བོད་ཡིག |
163b6 @##/ /rgya gar skad du/ ta mo ba na mu kha nA ma sU tra/ bod skad du/ mun gyi nags tshal gyi sgo zhes bya ba'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod
163b7 pa na rgyal bu rgyal byed kyi tshal mgon med zas sbyin gyi kun dga' ra ba na bzhugs te/de nas de'i tshe ngam grog gsum po zhes bya ba'i ljongs kyi skye bo dag gi nang nas ri khrod kyi grong zhig na/ bram ze la ba can zhes bya ba spun bu 'dod pa'i phyir bram ze'i rdo leb la dka' thub byed de/
164a1 lha stong phrag brgya la bu slong zhing gsol ba 'debs pa dang la ba can la bu btsas pa ni ming rab mthong zhes btags so/ /nu bo la btsas pa ni dga' bo zhes btags so/ /gang gi nyin mo rab mthong btsas pa de'i nyin mo bram ze lnga brgya la bu lnga brgya btsas te/ de
164a2 dag rim bzhin du bu cher skyes pa dang /rab mthong la sogs pa lnga brgya lhan cig tu rig pa dag slob pa na/ rab mthong la sogs pa rig pa'i gnas thams cad kyi pha rol tu son cing thams cad rdzogs par yang dag par byang bar gyur la/ bsod nams kyi tshogs yang
164a3 dag pa las byung ba'i spyod pa mtshungs pa med pa stong phrag brgya snyed thob ste/dbang byed pa gang gi dus su bram ze ma Na ba gcig yul dbus nas 'ongs te phyin nas phrad pa dang / de la gsong por smras te gtam dag kyang byas nas nges par gang nas 'ongs pa yin zhes dris
164a4 pa dang /des smras pa yul dbus nas 'ongs pa yin te de yang grong khyer chen po drug go/ /de'i nang dag na tshad ma drug la mkhas shing ltas kyi bya ba drug la thogs pa med par brjod nus pa'i ston pa bco brgyad yod de de na chu klung yang 'bab bo/ /de ma yin pa bsod
164a5 nams chen po dang ldan pa/dge zhing shis pa/ 'jig rten thams cad mkhyen pa/ sangs rgyas bcom ldan 'das kyang de na'o zhes byas pa dang / rab mthong gis sgra de thos pa dang / ba spu langs yid g.yos rab tu dga' ste der 'gro'o snyam nas/ pha'i gan du song ste
164a6 phyin nas yab bdag ni yul dbus su mchi'o//de nas mu stegs pa dag las rgyal bar bgyi'o/ /mkhas par bgrangs pa dag dang nges par lhan cig smra bar bgyi'o zhes gsol pa dang / phas de ltar gnang ngo / /de nas bsod nams chen po sbyin pas dbang
164a7 phyug chen po dang ldan pa/sems can thams cad la gtong ba chen po can de lha dag gis bsrungs pa zhig pas lha dag nye bar 'ong zhing sngon du 'gro ste/ rab mthong chen po la mchod pa byos shig dang / phan yon mang po dag gi 'bras bu chen po 'byung bar 'gyur ro/ /
164b1 zhes sgra sgrogs shing song ba dang / rim gyis lha dang mis mchod pa byas shing mnyan yod du phyin no/ /de nas lam gyis dub pa rta bstis te bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu
164b2 'khod do//de nas bcom ldan 'das kyis de dag la chos bstan pa mdzad de/ de'i 'khor lnga brgya po dag lta ba mchog tu 'dzin pa bshig bcom ste/ bden pa mthong ste de nyid du rab tu byung dge slong gi dngos po bzung ste/ nyon mongs pa thams cad bcom nas dgra
164b3 bcom pa mngon du byas te dga' bo ni ma gtogs so//skye bo mang po kun gyis kyang chos khong du chud do/ /ston pa chen po rab mthong lta ba'i phyir lha la sogs pa dag kyang 'ongs te der phyin pa dang / bcom ldan 'das kyis dge slong rnams la bka' stsal pa/ dge slong
