CLOSE WINDOW

D3066
བོད་ཡིག

/rgya gar shar phyogs kyi paN+Di ta chen po dA na shI las rang 'gyur du mdzad pa'o/ /[ ]@##/ /rgya gar skad du/ su sid+d+hi ka ra saM gra ha sAd+ha naM/ bod skad du/ legs par grub par byed pa'i sgrub pa'i thabs bsdus pa/ sangs rgyas dang byang chub sems dpa' thams cad la phyag 'tshal lo//de nas sgrub pa pos 'gro ba mtha' dag la phan pa bsgrub pa dang / dngos grub bla na med pa 'dod pa rnams la legs par grub par byed pa zhes bya ba/ rigs gsum spyi'i sgrub pa'i cho ga rab tu gsal bar brjod par bya'o/ /de la re zhig dang po slob dpon gyi yon tan dang rjes su mthun pa'i slob dpon gyis sgrub pa po bdag nyid mngon par dbang bskur zhing rjes su gnang ba/rgyud las gsungs pa'i sgrub pa po'i mtshan nyid dang ldan pa'i gsang sngags kyi mtshan nyid legs par tshogs pa/ dngos grub las kyi bye brag la mkhas pa mthun pa'i dus kyi dbye ba shes pa/mchod pa rnam pa lnga'i cho ga rig pa/ rang gi mtshan nyid dang mthun pa'i sngags g.yog dang ldan pas sgrub pa'i yan lag gis yo byad thams cad bsdu bar bya'o/ /de nas gsang sngags yongs su bzung ba'i cho gas gang la mngon par dad pa'i gsang sngags mnos te/gsang sngags dang rjes su mthun pa'i yul ji skad bstan pa dngos grub dang 'tsham pa'i gnas ji skad gsungs pa dag tu ji skad bshad pa'i mtshan nyid dang ldan pa'i gnas bya ste/ sngon du bsnyen pa brtsam par bya'o/ /de la nyin gcig bzhin du dus gsum du 'di ltar bya ste//nang par mal nas langs te rigs gsum gyi dam tshig gi phyag rgya bcing bar bya'o/ /de la dam tshig gsum gyi phyag rgya ni thal mo bkan pa las mdzub mo gnyis cung zad tsam bkug ste mgo la bzhag pa 'di ni de bzhin gshegs pa'i rigs kyi dam tshig gi phyag rgya ste/ gsang sngags la/ oM ta thA ga tot+b+ha bA ya swA hA/ thal mo sbyar ba pad+ma kha phye ba'i tshul du bya ste/ snying gar bzhag pa 'di ni pad+ma'i rigs kyi dam tshig gi phyag rgya ste/ gsang sngags la/ oM pad+mo t+b+ha bA ya swA hA/ lag pa thal mo bzlog ste sbyar la mthe bong gnyis dang mthe'u chung gnyis sbyar nas lte ba'i thad kar bzhag ste 'di ni rdo rje rigs kyi dam tshig gi phyag rgya'o//gsang sngags la/ oM badzro t+b+ha bA ya swA hA/ de nas phyogs bcu mtha' yas mu med pa na bzhugs pa'i de bzhin gshegs pa thams cad mngon sum du dmigs la gsang sngags 'dis phyag bya'o/ /oM sarba ta thA ga ta kA ya bA ka tsit+ta badzra pra Na mya na sarba ta thA ga ta badzra pA da ban+da nUM ka ro mi/de nas de dag la bdag la dbul bar bya ste/ phyogs bcu mtha' yas mu med pa na bzhugs pa'i sangs rgyas dang byang chub sems dpa' thams cad la bdag nyid byang chub snying po la mchis kyi bar du dus thams cad du yong ye 'bul na/sangs rgyas dang byang chub sems dpa' chen po rnams kyis bdag bzhes su gsol/ bdag la dngos grub bla na med pa stsal du gsol zhes bya'o/ /de nas byang chub tu sems bskyed par bya ste/ sangs rgyas chos dang tshogs mchog la/ byang chub bar du bdag skyabs mchi/ / bdag dang gzhan don sgrub slad du/ /bdag gis byang chub sems bskyed do/ /phyogs bcu dag na bzhugs pa yi/ /sangs rgyas byang chub sems dpa' gson/ /bdag gis rdzogs pa'i byang chub phyir/ /de nas byang chub sems bskyed do/ /de nas khro bo mnol ba med pa'am/ bdud rtsi thab sbyor ram/yang na rgyud gzhan las gsungs pa'i cho gas bdag nyid bsrung bar bya'o/ /de la mnol ba med pa'i sngags ni/ oM badzra kro d+ha ma hA ba la ha na da ha pa tsa/ bi d+h+wa n+sa ya u tsuSh+ma kro d+ha hUM phaT/ lag pa gnyis sor mo phan tshun bsnol te/ khu tshur bcangs la mthe'u chung gnyis gshibs te bsgreng mdzub mo rtse mo sbyar ba'i glor mthe bong gnyis btsugs pa ni khro bo mnol ba med pa'i phyag rgya'o//bdud rtsi thab sbyor gyi sngags dang phyag rgya ni 'og nas bshad par bya ste/ /rgyud gzhan las gsungs pa nyid las khong du chud par bya'o/ /de nas snying ga'i zla ba'i dkyil 'khor la rnam par snang mdzad kyi snying po'i ngo bo a zhes bya ba dang /mgo bo la mi g.yo ba'i ngo bo ha zhes bya ba 'bar ba'i phreng ba 'khrugs par bsam par bya'o/ /de nas swa b+hA ba shud+d+haHsarba d+harmAHswa b+hA ba shud+d+hou0f85haM zhes bya bas rang bzhin gyis dag par mos par byas la/ de nas phyir byung ste so shing bca' ba la sogs p a bya ste/lha'i khang pa la sogs pa bstar bar byas nas khrus byed du song shig /gzhan yang phyi rol gyi sar bshang gci byed pa'i dus dang / zan za ba'i tshe'ang khro bo mnol ba med pas bsrung bar bya ste/ de nas skye bo 'du ba dang 'jigs pa la sogs pa spangs pa'i 'jug ngogs su song ste/ gnas gtsang ma nas sa blangs la cha gsum du bgos te/ gnas gtsang mar gzhag par bya'o/ /sa blang ba'i sngags ni/ oM ni kha na wa su d+he swA hA/ lag pa gnyis kyi sor mo phyi rol du bsnol te bkug nas mdzub mo gnyis gshibs te bsgreng / mthe bong gnyis de'i drung du gzhag go/ /'di'i gsang sngags dang bcas pas sa la gtug cing blang bar bya'o//dang por dam tshig gi phyag rgya bcings la de nas blang bar bya'o/ /rigs gsum gyi dam tshig gi phyag rgya ni bstan zin to/ /de nas bdud rtsi thab sbyor gyis bdag nyid bsrung bar bya'o/ /de'i phyag rgya ni mthe bo'i ngos kyis mthe chung gi sen mo mnan la sor mo lhag ma rnams rdo rje'i mtshan nyid du bya ste/bsnol nas dpung bar bzhag ste/ ya sos ma mchu mnan pa khro bo'i lta bas blta zhing gsang sngags brjod par bya'o/ /na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ tar+ya thA/ oM hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/ de nas lus la bgegs bsal ba'i phyir khu tshur gnyis nang du bcings te/ mdzub mo gnyis phyung nas bsgrengs nas mgo nas rkang pa la thug gi bar du brab