| བོད་ཡིག |
116a4 / //slob dpon dI paM ka ra shrI dz+nyA na sa rang 'gyur du mdzad nas/ dge slong dbang phyug rgyal mtshan la gnang ba'o/ /[ ]@##/ /rgya gar skad du/ Ar+ya a tsa la kro d+ha rA dza sto tra/ bod skad du/ khro bo'i rgyal po 'phags pa mi g.yo ba la bstod pa/
116a5 khro bo'i rgyal po mi g.yo ba la phyag 'tshal lo/ /mi g.yo zhes bya'i khro bo ni/ /ral gri zhags pa legs par thogs/ /spyi bo'i zur phud g.yon du 'khyil/ /rang gi dkyil 'khor 'od la bzhugs/ /klu chen la sogs thams cad kyi/ /rgyan rnams kun gyis rab tu brgyan/ /byis pa'i
116a6 gzugs can 'gying bag can//rdo rje'i sku la phyag 'tshal lo/ /dpal ldan nang na thugs rje'i rang bzhin can/ /gdug pa 'dul phyir phyi rol khro tshul ston/ /chos nyid mi 'gyur sku mdog mthing nag zhal/ /bcom ldan mi g.yo mgon la phyag 'tshal lo/ /thugs rje'i dbyings nas
116a7 bzhengs pa'i sku mchog ni//ye shes me dpung 'bar ba'i klong dkyil na/ /sna tshogs pad+ma nyi ma'i gdan la bzhugs/ /zhal gcig phyag gnyis mthing nag rngam pa'i sku/ /zhabs gnyis brkyang bskum bgegs chen du ma gzir/ /stag dang sbrul gyi rgyan gyis rnam par brgyan/ /lha dang
116b1 lha min skrag mdzad phyag g.yas na//shes rab ral gri 'bar ba 'debs pa'i tshul/ /'byung po skrag mdzad phyag g.yon sdigs mdzub ste/ /thugs rjes lus can mi gtong rdo rje zhags/ /skye shi rtsad gcod rno dkar mche ba gtsigs/ /spyan gnyis dmar zlum thugs rjes phyogs bcur
116b2 gzigs//thugs rjes khros pas dbu skra gyen du 'khyil/ /mi bskyod la sogs rigs lngas dbu la brgyan/ /ma rungs 'dul zhing 'gro don rdzogs mdzad pa'i/ /sprul pa'i khro rgyal sna tshogs sku las 'phro/ /'gro ba kun gyi sdug bsngal zhi mdzad cing / /bde bdag la rim gyis mgon
116b3 mdzad pa//'gro ba'i mgon po shin tu thugs rje can/ /khyod nyid dus gsum sangs rgyas thams cad lags/ /dus gsum sangs rgyas thams cad khyod lags pas/ /khro rgyal ye shes sku la phyag 'tshal bstod/ /'jigs byed drag po'i gsung la phyag 'tshal bstod/ /gnyis med
116b4 rtse gcig thugs la phyag 'tshal bstod//bdag kyang khyod ltar 'gro don bgyi slad du/ /rtse gcig sems kyis khyod bsgom gsang sngags bzlas/ /dus rnams rtag tu khro rgyal khyod bsten na/ /thugs rje chen pos byin gyis brlabs mdzad de/ /ye shes sku mchog mngon sum stsal nas
116b5 kyang //sku gsung thugs kyi dngos grub bdag la stsol/ /sgrub la bar chad byed pa'i bdud dgra rnams/ /pha rol 'joms pa'i stobs kyis med par mdzod/ /dus 'di nas bzung byang chub snying po'i bar/ /lha mchog khyod la bdag ni skyabs su mchi/ /dus rnams rtag tu khyod kyis bsrung du
gsol/