CLOSE WINDOW

D3049
བོད་ཡིག

/[ ]@##/ /dpal rdo rje rnam par 'joms pa la phyag 'tshal lo/ /rdo rje lhun po ri rab zom/ /rgyud do cog gi brgya rtsa brgyad/ /de yi rtsa bar 'di gsungs pa/ / sgrub pa'i thabs ni brgya dang brgyad/ /lo grangs re re'i 'dod pa'o/ /'di nyid la ni rnam pa gnyis/ /rgyud kyi rtsa ba gzhir blangs nas/ /bskyed pa nyid dang rdzogs pa'o/ /bskyed pa la ni brgya dang lnga/ /rdzogs pa'i rim pa bsgrub pa gsum/ /'di nyid rtsa ba'i rjes 'brangs pa'o/ /de la thog mar dbang bskur ni//rten gyi gang zag smin bya'i phyir/ /'jig rten 'das dang 'jig rten pa'i/ /dbang bskur rim pa gnyis su bshad/ /'das pa la ni brgyad yin no/ /'jig rten dbang bskur rnam pa drug /spyi yi dbang dang bco lnga yis/ /ma smin pa rnams smin par byed/ /de yi sdom ni 'di lta ste//de la sgrub thabs brgya dang brgyad gsungs pa la/ 'jig rten 'di'i blo dor ba rnams la 'das pa'i dbang brgyad bskur te/ blo rgya che ba spros pa la dga' ba rnams dang / lha sum cu rtsa lnga'i dkyil 'khor du dbang don gnyis rdzogs par 'dod pas/ khro bo brgyad kyi dkyil 'khor du dbang bskur/las kyi sgrib pa rgyun gcod par 'dod pas/ lha mo brgyad kyi dkyil 'khor du dbang bskur/ bdud 'dul bar 'dod pas/ khro bo bcu'i dkyil 'khor du dbang bskur/ rang gi don bsgrub par 'dod pas/ dpa' bo gcig pa'i dkyil 'khor du dbang bskur/shes rab 'phel bar 'dod pas/ yab yum gnyis med kyi dkyil 'khor du dbang bskur/ ye shes sngon du bsgrub par 'dod pas/ rigs kyi khro bo lnga'i dkyil 'khor du dbang bskur/ mchog gi las bsgrub par 'dod pas/ sgom bzhi'i dkyil 'khor du dbang bskur zhing bsnyen bsgrub bya'o//'jig rten pa la drug ste/ 'jig rten gyi 'dod pa nye bar 'dod pa rnams kyis 'jig rten pa'i dkyil 'khor drug tu dbang bskur te/ 'jig rten pa'i mthu dang rdzu 'phrul 'dod pas phyogs skyong bcu'i dkyil 'khor du dbang bskur/ dpal dang dbang phyug 'dod pas rgyal po chen po bzhi'i dkyil 'khor du dbang bskur/stobs dang grags pa 'dod pas gza' brgyad kyi dkyil 'khor du dbang bskur/ snyan pa dang legs par 'dod pas rgyu skar nyi shu rtsa brgyad kyi dkyil 'khor du dbang bskur/ nad dang gdon zhi bar 'dod pas klu brgyad kyi dkyil 'khor du dbang bskur/dbang bskur bcu bzhi po de dag gi las kyi rim pa la ston pa dbang bskur pa'i cho ga dang bco lnga ni/ dbang bskur dam par gsol cig ces rgyud kyi sgrub par phyung ba'o/ /lhag ma gza'i las kyi bye brag bdun yod pa las/ gza'i gdon las grol bar byed pa rin po che'i grol byed dang /gza' ngan pa bzlog pa rgya mtsho'i sprin dang / gza' brgyad kyi las ma grub pa grub par byed pa 'dod pa thams cad rab tu sbyin pa dang / bsgrub bya gza'i byad du gzhug pa'i 'khor lo can dang bcas pa dang / thog gis dgra bsad pa drag shul can dang / lo thog 'joms par byed pa chu thigs dang / 'gal ba skrag par byed pa'i las sna tshogs su bstan pa mgal me'i 'khor lo dang bdun la/ rgya mtsho sprin dang / rin po che grol byed dang / 'dod pa rab tu sbyin pa dang gsum mo/ /gza' dang zhes pa'i sgrub pa po 'khor lo can dang / drag shul can dang /chu thigs dang mgal me'i 'khor lo bzhi ni sems can thams cad skrag par byed pa'i bsgrub pa'o/ /rgyu skar gyi lhag ma gnyis la/ rgyu skar ngan pa zlog par byed pa bdud rtsi sprin dang / rgyu skar gyi las sna tshogs sgrub par 'dod pa dus 'dzin bzang po dang gnyis ni rgyu skar dang zhes pa'i sgrub pa'o//lha brgyad kyi lhag ma gnyis la/ 'jig rten pa'i lha nye bar byed pa don drug ni/ lha rnams kyis phyogs pa'i sgrub pa'o/ /tshogs kyi bdag po'i sgrub pa dbul mo gter sbyin ni phongs pa'i sgrub pa'o/ /klu'i lhag ma brgyad las ya mas las thar bar byed pa yid bzhin nor bu dang /klu sgrub pa rin po che dbyig sgrub dang / klu'i gdon las grol bar byed pa sbrul 'byin gsang ba dang / klu'i gdon las thar par byed pa klu srog me dpal gyi 'khor lo dang bzhi ni mi bzad gdon gyis nyen pa'i sgrub pa'o/ /bsgrub bya phyad du gzhug pa'i srog gcod spu gri dang /rims kyis dgra bsad pa ral gri'i 'khor lo dang / rmugs pa'i las gzi mdangs chen mo dang gsum mo/ /sems can rmugs par byed pa'i las kyi mtha'o/ /char dbab pa bdud rtsi'i rgyun dang / chu gtor gyis klu la sogs pa'i gdon rnams mnyes par byed pa bdud rtsi'i rgya mtsho gnyis ni 'dod pa thams cad rab tu sbyin pa sgrub pa'o//ser ba srung ba 'byung ba rgyun gcod dang / byis pa gdon las thar bar byed pa me'i 'khor lo gnyis ni sems can thams cad srung bar byed pa'i sgrub pa'o/ /rdo rje rang rtags kyi sgrub pa bdun la/sgrub pa nges pa'i cho ga ni mi chod pa'i man ngag gi sgrub pa ni mi shigs pa'i sgrub pa'o/ /yo ga pra sen drag pa ni bden pa zhes pa'i sgrub pa'o/ /'dod pa'i don dus la nges pa'i sgrub pa ni/ sra ba zhes pa'i sgrub pa'o/ /dbang po dang ldan pa ni brtan pa zhes bya ba'i sgrub pa'o/ / 'dod pa'i gtan tshigs thogs pa med pa ni/ thogs pa med pa zhes bya ba'i sgrub pa'o/ /mna' las rgyal ba dang / tshong las rgyal ba dang / pha rol gyi sde pham par byed pa dang / gdon dang nad las rgyal ba dad bzhi ni/ thams cad du ma pham pa'i sgrub pa'o/ /mngon spyod kyi sbyin sreg ni sems can thams cad 'jil bar byed pa'o//rgyun gcod spu gri ni/ rig sngags thams cad gcod par byed pa'o/ /ye shes 'dus pa'i tho ba ni/ las thams cad 'joms par byed pa'i sgrub pa'o/ /gser gyi ri bo ni rig sngags thams cad gnon par byed pa'i sgrub pa'o/ /phyir bzlog gsang ba dang /rdo rje rnon po dang / nye ba'i las phyi ma gsum ni gzhan gyi las thams cad 'jig par byed pa'o/ /lha'i gdon las thar bar byed pa dang / 'byung po dang / dri za dang / tshangs pa dang / srin po dang / sha za dang / klu dang / log 'dren gyi dang / brjed byed kyi dang / smyo byed kyi dang / lha ma yin gyi dang / gzhon nu'i dang / gnod sbyin gyi gdon las thar bar byed pa dang bcu gsum ni/ gdon thams cad las thar bar byed pa'i sgrub pa'o/ /rdo rje tho ba ni gdon thams cad rlag par byed pa'i sgrub pa'o/ /rdo rje lcags kyu ni 'byung po thams cad 'gugs par byed pa'i sgrub pa'o/ /yid bzhin nor bu 'od 'bar ba ni/rig sngags kyi las thams cad byed du 'jug pa'i sgrub pa'o/ /rdo rje be con ni ma grub pa rnams grub par byed pa'i sgrub pa'o/ /rin po che gter sgrub ni grub pa rnams chud mi za bar byed pa'i sgrub pa'o/ /zhi ba'i sbyin sreg ni zhi ba'o/ /rgyas pa ni rgyas pa'o/ /jag chings 'phrul yig dang /rlung gi zhags pa gnyis ni sems can thams cad rengs par byed pa'i sgrub pa'o/ /bkra shis nyi ma ni/ dpal kun gyis ni legs par brgyan gyi sgrub pa'o/ /gsal ba'i snang ba dang / dgra las rgyal ba dang / dri ma dang bral ba'i spyod byed dang / pad+ma rgyas pa dang / rdo rje rgyal mtshan dang lnga ni/ sems can dbang po nyams pa dang zhes pa'i sgrub pa'o/ /khrus kyi cho ga ni/ bkra shis bum pa spyi blugs nas zhes pa'i sgrub pa'o/ /rab tu gnas pa ni bum pa'i kha rgyan dpag bsam shing zhes pa'i sgrub pa'o/ /rgyun gyi 'khor lo dang / dug bsal ba'i me long dang /rang byung 'jigs bral gsum ni tshe zad pa zhes pa'i sgrub pa'o/ /pad+ma dbyig sgrub dang bcud len gnyis ni/ tshe nyams dang zhes pa'i sgrub pa'o/ /dpag bsam sdong po dang rin po che las kyi phreng ba dang / las tshogs stong rgyas gsum ni/ phun sum tshogs min gang chags dang //zhes pa'i don to/ /'gyur byed chen mo dang / gzhan gyi lce dbab pa bzlog pa dang / sdang ba gsum gyi las thor bu gsum ni/ mdza' sdug skye bo sdang ba dang / /zhes pa'i sgrub pa'o/ /go cha chen mo ni/ bram ze la sogs gtses pa dang / /zhes pa'i sgrub pa'o/ /rtsi sbyor dbyig gi nor bu ni/phan tshun mthun pa ma yin dang / /zhes pa'i sgrub pa'o/ /dpag bsam gyi shing rgyas pa ni/ /nor 'gribs pas ni phongs pa dang / /zhes pa'i sgrub pa'o/ /sbas pa'i ga'u ni/ 'jigs pa dang ni gnod pa dang / /zhes pa'i sgrub pa'o/ /phyir ldog 'khor lo ni byad stems dang zhes pa'i sgrub pa'o//gser gyi rgya mtsho ni/ srog chags dag ni thams cad kyi/ /mi bzad pa yi nad rnams kyang / /zhes pa'i sgrub pa'o/ /rgyal mtshan rtse mo ni tshe 'phel ba'i sgrub pa'o/ /dpal ye shes phreng ba ni/ bsod nams 'phel ba'i sgrub pa'o/ /de ltar brgya dang lnga ni/ bskyed pa'i rim pa'i sgrub thabs so/ / sgra la gnas pa'i bsam gtan dang / sgra la mi gnas pa'i bsam gtan dang / sgra mthar gyis pa'i bsam gtan gsum ni/ zab mo sangs rgyas spyod yul ba/ /zhes pa'i sgrub thabs so/ /them yig gsang ba zhes bya ba/ slob dpon pad+ma 'byung gnas kyis mdzad pa rdzogs so// //