CLOSE WINDOW

D3106
བོད་ཡིག

/'gro kun srid mtsho brgal bar shog /'phags pa de bzhin gshegs pa thams cad kyi gtsug tor nas byung ba'i gdugs dkar mo can zhes bya ba'i sbyin sreg gi cho ga/ /slob dpon rdo rje rnon pos mdzad pa rdzogs so//[ ]@##/ /rgya gar skad du/ Ar+ya ta thA ga toSh+NI Sha si tA ta pa tre nA ma a pa rA dzi ta maN+Dal bi d+hi nA ma/ bod skad du/ 'phags pa de bzhin gshegs pa'i gtsug tor nas byung ba'i gdugs dkar mo can gzhan gyis mi thub ma zhes bya ba'i dkyil 'khor gyi cho ga zhes bya ba/ 'phags ma gdugs dkar mo can la phyag 'tshal lo//'jigs pa brgyad la sogs pa las thar zhing / /rang gi don las gzhan 'dod gtsor mdzad pa'i/ /bla ma sangs rgyas kun la phyag 'tshal nas/ /dkyil 'khor cho ga phyi yi don ltar brtsam/ /de la dang por bla ma ni/ /chos bcu la sogs ldan pa la/ / slob ma dad ldan lha la gus/ /rigs ldan de yis gsol gsum gdab/ /de nas bla mas dkyil 'khor gyi/ /rdzas dang yo byad tshogs pa bri/ /tshogs nas bsnyen pa la 'jug bya/ /gnas khang dben zhing nyams dga' ba/ /maN+Dal chag chag mchod sogs dgram/ / byang chub sems bskyed ldan pa yis/ /bdun po rnam dag sngon 'gro bas/ /rang nyid lha mo'i 'khor lor bsam/ /nang gi dkyil 'khor cho ga las/ /ji ltar 'byung bo bskyed par bya/ /de nas gsang sngags bzlas pa ni/ /rang gi snying gar rab bkod la/ /snying po 'bum du phrin las bzhi//ji ltar rigs pas bzlas par bya/ /yang na dus dang mtshan ma dang / /nus ldan rigs pas sbyar bar bya/ /'khor gyi sngags kyang 'dus par bzhed/ /de ni bsnyen pa'i cho ga'o/ /de ni sa cho ga bya ba la/ /dang por phyi dang nang dang ni/ /phyogs dang dbyibs dang kha dog dang //'byung khungs la sogs rigs kyis brtag /de nas 'jig rten rgyal po'am/ /blon po bdag po ci rigs par/ /mngon pa bdag po tshig gis blang / /mi mngon par gyur sa gzhi ni/ /lha dang sa yi lha mo la/ /blangs te rmi lam la sogs pas//brtag pa'i cho ga rgyas par bya'o/ /sa bdag la ni mi gnod par/ /rim pas brkos la nyes pa bsal/ /rnam lnga dang bsres 'thas par bcag /yang na 'jig rten gsum 'dul gyi/ /sngags sam las kyi bum pa'i chus/ /nyes pa ma lus dag par bya/ /yang na lha mo'i rang sngags kyis//dag par byas pas gdon dang ni/ /zug rngu'i nyes pa dag par bya/ /yang na 'byung ba rim brtsegs dang / /rang gi sngags kyis gzung bar bya/ /rak+Sha'i sngags sam rang nyid ni/ /'phags mar byas te gsol ba gdab/ /de nas cho ga rim pa yis/ / bskyed la phyogs bzhir slob ma yang / /lha mo bzhi yi bskyed rim gyis/ /tshig ni 'di skad gsol ba gdab/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun mchog la yang dag byung / /'phags ma'i dkyil 'khor dam pa gsungs//zhes pa brjod par bya'o/ /yang na tshigs bcad brjod par bya/ /de nas bla mas 'khor lo nam mkha' la bteg la rang nyid khros pa'i gzugs/ maM TaM las ni mig nyi zla/ /hUM las rkang pa rdo rjer bya/ /'gying bcas