164b4 dag dge slong rab mthong 'di ni nga'i dge slong dang dge slong dag gi nyan thos dag la ji ltar lha dang mi mchod pa byed pa de dag gi nang na lha dang mis mchod par bya ba'i mchog ni dge slong rab mthong yin no zhes bcom ldan 'das kyis bka' stsal to//de nas dus de nyid du mi
164b5 mjed kyi bdag po tshangs pa dang /lha rnams kyi dbang po brgya byin dang / 'jig rten skyong ba bzhi dang / gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon chen po la sogs pa rang rang gi gnas nas song ste/ tshe dang ldan pa
164b6 rab mthong chen po ga la ba der song ste phyin nas phyogs gcig tu 'khod de mngon du phyogs thal mo sbyar te 'di skad ces smras so//kye btsun pa rab mthong chen po sngon gyi bcom ldan 'das yang dag par rdzogs pa'i sangs rgyas gshegs shing bzhugs pa'i gnas rang sangs
164b7 rgyas kyi bzhugs gnas/'dod chags dang bral ba dag gis gnas par bya ba drang srong gi gnas su gyur/ de kho na nyid nges par mkhyen nas 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba 'jig rten du byung ste/
165a1 de'i tshe dge slong gsal ba zhes bya ba lha dang mis mchod pa'i mchog tu gyur pa de'i gnas kyang 'di lags te/ yul dbus las byang phyogs kyi sa mtshams kyi ri dung gi lte ba zhes bya ba ni ri de la rtswa'i rigs dung gi lte ba 'dra ba skye bas dung gi lte ba'i ri zhes bya bar
165a2 btags par gyur/ri de dang nye ba na nags shig na klu mo e ni zhes bya ba gnas pas ai ni'i nags zhes bya bar btags par gyur/ de na phug cig yod pa dang nye bar shing pa ti li zhes bya ba skye bas pa ti li'i phug ces btags par gyur pa de nyid du bcom ldan 'das yang
165a3 dag par rdzogs pa'i sangs rgyas rnam par gzigs zhes bya ba/'khor dgra bcom pa brgyad khri dang gshegs shing thabs cig tu bzhugs par gyur/ dge slong gsal ba yang de nyid na'o/ /de nas bcom ldan 'das 'khor dang bcas pa dag kyang rim pa bzhin du mya ngan
165a4 las 'das/bstan pa nub nas rang sangs rgyas bdun khri dag mngon par shes pa drug dang ldan pa dag mnyam du byung ste gshegs shing bzhugs par gyur/ rang sangs rgyas de dag kyang mya ngan las 'das nas drang srong drug khri mngon par shes pa lnga dang ldan pa dag kyang de
165a5 nyid du gnas par gyur to//btsun pa rab mthong chen po de nas yang bskal pa drug cu rtsa gcig na bcom ldan 'das yang dag par rdzogs pa'i sangs rgyas gtsug tor can zhes bya ba 'jig rten du byung ste/ de'i dge slong rab gsal zhes bya ba lha dang mis mchod pa'i
165a6 mchog tu gyur pa yang de nyid na'o//mtshams kyi ri de nyid la rtswa'i rigs ro hi tI zhes bya ba skye bas ro hi tI'i ri zhes bya bar btags par gyur/ klu mo gos med ces bya ba gnas pas gos med kyi nags zhes bya bar btags par gyur/ shing shir sha skye bas shing shir sha'i
165a7 phug ces btags par gyur/yang dag par rdzogs pa'i sangs rgyas gtsug tor can 'khor dgra bcom pa bdun khri dang yang der gshegs shing thabs cig tu bzhugs par gyur/ de dag kyang mya ngan las 'das bstan pa nub nas/ rang sangs rgyas drug khri yang der
165b1 gshegs shing bzhugs par gyur/rang sangs rgyas de dag kyang mya ngan las 'das nas drang srong lnga khri yang mngon par shes pa lnga dang ldan pa de 'di nyid na gnas par gyur to/ /btsun pa rab mthong chen po de nas yang bskal pa sum cu rtsa gcig na yang dag par
