CLOSE WINDOW

D3130
བོད་ཡིག

/[ ]@##/ /'phags pa drA bi da'i bum pa'i cho ga bstan pa/ phyugs lhas shing gcig lha yi khang pa'am/ /lam gyi bzhi mdo'am khang stong nags tshal du/ /dkyil 'khor gru bzhi lham pa khru bzhi'i tshad//tshon rtsi rnam pa sna tshogs rnams kyis bri/ /phyogs kyi lha rnams gnas ni yongs su gzung / /sgo bzhi pa la ku sha'i rtswa yang dgram/ /bza' dang btung ba sha chang la phug bcas/ /'bras chan 'bras bu mang po'i gtor ma sbyin/ /bum pa pad+ma dmar po'i mdog 'dra ba/ /nag po ra ri med pa rin chen bcas//sman dang 'bru dang spos chus bkang ba bzhi/ /ldum bus kha bkang ras kyis mgul ba dkri /rak+taM ka dang ke li ki li ki li dang / /dra bi da la sogs pa brgyar bzlas te/ /dkyil 'khor khor yug dag par gzhag par bya/ /de nas byug spos bdug spos la sogs dbul//bgegs kyis brlabs pa shar phyogs kha bstan te/ /dkyil 'khor dbus su bde ba'i stan la gzhag /bzlas brjod byed cing bum pa re res bkru/ /'on kyang log 'dren rnams las thar bar 'gyur/ /sgrub pa po yi ming ni 'ba' zhig la/ /bgegs rnams gzhig phyir phan par ma zad kyi//rgyal po 'khor dang bud med bud med dang / /bu mo dang ni rol mo mkhan rnams dang / /bud med phal dang tshong pa rnams kyang rung / /zhing pa rnams dang dbul zhing phongs pa dang / /gdon gyis zin cing rims kyis btab pa dang / /byis pa'i gdon dang me tog 'bras bu 'phrog /rmi ngan smyo dang sems ni g.yer ba dang / /dug kyang sel te khrus 'dis dag par byed/ /rgyud las 'byung ba'i bum pa'i cho ga yis/ /sdig pa zhi bar bya ba'i ched du brjod par bya/ /lus can rnams la phan phyir bde bar gshegs pa yis/ / sdig pa dag dang bkra mi shis pa zhi byed pa/ /khrus bya gtsug lag dag gi rgyud las legs gsungs pa/ /shin tu bsgrims te nyams su blang bar bya/ /khrus ni rgyal po rnams kyi gzi byin bskyed pa dang / /rgyal srid bsgrubs pas bsod nams che bar byed pa dang / /bsod nams nyams pa dang /dus ma yin par 'chi ba dang / sdig pa rnams ma lus par zhi bar byed pa dang / bud med bu la gdu ba rnams dang / gang dag rig sngags legs par mi 'grub pa rnams dang / rims nad nyin gcig pa la sogs pa zhi bar byed pa dang / rtag pa'i rims nad zhi bar bya ba la shis pa yin no//smyo byed dang / brjed byed dang / grib gnon gyi gdon dang / 'thab pa dang / rtsod pa drag po dang / skye bo snang ba zhi bar byed pa dang / sgrub pa po bgegs kyis zin pa la shis pa yin no/ /rgyal po la brten pa'i mi rnams dang / bud med bu 'dod pa rnams dang /bud med khyim thab mi 'dod pa de dag dang / phyug po rnams dang / rtsis byed pa dang / tshong pa rnams dang / zhing pa phongs pa dang / mthu nyams pa dang / rmi lam ngan pa dang / byis pa'i gdon dang / khrag 'phrog pa dang / sems khong du chud pa dang / 'byung pos thebs pa dang /gdon thams cad kyis zin pa zhi bar bya ba'i phyir yang bya'o/ /thog mar sngags pas gser ram/ dngul lam/ zangs sam/ kham pa las bum pa mnyam zhing legs par bya ba