par bya'o/ /gsang sngags la/ oM ha na ha na a mr-i te hU~M phaT/de nas rdo rje'i go cha bya ste/ thal mo bkan pa las mthe'u chung gnyis bsnol ba'i bar du srin lag gnyis bkug ste bzhag /gung mo gnyis gshibs te bsgrengs la de'i tshigs gsum par mdzub mo bkug ste/ mthe bong sbyar nas mthe bong gnyis dbus su gzhag go//gsang sngags la/ oM badzra ag+ni pra dI pa tA ye swA hA/ de nyid las mdzub mo gnyis bskyed nas rdo rje'i tshul du byas pa ni rdo rje go cha'i phyag rgya'o/ /na mo rat+na tra yA ya/ oM hU~M kha kI li hU~M phaT/ de dag la sogs pa'am yang na sngags dang phyag rgya gzhan gyis kyang bdag nyid kyi mgo bo dang /dpung mgo gnyis dang / snying ga dang / mgrin pa rnams su go cha bya'o/ /de nas sngags dang phyag rgyas sa'am chu la gtugs te thams cad du bsal bar bya'o/ /lag pa g.yon pa'i sor mo dbus ma gnyis mthe bos mnan la/ mdzub mo dang mthe'u chung gdu bu'i tshul du bya ste/ sor mo dbus ma'i tshigs dbus mar gzugs so//lag pa g.yon pa'i sor mo dbus ma gsum rdo rje'i tshul du bya ste/ sked pa'i phyogs su bzhag pa ni bsal ba'i phyag rgya'o/ /gsang sngags la/ oM ha na d+hu na ma tha bi d+h+wa n+sa ya ud sa ra ya phaT/ de nas chu la gsang sngags gdab bo/ /dkon mchog gsum dang phyag na rdo rje la phyag 'tshal lo//oM hU~M ha na ha na badzra badzre Na ha/ de nas chu la kI li kI la'i sngags dang phyag rgyas gtugs te sa la bsang gtor gtor bar bya'o/ /lag pa g.yon pa'i mthe bo'i ngos kyis mthe'u chung gi sor mo mnan la sor mo lhag ma rdo rje'i mtshan nyid du byas pa ni kI li kI la'i phyag rgya'o//sngags la oM kI li kI la badzra hU~M phaT/ de nas sngags 'dis lan bdun bsngags so/ /oM badzra ha ra hUM/ de nas sa'i cha gcig blangs te chu'i nang du lte ba nub tsam du bzhugs te/ khrus ras dang bcas par khrus bya'o/ /de nas sa'i cha lhag mas lag pa bkrus te/dbyangs can gyi phyag rgyas nye reg bya'o/ /lag pa g.yas pa'i thal mo bkan pa las mdzub mo mthe bo'i drung du bzhag ste/ mthe bong yang mdzub mo'i tshigs dbus mar byas pa ni dbyangs can ma'i phyag rgya'o/ /gsang sngags la/ oM shru ti smr-i ti d+hA ri Ni hUMhUM ha/ de nas sngags 'dis bsrung ba bya ste/gtsug phud bcing bar bya'o/ /oM su sid+d+hi ka ri swA hA/ de nas sa blangs te gsang sngags 'dis bsngags shing g.yas nas bskor te/ nyi ma la bstan nas lus la bsku bar bya'o/ /oM b+hu dza hU~M phaT/ de nas gsang sngags 'dis chu la dkrug par bya'o/ /na mo rat+na tra yA ya/ na maHtsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ daM Sh+Tot+ka Ta b+hai ra bA ya/ tar+ya thA/ oM a mr-i ta kuN+Da li kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ gardza gardza/ bi s+pho Ta ya bi s+pho Ta ya/ sarba big+h+naM ma hA ga Na pa ti/ dzI bi an+ta ka rA ya swA hA/ phyag rgya ni lag pa g.yas pa'i thal mo bkan pa las gung mo dang srin lag bkug ste/mthe bo'i rtse mos mnan la mdzub mo dang / mthe'u chung cung zad bkug pa ni chu dkrug pa'i phyag rgya'o/ /de nas sngags 'dis chu khyor ba gsum dkon mchog gsum la dbul lo/ /oM ra te ra te bud+d+hA ya swA hA/ de nas gsang sngags 'dis rang gi mgo bor snyim pa gsum blugs so//oM a mr-i te hUMhUM phaT/ de nas bdud rtsi thab sbyor gyi sngags dran bzhin du lci bas khrus bya'o/ /de nas khrus zin nas lag pa bkrus te/ gsang sngags de nyid kyis chu snyim pa gsum gyis bdag nyid dbang bskur bar bya'o/ /de nas rang gi lha nyid yid kyis spyan drangs te pad+ma'i gdan la bzhugs su gsol nas gsang sngags 'dis sku bsil lo//oM sarba ta thA ga ta a mr-i ta swA hA/ de nas gal te lha khang du bzlas brjod byed na ni/ de'i tshe chu'i nang du bdun gsum nyi shu rtsa gcig tu gsang sngags bzla bar bya'o/ /ci ste chu'i nang du zlos na ni de'i tshe ske nub tsam mam/brla 'am/ byin pa nub tsam du chu'i nang du zhugs la/ mgo nas bzlas brjod kyi cho ga ji ltar byung ba bzhin du bsgrub par bya'o/ /dngos grub rab dang 'bring dang / tha ma rnams kyi phyir lha'i gnas su 'gro ba'i tshe chu'i nang nas 'byung ste/ kI li kI la'i gsang sngags sam/'og nas 'byung ba'i gsang sngags kyis gos la mngon par bsngags te bgos nas/ de dag nyid kyis bsrung ba bya ste/ yid lha la gzhol ba dang / mi smra ba dang / 'dod chags la sogs pa nyon mongs pa thams cad yongs su spangs nas lha'i gnas kyi drung du phyin pa dang rkang pa bkrus te nye reg byas nas lha'i gnas su zhugs te/lha rnams mngon sum du dmigs la phyag byas nas dam tshig la 'jug pa 'di bzlas par bya'o/ /oM bi ra dza bi ra dza ma hA badzri/ sa ta sa ta/ sA ra te sA ra te/ tra yi tra yi bi d+ha ma ni saM b+hany+dza ni/ ta ra ma ti sid+d+ha a gre taM swA hA/de nas lus la bgegs bsal ba'i gsang sngags dang phyag rgya bstan pa bzhin du bya ba'am/ yang na ci shes pas bdag nyid bsrung bar bya ste/ de nas bsal bar bya'o/ /sngar bstan pa'i sngags dang phyag rgya'am yang na rigs gsum gyi las thams cad kyi phyag rgya'am/ bdud rtsi thab sbyor gyis spos chu la yongs su bzlas nas thams cad du bsang gtor byas nas bsal bar bya'o//de la gsang sngags ni 'di dag yin te/ oM Sh+ToM ban+d+ha swA hA/ de bzhin gshegs pa'i rigs kyi las thams cad pa'o/ /na mo ma hA shrI yA yai/ oM sha ma me sa ma ye/ sau me sid+d+hi/ sid+d+he sA d+ha ya/ shi be+e sha baM kA ri shAM kA ri/ b+ho ha/ sarba ar+tha sA d+ha ni swA hA/ pad+ma rigs kyi'o/ /oM kI li kI la badzra hUMhUM phaT/ rdo rje rigs kyi las thams cad pa'o/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ tar+ya thA/ oM hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ oM a mr-i te hUMhUM phaT/ bdud rtsi thab sbyor ro/ /de dag nyid kyis me tog la sogs pas yang bgegs