ni gri gug go/ /rlung gi khor yug la mtshan ma sna tshogs pa bri bar bya ste/ 'dir 'dod pa spyod pa ni ma yin no//nam mkha'i khor yug ni nag po'o/ /de'i logs gnyis su cha chung gsum gsum dor la der re khA zlum skor gnyis so/ /dbus kyi cha chung drug la ni rdo rje phreng ba ljang gur bya'o/ /'od zer 'bar ba rnams ni kha dog rnam pa lnga'o/ /yang nang gi dkyil 'khor du shar phyogs su tshon nag po'i dpangs su nas kyi bzhi cha gcig go//lho'i dmar po ni gnyis so/ /nub kyi ser po ni bzhi'o/ /byang gi dkar po ni gsum mo/ /rtsig pa'i re khA rnams kyi dpangs su rdul tshon ser po sum 'gyur ro/ /rdo rje phreng ba rnams kyang ngo / /re khA gzhan ni tshon ser po las nyis 'gyur ro//pad+ma rnams ni snam bu las nyis 'gyur gyis so/ /nyi zla dag ni chu skyes kyi re khA las so/ /de ltar brjod pa'i dpangs las gsung gi dkyil 'khor la dpangs rnams ni nyis 'gyur ro/ /de rnams las nyis 'gyur ni sku'i dkyil 'khor la'o/ / mda' yab las phyi'i mchod pa'i sa la nas gcig go/ /sa la sogs pa'i khor yug dang re khA zlum skor gnyis kyi dpangs ni sku'i dkyil 'khor gyi rtsig pa'i re kha'i tshad du'o/ /sa thams cad du rdul tshon gzhan dgye ba thams cad kyi nyis 'gyur gyi dbye bas mnyam pa'o/ /de la gtso bo'i lte bar lte ba dang mnyam pa'i dkar po dang dmar po dang nag po dang dmar po'i zla ba dang nyi ma dang /sgra gcan dang dus kyi me'i dkyil 'khor gyi steng du bcom ldan 'das dus kyi 'khor lo'i rdo rje sngon po rtse gsum pa'o/ /shar gyi 'dab ma la spos phor nag po'o/ /lhor mar me dmar po'o//nub tu dung ser po'o/ /byang du lha bshos dkar po'o/ /me la sogs par rnga yab nag po dang / dmar po dang / dkar po dang / ser po'o/ /de'i phyi ngos su dbang ldan du chos kyi dung dkar po'o/ /mer yid bzhin gyi nor bu nag po'o/ /bden bral du chos kyi gaN+DI dmar po'o//rlung du dpag bsam gyi shing ser po'o/ /rim pa gnyis par shar du pad+ma dkar por nyi ma la ral gri nag po'o/ /mer pad+ma dmar por zla ba la ut+pal sngon po'o/ /lhor pad+ma dkar por nyi ma la rin po che cha dgu pa dmar po'o/ /bden bral du pad+ma dmar por zla ba la pad+ma dmar po'o//nub tu pad+ma dkar por nyi ma la 'khor lo ser po'o/ /rlung du pad+ma dmar por zla ba la 'khor lo ser po'o/ /byang du pad+ma dkar por nyi ma la pad+ma dkar po'o/ /dbang ldan du pad+ma dmar por zla ba la ut+pal dkar po'o/ /rim pa gsum pa'i snam bu la sgo so so'i logs gnyis su gnyis te de ltar pad+ma brgyad do//de la drug rnams nyi ma la'o/ /nub dang byang gi sgo'i g.yon dag tu zla ba gnyis so/ /mtshams rnams su pad+ma dang zla ba bzhi ste de rnams su dbang ldan nas brtsams te me long dang / rdo rje dang / ral gri dang / gos dang / rdo rje dang / rin po che dang rdo rje dang ro'i snod dang /chos 'byung dang / 'khor lo dang dri'i dung dang / pi wang dang / pad+ma rnams te/ dkar po dang / sngon po dang / nag po dang / ljang gu dang / dmar po dang / dmar po dang / ljang gu dang ser po dang / sngon po dang / dkar po'o/ /shar sgo'i pad+ma dang /nyi mar ral gri nag po dang / lhor dbyug pa dmar po dang / nub tu pad+ma ser po dang / byang du tho ba dkar po'o/ /'dir nyi ma'i dkyil 'khor rnams ni pad+ma dkar po la gnas shing zla ba'i dkyil 'khor rnams ni pad+ma dmar po la'o/ /shar gyi stegs bul rta babs kyi ka ba'i rtsa ba'i g.yon du dung nag po dang /g.yas su me tog sngon po'i phreng ba'o/ /lhor spos phor dmar po dang / mar me'o/ /nub tu cod pan ser po dang / do shal ser po'o/ /byang du 'bras bu dkar po dang bdud rtsi dkar pos gang ba'i thod pa'i snod do/ /stegs bu thams cad la ni rnam pa sna tshogs pa 'dzin pa'i mchod pa'i lha mo rnams so//shar gyi rta babs kyi mchod pa'i lha mo'i gnas la dbus su gos so/ /lhor pad+ma'o/ /nub tu rnga ba Ta ha'o/ /byang du rdo rje'o/ /gsung gi dkyil 'khor la ni shar gyi pad+ma'i lte ba dang 'dab ma rnams la gri gug nag po rnams so/ /mer 'khor lo nag po rnams so//gshin rjer dbyug pa dmar po rnams so/ /bden bral du shak+ti dmar po rnams so/ /nub tu rdo rje ser po rnams so/ /rlung du tshangs pa'i dbyu gu rtse mo ser po can rnams so/ /byang du rtse gsum dkar po rnams so/ /dbang ldan du pad+ma dkar po rnams so/ /sku'i dkyil 'khor gyi snam bu la pad+ma'i lte ba dang 'dab ma rnams la mtshan ma rnams so//de la shar gyi sgo'i g.yas su ral gri rnams so/ /mer dpag bsam gyi shing rnams so/ /lho'i sgo'i g.yon du rdo rjes mtshan pa'i dbyug pa rnams so/ /g.yas su shak+ti rnams so/ /bden bral du shak+ti 'am yang na mdung rnams so//nub kyi sgo'i g.yon du rin po che'am/ dbyug to rnams so/ /g.yas su rdo rje rnams so/ /rlung du khab rnams so/ /byang sgo'i g.yon du rtse gsum rnams so/ /g.yas su zhags pa rnams so/ /dbang ldan du dgra sta rnams so/ /shar sgo'i g.yon du 'khor lo rnams so/ / shar sgor dbyug pa'o/ /de'i phyi rol du rdo rje ljang gu'o/ /lho sgor mda' dmar po'o/ /nub sgor dbyug to ser po'o/ /de'i phyi ngos su rtse gsum sngon po'o/ /byang sgor gtun shing dkar po'o/ /dbyug pa la sogs pa'i mtshan ma 'di rnams pad+ma dang nyi ma la gnas pa'o/ /gsung dang sku'i dkyil 'khor dag gi phyogs kyi pad+ma rnams ni dmar po'o//mtshams kyi pad+ma rnams ni dkar po'o/ /'dir gsung gi dkyil 'khor gyi stegs bu la shar du sgo'i g.yas su ut+pal dang / gos dang / gri gug dang / 'khor lo dang / kha T+wAM ga rnams nag po'o/ /g.yon du gri gug dang /ral gri dang / gri gug rnams nag po'o/ /lho'i stegs bu la sgo'i g.yas su pad+ma dang / ro'i snod dang dbyug pa dang shak+ti dang pad+ma rnams dmar po'o/ /g.yon du mda' dang dgra sta dang / gri gug dang / gri gug rnams dmar po'o/ /nub sgo'i g.yas su 'khor lo dang dri'i dung chos dang / rdo rje dang / khab dang / 'khor lo rnams ser po'o/ /g.yon du chos 'byung ljang gu dang / 'khor lo dang / gri gug dang / gri gug rnams ser po'o/ /byang du sgo'i g.yas su ut+pal dang / me long dang / rtse gsum dang / pad+ma dang / ut+pal rnams dkar po'o/ /g.yon du pi wang sngon po dang / tho ba dang gri gug dang / gri gug rnams dkar po'o/ /de ltar mtshan ma sum cu so drug po rnams ni sku'i dkyil 'khor gyi stegs bu rnams la yang ngo / /de nas 'jam pa'i rdo rje la sogs pa gang yang rung ba'i dkyil 'khor bris la/ /rnam pa thams cad du gsal bar gyur par shes nas/ yi ge hUM dang /'khyil ba bzlas pa'i bdud rtsi lnga dang bcas pa'i dri'i chus dkyil 'khor gyi phyi ngos su byugs la/ /de bzlas pa'i chus 'khor lo bsangs te/ rdul tshon lhag ma rnams la/ oM AHhUM badzra muHzhes pas ye shes kyi tshon gshegs su gsol te/ snod na gnas pa'i tshon rnams dben par gzhag par bya'o//tshon dgye ba'i cho ga'o/ /de nas sngar lhag par gnas par byas pa'i bum pa rnams g.yas skor du dgod par byas pa'i bum pa rnams g.yas skor du dgod par bya'o/ /de la 'khor lo'i dbang po'i rnam par rgyal ba'i bum pa ni dkyil 'khor gyi 'khor lo la g.yas skor byas nas rdo rjer ba'i bdag nyid kyi khor yug dang /'bar ba'i phreng ba'i sa'i phyi ngos su dkyil 'khor gyi shar sgo'i thad ka'i gnas las cung zad g.yas su gzhag par bya'o/ /g.yon logs su go rims bzhin g.yas skor du rnam par snang mdzad dang / spyan ma dang / las thams cad pa'i bum pa rnams so//g.yas su gzugs rdo rje ma dang / chos kyi dbyings kyi rdo rje ma dang / gshin rje gshed ma rnams kyi'o/ /lho'i g.yon du rin chen 'byung ldan dang / mA ma kI dag gi dang / g.yas su sgra rdo rje ma dang / shes rab mthar byed dag gi'o/ /nub kyi g.yon du snang ba mtha' yas dang /gos dkar mo dag gi dang / g.yas su dri rdo rje ma dang / pad+ma mthar byed dag gi'o/ /byang gi g.yon du don yod grub pa dang / sgrol ma dag gi dang / g.yas su ro rdo rje ma dang / reg bya rdo rje ma dang / bgegs mthar byed rnams kyi'o/ / kha cig ni gshin rje gshed la sogs pa khro bo rnams kyi ni me la sogs pa'i mtshams rnams su'o zhes so/ /gzhan ni de bzhin gshegs pa'i de ma thag tu khro bo rnams kyi rigs kyi yum rnams kyi ni sgo'i g.yas phyogs rnams su'o zhes so/ /'di'i rjes su 'brangs te phyogs gzhan rnams su yang dgod par shes par bya'o//bzhed pa gzhan yang yod de des ci zhig bya/ de lta bu de ni 'jam pa'i rdo rje'i dkyil 'khor du bum pa dgod pa'i tshul lo/ /bsdus pa'i rim pa'i dkyil 'khor la g.yon du rigs kyi yum gyi de ma thag tu dang / g.yas su yang dang por byang chub sems dpa' brgyad pa rnams kyi'o//zur gyi khro bo rnams kyi zur rnams su'o/ /gshin rje gshed kyi rjes la gtsug tor 'khor los sgyur ba'i'o/ /pad+ma mthar byed kyi rjes la gnod mdzes kyi zhes pa khyad par ro/ /'di'i rjes su 'brangs te dkyil 'khor gzhan rnams la bum pa dgod pa rtogs sla bas ma spros so//grwa'i bum pa rnams la sgro dang bcas pa'i mda' bzhi ste/ oM badzra yak+Sha hUM zhes pa'i sngags kyis dgod do/ /dus kyi 'khor lo'i rdul tshon gyi dkyil 'khor la ni phyi ngos su shar la sogs pa'i phyogs rnams su bum pa bzhi'o/ /rgyal ba'i bum pa yang shar du ste lnga pa'o//de'i steng gi rnam par rgyal ba'i bum pa'i dung chos ni drug pa'o/ /de lta bu ni bum pa lnga pa'i phyogs la'o/ /bum pa bcu pa'i phyogs la ni phyogs brgyad du bum pa brgyad do/ /nub kyi bum pa las phyi ngos su sor gnyis spangs par rnam par rgyal ba'i bum pa'o//shar gyi bum pa las phyi ngos su sor gnyis spangs par rgyal ba'i bum pa'o/ /de'i steng du rnam par rgyal ba chen po'i bum pa dung chos te bcu gcig pa'o/ /de ltar bum pa stong dang brgya rnams su yang zhi ba dang rgyas pa dang las thams cad pa la rnam par rgyal ba chen po dung chos yin no//bum pa dgod pa'i cho ga'o/ /de nas dkyil 'khor la phyi ngos su phyogs bzhir shes rab kyi pha rol tu phyin pa la sogs pa'i dam pa'i chos bzhi klog tu gzhug par bya'o/ /ga pur dang / a ka ru dang / tu ru skal sogs pa'i spos phor brgyad gzhag par bya'o/ /na bza' sna tshogs pa stong la sogs pa'am/lha so so la re re 'am/ ji ltar nus pa yang rung ste/ slob ma la sogs par gzhag pa dang / gdugs dang / rgyal mtshan dang / ba dan rnams dang / rta babs dang / gos bzang po dang / dril bu dang bcas pa'i rnga yab dang / bum pa gang ba dang / lo ma dang bcas pa'i chu shing gi sdong bu'i ka ba rnams la yi ge hUM dang /bdag po'i sngags kyi bzlas pa/ oM badzra s+pha ra Na khaM zhes pas dbul te/ gnas ji lta ba bzhin gzhag par bya'o/ /de nas khrus byas te dri zhim po'i lus stod g.yogs dang gtsug tor dang / rgyan dang bcas pas 'khyil pa bzlas pa'i chus dkyil 'khor bsangs te/yi ge gsum dang 'khyil pa'i sngags kyis bsrungs nas rdo rje dang dril bu bzung ste/ shar gyi sgo dang / nye bar nub tu kha bltas te 'dug la 'khor lo'i dbang po'i rnal 'byor dang ldan pas bris pa'i dkyil 'khor skad cig gis stong pa nyid kyi rjes la srung ba'i 'khor lo dang /bgegs la phur bus gdab pa la sogs pa'i cho ga 'khor dang bcas pas bsgom par bya ba'i dkyil 'khor gyi rang bzhin du nges par brtags nas/ btsun mo mdzes shing mdangs bzang ba/ /lo grangs bcu drug lon rnyed nas/ / dri dang me tog brgyan byas te/ /de yi dbus su 'dod pa bya/ /yon tan ske rags mA ma kI/ /shes rab can gyis de byin rlabs/ /zhi ba spros byas sangs rgyas gnas/ /nam mkha'i dbyings ni rab tu brgyan/ /zhes gsungs pas bsgrub pa'i phyi rol gyi phyag rgya dang snyoms par zhugs sam/de med na ye shes kyi phyag rgya dang snyoms par 'jug pas kyang rung ste/ yang dag par bskyod pa'i dga' ba'i sgras ye shes kyi 'khor lo spyan drangs la zhabs bsil dang / mchod yon phul la sngon du 'gro bas rang gi nang du bcug nas 'dod chags chen pos zhu bar gyur te/rdo rje'i lam nas pad+mar phyung ba'i ye shes kyi lha'i 'khor lo'i bdag nyid spros te dam tshig gi 'khor lo la gnas ji lta bar zhugs par bsams nas mig dang sku la sogs pa byin gyis brlabs pa'i de ma thag tu rang gi snying ga'i sa bon gyi 'od zer gyis bkug pa'i de bzhin gshegs pa dang /lha mo rnams kyis dbang bskur nas ji ltar rigs par rgyas gdab bo/ /rigs mi shes pa rnams la ni mi bskyod pa'am rdo rje sems dpas so/ /de nas lha mo spros pa rnams kyis yid kyi rang bzhin gyi mchod pas mchod de/ bsil ba'i gos dang /gos zung dang / bla re la dar dpyangs pa dang / yi ge gsum gyis bsngags pa'i bza' ba dang bca' ba dang / bldags pa dang 'jib pa dang btung ba'i nye bar spyod pa la sogs pa dang / gser dang / bu mo dang / glang po che dang / rta dang / ba lang la sogs pa phul nas phyi rol gyi rnal 'byor ma bcu drug gam brgyad dam bzhi gzugs rdo rje ma la sogs pa'i ngo bo rnams kyis rang rang gi mchod pas mchod nas dril bu dkrol zhing /mi bskyod rdo rje zhes pa la sogs pas bstod de/ rang dang shes rab kyi me tog dang bcas pa'i byang chub kyi sems pad+ma'i snod du bcug nas bdud rtsir byas pa phul te/de rnams bdud rtsi myang bas tshim par byas nas bde ba chen po'i rang bzhin du mos par byas la 'khor lo'i dbang po'i sngags brgya rtsa brgyad dang de las gzhan dkyil 'khor ba'i sngags nyi shu rtsa gcig dang yi ge brgya pa bzlas par bya'o/ / 'chad par 'gyur ba'i cho gas 'byung po thams cad pa'i gtor ma yang sbyin par bya'o/ /yang na sgrub pa'i grogs po dkyil 'khor du bzhag la/ phyir byung nas shar la sogs pa'i phyogs rnams su 'chad par 'gyur ba'i 'byung po thams cad pa'i gtor ma'i cho gas rang gi 'dod pa'i lha dang dbang po la sogs pa la gtor ma dbul lo//de nas lag pa g.yas pa gan rkyal du byas nas gung mo dang ming med cung zad bkug la kha la mngon du phyogs par gzung bar bya'o/ /de'i rtse mos lag pa gnyis pus mo'i nang du byas nas tsog tsog pur 'dug cing mi smra bar lag pa'i ze 'bru'i chas kha la lan mang du byab cing lan gnyis dang lan gsum du rna ba'i bu ga gnyis dang /mig dag dang kha dang lag pa dag dang / lte ba dang mgo rnams la reg par bya'o zhes nye reg gi cho ga bya'o/ /de nas grub na lhag pa la sogs pa'i nyes pa zhi bar bya ba'i phyir zhi ba dang dkyil 'khor tshim par bya ba'i phyir rgyas pa'i sbyin sreg byas nas khams gsum las rnam par rgyal ba'i rnal 'byor dang ldan pas me tog gi phreng ba blangs te/oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+Na pa ya grih+NA pa ya hUM hUM phaT/ oM A na ya ho b+ha ga wAn bi d+ya rA dza hUM hUM phaT swA hA/ zhes dpal kha sbyor du gsungs pa'i khams gsum rnam par rgyal ba'i sngags zlos shing rdo rje'i shugs kyis dkyil 'khor du zhugs nas rdo rje gsor zhing dril bu dkrol te rdo rje'i rkang pas de kho na bzhin du oM hUM phaT ces pa dang /oM hUM AHphaT ces pa dang / oM hUM AHAHAHphaT ces pa dang / oM hUM ha na mA ra ya duSh+TAn g+hA ta ya g+hA ta ya AHaHhUM hrIHphaT ces bya ba'i sngags bzhi go rims bzhin zlos pa'i shar dang lho la sogs pa'i sgo'i slob dpon rnams dang lhan cig tu bskor ba gsum byas nas lhag pa dang ma tshang ba'i nyes pa zhi bar byas pa'i phyir 'khor lo la bltas te/phreng ba bcom ldan 'das la phul nas bskor ba'i grangs bzhin du nub sgo la sogs pa bzhir gnas pas shar sgo la sogs pa bzhi oM badzrod g+ha Ta sa ma ya pra be sha ya hUM zhes pa'i sngags kyis phye bar bsams te/oM sa ma ya pra be sha mi zhes brjod nas slar phreng ba gar byed cing blangs la rang gi ngo bo la bcings te/'khor lo la phyag 'tshal nas/ sems can thams cad la dngos grub thams cad kyi bka' drin stsol cig ces gsol ba btab nas/ bsgom pa dang bzlas pa bya'o/ /'dir dkyil 'khor gyi khang pa las phyi rol dbang po la sogs pa rnams su go rims bzhin du dkar po dang ser skya dang nag po dang dud kha dang /dmar po dang khra bo dang ser po dang ljang gu'i ba dan brgyad dkyil 'khor gyi lha rnams la phul nas shar la sogs par gzug par bya'o zhes pa ni shes rab bskyangs kyis so/ /bcom ldan 'das kyis kyang sangs rgyas thod pa'i rgyud du/gru bzhi pa la sgo bzhi pa/ /ba dan brgyad kyis rnam par brgyan/ /zhes gsungs so/ /rnam par snang mdzad dang / de'i rigs kyi lha rnams kyi ba dan ni mer dgod par bya'o/ /rin chen dbang po dang / de'i rigs can rnams kyi bden bral du'o//snang ba mtha' yas dang de'i rigs las byung ba rnams kyi rlung du'o/ /don yod grub pa dang de'i rigs kyi lha rnams kyi dbang ldan du'o/ /'khor lo'i dbang po'i shar du'o/ /de'i rigs kyi lha rnams kyi ni rang rang gi phyogs su'o zhes pa ni kha cig go/ /dbang po'i ser po dang / khyab 'jug gi nag po dang /zla ba'i dkar po dang / nyi ma'i dmar po dang / mes po'i ser po ste dbang por ro/ /me lha'i dmar po dang / gshin rje'i nag po dang / bden bral gyi dud kha rnams ni rang rang gi phyogs su'o/ /nub du chu lha'i dkar po dang / sa'i lha mo'i ser po dang / thags bzangs ris kyi nag po'o//rlung du rlung lha'i ljang gu'o/ /byang du lus ngan po'i ser po dang / tshogs bdag gi dkar po'o/ /dbang ldan du dbang ldan gyi dkar po'o/ /de ltar ba dan bco lnga ni phyogs kyi bdag po rnams la mnyes par bya ba'i ched du'o/ /mi 'byor na nus pa ji lta bar ba dan rnams dbul bar bya'o//dkyil 'khor sgrub pa'i cho ga 'khor dang bcas pa'o/ /de nas der rdul tshon gyi dkyil 'khor ram/ ras bris la sogs pa'i dkyil 'khor ram/ yid kyi dkyil 'khor mngon du byas pa der ji ltar brjod pa'i mchod pa la sogs pa sngon du 'gro bas sku gzugs la sogs pa'i rab gnas kyang slob ma rab tu gnas pa bzhin bya'o//de la dkyil 'khor gzhan du yang sngar brjod pa'i cho gas dang po bum pa lhag par gnas pa dang / dgod pa dag byas nas sku gzugs la sogs pa stong pa nyid du bsams pa'i rjes la sa bon la sogs pa las rdzogs pa'am/ skad cig gis kyang rung ste dam tshig sems dpa'i ngo bo snying ga'i sa bon dang bcas pa bsams nas gos gsar pa dmar po la sogs pas g.yogs shing me tog dang ldan par byas nas de'i me tog gi phreng ba blangs te sku gzugs la sogs pa dang lhan cig yon bdag slob ma bzhin du rdul tshon gyi dkyil 'khor la sogs pa rnams kyang gang yang rung ba'i dkyil 'khor du gzhug par bya'o//slob dpon gyis kyang sku gzugs la sogs pa'i lha'i mtshan ma'am de'i rigs kyi bdag po'i mtshan ma la me tog dbul du gzhug go/ /yang na me tog dor ba med pa nyid du sku gzugs la sogs pa dkyil 'khor mthong ba nyid kyis gzhug pa'o//de nas dkyil 'khor gyi khang pa'i phyi ngos shar gyi phyogs su'am der skabs med na dbang ldan du ha cang mi ring ba'i yid du 'ong ba'i gnas su khrus kyi stegs bu gru bzhi pa dpangs su khru gnyis pa'o/ /yang na srid du khru brgyad pa de'i phyed du mtho ba dang yang na srid du khru gnyis pa de'i phyed du mtho ba ste/sa sel la sogs pa'i nyes pa dang bral ba'i sa las byas pa'am so phag la sogs pas byas pa'am/ de med na ni ji ltar rnyed pa'am/ ji ltar gnas pa'i sa gzhi yang rung ste/ 'bras btags pa'i khu ba la sogs pas bris pa'i stegs bu phyogs dang mtshams su bum pa brgyad bzhag la/shin tu 'jam pa bdud rtsi dang bcas pa'i rnam lnga la sogs pas byugs pa bla re dang / gdugs dkar po dang / rgyal mtshan dang / ba dan dang / bum pa gang ba dang / me tog dang / gar dang glu dang / rol mo'i sgra la sogs pas sam ji ltar rnyed pas kyang rung ste yid du 'ong bar byas nas/tshes dang gza' dang rgyu skar dang yud tsam la sogs pa bzang ba la khrus byas shing / do shal dang / rkang gdub dang / dpung rgyan dang / rna rgyan dang / gdu bu dang / sor gdub la sogs pas brgyan pa'am/ ji ltar rnyed pas brgyan pa'i slob dpon rdo rje sems dpa'i sku rig ma dang ldan pas stegs bu de'i dbus su sgo nub tu bstan pa'i re khA gru bzhi pa cig gis bskor ba'i sna tshogs pad+ma rdul tshon nas 'bras btags pa'i khu ba la sogs pas bri bar bya'o//yang na rta babs med pa'i sgo nub tu bstan pa'i gru bzhi pa'i dbus su chud pa'am/yang na nang gi dkyil 'khor gyi phyed kyi tshad gru bzhi pa/ sgo bzhi pa/ rim pa gnyis pa/ rta babs med pa ste/ shar la sogs pa'i snam bu la 'khor lo dang / rin po che dang / pad+ma dang / ral gri rnams dang / mtshams rnams su yum bzhi'i mtshan ma dang /dbus su sna tshogs pad+ma 'dab ma brgyad pa bri bar bya'o zhes pa ni/ /bsdus pa dang / 'bring dang rgyas pa'i dbye bas khrus kyi dkyil 'khor gsum yin no/ /de'i steng du pad+ma 'dab ma brgyad pa bris pa'i shing stan nam zla ba'i dkyil 'khor bris pa'i ras la sogs pas g.yogs pa'i seng ge'i gdan khrus kyi dkyil 'khor gyi pad+ma'i steng du 'jog par mos pas bzhag nas sam/khrus kyi dkyil 'khor med par yang de ltar dang / gzhan du shing stan la sogs par dkyil 'khor de bsgoms par sku gzugs dang thang ka dang / po ti dang mchod rten la sogs pa shar du phyogs pa'am/gzhan du yang rung ste gzhag par bya'o/ /gang zhig gnas gzhan du bskyod par mi rung ba gtsug lag khang dang / mchod rten dang / gtsang khang phyur bu dang / sku gzugs la sogs pa de de la ni snga ma bzhin du dam tshig sems dpa'i gzugs su bsgoms la dkyil 'khor bstan par mos par bya'o//der ni khrus kyi stegs bu dgos pa med do/ /gnyis kar yang tho rangs kyi dus su sku gzugs la sogs pa mdun du byas te/ de la mngon du phyogs pa zhabs bsil dang mchod yon la sogs pa dbul ba sngon du 'gro bas sam/mchod yon la sogs pa ma phul yang rung ste sbyang bar bya'o/ /de la oM AHbig+h+nAn+ta kr-ita hUM zhes pa 'khyil pa'i sngags dang / yi ge hUM lan bdun bzlas pa'i don grub g.yas pa dang / cig shos kyi khu tshur gyis bzung nas/ re re zhing g.yon skor du lan gnyis su oM sarba pA paM da ha na badzrA ya badzra satwa s+ya sarba pA paM da ha swA hA/zhes brjod cing bya bas la don grub mer dor ro/ /de bzhin du g.yas skor du'o/ /de bzhin du g.yon dang g.yas su chus bya'o/ /de bzhin du kham phor dkar po rnams kyis dang / de bzhin du rtsa dUr ba'i myu gu dang bcas pa'i ba lci'i chang bu rnams kyis dang /de bzhin du zan changs rnams kyis dang / de bzhin du seng ras kyis kyang ngo / /'on kyang