dang / ma chag ma zhom pa dang / ma snol ba dang / dbyibs legs shing shin tu mdzes pa bzhi nan tan bya'o//dbul po rnams kyis ni gser dang dngul dang zangs las byas pa'i bum pa mi rnyed pas/ de'i phyir kham pa las byas pa'i bum pa shin tu mtshan dang ldan zhing spa ba/ pad+ma dmar po'i mdog ltar dmar zhing byi ru dang li khri dang / mtshal gyi mdog 'dra ba bzhi bya'o//bum pa rnams kyi zhabs kyi gdub kor ni 'phangs su sor gcig gi tshad du byas te gdags so/ /dbus kyi dbyibs ni lhung bzed 'dra bar bya'o/ /mgrin pa ni 'phongs su sor bzhi pa ste/ mgrin pa'i steng kha'i phyi rol gyi kha khyer 'dab ma sor gnyis kyi tshad du mnyam par bya/kha ni sor bzhi'i tshad du mnyam par bya'o/ /bum pa mtshan nyid dang mi ldan pa yang chag cing zhom pa dang / gnag pa dang / thag thug can rnams ni spang bar bya'o/ /mtshan nyid rdzogs pa ni dbang bskur ba'i cho ga la bkra shis par gsungs so/ /dkyil 'khor med par bum pa 'ba' zhig gis 'dod pa'i las myur du 'grub par mi 'gyur bas/de'i phyir thog mar dkyil 'khor bri ba'i sngon rol du brtag par bya'o/ /ba lang lhas sam/ shing gcig 'greng drung ngam/ lha khang ngam/ lam gyi bzhi mdo'am/ khang stong ngam/nags tshal du yang rung ste/ gnas de dag tu dkyil 'khor bri bar bya'o/ /sa gzhi rab tu brtags te shin tu dag par byas la thig gdab par bya ste/ gru bzhi'i tshad kyi gru bzhi par byas la phur bus nges par gdab par bya'o/ /de'i dbus su sngags shes pas khrus bya ba'i sa khru do gzhag par bya'o//dkyil 'khor ni gru bzhi lham pa sgo bzhi pa bkra shis kyi sgo bzhis mdzes par byas pa bri bar bya'o/ /phyi rol thog thag tu yang rtswa ku shas 'khor bar dgram mo/ /steng du ni bla re legs par dgram zhing me tog gi phreng ba dang / ba dan dang / dar gyi lnga ldi dang / me long dag gis legs par nan tan du brgyan na/ dbang bskur ba'i cho ga la bkra shis so/ /de nas tshon sna lnga'i skud pa blangs te/ bdud rtsi thab sbyor gyi sngags kyis btab nas des sgo logs nas brtsams te bskor bar bya'o/ /de nas tshon rtsi lnga ste/ dkar po dang / dmar po dang / ser po dang / ljang gu dang / nag po'i phye ma rnams kyis dkyil 'khor rnams bris la/ bris pa de'i nang rim du dbang ldan gyi phyogs nas brtsams nas/ dra bi da la sogs pa'i phyag rgya go rims bzhin bri bar bya'o/ /dra bi da'i phyag rgya ni rdo rje rtse gsum pa'o/ /gtum mo chen mo'i rdo rje rtse gcig pa'o//stobs po che'i nas 'bras kyi dbyibs su gsungs so/ /dpal ldan gzhan gyis mi thub pa'i phyag mtshan ni rdo rje rtse gsum par bya'o/ /rdo rje rnam par 'joms pa'i rdo rje rgya gram la ra phyogs gcig med par gsungs so/ /rdo rje yangs pa'i ni rdo rje rgya gram mdzes par byas pa'o//byis pa kI li kI li'i ni rdo rje rtse gcig pa'o/ /snying po mchog gi ni rdo rje rtse gsum par bya'o/ /phyag rgya 'di dag thams cad mtshan nyid dang ldan zhing dpa' ba dang / khri'u'i steng na gnas par bya'o/ /dra bi da la sogs pa'i phyag rgya