bsal bar bya'o/ /de nas de dag rigs kyi bdag po'i gsang sngags sam/ rigs kyi snying pos bsang bar bya'o/ /yang na lag pa g.yon pa'i phyag rgya dang bcas pas thams cad bsang bar bya'o//de nas me tog la sogs pa byin bskyed par bya ste/ bsal ba'i phyag rgya nyid las g.yon pa'i gung mo nyid lag pa'i rdo rjes gzung bar bya ba ni byin bskyed pa'i phyag rgya ste/ dri dang me tog la sogs pa'i steng du brims na byin bskyed par 'gyur ro/ / de la 'di ni byin bskyed pa'i gsang sngags te/ oM te dzA/ te dzAHsa ni sid+d+hi sA d+ha ya hU~M phaT/ de bzhin gshegs pa'i rigs la'o/ /oM di pya di pya di pya ya/ A be sha ma hA shri yA ya swA hA/ pad+ma'i rigs la'o/ /oM dz+wa la dz+wa la dz+wa lA ya ban+d+ha ri hU~M phaT/ rdo rje'i rigs la'o/ /de la bdud rtsi thab sbyor gyis byin gyis brlab par bya'o//de nas rigs kyi snying po bzlas so/ /de nas phur bu dang / rab dang / dra ba dang / bdud rtsi thab sbyor dang / kI li kI las mtshams bcad pa la sogs pas gnas bsrung bar bya'o/ /de la sngags dang phyag rgya ni 'di'o/ /oM kI li kI li badzri badzri b+hur ban+d+ha ban+d+ha hUMhUM phaT/gsang sngags 'di yis spos kyi chu la lan bdun bzlas te kun du bsang gtor byas na sbyang ba byas par 'gyur ro/ /de nas gsang sngags 'di phyag rgya dang bcas pas phur bur bya'o/ /de la 'di ni phyag rgya ste/ lag pa gnyis kyi gung mo dang srin lag gnyis phan tshun gdu bu ltar byas te/so so'i drung du rtse mo sbyar te mthe'u chung dang mdzub mo gnyis gshibs te bsgreng mthe bo phur bu'i tshul du bya ste/ sa la btsugs pa ni phur bu'i phyag rgya'o/ /de nas gsang sngags bzlas pa'i bdug pas bdugs te bcing bar bya'o/ /gsang sngags 'di yin te/ oM su sid+d+hi ka ra dz+wa li ta/ a ma nan+ta rmu rta ye dz+wa la dz+wa la ban+d+ha ban+d+ha ha na ha na hUMhUM phaT/ thams cad kyi spyi'i'o/ /oM dz+wa la hUM/ de bzhin gshegs pa'i rigs la'o/ /oM pad+mi ni pad+mi ni/ b+ha ga ba ti/ mo ha ya mo ha ya/ dza gad mo ha ni swA hA/ pad+ma'i rigs la'o/ /de nas mkhas pas thams cad la yang rigs kyi snying po yongs su bzlas pa'i spos chus phyogs bcing bar bya'o//de nas rab bya ste phur bu'i phyag rgya nyid las mthe bong gnyis gyen du bsgreng ba ni ra ba'i phyag rgya'o/ /gsang sngags dang dkon mchog gsum dang phyag na rdo rje la phyag 'tshal lo/ /oM sa ra sa ra/ badzra prA ka ra hU~M phaT/ de nas dra ba bya ste ra ba'i phyag rgya nyid kha thur du bstan pa bskor ba ni dra ba'i phyag rgya'o/ /gsang sngags dang dkon mchog gsum dang phyag na rdo rje la phyag 'tshal lo/ /oM bi s+phu ra rak+Sha badzra pA Ni hU~M phaT/ bdud rtsi thab sbyor dang kI li kI la zhes bya ba sngar bstan pa nyid kyis sbyar bar bya'o/ /de nas mtshams gcad par bya ste/khu tshur bcings te mthe bos sen mo rnams mnan te mdzub mo phyung nas/ gsang sngags lan gsum brjod cing dbus nas bskor bar bya'o/ /mtshams bcad pa ste/ gsang sngags la/ na maHsa man+ta badzrA NAM/ oM ta ra ta ra/ tu ru tu ru/ ma Ta ma Ta/ ban+d+ha ban+d+ha/ sarba tra a bra ti ha te/ sa si me sa ma ban+d+ha/ ku ru ku ru/ ta ra ta ra/ sa man+ta badzre/ ku ru a ma le/ kA ru Na/ ma ye tu ta ye/ tu ta ye/ ba ra ba ra/ ka ra ka ra/ su mi ma sa man+ta bi d+h+wa n+sa ye dz+wa lA ya swA hA/ de nas bgegs bsal ba dang / 'bags pa'i skyon yongs su spang ba'i phyir/ spros chu lag mthil du blugs la rigs kyi snying po yongs su bzlas pas rang gi spyi bor bsang gtor bya'o/ /de nas rtsa ba'i rgyud las stan gang yang rung ba cig bdud rtsi thab sbyor gyis bsang gtor byas la bkra shis dang pad+ma dang / rdo rje skyil mo krung gang yang rung ba'i tshul du 'dug go//de nas mkhas pas gsang sngags 'di brgya'am stong du mngon par bsngags pa'i las kyi rdo rje rtag tu bcang bar bya'o/ /oM d+hu na badzra hA/ de la rdo rje'i las ni rdo rje bkrus te/ tsan+dan dmar pos bskus la lha rnams la mchod pa bya ste/ legs par grub par byed pa spyan drang zhing /bde bar gshegs so zhes bya ba dang / mchod pa rnam pa lnga la sogs pa phul te sngar bstan pa'i sngags kyis lan stong mngon par bsngags la 'di skad ces/ bcom ldan 'das bdag la thugs brtse ba'i slad du bzhugs te/ bdag gi las thams cad mdzad du gsol zhes brjod nas/de mchod pa la sogs pa byed pa na lag pa g.yon pas gzung bar bya'o/ /nyin gcig bzhin du mchod cing rang gi sngags kyis lan bdun bsngags par bya'o/ /gdu bu'i cho ga 'di yin te/ bu mos bkal ba'i skud pa'i grangs mi mnyam par bsgril nas mdud pa yang grangs mi mnyam par bor te dbus su bgrang phreng gi bye brag las nor bu cig btags te/de la ni lha spyan mi drang bar rigs gsum char la mA ma kI'am rgyal ba dang / pad+ma'i rigs la spyan nam/ gos dkar can gyis yongs su bzlas la gdu bu de lag pa g.yas pa'i mkhrig ma la gdags par bya'o//oM ru ru s+phu ru dz+wa la tiSh+Tha sid+d+ha lo tsa ne sarba ar+tha sA d+ha ni swA hA/ de bzhin gshegs pa'i rigs kyi gdu bu'i rig sngags te/ rigs kyi yum yin no/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo//mthong ba dang ni thos pa dang / /reg pa dang ni dran pa'ang rung / /bdag ni sems can thams cad kyi/ /nad rnams kun gyi gsos gyur cig /tar+ya thA/ ka Te bi ka Te/ kaM ka Te/ ka Ta bi ka Ta/ kaM ka Te/ b+ha ga ba ti bi dza ya swA hA/pad+ma'i rigs kyi gdu bu'i rig sngags te yum yin no/ /oM ku lan+d+ha ri/ ban+d+ha ban+d+ha hU~M phaT/ rdo rje rigs kyi gdu bu'i rig sngags te yum yin no/ /'di dag gis ni de la ni/ /bgegs kyis zil gyis gnon mi 'gyur/ /de dag brjod pas myur du ni/ /dngos grub mthong zhing gtsang mar 'gyur//rigs kyi snying po 'bru gsum pas/ /so sor bzlas brjod byas pa yis/ /ku sha yi ni bsang byed