CLOSE WINDOW

D3129
བོད་ཡིག

bsrung ba lnga'i mchod ba'i cho ga rdzogs so// //rgya gar shar phyogs kyi paN+Di ta chen po/ nags kyi rin chen gyi zhal snga nas dang / gzhon nu dpal gyis bsgyur ba'o/ /[ ]@##/ /gza' dgu'i mchod pa'i cho ga bzhugs/ @##/ /sangs rgyas la phyag 'tshal lo/ /ting nge 'dzin gsum gyis de ma thag tu bsgom pa dang /dgug pa dang / mchod yon sbyin pa dang / sbyang ba dang / bdug spos dang / me tog gis mchod pa ste/ oM ma Ni d+ha ri badzri Ni ma hA pra ti sa re hUM hUM phaT phaT swA hA/ de nas mchod yon ni/ oM AHAr+ya ma hA pra ti sa rA yai ar+g+haM pra tIts+tsha swA hA/de nas bzlas pa ni/ oM ma Ni d+ha ri badzri ni zhes pa la sogs pa'o/ /mchod pa lngas mchod do/ /oM AHAr+ya ma hA sA ha sra pra ma rdi n+yai/ oM a mr-i te wa re wa ra/ wa ra pra wa ra bi shud+d+he hUM hUM phaT phaT swA hA/ de nas mchod yon ni/ oM Ar+ya ma hA sA ha hA mA rA yai ar+g+haM pra tIts+tsha swA hA/de nas bzlas pa ni/ oM a mr-i ta wa re zhes pa la sogs pa'o/ /mchod pa lngas mchod do/ /oM AHAr+ya ma hA mA yU rA yai oM a mr-i ta bi lo ki ni gar+b+ha saM rak+Sha Ni A kaR+Sha Ni hUM hUM phaT phaT swA hA/ de nas mchod yon ni/ oM A r+ya ma hA mA yU rA yai ar+g+haM pra tIts+tsha swA hA/ de nas bzlas pa ni/oM a mr-i ta bi lo ki ni zhes pa la sogs pa'o/ /mchod pa lngas mchod do/ /oM AHAr+ya ma hA shI ta wa t+yai/ oM bi ma le bi pu le dza ya wa re a mr-i ta bi ra dze hUM hUM phaT phaT swA hA/ de nas mchod yon ni/ oM Ar+ya ma hA shI ta wa t+yai ar+g+haM pra tIts+tsha swA hA/ de nas bzlas pa ni/ oM bi ma le bi pu le zhes pa la sogs pa'o//mchod pa lngas mchod do/ /oM AHAr+ya ma hA man+t+rA nu sA ri N+yai/ oM b+ha ra b+ha ra saM b+ha ra saM b+ha ra in+d+rA ya ba la bi sho d+ha ni hUM hUM ru ru tsa le swA hA/ mchod yon ni/ oM Ar+ya ma hA man+t+ra a nu sA ri N+yai ar+g+haM pra tIts+tsha swA hA/ de nas bzlas pa ni/ oM b+ha ra b+ha ra saM b+ha zhes pa la sogs pa'o/ /mchod pa lngas mchod/ bstod pa bya/ oM me g+holkA ya swA hA/ me tog gis mchod/ oM legs ldan 'phags pa nyi ma la phyag 'tshal lo/ /'od srungs kyi bu a di ti'i mngal las 'khrungs pa dmar po dang bcas pa/ ka ke ta na dang / pad+ma rA ga dang / me tog ban+du ka lta bu/ rigs kyi lha mo 'od dpag tu med pa/ gos dmar po/ me tog dang / bdug pa dang / sgron ma dang / dri dang mchod phyir thogs/ dmar po la dga' ba/ rta'i shing rta la zhon pa lha dang / sbyin ma'i bu dang / grul bum dang / mkha' 'gro ma ste/ gzhan dang bcas pa/ gshegs shing gshegs pa'i legs ldan/ sbyin pa'i bdag po la phan ba'i don gyi slad du/ gza'i dkyil 'khor gyi dbus 'dir rjes su zhugs shing / rjes su zhugs nas/ ma nyams pa dang / dri dang / me tog dang / bdug pa dang / sgron ma'i mchod pa/gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing bstod pa de dga' bar mdzod cig /nyi ma'i mchod yon so sor bzhes shig swA hA/ mchod pa lngas mchod/ sin d+hu ra yi mdog lta bu/ /pad+ma rA ga 'dra ba'i 'od//rta bdun shing rta la zhon pa'i/ /rdo rje nyi mar bdag phyag 'tshal/ /oM nyi ma 'od srungs kyi bu a di t+ya'i lha/ rigs kyi lha 'od dpag tu med pa che ge mo'i tshe dang nad med pa nyid dang 'dod pa'i don dang thams cad nye bar zhi ba'i don du