rnams legs par bris nas langs te/de'i phyi rol du byung la dkyil 'khor phyi rol du phyogs kyi lha rnams dgod par bya ste/ shar phyogs su dbang po'i rdo rje bri'o/ /me'i mtshams su ni me'i thab khung bri'o/ /lho'i phyogs su ni gshin rje be con no/ /bden bral gyi phyogs su ni bden bral gyi ral gri'o/ /nub phyogs su ni chu lha'i zhags pa'o//rlung gi phyogs ni rlung gi ba dan no/ /byang phyogs su ni ku be ra'i dbyug to'o/ /dbang ldan gyi phyogs su ni dbang phyug chen po'i mdung rtse gsum pa bri'o/ /zla ba ni shar phyogs su bri ste dkar por bya'o/ /nyi ma ni nub phyogs su bri ste shin tu dmar por bya'o//sa'i lha'i phyag rgya bum pa ste zhags pa'i gong du bri'o/ /phyogs kyi lha 'di dag kyang rang rang gi tshogs dang bcas pa mchod pa bya ste/ brgya byin gyi 'khor ni lha rnams so/ /me'i 'khor ni drang srong rnams so/ /gshin rje'i 'khor ni ma mo rnams so/ /bden bral gyi 'khor ni srin po rnams so//chu lha'i 'khor ni klu rnams so/ /rlung lha'i 'khor ni rig sngags 'chang rnams so/ /rnam thos kyi bu'i 'khor ni gnod sbyin rnams so/ /dbang ldan gyi 'khor ni 'byung po rnams so/ /sa'i lha mo'i 'khor rnams ni sa bdag rnams so/ /nyi ma dang zla ba gnyis kyang rang rang gi lha'i tshogs dang bcas pa mchod par bya'o//de ltar phyi rol gyi 'khor du phyogs kyi lha dgod pa'i go rims ni bstan zin to/ /dkyil 'khor bris zin nas bum pa cho ga bzhin du dag par byas te/ chu la sngags kyis btab pa'i bum pa bsangs la lag pa dri yis bskus pas blangs te/bum pa'i ngos rnams su kak+ko la dang / tsan+dan dkar po la sogs pa shin tu dri zhim po bkra shis pa gang yang rung ba dag gis rdo rje la sogs pa phyag rgya'i ri mo rnams legs par bri bar bya'o/ /de nas bdud rtsi thab sbyor gyi sngags/ oM a mr-i te hUM phaT ces bya ba 'di phyag rgya dang ldan pas gu gul btab ste/des bum pa bdugs nas chu mig gam/ rdzing bu 'am/ chu klung bkra shis pa gang yang rung ba'i chu gtsang ma blangs nas srog chags med pa legs par btsags pa des bkang ba'i bum pa'i nang du rin po che sna lnga ste/ dung dang / nor bu dang /mu tig dang / byi ru dang / gser te rin po che de lta bu dag dang / sman lnga ste/ go ri ka r+Ni dang / siM ha dang / bya g+h+r-i dang / ha sa dang / ha sa de ba 'di rnams dang / sa bon sna lnga ste/ nas dang / 'bras dang / mon sran gre'u dang / gro dang / til te 'di rnams dang /spos lnga ste/ tsan+dan dang / gur gum dang / tu ru ska dang / a ka ru dang / ga pur ro/ /dri dang ldan pa 'di rnams kyang gzhag go/ /bum pa'i mgul pa la yang tshon sna lnga pa'i skud pa la yang bdud rtsi thab sbyor gyis btab pas bcings la/ dar ram ras dkar po sar pas yang bcings te/bum pa'i kha shing a mra'i rigs ha sa ka ra zhes bya ba yal ga dang / me tog dang / 'bras bur ldan pa'am/ yang na zhim po 'khri shing dang yal gzhan gang yang rung ba dag kyang gzhug go/ /bum pa legs par bkang nas de'i 'og tu legs par khrus bya'o//khrus byas