kyang / /srin lag la ni gdags par bya/ /dzi na dzikaA ro l-i ka badzra d+h+r-i ka /ze'u ka ras la ni 'og nas bshad pa'i gsang sngags kyis yongs su bzlas par bya'o/ / de ltar gdu bu dang / bsang byed dang / ze'u ka dag byas nas lus drang por bsrang ste bzhag la dbang po lnga'i yum gyi khyad par dag las bzlog ste/ mgrin pa rma bya ltar byas nas dbugs phyi nang du rgyu ba dal bus dbyung zhing mig cung zad tsam phye ste/ sna'i rtse mor blta ba/ de gtad cing sos so mnan nas lce rkan la sbyar te/sems can gyi tshogs ma lus pa la snying rje chen po bskyed nas byang chub kyi sems bsgom par bya'o/ /byang chub kyi sems la gnas shing dge ba'i rtsa ba gang dag sgrub pa de dag ni thams cad mkhyen pa'i ye shes 'dren par byed pas rgyu yin no/ /byang chub kyi sems la gnas pa la ni bsgrim mi dgos pa kho nar 'khor ba na yang bde ba skye bar byed do//byang chub kyi sems kyis byin gyis brlabs pa'i dge ba'i rtsa ba dag ni 'khor ba dag na yang bde ba rnams 'dren par byed de/ de bas na byang chub kyi sems bskyed de bsod nams kyi tshogs bsag par bya'o//de la byang chub kyi sems bsgom pa ni 'di yin te/ phung po la sogs pa mtha' dag rdul phra rab tu bshig la/ rdul phra rab rnams phyogs cha'i dbye ba la sogs pa'i rim gyis dpyad na rang bzhin med pa las mi 'da' ba yin na/ 'di ltar de dag la sogs pa gzugs rags pa lta smos kyang ci dgos/de bzhin du 'di ltar bdag gi ngo bo yang ji lta ji ltar dpyad pa de ltar gcig dang du ma'i rang bzhin dang bral ba'i phyir dpyad pa'i lam du 'jug mi bzod pa yin no/ /de bas na thog ma med pa'i dus nas bsgrubs pa'i ma rig pas bskyed pa phyin ci log tu snang ba dang ldan pa'i bag chags shin tu brtan pa'i stobs kyis nang gi shes pa nyid/phyi'i gzugs kho na ltar snang bar zad kyi dngos po'i gzugs ni skra'i rtse mo stong gi cha tsam yang med do/ /de bas na 'di ltar khams gsum pa 'di dag ni rnam par shes pa tsam mo zhes rnam par dpyad de/mtha' dag nam mkha' lta bur bsams nas rang gi sems kyi rnam pa zla ba'i dkyil 'khor lta bur blta ba 'di ni byang chub kyi sems bsgom pa yin no/ /byang chub kyi sems 'di ni thams cad mkhyen pa'i ye shes kyi rgyu mtshan 'jig rten dang 'jig rten las 'das pa'i dge ba'i rtsa ba rnams 'dren pa bde ba thams cad 'grub par 'gyur ba yin no//de la bzlas par bya ba'i sngags rnams go rims bzhin du dgod pas de las 'od zer sna tshogs rnam par 'byung zhing rang gi lha nyid kyi gzugs kyis nam mkha'i dbyings mtha' dag khyab par byas te/de bzhin gshegs pa thams cad la mchod pa'i sprin chen po sprul pas legs par mchod pa dang / sprin chen po sprul pa la bdud rtsi'i char gyi rgyun 'bab pas dmyal ba'i me rnams zhi ba dang / sems can dmyal ba'i sems can rnams tshim par byas nas yang de bzhin gshegs pa thams cad kyi gzugs dang bcas pa'i 'od zer slar log nas/rang gi sems zla ba'i dkyil 'khor la zhugs par bsam mo/ /bya ba'i rgyud las lha sgrub pa'i rnal 'byor gyi rim pa ma bstan to snyam du bsam par mi bya ste/ bcom ldan 'das kyis phal cher ma bstan kyang phyag na rdo rjer dbang bskur ba dang /de kho na nyid bcu la 'jug pa dag las gtso bor bstan to/ /gcig tu dngos grub thams cad ni gsang sngags kyi lha dang de kho na nyid la rag lus pa yin la/ de dag rnam par nyams na zhi ba la sogs pa'i las rnams 'grub par mi 'gyur bas/bla mas bshad pa dang rgyud kyi khyad par cung zad dpyad pa las khong du chud par bya'o/ /de ltar rim pa 'dis lha nyid kyi sku bskyed par bya'o/ /de nas rang gi lha nyid kyi dam tshig gi phyag rgya bcings nas snying ga dang / smin mtshams dang / mgrin pa dang / dpung mgo rnams su byin gyis brlab bo//de nas rin po che du ma las byas pa'i sa gzhi gser gyi bye ma gdal ba bsams nas gsang sngags 'dis byin gyis brlab par bya'o/ /oM tsa la bI ra hUM swA hA/ de'i steng du 'o ma'i chus yongs su gang ba'i rgya mtsho chen po nya lcibs la sogs pa'i skyon dang bral ba pad+ma dang /ut+pal la sogs pa'i me tog gis rab tu brgyan pa rin po che'i bya'i tshogs mang po lding ba bsam par bya'o/ /byin gyis brlabs pa'i gsang sngags ni bi ma la d+ha hA hUM/ de'i dbus su der ri rab ri'i rgyal po bsam par bya ste/ gru bzhi pa ngos bzhi rin po che'i them skas kyi phreng bas brgyan pa/them skas la la ni gser las byas pa/ la la ni dngul las byas pa/ la la ni in+d+ra nI la las byas pa/ la la ni sbur long las byas pa/ mtha' ma thog thag dpag bsam gyi shing legs par bskrun pa rnam par rgyal ba'i ba dan stong 'phur ba rang gi blo yi khyad par gyis brgyan pa bsam par bya'o//de nas de'i steng du pad+ma'i sdong bu rin po che du mas brgyan pa'i rin po che sna tshogs kyi 'dab ma can/ gser gyi ze ba dang ldan pa sbur long gi ze 'bru can snying po'i thog la dngul gyi ri mos bskor ba/ dpag tshad du ma'i khyon tsam ri rab kyi dbus brtol nas byung bar bsam mo//de las kyang pad+ma'i dra ba gzhan brgya stong khri bye ba rnyed 'byung bar bsam mo/ /de dag byin gyis brlabs pa'i gsang sngags 'di yin te/ na maHsarba ta thA ga tA nAM/ sarba thA ut+ga te spa ra Na hi maM ga ga na khaM swAhA/ de la phyag rgya ni phyag 'tshal ba'i thal mo las phan tshun bsnol te g.yas pa'i mthe bos g.yon pa'i mthe bo mnan no//phyag rgya 'di bcings nas gsang sngags lan brgya brjod par bya'o/ /des thams cad yang dag par gnas bar 'gyur ro/ /der gzhung las byung ba'i rim pas bla re dag kyang yid kyis skad cig la bsam par bya'o//de'i phyir de la spros pa dang ldan pa'i gzhung rgyas pas 'jigs par mi bya'o/ /de nas lha spyan drang ste/ 'di ni spyan drang ba'i cho ga'o/ /gser dang dngul dang zangs ma dang rdo ba dag dang