kham phor la sogs pa ni mer mi dor ro/ /de nas lag pa dag gis sku gzugs la nye reg bya'o/ /'khor lo'i gtso bo'i sngags kyis ji ltar rigs par sku gzugs la sogs pa la dngos su'am me long la gzugs brnyan shar ba la thugs kar dris byug pa dang /me tog gi phreng ba dbu la bcing ba dang / mdun du mchod yon dbul ba byas nas mar mes yongs su bskor te/ 'khyil pa dang yi ge hUM gis lan bdun bzlas pa'i mar dang bcas pa'i spos dkar gyi bdug pas bdug par bya'o zhes pa sbyang ba'i rim pa'o//de'i rjes la 'khyil pa bzlas pa'i dUr ba'i chun pos zangs snod na gnas pa'i zho dang / 'o ma dang / mar dang / sbrang rtsi dang / bye ma ka ra bsres pa'i ngo bo'i phyi'i bdud rtsi lnga rnams dang /de nas 'o ma dang / zho dang / mar dang / ba'i lci ba dang / chu ste/ ba'i rnam pa lngas sku gzugs bkrur rung ba/ oM hUM trAM hrIHAHzhes pa'i sngags kyis byug par bya'o/ /ras bris dang / po ti dang / sa las byas pa la sogs pa dang bris pa'i sku gzugs la sogs pa ni me long la gzugs brnyan shar ba la'o//de nas 'khyil pa bzlas pa'i dri zhim po'i chu gtsang mas bkrus nas khar ba'i snod du blugs pa'i n+ya gro d+ha dang / u dum+bA ra dang / p+lak+Sha dang / pip+pa la dang / gan+d+ha mun+d+ha ste 'o ma can gyi shing lnga'i shun pa'i phye mas rnam par mnyes te/oM sarba ta thA ga ta kA ya bi sho d+ha ne swA hA/ zhes pa'i sngags sam/ oM hUM trAM hrIHkha khaHzhes pa zlos zhing / khar ba'i snod na gnas pa'i dri zhim po'i 'bru mar gyis byugs te mnyes la/ khar ba'i snod na gnas pa'i skyu ru ras byugs te/ de ltar bkrus te/ khar ba'i snod na gnas pa'i yung bas byugs te bkrus la/shrI khaN+Da dang / tsan+dan dmar po dang / gur gum dang / gran+thi ke dang / a ga ru rnams sam/ gur gum dang / a ga ru dang / gla rtsi dang / ga bur la sogs pa ji ltar rnyed pas kyang rung ste byugs la/ snying ga'i sa bon gyi 'od zer gyis bkug pa'i de bzhin gshegs pa dang /lha mo rnams kyi bum pa rnams kyis 'khrud bzhin pa dang / bkra shis kyi glu dang / rol mo'i sgra sna tshogs pa sngon du 'gro bas rnam par rgyal ba'i bum pa la sogs pa'i chu dung chos sam/ gzhan du yang blugs pa rnams kyis/ji ltar bltams pa tsam gyis zhes pa la sogs pa 'chad par 'gyur ba brjod cing khrus gsol lo/ /de la gos pa'i chu na bza' 'jam pos phyis nas ji ltar nus pas na bza' la sogs pas brgyan par bya'o/ /de nas snying ga'i sngags kyi 'od zer gyis rab tu gnas par bya ba'i ye shes sems dpa' dang sangs rgyas dang /byang chub sems dpa' la sogs pa'i lha rnams mdun gyi nam mkhar spyan drangs la zhabs bsil dang zhal bsil dang / mchod yon dang / mchod pa sngon du 'gro bas pus mo g.yas pa sa la btsugs te g.yon pas dril bu dkrol ba dang /g.yas pas spos dbul zhing / lce hUM las skyes pa'i rdo rjer byas la/ bcom ldan 'das che ge rdo rje mchog/ /rig pa'i rgyal po khyod la 'dud/ /slob ma rnams la brtse don dang / khyed rnams la yang mchod phyir dang / /sems can bsod nams spel don dang / byang chub sems ni bskyed pa'i phyir/ /mgon po thugs rje'i bdag nyid can/ /khyed kyis rab gnas bgyid bar 'tshal/ /der ni bcom ldan bdag gus pas/ /bka' drin gnang bar mdzad par rigs/ /sangs rgyas 'gro 'khor bya don stsol/ /byang chub sems dpa' 'bras gnas dang //gzhan yang gang dag gsang sngags lha/ /lha dang 'jig rten skyong ba dang / /'byung po byang chub bstan gnas dang / /sems can bstan la mngon dga' dag /gang gzhan rdo rje'i spyan ldan rnams/ /bdag cag la yang dgongs su gsol/ /che ge bdag ni rdo rje can/ / che ge'i rab tu gnas pa ni/ /bgyi'o de nas khyed rnams kyis/ /nye bar gnas par mdzad par 'os/ /zhes lan gsum brjod par bya'o/ /de ltar 'dir rigs zhes pa'i bar gyis rab tu gnas pa'i don du lhag par gnas pa dang / lhag mas ni nye bar gnas par gsol ba btab nas nam mkhar gnas pa'i lha'i 'khor lo mchod de phyag 'tshal nas bstod la/oM badzra su na rA ga ma nA ya muHzhes pas gshegs su gsol bar bya'o/ /khrus byas pa'i sku gzugs la sogs pa'i thugs ka dang / dbu dang mgur dang phyag dang spyi gtsug rnams yang dag par byugs la mchod de 'khyil ba'i sngags kyis rdo rje dang bcas pa'i lag pa g.yas pas lan gsum reg la rang nyid ji lta ba'i sngags sam/'khyil ba'i sngags bzla bar bya'o/ /phyogs kyi gtor ma yang dbul lo/ /gang du lha lhag par gnas par ma byas par rab tu gnas pa byed pa la mos pa brtan pa des ni lhag par gnas par ma byas pa nyid lhag par gnas pa'i don du brjod pa dang /rab tu gnas pa'i don du 'chad par 'gyur ba'i cho ga thams cad nyi ma gcig la bya'o/ /'on kyang sbyang ba la sogs pa'i cho ga mthun pa ni lan cig gi tshe nyid bya'i slar ma yin no/ /de yang yon bdag la nus pa yod na bsod nams bsags pa'i don du lhag par gnas par bya ba kho na'o zhes pa lha lhag par gnas pa'i cho ga'o//de'i rjes la snga bar khrus kyi stegs bu yid du 'ong ba de ltar byed du bcug nas/ yud tsam la sogs pa bzang ba la de bzhin du rgyan gyis brgyan pa'i slob dpon rdo rje 'chang gi ngo bo shes rab dang bcas pa 'dug la gtor ma dang mchod pa sngon du 'gro ba'i sku gzugs de ltar bzhag pa dang /lha khang la sogs pa ji ltar gnas pa slar dam tshig sems dpa'i gzugs su bskyed par bya'o/ /de la rgyud dang / mngon par rtogs pa dang / sgrub thabs la sogs par lha'i khyad par bskyed pa'i rim pa rig pas lha'i khyad par gang gi gzugs brnyan gang yin pa ste stong pa nyid kyi rjes la rim gyis sam/cig car yang rung ste/ de lta bu'i dam tshig sems dpa'i gzugs su bsgom par bya'o/ /po ti ni yi ge'i tshogs ma lus pa stong pa nyid kyi rjes la pad+ma dmar po dang /nyi mar yi ge hrIHdmar po las byung ba'i chu skyes dang / hrIHyongs su gyur pa las gos dkar mos 'khyud pa'i snang ba mtha' yas yongs su gyur pa las yang dag par byung ba'i yi ge'i rnam pa snang ba mtha' yas kyi gzugs brnyan shar ba'i dam tshig sems dpar gnas so zhes bsam par bya'o//mar me mdzad dang gtsug lag khang la sogs pa ni stong pa nyid kyi rjes la pad+ma dang zla bar b+h+rUM dkar po las skyes pa'i 'khor lo rtsibs brgyad pa dang / b+h+rUM las byung ba'i rnam par snang mdzad la spyan mas 'khyud pa yongs su gyur pa las mar me mdzad kyi rnam pa'am/gtsug lag khang gi gzugs sam/ gtsang khang phyur bu'i gzugs sam/ mchod rten gyi gzugs su'o/ /'on kyang gtsug lag khang ni rnam par snang mdzad shes rab dang bcas pa'i gzugs brnyan shar ba'i dam tshig sems dpar gnas par bya'o//de ltar gtsang khang phyur bu dang / mchod rten yang bsgom par bya'o/ /de ltar dam tshig sems dpa' bskyed nas zhabs bsil dang / mchod yon la sogs pa dbul ba sngon du 'gro bas snga ma bzhin du sbyang bar bya'o//de nas de ma thag tu brjod pa'i cho gas bdud rtsi lngas byugs pa la sogs pa dang gur gum la sogs pa byugs pa dang bkru ba dang gos pa'i chu phyi ba'i bar du byas nas dkyil 'khor gyi khang par bcug ste/ dkyil 'khor gyi dbang ldan gyi mtshams sam gzhan yang rung ste/ha cang mi ring bar dkyil 'khor la mngon du phyogs par sku gzugs la sogs pa gzhag par bya'o/ /gtsug lag khang la sogs pa bskyod par mi nus pa ni rang gi gnas la gnas pa kho na'o/ /ji ltar rigs par de dag gi thugs ka'i sa bon dang / mig la sogs pa dang / sku la sogs pa byin gyis brlabs pa rnams bsgom pa sngon du 'gro bas rang gi snying ga'i sa bon gyi 'od zer rnams kyis bdag nyid ji lta bar ye shes sems dpa' la sogs pa spyan drang ba la sogs pa de ma thag par brjod pa dag bya ste/ bcom ldan zhes pa nas/ 'os zhes pa'i bar lan gsum brjod nas/snying ga'i 'od zer ram/ lha rnams kyis sam/ ji ltar rigs par ye shes sems dpa' bkug ste/ rang nyid ji lta ba'i dam tshig sems dpa' la bcug nas ro gcig tu byas te dbang du bya'o/ /gzhan dag ni sku gzugs kyi thugs kar dam tshig gi 'khor lo bskyed nas/de nyid du ye shes kyi 'khor lo gzhug pa la sogs pa bya'o zhes so/ /de nas rang gi snying ga'i sa bon gyi 'od zer gyis phyogs bcu na bzhugs pa'i de bzhin gshegs pa dang / spyan ma la sogs pa'i lha mo rnams mdun gyi nam mkhar spyan drangs te mchod nas sku gzugs la sogs pa la dbang bskur ba'i don du/rdo rje can gyis sangs rgyas la/ /'gro ba bskyab pa'i ched du dbang / /yon tan 'byung gnas ji ltar stsal/ /de ltar 'di la stsal du gsol/ /zhes pa'i tshigs su bcad pas gsol ba gdab po/ /de bzhin gshegs pa de rnams kyis kyang shes rab dang snyoms par zhugs te/chags pa chen pos zhu bar gyur nas rang gi rnam par snang mdzad kyi sgo nas zhugs te/ rdo rje'i lam nas phyung ba'i khu ba de rnams kyis sku gzugs la sogs pa lha mo'i kha nas pad+mar zhugs pa la dbang bskur te/slar zhal phyag la sogs pa'i gzugs kyis pad+ma las phyung ste/ phyi rol gyi nam mkha' yongs su bkang nas gnas pa spyan ma la sogs pa'i rig ma dang lhan cig pa rnams kyis gdugs dang / rgyal mtshan dang / gar dang / glu dang / rol mo'i sgra dang / me tog dang /gur gum la sogs pa'i char dang ldan pa'i phyag gis byang chub kyi sems kyi ngo bo bdud rtsis gang ba'i bum pa dkar po cung zad yo bar bzung bas sku gzugs la sogs pa pad+ma las phyir phyung ba de la dbang bskur bzhin pa dang / gzugs rdo rje ma la sogs pas/ bkra shis gang zhig sems can kun gyi snying la gnas//kun gyi bdag nyid rigs kun gyi ni bdag po mchog /sems can ma lus skyed byed bde ba chen po ste/ /des ni deng khyod dbang bskur mchog la bkra shis shog /ces pa'i bkra shis kyi glu'am/ 'chad par 'gyur ba'i glus kyang rung ste/bkra shis kyi glu len bzhin pa dang / bdag nyid kyis kyang de'am de rnams blangs te rnam par rgyal ba'i bum pa la sogs pa'i chu gcig tu byas te/ dung chos su blugs pas sam rim pa bzhin re res kyang rung ste/ rim pa ji lta bar lag pas 'dab ma dang bcas pa'i rdo rje bzung ste 'dab ma dang bcas pa'i rdo rje'i rtse mo las 'bab pa'i byang chub kyi sems bdud rtsi'i ngo bos/ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol bgyi//oM AHsarba ta thA ga ta a b+hi She ka ta sa ma ya shri ye hUM swA hA/ zhes pa dang / oM badzrod ka a b+hi Shiny+tsa hUM zhes brjod cing bcom ldan 'das rdo rje sems dpa' nyid bla ma dam pa dkyil 'khor gyi gtso bo'i gzugs kyi 'khrur 'jug pa dang / khrus gsol bar bstan par mos pas dbang bskur bar bya'o zhes pa chu'i dbang ngo //de bzhin gshegs pa lngas byin gyis brlabs pa'i gos sam/ rin po che la sogs pa las byas pa'i dbu rgyan oM AHbadzra a b+hi Shiny+tsa hUM zhes pa'am/ oM badzra rat+na AM zhes pa'am/ oM hUM trAM hrIHAHzhes pa 'don cing /dkyil 'khor gyi bdag po'i gzugs rdo rje 'chang bla ma nyid kyis bkon par mdzad do zhes brtan par lhag par mos la sku gzugs la sogs pa lha'i sku'i dbu la bkon par bya'o zhes pa cod pan gyi dbang ngo / /dang po la ni oM hUM trAM hrIHAHzhes pa'i sngags kyis dpral bar dar dpyangs bcing bar bya'o//sangs rgyas rnams kyi rdo rje yis/ /dbang 'di di ring khyod la bskur/ /'di de sangs rgyas thams cad nyid/ /rdo rje rab tu grub phyir zungs/ /zhes brjod cing rdo rje de bzhin du rdo rje sems dpa' nyid kyis gtad par lhag par mos pas gtad par bya'o/ /der yang sku gzugs la sogs pa lha'i gzugs kyis bzung bar lhag par mos par bya'o//rdo rje'i dbang ngo / /oM badzra a d+hi pa ti twaM a b+hi Shiny+tsA mi tiSh+Tha badzra sa ma ya s+t+waM zhes brjod cing de ltar lhag par mos pas dril bu gtad par bya'o/ /de yang sku gzugs la sogs pa'i lhas bzung bar mos par bya'o//dril bu'i dbang ngo / /oM badzra satwa s+t+wAM a b+hi Shiny+tsA mi badzra nA ma a b+hi She ka taHoM che ge mo badzra s+t+waM zhes brjod cing / de bzhin du rdo rje sems dpa' nyid sku gzugs la sogs pa'i lha la rang nyid ji lta ba bzhin du ming 'dogs par lhag par mos bzhin pas brjod par bya'o//ming gi dbang ngo / /sku gzugs la sogs pa'i lha rdo rje dang rdo rje dril bu dang bcas pa'i phyag gis ye shes kyi phyag rgyal 'khyud pa'i tshul byas par bsgoms la/ de ma thag tu brjod pa'i chu'i dbang gi cho gas mngon par bkrus te/ rang rang gi rigs kyi bdag pos dbu la rgyas gdab bo//rigs mi shes pa la ni mi bskyod pa'am/ rdo rje sems dpas so/ /de bzhin gshegs pa dang / byang chub sems dpa' dang / lha mo gzhan rnams ni de nyid du ye shes sems dpa'i ngo bo nyid du bcug nas/ oM su pra tiSh+Tha badzrA ye swA hA/zhes pa'i sngags kyis byin gyis brlab bo/ /gtsug lag khang dang mchod rten la oM hUM hrIHb+h+rUM khaM zhes pa'i sngags kyis kyang ngo / /po ti la ni oM su pra tiSh+Tha badzra swA hA/ zhes pa dang / oM hUM hrIHs+t+wAM zhes pa'i sngags dag gis so/ /slob dpon gyi dbang ngo / /de nas 'khor lo'i dbang po'i sku rdo rje sems dpas rang gi snying ga'i sa bon gyi 'od zer gyis rnam par snang mdzad la sogs pa de bzhin gshegs pa'i tshogs rig ma dang bcas pa bkug ste/rnam par snang mdzad kyi sgo nas bcug pa zhu bar gyur te bde ba chen po nyams su myong nas/ /rdo rje pad+ma dag gis byang chub kyi sems kyi ngo bo spros pas sku gzugs la sogs pa'i lha'i zhal du rab tu 'bebs par badzrI b+ha ba dr-i D+ha tiSh+Tha b+h+rUM khaM bsam par bya'o//gsang ba'i dbang ngo / /de nas rdo rje sems dpa' des gtad pa'i lha mo dang snyoms par zhugs pa'i sku gzugs la sogs pa'i lha lhan cig skyes pa'i dga' ba'i rang bzhin du mos par bya'o//shes rab ye shes kyi dbang ngo / /de'i rjes la rdo rje 'chang des rab tu brtan pa'i dbang bzhi pa'i rang bzhin sku gzugs la sogs pa'i lha bag chags dang bcas pa'i sgrib pa spangs pa'i bde ba chen po'i rang bzhin stong pa nyid dang /snying rje ro gcig par mos pa bya'o/ /dbang bzhi pa'o/ /gang gi phyir phyed bcas bzhi brgya pa las/ rab gnas kyi ni cho ga 'di/ /sngon du 'khor lo yang dag bri/ /sku gzugs glegs bam la sogs pa/ /skyes bu can mthas dbang bskur ro//chu dang cod pan rgyu mthun te/ /rdo rje bdag po ming rnams smin/ /rgyal dbang gis 'dir skyes bu can/ /gsang ba sbyor bas dri bral lo/ /zhes gsungs so/ /de la skyes bu can ni slob dpon gyi dbang ngo / /thabs skyes bu can de'i thabs las byung ba 'di yin zhing skyes bu can ni dri ma dang bral ba'i dbang ste/gsang ba dang / shes rab ye shes so/ /dbang bzhi pa'i bdag nyid ni 'di'i mthar thug yin pas skyes bu can gyi mtha'i dbang gi cho ga zhes pa'i don to/ /dge ba la spro ba phul du byung ba'i ngo bo skyes bu byed pa kho na las cig shos kyi 'bras bu gsum gsal bar 'gyur ro snyam du dgongs pas/skyes bu can gyi mtha' zhes gsungs so/ /sbyor ba ni 'dir kun rdzob kyi shes rab dang / don dam pa'i shes rab dang sbyor ba dgongs so zhes pa gsum gyi bdag nyid ni dri ma dang bral ba'o//gzhan yang sku gzugs la sogs pa'i gzugs su gsal bar bsgoms pa'i lha'i sku rnam par dag pa ni slob dpon gyi dbang gis bstan to/ /gsung dang thugs dag pa'i don du gsang ba la sogs pa sbyin par bya ba nyid do/ /byang chub sems dpa' chen po rnams la yang 'di rnams ster te/ji skad du gsungs pa/ rdo rje snying po la ni dbang / /sbyin phyir thig le mchog ma bkug/ces pa dang / bcom ldan 'das don grub byang chub shing gi rtsa bar 'dug pa la nam mkhar bzhugs pa'i yang dag par rdzogs pa'i sangs rgyas rnams kyis mi g.yo ba'i ting nge 'dzin 'dus byas pa bsal nas mtshan phyed na bla na med pa'i shes rab gtad de/shes rab dang dbang bzhi pa dag byin no zhes so/ /de ltar dgongs pa kho nas slob ma'i rab gnas bzhin du sku gzugs la sogs pa'i rab gnas bya'o zhes shing rta chen po rnams kyis khyad med par gsungs so//de nas sku gzugs la sogs pa'i lha rnams la rang rang gi snying po'i sngags kyis na bza' la sogs pa dbul bar bya'o/ /yang na oM AHbadzra bA sa se hUM swA hA/ oM AHbadzra pu She hUM swA hA/ oM AHbadzra hUM pe hUM swA hA/ oM AHbadzra dI pe hUM swA hA/oM AHbadzra ni bi h+ye hUM swA hA/ oM AHbadzra gan+d+he hUM swA hA/ oM sarba A pa ra Na bi b+hu Sha Ne swA hA/ zhes pa'i sngags 'di rnams kyis so/ /oM AHsarba sho d+ha ni hUM phaT/ 'bras bu dang me tog la sogs pa dngos po sna tshogs pa bsang ba'i sngags so/ /oM badzra swA hA/'bras bu dbul ba'i sngags so/ /dam tshig gi rdzas dang gi wang yang phul te/ oM badzra satwa AHzhes pa'i sngags kyis me long bstan to/ /de'i rjes la'am sbyin sreg yod na sbyin sreg gis tshim par byas pa'i rjes la yon bdag la sogs pa zhi ba la sogs pa nas/ sangs rgyas kyi mthar thug pa'i don mngon par 'dod pas sku gzugs la sogs pa dang rjes su mthun zhing / yon bdag gi bsam pa dang bstun nas drug gam gcig las mi nyung ba'i gser gyi thur ma dngul gyi kong bur bzhag pa'i mar dang sbrang rtsi bskus pas/ oM tsak+Shu tsak+ShuH sa man+ta tsak+Shur bi sho d+ha ne swA hA/zhes brjod cing mig sman gyi sku gzugs kyis spyan dbye bar bya'o/ /po ti la sogs pa'i lha la ni me long la gzugs brnyan bsgoms pa la'o/ /zhi ba la sogs pa'i don du yon bdag la sogs pa la gzigs pa lhur byed pa'i lhag pa'i lhar mos par bya'o//de'i rjes su thab khung gi me lam na ji'i steng du gnas pa'i snod du dgang gzar dang blugs gzar gyis sam/ de med na shing pi p+pa la'i 'dab mas 'bras ma grugs pa dang / mar dang sbrang rtsi dang / sha kha ra rnams dang bsres pa'i 'o ma blugs la rang gi bdag po'i sngags 'gying ba dang bcas pas zlos shing 'o thug bsgrub par bya'o//sbyin sreg gi thab khung med na me gzhan la'o/ /'o thug de la/ oM di bya an ne sa mA d+hi d+h+yA na prA Ni ne swA hA zhes bsngags nas brjod cing / sku gzugs dang po ti la sogs pa la bsgoms pa'i gzugs brnyan shar ba'i lha la gsol du gzhug go//zhabs bsil dang tsan+dan la sogs pa dang / so rtsi rnams kyang dbul lo/ /de nas oM hUM trAM hrIHAHzhes pas dam tshig bsgrag par bya'o/ /de nas po ti la snang ba mtha' yas shes rab dang bcas pa yi ge rnams la bcug nas yi ge'i gzugs su dang /rnam par snang mdzad rig ma dang bcas pa ni gtsug lag khang ngam mchod rten la bcug nas gtsug lag khang gi gzugs rdzogs pa'i sangs rgyas thams cad dang / de'i chos dang / byang chub sems dpa' dang /nyan thos la sogs pa'i rten dang / ting nge 'dzin sna tshogs pa'i gzhi dang / mchod rten gyi gzugs ni 'khor ba ji srid du 'gro ba'i don bya ba'i phyir rdo rje sems dpa' la sogs pas byin gyis brlabs par bsam par bya'o/ /de nas me tog la sogs pa phul nas thal mo sbyar te/ji ltar rdzogs pa'i sangs rgyas kun/ /dga' ldan du ni rab bzhugs rnams/ /lha mo sgyu 'phrul lhums zhugs ltar/ /de bzhin sku gzugs 'dir bzhugs mdzod/ /mgon po rtag tu 'dir bzhugs nas/ /me tog mchod pa la sogs 'dir/ /byang chub sems ni rnam 'phel phyir//che ge'i don du bzhes su gsol/ /zhes pa 'dis yun ring du gnas pa'i don du gsol ba btab nas/ 'khyil ba'i sngags zlos shing sku gzugs la sogs pa'i 'og dang bar dang steng gi cha rnams la lag pa g.yas pas rdo rje steng du gsor bas lan gsum bskor nas brtan par bya ste/mi bskyod rdo rje ye shes che/ /rdo rje dbyings ni mkhas pa che/ /rdo rje gsum mchog dkyil 'khor gsum/ /rdo rje dbyings khyod phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje khyod phyag 'tshal/ /rin chen rgyal po rab tu zab/ /rdo rje nam mkha' dri med mkha'/ /rang bzhin dag pa gos pa med/ /rdo rje sku khyod phyag 'tshal lo/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes//rdo rje gsung khyod phyag 'tshal lo/ /don yod rdo rje rdzogs sangs rgyas/ /bsam pa thams cad yongs rdzogs mdzad/ /dag pa ngo bo nyid las byung / /rdo rje sems dpa' khyod phyag 'tshal/ /zhes pa'i tshigs su bcad pa dag gis bstod nas/ cho ga ma tshang ba la sogs pa'i nyes pa zhi bar bya ba'i ched du/ oM badzra satwa sa ma ya/ ma nu pA la ya/ badzra satwa twe no pa tiSh+Tha/ dr-i D+ho me b+ha ba/ su to Sh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha hoHb+ha ga wAn/sarba ta thA ga ta/ badzra mA me muny+tsa badzrI b+ha ba ma hA sa ma ya sa twa aHzhes pa'i yi ge brgya pa lan gsum brjod nas/ ma rnyed yongs su ma shes dang / /ma nus pa dang chad pa dang / /gzhan yang gang bgyis de kun gyi/ /thugs rje'i rang bzhin bzod mdzad rigs/ /zhes bzod par gsol te/rdzogs sangs rgyas dang lha mo rnams/ /de'i sras rnams dang tshangs la sogs/ /lha klu rnams kyi cho ga gang / /ma tshang la sogs bzod mdzad rigs/ /me dang sa chu rlung rnams las/ /sku gzugs yun rings srung du gsol/ /yon bdag dang ni de sras sogs//slob ma rnams dang bdag la yang / /kun nas zhi dang rgyas pa dang / /rtag tu bkra shis mdzad du gsol/ /sangs rgyas yul du gshegs nas slar/ /'dir ni 'byon par mdzad du gsol/ /zhes lan gsum gsol ba btab nas/ /phyogs kyi gtor ma rnams dang /'byung po thams cad pa'i gtor ma dbul lo/ /yon bdag gis kyang sku gzugs la sogs pa la bskor ba dang mchod pa dang phyag byas nas/ slob dpon la yang dag pa'i yon dbul ba rnams kyis yongs su mnyes par bya'o/ /'dir gtso bo snang ba mtha' yas kyi dkyil 'khor du po ti rab gnas bya'o//gtso bo rnam par snang mdzad la gtsug lag khang la sogs pa'o/ /mi bskyod pa'i gtso bo'am/ rdo rje sems dpa' 'am gtso bo la ni sku gzugs thams cad dang rigs mi shes pa rnams kyang rab tu gnas par bya'o/ /yang na sku gzugs kyi lha khang gi rigs gang yin shes pa na rigs de'i de bzhin gshegs pa gtso bo'i dkyil 'khor du'o//kha cig tu ni/ sku gang rab tu gnas bya ba/ /rgyud gang la ni rnam gnas pa/ /de la de yi dkyil 'khor bya/ /yang na rang gi lhag pa'i lha/ /slob dpon rang gi gang yin pa//de ni dbye ba mthong bas bya/ /zhes so/ /'dir de'i zhes pa ni sku gzugs kyi ste/ de nyid de'i dkyil 'khor gyi bdag po nyid kyis so/ /rang gi lhag pa'i lha ni sku de'i rigs kyi bdag po de bzhin gshegs pa ste/ de'i dkyil 'khor bya'o/ / yang na slob dpon rang gi bdag gi dkyil 'khor bya ste/ 'dir gang bsgom pa de nyid ni 'di'i'o/ /de ltar phyogs gsum du brjod do/ /'di ni rgyud gzhan gang yang