CLOSE WINDOW

D3079
བོད་ཡིག

gang gis de bzhin gshegs pa chos kyi 'khor lo bskor ba'i grags pas 'jig rten gyi dkyil 'khor non par gyur pa'o/ /mchod rten gyi cha dbye ba 'dul ba las byung ba'i mdo rdzogs so//[ #]@##/ /rgya gar skad du/ sarba ta thA ga ta sa ma ya rak+Sha sA d+ha naM/bod skad du/ de bzhin gshegs pa thams cad kyi dam tshig bsrung ba'i sgrub thabs/ de bzhin gshegs pa'i 'od zer dri ma med pa'i snying po la phyag 'tshal lo/ /'jig rten 'jig rten 'das pa yi/ /gang 'dod dngos grub sbyin mdzad pa'i/ /bla ma'i zhabs kyi rdul la ni//dngos po kun gyis phyag 'tshal 'dud/ /sangs rgyas byang chub sems dpa' dang / /rgyal sras thu bo rnams la yang / /dngos kun phyag byas 'od zer gyi/ /dri med snying po sgrub thabs bshad/ /bkra shis yid 'ong bde gnas su/ /khrus byas bde ba'i stan la 'dug /gsum la skyabs su 'gro ba dang / /byang chub sems ni bskyed pa dang / /sdom bzung tshad med bzhi la gnas/ /rang snying a las 'od byung bas/ /bla ma sangs rgyas byang chub sems/ /nam mkha'i ngos la bsam par bya/ /phyag 'tshal mchod pa la sogs bya/ /de nas stong pa'i ngo bor bsam//oM shU n+ya tA dz+nyA na badzra swa b+hA ba At+ma kou0f85 haM/ de nas las rjes dran par bya/ /a las zla ba rdo rjer bskyed/ /de yis ji ltar 'dod rgyal pos/ /bgegs rnams bskrad par byas nas ni/ /de dbus nam mkha' gru gsum zlum/ /gru bzhi ri rab rnam par b sam//gru bzhi sgo dang rab ldan pa/ /'od dang ldan pa'i khang par bsgom/ /lte bar pad+ma zla ba la/ /a dang maM mu hriHhUM las/ /a las nor bu 'bar bar gyur/ /sku mdog sna tshogs ma nges la/ /zhal gcig phyag gnyis rgyan dang ldan/ /g.yas pa skyabs sbyin g.yon nor bu//mtshan dang dpe byad tshogs pa dbus/ /g.yas su 'jam dpal rnon po la/ /rgyab tu shAkya thub pa nyid/ /g.yon du seng ge sgra bsam bya/ /mdun du phyag na rdo rje bsgom/ /mdun gyi nam mkhar ye shes bsam/ /byin brlabs dbang bskur bsam par bya/ /mchod bstod legs par rdzogs pa dang //rtse gcig yid kyis bsgom par bya/ /de las skyo na snying po bzlas/ /gtsug tu bzlas dang smin phrag bzlas/ /snying ga nyid du bzlas pa'o/ /nye ba'i snying po/ oM sarba ta thA ga ta mu dra a d+hiSh+Thi te swA hA/ de nas gtor mas mchod nas gshegs//bdag nyid smon lam nyid bya zhing / /snang ba sgyu ma bzhin du sbyang / /'di byas ngal ba'i bsod nams kyis/ /'di byas ngal ba sdig pa dag /dri med 'khor lo'i skur gyur shog /de bzhin gshegs pa thams cad kyi dam tshig bsrung ba zhes bya ba'i sgrub thabs rgya gar gyi mkhan po dI paM ka ra shrI dz+nyA nas mdzad pa rdzogs so/