shing gi'am zhes bya ba'am/ zhi dang rgyas dang drag spyod dang / /rab dang 'bring dang tha ma yi//las dang dngos grub rnams la ni/ /rim pa'i snod rnams sbyar bar bya/ /kha dog yon tan bshad pa las/ /gzhan dang gzhan yang ci rigs pa'i/ /snod rnams ji ltar 'dod par ni/ /mchod yon phyir yang sbyar bar bya/ /mchod yon phyir ni zangs kyi snod/ / las rnams kun la rab tu shis/ /de dag las rigs dang las dang dngos grub dag la gang 'dod pa'i snod blangs te/ de nas rjes su me tog dang / /spos kyi chu ni gtsang ba yis/ /mchod yon cho ga bzhin bshams la/ /bdug spos kyis ni rab tu bdug /de la zhi ba dang dngos grub rab gnyis la ni nas dang 'o ma'i mchod yon dbul bar bya'o//rgyas pa dang dngos grub 'bring la ni til dang zho dbul bar bya'o/ /drag shul spyod pa dang dngos grub tha ma la ni ba'i gcin 'bras ko tra ba dang bcas pa'am/ yang na khrag dbul bar bya'o/ /rab dang 'bring dang tha ma yi/ /las rnams kun la 'bras yos shis//spos dang me tog ku sha til/ /chu rnams bye brag med par bzang / /'di ma 'byor gyis bdag la ni/ /bzod pa ci 'byor bas kyang bya/ /de nas gsang sngags kyi lha spyan drangs pa'i phyir mchod yon bshams nas rang gi rigs kyi rig pa'i rgyal po'am/ yang na spyi yi rigs kyi snying po'am/ /de spyan drang ba'i gsang sngags sam/ /so so'i las thams cad pas yongs su bzlas so/ /rig sngags kyi rgyal po dang / rig sngags rang bzlas so/ /de ltar yongs su bzlas nas gsang sngags kyi gnas kyi phyogs gang yin pa'am/ ri mo la sogs pa la lha'i gzugs bzhag pa der bltas te/'di skad ces/ dad pa dang ni dam tshig gis/ /tshur gshegs tshur gshegs bcom ldan 'dir/ /bdag gi mchod yon 'di bzhes nas/ /mchod pas bdag la dgyes par mdzod/ /ces bya ste/ de nas pus mo gnyis sa la btsugs te/gsang sngags mchog rnams mgo bo'i thad ka nas mchod yon dbul lo/ /'bring rnams la brang nas so/ /phal pa rnams la ni lte ba'i thad ka nas mchod yon dbul bar bya'o/ /yang na yid gtso bor gyur pa yin pas bzhi po gang yang rung bas spyan drang bar bya'o/ / thal mo sbyar ba'am/ mchod yon nam/ me tog blang ba'am/ yang na thal mo sbyar ba bya ste/ tshur gshegs zhes bya ba la sogs pas yid kyis spyan drangs nas las kyi bye brag las shar ram/ byang ngam/ lho'am/ nub tu kha bltas te lha mdun du bzhugs su gsol/ rgyas par ni rgyud las shes par bya'o//slar gshegs su gsol ba ni spyan drangs pa'i cho ga bzhin du bya ba las gsang sngags dang phyag rgyar ldan pas bye brag tu bzhud cig ces bya'o/ /de la 'di ni phyag rgya yin te/ sor mo phan tshun gyi bar du bsnol nas thal mo bkan la mdzub mo gnyis gshibs te bsgreng ngo //mthe bong gnyis g.yab pa ni spyan drangs pa'o/ /phyir bsgyel ba ni slar gshegs su gsol ba'o/ /spyan drang ba'i cho ga'o/ /de ltar lha rnams spyan drangs te/ gsang sngags 'chang gis rtag tu pad+ma dang / rdo rje dang / dpa' bo'i 'dug stangs brjod pa rnams kyis snga dro dang nyi ma'i gung dang phyi dro'i dus su go rims bzhin du phyag rgya'i sbyor bas gsang sngags bzhugs su gsol lo//de la pad+ma'i rigs kyi dam tshig gi phyag rgya ni pad+ma'i 'dug stangs kyi'o/ /phyag rgya de nyid las sor mo gsum rdo rje ltar byas pa ni rdo rje 'dug stangs kyi'o/ /phyag rgya de nyid las sor mo dbus ma gnyis gcig tu sbyar ba ni dpa' bo'i 'dug stangs kyi'o//de dag gi gsang sngags ni/ oM kA ma lA ya swA hA/ pad+ma'i 'dug stangs kyi'o/ /oM badzra A sa ni hU~M phaT/ rdo rje'i 'dug stangs kyi'o/ /oM badzra bI ra ka hU~M phaT/ dpa' bo'i 'dug stangs kyi'o/ / de ltar ci rigs par gdan phul nas kI li kI la rdo rje bstan nas dam tshig rdo rje bstan par bya ste/ de yang lag pa g.yas pa'i sor mo gsum gyis bya'o/ /gsang sngags la shaM ka re sa ma ye swA hA/ de nas rigs kyi phyag rgya dang snying po bstan par bya'o/ /de la 'di ni sngags kyi phyag rgya dang snying po ste/lag pa gnyis phan tshun du khu tshur bcangs nas mthe bo gnyis bstan par bya ba ni/ de bzhin gshegs pa'i rigs kyi phyag rgya'o/ /gsang sngags la dzi na dzi ka /phyag rgya de nyid las g.yon pa'i mthe bong nang du bcug ste/ g.yas pa'i mthe bong bstan pa ni pad+ma'i rigs kyi snying po'i phyag rgya'o//gsang sngags la/ A ro l-i ka / g.yon pa'i mthe bong bstan pa ni rdo rje'i rigs kyi snying po dang phyag rgya'o/ /gsang sngags la badzra d+h+r-i ka /de nas rang gi snying po'i phyag rgya bstan par bya'o/ /de nas rig sngags kyi yum rnams kyi bstan par bya ste/phyag 'tshal ba'i thal mos mthe bong gnyis lag pa'i nang du sbas la mdzub mo gnyis gung mo'i tshigs gsum par btsugs pa 'di ni/ de bzhin gshegs pa'i rigs kyi yum gyi phyag rgya'o/ /sngags la/ oM ru ru s+phu ru dz+wa la tiSh+Tha sid+d+ha lo tsa ni sarba ar+tha sA d+ha ni swA hA/ thal mo sbyar bar byas pa ni pad+ma'i rigs kyi yum mo/ /gsang sngags la/ dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /mthong ba dang ni thos pa dang / /reg pa dang ni dran yang rung / / bdag ni sems can thams cad kyi/ /nad rnams kun gyi gsos gyur cig /oM ka Te bi ka Te/ kaM ka Te/ ka Ta bi ka Ta/ kaM ka Te/ b+ha ga ba ti dza swA hA/ phyag 'tshal ba'i thal mo las mdzub mo gnyis dang / srin lag gnyis lag pa'i nang du bcug pa rdo rje rigs kyi yum mo/ /gsang sngags la/oM ku lan+d+ha ri ban+d+ha ban+d+ha hUM hUM phaT swA hA/ de nas dam tshig chen po'i phyag rgyas mngon par bskor bar bya'o/ /srin lag gi tshigs par mthe bo gnyis mnan la/ mthe chung gung mo gnyis gshibs te bsgreng / mdzub mo gnyis gung mo'i tshigs gsum par bcug pa 'di ni dam tshig chen po'i phyag rgya'o//gsang sngags la/ oM shaM ka re ma hA sa ma ye swA hA/ de nas mchod yon dbul bar bya'o/ /de