rung bar brjod pa'i tshul de lta bu'i dkyil 'khor du yang rgyud gzhan du bshad pa'i lha rnams kyi rab tu gnas pa'i rigs te/ji skad du bshad pa'i gtso bo'i dkyil 'khor nyid kyis de'i rigs kyi dkyil 'khor rnams bsdus pa'i phyir ro/ /mdor bsdus pa'i rab tu gnas pa la ni sku gzugs la sogs pa stong pa nyid kyi rjes la/ skad cig gis de dang de'i dam tshig sems dpa' spyan dang / sku la sogs pa byin gyis brlabs pa bskyed nas/ de la de'i ye shes sems dpa' rang gi snying ga'i sa bon gyi 'od zer gyis bkug pa bcug la rang gi snying ga'i sa bon gyi 'od zer gyis bkug pa'i de bzhin gshegs pa la sogs pa rnams dang / rang gis kyang bum pa'i chus dbang bskur te/mchod nas de'i sngags brgya rtsa brgyad bzlas so zhes pa ni sku gzugs la sogs pa rab tu gnas par 'gyur ro/ /gang gi tshe de bzhin gshegs pa'i sku gdung la bkur sti'i khyad par bya bar 'dod na/ de'i tshe sgrub pa'i dus nyid du sku gzugs kyi dbu'am rgyab dang mchod rten gyi dbus stong par bya'o//grub pa na gro gar gur gum dang gi wang dag gis/ na mo b+ha ga ba te shAkya mu na ye ta thA ga tA ya/ ar+ha te samya k+saM bud+d+hA ya/ oM mu ne mu ne ma hA nu ne ye swA hA/ ye d+ha rmA he tu pra b+ha bA he du n+te ShAn+ta thA ga to h+ya ba data/ te ShAny+tsa yo ni ro d+ha e baM bA dI ma hA shra ma NaHzhes pa dang /gzugs kyi khyad par yang bris nas/ de khrus byas pa'i gdung la dkris te/ oM man+t+ra d+hA tu gar+g+hA ya swA hA/ zhes brjod cing stong par gzhug go/ /de nas oM badzra d+hA tu gar+b+hA ya swA hA/ zhes brjod cing rdo rje'i 'dag pas stong pa'i sgo bkag nas snga ma bzhin du de rab tu gnas par bya'o//gzhan dag ni bde mchog dang dgyes pa rdo rje la sogs pa'i sku gzugs la yang 'dus pa'i dam tshig sems dpa' bskyed pa dang / ye shes kyi dkyil 'khor gzhug pa dang / dbang bskur bas rab tu gnas par 'gyur ba nyid de 'dus pa ni bla na med pa'i phyir ro//de'i rjes nyid la ni 'dus pa'i dam tshig dang ye shes kyi dkyil 'khor gyi dbang phyug ni bde mchog la sogs pa'i gzugs su gsal bar bsgom par bya zhing / de'i sku gzugs kyang de'i gzugs nyid do zhes pas ji ltar 'gal zhes gsungs so/ /rig pa rab tu gnas pa la ni slob dpon rdo rje 'chang gi gzugs su'am rig pa'i bdag po'i gzugs su bya ste/rig pa la rig pa'i bdag po dang / der ye shes sems dpa' gzhug pa cho ga bzhin bsgom par bya'o/ /de bzhin du ji ltar rigs par bsgrub par bya ba'i khyad par yang ngo / /de nas rig pa'i bdag po ni sngags rnams la dang /bsgrub bya ni rang gi ming la bcug nas rig pa spyi bo'i bu gnas/ kha nas bcug ste rdo rje'i lam nas byung ba lha mo'i pad+mar zhugs pa la rang gi snying ga'i sa bon gyi 'od zer gyis bkug pa'i de bzhin gshegs pa de ltar bzhugs pas dbang bskur te/ phyir byung ba rnams la dbang bskur ba'i bum pa'i chus gtor ro/ /yang dag par mchod pa'i rig pa'i bdag po'i snying po brgya rtsa brgyad bzlas so/ /rig pa'i khyad par la ni kha cig tu bsgom pa'i khyad par nyung ngu ni man ngag gi snye mar rtogs par bya'o/ /rig pa rab tu gnas pa'o/ / slob dpon rdo rje 'chang gi gzugs su rang gi lag pa g.yas pa'i sor mo rnams rdo rje rtse lnga pa'i ngo bor skad cig gis bsgoms pa la yi ge AHlas skyes pa'i nyi ma AHsa byin gyis brlabs pa dang / lag pa g.yon pa'i sor mo rnams pad+ma'i 'dab ma'i rnam par skad cig gis bsams pa la a las skyes pa'i zla ba des byin gyis brlabs pa bsgoms nas/de dag gi dbus su bzung ba'i phreng ba'i thag pa'i dbus kyi skud pa rdo rje sems dpa'i rang bzhin du dang / phyogs dang mtshams kyi skud pa brgyad phyag na pad+ma dang / byams pa dang / nam mkha' mdzod dang /kun tu bzang po dang / phyag na rdo rje dang / 'jam dpal dang / sgrib pa thams cad rnam par sel ba dang / sa'i snying po'i bdag nyid du dang / phreng rdog rnams rnam par snang mdzad la sogs pa'i rang bzhin dang / mdo 'dzin ni stobs dang mi 'jigs pa la sogs pa'i chos kyi phung po'i mchod rten du skad cig gis bsams nas snying ga'i sa bon gyi 'od zer gyis bkug pa'i rdo rje sems dpa' la sogs pa rnams rang nyid ji lta ba la bcug ste/a g+kha ru kA ru Nu ru a so hi sa man+ta bi swA rug ni a a saM khu a lig ku si dza dza i tad ta bi sA ru/oM pa de pa de ma hA dz+nyA na sarba bu d+d+ha ma haM b+ha be hUM hUM hUM ho ho ho a khaM swA hA/ zhes pa'i sngags kyis byin gyis brlab po/ /bum pa'i chus dbang bskur zhing mchod par bya'o/ /phreng ba rab tu gnas pa'o/ /mdor bsdus pa ni phreng ba la gsung rdo rje bsgoms nas ye shes sems dpa' dang gcig tu byas te de'i gzugs yongs su gyur pa las phreng ba'i rnam par bsams la/bum pa'i chus dbang bskur te mchod nas gsung rdo rje'i snying po brgya rtsa brgyad bzlas par bya'o/ /phreng ba rab tu gnas par bya'o/ /'di ni sku gzugs la sogs pa rab tu gnas pa'i cho ga'o// //yon bdag la nus pa yod na chu 'gram du gtso bo rnam par snang mdzad kyi dkyil 'khor bris te de'i 'gram du 'khor lo'i dbang phyug gi rnal 'byor dang ldan pas gtor ma rnams rdzing la sogs pa'i phyogs su btang nas chu stong par gyur par bsams te/ b+h+rUM las skyes pa'i 'khor lo dang b+h+rUM las grub pa'i rnam par snang mdzad spyan ma dang snyoms par zhugs pa yongs su gyur pa las rdo rje chu lha dkar po mi'i gdong ba la gdengs ka bdun pa/lag pa g.yon pas klu'i zhags pa bzung bas mdzes ma la 'khyud pa/ g.yas pa 'gying ba dang bcas pas ut+pal sngon po bsnams pa/lte ba'i 'og na sbrul gyi rnam pa'i dam tshig sems dpa' bsgoms nas de la rang gi snying ga'i sa bon gyi 'od zer gyis bkug pa'i rnam par snang mdzad zhabs bsil dang zhal bsil dang / mchod yon dbul ba sngon du 'gro bas/ oM badzras ma ya s+t+waM zhes brjod nas bcug ste dbang bskur la me tog la sogs pas mchod nas/de yongs su gyur cing gzugs brnyan dang ldan pas ye shes kyi bdud rtsi'i rang bzhin dri zhim pa dang / ro zhim pa dang / yang ba dang / dang ba dang / 'jam pa dang / bsil ba dang / gre ba dang lto ba la mi gnod pa ste/yan lag brgyad dang ldan pa'i chu dbang chen gyi gting la thug par klu rigs brgyad kyi gnas rlabs kyi phreng ba dang ldan pa kun nas bsgom par bya'o/ /de la yang chu'i mthil du bzo byas pa'i klu brgyad skad cig gis dam tshig sems dpa'i ngo bo snying ga'i sa bon gyi 'od zer gyis bkug pa'i ye shes sems dpa' dang dbyer med pa rnams gzhag par bya'o//rdzing der dbus su mchod sdong gi shing zabs las tshad nyis 'gyur ram/ dpangs dang mnyam pa yang rung ste/ de ltar sems dpa' gnyis kyi bdag nyid can chu lha'i gzugs brnyan dang ldan pa'i rtse mo can btsugs pa'i drung du'o//mchod sdong gi shing dang bral ba'i chu'i rten gyi dbus su yang ngo / /de la shar du mtha' yas gser las byas pa dang / lhor ra gan las byas pa'i pad+ma dang / nub tu zangs kyi rang bzhin 'jog po dang / byang du dngul dag pa'i rang bzhin las nor rgyas dang /dbang ldan du zha nye dkar po las bsgrubs pa'i pad+ma chen po dang / mer zha nye'i rang bzhin gyi dung skyong dang / bden bral du khar ba las byas pa'i karko Ta dang / rlung du lcags las byas pa'i rigs ldan no/ /mchod sdong med na ni dbus su rdo rje chu lha shel las byas pa'o/ / de nas bdud rtsi lnga dang 'o ma dang ga pur la sogs pa chu lha la sogs pa la gtor te de rnams la me tog la sogs pas mchod la 'byor na rgyas pa'i don du sbyin sreg byas nas ba lang gi lci ba byugs par 'dug ste dri dkar pos maN+Dal byas nas/ rang gi snying ga'i sa bon gyi 'od zer gyis bkug pa'i maN+Dal la gnas pa'i pad+ma'i lte ba la rdo rje chu lha dang /shar gyi 'dab ma la mtha' yas dang / lhor pad+ma dang nub tu 'jog po dang / byang du nor rgyas dang / dbang ldan du pad+ma chen po dang / mer dung skyong dang / bden bral du karko Ta dang / /rlung du rigs ldan dang / phyi rol kun du klu thams cad bsams nas/ oM AHbadzra ba ru NA ya hUM swA hA/ oM AHa nan+dA ya hUM swA hA/ de ltar rang gi ming bcug pa'i sngags rnams kyis me tog dkar pos mchod de lag pa g.yon pa gdengs ka'i tshul du lag pa g.yas pa brkyang ste/ oM a nan+da pA su ki tak+Sha ka karko Ta ka pad+ma ma hA pad+ma shaM khA bA la ku li ka de ba ti ma hA de ba ti/so ma shi khi ma hA shi khi/ daN+Da d+ha ra ma hA daN+Da d+ha ra a pa lA la hu luN+Da nan+da u pa nan+da sA ga ra ma hA sA ga ra ta pa ta ma hA tA pa ta/ shrI kAn+ti/ ma hA kAn+ti/ rat+na kan+ti/ su rU pa ma hA su rU pa/ b+ha Ta hi ka ma ho da da shi la ma hA shi li li oM b+hak+Sha b+ha k+Sha/A gats+tsha A gats+tsha ma hA nA ga a d+hi pa ti sarba b+hur+b+hu ba phruM phruM swA hA/ zhes pa klu'i gtor ma'i sngags 'don zhing 'o ma'i gtor ma byin gyis brlab par bya'o/ /de nas yun ring du gnas par bya ba'i don du gsol ba btab ste/ yi ge brgya pa bton nas bzod par gsol te/byin gyis brlabs pa'i 'o ma'i gtor ma re kham phor rnams su phyogs brgyad rnams su dbul lo/ /de'i phyi ngos su'ang gtor ro/ /gzhon nu ma rnams kyang tshim par bya'o/ /rdzing dang rdzing bu dang / khron pa rab tu gnas pa'i cho ga'o/ /a mra'i tshal dang skyed mos tshal la sogs pa rab tu gnas pa'i cho ga la/phyogs su gtor ma byin nas bdag nyid rnam par snang mdzad kyis shing gi gtso bo stong pa nyid kyi rjes la rnam par snang mdzad kyi ngo bor bsams nas der rnam par snang mdzad kyi ye shes sems dpa' mchod yon la sogs pa sngon du 'gro bas bcug nas/bum pa'i chus dbang bskur te de yongs su gyur pa'i shing de dang de nyid kyi tshe shing gzhan rnams kyang de yongs su gyur par mos te/ shing gi gtso bo dang de la byin gyis brlab pa'i lha'i me tog la sogs pas mchod de/ 'bras bu la sogs pas mchog tu phan 'dogs pa'i skyed mos tshal la sogs pa yun ring du gnas pa'i phyir gsol ba btab nas phyogs kyi gtor ma rnams dbul lo//skyed mos tshal la sogs pa rab tu gnas pa'i cho ga'o// //brjod pa'i cho ga 'di dag nyid la thams cad du las gang la sngags ma brjod pa der ni las thams cad pa'i sngags bzlas so zhes pa ni kha bskang bar bya ba'o//de nas rdul tshon gyi dkyil 'khor ram dkyil 'khor gzhan yang rung ste/ sngar brjod pa'i cho gas dang po bum pa lhag par gnas pa dang / dgod pa dang / nye bar spyod pa lnga la sogs pa'i mchod pa byas nas/lhag gnas byas pa'i slob ma rnams las legs par btags pa nga rgyal la sogs pa'i skyon dang bral ba/ dge bsnyen la sogs pa'i bslab pa la gnas pa legs par thos pa la sogs pas yongs su sbyangs pa/ gus pa dang ldan pa/ rdo rje sems dpa'i sdom pa bzung ba'i nus pa dang ldan na rigs dang yon tan dang /gzugs dang bral ba rnams kyang lhag par gnas par bya ste/ gal te de dag kyang dad pas rdo rje sems dpa'i sdom pa shin tu don du gnyer zhing rdo rje theg pa la ston pa gzhan mi tshol bar gyur na'o/ de skad du bcom ldan 'das kyis gsungs shing phyed dang bzhi brgya par yang /gzugs ngan yongs su med pa dang / /dman pa'ang lhag par gnas bya ste/ /'khor ni bzhi po rnams la yang / /dkyil 'khor dag tu cho ga gnang / /rang rang bslab pa legs par ldan/ /theg chen la dga'i bdag nyid can/zhes gsungs so/ /'khor bzhi ni dge slong dang / dge slong ma dang / dge bsnyen dang / dge bsnyen ma rnams so/ /cho ga ni 'jug pa la sogs pa'o/ /ldan pa ni de lhur byed pa'o/ /theg chen la dga'i bdag nyid can/ /zhes pa 'dis ni 'gal ba spangs pa'i theg pa 'di la yid kyi las gtso bo nyid du ston par byed do//bcom ldan 'das kyis rang bzhin gyi kha na ma tho ba'i las nyid la yang / kun slong gi khyad par las ltung bar mi 'gyur bar mang du gsungs so/ /kho bos kyang man ngag gi snyem la sogs par rnam par bkrol lo/ /gzhan du/ snying brtser ldan zhing byams phyir dang / /sems dge ba la ltung ba med/ /ces pa dang / snying rje ldan zhing don mthong bas/ /bkag pa yang ni gnang ba yin/ /zhes so/ /gang zhig yang bsod nams bsags pa mang du thos pa la sogs pas/ chos thams cad sgyu ma dang / rmi lam lta bu dang stong pa nyid du ro gcig par shin tu brtan par lhag par mos par byed pa de la ni dge slong dang /rdo rje 'dzin pa'i sdom pa dag dang 'gal ba'i dri ma yang ga la yod/ de nyid kyi phyir bcom ldan 'das kyis dge slong rdo rje 'dzin pa zhes gsungs te/ 'di ni nges par khas blangs dgos so//gzhan du na dus mtshungs par gnyis ka ji ltar 'gyur/ dge slong gi nyams su myong ba de'i sbyor ba'i bde ba'i bag chags sad pas rmi lam du mthong na rmi lam du mthong ba'i phyi rol gyi phyag rgya la dbang po gnyis kyi bde ba'i mthar thug par nyams su myong na yang ltung ba med do zhes 'dul bar bstan pa de rtogs par bya'o//gal te phyogs kyi bye brag skye bo ngan pa'i spyod yul du gyur na/ de'i tshe de la yang ye shes kyi phyag rgyas gsang ba dang shes rab ye shes kyi dbang sbyin par bya'o/ /skye bo ngan pa med na ni las kyi phyag rgya kho nas so/ / de kho na nyid la mos pa mi brtan pa'i dge slong la ni dad pa dang ldan yang phyi'i shes rab ma'i dbang bzung ba bkag ste/ gzhan du sdom pa lnga ma nyams pas de don med pa chen por 'gyur ro/ /gal te yang bla ma bsgom pa la brtan par gyur na de'i tshe de la yang des gtad pa'i ye shes kyi phyag rgya mas shes rab ye shes kyi dbang sbyin no//blangs pa la yang tshangs par spyod pa dang bral ba'i dogs pa yang med de/ lus kyi las med pa'i phyir ro/ /de yang sngar khyim pa yin na nyams su myong ba'i bde ba dran du bcug pas dga' ba la sogs pa'i dbye ba bstan par bya'o/ / bla ma yang dge slong du gyur pa na gsang ba'i dbang la sogs pa ster ba'i tshe/ brjod pa thams cad mtshams sbyar bar bya'o/ /ha cang spros pas chog go/ /skabs su babs pa brjod par bya ste/ de la slob ma gcig gam gnyis sam mang po maN+Dal byas nas pus mo sa la btsugs te me tog dang bcas pa'i thal mo sbyar ba rnams la 'jig rten 'di nyid kyi mngon par mtho ba don du gnyer bas ma yin/'jig rten pha rol du mngon par mtho ba'i ched du yang ma yin gyi/ 'on kyang de bzhin gshegs pa'i sku gsum gyi phun sum tshogs pa thob par bya ba'i phyir dkyil 'khor du 'jug par bya'o//de lta na ni mngon par mtho ba gnyis kyang thob par 'gyur ro zhes bsgrags nas/ kha nas rang gi lus la bcug ste/ rdo rje'i lam nas 'thon nas shes rab kyi pad+ma'i lam la gnas pa rnams la snying ga'i sa bon gyi 'od zer gyis bkug pa'i shes rab dang bcas pa'i de bzhin gshegs pa kha nas zhugs shing zhu bar gyur pa rnams kyis dbang bskur bar bsgoms nas/dkyil 'khor gyi shar sgor bzhag ste/ 'jug par gsol ba 'debs su gzhug par bya ste/ skye rga 'chi ba na kra yi/ /chu srin la sogs 'jigs rung ba/ /srid pa'i mtsho las bdag sgrol mdzod//dga' chen ston pa khyod gcig pu/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol//thar pa chen po'i grong mchog tu/ /mgon po bdag ni gzhug tu gsol/ /zhes brjod du gzhug cing ngo / /dga' chen zhes pa ni rdo rje 'chang dang mtshungs pa'o/ /tshul ni lam mo/ /dam tshig ni sngags dang / rgyud dang / phyag rgya la sogs pa'o/ /kha cig ni dang por gso sbyong bzung ba rnams la zhes so//de nas slob ma gcig gtso bor bya ste/ bu tshur shog cig theg chen po/ /gsang sngags spyod tshul cho ga ni/ /khyod la yang dag bstan par bya/ /khyod ni tshul chen snod yin te/ /sku gsung thugs kyi rdo rje can/ /dus gsum 'byung ba'i sangs rgyas rnams//rdo rje sngags kyi mthu rnams kyis/ /ye shes mnyam med yang dag brnyes/ /gsang sngags sbyor ba mnyam med pa/ /gang gi shAkya seng ge sogs/ /mchog rnams kyis ni bdud kyi sde/ /mi bzad chen po stobs chen bcom/ /'jig rten rjes 'jug rtogs nas ni//'khor lo bskor nas mya ngan 'das/ /de bas kun mkhyen thob bya'i phyir/ /blo gros 'di ni gyis shig bu/ /zhes bya ba brjod cing yang dag par 'dzin du gzhug go/ /'di ni zhes pa ni sngags kyi tshul la gzhol ba'o/ /de nas/ dkon mchog gsum la bdag skyabs mchi//sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /zhes lan gsum brjod du gzhug go/ /de ltar thun mong gi sdom pa can gyis slob dpon gyi sdom pa gzung ba'i phyir/ 'khor lo phyir mi ldog pa'i dbang //dam pa bdag la stsal nas ni/ /mgon po 'khor lo lha dag gi/ /de nyid slob dpon phrin las dang / /sangs rgyas kun gyi dam tshig dang / /sdom pa gsang mchog bshad du gsol/ /sems can kun gyi don bya'i phyir/ /rtag tu bdag ni slob dpon bgyid/ / ces khyad par du gsol ba 'debs su bcug nas/ byang chub tu sems bskyed du gzhug ste/ sangs rgyas dang byang chub sems dpa' thams cad bdag la dgongs su gsol/ bdag ming che ge mo zhes bgyi ba dus 'di nas bzung ste/ ji srid byang chub snying po la mchis kyi bar du/ ji ltar dus gsum mgon po rnams//byang chub tu ni nges mdzad ltar/ /byang chub sems ni bla na med/ /dam pa bdag gis bskyed par bgyi/ /tshul khrims bslab pa rnam pa gsum/ /dge ba dang ni chos sdud dang / /sems can don byed tshul khrims ni/ /bdag gis so sor brtan por gzung //sangs rgyas chos dang dge 'dun te/ /dkon mchog gsum mchog bla na med/ /sdom pa sangs rgyas rnal 'byor byung / /deng nas brtsams te gzung bar bgyi/ /rdo rje chen po'i rigs bsdus pa/ /rdo rje dril bu phyag rgya yang / /de nyid kyis ni rab tu gzung / /slob dpon dag kyang gzung bar bgyi//rin chen chen po'i rigs mchog gi/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rab tu sbyin/ /pad+ma chen po'i rigs dag pa/ /byang chub chen por 'byung ba la/ /phyi dang gsang ba theg pa gsum/ /dam chos so sor gzung bar bgyi//las chen rigs ni bsdus pa la/ /sdom pa thams cad yang dag ldan/ /mchod pa'i las ni ci nus bzhin/ /kun nas so sor gzung bar bgyi/ /sems can kun gyi don bgyid phyir/ /byang chub sems ni bla med pa/ /dam pa yang dag bskyod bgyi zhing / /sdom pa ma lus bzung bgyis nas//ma bsgral ba rnams bsgral bar bgyi/ /ma grol ba rnams bdag gis dgrol/ /dbugs ma phyin pa dbugs 'byung zhing / /sems can mya ngan 'das la dgod/ /ces lan gsum brjod du gzhug cing / /'di ni man ngag gi snye mar rnam par phye'o/ / de nas bdud rtsi 'khyil pa'i sngags kyis bsrungs nas/ de rnams kyi snying ga dang / mgrin pa dang / spyi bo rnams su rdo rje dang pad+ma dang 'khor lo'i steng du nyi ma dang zla ba la gnas pa'i yi ge hUM AHoM nag po dang dmar po dang dkar po bsams nas/ de rnams brjod snying ga dang / mgrin pa dang /mgo bo rnams la dri chu rdo rje dang bcas pa'i khu tshur g.yas pas byugs te mgo bo la me tog dang / mdun du bdug spos dang / mar me dang / snying gar slar yang dri sbyin no/ /de'i rjes la a shwat+tha la sogs pa'i so shing sor bcu gnyis pa drang zhing srog chags med pa ma gas pa rma med pa dri bzangs kyi chus bkrus pa rtse mor me tog bcings pa byang du phyogs pa'i slob ma rnams la sbyin no//de rnams kyis kyang khru bzhi pa gru bzhi pa'i dkyil 'khor ba'i lci ba la sogs pas byugs par shar ram byang du phyogs pas so shing / oM badzra hA sa ha zhes brjod nas rtse mo nas 'chos te ma gas pa steng du blta zhing /ltos pa med par mdun du 'dor ro/ /de rnams la so shing lhung ba'i rjes su 'brangs te 'byung bar 'gyur ba'i dngos grub bshad par bya'o/ /shar dang / byang dang / nub dang / lho dang / steng dang / 'og tu phyogs par lhung na rim pa bzhin du zhi pa dang /rgyas pa dang / dbang dang / mngon spyod dang / rig pa 'dzin pa dang / sa 'og gi dngos grub rnams so/ /dkyil 'khor gyi phyi rol du lhung na ni dngos grub med do/ /de nas baM las skyes pa'i chu des bzlas pa kha bkru ba'i phyir byin nas/ 'khyil pa lan bdun bzlas pa'i dri zhim po'i chu khyor ba gsum/oM hrIHbi shud+d+ha d+harma sarba pA pa ni tsa a s+ya sho d+ha ya sarba pi kawAn a pa na hUM zhes brjod cing blud do/ /de nas de rnams phyi rol du bzhag la hUM las byung zhing de bzlas pa'am/ 'khyil pa bzlas pa'i ku sha mang po rtse mo mnyam pa stan du 'ding ba'i don du dang / de bzhin du sngas kyi don du yi ge d+hIHlas skyes shing de dang 'khyil pa bzlas pa'i ku sha /oM badzra tIk+Sh+Na baM zhes pa'i sngags kyis sbyin no/ /de nas hUM las byung ba'i skud pa dmar po slob ma'i lus kyi tshad sum bltab byas te de dang 'khyil pa lan bdun bzlas la mdud pa gsum mam drug byas pa de rnams kyi dpung pa g.yas pa'am g.yon par rgyud gzhan du gsungs te/oM bud+d+ha mai trIM rak+Sha rak+Sha sarba na swA hA/ zhes brjod cing / rang nyid kyis bcings la yang dag par bsrungs nas spro ba bskyed par bya ste/ 'jig rten du ni kun mkhyen rnams/ /res 'ga' 'byung ngam mi 'byung srid/ / u dum+WA ra'i me tog bzhin/ /brgya lam na ni res 'ga' 'byung / /gang gis sems can mnyam med don/ /mya ngan mi 'da' byed par nus/ /gsang sngags spyod pa'i tshul 'byung ba/ /de bas kyang ni shin tu dkon/ /bskal pa bye ba du ma ru/ /sdig pa gang zhig sngon byas pa/ / dkyil 'khor 'di 'dra mthong ba yis/ /de dag thams cad zad gyur na/ /grags pa mtha' yas sngags spyod pa'i/ /tshul la gnas pa smos ci dgos/ /skyob pa'i gsang sngags bzlas nas ni/ /go 'phang bla na med par 'gyur/ /spyod mchog 'di la gang rnams kyi/ /blo gros shin tu dri ma med//de rnams kyi ni sdug bsngal kun/ /'byung ba'i ngan 'gro yang dag zhi/ /bdag nyid chen po khyed rnams kyis/ /de ring rnyed pa mnyam med rnyed/ /gang gis khyed rnams rgyal ba kun/ /bdag nyid chen po sras bcas kyis/ /bstan 'di kun la yongs su bzung //gnas pa skye bar 'gyur ba ni/ /de yis khyed rnams theg chen la/ /legs par skyes pa nyid du 'gyur/ /theg pa chen po cher 'byung ba'i/ /lam mchog 'di ni dpal dang ldan/ /gang gis khyed rnams 'gro 'gyur bas/ /de bzhin gshegs par 'gyur ba yin/ /zhes pa nyan du bcug nas so//skye ba nyid du 'gyur ba ni dkyil 'khor du zhugs pas so/ /theg pa chen po nyid rgyud nas mchog tu cher 'byung ba mnga' ba gang yin pa'o/ /de nas de rnams 'khyil pa'i sngags kyis bsrungs nas bzlas pa'i don du 'khyil pa'i sngags byin te/ nang par bdag