CLOSE WINDOW

D3053
བོད་ཡིག

/[ ]@##/ /rgya gar skad du/ h+ya grI wa sA d+ha naM/ bod skad du/ rta mgrin gyi sgrub thabs/ 'phags pa rta mgrin la phyag 'tshal lo/ /bde sbyin bcom ldan rta mgrin ni/ /g.yon brkyang zhabs kyis yang dag bzhugs/ /khams gsum rang bzhin gsum spyan gsum/ / de la rtag tu phyag 'tshal lo/ /dang por sngags ni rab tu brjod/ oM swa b+hA ba bi shud+d+haHsarba d+harmA swa b+hA wa bi shud+d+hou0f85hUM/ lan gsum brjod pas snang srid kyi/ /dngos rnams thams cad dag par bsam/ /khyad par rang lus shel sgong ltar/ /rang snying raM ser 'od 'phros pas/ /nyi dkyil steng du hrIHd+mar po//de las phyogs bcur 'od 'phros pas/ /zhags pa lcags kyu ltar 'phros pas/ /sangs rgyas byang chub sems dpa' dang / /rta mgrin bla ma la sogs pa/ /mdun du spyan drangs rang snying ba/ /hrIHlas mchod pa'i lha mo ni/ /bdug spos ser mo phyag na spos//me tog ma ni ut+pal bsnams/ /sku ni rab tu mthing gar bzhugs/ /mar me ma ni sku mdog dmar/ /phyag na rin chen sgron ma 'dzin/ /dri chab ma ni ljang gu ste/ /lag na gser gyi bum 'dzin ma/ /zhal zas ma ni sku mdog dkar/ /lag na gser gzhong bdud rtsis gang / /oM badzra d+hU pe AHhUM swA hA/oM badzra puSh+pe AHhUM swA hA/ oM badzra A lo ke AHhUM swA hA/ oM badzra gad+he AHhUM swA hA/ oM badzra nai bi d+ye AHhUM swA hA/ gang yang bdag gis dus kun du/ /sdig pa bgyis par gang gyur pa/ /skrag nas rmi 'drar 'chags bgyid cing / deng nas brtsams te 'byung mi bgyid//dge ba rnams la rjes yi rang / /sangs rgyas byang chub yid kyis gzung / /thams cad byang chub mchog tu bsngo/ /de thob lam la gnas bgyid cing / /dam pa'i skyabs gsum la skyabs mchi/ /de rjes tshangs pa'i gnas bzhi bsgom/ /oM shU n+ya tA dz+nyA na badzra swa b+hA ba At+ma kou0f85haM/ lan gsum brjod bya ting 'dzin gyis/ /chos ni thams cad stong par bsam/ /de yi ngang las mkha' dkyil du/ /raM ser 'od 'phros nyi dkyil du/ /de steng yi ge hUM las ni/ /'phros 'dus rdo rje rtse lnga pa/ /rdo rje ra bas gzhi gur/ /de yi dbus su nyi dkyil 'khor/ /de steng yi ge b+h+rUM dkar bsam//de las 'od zer byung bas ni/ /shar dang lho dang nub dang byang / /dung dang bai DUr+ya dang shel/ /gser las grub pa'i rim pa bzhin/ /gru bzhi pa la sgo bzhi pa/ /gser gyi ka ba brgyad kyis bteg /rin chen du mas steng ni phub/ /rin chen du ma 'phyang ba'o/ /yang na thod pa'i gzhal yas khang //stong gsum stong chen rgya khyon tsam/ /steng ni zhing gis rab tu bkab/ /gru bzhi pa ni rab tu bkod/ /seng ldeng ka ba brgyad ni gnas/ /thod pa brgyad kyis ka zhu brgyan/ /phyi dang nang ni rab tu gsal/ /rang ni raM ser gcig tu bsgom/ /raM las 'od zer 'phros 'dus pas/ nyi dkyil steng du hrIHdmar po/ /de las 'od 'phros sems can gyi/ /don byas 'phags pa mchod nas ni/ /slar yang 'od ni hrIHla thim/ /de nyid zhu bas thog ma nas/ /bsags pa'i sgrib gnyis ye shes kyi/ /mes ni rab tu bsregs par bsam/ /ye shes me las 'od 'phros 'dus//sngar bzhin rab tu bsgom par bya/ /rang ni bcom ldan dpal rta mgrin/ /dbu gsum phyag drug sku mdog dmar/ /dbus dang g.yas dang g.yon dang ni/ /dmar dang dkar dang nag po yi/ /spyan gsum dbu steng rta mgo can/ /ljang gu gsum ni rab tu 'thon/ /tshems gtsigs zhal nas 'brug ni sgrogs//thod skam thod byas thod rlon brgyan/ /yan lag brang 'gros rab tu brgyan/ /stag gi sham thabs glang lpags gyon/ /phyag g.yas rdo rje g.yon na khrab/ /g.yas kyi gnyis pas gser zhags bsnams/ /g.yas kyi tha ma seng ldeng dbyug /g.yon gyi gnyis pas ral gri 