nas gos gtsang ma bgos te thogs nas dkyil 'khor gyi sar song nas dkyil 'khor gyi nub phyogs kyi sgor 'greng ste/ de'i sngags kyis 'bar ba'i mig gis shar phyogs su bltas la bgegs bsal ba'i sngags kI li kI li se gol dang ldan par brjod do//yungs kar gyis kyang bgegs bsal bar bya'o/ /bgegs thams cad bsal nas dra ba dang rab phur bu bya ste/ na maHsarba ta thA ga te b+h+yaH/ sarba ta thA ga te b+hi kaM pa badzra kI li kI la ya a ka ra a swA hA/ rdo rje phur bu'i sngags so/ /na maHsarba ta thA ga te b+h+yaH/ sarba mu khe b+h+yaH/ sarba thA badzra pra kA ra/ sarba ta thA ga ta gar+b+ha tsa na ka/ /ku ru ku ru tsakra nA ya swA hA/ rdo rje ra ba'i sngags so/ /na maHsarba ta thA ga te b+h+yaH/ sarba mu khe b+h+yaH/ sarba thA badzra ra pany+tsa ra Ni k+Shi pa ga ga na ka swA hA/ rdo rje ra ba'i sngags so/ /cho ga lhag chad du gyur pa'i phyir/ zhi ba'i sbyin sreg legs par byas nas dbang ldan gyi phyogs la sogs pa dkyil 'khor gyi phyogs dang phyogs mtshams rnams su dra bi da la sogs pa lha rnams so so'i phyag rgya dang sngags kyi tshig gis spyan drang bar bya'o//de la lag pa g.yas pa khu tshur bcangs te mdzub mo dang gung mo gnyis ral gri ltar bsgreng ba 'di ni dri bi da'i phyag rgya'o//sngags ni/ na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/ oM dra bi da pa ra hUM phaT/ lag pa g.yon mdzub mo gnyis ka logs su gzhug la lag pa g.yas pa rdo rje rtse gsum par byas pa 'di ni gtum po chen po'i phyag rgya'o//sngags ni/ oM ma hA tsaN+Da hUM phaT/ gong ma bzhin du phyag 'tshal ba'i tshig dang yang ldan par bya'o/ /lag pa gnyis snyim pa khong stong du sbyar ba 'di ni stobs po che'i phyag rgya ste/ sngags la/ oM ma hA ba la hUM phaT/ snyim pa bkan la mthe'u chung gnyis kyi rgyab tu srin lag gnyis sbyar te/gung mo gnyis yang de bzhin du de'i rgyab tu sbyar nas nang du bkug la mdzub mo gnyis rtse sprad de mthe bo gnyis so so'i ngos la gzhar ba 'di ni gzhan gyis mi thub pa'i phyag rgya ste/ sngags la/ oM a pa rA dzi te hUM phaT/ lag pa gnyis snying gar byas la srin lag gnyis nang du bkug ste phan tshun bsnol ba'i rtse mo mthe bo dang /mdzub mo'i drung du cung zad 'dud par byas la/ gung mo gnyis gshibs pa'i phyi rol nas mdzub mo gnyis bkug pa nas gang gis ma reg par bya ste/ mthe bo gnyis dang / mthe chung gnyis kyang gshibs pa 'di ni/rdo rje rnam par 'joms pa'i phyag rgya la thams cad byed pa yin te/ sngags la/ oM badzra dz+wa la nI ya swA hA/ gzhan gyis mi thub pa'i phyag rgya las mdzub mo gnyis phye ste bkug nas nas tsam gyis ma reg par bya ste/ mthe bo gnyis bar du gshibs pa ni rdo rje yangs pa'i phyag rgya ste/sngags la/ oM ha na ha na hUM phaT/ snyim pa bkan la mthe'u chung gnyis nang du bsnol te bzhag pa'i bar du mthe bo gnyis kyis bkab la mdzub mo gnyis kyi rtse mo'i tshigs dbu ma la gzugs/ srin lag gnyis gshibs te bsgreng ba'i tshigs dang por gung mo gnyis bkug pa'i