192b2 /rim gyis gtsug tor lha mo yi/ zhal rdzogs par ni mthong bar shog /mchod rten bsgrub pa'i cho ga'i rim pa mdor bsdus pa/ slob dpon tsan+d+ra go mis mdzad pa rdzogs so// //zangs dkar lo tsA ba'i 'gyur ro/ /[ ]@##/ /rgya gar skad du/
192b3 u Sh+NI Sha si tA ta pa tre ho ma bi d+hiH/ bod skad du/ /gtsug tor nas byung ba'i gdugs dkar mo can gyi sbyin sreg gi cho ga/ /gdugs dkar mo can la phyag 'tshal lo/ /gzhan don mthar phyin lha mo ni/ /gdugs dkar can la phyag 'tshal te/ /lha rnams mnyes par bya ba'i
192b4 phyir//sbyin sreg gis ni tshim par bya/ /dri zhim po'i chus legs par khrus byas nas gos gsar pa bgos te/ rgyan khyad par can btags la bgegs srung ba dang / srung ba'i 'khor lo bsgom par bya'o/ /de nas rgyud dag par bya ste/ phyag dang mchod pa la sogs
192b5 rgyud dag par bya'o//brtsam du rung ba'i sa phyogs su phrin las dang sbyar te/ thab dang rdzas la sogs pa rdzogs par byas la/ /shing gang yin pa btser te/ mchod pa dang sreg rdzas tshogs pa dang / oM badzra dz+wa la raM zhes pas me sbar la de nas stong pa tshad med par bsgoms
192b6 te/oM badzra dz+wa la sarba d+ha rma badzra sarba d+ha rma si te hUM zhes pa'i sgras stong par bsgom mo/ /de'i ngang las 'byung ba ri rab dang bcas pa'i steng du b+h+rUM las me thab gzhal yas khang lta bu'o/ /der a dang zla ba la sa bon gyi yi ge las 'od zer kha dog sna tshogs pa ldan pa 'phros shing
192b7 'dus ba las me lha dkar po rgyan kun rdzogs pa/phyag bzhi pa ag tshom ser la 'khyil ba/ gsus pa che la 'od 'bar ba gzi brjid can/ g.yas rdo rje dang bgrang phreng bsnams pa/ g.yon gnyis skyabs sbyin dang / gun+d+he bsnams pa'o/ /thugs ka na raM dmar
193a1 po gru gsum gyis mtshan pa'o//de nas de nyid dang 'dra ba'i ye shes sems dpa' spyan drangs te/ tshur byon tshur gshegs 'byung ba che/ /lha yi rgyal po drang srong mchog /sreg blugs zhal zas bzhes slad du/ /'bar ba'i nang du gshegs su gsol/ /
193a2 e h+ye ag+na ye ma hA rA dza ga dzaH/ hUM 'byung ba chen po me yi lha/ /lha rgyal drang srong bde ba'i mchog /sreg blugs zhal zas bzhes nas kyang / /'di nyid du ni bzhugs su gsol/ /de nas yon chab kyis spyan drangs la/ bsang gtor byin te dbang bskur bar bya'o/ /de
193a3 nas mchod pa dang phyag gis mchod de/mar gyi dgang blugs phul te/ tshangs pa 'jig rten mgon gyur pa'i/ /gzi brjid chen po me yi lha/ /sku bcas sku ni dpal dang ldan/ /rngam brjid rgyan ldan las la dbang / /sreg blugs phul bas las rnams sgrub/ /zhi la
193a4 sogs pa'i lha dpal te//ji ltar 'dod pa'i las sgrub pa/ /gzi brjid rgyal la phyag 'tshal bstod/ /bsang gtor phul la/ ag+na ye ha bya ka bya ba ha na ya/ a ti pya ti pya/ sarba pA paM shAn+tiM ku ru zhes pa'am/ oM badzra ag+na ye swA hA/ yam shing 'od la'o/ /oM ag+na
193a5 ya swA hA/mar zhal du'o/ /oM sarba pA paM da ha na badzrA ya swA hA/ til dang yungs kar phyag tu'o/ /sarba saM pa de zho dang 'bras chan phyag tu'o/ /a pra ti ha ta badzrA ya/ ku sha gtsug tu'o/ /badzra A yu She/ dUr pa gtsug tor du'o/ /ma hA be+e gA ya/ nas zhal du'o/ /ma
193a6 hA g+hasma re/gro zhal du'o/ /ma hA ba la/ sran ma zhal du'o/ /ma hA puSh+Ta ya/ 'bras so ba zhal du'o/ /ma hA shra ya a ma po ti/ zhes bya bas/ dzA ti pa la dang / tarka dang / bil ba rnams zhal du/ rdzas thams cad me lha'i sngags kyis bsreg par bya'o/ /u du m+WA ra
193a7 la sogs ming dang thog ma tha mar brgyan te bsreg par bya'o//dri dang / me tog dang / spos dang / mar me dang mchod yon rnams ni so sor dbul bar bya'o/ /oM badzra a na la ma hA b+hU ta dz+wa la ya sarba b+hasmiM ku ru sarba duSh+TAM ma ma hUM phaT shAn+tiM ku ru swA hA/ me lha gzi brjid skyed pa'i