165b2 rdzogs pa'i sangs rgyas thams cad skyob ces bya ba 'jig rten du byung ste/de'i dge slong chos gsal zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri de la rtswa rigs b+ha sa b+ha sa zhes bya ba skye bas b+ha sa b+ha'i ri zhes btags par gyur/
165b3 klu mo brag ces bya ba gnas pas brag gi nags zhes btags par gyur/ shing a shwad tha skye bas a shwad tha'i phug ces btags par gyur/ yang dag par rdzogs pa'i sangs rgyas thams cad skyob 'khor dgra bcom pa drug khri dang de nyid du gshegs shing
165b4 thabs cig tu bzhugs par gyur/de dag mya ngan las 'das bstan pa nub nas rang sangs rgyas lnga khri yang gshegs shing bzhugs par gyur/ rang sangs rgyas de dag kyang mya ngan las 'das nas drang srong mngon par shes pa lnga dang ldan pa bzhi khri yang gnas par
165b5 gyur to//'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas log par dad sel zhes bya ba 'jig rten du byung ste/ de'i dge slong chos ldan zhes bya ba lha dang mis
165b6 mchod pa'i mchog tu gyur pa yang de nyid na'o//mtshams kyi ri'i rtswa'i rigs kau shi ka zhes bya ba skye bas kau shi ka'i ri zhes btags par gyur/ sprin ces bya ba'i klu mo gcig gnas pas sprin gyi nags zhes btags par gyur/ shing u dum ba ra skye bas u dum
165b7 pA ra'i phug ces btags par gyur/yang dag par rdzogs pa'i sangs rgyas log par dad sel 'khor dgra bcom pa lnga khri dang thabs cig tu gshegs shing zhugs par gyur/ de dag kyang mya ngan las 'das nas mngon par shes pa lnga dang ldan pa drang srong sum
166a1 khri yang de na gnas par gyur to//'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo sum khri thub pa na yang dag par rdzogs pa'i sangs rgyas gser thub ces bya ba 'jig rten du byung ste/ de'i dge slong
166a2 chos 'phags zhes bya ba lha dang mis mchod pa'i mchog tu gyur pa yang de nyid na'o//mtshams kyi ri de la rtswa'i rigs kha dog ljang lo can zhes bya ba skye bas kha dog ljang lo ri zhes btags par gyur/ thig le zhes bya ba'i klu mo gnas pas thig le'i nags zhes btags par
166a3 gyur/shing ka pi ta skye bas ka pi ta'i phug ces btags par gyur/ yang dag par rdzogs pa'i sangs rgyas gser thub 'khor dgra bcom pa bzhi khri dang gshegs shing thabs cig tu bzhugs par gyur/ de dag kyang mya ngan las 'das bstan pa nub nas/ rang
166a4 sangs rgyas sum khri yang gshegs shing bzhugs par gyur/rang sangs rgyas de dag kyang mya ngan las 'das nas mngon par shes pa lnga dang ldan pa drang srong nyi khri yang de nyid na gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid
166a5 la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba 'jig rten du byung ste/de'i dge slong she Do ka zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri la rtswa'i rigs zla ba zhes bya ba skye bas zla ba'i ri
166a6 zhes btags par gyur/klu mo rgyal ba zhes bya ba gnas pas rgyal ba'i nags zhes bya bar btags par gyur/ shing 'dzam bu zhes bya ba skye bas 'dzam bu'i phug ces btags par gyur/ yang dag par rdzogs pa'i sangs rgyas 'od srung 'khor dgra bcom pa nyi
166a7 khri dang gshegs shing thabs cig tu bzhugs par gyur/de dag kyang mya ngan las 'das bstan pa nub nas/ rang sangs rgyas khri lnga stong gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang
166b1 srong khri gnas par gyur to//'dir ni btsun pa rab mthong chen po bskal pa bzang po 'di nyid la skye dgu'i tshe lo brgya thub pa na yang dag par rdzogs pa'i sangs rgyas shAkya thub pa 'jig rten du byung ste/ 'phags pa rab mthong chen po khyod lha dang mis mchod pa'i mchog tu
166b2 gyur pa yang 'di nyid na'o//mtshams kyi ri la rtswa'i rigs u shi sha skye bas u shi'i ri zhes btags par gyur/ klu mo ta ma zhes bya ba gnas pas ta ma'i nags tshal zhes btags par gyur/ shing a mra skye bas a mra'i phug ces da ltar btags pa yin te/ btsun
166b3 pa rab mthong chen po u shi sha'i ri brag 'di nyid du thugs brtse bar dgongs te bzhugs pa ni legs so//de nas yang tshangs pa dang / lha'i dbang po brgya byin dang / 'jig rten skyong ba dag gis gnas brtan chen po'i rkang pa la phyag 'tshal te thal mo sbyar ba byas nas
166b4 rab tu gus pas 'di skad ces smras so//thugs brtse ba can nags 'di ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal
166b5 lo zhes gsol ba btab po//gzhan yang gnod sbyin gyi sde dpon brgyad po 'di dag ste/ sing ga la zhes bya ba dang / chos skyong zhes bya ba dang / don grub ces bya ba dang / gzhan las rgyal zhes bya ba dang / glang rna zhes bya ba dang / dbyig rna ba zhes bya ba dang / chos
166b6 ldan zhes bya ba dang /chos 'phags zhes bya bas kyang gnas brtan chen po'i rkang pa la phyag 'tshal te thal mo sbyar nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te bdag cag kyang nye gnas bgyid la
166b7 gzhan dag kyang gzung du gsol/de ni snyan par grags shing legs te chu ni gzigs par dbyung bar 'tshal lo zhes gsol ba btab/ /gzhan yang gnod sbyin ma chen mo brgyad 'di dag ste/ a shi Di zhes bya ba dang / bu zhes bya ba dang / 'phyang ma zhes bya ba dang /
167a1 rab tu 'phyang ma dang / drag mo zhes bya ba dang / gtum mo zhes bya ba dang / mdung thung 'dzin ces bya ba dang / bar snang ma zhes bya bas kyang gnas brtan chen po'i rkang pa la phyag 'tshal te thal mo sbyar ba byas nas rab tu gus pas 'di skad ces smras so/ /
167a2 thugs brtse ba can nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab po/ /de bzhin
167a3 du gzhan yang klu chen po brgyad po 'di dag ste/ser skya zhes bya ba dang / dri ma zhes bya ba dang / chu ldan zhes bya ba dang / drag shul zhes bya ba dang / lha'i bang rim zhes bya ba dang / bum pa'i bang rim zhes bya ba dang / nye ba'i klu zhes bya ba dang / o Da su ta zhes bya
167a4 bas kyang gnas brtan chen po'i rkang pa la phyag 'tshal te/thal mo sbyar ba byas nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du
167a5 gsol/de ni snyan par grags shing legs te/ chu ni gzigs par dbyung bar 'tshal lo zhes gsol ba btab po/ /gzhan yang klu mo brgyad po 'di dag ste/ /mun zhes bya ba dang / 'gro 'dod ces bya ba dang / mthong mo zhes bya ba dang / grang mo zhes bya ba dang / khur
167a6 drang mo zhes bya ba dang /lab 'thor ma zhes bya ba dang / sna tshogs sde zhes bya ba dang / dri za mo zhes bya ba dag gis kyang gnas brtan chen po'i rkang pa la phyag 'tshal te/ thal mo sbyar ba byas nas rab tu gus pas 'di skad ces smras so/ /thugs brtse ba can nags de
167a7 ni gshegs shing bzhugs pa'i gnas yin te/bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab pa dang / tshe dang ldan pa rab mthong chen pos cang mi smra bar
