CLOSE WINDOW

D3064
བོད་ཡིག

/rdzogs pa'i byang chub sgrub byed shog /khro bo gtum po'i sgrub thabs slob dpon dze tA ri dgra las rnam par rgyal bas mdzad pa rdzogs so// //paN+Di ta su na ya shrI dang / lo tsA ba glog skya gzhon nu 'bar gyis bsgyur ba'o/ /[ ]@##/ /rgya gar skad du/ shukla tsaN+Da ma hA ro Sha Na sA d+ha naM/bod skad du/ gtum po dkar po chen po'i sgrub thabs/ gtum po khro bo chen po la phyag 'tshal lo/ /sngags pas re zhig thog mar stong pa nyid bsgoms te/ de'i ngang las sna tshogs pad+ma dang nyi ma'i steng du zhal gcig phyag gnyis pa sku mdog dkar po rin po che'i rgyan sna tshogs kyis brgyan pa/rin po che'i cod pan can/ phyag g.yas pa ral gri spyi bor 'phyar ba/ g.yon pa sdigs mdzub dang bcas pa'i zhags pa snying gar 'dzin pa/ zhabs g.yas pa tsog pur bzhugs shing / g.yon pa'i pus mo nyi ma'i dkyil 'khor la rab tu btsugs pa/lha'i na bza' gos su gyon pa/ snying gar sna tshogs pad+ma dang nyi ma'i dbus su yi ge hU~M la yi ge dgus bskor ba dang bcas pa'i bcom ldan 'das bsgom par bya'o/ /de'i mdun du de dang kha sbyor zhing yang de kho na dang 'dra ba'i bcom ldan 'das gnyis pa bsgom par bya'o/ /de'i rjes su rang gi snying ga'i sngags las 'phros pa'i sngags kyi phreng ba rang gi kha nas mdun gyi bcom ldan 'das kyi zhal du zhugs shing de'i lte ba nas rang gi lte bar zhugs shing yang rang gi snying gar 'thon nas de kho na bzhin 'khor bar bsgom par bya'o//bzlas pa'i tshe rang gi snying ga'i hU~M gi 'od zer gyis sangs rgyas dang byang chub sems dpa'i ye shes kyi bdud rtsi dang /zla ba dang / skar ma dang / sman dang / sgyu rtsal drug cu rtsa bzhi'i nus pa dang / rig pa la sogs pa la mkhas pa'i yon tan dang / gzhan zil gyis gnon pa'i rtsod pa dang / snyan ngag la sogs pa'i yon tan ma lus pa bkug nas rang gi snying ga'i hUMhUM la rab tu thim zhing /bdag nyid rig pa lnga la mkhas pa'i paN+Di ta yin no snyam pa'i nga rgyal dang ldan pa'i spobs pas sngags bzlas par bya'o/ /zhag nyi shu rtsa gcig bzlas pas snyan ngag mkhan chen por 'gyur ro/ /gtum po khro bo chen po'i shes rab blo 'phel gyi sgrub thabs rdzogs so/