rtse mos btsugs pa ni kI li kI li'i phyag rgya ste/sngags la/ oM kI li kI li ba la kI li ye swA hA/ lag pa gnyis sor mo'i nang du bsnol te khu tshur bcangs la mthe bo dang / gung mo dang mthe'u chung rnams so sor gshibs te bsgreng ba 'di ni rdo rje 'dzin pa'i phyag rgya ste/sngags la/ oM badzra d+h+r-i ka 'di la re re nas lag pa'i phyag rgya sngar bcings la e h+ye hi zhes bya ba ste/ re re la yang bskul ba'i sngags dang sbyar la mchod yon la sngags lan bdun nam nyi shu rtsa gcig btab la dbul lo//de nas dbang po la sogs pa rnams so so'i sngags dang phyag rgyas spyan drang ba dang / gdan bstan pa dang / mchod yon la sogs pa dbul bar bya'o/ /shar phyogs su kha bltas te rkang pa g.yas brkyang ba'i tshul gyis lag pa g.yon pa rdo rje'i phyag rgya bstan la/ lag pa g.yas pa'i phyag rgya sta zur phyogs su gzhag par bya/sngags la/ oM ha na ha na b+hin+d+ha badzra hUM phaT/ rkang pa g.yon pa brkyang ba'i tshul gyis lag pa g.yon pa'i mdzub mo lcags kyu ltar bskyod de g.yas pas ni brgya byin spyan drang ngo / /lag pa gnyis brkyang la phyag rgya bkrol la slar btang ngo //me'i phyogs su bltas te lag pa brkyang la mdzub mo bkug ste rtse mo gung mo'i tshigs gsum par gzugs so/ /sngags la/ oM badzra na ma hA b+hU ta dz+wa la ya sarba ma hA b+hasmi ku ru sarba duSh+TAM hUM phaT/ mthe bo lag mthil du sbyar te brtan por bzhag la g.yabs pas ni spyan drang ngo //mdzub mo mthe bo'i ngos la btsugs la phyir drag tu brkyang bas ni slar btang ngo / /gshin rje'i phyogs su bltas te 'greng la snyim pa mdun du gzhag ste/ sor mo phan tshun bsnol la khu tshur dam du bcangs te srin lag gnyis gshibs te bsgrengs nas snying gar gzhag par bya'o//oM badzra kA la daN+Da ha na ha na hUM phaT/ srin lag gshibs pa las nang du bzlog pas ni spyan drang ba'o/ /nang du bzlog pa las phyir phyung ba gshibs pas ni slar btang ngo / /bden bral gyi phyogs su rkang pa mnyam par bzhag la/ lag pa g.yas pa khu tshur bcangs pa la mdzub mo dang gung mo gnyis ral gri 'dra bar gshibs te bsgrengs la/lag pa g.yon pa yang de'i tshul gyis zhags pa 'dra bar byas te sta zur logs su gzhag par bya'o/ /sngags la/ oM nai ri te rAk+Sha sa a d+hi pa ta ye swA hA/ g.yon pa'i mdzub mo bkug ste g.yabs pas spyan drang ngo //phyir bkyed de bkrol bas ni slar btang ngo / /chu lha'i phyogs su rkang pa mnyam par bzhag la/ lag pa g.yas pa khu tshur bcangs nas/ mthe bo dang mdzub mo zhags mig ltar bya/ g.yon pa la yang de ltar byas te/ snying gar gzhag go/ /sngags ni/oM nA ga badzra A na ya sarba d+ha na da n+ya ni d+ya n+ya su bar+Na ma Ni/ muk+ti kar+d+hi ni/ sarbo ka ra ni sh+tsa/ badzra d+ha ra sa ma ya ma nu sma ra ya/ A kaD+D+h+ya A kasbyo/ ban+d+ha brnya/ ha ra ha ra/ pradz+nyA nAM ma hA tse da hUM phaT/ g.yon pa'i mdzub mo'i lcags kyus g.yabs pas ni spyan drangs pa'o/ /phyir bkyed de bkrol bas ni slar btang ngo //rlung lha'i phyogs su 'greng