rdo rje gsor ba ni/ /gar gyi tshul gyis 'di skad brjod//lus ngag sems la gnas pa yi/ /bgegs kyi tshogs rnams kun nyon cig /nga ni dpal ldan rdo rje 'chang / /srung ba'i 'khor lo rab sbyor bas/ /gal te gang zhig 'da' 'dod na/ /rdo rje 'bar ba'i lus kyis ni/ /lus gsum las gsum dag byas te//'di ni de gzhom gzhan du min/ /oM g+ha g+ha/ g+hA ta ya g+hA ta ya/ sarba duSh+TAM phaT/ kI la ya kI la ya/ sarba pA paM phaT/ badzra kI la ya badzra d+ha rod Adz+nyA pa ya ti kA ya wAk+tsi t+ta hUM phaT/ ces brjod la/ bgegs med bya phyir bgegs dgra ni/ /phur bu'i gzugs kyis gdab par bya//de nas lha yi tshogs dang ni/ /gtor ma mchod pas tshim bya ste/ /rab bsrung gnas su bsrung bar bya/ /de nas sa la lag pa ni/ /lan gsum brdabs pas lha mo ni/ /lang tsho ldan pas bsams te ni/ /byin brlabs ye shes gzhug pa dang //mchod bstod byas la 'di skad brjod/ /skyob pa sangs rgyas thams cad kyi/ /spyod pa'i tshul dang khyad par dang / /sa dang phar phyin lam la ni/ /lha mo khyod ni dbang gyur te/ /shAkya seng ge skyob pa yis/ /ji ltar bdud sde bcom pa ltar/ /de bzhin bdag gis bdud kyi stobs//pham par bya ste dkyil 'khor bri/ /lha mos gsol te thim par bsam/ /de nas dri yi thig le dang / /mchod pa la sogs rgyas par bya/ /de rjes bum pa rnam pa drug /gser dngul rin chen las byas pa'am/ /sa las byas pa mgrin phra ba'o/ /lto ba che la nag po yi//ra ri med pa'i ras kyis ni/ /kha brgyan mtshan ma legs bris te/ /'bru dang rin chen sman lnga dang / /ldan par byas te me 'od dam/ /dri yi thig le'i steng du gzhag/ /de nas slob ma rgyan dang ni/ /kha dog ldan pa'i rigs bzang dang / /bde gshegs gsang sngags bsgrub brtson pa//don ston de la sdom pa dbog /dge bsnyen dge tshul la sogs pa/ /rim pas byang chub sems bskyed bya/ /de nas sngags kyi sdom pa yang / /sbyin pas dang por 'di skad brjod/ /dkyil 'khor cho ga'i 'khor lo ni/ /'khor ni bzhi char la yang gnang //rang rang slob dang ldan pa la/ /theg pa chen por sgrub byed pa/ /kha cig gsang sngags grub don gnyer/ /'di na dkyil 'khor 'jug par byed/ /de las gzhan yang bsod nams 'dod/ /gzhan dag pha rol don du gnyer/ /'jig rten phyi ma mchod bya ste/ / dad pa mang du byas nas ni/ /blo ldan dkyil 'khor 'jug bya yi/ /tshe 'di'i 'bras tsam 'dod mi bya/ /tshe 'di tsam ni don gnyer ba/ /'jig rten pha rol pa de min/ /skyes bu 'jig rten pha rol gnyer/ /tshe 'di'i 'bras kyang rgyas par 'byung / /zhes pas bla mas spro ba bskyed/ / rang gi lus la legs bcug ste/ /rang gi snang ba las byung ba/ /ye shes sems dpa'i snying gar gzhug /lan gsum bar du sbyang bar bya/ /de nas slob mas bla ma la/ /slob dpon khyod ni dgongs su gsol/ /dga' chen khyod ni ston pa po/ /byang chub chen po'i tshul bstan pa//mgon po chen po bdag 'tshal lo/ /dam tshig de ni bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum po yang