la rmi lam smros shig ces brjod la dkyil 'khor gyi khang pa'i nang ngam/dkyil 'khor gyi sa'i mthar ram/ yol ba la sogs pas bcad par ram/ gzhan du yang rung ste seng ge'i nyal stabs kyis nyal du gzhug go/ /rang nyid dkyil 'khor gyi khang par zhugs nas bsrung ba'i don du 'khyil pa'i sngags bzlas par bya'o//'dir sdom pa gang slob dpon du mi byed pa la yang ster ba de ni thun mong ste/ skyabs su 'gro ba dang / byang chub tu sems bskyed pa tsam gyi mtshan nyid do/ /gang yang slob dpon du byed pa la sbyin pa de ni slob dpon gyi sdom pa ste/ rigs lngas bsdus pa'o/ / de bas ni 'di ni sdom pa gnyis sbyin pa sngon du 'gro ba tsam gyi slob ma lhag par gnas pa'i cho ga'o// //de'i rjes su bla mas nang par gtor ma btang ste/ dkyil 'khor gyi khang pa nas 'thon la/ slob ma rnams la rmi lam dri ste/ ri la lhung ba la sogs pas mtshan pa'i rmi lam ngan pa rnams ni 'khyil pa'i sngags kyis bsrungs la/dkyil 'khor gyi khang par 'jug pa'i tshe/ slob ma rnams kyis/ oM pra bi sha b+ha ga wan ma hA su kha mo k+Sha pu raM sarba sid+d+hisu kha pra daM pa ra ma su kho ta ma sid+d+h+ya dzaHhUM baM hoHpra sid+d+h+ya swa zhes spro ba bskyed pa zhugs nas/ g.yas skor du 'khor lo'i dbang phyug gi gzugs kyis nub la sogs pa'i sgor gnas te/dkyil 'khor gyi shar sgo la sogs par oM badzrod g+ha Ta ya sa ma ya pra be+e sha ya hUM zhes 'don zhing sgo phye nas me tog gi phreng ba/ oM par ma su kha sha ya su la li ta bi la sa ni ma tair na mA mi b+ha ga wAn taM dzaHhUM baM hoH hi hi hi hI hIHpra tits+tsha ku su mAny+dza li nA tha to/ /zhes pa'i sngags kyis dkyil 'khor du dor nas slar bzung ste/phreng ba'i dbang gi bsam pas rang gi mgo bor bcings la/ 'khor lo'i dbang phyug ni bla ma mngon sum du gyur par mos par bya ste/ des ster bzhin pa'i phreng ba'i dbang gzung ba la sogs pa 'chad par 'gyur ba'i dbang ma lus pa dang / cho ga bzhin slob dpon gyi las thams cad la rjes su gnang ba thob par byas la/slob ma gzhug pa'i ched du bde ba chen po'i bdag nyid shes rab dang thabs kyi rang bzhin de kho na nyid kyi bstod pa sngon du 'gro bas/ dkyil 'khor gyi dngos grub mngon par zhu zhing bden pa'i byin rlabs bya ste/ nam mkha' skye ba mtshan ma'i phyir//thog ma tha ma med pa'i mchog /sems dpa' rdo rje che rang bzhin/ /mi bskyod rdo rje deng bdag sgrubs/ /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag sgrub mdzod//nyes pa med pa rtag pa khyod/ /'dod chags kun gyis rjes chags pa/ /bcom ldan chags chen dga' ba che/ /de kho na nyid bdag grub mdzod/ /shin tu rnam dag chos kyi mchog /gdod nas grol ba de bzhin gshegs/ /kun tu bzang po kun bdag nyid/ /byang chub sems dpar bdag grub mdzod//dngos grub chen po kun gyi mchog /dbang chen mchog gi phyag rgya yis/ /rdo rje chen po gsor ba las/ /rdo rje snyems bdag bdag grub mdzod/ /sems can kun gyi yid khyab pa/ /sems can kun gyi snying la gnas/ /sems can kun gyi yab kyang yin//dam tshig mchog gis 'dod pa mchog /bden pa gang gis ye shes mchog /shes rab thabs bdag dkyil 'khor gyi/ /bden pa de yis mgon po khyod/ /'dod pa bdag la yongs rdzogs mdzod/ /chos rnams gzugs brnyan lta bu ste/ /gsal zhing dag la rnyog pa med//gzung du med cing brjod du med/ /rgyu dang las las yang dag byung / /de nyid de bzhin nyid nges byung / /bden pa de yis dkyil 'khor ni/ /gzugs brnyan gsal bar slob ma rnams/ /kun gyis sgrib med mthong bar shog /ces brjod par bya'o/ /gang gis skye ba la nam mkha'i mtshan ma ste/dpe yod pa de ni de bzhin nyid kyi phyir stong pa nyid dang snying rje'i rang bzhin rdo rje sems dpa' zhes pa'i don to/ /rdo rje 'dzin pa kun ni sku rdo rje la sogs pa'o/ /'dod chags kun ni 'dod pa thams cad kyis sems can rnams la rjes su chags pa'o/ / chags chen ni dmigs pa med pa'i snying rje chen po'o/ /rang bzhin gyis yongs su dag pa'i phyir gdod ma nas grol ba'o/ /kun bdag nyid ni chos nyid kyis so/ /byang chub kyi bdag nyid kyi sems ni byang chub sems dpa'o/ /dam tshig mchog gi ste yang dag pa'i ye shes dang ldan pa rnams kyi'o//'dod par bya bas na 'dod pa ste 'di ni mchog kyang yin no/ /nyon mongs pa dang / shes bya dang / snyoms par 'jug pa'i sgrib pa dang bral ba dang / rang bzhin med pa dang / sgra'i yul ma yin pa nyid kyis gsal ba la sogs pa'i tshig lnga'o/ / sgrib pa med na bden pa'i byin gyi rlabs dang / bcom ldan 'das kyis byin gyis brlabs pa las so/ /'di ni slob dpon 'jug pa'i cho ga'o// //de nas sgo'i slob dpon rnams mi 'dod na gzhan dang / 'dod na ni de rnams dang / slob ma gzhan lhag par gnas par byas pa sdom pa gnyis dang ldan pa rnams khrus byed du bcug ste/dri zhim po la sogs pas dag par byas la yol ba'i phyi rol du rnam par snang mdzad kyi gzugs sam/ 'khor lo'i dbang phyug gi gzugs su dmigs la 'khyil pa bzlas pa'i gos dmar po'am/ gzhan gang yang rung ba/ oM sarba ta thA ga ta a nut+ta ra bo d+hi a laM kA ra was+t+ra pU dza mi g+ha sa mu dra s+pha ra Na sa ma ya hUM zhes pas smad g.yogs byas shing /oM badzra rak+Sha ho zhes pas stod g.yogs can/ oM badzra uSh+NI Sha hUM phaT ces pas gtsug tor byas la/ bdud rtsi 'khyil pa bzlas pa'i gos dmar po'am ser po/ oM tsak+Shur ban+d+ha bar mA na ya hUM zhes pa'i sngags kyis mig ras bcings la/a khaM bI ra hUM zhes brjod nas me tog gi phreng ba bzung zhing / yon phul ba las thams cad pa'i chus bsangs te/ snying ga dang / mgrin pa dang / spyi bor gnas pa'i rdo rje dang pad+ma dang / 'khor lo la bkod pa'i nyi ma dang / nyi ma dang zla ba'i steng du hUM nag po dang / AHdmar po dang / oM dkar po'i 'od zer gyis lus 'od gsal bar byas shing / hUM zhes brjod nas dkyil 'khor gyi shar sgor bzhag ste/ las kyi rdo rje can gyis bzung ba la dkyil 'khor du gzhug pa'i phyir dri bar bya'o/ /kye dga' ba la dga' khyod su yin/ des/ bde chen bdag ni skal bzang lags//zhes brjod par bya'o/ /de nas oM sarba yo ga tsit+ta ut+pa da yA mi zhes brjod du gzhug cing / byang chub sems bskyed du bcug la snying gar rdo rje me tog dang bcas pa/ oM su ra te sa ma ya s+t+waM hoHsid+d+h+ya badzra ya thA su khaM zhes brjod cing bzung ste/ deng khyod la de bzhin gshegs pa thams cad kyis byin gyis rlobs par 'gyur gyis/khyod kyis kyang de bzhin gshegs pa thams cad kyi mchog tu gsang ba'i dkyil 'khor 'di dkyil 'khor du ma zhugs pa rnams la smra bar mi bya zhing / ma dad par yang mi bya'o zhes brjod do/ /oM ya mAn+ta kr-ita hUM zhes brjod cing khrid la/a khaM bI ra hUM zhes pa 'dis yol ba'i nang du bcug nas/ ma hA ra ta su dr-iD+ha su to Sh+ya su su kho badzra satwa ad+d+h+ya sid+d+h+ya ma zhes pa 'don pad kor byas nas thal mo sbyar bas dkyil 'khor gyi shar gyi sgor oM sarba ta thA ga ta pU dzo pas+thA nA ya At+ma nAM ni r+yA ta yA mi sarba ta thA ga ta badzra satwa a d+hi tiSh+Tha mAM/oM sarba bud+d+hA pU dzo pas+thA nA ya Atsha nAM nir+yA ta yA mi sarba ta thA ga ta badzra bai ro tsa na a d+hi tiSh+Tha swa mAM zhes pa dang / lhor oM sarba ta thA ga ta pU dza a b+hi she kA ya At+ma nAM ni r+yA ta yA mi sarba ta thA ga ta badzra rat+na a b+hi Shiny+tsa mAM/ nub tu oM sarba ta thA ga ta pU dza pra brta nA ya At+ma nAM nir+yA ta yA mi sarba ta thA ga ta badzra d+harma pra brta ya mAM/byang du oM sarba ta thA ga ta pU dza karmA Ne At+ma nAM nir+yA ta yA mi/ sarba ta thA ga ta badzra karma ku ru maM/ zhes pa'i sngags lngas rim pa bzhin dkyil 'khor na bzhugs pa'i mi bskyod pa la sogs pa'i de bzhin gshegs pa rnams la phyag byed du bcug nas/ yang shar sgor/oM gu ru tsa ra No pas+thA nA ya At+ma nAM ni R+YA ta yA mi/ oM sarba satwa pa ri trA Na/ ar+thaM At+ma nAM nir+yA ta yA mi/ zhes pa'i don go ba sngon du 'gro bas 'don du gzhug go/ /kha cig gis 'di'i snying gar snyoms 'jug gi bde ba chen po dang snying ga la sogs par dgod par gzhan yang bshad pa ni skabs 'dir bsgom par mi bya ste/de ni cho ga gzhan yin no/ /de nas deng khyod de bzhin gshegs pa thams cad kyi rigs su zhugs kyis des na ngas khyod la rdo rje'i ye shes bskyed par bya ste/ ye shes gang gis khyod de bzhin gshegs pa thams cad kyi dngos grub kyang thob par 'gyur na dngos grub gzhan rnams lta smos kyang ci dgos/khyod kyis kyang 'di'i dkyil 'khor ma mthong ba rnams kyi mdun du smra bar mi bya ste/ khyod dam tshig nyams par gyur te re zhes brjod nas mgo bor rdo rje bzung nas dril bu dkrol zhing / khyod kyis dam tshig rdo rje 'di//gal te khyod kyis 'ga' zhig la/ /'di smras na ni spyi bo 'gems/ /zhes bsgrags la snying gar rdo rje bzung ste/ oM de ring rdo rje sems dpa' rang / /khyod kyi snying la yang dag zhugs/ /gal te tshul 'di smras na ni/ /de ma thag tu dral te gshegs/ / zhes bka' bsgos nas/ rnam par rgyal ba'i bum pa'i steng na gnas pa'i chu ming med dang / mthe bong gis bzung ba'i snod kyi khas de'i khar blugs shing / 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ste/ rdo rje bdud rtsi'i chu 'thungs shig//oM pany+tsa a mr-i ta u da ka ThaHzhes brjod cing mna'i btung ba byed du bcug nas/ deng nas brtsams nas khyod kyis phyag na rdo rje nga yin gyis/ ngas 'di gyis shig ces gang bsgo ba de khyod kyis bya dgos so/ /khyod kyis nga la brnyas pa yang mi bya ste/ khyod yang ba ma spangs par shi ba'i dus byas nas dmyal bar ltung bar gyur ta re zhes brjod do//khyod kyis zhes pa ni khyod la'o/ /dmyal ba zhes pa ni brgal dka' ba'i chu lta bu'o/ /rdo rje bdud rtsi'i chu zhes pa la rdo rje ni tshar gcod par byed pas so/ /bdud rtsi ste rjes su 'dzin pa'i phyir ro/ /dam tshig gi chu sbyin pa'i cho ga'o// //de'i rjes su sgrub pa'i dus las sngon du dngos grub la sogs pa nges pa'i don du slob ma dang snod la lha dbab par bya'o/ /de la dang por ri la sogs pa yid dang rjes su mthun pa'i gnas su sngon du bsnyen pa byas shing sems brtan pa rdo rje sems dpa'i rnal 'byor shin tu brtan par dmigs nas dbab pa'i nus pa thob pa/mtshan nyid thams cad dang ldan pa'i slob ma lhag gnas byas pa mdun du byas te/ skad cig gis stong pa nyid kyi rjes la yi ge AHlas byung ba'i snang ba mtha' yas kyi gzugs su bskyed de/ de bzhin gshegs pa thams cad kyis byin gyis brlab tu gsol//rdo rje sems dpa' bdag la 'bab par gyur cig ces brjod du bcug la/ de'i snying gar laM las skyes pa'i sa'i dkyil 'khor ser po gru bzhi pa rdo rjes mtshan pa nyi ma la hUM sngon po dang / mgo bor baM las byung ba'i chu'i dkyil 'khor dkar zhing zlum pa bum pas mtshan pa zla ba la yi ge ha dkar po dang /mgrin par yaM las byung ba'i rlung gi dkyil 'khor sngon po gzhu lta bu ba dan g.yo ba gnyis kyis mtshan par zla ba la AHdmar po bsgoms nas/ rang gi snying ga'i sa bon gyi 'od zer rnams kyis thugs dang sku dang gsung rdo rje rnams spyan drangs la/go rims bzhin du de rnams kyi rang bzhin hUM haHA'i yi ge rnams la bstims la/ rkang pa dag gi 'og nas rlung gi dkyil 'khor gyis sbar ba'i raM yongs su gyur pa'i me'i dkyil 'khor dmar po gru gsum pa yi ge ras mtshan pa 'od zer 'phro ba la gnas pa'i yi ge dz+haiHdmar pos slob ma 'debs shing /yi ge dz+haiH'i 'od zer gyi tshogs rkang pa'i bu gnas zhugs pa rnams dang / yi ge hUM la sogs pa'i 'od zer rnams kyis lus mtha' dag kun nas bkang bar bsgom zhing spos phor 'degs pa sngon du 'gro bas dril bu dkrol zhing A be+e sha ya staM b+ha ya ra ra ra tsa la tsa la ya hUM haHAHdz+haiHzhes pa'i sngags rnam pa brgyar 'don zhing /bsam gtan la gzhol bas dbab par bya'o/ /gal te phebs pa ring du 'phar na de'i tshe de'i steng du ri rab rdo rje'i rang bzhin de'i steng du dbang chen gyi dkyil 'khor/ de'i steng du rdo rje ser po rtse lnga pa/ de'i steng du yi ge ya/ de'i steng du rnam par snang mdzad bsgoms te de bzlog par bya'o//de ltar phebs par gyur pa la slob ma'i thugs rdo rje'i sa bon gyi 'od zer rnams kyis gsung rdo rje'i sa bon gyi bdag nyid can bskul zhing lce la zla ba la gnas pa'i AHdmar po 'od zer gyi phreng ba 'khrug par bsgoms nas/ rdo rje smros shig ces brjod par bya'o//de ltar na 'dir rang ngam gzhan gyi dge ba'am/ mi dge ba'i bya ba bden par smra'o/ /de nas zhugs pa'i lha snying ga'i sa bon gyi 'od zer gyis bkug nas rang gi snying ga'i sa bon la bstim zhing / slob ma'i mgo bor rdo rje bzung la/ oM khyed kyis sems can zhes pa la sogs sngon du 'gro ba'i hUM haHAHdz+haiHmuHzhes pas gshegs su gsol lo//yang / dril bu'i zhabs kyis bras pa yi/ /bshang gcil sogs yang dag byugs/ /bud med ras ni rdul dang ldan/ /gtubs la byi la'i brun gyis byug /gu gul dang ni rnam par bsres/ /ro yi me ni yang dag blangs//de ni pad+ma'i snod bzhag nas/ /der ni de kun bcug nas ni/ /g.yas brkyang zhabs gnas khro bo ni/ /rdo rje bdag nyid rdo rje can/ /'khor lo gsum bdag de la dbab/ /de nas spos kyis bdug par bya/ /phebs par 'gyur te the tshom med/ /tiSh+Tha ma hA kro d+ha A be sha ya hUM shrI he ru kA ya bid ma he bid+ya rA dzA ya d+hI ma he swA hA/zhes pa 'dis dpa' bo rab tu bskul bar bya'o zhes 'bum pa mngon par brjod pa'i rgyud du gsungs pa'i cho gas dbab par bya'o/ /bshang gci la sogs zhes pa ni bdud rtsi dang sgron ma bcus byugs pa'o/ /bla ma bde mchog gi gzugs can g.yas brkyang du gnas pa'i bde mchog gi bdag nyid kyi slob ma g.yas brkyang du gnas shing snying gar thal mo sbyar ba la lag pa g.yon gyis dril bu dkrol zhing tiSh+Tha zhes pa la sogs pa'i sngags brjid bag dang bcas par zlos shing lag pa g.yas kyis bdug par bya'o//de nas gal te phebs pa zhes bya ba la sogs pa rig par bya'o//gal te rgyud kha cig tu bu mo lo bcu gnyis lon pa skyes nas ma nyams pa/ yan lag dang nying lag ma nyams pa dang / gzhon nu lo de snyed lon pa bud med kyi yul mi shes pa/ yan lag dang nying lag ma tshang ba med pa'i snod mdun du bzhag nas lha dbab par bya'o zhes gsungs so//de ltar yang bla ma dus rgyun du rdo rje 'chang gi sku mngon du byed cing / bsod nams bsags pa skad cig gis brtan par bsgom nus pas yan lag ma tshang yang rung / na tshod mang du lon zhing 'khrig pa nyams su myong ba'i snod la yang lha dbab par bya'o zhes rgyud gzhan rnams su yang mang du bstan pa'i phyir slob ma la dbab pa'i don du dbab par bya'o//'di ni dbab pa'i cho ga'o/ /de nas slob ma dkyil 'khor la phyogs pa la khyod kyis mig la ji ltar snang zhes dris nas/ de na re dkar po dang / ser po dang / dmar po dang / nag po snang ngo zhes zer na rim pa bzhin du 'di ni zhi ba dang / rgyas pa dang / dbang dang / mngon spyod kyi dngos grub la skal pa dang ldan par go bar byas nas 'di'i mthe bong gnyis rdo rje dang bcas pa'i lag pa g.yas kyis bzung ste rdo rje'i rkang stabs kyi gar gyi tshul gyis 'khyil pa brjod cing bskor ba gsum byed du bcug nas bden pa'i byin gyi rlabs 'di bya'o//yang dag pa yi dkyil 'khor 'dir/ /bdag gis slob ma gzhug pa 'di'i/ /lha rnams rigs kyi rim pa ni/ /bsod nams ji lta de ltar shog /'di yis dngos grub ci 'drar 'gyur/ /rigs ni gang gi snod du 'gyur//bsod nams mthu yang ci 'dra ba/ /de 'drar dkyil 'khor du gyur cig /ces pa'o/ /dkyil 'khor du slob ma gdong g.yogs dang bcas pa gzhug pa'i cho ga'o/ /de nas sngar bzung ba'i me tog gi phreng ba yi ge traM gis bsngags pa las yang zhing ma rnyings pa'i me tog cig bton la de'i lag pa thal mo sbyar bar sbyin par bya'o//des de'i tshe me tog gi phreng bar mos par bya ste/ rang nyid kyang yi ge gsum gyis 'od gsal zhing sdig pa bkrus par mos shing bla mas de ltar byin gyis brlabs pas gus pa sngon du 'gro ba'i dkyil 'khor pa dang bcas pa'i dkyil 'khor gyi dbang phyug mdun na gnas pa bzhin du dmigs la dkyil 'khor der yid kyis zhugs te de'i dbu la oM tiSh+Tha badzra dr-iD+ho me b+ha ba sha shwa to me b+ha ba hr-id yaM me a bye tiSh+Tha sarba sid+hi m+me bra lats+tsha hUM ha ha ha ha hoHa khaM bIr hUM pra tIts+tsha ku su ma any+dza laM nA tha hoHzhes brjod cing me tog gtor bar bya'o//re khA lnga'i nang du me tog lhung ba dang bstun te/'di la rigs bstan par bya'o/ /de'i rnal 'byor yang sbyin no/ /dngos grub kyang mtshon par bya'o/ gal te sangs rgyas rnams kyi mdzod spu'am dbu'i gtsug tor la me tog lhung na phyag rgya chen po'i dngos grub po/ /spyan nam zhal la ni sngags kyi dngos grub po/ /lus kyi stod la ni mchog go//dbus la ni 'bring ngo / /'og gi cha la dman pa'o/ /sku la ha cang ring ba la yun ring pos so/ /nye ba la dngos grub myur ro/ /lha rnams kyi rang gi gnas ni re mig la sogs pa rnam par bcad pa las shes par bya'o/ /gal te lha gnyis kyi bar du lhung na de'i tshe me tog gang la nye ba de'i rigs su 'gyur ro//mnyam pa nyid la ni gnyis ka'i dngos grub kyi mchog grub po/ /de'i tshe gang la dad pa de'i rigs yin no/ /re khA lnga'i phyi ngos su lhung na lan gsum gyi bar du slar yang dor bar bya'o/ /de la yang phyi rol du lhung na dngos grub phra mo'o/ /phyi'i re khA zlum po rnams dang /phyi'i rdo rjer ba'i phyi rol la ni dngos grub med do/ /dkyil 'khor yang 'di la mi bstan no/ /sngags bzlas pa la sogs pa'i skal ba dang ldan pa nyid du bsgrubs nas skabs gzhan du de gzhug par bya'o/ /phyi'i rdo rje phreng ba'i nang du lhung na tshegs chen pos so/ / de nas me tog de bzung nas phreng ba la bcings te phreng ba de/ oM pra ti grih+Na twaM i maM satwa ma hA ba la/ de brjod cing slob ma'i mgo bor bcing ngo / /phreng ba'i dbang gi cho ga'o// //'dir rdul tshon gyi rang bzhin gyi lha rnams la gang gis me tog gtor bar gyur kyang skyon cung zad med de/ sems dge ba la nyes pa med//ces pa'o/ /de ltar mi shes pa la ni dri ma med pa'i 'od las rdul tshon gyi dkyil 'khor du me tog dor na rdul tshon nyams pa'i phyir bsod nams ma yin par 'gyur ro/ /de bas na rnam par rgyal ba'i bum pa la gnas pa'i mtshan ma la me tog gtor bar bya'o zhes gsungs so//'dir phebs par gyur pa na dge ba la sogs pa smras pa'i rjes la/ oM tiSh+Tha badzra zhes pa 'dis phebs pa brtan par byas nas mig gi snang ba dri ba nas brtsams te mgo bor bcing ba'i mthar thug par byas nas babs pa'i lha gshegs su gsol bar bya'o/ /mi nus pas ni 'bab pa'i cho ga ma byas par dam tshig gi chu sbyin pa'i mjug thogs su mig gi snang ba dri ba la sogs pa thams cad bya'o zhes 'chad do//de'i rjes su slob ma'i snying gar zla ba la bdag po dang / dpral bar raM dang / mig gnyis la 'bar ba dang bcas pa'i oM gnyis bsgoms nas/ oM de ring rdo rje sems dpa' rang //khyed kyi mig ni 'byed par brtson/ /rdo rje'i mig ni bla med pa/ /thams cad mig ni dbye bar mdzod/ /oM dz+nyA na tsak+ShuHhUM a swA hA/ zhes brjod cing gdong g.yogs bsal bar bya'o/ /rdo rje'i mig ni gzugs can thams cad la thogs pa med pa'i mig go/ /bla na med pa ni sangs rgyas rnams ci bzhin du sgrib pa spang ba'i phyir ro//thams cad mig ni thams cad gzigs pa'i phyir ro/ /de nas kyi rdo rje ltos shig ces smra'o/ /lha rnams kyi ming brjod pa sngon du 'gro bas dkyil 'khor gyi bdag po nas brtsams te/ byang gi sgo skyong ngam ji ltar yod par gnod mdzes kyi bar du bstan nas/da ni dad pa'i shugs kyis su/ /dkyil 'khor 'di de nyid la ltos/ /khyod ni sangs rgyas rigs su skyes/ /phyag rgya sngags kyis byin gyis brlabs/ /dngos grub kun ni phun sum tshogs/ /dam tshig mchog tu khyod 'gyur gyis/ /rdo rje pad+ma rtse rol pa//gsang sngags rnams la sgrub pa gyis/ /zhes brjod de/ rdo rje dkyil 'khor dkyil 'khor chen por bdag zhugs so/ /rnal 'byor dkyil 'khor dkyil 'khor chen po bdag gis mthong / /gsang ba'i dkyil 'khor dkyil 'khor chen por bdag dbang bskur/ /zhes brjod du bcug la dam tshig tu gzhug go//hoHhoHhoHzhes bya'o/ /dkyil 'khor du slob ma mthong ba'i bdag nyid can du gzhug pa'i cho ga'o// //de'i rjes su chu'i dbang gi don du bla ma la ji ltar 'byor pa'i yon phul nas pus mo sa la btsugs te thal mo sbyar bas/ byang chub rdo rje sangs rgyas la/ / mchod chen ji ltar stsal ba ltar/ /bdag kyang rab tu bsgral ba'i phyir/ /nam mkha'i rdo rje ding bdag stsol/ /zhes brjod cing gsol ba gdab bo/ /de nas bla mas rtsa ba'i dkyil 'khor gyi phyi rol ji ltar khrus kyi chus de la mi reg par shar gyi phyogs su 'jug pa'i sgo la phyogs par sgo nub tu bstan pa'i re khA gru bzhi pa gcig gis bskor ba'i sna tshogs pad+ma zhes pa nas brtsams te/shing stan la sogs par dkyil 'khor de bsgom par bya zhes pa'i mthar thug pa sku gzugs kyi khrus kyi don du sngar bstan par slob ma rdo rje 'chang gi gzugs su bsgoms shing dkyil 'khor la mngon par phyogs pa la/oM AHbig+h+nA zhes pa la sogs pa sbyang ba'i rim pa sngar brjod pas sbyang bar bya'o/ /de nas snying ga'i sa bon gyi 'od zer gyis phyogs mtha' yas pa na bzhugs pa'i de bzhin gshegs pa dang / rig pa'i lha mo rnams la mchod de/ slob ma dbang bskur ba'i don du/rdo rje can gyi sangs rgyas la/ /'gro ba skyabs pa'i ched du dbang / /yon tan 'byung gnas ji ltar stsol/ /de ltar 'di la stsal du gsol/ /zhes pa'i tshigs su bcad pas gsol ba btab pas/ de bzhin gshegs pa shes rab dang snyoms par zhugs pa de rnams 'dod chags chen pos zhu bar gyur nas rnam par snang mdzad kyi sgo nas nang du zhugs te rdo rje'i lam nas byung ba'i khu ba de kha nas lha mo'i pad+mar zhugs pa'i slob ma skad cig gis stong pa nyid kyi rjes la hUM dang rdo rje las skyes pa'i mi bskyod pa'i gzugs shes rab dang bcas pa'i ye shes sems dpa' dang dbyer med pa la dbang bskur nas slar phyag dang zhabs la sogs pa'i sku rnams kyi pad+ma nas phyung ste/nam mkha' gang bar gnas pa'i spyan ma la sogs pa'i rig ma dang bcas pa rnams kyis gdugs dang / rgyal mtshan dang / ba dan dang / na bza' dang / rol mo'i sgra