167b1 dang du blangs so//lha dang / lha ma yin dang / nam mkha' lding dang / mi 'am ci dang / dri za dang / lto 'phye chen po la sogs pa de dag gis tshe dang ldan pa rab mthong chen pos cang mi smra bas dang du blangs par rig nas dga' mgu yi rangs par gyur to/ /de nas tshe
167b2 dang ldan pa rab mthong chen pos ston pa'i zhal du lta ba mthong nas ta ma sa'i nags su song ste/phyin nas bla gab med par 'greng ste gaN DI brdungs te gaN DI'i sgra des 'dzam bu'i gling khyab par sgra grags par gyur pa na dge slong dag gis sgra thos te sems pa la zhugs pa dang /
167b3 sgra 'di ni mun gyi nags nas byung ngo snyam mo/ /de yang sngon gyi yang dag par rdzogs pa'i sangs rgyas dag gi bzhugs gnas/ rang sangs rgyas rnams kyis gnas bcas pa/ 'dod chags dang bral ba dag dang drang srong dag gi gnas su gyur pa yin la da ltar yang de kho na
167b4 btsun pa rab mthong chen po yin par go zhing shes nas mthong ste/dgra bcom pa khri brgyad stong snyed kyis mun gyi nags su phyin te dbyar gyi gnas pa yang bcas/ tshangs pa lha'i dbang po dang / 'jig rten skyong ba de dag gis de bzhin gshegs pa'i dbu skra dang sen mo khyer te/
167b5 'ongs nas dbu skra dang sen mo'i mchod rten zhig bzhengs su gsol/ gtsug lag khang zhig kyang brtsigs/ rdo rje'i gtsug lag khang du mtshan gsol/ mi mjed kyi bdag po tshangs pa dang / 'jig rten skyong ba bzhes kyang so so nas gtsug lag khang re re bzhengs su gsol/
167b6 lo dang po la lha rnams kyis gnas bcas/ lha'i dbang po brgya byin gyis rang gi lag nas lo gcig gi chos gos la sogs pa yo byad kyi rin sbyar/ lha'i bu mo bde sogs kyis dge slong re re zhing ras yug re re chos gos kyi rgyu yang phul/ de nas tshe dang ldan pa rab mthong
167b7 chen po gnas khang du lha'i 'khor gyis bskor te gnas bcas pa na 'di skad ces smras so//gnas bcas pa 'di yun ring gnas bcas par 'gyur ba'i phyir lha dang mi'i grong khyer gnas bca' ba'i phyir rgyal rigs rtsub po zhes bya ba la sogs pa'i mi rnams la chos bstan pas
168a1 yid rab tu dga' zhing dad par gyur te/rgyal po chen po rtsub pos dkon mchog gsum la skyabs su 'gro ba byas gzhan dag kyang dad par gyur te/ phug lnga brgya'i las kyang byas/ drang srong mngon par shes pa lnga dang ldan pa lnga brgya yang rab tu
168a2 byung ste/dgra bcom pa mngon du byas/ gnas de na bram ze smra ba la mkhas pa cig yod pa de las rgyal bar gyur te btul nas rab tu byung ste/ des kyang dgra bcom pa mngon du byas te/ ta ma sa'i nags na tshe dang ldan pa rab mthong chen po la sogs pa dgra bcom pa
168a3 khri brgyad snyed gnas bcas so zhes/rgyal po'i pho brang 'khor dang grong khyer dang / grong khyer kun tu grags par gyur/ rgyal po rtsub po la sogs pa mi rnams ni 'phags pa'i dge 'dun gyi slad du nyin re bzhin du dar ba 'bul mi ma yin pa dag ni de bzhin du zhun mar 'bul bar byed/
168a4 gzhan yang dga' ba dang / dang bas mgu zhing rangs pas legs par las dang bya ba yang byed do/ /de bzhin du klu dag gis dga' ba dang mgu bas tha dad pa'i bye brag brgyad kyi bza' ba dang / bca' ba sbyar ba phul lo/ /gzhan yang 'di ltar skye dgu'i lus can sems
168a5 bskyed pa 'di lta ste/blon po dang rgyal rigs spyir 'dus te/ kun dga' ra ba zhig kyang byas te/ de dag tu me tog gi shing dang / 'bras bu'i shing mdzes pa 'di dag ste/ a mra'i shing dang / pa ti'i shing dang / seng ldeng gi shing dang / n+ya gro d+ha'i shing dang / a shwad