la lag pa g.yon pa khu tshur bcangs te gung mo bsgreng ba'i tshigs dang por mdzub mo bkug pa'i thor tho btsugs la/ lag pa g.yas pa yang de bzhin du byas te/ sta zur logs su gzhag go/ /sngags la oM badzra a nI la ma hA d+he ga a nI la ma hA d+he ga A na ya sarba duSh+TAM hUM phaT/mdzub mo de nyid kyis spyan drang ba dang slar gtang bar bya'o/ /ku be ra'i phyogs su rdo rje bcings pa nang du bzlog nas mthe'u chung gnyis gshibs te brkyang ba'i rgyab tu so so'i srin lag gzhag par bya'o/ / sngags la/ oM ku be ra yak+ShaM a d+hi pa ta ye swA hA/ gung mo gnyis rdo rje ltar bkug pa ste g.yabs pas spyan drang ngo / /de phyir bkyed de bkrol bas ni slar gtang ngo / /dbang ldan gyi phyogs su kha bltas te 'grong la snyim pa bkan nas srin lag dang mthe'u chung nang du bcug ste bsnol/gung mo gnyis gshibs te bsgreng ba'i rgyab logs su rdo rje ltar bya/ mthe bo gnyis bar du gshibs te gzhag go/ /sngags la/ oM dri hUM bi la badzra shU la swA hA/ mdzub mo gnyis kyi sen mo sprad pa las nang du g.yabs pas ni spyan drang ngo / /phyir bkyed de bkrol bas ni slar btang ngo //'og gi ni lag pa gnyis pad+ma ltar byas la spyan drang ba dang slar gtang bar bya ba la yang nang du g.yabs pa dang phyir bkrol bar bya'o/ /sngags la/ na maHsa man+ta bud+d+hA nAM/ oM dra bi ti swA hA/ steng gi ni gra ha shwar+ya pra ba ta dz+yi ti ra ma ya swA hA/ phyogs kyi lha rnams kyi phyag rgya dang /sngags 'di dag kyang bshad zin to/ /de nas yang mchod yon phul nas dra bi da la sogs pa legs par mchod de/ me tog chu las skyes pa dang / thang las skyes pa dang / bdug pa srog chags kyi yan lag ma yin pa'i dri yid du 'ong ba dag dang /mar dang / 'bru mar gyi mar me dang / tsan+dan dang / ga pur dang / gur gum la sogs pa'i dri bsung can dang / khur ba bkra shis ldan/ 'bras chan zho dang sbyar bas mchod nas/ dbang po la sogs pa rnams la sha chang ma yin pa dang / sha chang de dang sbyar ba ma yin pa'i bshos cha mang po dbul lo//de dag gi 'khor gyi gdon rnams la ni sha chang dang ldan par sbyin no/ /de ltar sha dang chang rtsa ba dang / 'bras bu dang / bgegs kyi kha zas ci yang rung ba byin na phyi rol gyi 'khor ba bgegs kyi gzugs can gang yin pa de dag des dga' bar 'gyur ro//phyogs bcu'i lha rnams dga' bar bya ba'i phyir tshigs su bcad pa 'di yang bsgrag par bya ste/ dbang po rdo rje 'chang ba'i lha/ /lha yi rgyal po gdon gyi bdag /shar phyogs gdon gyi tshogs bcas la/ /mchod pa bgyid cing phyag kyang 'tshal/ / me ste bsreg bya za ba'i lha/ /me lha'i rgyal po gdon gyi bdag/ /phyogs mtshams gdon gyi tshogs bcas la/ /mchod pa bgyid cing phyag kyang 'tshal/ /gshin rje be con 'chang ba'i lha/ /ma mo'i rgyal po gdon gyi bdag /lho phyogs gdon gyi tshogs bcas la/ / mchod pa bgyid cing phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /lho nub gdon gyi tshogs bcas la/ /mchod pa bgyid cing phyag kyang 'tshal/ /zhags pa