dang / glu dang / gar dang / me tog dang / gur gum la sogs pa'i char rnams dang / phyag gis cung zad yo bar bzung ba'i bum pa dkar po byang chub kyi sems kyi bdud rtsis bkang ba rnams kyis pad+ma las phyung ba'i slob ma dbang bskur bzhin pa dang / gzugs rdo rje ma la sogs pa'i lha mo rnams kyis/bkra shis gang zhig sems can kun gyi snying la gnas/ /kun gyi bdag nyid rigs kun gyi ni bdag po mchog /sems can ma lus skyed byed bde ba chen po ste/ de ni deng khyod dbang bskur mchog la bkra shis shog /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa//sangs rgyas pad+ma rnam rgyas 'dab 'dra'i spyan mnga' ba/ /de ni de ring khyod la zhi byed bkra shis shog /de yis nye bar bstan pa'i mchog rab mi g.yo ba/ /'jig rten gsum na grags shing lha dang mi yis mchod/ /chos mchog skye dgu rnams la rtag tu zhi byed pa//de ni de ring khyod la zhi byed bkra shis shog /dam chos ldan pa thos dang bkra shis kyis phyug cing / /dge 'dun mi dang lha dang lha min yon gyi gnas/ /tshogs kyi mchog rab ngo tsha shes shing dpal gyi gzhi/ /de ni de ring khyod la zhi byed bkra shis shog /ces pa'i bkra shis kyi glu rnams kyis bkra shis nye bar sbyor bzhin pa la/rang gis kyang de rnams glur blangs la rnam par rgyal ba'i bum pa la sogs pa'i chu cung zad bcus te/ pad+ma'i snod dam dung chos su blugs pas sam/ /yang na rnam par rgyal ba'i bum pa'i chu/ oM ma hA su kha badzra satwa a b+hi She ke na twaM a b+hi Shiny+tsA mi sarba ta thA ga ta a b+hi pri tran dr-i D+ho b+ha ba zhes brjod nas sam/bsdus pa la dga' bas ma brjod kyang rung ste/ yal 'dab dang bcas pa'i rdo rje lag pa g.yas pas bzung ba yin te/ de nas de bzhin gshegs pa bzhi'i bum pa rnams kyi'o/ /de nas lha mo bzhi'i bum pa rnams kyi'o/ / de nas ji ltar rigs par dkyil 'khor ba'i bum pa rnams kyi'o/ /med na ni rnam par rgyal ba'i bum pa'i chu mi bskyod pa'i bdag nyid can/ byang chub kyi sems kyi bdud rtsi'i ngo bo yal 'dab dang bcas pa'i rdo rje'i rtse mos blugs pas/ dbang bskur rdo rje chen po ni/ /khams gsum pa yis phyag byas pa//rdo rje gsang ba gsum byung ba/ /sangs rgyas kun gyis sbyin par bya/ /oM AHbadzra u da ka a b+hi Shiny+tsa hUM su ra ta s+t+waM a haM zhes brjod cing dbang bskur bar bya'o/ /de'i tshe de bde ba chen po phun sum tshogs par 'gyur ro zhes bsam du gzhug par bya'o/ /chu'i dbang gi cho ga'o/ / de nas byang chub rdo rje zhes pa la sogs pas bla ma la gsol ba btab par gyur pa ste/ AM dang rin po che las byung ba'i rin chen 'byung ldan gyi gzugs can ye shes sems dpa' dang gcig tu gyur pa la nam mkha' la gnas pa'i de bzhin gshegs pa dang lha mo rnams kyis bum pas dbang bskur bzhin pa dang /gzugs rdo rje la sogs pas bkra shis kyi glu len par bsgom par bya ste/ rdo rje dang / bdag po dang / ming gi dbang rnams la yang de bzhin no/ /de nas gser dang ras la sogs pa las byas pa'i rin chen 'byung ldan las skyes shing de'i rang bzhin ye shes sems dpa'i ngo bo slob ma'i rigs kyi bdag po dbus na gnas pa'i de bzhin gshegs pa lngas byin gyis brlabs pa'i dbu rgyan de'i mgo bo'i dbus su dpral ba dang logs gnyis su dang spyi bo dang rgyab rnams su rim pa bzhin du oM badzra d+hA twI shwa ri a b+hi Shiny+tsa hUM/oM satwa badzri a b+hi Shiny+tsa b+h+rUM/ oM rat+na badzri a b+hi Shiny+tsa AHoM d+harma badzri a b+hi Shiny+tsa hrIHoM karma badzri a b+hiShiny+tsa trAM zhes pa'i sngags lngas bzhag nas/mgo la bskon zhing / dbang bskur rdo rje chen po ni/ /zhes pa la sogs pa'i tshigs su bcad pa dang / oM AHbadzra mu ku Ta a b+hi Shiny+tsa hUM/ su ra ta s+t+waM a haM zhes brjod pa badzra tu Sh+ya hoH zhes brjod pas dgyes par bya'o//cod pan gyi dbang gi cho ga'o// //de nas oM hUM trAM hrIHAHzhes pa'i sngags kyis dpral bar dar dpyangs bcing bar bya'o/ /de nas de ltar gsol ba btab par gyur pa'i slob ma hrIHdang pad+ma yongs su gyur pa'i snang ba mtha' yas kyi gzugs ye shes sems dpa' dang dbyer med pa dang /rdo rje yang snang ba mtha' yas kyi bdag nyid du bsams nas/ dbang bskur rdo rje chen po la sogs pa'i tshigs bcad bton te/ sangs rgyas rnams kyi rdo rje yi/ /dbang gis der ni khyod dbang bskur/ /'di de sangs rgyas thams cad nyid//rdo rje rab tu grub phyir zung / /zhes brjod cing slob ma'i snying ga dang / mgrin pa dang / mgo bo rnams la rdo rjes reg nas rdo rje lag pa g.yas su sbyin par bya'o/ /rdo rje'i dbang gi cho ga'o// //de nas de bzhin du gsol ba btab par gyur pa de/ /khaM dang ral gri las skyes pa'i don yod grub pa'i gzugs ye shes sems dpa' dang dbyer med pa dang /dril bu yang don yod grub pa yongs su gyur par byas nas de'i lag pa g.yon du byin la lag pa rdo rje dril bu dang ldan pa dag gis phyag rgya la 'khyud pa'i tshul byed du bcug ste/ dbang bskur zhes pa'i tshigs su bcad pa brjod pa sngon du 'gro bas/oM badzra a d+hi pa ti s+t+waM a b+hi Shiny+tsa mi tiSh+Tha badzra sa ma ya s+t+waM zhes brjod la/ oM badzra g+haN+De aHaH/ bcom ldan gzung ngo bdag la ni/ /yang dag nye bar gyur par mdzod/ /ces 'don du gzhug go/ /bdag po'i dbang ste ming gzhan dril bu'i dbang gi cho ga'o// //de'i rjes su de bzhin du gsol ba btab par gyur pa ste/ oM dang 'khor lo las skyes pa'i rnam par snang mdzad kyi gzugs ye shes sems dpa' dang ro gcig par bsgoms nas/ mgo bor rdo rje dang dril bu mnyam par bzung zhing / dbang bskur zhes pa la sogs pa'i tshigs su bcad pa brjod de/oM badzra satwa oM a b+hi Shiny+tsa mi badzra nA ma a b+hi She ka ta zhe sdang rdo rje khyod ces pa'am/ gti mug rdo rje khyod ces pa la sogs pas me tog lhung ba'i rjes su 'brangs nas rang gi rigs kyi dbang po'i ming rnam par snang mdzad kyi bdag nyid kyis dbang bskur bar bya'o//de la rdo rje sems dpa'i ming rnams ni mchog gi dang po dang / dpe med dang / shin tu dga' ba dang / ro mnyam pa dang / rnam par rgyal ba dang / a la la dang / sems pa dang / bde chen dang / yan lag med pa dang / ye shes dang / lhan cig skyes pa'i rdo rje rnams so//re re la yang rdo rje'i sgra sbyar bar bya ste/ de bzhin gshegs pa drug gi ming rnams kho na la'o/ /mi bskyod pa'i bzhad pa dang / rnam par sgeg pa dang / dga' ba dang / sgeg pa dang / rol pa dang / rang byung dang / zhe sdang dang / he dang / snying rje dang / thugs dang / hUM mdzad dang /mi bskyod rdo rje rnams so/ /rnam par snang mdzad kyi rnam par snang mdzad dang / oM mdzad dang / rtag pa dang / de bzhin gshegs pa dang / sgyu ma dang / sangs rgyas dang / gzugs dang / sku rdo rje rnams so/ /rin chen 'byung ldan gyi rin po che'am/ yid bzhin gyi nor bu dang / nam mkha' dang / gzi brjid dang / bdud las rgyal ba dang / 'od byed pa dang / nga rgyal rdo rje rnams so/ /snang ba mtha' yas kyi 'dod chags dang / spyan ras gzigs dang / chos dang / pad+ma dang / rdo rje myu gu dang / pad+ma'i myu gu dang / rab tu dga' ba'i myu gu dang / snying rje'i myu gu dang / mchog dga' dang /shin tu dga' ba'i dga' ba dang / dpag med dang / gsung rdo rje rnams so/ /don yod grub pa'i don yod dang / rta mchog dang / dam tshig dang / pha rol tu phyin pa dang / las dang / rlung dang / reg bya dang / phrag dog rdo rje rnams so/ /rdo rje sems dpa'i bud med rnams kyi rdo rje shugs ma dang /rdo rje rol pa mo dang / rdo rje myos pa mo dang / rdo rje kang+ka na dang / rdo rje bzhin ma dang / rdo rje gdan ma dang / rdo rje phreng ba ma dang / rdo rje 'chang ma'o/ /mi bskyod pa'i rdo rje bdag med pa dang / rdo rje chags ma dang / rdo rje byed ma dang / rdo rje phreng ba ma dang / rdo rje mA ma kI dang / zhe sdang dga' ma'o//rnam par snang mdzad kyi rdo rje mkha' 'gro ma dang / rdo rje dkar mo dang / rdo rje sgeg mo dang / rdo rje spyan ma dang / gti mug dga' ma'o/ /rin chen 'byung ldan gyi rdo rje do shal ma dang / rdo rje dbugs 'byin ma dang / rdo rje 'bar ma dang / rdo rje phreng ba ma dang / rdo rje nam mkha' ma dang / nam mkha' dga' ma'o//snang ba mtha' yas kyi rdo rje 'dod chags ma dang / rdo rje glu ma dang / rdo rje e ma bde ba dang / rdo rje ro langs ma dang / rdo rje blo gros ma dang / rdo rje bzhad ma dang / rdo rje gos dkar mo dang / 'dod chags dga' ma'o/ /don yod grub pa'i rdo rje snyems ma dang / rdo rje sgyu ma dang /rdo rje dgod ma dang / rdo rje sgrol ma dang / rdo rje gar gyi dbang phyug ma dang / rdo rje dam tshig ma dang / rdo rje dga' ma'o/ /ming gi dbang gi cho ga'o// //phreng ba dang chu la sogs pa dbang drug po 'di rnams kyis ma rig pa'i gnyen po nus pa nyid du sgrub bar byed pas rig pa'i dbang zhes bya'o//dbang 'di rnams bskur ba'i slob ma bya ba dang spyod pa'i rgyud dag mnyan pa dang / bshad pa dang / sngags bsgrub pa rnams la dbang bar 'gyur ro/ /rnal 'byor dang / rnal 'byor ma'i rgyud rnams kyang ngo zhes slob dpon du slob ma'i 'dod pa ni lung dang mi ldan te/ lhan cig skyes pa'i dbang dang sdom pa dang bral ba la de'i rang bzhin brjod par bcom ldan 'das kyis gang du yang bka' ma stsal zhing rigs pa yang ma yin no//dbang 'di rnams kyang slob dpon gyi dbang don du mi gnyer ba la ni thun mong gi sdom pa sngon du 'gro bas sbyin no/ /don du gnyer ba la ni sdom pa gnyis ka sngon du 'gro bas so//de nas slob mas yon dbul zhing thal mo sbyar te/ gang gis bdag ni khyod drin lan/ /rang dang gzhan don nus 'gyur ba/ /rdo rje slob dpon gyi ni dbang / /thugs rje'i gter gyis bdag la stsol/ /zhes brjod de bla ma la gsol ba gdab par byas pa de/rdo rje dang hUM las skyes pa'i rdo rje sems dpa'i gzugs su bsams nas/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems ma'i bdag po bdag/ /bcom ldan 'das dpal mchog gi dang po'i skyes bu'i zhes brjod cing de kho na nyid kyis 'dzin du gzhug pa ni rdo rje'i dam tshig go//bdag ni 'gro ba'o/ /de nas dril bu AHlas skyes par bsgoms nas/ 'di de sangs rgyas thams cad kyi/ /shes rab dbyangs kyi rjes 'gror bshad/ /byang chub mchog tu rgyal ba bzhed/ /khyod kyis kyang ni rtag tu zung /zhes brjod cing de kho na nyid kyis 'dzin du gzhug go/ /rang gi ngang gis 'jug pa dbyangs kyis rtogs bzhin pa sangs rgyas kyi shes rab bzhin du dril bu yang ngo / /slob mas kyang / srid pa ngo bo nyid kyis dag/ /ngo bo nyid dang srid bral byas/ /rang bzhin dag mchog sems dpa' yis//dam pa'i srid pa byed par 'gyur/ /zhes brjod cing dkrol bar bya'o/ /sgro btags pa'i ngo bo nyid dang 'ga' kha'i srid pa byas pa'o/ /'di ni dril bu'i dam tshig go/ /de nas de la/ yid kyi lus ni brtan pa nyid/ /phyag rgya'i dam tshig rab tu brjod/ /rang gi lus ni thams cad brtan//des na phyag rgyar rab tu bsgrags/ /zhes pas/ ye shes phyag rgyar byin brlabs nas/ /'dod pa thams cad longs spyod pas/ /dngos grub thams cad bsgrub par bya/ /zhes pa go bar byas la/ /rdo rje sems dpa'i sku dang / ye shes kyi phyag rgya kha sbyor gyi rim pas byin gyis rlob tu bcug nas 'khyud pa'i tshul byed du gzhug go//de yang mchog gi dang po'i rgyud las/ de nyid kyis ni rdo rje zung / /chos kyi dril bu dkrol nas ni/ /dam tshig gi ni phyag rgya cher/ /byin gyis brlabs nas snying po bzlas/ /zhes gsungs so/ /phyag rgya'i dam tshig go/ /'di ni dam tshig gsum sbyin pa'i cho ga'o// //de'i rjes la dam tshig gsum bzung ba ni snga ma bzhin khrus kyi dkyil 'khor ram/ gzhan du de ltar bsgom par bzhag la rdo rje sems dpa'i gzugs su bsgoms te/ chu'i dbang du brjod pa'i cho ga snying ga'i sa bon nas brtsams te rdo rje'i rtse mos blugs kyi bar dang /dbang bskur chen po'i rdo rje ni/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /oM AHsarba ta thA ga ta a b+hi She ka ta sa ma ya shri ye hUM swA hA/ zhes brjod cing dbang bskur ro/ /de nas mi bskyod pa cod pan du bsams nas de bzhin gshegs pa gzhan dang lha mo rnams de nyid du ye shes sems dpa'i ngo bor bcug la/oM su pra tiSh+Tha badzra swA hA/ zhes pa'i sngags kyis byin gyis brlabs te de la me tog la sogs pa dbul lo/ /de ltar yang / shes rab bcu drug lon pa la/ / lag pa dag gis yang dag 'khyud/ /rdo rje dril bu mnyam sbyor bas/ /slob dpon gyi ni dbang du 'dod/ /ces gsungs so/ /de nas mdor bsdu na gzhal yas khang 'di ni rnam par snang mdzad kyi rang bzhin no zhes pa la sogs pa dkyil 'khor gyi de kho na nyid rnam par dag pa dang / phung po lnga ni mdor bsdu na/ /sangs rgyas lngar ni rab tu bsgrags/ /zhes pa la sogs pa lha rnams kyi de kho na nyid rnam par dag pa dang / don dam par ni dkyil 'khor la sogs pa rnams ni rim pa gnyis ka la yang rang bzhin med pa'i bdag nyid can de bzhin nyid de kho na nyid rnam par dag pa dang /dkyil 'khor bri ba la sogs pa slob dpon gyi las kyi rim pa 'khor dang bcas pa brjod par bya'o/ /de ltar dkyil 'khor gyi de kho na nyid la sogs pa shes pa dang / 'da' bar bya ba ma yin pa'i ngo bo dam tshig dang / bya ba dang mi bya ba'i bdag nyid can sdom pa de kho na nyid bzhin du bsgrub par bya ba la skal ba dang ldan pa nyid brjod do//dkyil 'khor gyi de kho na nyid la sogs pa rgyas par ni kho bos man ngag gi snye mar bstan to/ /'di ni phyir mi ldog pa'i dbang ste/ ming gzhan slob dpon gyi dbang gi cho ga'o// //de nas rang gi snying po la sogs pa'i sngags brgya rtsa brgyad dam lan gsum du bzlas pa/bcom ldan bdag gis sbyin lags kyis/ /'di la nye bar mdzad du gsol/ /zhes brjod cing slob ma la sbyin no/ /slob mas kyang / bcom ldan bdag gis gzung lags kyis/ /bdag la nye bar mdzad du gsol/ /zhes pa 'dis bzung nas lan gsum du bzlas so//sngags gtad pa'i cho ga'o// //'di nyid sangs rgyas thod pa la sogs pa'i rgyud gzhan las dang / dril bu pa'i zhabs kyis sngags kyi dbang du gsungs so/ /de nas gser ram dngul gyi snod du bzhag pa'i mar dang sbrang rtsi dang / mig sman gser las byas pa'i thur mas slob ma'i mig la yi ge praM bsgoms pa la/oM badzra nai tra a pa ha ra phaT laM hrIHzhes brjod cing bskus te/ thur ldan sman pa'i rgyal po yis/ /ji ltar 'jig rten rab rib bzhin/ /rgyal ba rnams kyis bu khyod kyi/ /mi shes pa yi rab rib bsal/ /zhes brjod do/ / bsal pa ni sel bar nus pa nyid bsgrub pa'i phyir ro/ /mig sman gyi cho ga'o// //de nas me long blangs la yi ge AHyig gis bsngags la de slob ma la bstan cing / chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/rgyu dang las las yang dag byung / /rdo rje sems dpa' me long bzhin/ /de ni gsal dag rnyog pa med/ /sangs rgyas kun bdag rang nyid ni/ /bu khyod kyi ni snying la zhugs/ /rang bzhin med cing gnas med par/ /chos rnams de ltar shes nas khyod/ /sems can don ni mnyam med byos//skyob pa rnams kyi sras su skye/ /zhes brjod do/ /gsal ba ni nyon mongs pa'i dri ma med pa'i phyir ro/ /dag pa ni shes bya'i sgrib pa dag pa'i phyir ro/ /rnyog pa med pa ni de gnyis kyi bag chags dang bral ba'i phyir ro/ /rang bzhin gyis rnam par dag pa tshigs su bcad pa dang po'o/ /gnyis pa ni dri ma med pa'i rnam par dag pa'o//der ni ste chos rnams su'o/ /zhugs pa ni byin gyis rlob pa'i phyir dang / thob bya nyid du dmigs pa'i phyir dang nus pa gnyis kyis so/ /me long gi dbang gi cho ga'o// //me long ston pa'i cho ga lan gnyis su smras pas ni 'phags pa klu'i blo'i zhabs kyi dkyil 'khor gyi cho ga ma mthong ba nyid do//kha cig gis dbang bskur ba nyid du rnam par bshad par 'dod pa la ni lan gnyis ston pa'i cho ga gsungs pa'o/ /de nas yi ge hoHlas byung ba'i gzhu hoHzhes brjod cing byin nas/ sarba ta thA ga ta a nu rA ga yA swaHzhes brjod do/ /mda' 'phangs pa'i tshe na yang ngo //slob mas/ sarba ta thA ga ta na a nu rA ga yA mi zhes brjod cing bgegs la 'bigs pa'i bsams pas phyogs bzhir mda' bzhi 'phang bar bya'o/ /steng du gcig ste 'og tu gzhan no/ /mda' 'phang ba'i cho ga'o// //de nas yol ba la sogs pas dben par byas par slob mas gsang ba'i dbang gi don du gzhon nu ma lang tshol sogs pa dang ldan pa'i shes rab ma dam tshig dang ldan pa'am/de med na gzhan yang rung ste/ bla ma la phul nas thal mo sbyar te/ bla ma rdo rje sems dpar mos nas/ khyod kyis zhabs kyi bka' drin gyis/ /bdag gis bla med bya ba thob/ /de phyir gsang ba'i dbang gis ni//mgon pos rjes su gzung bar mdzod/ /ces pa'i tshigs su bcad pas gsol ba gdab par bya'o/ /de nas bla mas 'khor lo'i dbang phyug gi nga rgyal dang ldan pas tha mal gyi bud med kyi gzugs stong pa nyid kyi rjes la/ lha mo'i gzugs su bskyed pa de dang / rdo rje dang pad+ma 'du bya ba sngon du 'gro bas/ snyoms par 'jug par bya zhing / oM sarba ta thA ga ta a nu rA ga Na badzra swa b+hA wa At+ma kou0f85haM zhes brjod cing snying ga'i sa bon gyi 'od zer gyis rnam par snang mdzad la sogs pa'i de bzhin gshegs pa spyan ma la sogs pa dang snyoms par 'jug pa bkug la rnam par snang mdzad kyi sgo nas bdag nyid la bcug nas/chags pa chen pos zhu bar gyur te/ a ba d+hU tI nas 'gro bar bsams nas rdo rje nor bur lan cig skyes pa brtan par bya ste/ pad+ma las phyung nas mthe bo dang ming med kyis rdo rje nor bur btsir nas de bzhin gshegs pa'i khu ba de rang gi byang chub kyi sems dang dbyer med par mos pa byas te gsung rdo rje'i gzugs kyi slob ma'i khar mthong nas/ma dad kyis dogs pas gdong g.yogs bcings te de'i lta ba dang lag pa'i yul min par/ 'das pa'i rdo rje 'chang sogs kyis/ /ji ltar sangs rgyas sras dbang bskur/ / byang chub sems ni bzang po yis/ /de ltar bu khyod dbang bskur bgyi/ /zhes pa dang / dkyil 'khor gyi bdag po'i sngags oM badzra d+h+r-ika hUM zhes pa la sogs pa rgyud ji lta ba bzhin brjod cing dbab par bya'o/ /des kyang rnam par snang mdzad la sogs pa de bzhin gshegs pa kun 'dus pa'i blos/a ho ma hA su khaM zhes brjod cing btung bar bya'o/ /shes rab kyang langs la gos med pa nyid du rang gi chu skyes na gnas pa'i bdud rtsi'i thig le rnams de ltar de'i khar gzhug par bya'o/ /des kyang de bzhin du btung ngo / /shes rab dang thabs dag gis kun rdzob byang chub kyi sems gsang ba dag gis dbang bskur ba na gsang ba'i dbang gi cho ga'o// //de nas de'am gzhan yang rung ba'i shes rab ma dam tshig dang sdom pa la gnas pa'am/ /gzhan yang rung ste gzugs dang lang tsho dang ldan pa/ byang chub rdo rjes zhes bya ba la sogs pa'i tshigs su bcad pas gsol ba btab pa can gyi slob mal/gzungs ma yid 'ong 'di khyod kyis/ /bsten byar sangs rgyas rnams kyis btags/ /'khor lo rim pa'i sbyor ba yis/ /bde ba dam pa myang bar gyis/ /rdo rje skyil krung gis sems ni/ /nor bu'i nang du gnas blta bas//zhes go bar byas nas gtad par bya'o/ /des kyang gur gum la sogs pas dri zhim par byas shing gos med pa'i chu skyes slob ma la ston zhing / e ma bdag gi pad+ma 'di/ /bde ba thams cad yang dag ldan/ /gang zhig cho gas bsten byed pa/ /de yi mdun du bdag gnas so/ / sangs rgyas bsten pa la sogs pa/ /pad+mar bya ba ji bzhin gyis/ /bde chen rgyal po rang nyid ni/ /'di nyid du ni rtag tu bzhugs/ /b+hany+dza mok+Sha hoHzhes gdon no/ /des kyang rang nyid lha'i gzugs dang shes rab ma lha mo'i gzugs su bskyed nas/ AHdang hUM dag las skyes pa'i pad+ma dang / rdo rje dag gi ze 'bru dang nor bu dag AHdang oM las bskyed pa dang /rdo rje'i khar phaT ser po bsgoms nas g.yon pa'i g.yon gyi char son pa'i rtsa mdzub mo dang lce rtsel hrIHdmar po la gnas pa'i yi ge shI sngon du 'gro bas yang dag par bskul nas/ oM shI shI shI/ ha ha ha swA hA/ zhes pa dang / oM sarba ta thA ga ta a nu rA ga Na badzra swa b+hA wa At+ma kou0f85haM zhes pa'i sngags bzlas shing bla ma'i man ngag las dga' ba'i dbye ba rig pas rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pas lus byin gyis brlabs la/bla mas kyang rnam par snang mdzad dang spyan ma la sogs pa dpag tu med pa bcug pa dang /ro gcig tu gyur pas dga' ba brtsam par bya'o/ /shes rab sbyor bas dpal ldan ni/ /de nyid yang dag mtshon par bya/ /rdo rje skyil krung las sems ni/ /nor bu'i nang du chud par blta/ /zhes nges par byas la/ nus pa ji lta bar bzung ste/ dal bus btang nas chu skyes las lce nyid kyis blangs te/de kho na nyid kyi lta bas dam tshig gi ngo bo byang chub kyi sems btung bar bya'o/ /'khor lo zhes pa ni rnam par snang mdzad la sogs pa rig ma dang bcas pa'i lha'i 'khor lo'o/ /de'i rim pas sbyor ba ni dgug pa dang / gzhug pa dang rdo rje'i lam nas dbyung ba'o//cho ga ni lha mo'i gzugs su bskyed pa la sogs pa'o/ /mok+Sha ni thar pa ste spros pa thams cad dang bral ba lhag pa'i lha'i gzugs bla mas brjod par bya'o/ /de nyid ni chos thams cad bsam du med pa nyid do/ /de'i gzugs brnyan du rjes su mthun pas lhan cig skyes pa'i dga' ba'i ngo bo shes rab ye shes la de nyid du brjod do//sems ni byang chub kyi sems so/ /nor bu ni rdo rje'o/ /gal te bud med dbang bskur na de'i tshe nor bu ni pad+ma'i'o/ /blta zhes pa ni blta zhing rtog pa ste byed pas blta bzhin pa zhes pa'i don to/ /shes rab ye shes kyi dbang gi cho ga'o// //de'i rjes la tshig tsam kho nas dbang bzhi pa sbyin par bya'o//shes rab ye shes de nyid myu gur gyur pa'i byang chub kyi sems bsgoms pas rab tu 'phel bzhin pa sgrib pa med pa nyid du gyur pa'i de kho na nyid chos thams cad bsam gyis mi khyab pa nyid kyi rang bzhin yan lag bdun dang ldan pa'i phyag rgya chen po'i bdag nyid rdo rje 'chang chen po'i rang bzhin can dbang bzhi pa'i ngo bo brjod par bya'o//dbang bzhi pa'i cho ga'o// //de'i rjes la shes rab de'i lag pa slob ma'i lag par bzhag la de gnyis rang gi lag pa g.yon pas bzung ste/ rdo rje dang bcas pa'i lag pa g.yas pa slob ma'i mgo bor bzhag nas/'dir ni khyed rnams dbang po yin/ /bdag gis 'di la 'di gtad do/ /zhes de bzhin gshegs