bdag la stsol/ /thar pa chen po'i tshul mchog tu/ /mgon po bdag ni gzhug par mdzod//ces pa lan gsum gsol ba gdab/ /de nas bla mas 'di skad brjod/ /bu tshur theg pa chen po yi/ /gsang sngags spyod pa'i cho ga ni/ /khyod ni bstan pa'i snod yin no/ /khyod ni yang dag bstan par bya/ /dus gsum 'byung ba'i sangs rgyas rnams/ /sku gsung thugs kyi rdo rje can//rdo rje gsang sngags mthu yis ni/ /ye shes mnyam med yang dag brnyes/ /gsang sngags sbyor ba mnyam med de/ /shAkya seng sogs cho ga yis/ /bdud kyi sde ni drag po yang / /dpung chen ma lus bcom pa ste/ /'jig rten rjes su 'jug shes nas//'khor lo bskor nas mya ngan 'das/ /de bas kun mkhyen thob 'dod pas/ /bu yis blo gros 'di gyis shig /ces pa lan gsum yang na gcig /brjod la yan lag bdun pa rdzogs/ /byas te byang chub sems bskyed bya/ /de yi cho ga las byung ba/ / shes par bya ste sbyin par bya/ /de nas hUM AHoM gyis ni/ /rdo rje dang ldan thig les mchod/ /de nas rigs kyi sdom pa dang / /bla ma sangs rgyas de bzhin gshegs/ /lha mo'i tshogs rnams thams cad dang / /'phags pa'i dge 'dun bdag la dgongs/ /bdag ming 'di zhes bya ba ni//dus 'di nas nyid bzung nas su/ /byang chub snying po la gnas par/ /sems can ma lus pa yi don/ /rdzogs par bya phyir sems bskyed bya/ /ji ltar dus gsum mgon po rnams/ /byang chub tu ni nges gnas pa/ /tshul khrims rnam gsum sdom pa dang / / dge ba'i chos ni sbud pa dang / /sems can don byed tshul khrims dang / /so sor bdag gis gzung bar bya/ /bla na med pa'i dkon mchog gsum/ /sangs rgyas chos dang dge 'dun rnams/ /dam pa bdag gis bskyed par bgyi/ /de ni sangs rgyas rigs dag pa'i/ /dam tshig yin par rgyal bas gsungs//rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon bdag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re zhing ni dus drug tu/ /sbyin pa rnam bzhi rtag tu sbyin//byang chub chen po las byung ba'i/ /pad+ma'i rigs mchog chen po la/ /phyi nang gsang ba theg pa gsum/ /dam pa'i chos kyang ma lus bzung / /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ / mchod pa'i las kyang ci nus bgyi/ /tshul khrims bslab pa la sogs dang / /gnyis su med pa'i tshangs spyod dang / /rang gi dam tshig bsrung par bgyi/ /bdag gi bya ba'i las rnams kyi/ /sangs rgyas nyid ni bsgrub bya ste/ /sems can 'khor ba'i rgya mtsho las/ /ma bsgral ba rnams bsgral bar bya//ma grol ba rnams dgrol bar bya/ /dbugs ma phyung ba rnams dbyung bgyi/ /thams cad bla med byang chub kyi/ /lam la myur du gnas par bya'o/ /lan gsum du ni zlos su gzhug /de nas byung bsal sdig pa dbyung / /me tog phul te sngags kyis ni/ / brtan par byas te las kyi sngags/ /rgyal la sogs pas brjod par bya'o/ /so shing a shwad+tha dang ni/ /u dum+WA ra sogs mi 'khyog cing / /srin dang gas chag mi sdug med/ /sor bcu gnyis pa mthe'u chung tshad/ /me tog ldan pa 'char bcug ste/ /byang shar bltas te mi smra bar//ba ko tsam byugs maN+Dal steng / /ltos med rang gi mdun drang bor/ /de yi rtse mo bdag dang nye/ /bltas na mchog gi dngos grub yin/ /phyogs dang mtshams su kha bltas na/ /'bring dang zhi sogs las brgyad 'grub/ /thur bltas sa 'og 'grub pa ste/ /dkyil 'khor phyir ni dngos grub med//de nas dri yi chu ni bzang / /blugs te skyor chu blud par bya/ /oM hr-iHbi shud+d+haHsarba pA paM ni tsa saM sho d+ha ya bi kalpa a pa na ya hUM zhes lan gsum brjod la 'thung du gzhug /ngag gi sgrib pa thams cad 'byang / /skud pa dmar po sum bsgril ba/ /mdud pa gsum ldan rang lhar byas//sngags kyis btab la lag par bcing / /hUM las byung ba'i ku sha yang / /sngas dang stan du sbyin par bya/ /de nas mchod pa spro bas chos/ /legs par bshad par bya ba ste/ /'jig rten du ni kun mkhyen pa/ /u dum+WA ra'i me tog ltar/ /brgya lam na ni res 'ga' zhig /'byung 'gyur yang ni mi 'byung ngo / /sngags kyi spyod pa'i tshul 'byung ba/ /de bas kyang ni rnyed par dka'/ /gang gis mnyam med sems can don/ /bla na med par byed nus pa/ /gnyis med zab mo'i spyod yul ni/ /sems can sangs rgyas thob byed pa'o//dang po bskal pa grangs med nas/ /bsags pa'i sdig pa gang dang gang / /dkyil 'khor bzang po 'di mthong bas/ /de dag thams cad zad par 'gyur/ /zhes pas kun la spro ba bskyed/ /slob ma de rnams kun gyis kyang / /seng ge'i nyal thabs ldan pas su//ku sha'i stan la nyal bar bya/ /nang par langs la skal ldan rnams/ /thar pa chen po'i rang bzhin gyi/ /grong khyer dam pa mthong bar 'gyur/ /nang par dus su langs nas ni/ /rmi lam mtshan ma dri bar bya/ /des kyang bzang ngan mthong ba rnams/ /bla ma'i mdun du brjod par bya//mtshan ma bzang bas dngos grub 'grub/ /ngan pa bsrung ba me yi ni/ /las kyis sdig pa gzhom par bya/ /de yi cho ga sbyin sreg bzhin/ /de nas nam mkhar bzhugs pa yi/ /dkyil 'khor spyan drangs mchod bstims la/ /mchod dang bstod pa la sogs bya//pus mo g.yas pa sar btsugs te/ /lag tu bdug pa'i spos thogs te/ /'phags ma gdugs dkar lha mo mchog /rig sngags rgyal la phyag 'tshal lo/ /thugs rje'i bdag nyid dkyil 'khor ni/ /mgon po bri bar 'tshal lags na/ /slob ma rnams la brtse ba dang //khyed rnams la yang mchod pa'i phyir/ /bcom ldan 'das mar bdag ni gus/ /de ni bka' drin mdzad par rigs/ /'gro ba'i 'khor lo bya don stsol/ /sangs rgyas rnams ni bdag la dgongs/ /byang chub sems dpa' 'bras gnas dang / /gang yang gsang sngags lha rnams dang //'jig rten skyong ba ma lus dang / /'byung po byang chub nyer gnas pa/ /gang dag rdo rje spyan mnga' ba'i/ /bstan la mngon par dga' ba kun/ /bdag ni rdo rje che ge ste/ /'phags ma gdugs dkar dkyil 'khor ni/ /ji ltar nus pa'i yo byad kyis/ / 'gro ba'i don phyir 'dri lags na/ /thugs brtse bar ni dgongs nas su/ /deng bdag slob mar bcas pa la/ /dkyil 'khor lhan cig gyur pa kun/ /nye ba ru ni mdzad par rigs/ /lan gsum la sogs brjod par bya/ /slob dpon mtshan nyid bzang ldan pas/ /rnal 'byor rdzogs pas sngar langs te//sdig 'joms dkyil 'khor bri ba'i phyir/ /dkyil 'khor bteg la thig las bya/ /ras bal la sogs nyes med la/ /tshon lngas legs bsgyur rin chen snod/ /rigs lnga'i sa bon las bskyed de/ /byin rlabs dbang rnams rdzogs par bya'o//a n+yo n+ya a nu ga ta sarba d+harmAHpar spa ra a nu ga te sarba d+harmAHa t+ya na ta a nu pra biSh+Ta sarba d+harmAHzhes brjod lnga po gcig tu bsgril/ /tshad ni nyis 'gyur la sogs bya/ /de nas dri bzangs kyis sbags te/ /ye shes thig ni mkhas pas gdab/ /bla mas slob ma dza yis sbyin//de nyid sum 'gyur gyis blangs te/ /thig sgras sems can don du ni/ /sangs rgyas mang po bskul bsam bya/ /bla ma nub ste shar bltas nas/ /slob ma nub bltas tshangs thig gdab/ /de ltar g.yas skor gnyis btab la/ /zur dang logs sogs thig gi cha//bla ma'i man ngag ltar bya'o/ /phur bu btsugs la bskor bar bya/ /mtshan min pas ni dngos min 'gyur/ /thig skud chad na bla ma 'chi/ /lhag dang chad las nad du 'gyur/ /phyogs 'khrul bas ni slob ma'o/ /zur bzhi sgo bzhi rta babs bzhi/ /do shal sogs kyis spras pa ste//sgo khyud rin chen rdo rje dang / /rlung gis bskyod pa'i dril bur bcas/ /mchod cing bkra shis rdzas kyis brgyan/ /de ltar mdzes pas lhag chad spang / /de nas tshon gyi las bya ba/ /rin chen lnga'am 'byung khungs sam/ /yang na legs par byas pa yi/ / kha dog lnga ni rin chen snod/ /bzhag la rigs lnga'i sa bon snod/ /bskyed cing bstims la ye shes dgug /gnas gsum brlab cing mchod bstod la/ /oM badzra tsitra sa ma ya hUM/ zhes sogs brgya la sogs pa bzlas/ /de nas bla mas dbang ldan la/ /sogs pa'i mtshams nas g.yas skor du//mdzub re snyoms par drang bar bya/ /sngo dang ser dang dmar dang ljang / /dkar po nang du rim pas so/ /mnyam zhing mi yo ma chad pa/ /bris te rin chen snod kyis dgab/ /me tog dor la slob mas kyang / /ci rigs par ni skyon spangs bri/ / sbom phras nad dang nor zad byed/ /chad na slob dpon slob ma 'chi/ /yon pos thams cad kyis sdang 'gyur/ /shar dkar lho ser nub byang ni/ /ljang gu'i rnam pa shas che'o/ /dbus kyi pad+ma'i lte ba la/ /gdugs dang rdo rje bri bar bya/ /de yi phyi rim 'khor lo'i cha//dkar por gnas la shar rtsibs la/ /pad sdong phreng ba'i rnam pa dgod/ /lhor ni rin chen dbyug pa la/ /spos snod rdo rje lu gu rgyud/ /nub tu rdo rje'i rnam pa la/ /byang du rgya gram dgod par bya/ /shar dang nub tu skyabs sbyin no/ /gru chad dmar po la sogs te//sgo la lcags kyu la sogs dgod/ /lha yi snam bu dag la yang / /phyogs skyong mtshan ma rim pas so/ /tshon gyi rim pa rgyas par bya/ /de nas lha ni mnyes bya dang / /slob ma'i sdig pa gzhom pa'i phyir/ /mgon po'i cho gas sbyin sreg bya/ /gzar bu'i tshad dang thab dang rdzas//de rnams gzhan las 'byung bzhin