193b1 dgang blugs phul ba/mchod pa dang bstod pa bya'o/ /de nas me lha'i thugs kar dkyil 'khor pa'am lha rnams dkar po la sogs par bskyed pa las 'od zer 'phros pa las ye shes kyi dkyil 'khor spyan drangs la/ de bzhin gshegs pa'i gdung dang / rdo rje'i gdung dang /
193b2 pad+ma'i gdung dang / glang po'i gdung dang / gzhon nu'i gdung dang / klu'i gdung dang / 'dus pa'i gdung dang / de bzhin gshegs pa ma lus pa dang / rgyal ba'i rdo rje gzhan gyis mi thub ma/ /gtum chen stobs chen 'bar ba mo/ /bgegs tshogs 'joms ma gshegs su
193b3 gsol//bsang gtor phul te mchod yon gyis spyan drangs la sngags dang phyag rgyas brtan par bya'o/ /de nas mchod pa dang bstod pa 'byung ba'i rim pa brjod par bya'o/ /de nas gong ma bzhin du dgang blugs dang sreg blugs dbul lo/ /oM sarba ta thA ga toSh+NI Sha si tA ta pa tre hUM/
193b4 a mu kaM shAn+tiM ku ru swA hA/ oM hUM ma ma hUM ni swA hA/ zhes snying po'am nye ba'i snying po'am/ oM na mo b+ha ga wa te uSh+NI ShA ya shud+d+he bi ra tsi bi ma ye swA hA/ zhes bya ba'i sngags sam/ rdzas so so'i sngags rnams kyi khyad par gyis dkyil 'khor pa'am/ lha rnams tshim par bya ste/ sdig
193b5 pa sreg pa'i sngags kyis bsreg par bya'o//de nas mchod pa dang bstod pa byas la smon lam gdab bo/ /bdag gis bcom ldan 'das gdugs dkar mo can phyag rgya'i tshogs dang bcas pa ji ltar tshogs pa'i mchod pa dang / sbyin sreg rnams kyis mchod pas/ bdag ming 'di
193b6 zhes bgyi ba dang /sems can thams cad sgrib pa gnyis byang nas/ tshogs gnyis rdzogs te/ tshe 'di nyid du bla na med pa'i byang chub chen po thob par gyur cig ces gsol ba btab la/ gdugs dkar mo can phyag rgya'i tshogs dang bcas pa la/ phrin las su gsol ba ni/ bdag
193b7 dang yon gyi bdag po rnams la nad kyi rigs su gyur pa rlung dang mkhris pa dang bad kan dang 'dus pa las gyur pa thams cad zhi bar mdzod cig /gdon gyi rigs su gyur pa gdon stong phrag brgyad cu las thar bar mdzod cig /'phral gyi rkyen las gyur pa'i nad thams cad zhi bar mdzad
194a1 du gsol/bzod par gsol ba ni/ bdag snyigs ma lnga'i dus kyi sems can du gyur pas yo byad ma tshogs pa dang / bdag las dang po par gyur pas sems la dbang ma thob ste/ bying ba dang rgod pa'i dbang gis mi gsal ba dang / cho ga nyams te
194a2 lhag chad du gyur pa thams cad bzod pa chen po mdzad du gsol lo//de nas ye shes kyi 'khor lo gshegs te/ rjes su mthun pa'i dngos grub stsol/ /sangs rgyas yul du gshegs nas kyang / /gtan du gshegs pa ma lags pas/ /slar yang 'byon par mdzad du
194a3 gsol//muHgats+tsha zhes pas gshegs su gsol lo/ /mjug tu me lha mchod pa dang / las bsgrub pa'i sbyin sreg bya ste/ bstod pa ni/ 'jig rten dbang phyug tshangs dbang mchog gi sras/ /me lha'i rgyal bo drang srong mchog gyur pa/ /ye shes mchog gis nyon mongs
194a4 thams cad sreg /'dzin byed me lha nyid la phyag 'tshal bstod/ /gzi brjid ldan pa me yi lha/ /'dod pa thams cad stsol mdzad pa/ /bdag gzhan don sgrub sa la bzhugs/ /tshangs pa'i sras la phyag 'tshal 'dud/ /de nas ye shes kyi me lha gshegs te/
194a5 bskyed pa me 'bar ba la bltas te/ oM ma ma hUM ni sarba da ha na badzrA ya che ge mo shAn+tiM ku ru swA hA/ zhes bya bas brgya'am stong ngam khri'am 'bum mam/ ji srid nus pas bsreg par bya'o/ /bdag gi cho ga'i rim pa 'dis/ /lhag pa'i lha rnams mnyes bya ste/ /srid pa'i brtson
rar nyam thag pa'i/