pa rnams dpang por btsugs te/ thabs gzhan gyis ni sangs rgyas min/ /'gro gsum 'di yang dag pa yin/ /de phyir 'di dang bral bar ni/ /khyod kyis nam yang ma byed cig /'di de sangs rgyas thams cad kyi/ /rig pa'i brtul zhugs bla na med/ /rmongs pa gang zhig 'da' byed pa/ /de la mchog gi dngos grub med/ /ces brjod cing rig pa'i brtul zhugs sbyin par bya'o zhes pa rig pa'i brtul zhugs sbyin pa'i cho ga'o// //de nas slob ma rdo rje sems dpa'i gzugs su bsgoms la/'di de sangs rgyas thams cad nyid/ /rdo rje sems dpa'i phyag na gnas/ /phyag na rdo rje'i brtul zhugs brtan/ /khyod kyis kyang ni rtag tu zung / /zhes brjod cing rdo rje 'dzin du gzhug go/ /des kyang / oM sarba ta tha ga ta si d+d+hi badzra sa ma ya tiSh+Tha e Sha twaM d+d+ha ra ya mi badzra satwa hIHhi hi hi hi hUM zhes brjod cing gzung bar bya'o//rdo rje'i brtul zhugs kyi cho ga'o// //de nas sangs rgyas thod pa dang / bde mchog dang / kye rdo rje la sogs pa gang yang rung ba'i snying po'i sngags kyis kha T+wAM ga dang / cang te'u dang / pad+ma'i snod rnams la lan gsum bzlas la/rdo rje sems dpa'i phyag rgya 'di/ /phyi dang nang du yang dag gnas/ /des na kha T+wAM cang te'u snod/ /byin pa dpa' bos bzung bar gyis/ /zhes pa'i tshigs su bcad pa brjod cing 'dzin du gzhug go/ /kha T+wAM ga la sogs pa rnams las gzhan spyod pa'i yan lag rgyud du gsungs pa yang de dang de'i 'khor lo'i dbang phyug gi snying pos bsngags la/rdo rje sems dpa' zhes pa la sogs pas 'dzin du gzhug go/ /de ltar yang dpal gsang ba 'dus pa las/ gzugs ni thor tshugs dbu rgyan 'chang / /chen po kha dog dkar po 'dra/ /cho ga bzhin du thams cad bya/ / sngags kyi sdom pas kun du bsdams/ /sdong bu rtsa ba 'bras bu rnams/ /bza' dang bca' ba thams cad spyad/ /ces pa la sogs pa rig pa'i brtul zhugs yang dag par blangs pas spyod pa'i brtul zhugs bya bar gsungs so/ /gang yang btsun mo'am skyes pa bskyod pa'i brtul zhugs zhun/ de rdo rje phag mo'i gzugs sam/ bdag med ma'i gzugs sam/ me tog lhung ba bstun pa'i rigs kyi lha mo'i gzugs su dang / skyes pa ni bde mchog dang kye rdo rje la sogs pa gar yang rung ba'i gzugs su bsams nas/ de'am de la snying ga'i sa bon gyi 'od zer gyis bkug pa'i ye shes kyi lha bcug la/'khor lo'i gzugs kyis mi bskyod pa/ /rna cha'i bdag nyid 'od dpag med/ /mgul gyi phreng ba rin chen dbang / /lag par rnam par snang mdzad brjod/ /ska rags na ni don yod gnas/ /zhes gsungs pa'i phyir 'khor lo dang rna cha dang mgul rgyan dang / gdu bu dang ska rags rnams rim pa bzhin du mi bskyod pa dang /'od dpag med dang / rin chen 'byung ldan dang / rnam snang dang / don yod grub pa'i gzugs su skad cig gis bsams la/ der de dang de'i ye shes sems dpa' de ltar spyan drangs pa bcug ste/ mi bskyod pa la sogs pa yongs su gyur pa las 'khor lo la sogs pa'i phyag rgya rnams mi bskyod pa la sogs pa'i rang bzhin kho na'o zhes mos nas/oM d+ha ra d+ha ra/ d+hA ra ya d+hA ra ya/ marda marda badzra d+h+r-ika phaT swA hA zhes pa'i sngags lan gsum bzlas pa'i 'khor lo de'am de'i mgo bor rdo rje sems dpa' zhes pa la sogs pa'i tshigs su bcad pa brjod cing gzhag par bya'o//oM badzra d+ha rmA sa ma ya s+t+waM hu lu hu lu A ro l-i ka phaT swA hA/ zhes lan gsum bzlas pa'i rna rgyan gnyis rna ba dag la'o/ /oM badzra su r+yA tA mo pi d+ha ma na sa ma ya s+t+wam a haM rat+na d+h+r-ika phaT swA hA/ zhes lan gsum brjod pa'i mgul rgyan mgul bar ro/ /oM shwa shwa ta pa ra ma shwa shwa ta e h+ye hi dzin dzika phaT swA hA/zhes lan gsum bzlas pa'i lag rgyan gdu bu bzhin lag pa dag la'o/ /oM phu phu hi hi hi pradz+nyA d+h+r-ika phaT swA hA/ zhes lan gsum brjod pa'i ska rags sked pa la'o/ /bud med kyi phyogs la tshigs su bcad pa la dpa' bo zhes pa phyung la lha mo zhes gzhug par bya'o/ /yang dag gnas zhes pa'i rjes la rim pa bzhin du/'khor lo mi bskyod pa yi gzugs/ /zhes pa dang / rna rgyan gnyis ni gsung rdo rje/ /zhes pa dang / mgul pa'i phreng ba rin chen 'byung / /zhes pa dang / lag gdub rtag pa'i bdag nyid do/ /zhes pa dang / ska rags don yod grub pa ni/ /zhes pa bcug nas/rdo rje sems dpa' zhes bya ba la sogs pa gdon par bya'o/ /gang yang bud med dang skyes pa gang lta stangs la sogs pa'i nus pa thob pas gzhan don du dpa' bo'i brtul zhugs blang bar 'dod na rdo rje phag mo gzugs can ma de'am/ /bde mchog mig gis zugs can de ye shes sems dpa' dang ro gcig tu bsams nas 'khor lo la sogs pa sngar bzhin du mos shing mgo bo'i phreng ba la sogs pa rang rang gi sngags kyis lha'i rang bzhin du mos te/oM badzra bai ro tsa ni ye huM hUM phaT phaT swA hA/ zhes lan gsum du bzlas pa'i 'khor lo de bzhin kho nar bskor bar bya'o/ /sangs rgyas lnga'i rang bzhin thod pa lnga yang ste/gang gi phyir/ bai ro tsa na'i sngags gang yin/ /mgo bor thod pas brgyan pa'o/ /zhes gsungs so/ /thod pa ni 'dir 'khor lo'i gzugs kyang ngo / /oM hrIHha ha huM hUM phaT ces lan gsum bzlas pa'i rna rgyan gnyis te/ yi ge bdun pa'i rig sngags kyis//rna rgyan gyis ni rna ba mdzes/ /zhes gang gsungs pa'o/ /rdo rje phag mo'i rtsa ba'i sngags sam oM sarba bud+d+ha DA ki nI ye badzra bar+Na nI ye hUM hUM phaT phaT swA hA/ zhes lan gsum bzlas pa'i mgul rgyan te/ rdo rje phag mo'i sngags gang yin/ /mgrin par mgul rgyan rnam par brgyan//zhes gang gsungs pa'o/ /oM ha/ na ma hi/ swA hA hUM/ pauSha Ta he/ hUM hUM ho/ phaT haM/ zhes lan gsum bzlas pa'i gdu bu gnyis te/ dpa' bo'i go cha drug gis ni/ /phyag rgya 'di ni lus la mdzes/ /zhes gang gsungs pa'o/ /oM baM/ haM yoM/ hriM moM/ heM hriM/ hUM hUM/ phaT phaT ces pa lan gsum bzlas pa'i ska rags te/rnal 'byor ma drug ces pa yis/ /sngags kyi ska rags rgyan du byas/ /zhes gang gsungs pa'o/ /oM shrI badzra he he ru ru kaM hUM hUM phaT DA ki nI dzA la saM ba raM swA hA/ zhes lan gsum bzlas pa'i mi mgo lnga bcu'i phreng ba ske la ste/ lha yi snying po'i sngags nyid ni//phreng ba brgya phyed brgyan pa'o/ /zhes gang gsungs pa'o/ /de nas oM sarba bud+d+ha DA ki nI ye badzra war+Na nI ye hUM hUM phaT swA hA/ zhes lan gsum bzlas pa'i stag gi pags pa ni sham thabs kyi ched du ste/ sangs rgyas kun gyi mkha' 'gro mas/ /pags pa'i gos ni 'dzin pa gzhan/ /zhes gang gsungs pa'o//oM prA tsaN+De hUM hUM phaT ces pa la sogs pa nas/ oM rU pi NI ye hUM hUM phaT ces pa'i sngags sum cu rtsa drug gis lan gsum bzlas pa'i ye shes kyi bdud rtsi'i btung ba'i snod ni lag par sbyin no/ /'khor lo kun gyi rnal 'byor ma'i/ /sngags kyis btung ba'i thod pa'o/ /zhes gang gsungs pa'o//kha T+wAM ga dang cang te'u la bcom ldan 'das kyi rtsa ba'i sngags lan gsum bzlas te rdo rje sems dpa' zhes pa la sogs pa'i tshigs su bcad pas so/ /dpal bde mchog gi rtsa ba'i sngags lan gsum bzlas pa'i tshangs skud dang mgrin par 'chang ba'i do shal dang rdo rje'i rgyan dang rkun po'i skra las byas pa'i cod pan dang /skor gnyis pa'i ska rags dang thal ba dang / dpung rgyan dang / rkang gdub dang / g.yer kha rnams ni rang gi gnas su'o/ /dpa' bo'i rtsa ba'i sngags kyis gang / /tshangs skud la sogs rnams su btags/ /zhes gang gsungs pa'o/ /de la phreng ba gcig gis tshangs skud do//phreng ba brgyad rnams kyis ska rags so/ /de nyid kyi bud med kyi rked par bcu drug gis so/ /nyi shu rtsa lngas do shal lo/ /skud pa gcig gis tshangs skud 'gyur/ /skud pa brgyad kyis ska rags so/ /bud med bcu drug shes par bya/ /nyi shu rtsa lnga'i phreng ba can/ / zhes gang gsungs pa'o/ /yang na mi'i rgyus pa las byas pa'am/ skra las byas pa'i tshangs skud do/ /'dir 'khor lo la sogs pa dang rdo rje'i rgyan rnams ji ltar 'os par mi'i rus pa las byas pa'o/ /de la gcig ni spyi bor te/ de skad du/ sor mo lnga byas dum bu ni/ /cod pan dag tu 'dzin pa'o//gzhan ni rna ba dang mgul ba dang / snying ga dang / gsang ba dang lag pa'i rgyan yin te ji ltar mdzes par bya'o/ /sngags sum cu rtsa drug rnams dang rtsa ba'i sngags gnyis ni kho bos dpal bde mchog gi mngon par rtogs pa'i sgrub thabs su brjod do/ /dpa' bo'i spyod pa'i brtul zhugs nyid la rgyal bu gzhon nu'i brtul zhugs kyi spyod pa dang /rdo rje thod pa'i spyod pa'i brtul zhugs zhes kyang dpal saM pu Ta'i rgyud las gsungs so/ /de nas phyag rgyal sogs pas mchod par bya'o zhes pa spyod pa'i brtul zhugs sbyin pa'i cho ga'o/ /de nas de bzhin gshegs pa'i spyod lam gyi tshul du byas nas chos gos kyi grwa bzung ba'i khu tshur g.yon pa snying gar bzung zhing g.yas pas mi 'jigs pa'i phyag rgyas/srid pa'i ngan 'gro las bton nas/ /srid pa shin tu zhi bya'i phyir/ /rdo rje sems dpa' de bzhin gshegs/ /bdag gis khyod ni lung bstan gyis/ /kye che ge mo rdo rje ta thA ga ta sid+d+h+ya sa ma ya s+t+waM b+hur b+hu baHswaHzhes pa'i sngags brjod cing me tog lhung ba dang bstun pa'i de bzhin gshegs pa'i gzugs can gyi slob ma lung bstan par bya'o//gang yang 'di ltar lung bstan pa de de bzhin gshegs pa thams cad kyis yang dag par rdzogs pa'i byang chub tu lung ston to zhes dad par bya'o//lung bstan pa'i cho ga'o/ /rig ma dang / rdo rje dang / spyod pa'i brtul zhugs dang / lung bstan pa 'di rnams rgyud la sogs pa kha cig tu dbang bskur ba nyid kyi tha snyad du byas so/ /de nas kha sbyor gyi rgyud du/ /bzhi pa de ni de bzhin yang / /zhes pa'i rjes la/ byang chub sems kyi dbang gis ni//slob ma'i sdig dang bral ba la/ /de nas rjes su gnang ba byin/ /zhes gsungs pas/ slob ma'i gdan gyi mdun nam la lar stan la b+h+rUM las skyes pa'i chos kyi 'khor lo oM badzra he tu maM zhes brjod pa dang / lag pa g.yas su oM badzra b+hA Sha raM zhes brjod cing yi ge AHlas skyes pa'i dung dang /g.yon du dbyangs dang po las skyes pa'i po ti dbyangs dang po brjod pa dang / dbyangs tha ma las skyes pa'i dril bu dbyangs tha ma brjod cing byin la de dril bu dkrol du gzhug cing / thams cad nam mkha'i mtshan nyid de/ /nam mkha' la yang mtshan nyid med//nam mkha' mnyam pa nyid sbyor las/ /thams cad mchog ni mnyam nyid gsal/ /deng nas brtsams te sems bskyed pa/ /tsam gyis chos dud bla med pa/ /kun nas yongs su bkang nas ni/ /chos kyi 'khor lo bskor bar gyis/ /zhes brjod par bya'o/ thams cad mchog ces pa ni chos thams cad kyi mchog ste/ sgrib pa thams cad bral ba nyid kyis na rang bzhin med pa nyid do/ /gsal ba ni bsgoms pas mngon gsum du bya ba'o/ /chos kyis kyang de bzhin du gyis shig pa'o/ /de ltar yang de la mos pas chos kyi 'khor lo bskor bar gyis shig ces dril bus mtshon par byed do//de ltar spyir rjes su gnang ba byin nas rjes su gnang ba lhag par sbyin par bya ba'i ched du rim pa bzhin slob ma rnam par snang mdzad la sogs pa'i gzugs su bsgoms nas/ sems can kun la phan don phyir/ /'jig rten kun tu thams cad nas/ /sna tshogs ji ltar 'dul ba yis//chos kyi 'khor lo bskor bar gyis/ /shes rab thabs kyi rang bzhin dag /yid bzhin nor bu ltar mtho bas/ /skye med dogs dang bral ba yis/ /de ltar sems can don gyis shig /ces pa'i chos kyi sgra'i gnas su rdo rje dang rin po che dang pad+ma dang las kyi sgra bcug pa'i tshigs su bcad pa lngas rjes su gnang ba sbyin no//des phyag byas la/ gtso bos ji ltar bka' bsgo ba/ /de bzhin du ni bdag gis bgyi/ /zhes brjod do/ /rjes su gnang ba'i cho ga'o/ /de nas/ spyi bo ru ni gdugs bzung nas/ /bskor ba byed du bcug nas ni/ /dkyil 'khor sgor ni thal sbyor ba//gdugs bcas dbab cing 'di brjod bya/ /rgyud rnams 'dzin par 'gyur ba yi/ /slob ma 'di ni phul ba lags/ /zhes pas dkyil 'khor gyi dbang phyug la gsol ba gdab la/ gdugs gzhan du bzhag slob ma'i snying la 'bab pa brjod par bya ste/ da ni khyod nyid dkyil 'khor gyi//slob dpon sngags dang rgyud 'dzin par/ /sangs rgyas byang chub sems dpa' dang / /lha rnams dag kyang dgongs par 'gyur/ /sems can kun la brtse don du/ /khyod kyis dkyil 'khor cho ga bzhin/ /rab tu 'bad de bri bar bya/ /sgrub pa po rnams rgyud la sbyar/ /mchog tu gsang ba dam pa yi//dkyil 'khor mthong bzhin zhugs pas na/ /sdig pa kun las rnam par grol/ /de ring khyod ni bde bar gnas/ /bde chen theg pa 'di las ni/ /phyin chad khyod la 'chi ba med/ /srid pa'i sdug bsngal las khyod 'das/ /srid pa mtha' 'das grub ched du/ /sangs rgyas rdo rje can kun gyis//de ring tshe ldan dbang bskur ro/ /khams gsum kun gyi rgyal srid che/ /bdag po nyid du khyod nges so/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral nyid/ /khyod kyis nam yang ma byed cig /'dod pa kun la spyod pas khyod//gang la'ang 'jigs med spyad par gyis/ /sha lnga bdud rtsi lnga bza' bya/ /'di las gzhan yang dam tshig srung / /srog chags gsad par mi bya zhing / /bud med rin chen spang mi bya/ /slob dpon spang bar mi bya ste/ /dam tshig shin tu 'da' bar dka'/ /shes rab thabs kyis bsam pa yi//mi bya cung zad yod ma yin/ /ma 'jigs khyod la sdig pa med/ /de bzhin gshegs pa'i gsung ji bzhin/ /'di ltar yid ni rab dang rdo rje nyid du gyis/ /rang gi dam tshig mi bzad bde ster bsten par gyis/ /'gro ba bde ba myong bar rdo rje sems dpa' dang / /mtshungs pa'i rtag pa nyid du khyod rnams phyin par 'gyur//gzhan yang gang dag cho ga ji lta ba bzhin dbang bskur ba la dge ba'i phyir/ sangs rgyas dang byang chub sems dpa' thams cad kyis sdug pa'i bu dang 'dra bar thugs dang bas yang dag par dgongs par mdzad pa 'di ni chos nyid yin no zhes pa/ /dbugs dbyung ba'i cho ga'o//de ltar dbang thob cing dbugs phyung ste/ dga' ba'i slob mas de ltar bgyi'o/ /deng bdag skye ba 'bras bur bcas/ /bdag gi gson pa'ang 'bras bur bcas/ /de ring sangs rgyas rigs su skyes/ /sangs rgyas sras su deng bdag 'gyur/ /zhes brjod do//glang po che dang / rta dang / rin po che dang / sa le sbram dang / dngul dang / gos dang / rgyan dang / ba lang dang / ma he dang / bran po dang / bran mo dang / las byed pa la sogs pa dang / gces pa'i chung ma dang / bu dang / bu mo la sogs pa rnams sam ji ltar nus par bla ma la bkur sti byas te yon dbul bar bya'o//gtor ma dang sbyin sreg dang ston mo la sogs pa yang bya'o/ /rnam par grol zhes pa ni sdig pa mi byed par nges pa'i phyir ro/ /bde bar gnas pa ni bde ba dang bde 'gro la nges pa'i phyir ro/ /'das pa ni chos kyi sku thob pa'i phyir ro/ /mtha' 'das zhes pa mtha' ma med pa'i srid pa longs spyod rdzogs pa'i sku ste/rgyun mi 'chad par rtag pa 'di nyid kyis so/ /rdo rje ni mi phyed pa'i sems rab tu dang ba ste/ bla ma dang sangs rgyas rnams la'o/ /rang gi dam tshig ni rang gi lha la sogs pa'o/ /bde ba nyung zhing sdug bsngal mang ba'i 'gro bar khyed cag skyes kyang kha na ma thob med pa'i bde ba chen po rtag pa nyid thob pa'o//'dir me tog lhung bas nye bar mtshon pa'i de bzhin gshegs pa'i rang bzhin gyis rnam par dag pa gsal bar bya ba'i phyir du mgo bo la phreng bas dbang bskur ro/ /ma rig pa'i dri ma 'khrung par rung ba nyid du sgrub pa'i phyir du chu'i dbang ngo //de bzhin gshegs pas rgyas 'debs pa 'du bya ba bskyed pa'i ched du gtsug tor bskyed par rung ba nyid kyi ched du cod pan gyi dbang ngo / /nyon mongs pa la sogs pa'i dgra rtsa ba nas 'don pa nyid kyi phyir du dpa' bo'i dar dpyangs bcing ba ste/ cod pan gyi dbang gi 'khor yin no/ /kha cig tu ni dbang tha dad par brjod do//kha cig tu ni dar dpyangs bye bcing ba ma gsungs te 'di'i don bsam pa'i khyad par las cod pan gyi dbang gis kyang 'grub pa'i phyir ro/ /dbyer med pa'i ye shes skye bar 'gyur bar rung ba nyid du sgrub pa'i ched du rdo rje'i dbang ngo / /stong pa dang snying rje dbyer med pa bla na med pa'i ye shes 'byung ba'i bdag po chos 'byung rtogs par bya ba'i ched du chos 'byung gsal bar byed pa'i dril bu sgra dang bcas pas dbang bskur ba'o//bdag po'i ched du dbang ni bdag po'i dbang du yang brjod do/ /ma 'ongs pa na thub pa'i go 'phang gi ming du 'os pa'i sa bon dgod pa'i don du ming gi dbang ngo //chu'i dbang la sogs pa lnga po 'di rnams rim pa bzhin chos kyi dbyings rnam par dag pa dang mnyam pa nyid dang so sor rtog pa dang bya ba grub pa dang / me long lta bu'i ye shes kyi sa bon yongs su rgyas par byed pa'i phyir de'i bdag nyid du mos par bya'o/ /chu'i dbang ni me long lta bu'i ye shes kyi bdag nyid du yang de nyid bsdus pa las gsungs te/mi bskyod pa yang me long lta bu'i ye shes kyi bdag nyid du yang ngo / /'di nas brtsams te rnam par dag pa zung 'jug gi byang chub rtogs par bya ba'i ched du brtson par gyis shig ces nges par bya bar dgongs nas de'i rang bzhin gyi rdo rje 'dzin pa'i nges pa ni rdo rje'i dam tshig go//chos kyi phung po brgyad khri bzhi stong rab tu ston pa'i rgyu de bzhin nyid rtogs pa la sbyar ba'i ched du sgra dang bcas pa'i dril bu'i dam tshig go/ /shes rab dang thabs kyi rang bzhin bde ba chen po'i bdag nyid rdzogs pa'i sangs rgyas kyi rang bzhin shin tu brtan par rung ba nyid du bsgrub pa'i phyir phyag rgya'i dam tshig go//de nyid kyi phyir mkha' 'gro ma rdo rje gur las dam tshig gnyis kyi 'khor can phyag rgya'i dam tshig kho nas rdzogs pa'i sangs rgyas kyi dbang du gsungs so/ /rgyud gzhan du ni dam tshig gsum slob dpon gyi dbang gi 'khor du gsungs so/ /de ltar yang sngar shes rab bcu drug ces pa la sogs pa gsungs so//dri ma 'khrud par rung ba nyid ni dam tshig rnam par gzhag pa gnyis ka la yod par mi 'gal lo/ /ji ltar sa bcu pa la phyir mi ldog pa'i byang chub sems dpa' chen po rnams phyogs bcu'i de bzhin gshegs pa rnams kyis dbang bskur ba de bzhin du dam tshig gsum dang bcas pa 'di yang de rnams dang bla mas sems can gyi phung po dpag tu med pa la gzhal du med pa'i chos ston pa la sogs pas slob dpon du bya ba'i ched du khams gsum pa'i chos kyi rgyal srid du dbang bskur bas na slob dpon gyi dbang dang /phyir mi ldog pa rnams kyi dbang dang 'dra bas na phyir mi ldog pa'i dbang ngo //phyir mi ldog pa nyid kyis bon nyid kyang skrun par byed do/ /de'i phyir de la ltos nas phyir mi ldog par bya ba'i ched du dbang dang / phyir mi ldog pa dang ldan pa'i dbang ni/ phyir mi ldog pa'i dbang du brjod do/ /de nyid kyi phyir/ rdo rje gsang ba ye shes kyis//slob dpon zhes bya gsum 'dir brjod/ /ces pa 'dod pa ni blo gros ngan pa rnams kho na'i'o/ /bgegs med pa nyid kyi ched dang zhi ba la sogs pa'i dngos grub kyis bon dgod pa'i ched dang / don dam pa'i sngags kyi dngos grub kyi zhing dag par bya ba'i phyir du sngags brjod du gzhug pa'o/ /mi shes pa'i ling tog bsal bas lha'i mig gis mngon par shes pa bskyed pa'i ched du mig sman no//des kyang sna tshogs gzugs brnyan bzhin du lta ba 'dus bya ba bsgrub pa'i ched du me long gi dbang ngo / /bdud bzhi las rnam par rgyal ba'i chos kyi dbyings shin tu phra ba'i 'bem 'bigs pa'i sa bon dgod pa'i ched du mda' 'phangs pa'o//dad pa dang shes rab kyi zhing du bya ba'i don nam/ dam tshig bsrung ba'i don dang ngag dag pa'i don du gsang ba'i dbang ngo / /phul du phyin pa'i shes pa 'di la yod pas/ shes rab ni phyi rol gyi gzhon nu ma'o/ /de las ye shes ni sems rnam par rtog pa dang bral ba las rnam par dag pa lhan cig skyes pa'i dga' ba ni shes rab ye shes kyi dbang ngo //ye shes de nyid dri ma dang bral zhing yongs su dag par rtogs pa ni dbang bzhi pa'o/ /'di dag ni bde ba chen po'i ros yid 'khrud pa'i phyir dbang ngo / /'di dag dang 'brel pa kho nar shes rab nyid zag pa med pa'i bde ba dam pa phun sum tshogs pa'i dngos kyi thabs yin pa'i phyir las dang po la sogs pa'i gnas skabs su yang spang bar mi bya'o zhes pa/rig ma'i brtul zhugs so/ /gang tshe rnam par mi rtog pas/ /las kun thabs dang bcas par spyod/ /rnam par mi rtog bsgoms pa las/ /brtul zhugs rnams kyi mchog gi mchog /ces rdo rje mkha' 'gro las gsungs pas brtul zhugs gzhan gyis ci zhig bya/ des na ye shes lnga'i rang bzhin gyi byang chub sems kyi brtul zhugs kho na la shin tu sbyar ba'i phyir du rdo rje'i brtul zhugs so/ /spyod pa dang bral na yang byang chub kyi sems me rtog go zhes bslab pa'i don du spyod pa'i brtul zhugs te de ni rnam pa gsum mo//de la dang po nang gi phyag rgyu gsum la sbyor ba lhur byed pa ste de ltar yang / kha T+wAM cag ni lha yi sku/ //cang te'u shes rab tu ni btags/ /zhes dang / sngags ni btung ba'i thod pa'o/ /zhes gsungs pas so/ /lha'i sku lus dang / a na ha ti'i ngo bo gtum mo'i sgra dang gnyis su med pa'i bde ba chen po nyams su myong ba'i rten kun rdzob byang chub kyi sems te de ltar gsum mtshon par byed pa'o//gnyis pa ni rnal 'byor ma dang spyod pa'i brtul zhugs dang ldan pa las chos kyi dbyings shin tu rnam par dag pa'i ye shes la sogs pa lnga bskyed pa la sbyor ba lhur byed pa'o//gsum pa ni lta stangs bzhi dang mngon par shes pa la sogs pa'i nus pa thob par gyur pa na sems can gyi don sgrub pa la lhur byed pa 'jig rten las phyi rol du gyur pa'i rnal 'byor pa'am rnal 'byor ma nang gi bdag nyid kyi rgyan ma lus pa'i don nus pa lhur byed pa stong pa nyid dang snying rje chen po dbyer med pa'i rang bzhin byang chub kyi sems 'byung ba la sbyor ro//de ltar yang rnal 'byor ma kun tu spyod pa'i rgyud las/ dang por mnyam gzhag rnal 'byor pas/ /'bad de nus pa bskyed par bya/ /nus pa bskyed pa'i rjes la ni/ /brtul zhugs spyod pa yid 'ong ba/ /rigs lnga mnyam par kun spyod pa//rigs gcig tu ni rnam par brtag /mi rtog sems gcig bdag nyid kyis/ /'dod pa'i yon tan lnga spyad pa/ /de ltar dpal ldan he ru ka'i/ /ye shes bsam pa kun rdzogs mdzad/ /shes rab che ldan de yis ni/ /gnyis med ye shes brtul zhugs byed/ /spyod pa'i brtul zhugs la zhugs pa'i//rnal 'byor rab tu nges