nas bsrung ba la sogs pa ma byas shing / dam tshig chen po'i phyag rgya ma byas par mchod pa dbul ba la sogs pa byas na lha'i rjes su 'brang ba'i bgegs rnams kyis phung bar byed cing gcig la gcig rigs kyi stobs nyams par byed do//de bas na phyag rgya sngar thal mo sbyar ba byas nas mchod yon dbul bar bya'o/ /mchod yon ma 'byor na phyag rgya'i mchod yon dbul bar bya'o/ /mthe chung dang srin lag nang du phan tshun bsnol te gung mo gnyis gshibs te bsgrengs pa'i tshigs gsum par mdzub mo gzugs mthe bong gnyis ngos la sbyor ba ni mchod yon gyi phyag rgya'o//gsang sngags ni bdag gi yid kyis bya'o/ /de nas lha'i gzugs sam ri mo la bzhugs pa'i sku bsil bar bya'o/ /ri mo'i sku gzugs la me long bstan te gzugs brnyan sku bsil bar bya'o//ma 'byor na gsang sngags phyag rgyar ldan pas sku bsil bar bya'o/ /thal mo bkan nas mdzub mo'i rtse mo dang / mthe bong gi rtse mo sbyar ba 'di ni sku bsil bar bya'o/ /gsang sngags la/ oM sarba de ba tA a tsit+ta a mr-i ta swA hA/ de nas phyag rgya bcings nas gsang sngags brjod cing yid kyis gser la sogs pa rin po che'i bum pa du ma spos chu dri zhim pos yongs su bkang nas spos chu'i sprin chen pos sku bsil bar bya'o//de nas yid kyis na bza' dang rgyan gsol te/ rol mo dang dung dang rdza rnga dang / rnga pa Ta ha rnams kyis kyang mchod cing yid kyis bstod pa'i glu dbyangs blang ngo //de nas rgyud las 'byung ba'i dri la sogs pa yang dbul bar bya'o/ /de la dang po dri dbul bar bya'o/ /de'i 'og tu me tog dbul bar bya'o/ /de nas bdug spos dang / lha bshos dang / mar me dbul bar bya'o/ /legs par mnyam par bzhag nas 'di skad brjod cing dbul bar bya'o//gtsang zhing gtsang ma las byung ba'i/ /lha rdzas bzang po'i dri 'di dag /bdag ni dad pas dbul lags kyis/ /bzhes nas bdag la dgyes par mdzod/ /A ha ra A ha ra sarba bid+yA d+ha ri pU dzi te swA hA/ sgrub pas dang po sngags 'di dang / / rang gi sngags kyis yongs bzlas nas/ /gsal ba'i dri rnams lha dag la/ /cho ga bzhin du dbul bar bya'o/ /gzhan gyi dri rnams gzhan rnams la/ /gang tshe ma 'byor nas dbul ba/ /de tshe rang gzhan gsang sngags kyis/ /de la yang ni mngon par bsngags/ / me tog la sogs pa yang de dang 'dra bar rig par bya'o/ /dri rnams ma 'byor na yang dri'i phyag rgya bcings nas yid kyis tsan+dan dang a ka ru dang / gur kum la sogs pa 'jig rten gyi khams thams cad rgyas par khengs pa'i cho gas mchod par bya'o/ /de la 'di ni dri'i phyag rgya ste/ lag pa g.yas pa mi 'jigs pa'i lag par byas la/lag pa g.yon pas mkhrig ma nas bzung ba ni dri'i phyag rgya'o/ /de nas me tog dbul bar bya ste/ ma li ka dang / ba ku la dang / un+d+ha dang / ma la ti dang / na ba ma li ka dang / tsam pa ka dang / sho ka dang / pun+d+ha dang / pri yad+ku dang / pu ti ko ra na zhes bya ba la sogs pa rgyud kyi rjes su 'brangs nas khong du chud par bya'o/ /gtsang zhing gtsang mar skyes pa yi/ /lha rdzas bzang po'i me tog 'di/ /bdag ni dad pas 'bul lags kyis/ /bzhes nas bdag la dgyes par mdzod/ /A ha ra A ha ra sarba bid+yA d+ha ri pU dzi ti swA hA/ me tog med na me tog gi phyag rgya bcings te yid kyis man+dA ra ba dang / many+dzu sha ka dang / ma li ka dang / ut+pa la la sogs pa dang / me tog gi phreng ba la sogs pas mchod par bya'o/ /de la 'di ni me tog gi phyag rgya ste/ lag pa gnyis kyi sor mo phan tshun bsnol te/ lag pa'i nang du mdzub mo gnyis rtse mo gcig tu bya ste/gdu bu'i tshul du byas nas mthe bong glor bzhag ste/ pad+ma ltar byas pa ni me tog gi phyag rgya'o/ /de nas bdug spos dbul bar bya ste/ dri dang kha dog mchog gi rnams/ /mchog gi las la sbyar bar bshad/ /dman zhing shin tu dman pa dag / lhag ma'i las la shes par bya/ /'di ltar cho ga lhag ma dag /rgyud las rgyas par rig byas nas/ /dri la sogs pa sbyar bar bya'o/ /nags tshal bcud ni yid du 'ong / /dri yis sbyar ba lha yi rdzas/ /bdag ni dad pas 'bul lags kyis/ /bzhes nas bdag la dgyes par mdzod/A ha ra A ha ra/ sarba bid+yA d+ha ri pU dzi te swA hA/ bdug spos ma 'byor na/ bdug spos kyi phyag rgya bcings te/ yid kyis 'jig rten gyi khams thams cad bdug spos kyi sprin rgyas par bya ste bdug par bya'o/ /de la 'di ni bdug spos kyi phyag rgya ste/ lag pa gnyis kyi mthe chung dang /srin lag dang gung mo gnyis kyi sor mo rnams phan tshun du sbyar te sen mo'i drung du bkug nas mdzub mo gnyis glor bzhag pa ni bdug spos kyi phyag rgya'o/ /de nas lha bshos kyi rigs dbul bar bya ste/ 'o thug dang ni sbyar thug dang / /zas dkar zho dang bsres pa dag /sbrang rtsir bcas shing bu ram btab//legs par yongs su byas pa dag /ces bya ba la sogs pa rgyas par rgyud las khong du chud par bya'o/ /sman rnams bcud ni yid du 'ong / /sngags kyi zhal zas bshos 'di dag /bdag ni dad pas 'bul lags kyis/ /bzhes nas bdag la dgyes par mdzod//A ha ra A ha ra sarba bid+yA d+ha ri pU dzi te swA hA/ lha bshos ma 'byor na lha bshos kyi phyag rgya bcings te/ yid kyis bza' ba dang bca' ba dang kha zas dang btung ba rnam pa sna tshogs pa dbul bar bya'o/ /bzed pa'i thal mo las mdzub mo cung zad bkug pa ni lha bshos kyi phyag rgya'o//de nas mar me ci rigs par dbul bar bya ste/ zhi ba la ni dmar ser ram/ /rgyas pa la ni til mar te/ /drag shul spyod pa dag la ni/ /zhes bya ba la sogs pa rgyas par rgyud las shes par bya'o/ /gdon rnams 'joms shing bkra shis pa/ /dge zhing mun pa rnam sel 'di/ / bdag gi dad pas 'bul lags kyis/ /mar me 'di dag bzhes su gsol/ /A lo ka ya A lo ka ya bid+yA d+ha ri pU dzi te swA hA/ mar me ma 'byor na mar me'i phyag rgya bcings nas yid kyis rin po che'i sgron me bye ba du ma