CLOSE WINDOW

D3115
བོད་ཡིག

glo bo lo tsA ba dge slong shes rab rin chen gyis bsgyur ba'o/ /[ ]@##/ /rgya gar skad du/ b+ha ga wa ti uSh+NI Shi bi dza ya sto tra/ bod skad du/ bcom ldan 'das ma gtsug tor rnam par rgyal ma la bstod pa/ mgon po 'jam pa'i dbyangs la phyag 'tshal lo//gtso mo bcom ldan 'das ma ni/ puN+Da rI ka'i me tog ltar/ /skyon gyis ma gos sku mdog dkar/ /zhal gsum phyag brgyad spyan gsum mnga'/ /dbu rgyan mgul rgyan snyan char bcas/ /rin chen sna tshogs mdzes pas brgyan/ /pad+ma zla ba'i gdan la bzhugs//dbus dkar g.yas ser g.yon zhal sngo/ /khro mo'i cha lugs mche ba gtsigs/ /phyag g.yas sna tshogs rdo rje dang / /bad steng rgyal ba 'od dpag med/ /mda' dang mchog sbyin phyag rgya'o/ /g.yon pa sdigs mdzub zhags pa dang //gzhu dang mi 'jigs phyag rgya dang / /bum pa dag ni legs par bsnams/ /rnam par snang mdzad dbu brgyan cing / /'od zer dkar po 'phro zhing 'du/ /stod g.yogs lha yin bza' can/ /blo dang tshe 'phel mdzad pa mo/ /pu ri'i nang du mdzes par bzhugs/ / bcom ldan 'das ma nyid la bstod/ /g.yas na rje btsun spyan ras gzigs/ /sku mdog dkar po skyon ma gos/ /g.yon na bad bsnams g.yas pa na/ /rnga yab 'dzin la bdag phyag 'tshal/ /g.yon gyi gsang ba'i bdag po ni/ /ut+pal mdog 'dra rdo rje g.yon/ / g.yas pa rnga yab mdzes 'dzin pa/ /mthu stobs can la phyag 'tshal lo/ /shar lho nub byang phyogs bzhi yi/ /khro bo'i rgyal po bzhi po ni/ /mdun na khro rgyal mi g.yo ba/ /sngo bsangs g.yas na ral gri 'dzin/ /g.yon na sdigs mdzub skra brdzes pa/ /sprul rgyan stag gi sham thabs can//pad+ma nyi ma'i gdan la bzhugs/ /ma rungs 'dul la phyag 'tshal lo/ /khro chen 'dod pa'i rgyal po ni/ /sngo bsangs lcags kyu 'bar ba bsnams/ /ma rungs 'dul ba'i rgyan cha can/ /thams cad 'gugs la phyag 'tshal lo/ /khro chen dbyug pa sngon po ni//zhal gcig phyag gnyis g.yas pa na/ /dbyug to g.yon pa sdigs mdzub mdzad/ /sngo bsangs kun 'dul khyod la bstod/ /khro bo'i rgyal po stobs po che/ /ut+pal mdog 'dra phyag gnyis pa/ /g.yas pa rdo rje sdigs mdzub g.yon/ /bdud 'dul drag po khyod la bstod//zhal gcig phyag gnyis sku mdog sngo/ /kun kyang stag dang sprul gyis brgyan/ /pad+ma nyi ma'i gdan la bzhugs/ /bar chad zhi mdzad khyed la bstod/ /steng gi phyogs na mdzes pa yi/ /gnas gtsang lha yi bu gnyis po/ /lha yi bu ni gnyis po yang / /lha yi rgyan dang na bzas mdzes//phyag na bdud rtsi'i bum pa bsnams/ /bdud rtsi'i char 'bebs kun la snyoms/ /dag pa'i sku la phyag 'tshal bstod/ /gang zhig nangs nangs sngar langs te/ /bstod pa 'di yis dus kun du/ /'khor dang bcas la bstod gyur na/ /blo dang tshe rnams 'phel ba dang //dpal dang 'byor pa'i dngos grub ster/ /mchog gi dngos grub 'grub par 'gyur/ /gus pa'i sems kyis sngar langs nas/ /rtse gcig sems kyis bstod par bya/ /gtsug tor rnam par rgyal ma'i bstod pa/ slob dpon tsan+d+ra go mi sa mdzad pa rdzogs so/