shes bya/ /zhes gsungs so/ /khams gsum dang dbyer med pa'i chos nyid rtogs pa'i rim pa rung ba khyod yin no zhes gzengs bstod pa'i don du lung bstan pa'o/ /de ltar yang / b+hur ni rlung gi dkyil 'khor la sogs pa'i 'khor dang bcas pa'i sa 'og go//b+hu waHzhes pa ni sa steng gi 'jig rten no/ /swaHzhes pa mtho ris te 'du shes med 'du shes med min skye mched kyi mthar thug pa'o/ /de gsum char yang khyod yin te gang gi phyir/ /de rnams kyi rang bzhin gyi de kho na nyid kyi sam ya ste/ sa rab tu dga' ba la sogs pa'i rim pas rtogs par rung ba nyid kyis so zhes pa ni sa ma ya s+t+waM b+hur b+hu baHswaHzhes pa 'di'i don no//cho ga ji ltar dngos grub rab tu bsgrubs nas chos ston pa la sogs pa rnams kyis sems can gyi don gyis shig ces pa ni rjes su gnang ba'o/ /khyod kyis 'dod pa rnams la nye bar longs spyad kyang sgrib pa thams cad las grol ba'i sangs rgyas de ring nyid do zhes dkyil 'khor du 'jug pa la sogs pa par nus pa nyid du rgyas par bya ba la dgongs par rtogs par bya ba'i phyir dbugs dbyung ba'o//rdo rje'i brtul zhugs la sogs pa lnga po 'di rnams kyang slob dpon gyi dbang gi rjes dang /rig pa'i dbang gi rjes la de dang de tsam gyis tshim pa rnams la sbyin par bya'o zhes kha cig go/ /sngags dang / mig sman dang / me long dang / mda' 'phang ba rnams ni rig pa'i dbang gi rjes la yang ngo / /rig pa'i brtul zhugs ni shes rab ye shes kyi rjes la yang kha cig tu'o/ / kha cig tu ni sngags la sogs pa dang / spyod pa'i brtul zhugs dang / spyir rjes su gnang ba dang / dam tshig gsum dang / skal ba dang ldan pa nyid rnams ma gsungs te/ ji ltar rigs par dbang gzhan rnams su de dang de'i don du 'dus par dgongs pas so/ kha cig tu rjes su gnang ba dang /dbugs dbyung ba dag phyir mi ldog pa'i dbang du bsdus so/ /'dir na thams cad tha dad du brjod do/ /gang yang mkha' 'gro ma rdo rje gur gyi rgyud las/ dang por chu yi dbang yin te/ /gnyis pa la ni cod pan dbang / /gsum pa rdo rje'i dbang gis so/ /bzhi pa rang gi bdag po yin/ / lnga pa la ni ming dbang bskur/ /drug pa rdzogs pa'i sangs rgyas nyid/ /bum pa'i dbang ni bdun pa ste/ /brgyad pa gsang ba'i dbang yin no/ /dgu pa shes rab dbang bskur te/ /de nyid rdo rje'i sbyor ba yis/ /thams cad rdo rje brtul zhugs sbyin/ /rang nyid ston pa lung ston te/ 'di ni dbang mchog rim pa'o//zhes pa gsungs so/ /de la phreng ba'i dbang ni chu'i dbang la sogs pa'i rgyu nyid kyis dang / sngags la sogs pa rnams ni ji ltar rigs par slob dpon gyi dbang dang / dbang bzhi pa dang / 'ga' zhig gi tshe gzhan gyi 'ang 'khor nyid du rgyud gzhan du gsungs pa las rtogs par bya ba nyid kyi phyir ma gsungs so//de nyid kyi phyir dpal gsang ba 'dus pa las/ dbang bskur rnam gsum tha dad pa/ /rgyud 'di ru ni rab tu brtags/ /bum pa'i dbang ni dang po ste/ /gnyis pa gsang ba'i dbang yin no/ /gsum pa shes rab ye shes te/ /bzhi pa de yang de bzhin no/ /zhes so/ / dpal kha sbyor las kyang / dbang de yang ni rnam pa bzhi/ /dang po bum pa'i dbang yin te/ /gnyis pa la ni gsang ba'i dbang / /gsum pa shes rab ye shes te/ /bzhi pa de ni de bzhin yang / /zhes so/ /brtag pa gnyis pa'i rgyud las kyang / /slob dpon gsang ba shes rab dang / /bzhi pa de yang de bzhin no//zhes gsungs so/ /de la chu dang / cod pan dang / rdo rje dang / bdag po dang / ming dang / slob dpon gyi dbye bas rnam pa drug ni bum pa'i dbang ste/ thams cad du de bzhin gshegs pa dang / spyan ma la sogs pa'i rig ma rnams kyis bum pas dbang bskur ba'i phyir ro/ /slob dpon gyi dbang ni mchog tu nye bar blang bar bya ba nyid kyis phul du byung ba dang bcas par bskur ba'i phyir/bum pa'i dbang ni bdun pa ste/ /zhes gsungs so/ /slob dpon gyi dbang ste 'byung ba'i rim pa'i rgyud yin pa'i chu'i dbang la sogs pa lnga yang slob dpon gyi dbang du brjod do/ /des na thams cad mi 'gal lo//de lta bu 'di ni gzhan dbang bskur ba'i cho ga'o// //rang nyid kyi dam tshig nyams na 'di lta bu'i dbang nyid ji ltar slob dpon 'jug pa'i cho gar blang bar bshad pa de ltar blang bar bya'o/ /'on kyang gal te bla ma dam pa shin tu ring ba na lam bgrod dka' ba la sogs pa'i nye bar 'tshe bas bgrod par mi nus pa'i phyogs na bzhugs te/gzhan du ni ma yin no/ /rtag tu yi dam byed pas ni shes rab dang thabs ro gcig pa'i rang 'dod pa'i lha'i sbyor bas yid kyi rang bzhin gyi dkyil 'khor bsgom par bya/ /dkyil 'khor gyi dbang phyug las chu'i dbang la sogs pa gsang ba dang / shes rab ye shes dang / bzhi pa'i mthar thug pa dang / dbugs dbyung ba'i mthar thug par yang blang bar bya'o zhes pa/ rang dbang bskur ba'i cho ga'o// //rdo rje sems dpa'i sdom pa dang ldan pa 'di'i ltung ba ni rigs rnam pa gnyis te/ rtsa ba'i ltung ba dang / spom po'i ltung bas so/ / de dag kyang man ngag gi snye mar rnam par phye ba'o/ /bla ma la brnyas pa la sogs pa'i nyes pa la nus pa ji lta bar ston mo sngon du 'gro ba'i dbul ba byas nas/ bla ma'i mdun du bshags pa sngon du 'gro bas sdom pa sngar bzhin gzung bar bya'o zhes pa/ dbang gi cho ga gdams pa dang bcas pa 'khor dang bcas pa'o//'dir bgegs la sogs pa zhi ba'i don du sbyin sreg bya'o zhes sngar brjod do/ /des na/ sbyin sreg dang bral las rnams la/ /yang dag dngos grub mi 'byung ste/ /zhi rgyas la sogs grub don du/ /sbyin sreg las ni yang dag brtsam/ /zhes gsungs pa'i phyir skabs ji lta bar sbyin sreg bya'o//de la/ sems can dbye bas mtha' yas te/ /rigs kyi dbye bas rnam pa lnga/ /las kyi dbye bas rnam pa bzhi/ /thab khung rnams su nges pa 'di/ /zhes bcom ldan 'das kyis gsungs so/ /rdo rje khro bo snyoms par 'jug pa gsang ba'i rgyud las ni las kyi dbye bas thab khung gi dbye ba brgya rtsa bcu bstan no//'di lta ste/ zhi ba la yongs su zlum po/ rgyas pa la gru bzhi/ mngon spyod la gru gsum/ dgug pa la lcags kyu'i rnam pa/ dbang du byed pa la rdo rje'i rnam pa/ nor dang 'bru dgug pa la rin po che'i rnam pa/ 'dod pa'i gzugs can nyid la rtags kyi rnam pa/mi snang ba la mda' gzhu'i rnam pa/ bka' bsgo ba la ral gri'i rnam pa/ sdig pa zhi bar byed pa la rta babs dang bcas pa'i zlum po'i rnam pa rig ma chags par bya ba la rang gi rigs kyi phyag rgya'i rnam pa/ nam mkha' la 'gro ba la nam mkha'i dkyil 'khor gyi rnam pa/rig pa gzi brjid bskyed pa la 'bar ba dang bcas pa'i rnam pa/ dkyil 'khor chen po bsgrub pa la 'khor lo'i rnam pa/ las thams cad pa la phyi'i dkyil 'khor gru bzhi pa la sgo bzhi pa'i thig btab nas/ shar du rdo rjes mtshan pa/ lhor rin po ches mtshan pa/ nub tu pad+mas mtshan pa/byang du las kyi rdo rjes mtshan pa zhes pa la sogs pa dang / slar yang dbang la gru gsum dang / /mngon spyod la gru gsum dang / zla ba phyed pa'o zhes so/ /legs par grub par byed pa dang / rdo rje dri ma med pa dang / rnam par snang mdzad mngon par byang chub pa dang / dam tshig gsum gyi rgyal po dang /kun nas dbang bskur skyed par byed pa dang / /phyag na rdo rje snying po 'byung gnas dang / /rdo rje mngon par 'byung ba'i rgyud du las thams cad pa'i thab khung gru bzhi pa/ rgyar khru gang zabs su khru phyed pa'i tshad kyi thab khung gi steng du zhes pa la sogs pa gsungs so/ /dpung bzangs kyis yongs su zhus pa dang /pad+ma 'byung gnas dang / shin tu rab tu gnas pa'i rgyud las/ las thams cad pa'i thab khung pad+ma'i rnam pa zlum po kun tu khru'i tshad las zabs su khru phyed kyi tshad du brkos la/ dbus kyi pad+ma brgyad kyis yongs su bskor ba'i/ thab khung gi steng du sor bzhi pa'i bar dor nas rgya dang dpangs su sor bzhi pa thab khung nas 'thon pa'i pad+ma rab tu rgyas pa'i 'dab ma'i rnam pa lta bu'i kha khyer can kha khyer gyi phyi ngos su pad+ma'i phreng bas yongs su bskor ba/thab khung gi nang gi phyogs kyi pad+ma rnams la rdo rje dang / rin po che dang / pad+ma dang / sna tshogs rdo rje rnams so//mtshams kyi pad+ma rnams la mig gnyis dang / rdo rje rtse gsum dang / pad+ma dang / ut+pala'o/ /dbus kyi pad+ma la 'khor lo rtsibs brgyad pa'o/ /thab khung gi nang gi mthar rdo rje phreng bas yongs su bskor ba'i thab khung ni las thams cad pa'o zhes pa la sogs pa gsungs so/ /dus kyi 'khor lor ni zhi ba la thab khung zlum po khru gcig pa'o//rgyas pa la gru bzhi pa khru gnyis pa'o/ /mngon spyod la gzhu'i rnam pa khru phyed pa'o/ /dgug pa la gru gsum pa sor nyi shu pa'o/ /dbye ba la zur lnga pa zlum pa'i tshad do/ /rmongs pa la zur drug pa sor sum cu pa'i tshad do/ /dbang la zur bdun pa sor bzhi bcu pa'o//rengs pa la zur brgyad pa sor drug cu pa'o/ /thams cad du thab khung gi phyed kyi tshad zabs su'o/ /las thams cad pa'i thab khung ni zlum po zhes pa la sogs pa gsungs so/ /dpal sangs rgyas thod pa'i rgyud du ni/ zhi ba'i thab khung zur bzhi pa/ /steng dang 'og tu mtho gang ngo //rgyas pa'i thab khung zam po ste/ /steng dang 'og tu mtho gsum mo/ /dbang la thab khung gru gsum ste/ /steng dang 'og tu mtho brgyad pa/ /mngon spyod thab khung zla phyed de/ /steng dang 'og tu khru yi tshad/ /ces pa la sogs pa gsungs so/ /de ltar las thams cad pa'i thab khung du zhi ba dang / rgyas pa dang / dbang dang / mngon spyod la sogs pa rnams 'grub kyang so so la thab khung tha dad du rgyud rnams su gsungs so/ /de bzhin du rgyud kha cig tu zhi ba la sogs pa'i thab khung rnams dang / las thams cad pa'i dkyil 'khor dang mchu dang kha khyer dang de'i phyi ngos rnams su dbyibs dang kha dog dang mtshan ma dgod pa tha dad pa dang /sa'i khyad par dang / phyogs kyi khyad par dang / bsreg bya dang / me lha dang / 'dug stangs dang / rgyan dang / dbyibs dang / phyogs su lta ba la sogs pa'i khyad par dang / sbyin sreg bya ba'i dus kyi khyad par rnams so sor bstan la/ rgyud gzhan rnams su ni gzhan du bstan to//rnal 'byor pa rdo rje sems dpa'i skur mos pa brtan pas ni sgyu ma bzhin sna tshogs stong pa nyid dang ro gcig par snang ba bstan pa nyid las/ brtse ba'i rang bzhin can gyi don du 'jug pa 'di thams cad kyis mngon par 'dod pa 'grub par 'gyur ro zhes dgongs pa dang / / gdul bya'i bsam pa sna tshogs pa las kyang ste/ thugs rje'i rang bzhin gyi sku rnams kyi rnam par gzhag pa 'di sna tshogs pa yin no/ /de ltar thams cad rtogs nas kho bo cag gis de kho na nyid bsdus pa la sogs pa rnal 'byor dang / rnal 'byor ma'i rgyud rnams kyi rjes su 'brangs nas rab tu spyod pa mang po gdams pa dang bcas pa rdzogs shing gsal bar gtan la phab pa'i thab khung gi mtshan nyid la sogs pa dang /sbyin sreg gi cho ga 'od kyi snye mar gsal bar byas so/ /de'i phyir de nyid las de thams cad nges par bzung nas sbyin sreg bya ste/ 'dir slar de brjod pas ci zhig bya nges na 'dir sbyin sreg gi cho ga 'od kyi snye mar shes par bya'o//de nas cho ga ji lta bar zhi ba dang rgyas pa'i sbyin sreg bya ste/ rang nyid kyi dkyil 'khor mchod de thams cad kyi nus pa ji lta bar de bzhin gshegs pa la sogs pa rnams la mchod par gyis shig ces pa slob ma la sogs pa rnams la mchod pa byed du bcug la zhugs pa rnams kyang bza' ba dang bca' ba dang bldag pa dang chang la sogs pa 'khor lo la phul ba rnams la tshim par byas te/de dag lhan cig tu mtshan mo mi nyal bar glu gar la sogs pa rnams dang / byang chub sems kyi stobs kyis yang dag par mchod nas khyed rnams kyis 'jug pa 'di su la yang smra bar mi bya'o zhes brjod la/slob ma la ni yon blang bya/ /des kyang gus pas dbul bya ste/ /rin chen yid 'ong chung ma dang / /rang gi lus dang sa gzhi dang / /mdor na bya ba de 'dra ba/ /ji ltar bla ma mnyes 'gyur bya/ /bla ma mnyes na dngos grub 'gyur//gzhan du min zhes thub pas gsungs/ /slob dpon bla med byed pa po/ /rdo rje sems dpa' mchod pa las/ /de yis bsod nams ma byas ci/ /dka' thub ma spyad pa yang gang / /zhes sems pas so/ /de nas slob ma rnams bzhag ste/ /phyi rol du byung nas phyogs kyi gtor ma dang /mchod pa la sogs pa byas la/ nang du zhugs nas 'khor lo la phyag 'tshal te/ 'khor lo'i dbang po la ar+g+ha la sogs pa phul nas dge ba yongs su bsdos te dkyil 'khor la lan gsum bskor ba byas la/ bcom ldan 'das la phyogs pas shar sgor 'dug ste/ yi ge brgya pa lan gsum brjod nas/ma rnyed ces pa la sogs pas bzod par gsol te/ oM khyed kyis zhes pa la sogs pa dang / oM AHhUM badzra muHzhes pas ye shes kyi dkyil 'khor gshegs su gsol nas/ rang gis sprul pa'i dkyil 'khor bdag nyid la bstims te/ oM a kA ro mu khaM sarba d+ha rmA NAM A d+ya nu t+pan+na t+w+ta oM AHhUM phaT swA hA/oM AHhUM muHzhes 'don zhing chos thams cad skye ba med par mos pas dril bu dkrol zhing lag pa na gnas pa'i rdo rjes shar sgo nas brtsams te/ tshangs pa'i thig gi lam nas gtso bo'i gnas kyi bar dbyi zhing / rang gi mgo bo la rdul tshon cung zad blugs nas pad+ma la sogs pa dbyi bar bya'o//de nas sgo rnams dang zur rnams lag pa na gnas pa'i rdo rje'i rtse mos gzhig par bya'o/ /de nas oM badzra kI la ya ud kI la ya ud kI la ya sarba kI lan badzra d+ha ra A dz+nyA ya hUM hUM hUM hUM phaT hoHzhes pa hUM bzhi pa'i sngags kyis phur ba rnams bton la/ oM ru ru spu ru dz+wa la tiSh+Tha sid+d+ha lo tsa ni sarba ar+tha sA d+ha ni swA hA/zhes pa'o ma la brgya rtsa brgyad bzlas pas bkru'o/ /phur pa'i lha rnams kyang gshegs su gsol lo/ /khung bu yang dgang ngo / /zhi ba la sogs pa rngon du gnyer ba la rdul tshon cung zad byin nas rdul tshon gzhan thams cad rnam par rgyal ba'i bum pa gzhan gsar ba gos kyis brgyan par blugs te glang po che'i steng ngam/khyogs la bzhag la yon bdag gis byin pa'i ras kyis brgyan pa'i rnal 'byor mas bzung ba'i 'do li la zhon pa'i slob dpon nam slob mas dril bu'i sgra dang / bkra shis kyi glu dang / rol mo'i sgra dang / gdugs dang / rgyal mtshan dang /mchod pa rnams dang ldan pas khyer te 'bab chu chen po dang / mtsho chen po'am/ mtsho bran chu zab mo'i 'gram du 'dug la/ ba lcis byugs la dri dkar pos maN+Dal byas te/ pad+ma'i lte ba la rdo rje sems dpa' dang / 'dab ma la klu rnams snga ma bzhin mchod de/ klu gtor gyi sngags kyis 'o ma'i gtor ma phul nas mchod de/klu rnams la byin gyis brlabs pa'i rdul tshon gtad de chu la bskur bar bya'o/ /klu rnams kyis kyang bkur sti chen pos sa 'og gi phyogs bzhir khyer bar bsam mo/ /gang du rdul tshon khyer ba'i bum pa de chus bkang nas de kho na bzhin du khyer te/ des zhi ba'i don du dkyil 'khor khang pa la sogs par gtor bar bya'o//ba lcis byugs pa'i dkyil 'khor gyi khang par gzhon nu ma rnams la 'o thug gi ston mo bya'o/ /de nas slob dpon gyis ni nor mkho ba'i yo byad kun bsdus nas/ rang nyid kyis ni spyad par bya/ /slob ma sogs kyis cung zad min/ /rmang 'dzugs pa dang rab gnas dang /sbyin sreg 'khor lo'i nor gang yin/ /de kun slob ma'i kho na'o zhes/ /rdo rje sems dpa' mchog nyid gsungs/ /yon bdag gis ni rab gnas byas pa'i sku gzugs la sogs pa bskyod du rung ba rol mo'i sgra la sogs pa'i mchod pas rang gi gnas su khyer la mchod par bya'o//slob dpon dang / sgo'i slob dpon rnams dang / las kyi rdo rje can dang / rnal 'byor ma rnams dang / bzo bo rnams ji ltar rigs par nus pa ji lta bar gos la sogs pa rnams dang / so rtsi la sogs pas tshim par bya'o/ /dge 'dun gyi ston mo dang / tshogs kyi 'khor lo bya'o/ /dman pa dang mgon med pa rnams kyang tshim par bya'o zhes pa//dkyil 'khor nye bar bsdu ba la sogs pa'i cho ga'o// //de ltar 'di ni bri bar bya ba'i dkyil 'khor gyi cho ga'o/ /bri bar bya ba'i cho ga 'di yang yid kyis bsgrub pa'i cho ga kho nas 'bras bu dang ldan no zhes bya bas yid kyi cho ga kho na mchog yin no//de nyid kyi phyir dkyil 'khor gyi bdag po'i gzugs kyis sa yongs su bzung ba la sogs pa dang / sku gzugs la sogs pa'i rab gnas dang / slob ma dbang bskur ba dang / gshegs su gsol ba dang / zhi ba'i sbyin sreg gi mthar thug pa thams cad kyi yid kyis bya'o/ /de nyid kyi phyir gang gi tshe 'di thams cad yo byad 'ga' zhig dang bral bas/bya bar mi nus pa'am/ mi rig pa'am mi rnyed pa de'i tshe bsgoms la bya'o/ /phyi rol gyi dngos po yod pa la yang bsam gtan kho na gtso bo yin no/ /'on kyang 'jig rten pa'i lta ba dang / sbyin pa la mngon par dang ba la sogs pas bsod nams 'phel ba'i ched 'ba' zhig tu phyi'i cho ga 'dod do//tshogs pa dang bral ba yi ni bsgom pa kho nas cho ga thams cad bsgrub par bya'o zhes sngon gyi slob dpon rnams kyis gsungs so/ /de'i phyir las dang po pas kyang sems brtan pas yid kyis sprul pa'i dkyil 'khor du snga ma bzhin rab gnas dang /skal pa dang ldan pa dbang bskur bar bya'o/ /de ltar yang dpal sangs rgyas thod pa'i rgyud las/ shes rab pad+ma'i nang dbus su/ dpag tshad bye ba'i dkyil 'khor ni/ rigs gsum dkyil 'khor de dbus su/ /mkhas pas blo bzang dbang bskur bya//zhes gsungs so/ /gzhan du yang / yid kyis 'ga' zhig nyid du ni/ /rgyal bas dkyil 'khor bya bar bzhed/ /ces gsungs so/ /yid kyi dkyil 'khor gyi cho ga'o// //'dir brjod pa'i cho ga rnams dang / bya ba gzhan rnams la yang dang po dang mthar bgegs nye bar zhi ba'i ched du gtor ma sbyin no//de la rim pa ni 'di yin te/ dang por slob dpon cod pan la sogs pa ji ltar rnyed pas brgyan pa/ dpal rdo rje sems dpa'i gzugs kyi mdun du pi Da la sogs pa'i snod chen po rnams su zan dang / khur ba dang / 'bras khur dang la du dang / chan thug la sogs pa dang nya dang sha dang /btsong dang / sgog skya dang / chang dang / chu dang / 'o ma la sogs pa'i me tog la sogs pa dang ldan pa bla re la sogs pas brgyan pa rol mo'i sgra la sogs pa mdun du bdar la/ zan dang chu la sogs pa tsam yang rung ste/ ji ltar rnyed pa bkod pa/ bza' ba dang / bca' ba dang / bldag pa dang / btung ba rnams sbyang bar bya'o/ /de la yaM las byung ba'i rlung gi dkyil 'khor gyi steng du raM las skyes pa'i mer/ AHlas byung ba'i pad+ma'i snod dkar po oM AHhUM las byung ba'i mgo bo gsum pa la gnas pa der zan la sogs pa hUM bUM aM hrIHkhaM b+h+rUM hUM hrIHtrAM gi yi ge las byung zhing des byin gyis brlabs pa'i bdud rtsi dang sgron ma lnga'i ngo bo ha hoHhriH'i yi ges rim pa bzhin tha mal pa'i kha dog dang dri dang /nus pa bsal nas rlung gis bskyod pa'i me 'bar bas gdungs pas yi ge la sogs pa zhu bar gyur nas/ de'i rlangs pa las byung ba'i hUM las skyes pa'i rdo rjes mtshan pa'i kha TI ga zhu nas der lan gsum du phab pas bdud rtsir gyur pa de'i steng du oM las byung ba'i zla ba la gnas pa'i om AHhUM gi yi ge'i 'od zer rnams kyis phyogs bcu na bzhugs pa'i de bzhin gshegs pa rnams kyi byang chub kyi sems kyi bdud rtsi dang /rgya mtsho la sogs par gnas pa'i bdud rtsi dang yi ge gsum dang zla ba dag kyang der bcug nas/yi ge gsum gyis lan gsum du dngul chu bzhin shin tu dngas par byin gyis brlab po/ /bdud rtsi bsgrub pa'o/ /de nas bsdus pa'i rim pa'i cho ga'am/ yan lag bzhi pa'i cho gas rim gyis sam/ skad cig gis rdo rje sems dpa'i gzugs kyi mdun du dri bzang po la sogs pas maN+Dal byas par rang rang gi dkyil 'khor gyi dbang po la sogs pa'i de bzhin gshegs pa la sogs pa thams cad yang dag par mchod nas/mi bskyod rdo rje zhes pa la sogs pas bstod de rang gi snying ga'i sa bon gyi 'od kyis khro bo dang bcas pa'i srung ba'i 'khor lo rtsibs bcu pa'i lte ba la gnas pa'i gzhal yas khang gi nang na bzhugs pa'i dkyil 'khor dang /dbang po la sogs pa rnams 'khor dang bcas pa dang / klu rnams dang / sems can thams cad bkug nas dbang po la sogs pa rnams skad cig gis 'od gsal du bcug pa'i rjes la 'dus pa'i lha shes rab dang bcas pa'i gzugs su bsams nas/mdun du zhabs bsil la sogs pa dbul ba sngon du 'gro bas/ dril bu dkrol zhing rdo rje gsor te stong pa nyid dang snying rje dbyer med pa'i byang chub kyi sems su lhag par mos pa dang 'khor gsum yongs su dag pas gtor la/oM AHche ge mo badzra zhes rang gi 'khor lo'i dbang po la sogs pa gnod mdzes kyi bar gyi lha rnams re re zhing bos nas de'i sa bon yang brjod de/ sarba duSh+TA na sa ma ya mU trA pra b+haM dza ka ma ma shAn+ti kuM ru tsa ku ru swA hA hUM dang / oM AHsarba d+r+ya d+h+wa dza da sha dika /lo ka d+hA twa nan+ta ga ga na/ sa mu dra me g+ha byU ha pra sa ra/pa ra mA Nu rdzo maN+Dal/ pa raM pa ra an+ta rga ga ta/ sa mA ba t+ti a ba s+thi tA/ d+harma d+hA tu sa ma ba sa ran+ta/ A kA shA d+hA tu par+ya ba sA nA/ sarba t+r+ya d+h+wa dza da sha di ka/ lo kA d+hA twa nan+ta/ me g+ha byU ha pra sa ra ga gan/ sa mAHsarba lo ka pA lAHsarba sa twA sh+tsa/ tad+ya thA/ badzrA yu d+ha mA yA badzra badzrA na la/badzra kA la badzra mu Sha la nA ga badzra/ badzra a nA li/ badzra b+hai ra ba/ badzra shauN+Da/ badzra krod+ha/ badzra kuN+Da li/ badzra pra b+ha/ mau na badzra/ be ma tsi tri/ pr-i thi bI de ba traHsa pa ri wA raHi maM puSh+pa/ d+hU pa/ dI pa/ gan+d+he nai bit+ya a dI saM yuk+taM/ ba li u ba ha raM/ pra tIts+tsha u pa b+hu dz+nya/ ma ma hi ra N+ya su war+N+Na d+ha na d+hA N+ya/A yuHyau ba na a ro gya/ sa tu kha a pa ha ra kA sarba big+h+nAM bi nA ya kA na/ sarba duSh+Ta pra duSh+Ta na/ ma nu Sh+ya Na a ma nu Sh+ya Na dzaM b+ha ya ta/ staM b+ha ya ta/ ban+d+ha ya ta/ bi d+h+waM sa ya ta/ ma ma hi ra N+ya su pa r+Na d+ha na d+hA N+ya A yu ra yau ba na/ a ro gya sa hUM khA ni ma hA su kha pra pr-i d+ha ye/ yA ba da A bo d+ha maN+Dal par+yan+taM/d+ho ka ya da sa ta sa hA ya taM/ shAn+tiM rak+Sha ny+tsa ku ru ta hUM zhes pa'i sngags dag gis dang / klu gtor gyi sngags kyis kyang dbul lo/ /de rnams kyang dkyil 'khor gyi bdag po nas brtsams te gnod mdzes kyi bar dang / de nas dbang po la sogs pa 'khor dang bcas pa dang / de nas klu rnams dang /de