dbul bar bya'o/ /de la 'di ni mar me'i phyag rgya ste/ mthe bong dang gung mo gcig tu sbyar te bsgreng ba lag pa khu tshur gcig tu byas pa 'di ni mar me'i phyag rgya'o//'byor par gyur na yang so so'i phyag rgyas dbul bar bya'o/ /de nas gal te mchod pa rnam pa lnga yod na yang 'di ltar yid kyis mchod pa sna tshogs ci nus kyis bya'o/ /de nas bcom ldan 'das kyis 'di skad du/de phyir blo dang ldan pa yis/ /the tshom med pa'i sems kyis su/ /rab tu sgrims te gang byas pa'i/ /mchod pa de 'dir khyad par can/ /de ltar mchod pa de dag ci nus pa byas te/ snga ma bzhin du gsang sngags kyi yan lag brgya rtsa brgyad bzlas par bya'o//gsang sngags ni sngar bstan pa'o/ /de nas rgyud las 'byung ba'i bstod pa byas nas bstod pa 'byung ba'i gsang sngags 'di lan brgya rtsa brgyad du brjod par bya'o/ /na maHsa man+ta bud+d+hA nAM/ sarba trA saM ku ru mi ta a bi dz+nyA rA shi ni na mo stu te swA hA/ bstod pa 'byung ba'i sngags so/ / de nas sdig pa bshags pa bya'o/ /de nas gsum la skyabs su 'gro ba'o/ /de nas sangs rgyas bcom ldan 'das rnams la chos kyi 'khor lo bskor bar gsol ba gdab/ de nas bcom ldan 'das yongs su mya ngan las mi 'da' bar gsol ba gdab par bya'o/ /de nas sdug bsngal gyis nyam thag pa'i skye dgu 'di dag las kyi hud ces ci nus par snying rje bskyed do//de nas bde bar gyur cig ces byams pa la gnas par bya'o/ /de nas sems can rnams la sangs rgyas kyi bde bas legs par tshim par gyur cig ces dga' bar bya'o/ /de nas sangs rgyas kyi mya ngan las 'das pa bla na med pas yongs su mya ngan las 'da' bar gyur cig ces btang snyoms la gnas par bya'o//de nas thal mo mnyam sbyar te/ /bla ma la ni gus phyag 'tshal/ /rig sngags rgyal po'ang blos bsams te/ /mkhas pas cho ga 'di dag bya/ /sngags kyi nor bu blangs nas su/ /lag pa'i snyim par bcug nas su//rig sngags rgyal po lan cig bsam/ /de nas gsang sngags 'di bzlas so/ /na mo rat+na tra yA ya/ oM ad b+hu te bi dzi ya sid+d+he sid+d+hAr r+the swA hA/ de bzhin gshegs pa'i rig sngags la'o/ /na mo rat+na tra yA ya/ na mo Ar+yA wa lo ke te shwa rA ya/ bo d+hi satwA ya/ ma hA sa twA ya/ oM a mr-i taM ga me/ shri ye shrI ma li na swA hA/ pad+ma'i rigs la'o/ /oM kI ri kI ri rau dr-i ni swA hA/ rdo rje'i rigs la'o/ /sngags kyi nor bu snyim par bcug la/ gsang sngags 'di lan bdun brjod do/ /dang po sngags kyi nor bu bsham par bya ste/ rigs dang mthun pa'i nor bu stong rtsa brgyad dam/brgya rtsa brgyad dam/ lnga bcu rtsa bzhi'am/ nyi shu rtsa gcig blangs la nor bu phug la ba'i rnam lngas bkrus nas bu mos bkal ba'i skud pa sum sgril gyis mig nas mig tu phyungs te brgyus te mdud pa bor nas lha rnams la mchod par bya ste/ ji skad bstan pa'i gsang sngags kyis brgya rtsa brgyad bzlas par bya'o//de la 'di ni nor bu dag yin te/ rgyal ba'i rigs la bo de tse/ /sngags kyi nor bur rab tu bsgrags/ /pad+ma'i rigs la pad+ma'i snying / /rdo rje'i rigs la ru rak+sha// de nas lag pa'i snyim par sngags kyi nor bu bcug la dngos grub mngon du phyogs par bya ba'i phyir gsang sngags 'di yongs su bzlas par bya'o//oM b+ha ga ba tI/ sid+d+he sid+d+hA ya/ sid+d+hA r+the swA hA/ de bzhin gshegs pa'i rigs la'o/ /oM ba su ba ti shri ye swA hA/ pad+ma'i rigs la'o/ /oM badzra ya dza ta na ye swA hA/ rdo rje'i rigs la'o//de nas snying gar sngags kyi nor bu'i phreng ba blangs la/ gung mo dang mthe chung brkyang ste/ mdzub mo rgyab tu bzhag nas srin lag dang mthe bos las thams cad la bgrang bar bya ste/ sngags brjod pa'i mjug tu nor bu re re las bgrang bar bya'o/ /las drag po rnams ni mdzub mos bya'o//rang gi snying ga na gnas pa'i zla ba'i dkyil 'khor dang / lha'i thugs ka'i zla ba'i dkyil 'khor la rang gis bzlas par bya'o/ /gsang sngags kyi yi ge rim pa bzhin du bkod nas mngon sum dang 'dra bar blta ste/ rdo rje'i tshig gam shub bu'i sbyor bas ha cang mi myur mi dal bar gsang sngags kyi yi ge brjod cing bzlas pa bya'o//de yang rtsa ba'i rgyud las 'di skad ces/ /klag pa skyon med byas nas su/ /gsang sngags yi ge dag pa la/ /mnyam par gzhag ste rtse gcig tu/ /bzlas brjod dus gsum dag tu bya/ /zhes gsungs so/ /de la 'di ni rdo rje'i tshig yin te/so dang mchu ni legs sbyar te/ /lce rtse ha cang mi bskyod pa/ /sgra spangs pa ni rdo rje'i tshig /cho ga kun la sbyar bar bya'o/ /shub bu'i bzlas brjod ni/ /'di ltar bdag nyid gsang sngags kyi yi ge dag pa la/ drung na 'dug pa sus kyang mi thos par bdag nyid kyis thos tsam du bya'o//rtog pa ngan pa rnams bsal te/ /yid kyis gsang sngags mtshan nyid ni/ /yang nas yang du mngon bsams te/ /mkhas pas bzlas brjod byed pa khro mi bya/ /yul gyi bdag nyid dga' mi bya/ /zhum dang mi dga' 'jigs pa dang / /zlos tshe ci yang mi smra zhing //yan lag 'gyur bar mi bya'o/ /kun rtog rlung gis bskyod nas su/ /ci yang rung bar mi bsam mo/ /zlos pa bzlas brjod byed pa'i tshe/ /rig sngags mtshan nyid ma gtogs pa/ /bsgom pa mchog tu gyur pa yang / /rnam rtog bzung nas mi bsam mo/ /gzhan yang rnam par rtog pa gnyid bro ba'am/glal lam/ sbrid pa'am/ lud pa'am/ bshang gci la sogs pa byung pa na/ mod kho na la sngags kyi nor bu bzhag ste/ bshags pa la sogs pa byas nas nye reg bya ste/ /bzlas pa dang po nas brtsam par bya'o/ /sngags kyi nor bu thog ma dang / / tha mar rtag tu sgrub pa pos/ /gus par gsang sngags mtha' dag la/ /blo dang ldan pas phyag bya'o/ /sngags kyi nor bu rdzogs pa'i tshe/ /ri mo'i gzugs ma sku gzugs sam/ /mchod rten dag gam de'i gdan rnams/ /mig gis kun du blta bar bya/ /bag med pas ni gang zhig gis//gsang sngags lha gzhan bzlas byas na/ /gsol ba yid