thogs pa chu yi lha/ /bden pa bsrung ba gdon gyi bdag /nub phyogs gdon dang bcas pa la//mchod pa bgyid cing phyag kyang 'tshal/ /rlung ste srog kyang 'dzin pa'i lha/ /tshig srung gdon gyi bdag po ste/ /rlung gi phyogs kyi gdon bcas la/ /mchod pa bgyid cing phyag kyang 'tshal/ /gnod sbyin lag na dbyug to thogs/ / nor srung gdon gyi bdag po ste/ /byang phyogs gdon dang bcas pa la/ /mchod pa bgyid cing phyag kyang 'tshal/ /dbang dang ldan pa 'dren pa'i lha/ /bgegs kyi rgyal po gdon gyi bdag /byang shar gdon dang bcas pa la/ /mchod pa bgyid cing phyag kyang 'tshal/ /'og gi sa yi lha mo ba//klu mo chen mo zhi ba ste/ /sa bdag 'gro ba 'dzin pa'i mchog /sa yi lha mo 'khor bcas la/ /mchod cing bstod de phyag kyang 'tshal/ /steng gi lha chen thams cad dang / /nyi ma zla ba gza' chen dang / /gza' dang rgyu skar bcas pa la/ /mchod cing bstod de phyag kyang 'tshal//de nas dkyil 'khor gyi dbus su 'dug la bum pa rnams phyogs bzhir bzhag nas/ de na 'dug bzhin du sngags dang ldan par phyag brgya bcings la/ bum pa rnams kyi nang du lha rnams bkod nas go rims ji lta ba bzhin du mtshan rangs pas bzlas brjod bya'o//yang na snying po brgyad po re re la lan brgya rtsa brgyad bzlas nas/ rtsa ba'i sa bon dang / sdong bu'i sa bon dang / snying po'i sa bon dang / 'bras sA lu'i sa bon dang / me tog gi sa bon dang / ge sar gyi sa bon dang / lo ma'i sa bon te/ sa bon sna bdun gyi phye ma zhi ba mo til mar gyis sbyar te/bdud rtsi thab sbyor gyi sngags kyis legs par btab la/ de nas khrus byed pa la logs shig tu lus bkrus shing dril te/ khrus byas la gos gtsang ma gon te dkyil 'khor gyi sgor bkug nas de la bsrung ba chen po bya'o/ /de nas gsum la skyabs su 'gro ba la sogs pa byin te dkyil 'khor du de bcug la/gus bas phyag byas nas cho ga bzhin du nang du zhugs te 'dug pa'i 'og tu sngags bzlas shing bum pa re re nas legs par khrus byed du gzhug go/ /shin tu bde ba dang / legs pa dang / bkra shis pa dang / rgyal bar gyur cig / rgyal bar gyur cig ces bya ba'i tshig dang / rol mo'i sgra skad rab tu snyan pa dang yang ldan par bya'o/ /yungs kar dang / zho dang / rtswa dUr ba dang / li khri dang / me long dang / dung dang / bil ba'i 'bras bu dang / gi wang rnams kyang slob ma'i nang du ras khri'u tshang bting ba'i steng du rdzas de bzhag ste/slob ma de bkra shis 'don pa'i lag tu bzhag la/ de las yungs kar la sogs pa blangs shing de la sbyin no/ /de nas yang bsrung ba byas la rdo rje phyed de'i lag tu byin te zhi ba dang dga' ba'i sems dang ldan pas longs shig ces bya ba'i tshig kyang brjod par bya'o//rdo rje phyed po de la 'dzin pa'i bgegs thams cad las thar nas ldang bar byed de/ zla ba sgra gcan gyis btang ba bzhin du lus sdig pa dang bral zhing mdzes so/ /de nas yang 'byor na mar la sogs pas zhi ba'i sbyin sreg bya'o/ /bla ma'i yon yang khrus byed pa des shin tu bzang po legs par dbul bar bya'o/