bya'o/ /de ltar thams cad rdzogs pa dang / /lus bkrus dri zhim chus byugs te/ /rgyan ldan pas ni mchod rdzas thogs/ /bskor ba byas la slob dpon ni/ /lha mor byas te hUM sgra yis/ /rdor dril ldan pas nang zhugs la/ / dbus nas sgo yi rim pas su/ /dbye ba byas te bum pa sogs/ /rang rang gnas su dgod par bya'o/ /mchod pa'i tshogs kyang ma lus pas/ /mdzes byas bla ma dam pa yis/ /dkyil 'khor lha rnams rdzogs par bskyed/ /gzhug dang byin rlabs dbang bskur gsol/ /byas la mchod bstod ston mo bya//de nas rtsa ba'i lha dang ni/ /legs ldan la sogs lha rnams la/ /mthun pa'i gtor ma chen po rnams/ /cho ga man ngag ldan pas sbyin/ /de nas slob ma dbang 'dod na/ /lha las tha dad dbye byas te/ /slob ma 'jug tshul dbang bskur rim/ / dang po dpa' bos blang bar bya/ /de nas slob ma rgyan ldan zhing / /mdzes pa'i gdong yang dar gyis ni/ /bkab ste lag par me tog ldan/ /mkhas pas khrid nas yol ba'i bar/ /bzhag ste bla mas ku sha yis/ /bu khyod su yin ci la dga'/ /dris te bdag ni skal pa bzang //gdugs dkar lha la bdag dga'o/ /de nas slob mas bla ma la/ /sangs rgyas kun gyi rang bzhin sku/ /slob dpon mgon la skyabs su mchi/ /gtso bor lha mor bcas pa yi/ /lha rnams kun la phyag 'tshal lo/ /thar pa chen po'i grong mchog tu/ /mgon pos bdag ni gzhug tu gsol//de nas bla mas 'di skad brjod/ /de bzhin gshegs pa kun gyi gnas/ /lha mo gdugs dkar can gyi gnas/ /snying po'i dkyil 'khor 'di ru ni/ /bdag gis slob ma gzhug par bgyi/ /de nas dkyil 'khor lha rnams la/ /dad pas phyag ni bya ba ste//oM na ma ste hUM/ na mA mi hUM/ na mo na ma hUM swA hA/ de nas slob ma khrus byas te/ shar gyi sgo ru gnas pa la/ /de nas me tog bcas pa yis/ /bla ma la ni gsol ba gdab/ /dam tshig de ni bdag la stsol/ /sdom pa rnams kyang bdag la stsol/ /byang chub sems kyang bdag la stsol/ /zhes bya bla mas de la ni//sangs rgyas chos dang dge 'dun sogs/ /gong du bshad pa'i sdom pa sbyin/ /oM sarba yo ga tsit+ta ut+pA da yA mi/ /sems bskyed me tog dang bcas pa/ /snying gar bzhag ste sngags 'di brjod/ /oM su ra ste sa ma ya s+t+waM ho sid+d+hi badzra ya thA su khaM/ /oM a khaM bI ra hUM zhes pas slob ma dkyil 'khor du gzhug ste/slob dpon tshig 'di brjod par bya/ /deng khyod lha mo dang ri khrod pa rnams kyi rigs su 'gyur gyis/ ngas gdugs dkar mo'i sems bskyed par bya ste/ ye shes gang gis de bzhin gshegs pa thams cad dang / gdugs dkar can dang ri khrod ma rnams kyi dngos grub kyang thob par 'gyur la/dngos grub gzhan lta ci smos kyi/ khyod kyis dkyil 'khor ma mthong ba'i mdun du brjod par mi bya ste/ dam tshig nyams par gyur ta re/ /de la 'khor lo gzhug bya ste/ /lag gis rdo rje spyir bzhag nas/ / 'di ni su yang rung ba la/ /gal te khyod kyis smras gyur na/ /khyod kyi dam tshig rdo rje yis/ /rang gi mgo bo 'gas par 'gyur/ /de nas bdud rtsi chu blugs te/ /'thung du