dngul las bsgrubs pa'i be'u dang bcas pa'i ba/khyed la bdag yang dag par rab tu dbul bar bgyi'o/ /be'u dang bcas pa'i ba rab tu gnas pa'i slad du bdag gis yon stob par bgyi'o/ /de'i bdug spos ni/ kun+du ru/ mchod yon gyi snod ni zangs/ rin po che dmar po dang / tsan+dan dmar po dang / sA la'i 'bru dmar po dang / 'o ma dang bcas pa'i gtor ma dang / yon ni be'u dang bcas pa'i ba'o/ /oM shI tAM sha be swA hA/ me tog gis mchod/ oM legs ldan zla ba la phyag 'tshal lo/ /bdud rtsi bsrubs pa las byung bar b+ha'i bu ra b+ha sa'i bu/ shing hA ra'i 'o ma dang / rtswa ku sha'i me tog lta bu/ rigs kyi lha rtag pa gos dkar po dang /me tog dang / bdug pa dang / sgron ma dang / dri dang / mchod phyir thogs la dga' ba/ ngang pa la zhon pa/ lha dang sbyin ma'i bu dang / grul bum dang / mkha' 'gro ma ste/ de bzhin gzhan dang bcas pa/ gshegs shing gshegs pa'i legs ldan/ sbyin pa'i bdag po phan pa'i don gyi slad du gza'i dkyil 'khor gyi dbus 'dir bzhugs shing rjes su zhugs nas ma nyams pa dang /dri dang / me tog dang / bdug pa dang / sgron me'i mchod pa dang / gtor ma 'di yang so sor gzung bar mdzod cig /so sor gzung bar mdzod cig / gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /zla ba'i mchod yon so sor bzhes shig swA hA/ mchod pa lngas mchod/ kun+da khab lta bu ste/ 'bras bu smin sogs kyis 'tsho ba/ /ngang pa'i bzhon par yang dag gnas/ /zla ba la ni bdag phyag 'tshal//zla ba 'o ma'i rgya mtsho las yang dag par byung ba/ ra b+ha'i bu/ rigs kyi lha rtag pa/ che go mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ dngul las bsgrubs pa'i dung khyed la bdag gis dbul bar bgyi'o//'dod pa'i dung rab tu gnas pa'i slad du bdag gis yon stob par bgyi'o/ /de'i bdug spos ni ga pur/ mchod yon gyi snod ni dngul/ mu tig gi mchod yon/ til dkar po dang / 'bras dkar po dang / 'o ma'i zan gyi gtor ma dang / yon ni dung ngo / /oM rak+tAng+ga ku mA rA ya swA hA/me tog gis mchod/ oM legs ldan lus dmar la phyag 'tshal lo/ /lha chen po'i bu sa'i mngal nas yang dag par byung ba/ me rab tu 'bar ba/ rigs kyi lha rdo rje 'dzin pa/ gos dmar po dang / me tog dang / bdug pa dang / sgron ma dang / dri dang / mchod phyir thogs la dga' ba/ ra skyes la yang dag par zhon pa/ lha dang sbyin ma'i bu dang / grul bum dang / mkha' 'gro ma ste gzhan dang bcas pa/ gshegs shing gshegs pa'i legs ldan/ sbyin pa'i bdag mo la phan pa'i don gyi slad du gza'i dkyil 'khor gyi dbus 'dir bzhugs shing rjes su zhugs nas ma nyams pa dang /dri dang / me tog dang / bdug pa dang / sgron ma'i mchod pa dang / gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /mig dmar gyi mchod yon so sor bzhes shig swA hA/ mchod pa lngas mchod/ skyon bral mchog ste kun nas me/ /ra skyes la zhon mdung 'chang zhing / /gzhon nu'i rigs las yang dag byung / /mig dmar la ni bdag phyag 'tshal//oM mig dmar lha'i dbang phyug /che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ dngul las bsgrubs pa'i khyu mchog khyed la bdag gis dbul bar bgyi'o/ /dngul las bsgrubs pa'i khyu mchog rab tu gnas pa'i slad du bdag gis yon stob par bgyi'o//de'i bdug spos ni gu gul/ mchod yon gyi snod ni zangs/ mchod yon ni byi ru la