'dzin//g.yon gyi tha ma sor mo las/ /bya khyung bye ba bye ba 'gyed/ /zhabs ni drug gis klu rnams mnan/ /bskal pa'i me ltar dbus na bzhugs/ /spyi bo mgrin pa snying ga ru/ /oM AHhUM dkar dmar dang gnag /snying ga'i rdo rje rtse lnga las/ /'od zer kha dog lnga 'phros pas//rnam snang mi 'khrugs rin 'byung dang / /tshe dpag med dang don yod grub/ /mdun gyi mkha' la spyan drangs la/ /oM dang hUM dang trAM hrIHa/ /spyi bo dpral ba rna ba g.yas/ /ltag pa rna ba g.yon pa ru/ bdud rtsi'i bum pas dbang bskur bsam/ /snying ga'i rdo rje rgya gram las/ / lcags kyu lta bu'i 'od 'phros pas/ /ye nas grub pa'i rta mgrin ni/ /nyi dkyil bzhugs pas spyan drangs la/ /rgya gram ljang las 'od 'phros pas/ /lha mo lngas ni mchod pa 'bul/ /rgya gram de yi chang pa la/ /dzaHhUM baM hoHrab tu gsal/ /dzaHlas rta mgrin spyan drang bya/ /hUM gis rab tu gzhug par bya//baM gis rab tu bcing bar bya/ /hoHsa ni de la gzhug par bya/ bsgom pas dub par gyur na ni/ /bzlas pa yang ni brjod bya ste/ /a tshar ka tshar bkod byas la/ /sde tshan dang po'i bcu gnyis pa/ /sde tshan lnga pa'i lnga pas brgyan/ /de nyid kyis ni gsum pa bzung / /sde tshan gsum pa'i gsum pa blang //sde tshan bdun pa'i gnyis par sbyar/ /sde tshan gnyis pa'i dang po blang / /sde tshan dang po'i bcu gnyis pa/ /sde tshan bdun pa'i gnyis pa sbyar/ /sde tshan bzhi pa'i dang po bzung / /drod kyi yi ge bzhi pa blang / /mthar gnas pa yi dang po bzung / / sde tshan gnyis pa'i gsum pa blang / /mthar gnas yi ge gnyis pa sbyar/ /sde tshan dang po'i gsum pas brgyan/ /mthar gnas bzhi po gzung bar bya/ /drod kyi bzhi ba blang byas la/ /sde tshan dang po'i lnga pa sbyar/ /mthar gnas gsum pa blang byas la/ /sde tshan dang po'i lnga pa sbyin/ /lan gnyis su ni brjod par bya//drod kyi bzhi pa gzung byas la/ /sde tshan dang po'i drug pa sbyar/ /sde tshan lnga pa'i lnga pa sbyin/ /sde tshan lnga pa'i gnyis pa blang / /sde tshan gsum pa'i dang po sbyin/ /sa bon yi ge 'od 'phros pas/ /nam mkha'i mtha' gtugs rta mgrin du/ /bzlas pas dub na ye shes ni//sems dpa' mdun du spyan drangs la/ /lha mo lngas ni sngar bzhin du/ /yi ge brgya pa brjod par bya/ /de rjes bstod pa yang ni brjod/ /gshegs phyir dzaHdzaHlan gsum brjod/ /rang ni rta mgrin bsgoms pa yis/ /snying gar nyi ma'i dkyil 'khor du/ /hrIHd+mar po las phyogs bcu ru//phyi nang snod bcud 'od zhu bas/ /thams cad rta mgrin rang bzhin du/ /'od ni rang gi lus la bsdu/ /dam tshig ye shes sems dpa' la/ /de ni hrIHla rab tu bsdu/ /de ni dkar la yungs kar tsam/ /de ni rab tu dmigs mi bya/ /gsal la mi rtog gcig tu bsam/ /lha yi bu dang lha klu dang //bdag gzhan sdug bsngal zhi ba dang / /bgegs rigs gzhan ni 'dul ba dang / /lha 'dre ma rungs 'dul ba dang / /lha 'dre mthu chen klu ma rungs/ /ser ba bsrung bar 'dod pa yis/ /yungs kar brgya rtsa brgyad du bzlas/ /gtor ma gtong bar 'dod pa yis/ / rang ni yi dam lha ru gnas/ /snying gar hrIHd+mar phyogs bcu yi/ /'od 'phros sems can rta mgrin bsgom/ /gtor ma'i steng du spyan drangs la/ /gtor steng baM dmar po ni bsam/ /de las 'od 'phros baM la thim/ /gtor ma rnam par dag bya'i phyir/ /sarba ka ri lan bdun brjod/ /de nyid bdud rtsir bya ba'i phyir//na maHsarba tathA ga ta a ba lo ki te/ oM saM b+ha ra saM b+ha ra hUM/ nyi shu rtsa gcig ces brjod la/ /yang na lan bdun tshan bzhi brjod/ /'jig rten pa dang 'jig rten las 'das pa'i dpal rta mgrin gyi sgrub thabs/ slob dpon nA gA rdzu nas mdzad pa rdzogs so// //