CLOSE WINDOW

D3085
བོད་ཡིག

slob dpon tsan+d+ra go mis mdzad pa rdzogs so// //tho ling gi gtsug lag khang du dge slong rin chen bzang pos bsgyur ba'o/ /[ ]@##/ /rgya gar skad du/ Ar+ya ta thA ga toT+wA Sha si tA ta pa tre nA ma a pa rA dzi ta d+hA ra Ni sA d+ha na ma/bod skad du/ 'phags pa de bzhin gshegs pa'i gtsug tor nas byung ba'i gdugs dkar mo can gzhan gyis mi thub ma rdo phyir bzlog pa zhes bya ba'i gzungs kyi sgrub thabs/ dkon mchog gsum la phyag 'tshal lo/ mthong dang ma mthong la sgrol ba'i//gdugs dkar yum la phyag 'tshal te/ /bdag gzhan don de thob bya'i phyir/ /lo 'dab tsam cig gsal bar bya/ /de la 'phags pa gdugs dkar mo can bsgrub par 'dod pa'i rnal 'byor pas/ gnas dben zhing yid dang mthun par dang ngo maN+Dal dang mchod pa bshams la shA khrus bya ste/lus la dris byugs nas gos gtsang ma bgos te/ stan bde ba la gnas par bya'o/ /de nas rang gi snying gar zla ba'i steng du oM dkar po bsams te/ de las 'od 'phros pas phyogs bcu'i sangs rgyas dang byang chub sems dpa' thams cad kyang 'phags pa gdugs dkar mo can dmigs te/phyag 'tshal ba la sogs pa rim pa bzhin du bya'o/ /de nas tshad med pa bzhi bsgoms te stong pa nyid du bsgom par bya'o/ /de ltar stong pa nyid las zla ba'i dkyil 'khor la gnas pa'i oM dkar po bsams te/ de nyid las 'od zer phyogs bcur 'phros pas 'gro ba'i don byas te/ tshur 'dus pa las gdugs dkar po oM gyis mtshan par gyur te/ de las 'od zer lha mo'i sku dang bcas pa 'phros pas 'jig rten thams cad du nad dang sdug bsngal thams cad las dgrol te tshur 'dus pas 'phags pa gdugs dkar mo can sku mdog dkar mo rgyan thams cad kyis brgyan pa/phyag dang po gnyis kyis gdugs dkar po 'dzin pa/ sprul pa'i dbu stong phyag stong mnga' ba/ spyan bye ba phrag brgya stong mnga' ba chen mo/ dbu la mi phyed rdo rje 'bar ba'i mtshan rtags can/ sa gsum gyi dkyil 'khor la mnga' mdzad pa/bdag dang gzhan 'jigs pa thams cad las skyob pa/ phyag rgya'i tshogs kyis kun nas yongs su bskor te gnas par bsams te/ mchod pa'i tshogs rnams byin gyis brlab pa la sogs pa bya'o/ /de nas mdun gyi nam mkhar b+hUM las ye shes kyi gzhal yas khang sems kyi 'byor pa'i rgyan dang ldan par bsgoms pa'i nang du seng ge la sogs pa'i gdan rnams bskyed pa la/spyan drang ba ni snying ga'i oM gyi 'od kyis bskul te dmigs pa rnams mchod yon gyis bzhugs su gsol bar bya'o/ /de yang sangs rgyas dang byang chub sems dpa' dang /'phags pa gdugs dkar mo can phyag rgya'i tshogs kyis bskor ba dang / sprul pa'i tshogs rnams gsal bar dmigs te/ gzhung las byung ba'i phyag rgya dang bstod pa sngon du 'gro bas mchod pa'i tshogs kyis mchod do/ /de nas gsol ba btab ste bzlas pa ni bdag dang ye shes kyi thugs kar zla ba'i dkyil 'khor la bzlas pa'i yi ge mu tig gi rdog po lta bur bsams te/spro ba dang bsdu ba'i spyor bas bzlas pa'i skyon spangs te bzlas pa bya'o/ /de yang sangs rgyas dang byang chub sems dpa' thams cad la phyag 'tshal bar dmigs shing sems can gyi don dran pas bzlas pa bya'o//de nas ngal lam gtong bar 'dod na bzlas pa yid kyis 'phags pa gdugs dkar mo can la phul te/ bdag las kyi lha mos 'phags pa rnams la mchod pa dang bstod pa bya ste/ bzod par gsol zhing dge ba'i rtsa ba bsngos nas gshegs su gsol lo//de nas lus bsrung bar bya ste ldang bar bya'o/ /langs nas kyang mdo sde zab mo bklag pa la sogs pa bya'o/ /rtag tu 'phags pa gdugs dkar mo dran par bya'o/ /phyag 'tshal bar dmigs shing 'byung po'i kha zas spangs te bsgrub par bya'o//srung ba dang / 'khrul 'khor dang / bzlog pa dang / sbyin sreg dang / bgegs bzlog cing gzir ba dang / dmag dpung gzhom pa dang / dngos grub bsgrub pa dang / ser ba srung ba dang / sri'u gso ba dang / gtor ma btang ba dang / mdze nad gso ba dang / 'jigs pa skyob pa kun dang po'i phan yon las 'byung ba ltar thams cad bya'o//bdag 'dra blo dman so so'i skye bo yis/ /'phags ma mchog la chu yi thigs tsam bstod/ /'di las skyes pa'i bsod nams gang byung bas/ /bdag dang sems can kun gyis mchog thob shog /'phags pa de bzhin gshegs pa'i gtsug tor nas byung ba'i gdugs dkar mo can gzhan gyis mi thub pa phyir bzlog pa zhes bya ba'i gzungs kyi sgrub thabs slob dpon tsan+d+ra go mis mdzad pa rdzogs so/