sogs pa'i dmar po'i rnam pa'i rin po che/ sran ma ma Sha dang / nyungs kar dang / bu ram dang / 'bras chan gyi gtor ma/ yon ni khyu mchog go/ /oM bud+d+hA ya swA hA/ me tog gis mchod/ oM legs ldan lhag pa la phyag 'tshal lo/ /zla ba'i bu snar ma'i bu/ 'bras sA li ma smin pa dang / bya sha ri dang / ne tso dang / in+d+ra nI la lta bu/ rigs kyi lha rdo rje nyi ma/ gos ljang gu dang / me tog dang / bdug pa dang / sgron ma dang / mchod phyir thogs la dga' ba/ pad+ma'i stan la zhon pa/ lha dang sbyin ma'i bu dang / grul bum dang / mkha' 'gro ma ste gzhan dang bcas pa/ gshegs shing gshegs pa'i legs ldan/ sbyin pa'i bdag po la phan pa'i don gyi slad du/ gza'i dkyil 'khor gyi dbus 'dir zhugs shing rjes su zhugs nas/ ma nyams pa dang / dri dang / me tog dang / bdug pa dang / sgron me'i mchod pa dang / gtor ma 'di yang so sor gzung bar mdzod/ so sor gzung bar mdzod/ gang gis phyag 'tshal zhing mchod par byed pa de dga' bar mdzod cig /zhi ba dang rgyas par mdzod cig /lhag pa'i mchod yon so sor bzhes shig swA hA/ gi wang gi ni 'od dang mnyam/ /lag na mda' dang gzhu 'dzin zhing / /zhi ba pad+ma'i gdan la gnas/ /lhag pa la ni bdag phyag 'tshal/ /oM lhag pa/ zla ba'i bu/ snar ma'i bu/rigs kyi lha rdo rje nyi ma/ che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ khyed la bdag gis gser dbul bar bgyi'o/ /gser rab tu gnas pa'i slad du bdag gis yon stob par bgyi'o/ /de'i bdug spos ni spos dkar/ mchod yon gyi snod ni gser/ mchod yon ni gser dang byi ru/ nas dang 'bras zan ser po'i gtor ma/ yon ni gser ro/ /oM b+ho go spa dA ya swA hA/ me tog gis mchod/ oM legs ldan phur bu la phyag 'tshal lo/ /mig dmar gyi bu/ rig byed bzhi ba/ lha'i bla ma dang mkhan po/rigs kyi lha mi bskyod pa/ gos ser po dang / me tog dang / bdug pa dang / sgron ma dang / dri dang / mchod phyir thogs la dga' ba/ lha dang sbyin ma'i bu dang / grul bum dang / mkha' 'gro ma ste gzhan dang bcas pa/ gshegs shing gshegs pa'i legs ldan/ sbyin pa'i bdag po la phan pa'i slad du/ gza'i dkyil 'khor gyi dbus 'dir/ zhugs shing rjes su zhugs nas/ ma nyams pa dang / dri dang / me tog dang / bdug pa dang / sgron ma'i mchod pa dang / gtor ma 'di yang so sor gzung bar mdzod cig /so sor gzung bar mdzod cig / gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig swA hA/ mchod pa lngas mchod/ glang po'i bdag po la zhon zhing / /ston pa po ste gser gyi 'od/ /rin chen snod dang phreng 'dzin phyag /tshig bdag la ni bdag phyag 'tshal/ /oM phur bu sa'i bu'i bu/rig byed bzhi pa/ lha'i bla ma dang mkhan po/ rigs kyi lha mi bskyod pa/ che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ gos zung ser po khyed la bdag gis dbul bar bgyi'o/ /'dod pa'i yon gos ser po rab tu gnas pa'i slad du/bdag gis yon stob par bgyi'o/ /de'i bdug spos ni sbrang rtsi dang shI bA sa/ mchod yon gyi snod ni gser/ mchod yon ni gser/ yungs kar dang / gro dang / zho dang / 'o ma'i gtor ma/ yon ni gos zung ser po'o/ /oM a su rot+ta mA ya swA hA/me tog gis mchod/ oM legs ldan pa sangs la phyag 'tshal lo/ /b+h+r-i gu'i bu/ lha ma yin gyi bla ma dang mkhan po/ rigs kyi lha rnam par snang mdzad/ gos dkar po dang / me tog dang / bdug pa dang / sgron ma dang / dri dang / mchod phyir thogs la dga' ba/rta la zhon pa/ lha dang sbyin ma'i bu dang / grul bum dang mkha' 'gro ma ste/ bzhon pa dang bcas pa/ gshegs shing gshegs pa'i legs ldan/ sbyin pa'i bdag po la phan pa'i don gyi slad du/ gza'i dkyil 'khor gyi dbus 'dir rjes su zhugs shing rjes su zhugs nas ma nyams pa dang /dri dang / me tog dang / bdug pa dang / sgron me'i mchod pa dang / gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /b+h+r-i gu'i bu mchod yon so sor bzhes shig dang / mchod pa lngas mchod/ sna tshogs ston pa legs par 'byed/ /dkar por snang zhing rta la zhon/ /bum pa dang ni phreng ba'i phyag /lha min bla mar bdag phyag 'tshal/ /oM pa ba sangs/ b+h+r-i gu'i bu/ lha ma yin gyi bla ma dang mkhan po/rigs kyi lha rnam par snang mdzad/ che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ bdag gis khyed la dngul las bsgrubs pa'i rta 'di dbul bar bgyi'o/ /'dod pa'i yon rta rab tu gnas pa'i slad du bdag gis yon stob par bgyi'o//de'i bdug spos ni gu gul dang / shrI ba sa/ mchod yon gyi snod ni dngul/ 'bras dkar po dang / bu ram dang / khur ba dang / mar gyi gtor ma yon ni rta'o/ /oM kr-iSh+Na bar+NA ya swA hA/ me tog gis mchod/ oM legs ldan spen pa la phyag 'tshal lo//nyi ma'i bu/ grib ma'i mngal las yang dag par byung ba/ Da bi Da'i yul nas yang dag par byung ba/ gshin rje'i rigs/ rigs kyi lha mi bskyod pa/ gos sngon po can/ me tog dang / bdug pa dang / sgron ma dang / dri dang / mchod phyir thogs la dga' ba/rus sbal gyi shing rta la kun du zhon pa/ lha dang / sbyin ma'i bu dang / lha ma yin dang / dri za dang / grul bum dang / mkha' 'gro ma ste bzhon pa dang bcas pa/ gshegs shing gshegs pa'i legs ldan/ sbyin pa'i bdag po la phan pa'i don gyi slad du gza'i dkyil 'khor gyi dbus 'dir/rjes su zhugs shing rjes su zhugs nas ma nyams pa dang / dri dang / me tog dang / bdug pa dang / sgron me'i mchod pa dang / gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /spen pa'i mchod yon so sor bzhes shig swA hA/ mchod pa lngas mchod/ lus rtsub sngo bsangs snang ba ni/ /rus sbal lus ni yang dag gnon/ /kha dog gnag cing lag na mdung / /dal 'gro la ni bdag phyag 'tshal/ / oM dal 'gro nyi ma'i bu/ grib ma'i mngal las yang dag par byung ba/ Da bi Ta'i yul du yang dag par skyes pa/ rigs kyi lha mi bskyod pa/ che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ dngul las grub pa'i ba nag mo 'di dang / rgyan thams cad dang bcas pa bdag gis khyed la dbul bar bgyi'o/ /'dod pa'i ba nag mo rab tu gnas pa'i slad du bdag gis yon stob par bgyi'o/ /de'i bdug spos ni gan+d+ha ra sa dang bil ba/ mchod yon gyi snod ni sa'i rang bzhin/ mchod yon ni lcags/ sran ma Sha dang / mung+ga dang / til dang / 'bras chan gyi gtor ma/ yon ni ba nag mo'o/ /oM a mr-i ta pri yA ya swA hA/ me tog gis mchod/ oM legs ldan sgra gcan la phyag 'tshal lo/ /seng ge mo'i bu/ bdud rtsi la dga' ba/ rigs kyi lha rdo rje'i dbang phyug /gos nag po dang /me tog dang / bdug pa dang / sgron ma dang / dri dang / mchod phyir thogs la dga' ba/ nyi ma'i shing rta la yang dag par zhon pa/ lha dang sbyin ma'i bu dang / dri za dang / lha ma yin dang / grul bum dang / mkha' 'gro ma tshe bzhon pa dang bcas pa/ gshegs shing gshegs pa'i legs ldan/sbyin pa'i bdag po la phan pa'i don gyi slad du/ gza'i dkyil 'khor gyi dbus 'dir zhugs shing zhugs nas ma nyams pa dang / dri dang / me tog dang / bdug pa dang / sgron me'i mchod pa dang / gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /sgra gcan gyi mchod yon so sor bzhes shig swA hA/ mchod pa lngas mchod/ gnyis skyes gshin rje mi rnams ni/ /shin tu 'jigs shing 'jigs par byed//lus byed mkhar gnas zla ba ni/ /gzir byed de la bdag phyag 'tshal/ /oM sgra gcan/ seng ge mo'i bu/ bdud rtsi la dga' ba/ rigs kyi lha rdo rje'i dbang phyug /che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ dngul las bsgrubs pa'i ral gri khyed la bdag gis dbul bar bgyi'o/ /'dod pa'i ral gri rab tu gnas pa'i slad du bdag gis yon stob par bgyi'o/ /de'i bdug spos ni bil ba'i sa bon/ mchod yon gyi snod ni sa'i rang bzhin/ mchod yon ni zha nye/ sran ma ma sha'i gtor ma yon ni ral gri'o//oM dz+yo ti ke ta be+e swA hA/ me tog gis mchod/ oM legs ldan mjug rings la phyag 'tshal lo/ /kA sha'i bu/ ral gri dang zhags pa nag po phyag na 'dzin pa/ rigs kyi lha ral gri/ gos dud ka dang / me tog dang / bdug pa dang / sgron ma dang / dri dang / mchod phyir thogs la dga' ba/du ba'i shing rta la yang dag par zhon pa/ lha dang sbyin ma'i bu dang / grul bum dang / mkha' 'gro ma dang bcas pa/ gshegs shing gshegs pa'i legs ldan/ sbyin pa'i bdag po la phan pa'i don gyi slad du/ gza'i dkyil 'khor gyi dbus 'dir rjes su zhugs shing rjes su zhugs nas/ma nyams pa dang / dri dang / me tog dang / bdug pa dang / sgron me'i mchod pa 'di dang / gtor ma 'di yang so sor gzung bar mdzod cig /so sor gzung bar mdzod cig /gang gis phyag 'tshal zhing stod par byed pa de dga' bar mdzod cig /zhi ba dang rgyas par mdzod cig /mjug rings kyi mchod yon so sor bzhes shig swA hA/ mchod pa lngas mchod/ phyag na ral gri zhags pa 'dzin/ /lus kyi phyed ni mjug mas brgyan/ /rnam bkra ri mo'i lus su snang / /'od kyi tog la bdag phyag 'tshal/ / oM mjug rings phyag na ral gri dang zhags pa/ rigs kyi lha ral gri /che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du 'dod pa'i yon dngul las bsgrubs pa'i ra skyes khyed la bdag gis dbul bar bgyi'o/ /'dod pa'i ra skyes rab tu gnas pa'i slad du/bdag gis yon stob par bgyi'o/ /de'i bdug spos ni bil ba'i sa bon/ mchod yon gyi snod ni sa'i rang bzhin/ mchod yon ni rin po che lnga/ til nag dang / 'o ma dang / bu ram gyi gtor ma/ yon ni ra skyes so/ /de nas skyes skar la mchod de/ oM dzan+ma na k+Sha trA ya/ badzra puSh+phaM pra tIts+tsha swA hA/ oM skyes skar la phyag 'tshal lo/ /mchod yon so sor bzhes shig /oM skyes skar che ge mo'i tshe dang / nad med pa nyid dang / 'dod pa'i don dang / nad thams cad nye bar zhi ba'i don du/ dngul las bsgrubs pa'i pad+ma khyed la bdag gis dbul bar bgyi'o//pad+ma rab tu gnas pa'i slad du/ bdag gis yon stob par bgyi'o zhes pa gza' dgu mchod pa'i cho ga'o/ /'di ni rgya gar shar phyogs kyi paN+Di ta nags kyi rin chen gyis/ nyid kyi slob dpon hang sa zhes bya ba'i gsung zin bris su bgyis pa'i yi ge las gzhon nu dpal gyis bsgyur ba'o/