nas sems can thams cad lce hUM las byung ba'i rdo rje rtse gcig pa dmar po rnams de'i 'od zer gyi sbu gu rnams kyis sam/ yid kyis bdud rtsi drangs pa gsol bas bde ba chen po'i rang bzhin stong pa nyid dang ro gcig par ji srid 'dod kyi bar bsam par bya'o/ /zhal bsil dang /phyag bkru ba dang / so rtsi la sogs pa byin nas mchod de/ bya ba sgrub pa la lhur byed pa rnams la bzod bar gsol te/ sngar brjod pa'i yi ge brgyab bzlas nas/ oM yo ga shud+d+haHsarba d+harmA yo ga shud+d+hou0f85haM/ zhes brjod cing pad skor dang 'khyud pa'i phyag rgya byed pas rang gi lha'i 'khor lo b dag nyid la bcug nas/srung ba'i 'khor lo na gnas pa'i khro bo bcu dang / dbang po la sogs pa bsrung ba la sogs pa mngon par 'dod pa bsgrub pa lhur byed pa rnams dkyil 'khor gyi khang pa'i phyi ngos su phyogs bcur dkyil 'khor gyi las rtsom pa nas brtsams te/ ji srid mthar thug pa'i bar du dgod par bya'o//rdul tshon gyi dkyil 'khor gshegs su gsol ba'i rdo rjes la ni de ltar gtor ma btang ba la sogs pa byas nas khro bo rnams kyang bdag nyid la bcug nas se gol gsum gtog cing dbang po la sogs pa rnams gnas ji lta ba bzhin gshegs su gsol lo//gzhan du yang nyi ma so so'am thun so so la gtor ma ster ba na de ltar ro/ /'di ni gshegs su gsol ba'i sngags te/ oM khyed kyis sems can don kun mdzad/ /rjes su mthun pa'i dngos grub gnang / /sangs rgyas yul du gshegs nas kyang / /slar yang 'byon par mdzad du gsol//muHzhes pa dang / oM AHhUM a kA ro mu khaM sarba d+harmA NAM A d+ya nut+pan+na twA ta hUM muHzhes pa'am/ oM AHhUM badzra muHzhes pa 'don zhing gshegs su gsol lo/ /'dir zhi ba la sogs pa bya ba gtso bo'i dbye bas dus dang phyogs dang / kha dog gi dbye ba rtogs par bya'o/ /dkyil 'khor gyi khang pa la sogs pa'i phyi ngos shar la sogs pa'i phyogs su khro bo bcu'i sa'i gong bu dang nye bar mdun du gtor ma zan la sogs pa bskon pa la sogs pa bkang ba'am/kham phor rnams sam snyim pas dbul bar bya'o/ /sa'i gong bu rnams las phyi ngos su sa'i gong bu bco lnga rnams dang / de med na maN+Dal rnams kyi steng du dbang po la sogs pa bco lnga rnams la phyogs brgyad du sbyin no//dbang po'i g.yas phyogs su sgyu ma rdo rje ste khyab 'jug la'o/ /rdo rje 'jigs byed ni lus ngan te de'i g.yas logs su log 'dren la'o/ /rdo rje khro bo ni dbang ldan te dbang ldan dang nye dbang gi dbus su nyi ma dang zla ba dang tshangs pa rnams la'o//chu lha dang bden bral gyi bar du thags bzangs ris dang sa'i lha mo dag la'o/ /dbang po la sogs pa'i 'phan bco lnga ni rang rang gi kha dog ste rang rang gi phyogs su'o/ /dbang po la sogs pa'i sa'i gong bu rnams las phyi rol du sa'i gong dbu brgyad dam ba lcis maN+Dal byas pa rnams su klu rnams la kham phor du'o thug la sogs pa sbyin no//phyi rol du yang gtor ma zan la sogs pa dang / mar dang / sbrang rtsi dang / chu dang / 'o ma dang / chang gi rgyun rnam pa lnga g.yas su gtor ro/ /gzhan gyi don du gtor ma sbyin pa ni sngags la ji ltar yod pa'i bdag la'am bdag gi zhes bya ba ni ji ltar gnas pa nyid bklag par bya'o//de yang bdag nyid du mos par bya'o/ /'di la phan btags pa ni bdag nyid la phan btags par 'gyur ro zhes pa'i bsam pas de'i bya ba 'grub par 'gyur ro/ /bar du yang de'i don du go bar bya'o/ /'dus pa'i 'byung po thams cad pa'i gtor ma'i cho ga'o// //d+harma d+ha tu sa ma ba sa ra NA zhes pa la sogs pa ni stong pa nyid dang ro gcig pa dang / stong pa nyid kyi mthar thug pa zhes pa'i don to/ /gtor ma'i cho ga 'di la khro bo bcu bo rnams kyi gtor ma ni so so rang gi sngags rgyud du gsungs pa rnams kyis shin tu khyad par du bsngags so//sngags de rnams kyang 'dir mangs pas 'jigs pas ma brjod do/ /yang na dpal 'khor lo sdom pa'i gzugs kyis dri zhim po la sogs pas maN+Dal byas pas rang gi 'khor lo mchod nas rkang pa brgyad pa'i sngags kyis bstod de/ rang gi snying gar gnas pa'i hUM gi 'od zer rnams kyis khro bo dang bcas pa'i srung ba'i 'khor lo rtsibs bcu pa'i lte bar chud pa'i gzhal yas khang gi nang na gnas pa'i dkyil 'khor dang /srung ba'i 'khor lo'i phyi ngos su phyogs rnams su dbang po la sogs pa 'khor dang bcas pa dang / sems can dpag tu med pa rnams nam mkhar bkug nas dpral ba'i steng du 'bar ba'i phyag rgya bcas te 'gying ba dang bcas nas phaT ces lan gsum brjod nas/ dkyil 'khor gyi mdun du spyan drang ngo / /oM ka k+ka kaD+D+ha na bab+ba b+n+d+han/ kha kh+kha khA da na sarba du Sh+DA nAn ha na ha na/ g+ha g+ha g+hA ta na che ge mo'i sha n+tiM ku ru hUM hUM phaT phaT dzaHswA hA/zhes pa 'dis dbang po la sogs pa bkug nas skad cig gis stong pa nyid du bcug pa'i rjes la shes rab dang bcas pa'i bde mchog gi lha'i skur bsgoms nas zhabs bsil la sogs pa dbul ba sngon du 'gro bas snga ma bzhin 'khor gsum yongs su dag pas lag pa g.yon pa'i mthil du zla ba la gnas pa'i hUM las skyes pa'i sna tshogs rdo rje'i lte bar snga ma lta bu'i bdud rtsi'i snod bkod nas sam bsgoms te/lag pa g.yas pa rdo rje khu tshur byas pa'i sdigs mdzub brkyang bas de ston zhing / bcom ldan 'das dang de'i shes rab ma dang /mkha' 'gro ma la sogs pa dang / khwa gdong ma la sogs pa rnams la ji ltar rigs par phyogs rnams su g.yon skor dang / mtshams rnams su g.yas skor du me nas brtsams te bskor zhing / oM badzra DA ka i maM ba li gr-ih+Na gr-ih+Na hUM phaT/ oM dzaHhUM baM hoHsa ma ya s+t+waM dr-i sh+ya hoH zhes pa'i sngags lan gcig dang /gnyis dang gsum dang / bzhi dang / lnga brjod pas phul nas/ 'khor lo gsum gyi lha rnams la/ oM ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM hraHhraHpheM pheM/ phaT phaT/ da ha da ha/ pa tsa pa tsa/ b+ha k+Sha b+ha k+Sha ba sa ru d+hi ra an+t+ra mA la ba laM bi ni gr-ih+Na gr-ih+Na sap+ta pA ta la ga ta b+hu dzaM ga sar+paM wA ta rdza ya ta rdza ya/A kaD+D+h+ya A kaD+D+h+ya/ hriM hriM/ dz+nyauM/ dz+nyauM/ k+Sh+mAM k+Sh+mAM/ hAM hAM/ hIM hIM/ hUM hUM/ ki li ki li/ si li si li/ hi li hi li/ d+hi li d+hi li/ hUM hUM phaT phaT swA hA zhes pa'i sngags lan cig brjod pas dbul lo/ /de nas srung ba'i 'khor lo'i rtsibs la gnas pa'i khro bo bcu la/oM badzra d+h+raM ka badzra hUM kA ra badzra hUM phaT/ oM badzra daN+Da badzra hUM phaT/ oM badzra a na lA rka badzra hUM phaT/ oM badzra kuN+Da li badzra hUM phaT/ oM badzra yak+Sha badzra hUM phaT/ oM badzra kA la badzra hUM phaT/ oM badzra ma hA bA la badzra hUM phaT/ oM badzra b+hI Sha na badzra hUM phaT/ oM badzra uSh+NI Sha tsakra brti badzra hUM phaT/oM badzra pA ta la badzra hUM phaT ces pa'i sngags bcu'i hUM phaT ces pa'i gong du/ i maM ba liM gr-ih+Na gr-ih+Na che ge mo'i shAn+tiM rak+Sha tsa ku ru zhes bcug la lan re re brjod pa rnams kyi bskor phyogs gnyis dang / steng dang 'og tu dbul lo/ /de nas de'i phyi rol du dbang po la sogs pa rnams la/ oM kha kha khA hi khA hi sarba yak+Sha rAk+Sha sa b+hU te pre ta pi shA tsa un+mA da a ba smA ra DA ka DA ki n+yA da ya/i maM ba liM gr-ih+Nan+tu sa ma ya rak+Sha n+tu/ sarba sid+d+hi m+me pra yats+tsha n+tu hUM hUM phaT swA hA/ zhes pa 'di lan bzhi brjod pas bskor phyogs gnyis dang / steng dang 'og tu dbul lo/ /'dir yang de rnams dang dkyil 'khor gyi bdag po nas brtsams te gnod mdzes kyi bar du zhes pa la sogs pa sngar brjod pa shes par bya'o//yi ge brgya pa ni 'dir gzhan te/ oM badzra he ru ka sa ma ya/ ma nu pA la ya/ he ru ka twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/sarba karma su tsa me/ tsit+taM shre yaHku ru hUM/ ha ha ha ha hoHb+ha ga wAn badzra he ru ka/ mA me muny+tsa he ru ko b+ha wa/ ma hA sa ma ya satwa AHhUM phaT ces pa'o/ /'dir brjod pa'i khro bo bcu mngon par brjod pa bla mar gsungs pa rnams kyi phyag dang / phyag mtshan la sogs pa rdzogs pa'i dkyil 'khor gyi phreng ba'i bde mchog gi dkyil 'khor du shes par bya'o//rgya cher bcom ldan 'das kyi bsgom pa'i rim pa gdams pa dang bcas pa ni bdag gis bde mchog gi mngon par rtogs pa'i sgrub thabs su gsal bar byas so zhes pa bde mchog gi 'byung po thams cad pa'i gtor ma'i cho ga'o// //yang na kye rdo rje'i gzugs kyi snying ga'i hUM gi 'od zer gyis khro bo dang bcas pa'i srung ba'i 'khor lo rtsibs bcu pa'i lte ba'i nang na gnas pa'i gzhal yas khang gi nang na gnas pa'i dkyil 'khor dang / srung ba'i 'khor lo'i phyi ngos su phyogs rnams su dbang po la sogs pa 'khor dang bcas pa dang /sems can dpag tu med pa rnams bkug nas dbang po la sogs pa rnams 'od gsal du bcug ste/ shes rab dang bcas pa'i he ru ka'i gzugs su gsal bar gyur par bsams nas/ zhabs bsil la sogs pa dbul ba sngon du 'gro bas snga ma bzhin du dag pas gtor ma/oM de ba pi tsu badzra i maM ba liM gr-ih+Na gr-ih+Na che ge mo'i shAn+tiM rak+Sha tsa ku ru hUM hUM hUM phaT swA hA/ zhes pa'i sngags kyis bcom ldan 'das la dbul lo/ /oM AHne rAt+ma ya zhes pa la sogs pa mtshan nas brjod cing de rnams kyi sa bon yang brjod de/ i maM ba liM gr-ih+Na gr-ih+Na che ge mo'i shAn+tiM rak+Sha tsa ku ru swA hA hUM zhes pa 'dis bdag med ma la sogs pa rnams la'o//na maHsa man+ta bud+d+he b+h+yo/ na mo badzra mung+ga ra ha tA ya tsaN+Da la ak+She pa ka rA ya hUM phaT/ na maHsa man+ta bud+d+he b+h+yo ma hA daN+Da d+ha ra bi bi d+ha su ra a su ra mard na b+hU tA na ni rma tha hUM phaT/ na maHsa man+ta bud+d+he b+h+yo hu lu hu lu ma hA pad+ma a mr-i ti ku ru ma hA bi shaM ka AHna maHsa man+ta bud+d+he b+h+yo na mo badzra kro d+hA ya ma hA daM Sh+To t+kaT b+hai ra bA ya/badzra san+ho ha dar+pA ya a mr-i ta kuN+Da li hUM/ na maHsa man bud+d+he b+h+yo na mo a la la kA Na tseT+Ta tseT+Ta moT+Ta moT+Ta tuT+Ta tuT+Ta/ g+ha g+ha g+hA ta ya/ g+hA ta ya hUM phaT/ na maHsa man+ta bud+d+he b+h+ye/ / Ta k+ki hUM dzaHna maHsa man+ta bud+d+he b+h+yaHoM ya ma daN+DA ya/ nI la ya ni la da N+DA ya tu ru tu ru/ mu ru mu ru sarba duSh+TAM mA ra ya hUM phaT/ na maHsa man+ta bud+d+he b+h+yo/ na maHma hA ba lA ya/ u ts+tshuSham kro d+ha ra dzA ya/ sarba nA ga nAM hri da yaM tA Da ya hUM phaT/ na maHsa man+ta bud+d+hA nAM/ na maHsa man+ta d+ha rmA NAM/ na maHsa ma n+ta saM g+hA nAM/oM si tA ta pa tre/ oM bi ma la/ oM shaM ka ra/ oM phra t+yaM gi ra/ badzra uSh+NI Sha tsa kra warti/ sarba yan+t+ra/ man+t+ra/ mU la karmA ban+d+ha naM/ tA Da naM/ kI la nAM wA/ ma ma kri te/ ye na ke na tsi ta kri taM ta ta/ sarbAn+tu/ ts+tshin+da ts+tshin+da/ b+hin+da b+hin+da/ tsi ri tsi ri/ gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM/phaT phaT phaT/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya hoHb+ha ga wAn bid+yA rA dza hUM phaT/ ces pa'i sngags bcus shar la sogs pa dang / dbang ldan la sogs bar g.yas skor du dang / steng dang 'og tu gshin rje gshed la sogs pa'i khro bo bcu ba mkha' 'gro ma rdo rje gur du gsungs pa rnams la'o//oM in+da/ dza ma/ dza la/ dzak+kha/ b+hU ta/ bah+ni/ bA u/ rak+kha/ tsan+da/ sudz+dza/ mA da/ pap+pa/ ta la pA tA le/ aT+Ta sap+pa swA hA/ i daM ba liM/ b+huny+dza/ dzig+ha phul+la/ d+hU pa/ mAM sa/ piM g+ha/ aM b+ha/ sap+pa/ kadz+dza sA da/ khan+ti khu Ni phe Da gA da swA hA/oM a kA ro mu khaM sarba d+ha rmA nAM Ad+ya nut+pan+na twA ta oM AHhUM phaT swA hA/ zhes pa'i sngags kyis dbang po la sogs pa rnams la'o/ /in+da zhes pa la sogs pa bod tshig rnams ni rang rang gi phyogs kyi sems can dpag tu med pa mtshon par byed pa'o/ /gA da zhes pa ni lus la'o//'dir yang de rnams kyi dkyil 'khor gyi bdag po nas brtsams te gnod mdzes kyi bar du zhes pa la sogs pa 'dus pa'i gtor ma'i cho gar brjod pa ni 'dir yang shes par bya'o/ /'dir khro bo'i sngags rnams kyi yi ge hUM rnams dang / yi ge hUM aH'i gong du i maM ba liM gr-ih+Na gr-ih+Na zhes brjod par bya'o//khro bo rnams kyi kha dog dang / phyag mtshan la sogs pa rnams ni rdzogs pa'i rnal 'byor gyi phreng bar 'jam pa'i rdo rje'i dkyil 'khor ji lta ba bzhin no/ /kye rdo rje'i 'byung po thams cad pa'i gtor ma'i cho ga'o// //gtor ma'i cho ga rim pa gsum pa 'di yang bskyed pa'i rim pa la'o//rdzogs pa'i rim pa la ni shes rab dang thabs las sems ma g.yos ba bsam pa tsam gyis spyan drangs pa'i shes rab dang thabs kyi rang bzhin rang gi 'dod pa'i dkyil 'khor gyi dbang phyug la sogs pa'i lha dbang po la sogs pa dang bcas pa rnams la ye shes kyi ro dang tha mi dad pa'i gtor ma dbul ba ni gtor ma'i cho ga'o// //dpal yang dag par sbyor bar gsungs pa'i rdo rje sems dpa' dang bde mchog dang / ye shes kyi DA ki ma rnams kyi gtor ma'i cho ga rgyas pa dang / kha dog dang / phyag rgya dang / phyag mtshan la sogs pa shin tu rgyas par man ngag gi snye mar brjod do//khro bo rnams dang dbang po la sogs pa rnams kyi yang ngo / /'dir gal te rdul tshon gyi dkyil 'khor bri ba la sogs pa nas 'og nas chu rdol ba dang me dang / rlung dang / sprin dang thog dang / mi dang lha dang lha ma yin gyi sde dang glang po la sogs pa bgegs kyi rnam par 'tshe ba lhas byas pa'am mi la sogs pa gzhan gyis byas pa 'byung ba srid de/de'i tshe cho ga bzhin du rdo rje'i rang bzhin gyis gzhi dang / ra ba dang dra ba dang mda'i ra ba dang bla re'i nang gi nam mkha' la gnas pa'i rtsibs kyi rtse mo la brtan par gnas pa'i khro ba bcu shin tu 'jigs par byin gyis brlabs pa'i rtsibs bcu pa'i 'khor lo ser po g.yas skor du 'khor ba'i lte ba'i dbus su gnas pa'i gzhal yas khang gi rnam par dkyil 'khor gyi khang pa skad cig gis so sor shin tu brtan par mos par bya'o//rdo rje'i rang bzhin gyi sa gzhil sogs pas bgegs thams cad bzlog par bsgom mo//yang na nye bar 'tshe ba so so la rta mchog la sogs pa'i sbyor ba rnams bya ste/ de rnams kyang man ngag gi snye mar gsal bar bstan pas gzhung mangs kyis dogs pas 'dir ma brjod do/ /gang zhig rgyun mi 'chad par snying rje chen po dang ro gcig pa'i stong pa nyid kyi ting nge 'dzin goms par byed pa de la ni bgegs dpag tu med pa rnams kyang zhi bar 'gyur te/de'i ched du rim pa 'di dag ma yin no/ /gang yang dkyil 'khor gyi 'khor lo stong pa nyid dang ro gcig par shin tu brtan par sgom par byed pa de la ni bgegs thams cad dang /nyes pa gzhan rnams kyang 'bad pa med par 'gyur te/ rmi lam du yang mi snang ngo / /de'i don du yang rim pa 'di ma yin no/ /bgegs bzlog pa'i cho ga'o// //'di gtor ma dang dkyil 'khor dang sa sbyang ba la sogs pa'i bya ba kun la rdo rje la sogs pa bzung ba sngon du 'gro bas de dag gi mtshan nyid brjod par bya'o//de la rdo rje rtse lnga pa cha gsum du mnyam pa'i dbus kyi sum cha'i tshad du lte ba ste zur brgyad pa'o/ /ra rnams ni bzhi pa rtse mo gug pa'o/ /ra'i dbus kyi 'og ni zlum po'o/ /ra dbus ma ni drang zhing zur bzhi pa rno ba rked dkris gsum dang ldan pa nas kyi dbyibs so//'di'i rtse mo dang phyogs kyi ra'i rtse mo rnams kyi bar ni nas tsam ste ra thams cad phan tshun mnyam pa'o/ /dbus ma ni cung zad lhag pa'o/ /ra rnams kyi 'og chung zad phra ba'o/ /dbus de las sbom pa'o/ /steng gi ra 'og gi cha bas phra ba'o/ /dbus kyi cha yang dbus sbom zhing mtha' gnyis de bas phra ba'o//zla ba la gnas pa'i ri mo gsum gyis bskor ba'i rtsa ba can ra dbus ma ma gtogs pa'i shar la sogs pa'i rwa rnams ni chu srin gyi so'i bar rnams su gnas pa'o/ /'di'i sna ni steng du 'bras so ba'i lkog sa pa'i phyed kyi tshad do/ / chu srin gyi gdong ni rwa'i bzhi cha'o/ /chu srin gyi gdong ni phyed du 'od zer dang bcas pa'i zla ba'i steng du bskor ba'i re khA'i mu khyud do/ /ske rags de'i dbus kyi cha ni cung zad lhag par bya'o/ /cha lhag ma dag ni phan tshun mnyam zhing rim gyis nyis 'gyur du mtho ba'o/ /bskor ba yang rdo rje'i phyed kyi cha ste bskor ba'i tshad gnyis kyang rdo rje'i srid du'o//zla ba'i 'og tu pad+ma'o/ /pad+ma'i 'og tu rin po che'i phreng ba phra mos bskor ba'o/ /de'i 'og tu ska rags kyi ri mo dang 'od zer yang ji ltar rigs par blta bar bya'o/ /rno ba dang rtul ba dang kha gyes pa dang / zhi ba'i dbye bas rnam pa gnyis so/ / sor bzhi nas brtsams te sor nyi shu'i bar du rdo rje rab tu grags so/ /kha cig ni ji ltar 'dod par ro zhes so/ /dril bu ni cha gsum mnyam pa rdo rje dang rjes su mthun pa'i tshad do/ /de'i 'og gi cha gsum pa ni kha nas brtsams nas khar ba'i dag pa'i rang bzhin du bya'o/ /de'i steng gi cha/ / gnyis ni gser la sogs pa las byas pa'o/ /de'i khar ba'i dbus kyi nam mkha'i rgya dang / mchur mnyam pa'o/ /mchu las steng du ske rags kyi dbus su rdo rje la sogs pa'i phreng ba'o/ /bdud rtsi'i bum pa'i 'og tu gdan gru bzhi pa'o/ /de'i 'og tu phreng ba gsum mo/ /de'i 'og tu pad+ma'o/ / de'i 'og tu ska rags gnyis kyi dbus su ji ltar rigs par rdo rje la sogs pa'i phreng ba'o/ /de'i 'og tu rin po che sna tshogs pa'i dra ba dang dra ba phyed pa'o/ /dra ba'i nang brgyad la mtshan ma brgyad de/ shar la sogs pa'i phyogs su 'khor lo dang / rin po che dang / pad+ma dang / ral gri'o/ / me la sogs pa'i phyogs min du spyan dang / rdo rje dang / pad+ma dang / ut+pala'o/ /bar bar du ku mu ta dang / ut+pal dang / pad+ma dang / rin po che dang / pa tra dang / myu gu la sogs pa ji ltar mdzes pa'o/ /bum pa'i tshad du shes rab kyi zhal lo/ /zhal gyi steng du sngar gyi rdo rje phyed lta bu'i rdo rje phyed do//'dir dril bu kha cig ni kha chu skyes cung zad kha dbye ba can no/ /kha cig pad+ma'o/ /kha cig ni ba'i kha lta bu'o/ /'dir rdo rje dbus dang shar la sogs pa'i ra lte ba'i mthar thug pa rnams la mi bskyod pa dang / rnam par snang mdzad la sogs pa bsgom par bya'o//yang na dbus su rnam par snang mdzad do/ /shar la sogs pa'i 'dab mar byams pa dang sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / 'jam pa'i dbyangs dang / sgrib pa rnam par sel ba dang /kun du bzang po rnams te/ cha brgyad pa la rdo rje sems dpa'o/ /pad+ma gzhan gyi shar la sogs pa'i 'dab ma la rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje 'bebs ma'o/ /me la sogs par tsun+da dang / rin chen skar mda' dang / rdo rje lcags sgrog ma dang /gzhan gyis mi thub ma rnams so/ /phyogs gzhan gyi ra rnams la ni dbus su ye shes mkha' 'gro ma dang / shar du rdo rje mkha' 'gro ma dang / byang du mkha' 'gro ma drag mo dang / nub tu rdo rje ro langs ma dang / lhor gtum mo'o/ /dril bu'i steng du kha 'og tu phyogs pa'i pad+ma'i 'dab ma rnams la g.yas skor du phyogs su spyan ma dang /mA ma kI dang / gos dkar mo dang / sgrol ma dang / mtshams su nor rgyun ma dang / tsun+da dang / khro gnyer can dang / rdo rje phreng ba ma rnams so/ /bum pa'i nang du shes rab kyi pha rol tu phyin pa'i sku dang / steng du zhal lo/ /de'i steng du pad+ma dang rdo rje ni snga ma bzhin no//mi bskyod pa la sogs pa lha 'di rnams kyi sa bon dang mtshan ma dang / phyag la sogs pa ni man ngag gi snye mar brjod do/ /de nas dam tshig sems dpa'i lha bskyed nas snying ga'i sa bon gyi 'od zer gyis ye shes sems dpa'i lha rnams spyan drangs nas/ zhal bsil la sogs pa sngon du 'gro bas de rnams la bcug ste/cho ga bzhin du rab gnas byas nas mchod pa la sogs pa byas te/ lha rnams yongs su gyur pa las rwa la sogs pa'i gzugs bzhugs shing / rdo rje thabs kyi rang bzhin dang / dril bu shes rab kyi bdag nyid dang gnyis ka yang don dam pa'i byang chub kyi sems kyi rang bzhin zhes shin tu brtan par mos par byas nas/oM sarba ta thA ga ta sid+d+hi badzra sa ma ye tiSh+Tha e Sha twaM d+ha rA ya mi hiHhi hi hi hi hUM hUM hUM phaT swA hA/ zhes brjod cing rdo rje g.yas pa'i rgan po dang ming med dag gis dang / oM badzra g+haN+Da hUM zhes brjod cing dril bu g.yon pa dag gis bzung nas de g.yon pa'i dkur bzhag ste/rdo rje sems dpa' la sogs pa rnams mnyes par bya'o zhes lhag par mos shing yi ge hUM brjod pa sngon du 'gro bas/ so hi a badz+dza mul+la lu tA ra a satwa bi mok+Sha/ d+harma bi mok+ShaM kadz+dza hUM badz+dza huts+tsha a d+ha ran+tu hUM hUM hUM ho ho ho zhes brjod cing rdo rje gsor bar bya'o/ /de nas rdo rje g.yas pa'i dkur bzung ba'am gsor zhing /oM badzra d+harmA ra Ni ta pra ra Ni ta saM pra ra ni ta sarba bud+d+ha k+She tra pra tsA li ni pra dz+nyA pa ra mi tA nA da saM b+ha be badzra satwa hr-i da yaM san+to Sha ni hUM hUM hUM ho ho ho swA hA/ zhes brjod cing dril bu dbus kyi phyogs brgyad rnams su lce bskyod pas dkrol bar bya'o/ /dril bu dang rdo rje'i dbye ba rnams kyi mtshan nyid la sogs pa rgyas par ni man ngag gi snye mar brjod do zhes pa/rdo rje dang dril bu'i mtshan nyid la sogs pa'i cho ga'o/ /de ltar thub pa mchog rnams kyi ni gsung gi rgya mtsho zab mo ru/ /kha cig thos pa tsam yang mi 'jug 'ga' zhig gis kyang gting ma rnyed/ /snying rje dang bcas blo gros rgya chen mthu yis kho bos nang zhugs nas//dga' bar bya phyir bdud rtsi 'di ni nyer blangs bsten par gyis/ /'dir ni bsod nams gang zhig shar dang 'od chen gang zhig nang du 'bar/ /gnyis po de yis myur du phun sum tshogs pa rnams kyi 'byung gnas ni/ /'gro ba gsum pa mi 'jigs mnga' bdag sna tshogs lus can khro bo ni//dkyil 'khor rdo rje lha mo bde ba'i gzhi la 'du zhing rol bar shog /dkyil 'khor gyi cho ga rdo rje phreng ba zhes bya ba paN+Di ta chen po gnas brtan a b+ha yA ka ra gup+tas mdzad pa rdzogs so// //paN+Di ta de nyid dang lo tsA ba kher gad ban+de 'khor lo grags kyis 'gyur la/dus phyis lo tsA ba shes rab dpal gyis bcos shing slad nas paN+Di ta rat+na rak+Shi ta dang / rA hu la shri b+ha dra dang / ma Ni ka shrI dz+nyA na dang / chag chos rje dpal gyis bcos pa la slad nas dpang lo tsA ba blo brtan gyis mi bcos su mi rung ba rnams bcos nas dag par byas pa'o// //