bcug ste 'di skad brjod/ /lha mo chen po deng khyod kyi/ /snying la yang dag di ring zhugs/ /gal te tshul 'di smras na ni//de ma thag tu dral te gshegs/ /zhes bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /oM badzra ud ka Tha oM AHhUM/ deng nas khyod kyi gdugs dkar can nga yin gyis/ ngas 'di byos shig ces bsgo ba gang yin pa de khyod kyis bya dgos so/ /khyod kyis nga la brnyas par ma byed cig /khyod ya nga ba ma spangs par 'chi ba'i dus byas nas sems can dmyal bar lhung bar gyur ta re zhes brjod do/ /de nas slob ma'i gtso bo des//de bzhin gshegs pa thams cad kyis/ /bdag la byin gyis rlobs mdzod la/ /rdo rje ye shes dbab tu gsol/ /de nas bla mas slob ma la/ /lus ngag yid gsum 'byung ba yi/ /'khor lor mdoms su yi ge dz+he/ /dmar ba bsams te 'od zer gyis//lus kyi rdul dang mnyam pa yi/ /sangs rgyas bkug la bstim de ni/ /oM badzra A be+e sha ya a a a zhes bya'o/ /yang na A be+e sha ya to Sha ya ra ra ra ra tsa la ya tsa la ya hUM ha a dz+he/ zhes brjod 'gying ba dang bcas pas/ rdzas kyi bdug pas legs bdugs te/ /dril bu'i sgra dang a na le'i//sngags kyang ci mang dag tu bzlas/ /babs gyur lce la yi ge a/ /dmar po bsams te dge mi dge /smros shig bu kun nyams myong zhing / /dris la babs pa brtan bya'i phyir/ /tiSh+Tha badzra hUM zhes brtan par bya'o/ /de nas rdo rjes khrid nas su/ /shar sgo nas ni 'di skad brjod//'dir ni bsod nams ji lta bar/ /rigs kyi rim bzhin 'di yi lha/ /'dis ni dngos grub gang yin pa/ /rigs ni gang gi snod du 'gyur/ /de yi bsod nams gang yin las/ /dkyil 'khor du ni de bzhin 'gyur/ /slob ma'i me tog phreng ba de//pra tIts+tsha badzra ho/ /zhes bas me tog lha la dor/ /lha ni gang la phog pa dang / /'grub 'gyur sngags 'dis mgo la bcing / /pra ti gr-ih+na swa mi maM satwa ma hA ba la/ /de nas lag pa nas bzung ste/ /mig gnyis su ni oM bsams la/ /rdo rje sems dpa' deng khyod kyis//mig 'byed par ni brtson par mdzad/ /phye bas thams cad mthong bar 'gyur/ /rdo rje'i mig ni bla na med/ /oM badzra Ni tra a pa ha ra pa Ta laM hrIHzhes pas gdong g.yogs bkrol nas ni/ /dkyil 'khor bzang po 'di la ltos/ /da ni dad pa rab tu bskyed/ /khyod ni gdugs dkar rigs su gyur//sngags dang phyag rgyas byin gyis brlab/ /'gro ba'i phun sum tshogs pa kun/ /dngos grub kun khyod dngos su 'gyur/ /dam tshig thams cad bskyang ba dang / /gsang sngags la yang brtson par gyis/ /de nas me tog lhung ba'i lha/ /bstan dang lha gzhan thams cad dang //dkyil 'khor de nyid rdzogs par bstan/ /de nas slob ma dang ldan pas/ /bla ma'i zhabs la phyag byas te/ /yon dbul dbang bskur gsol ba gdab/ /gdugs dkar can gyi dbang bskur ba/ /'gro ba skyob phyir rdo rje can/ /de ltar yon tan kun 'byung ba//de bzhin bdag la deng stsol cig /ces pa byas te dbang sbyin phyir/ /yungs kar sngags kyis bgegs bzlog la/ /khrus byas rgyan ldan shar sgo