kyis btab nas su/ /bzlas brjod slar yang brtsam par bya/ /bzlas brjod grangs bzhin byas pa'am/ /yang na lhag par byas kyang rung / /mgon pos dngos grub stsol cig ces/ /bum pa'i phyag rgyas dbul par bya//de la bum pa'i phyag rgya ni 'di yin te/ lag pa g.yas pa'i srin lag gi rgyab tu gung mo bzhag /g.yon pa'i srin lag gi rgyab tu gung mo bzhag nas sbyar te/ lag pa g.yas pa'i mdzub mos lag pa g.yon pa'i gung mo dang srin lag dkri zhing lag pa g.yon pa'i mdzub mos lag pa g.yas pa'i gung mo dang srin lag dkris la/mthe chung gnyis gshibs te bsgrengs nas/ mthe bong gnyis mdzub mo'i tshigs dbus mar bzhag pa ni bum pa'i phyag rgya'o/ /phyag rgya 'dis bdag gi dge ba'i rtsa ba 'di dngos grub che ge mo zhig gi rgyur bcom ldan 'das la dbul lo zhes bya'o//de nas bstod pa dang / mchod pa la sogs pa byas nas spyan drang ba'i cho ga de nyid du bzhud cig ces bya ste/ gzhal med khang dang bcas par slar gshegs su gsol lo/ /de nas ra ba la sogs pas phyogs bcing ba dgrol ba'i phyir mi mnyam pa'i yan lag can gyi phyag rgya bcings nas g.yon phyogs nas bskor bar bya'o//lag pa g.yon pa bkan pa'i steng du g.yas pa'i thal mo bzhag ste/ sor mo bsnol ba'i rtse mo drud par sbyar te/ thad kar bzhag pa ni mi mnyam pa'i yan lag gi phyag rgya'o/ /de nas dam tshig gi phyag rgya bcings te/ oM hu lu hu lu/ tsaN+Da li ma taM gi bi swA hA/ zhes bya ba'i gsang sngags 'di brjod par bya'o/ /bu mos bkal ba'i skud pa dam po le brgan rtsi'am/ gur gum gyis btsos pa la mdud pa bdun bor te/ bsdu ba'i cho ga bzhin lan stong bzlas brjod bya ste/ srod kyi dus su rked pa la bcing bar bya'o/ / sngags la/ oM ha ra ha ra/ ban+da ni shu kra d+ha ra Ni sid+d+hAr+the swA hA/ khu ba dgag pa'o/ /bzlas brjod sbyin sreg mchod sogs la/ /rtag tu bla gos bgo bar bya'o/ /nyal dang 'phres las nyes pa med/ /de yang mngon par bsngags par bya'o/ /oM rak+Sha rak+Sha maM/ sarba bud+d+ha a d+hiSh+ThA na At+ma tsi ba ra swA hA/dus gsum dag tu bsngags pa yi/ /gos ni rnam pa gsum po dag /bkru 'am yang na bdug pa dag /yang na bsang gtor dag kyang bya/ /nyal dang khrus byed ma gtogs par/ /sngags pas mthong gos mi spang zhing / /dkar la shin tu 'jam pa de/ /nyin gcig bzhin du bsang bar bya/mthang gos ma bkrus na rdul la sogs pa'i zag byed rnams dang / rdul gyis bla gos gos par 'gyur ro/ /de bas gang gis rdul la sogs pas bla gos gos par mi 'gyur ba de ltar bya'o/ /gang yang bcom ldan 'das kyis mdoms dkris 'khru zhing mthang gos su bya'o//lha la bgos pa'i snod rnams kyang / /nyin gcig bzhin du bkru bar bya'o/ /me tog rnying pa dus gsum du/ /rtag par yang ni phyags par bya/ /shes rab pha rol phyin sogs kyi/ /glegs bam mjug tu bklag par bya/ /mchod pa dag dang dkyil 'khor yang / / dus gsum dag tu de bzhin bya/ /rjes su dran pa drug rnams kyang / /sna tshogs tshul gyis bsgom par bya/ /rjes su dran pa drug gang zhe na/ sangs rgyas dang ni chos dang dge 'dun la/ /bzod pa dang ni tshul khrims lha rnams te/ /rgyal bas rjes su dran pa drug gsungs pa'o//so so'i yon tan tshogs kyang rjes dran bya/ /zlos pa zla ba phyed phyed cing / /nyin gcig bzhin du smyung byas nas/ /zla phyed mtshams su ba yi lnga/ /brgya rtsa brgyad du bzlas pa btung / /des ni gsang sngags zlos pa po/ /zla ba phyed du dag 'gyur zhing / /bza' min la sogs gang zos pa//de dag thams cad rnam par 'byed/ /na mo b+ha ga ba te/ uSh+NI ShA ya/ oM bi shud+d+ha bi ra dze/ shi be shAn+ti ka ri swA hA/ de bzhin gshegs pa'i rigs la'o/ /oM ya sho dze swA hA/ pad+ma'i rigs la'o/ /na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/oM shi khi shi khi ni rma le pra b+he pra b+he swa re/ te dzo te dzo ba ti swA hA/ rdo rje'i rigs la'o/ /dmar ser ba yi 'o ma dang / /ba yi zho dang ba yi mar/ /ba yi gcin dang lci ba rnams/ /so sor mthong dang bsngags pa dang / /ku sha lan brgyar bsngags pa yi/ /ku sha'i chu dang ldan byas te//shar du mi smra tsog tsog por/ /'dug ste 'bring la srang gsum tsam/ /pa la sha yi lo mar btung / /yang na mchod yon snod bshad pa/ /gang yang rung ba cig tu btung / /'di ni de yi cho gar bstan/ /bzlas brjod kyi cho ga 'di dus mtshams su bya'i dus ma yin par mi bya'o//de la dus mtshams bstan pa ni/ nyi ma'i dkyil 'khor phyed shar ba nas skyes bu gcig gi grib ma'i bar 'di ni snga dro'i dus mtshams yin no/ /nyi ma'i gung la chu tshod brgyad dam/ /dgu'i dus mtshams yin no/ /phyi dro skyes bu gcig gi grib ma lus pa nas nyi ma'i dkyil 'khor phyed nub pa'i bar du ni phyi dro'i dus mtshams yin te/'di dag ni nyin par gyi dus mtshams rnams yin no/ /mtshan ma'i dus bstan pa ni/ nyi ma'i dkyil 'khor phyed nub pa nas srod phyed kyi bar du ni/ srod la brtsam pa'i dus mtshams so/ /tho rangs kyi dus phyed nas ni/ nyi ma'i dkyil 'khor phyed shar gyi bar 'di ni dus mtshams gnyis pa yin no//nam phyed nas ni zhi ba la sogs ma yin par/ /drag shul spyod pa'i las kun dang / /mi snang ba la sogs pa dang / /dur khrod kyi ni las rnams la/ /rtag tu mtshan mo bzlas par shis/ /zhes bya ba phyag na rdo rjes gsungs so//de las bzlog pa nyid kyi dus mtshams su/ /bdag nyid zhi ba la sogs pa'i bzlas brjod bya'o/ /zlos pas bzlas brjod zin pa dang / /rigs kyi yum dang bdag po la/ /nyi shu rtsa gcig bzlas brjod ni/ /byas pas rtag tu bsrung bar bya/ /mdor na zlos pa po dag gis//bzlas brjod cho ga gang gsungs pa'i/ /cho ga de dag nyid kyis ni/ /rig sngags brten na 'grub par 'gyur/ /legs par grub par byed pa'i sgrub pa'i thabs bsdus pa/ bde bar gshegs pa'i sras po slob dpon byang chub mchog gis mdzad pa rdzogs so// //