CLOSE WINDOW

D3052
བོད་ཡིག

/ //paN+Di ta bal po de ba pur+Na ma ti dang / bod kyi lo tsA ba mgar chos kyi bzang pos bal po'i yul du bsgyur cing zhus te gtan la phab pa'o/ /[ ]@##/ /rgya gar skad du/ ya mA ri sA d+ha naM/ bod skad du/ gshin rje gshed po sgrub pa'i thabs/ / mgon po gshin rje gshed la phyag 'tshal lo/ /dpa' bo thod pa'i phreng ba can/ /klu la sogs pa'i rgyan gyis 'jigs/ /mgon po gshin rje gshed phyag 'tshal/ /de yi sgrub thabs bri bar bya/ /bde ba'i stan la mnyam 'dug ste/ /hUM ni sngon po snying gar dgod/ /des bskyed mchod pa'i khyad par gyis//gus pas gtso bo yang dag mchod/ /byas nas de yi mdun du ni/ /sdig pa bshags pa la sogs bya/ /'gro kun dngos po med pa yi/ /de bzhin nyid du gsal por blta/ /snying ga'i sa bon gyur tshon byung / /zhabs kyi pad+ma g.yon brkyang zhing / /khro gnyer g.yo bas 'jigs pa'i gdong //og [(]sbu [,]spu [)]mgo skyes ser la mdzes/ /zhal gsum lce ni 'dril ba la/ /'jigs byed mche ba gtsigs pa can/ /khrag gi mig can gsus po che/ /char sprin sngon po lta bu'i mdog /nyi ma'i dkyil du gnas pa yi/ /ma he la ni gnas pas mtshon/ /mi'u thung lta bu stag lpags mnabs//bde byed la sogs dregs pa 'joms/ /nyi ma'i 'od zer mdangs chen pos/ /nam mkha' ma lus kun du 'gengs/ /'bar ba'i phreng ba drag po 'bar/ /'jig pa'i bskal pa'i me lta bu/ /'khor lo ral gri gtun shing dang / /gri gug sta re zhags pa bsnams//g.yas dang g.yon pa min pa yi/ /lha yi phyag drug rtag tu bsnams/ /'jigs mdzad khror bcas rab tu grags/ /bdud ni 'dul byed gshin rje gshed/ /gur ni hUM gis bkang byas pa/ /'jigs dang bral nas bsgom par bya/ /stong phrag nyi shu'i phyed du ni/ /sngags rnams sngags rig pas rtag tu//bzlas te lus sogs ma yengs pas/ /'dod pa'i dngos grub thob par 'gyur/ /'di sngon bsnyen pa'i cho ga ste/ /gsang sngags grags par byas pa bstan/ /de ni shin tu mang ba'i phyir/ /las dang rjes mthun ma bstan te/ /de ni dngos grub gang 'dod pas//rgyud dang bla ma'i man ngag las/ /las kun grub pa'i 'khor lo ni/ /dpa' bos 'bad pas shes par bya/ /bla ma bzhed pa'i cho ga rtogs pa las/ /bdag gis sgrub thabs byas pa'i bsod nams kyis/ /mngon par 'dod pa'i 'bras bu myur du ni/ /'jig rten thams cad kyis ni thob par shog /'phags pa gshin rje gshed nag po'i rgyud las gsungs pa'i phyogs gcig pa'i sgrub thabs rdzogs so// //khro bo'i rgyal po'i klu rnams kyi/ /kha dog la sogs mi dran gang / /de phyir de yi ched du ni/ /de dag kha dog dbyibs kyang bshad/ /dga' bo rigs ldan nag po ste//sgra ni bcings nas gnas pa yin/ /tak+Sha ka ni gser mdog ste/ /rna ba'i rgyan du 'bad pas byas/ /pad+ma chen po lag gdub ste/ /gser ni bsregs pa lta bu'i mdog /mchod phyir thogs su byas pa ni/ karko Ta ste dkar po yin/ /ba su ki ni ske rags te/ /pad+ma dmar po dri med mdangs//rkang gdub pad+ma dung yin te/ /kun du ban+du ka yi mdog /rgya gar gyi mkhan po dI paM ka ra shrI dz+nyA na dang / lo tsA ba dge slong tshul khrims rgyal bas bsgyur cing zhus te gtan la phab pa'o// //oM AHkro d+ha ka ya mAn+ta ka hUMhUM phaT/ oM AHhUMhUM oM hrIHSh+T+r-iHbi kr-i tAn na hUM phaT/