yi/ /khri la 'dug la me tog ni/ /sngags kyis lha la dbul bar bya/ /oM pra tIts+tsha ho/ blangs te mgor bcings sngags 'di brjod//oM d+harma kun+da a b+hi Shiny+tsa hUM zhes brjod do/ /me tog phreng ba'i dbang 'di yis/ /'dod lha'i dngos grub myur rdzogs te/ /pad+ma can gyi zhing sogs su/ /sangs rgyas nyid dang mnyam par shog /rnam rgyal bum pa la sogs nas/ /las kyi bum par chu bsdus te//slob ma mi bskyod par byas la/ /glu dang rol mo'i sgra dang ni/ /mchod pa'i tshogs kyis chu blugs shing / /oM badzra a b+hi Shiny+tsa/ lha mo rnams kyi bdud rtsi'i chu/ /bag chags thams cad dag byed pa/ /chu yi dbang bskur dam pa 'dis/ /nyon mongs thams cad dag gyur cig /lugs 'byung bris pa'i dbu rgyan la/ /rin chen 'byung ldan bcug nas ni/ /bskon la dar dpyangs kyis bcings la/ oM paT+Ta badzra a ral+li ho/ thor tshugs cod pan gyis brgyan pa/ /bde gshegs kun gyis bsngags pa dang / /rin chen dbu rgyan dam pa dang / /dar dpyangs dbu rgyan dbang bskur ro//gser sogs tshad ldan rdo rje la/ /snang ba mtha' yas bkug bstims te/ /slob ma'i lag gtad sngags 'di brjod/ /oM badzra a d+hi pa ti s+t+waM a b+hi Shiny+tsa mi/ /sangs rgyas rdo rje'i dbang bskur bas/ /de ring khyod la dbang bskur ba//sangs rgyas thams cad rab sgrub phyir/ /rdo rje 'di ni khyod kyis lang / /dril bu ldog pa'i tshad ldan la/ /don yod grub par byas nas ni/ /lag pa g.yon sbyin sngags 'di brjod/ /oM a d+hi pa ti s+t+waM a b+hi Shiny+tsa tiSh+Tha bI ra sa ma ya/ /'di ltar sangs rgyas thams cad kyi//shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal bas bzhed/ /de tshe dril bu sgra sgrogs te/ /srid pa ngo bo nyid kyis dag /ngo bo nyid kyis dngos med byas/ /rang bzhin dag pa'i sems dpa' yis/ /mchog gi srid pa byed par 'gyur//kha cig ming dang phyir mi ldog /dbang yang sbyin par byed pa yod/ /de ni thun mong dbang yin no/ /khyad par dbang bskur bstan pa ni/ /gzungs dang 'khor lo phyag mtshan dang / /legs ldan dbang dang bkra shis kyi/ /rdzas dang rin chen nya rin chen/ /seng ge mda' gzhu ral gri dang //mthun par sku yi dbang yang bskur/ /de nas bya ba bsrung bya ba dang / /mtshon gyis bra ba dang srung skud gdags/ /phur bus gdab dang bzlas pa yi/ /snang ba bzhin dang srung 'khor gyi/ /cho gas legs par gdags par bya/ /mchod byas lha rnams gshegs bya ste/brab pa'i lhag ma chu bor dor/ /rnam lngas thig dbyi la sogs bya/ /rang gis legs par rtogs pa yi/ /gdugs dkar dkyil 'khor cho ga 'di/ /bla ma'i drin gyis byung ba ste/ /bsdus byas rgyas pa ma yin pas/ /mkhas rnams lha la bzod par bya//de las byung ba'i dge tshogs zla ba'i 'od ltar bsil ba des/ /myos byed skye bo'i tshogs rnams gdung ba bsil bar gyur nas kyang / /rang gi 'dod pa'i lha mo nyid dang mtshungs pa'i slob mnga' rtogs gyur cig /bcom ldan 'das gtsug tor gdugs dkar mo can gyi dkyil 'khor gyi cho ga /