168a6 tha'i shing dang /'bras bu gsum gyi shing dang / me tog tsam pa ka'i shing dang / u du ka'i shing dang / ma du ka'i shing dang / bil ba'i shing dang / 'bra ho'i shing dang / 'dzam bu'i shing dang / du na'i shing dang / chu shing la sogs pa dang / me tog ma li ka dang / kun da
168a7 dang /dza hi ka la sogs pa mdzes pa sna tshogs dge slong bde bar gnas pa dge ba'i phyogs byed pa dang 'thun pa zhig kyang byas te dge 'dun la phul lo/ /de nas dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe
168b1 dang ldan pa rab mthong gis las ci bgyis na las gang yang rnam par smin pa phyug cing nor mang la longs spyod dang ldan pa'i rigs su skyes/gzugs mdzes shing lha dang mis mchod pa'i mchog tu gyur/ bsod nams chen po dang ldan pa shes par 'tshal lags so zhes zhus
168b2 pa dang /bcom ldan 'das kyis bka' stsal pa/ dge slong dag 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes
168b3 bu 'dul ba'i kha lo sgyur ba/bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ rgyal po gnyen ldan gyi khab na bzhugs te/ dus de'i tshe zhal zhal mkhan gyi rigs las phyug pa ga ge mo zhes bya ba zhig gis rnam par
168b4 gzigs kyi slad du gtsug lag khang brtsigs te/me tog dang 'bras bu'i shing legs par btsugs te/ kun tu dri bsung gi ngad dang ldan pa 'byung bar 'gyur te phul/ ston pa de nyid kyi bstan pa la yang rab tu byung / yang dag par rdzogs pa'i sangs rgyas rnam
168b5 par gzigs mya ngan las 'das nas sku gdung gi mchod rten gyi rmang gi 'og tu rin po che'i rdo ring cig bsgreng ngo //zhal zhal mkhan gyi rigs las rab tu byung ba de'i 'khor mang po yang rjes su yi rang zhing mos par gyur te/ khyed ston pa la mos par gyur pa de bzhin du
168b6 bdag cag kyang dad cing mos par bgyid de/ston pa'i bka' bzhin du bgyid cing mnyes par bgyid la mi mnyes par ma gyur cig ces smon lam btab bo/ /dge slong dag ji snyam du sems de'i tshe de'i dus na zhal zhal mkhan gang yin pa de ni tshe dang ldan pa rab mthong chen po nyid
168b7 yin la/skye dgu'i lus can de dag ni da ltar gyi lha dang mi 'di dag yin te da ltar yang 'dul bar byed pa yin no/ /gzhan yang bcom ldan 'das 'od srung gi bstan pa la rab tu byung ste/ de'i mkhan po ni lha dang mis mchod pa'i mchog tu gyur pa yin te ji ltar bdag gi mkhan
169a1 po lha dang mis mchod pa'i mchog tu gyur pa de bzhin du bdag kyang yang dag par rdzogs pa'i sangs rgyas shAkya thub pa'i bstan pa la lha dang mis mchod pa'i mchog tu gyur cig ces smon lam btab bo//des na da ltar lha dang mis mchod pa'i mchog tu
169a2 gyur pa yin no//de lta bas na dge slong dag gcig tu gnag pa'i las ni rnam par smin pa yang gcig tu gnag go/ /rab tu dkar ba las ni dkar ba'o/ /'dres pa la ni 'dres pa'o/ /de bas na dge slong dag rab tu gnag pa dang 'dres ma dag ni spongs shig /
169a3 rab tu dkar ba dag la spyad par bya ste/ dge slong dag de bzhin du bslab par gyis shig /bcom ldan 'das kyis de skad ces bka' stsal pa dang / dge slong de dag bcom ldan 'das kyis bshad pa yid la byed de mngon par dga'o/ /mun gyi nags tshal gyi sgo zhes
bya ba'i mdo rdzogs so/ / //byang phyogs rgyud kyi phreng ba'i mdo khri pa'i nang nas yul za len dra'i byang phyogs kyi mtshams kyi ri/ u shi ri'i bsngags pa'o/
CLOSE WINDOW