CLOSE WINDOW

D3045
བོད་ཡིག

de ltar byas na tshe 'phel bar nges so/ /tshe 'phel ba'i sgrub thabs rgyal mtshan gyi rtse mo zhes bya ba/ slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /bsod nams rgya chen po 'phel bar 'dod pa'i sgrub pa po dam tshig dang ldan pas/gnas khang yid dang mthun par 'phags pa rdo rje rnam par 'joms pa'i lha sum cu rtsa lnga'i dkyil 'khor bzhengs la/ bum pa yang lha'i grangs dang mnyam pa la/ so so'i mtshan mas btab la dar sna tshogs pa'i mgul chings kyis gdags so//dkyil 'khor gyi phyogs bzhir kun du shug pa dang smyug ma dang / 'dam bu dang seng ldeng gi shing gi lo ma dang 'bras bur bcas pa rim par 'khor bar gzugs so/ /steng nas dar dmar po'i yol bas dgab/ gnas khang gi logs rnams su yang de bzhin gshegs pa'i sku ris su bris pa dang /'bur du btod pa dang / lugs su blugs pa la sogs pa'i rten rnams dgram/ pu sti dang glegs bam la sogs pa yang dgram/ de nas mchod pa'i bye brag spos kyi reng bu stong / yon chab stong / mar me stong / bshos gtsang stong / me tog stong / gtor ma de snyed cig tu bsham mo/ /shar du gdugs rgya shog las byas pa dkar po stong / lhor ba dan ser po stong / nub tu rgyal mtshan stong / byang du 'phen kha dog sna tshogs stong bshams la gnas khang gi mtha' ma thams cad du rtswa ku sha dang dUr bas khyab par dgram mo//sngags pa dam tshig dang ldan pa dgu'am bcu gcig go/ /gcig gis shar phyogs su rgyud stong phrag gcig klag /gcig gis lho phyogs su chu gtor stong phrag gcig gtang / gcig gis nub tu chu sbyin stong phrag gcig gtang / gcig gis byang du mchod rten stong gdab/gcig gis shar lho nas mchod pa bya/ gcig gis lho nub nas bstod/ gcig gis nub byang nas gtor ma gtang / gcig gis byang shar du yi ge brgya pa stong phrag gcig bzlas/ bdag nyid kyis snying po rgyas bsdus la ci rigs rgyun ma chad par bya'o//'brug gi nyi ma la gtad la zhag gsum du de ltar bya ste/ bza' ba dang btung ba'i bye brag sna tshogs pa la longs spyad/ gnas khang gi phyogs bzhi dbus dang lngar 'bum lnga klag pa la sogs pa dge sbyor grub tshad du bya'o/ /bdag nyid kyi dkyil 'khor gyi lha rnams spyan drangs la sdig pa mi dge ba'i las ci byas pa rnams bshags so//de'i 'og tu 'dod pa'i don la gsol ba gdab bo/ /grub na gzhan la ston mo rgya che ba bya/ de nas 'brug gi nyi ma la gtor ma la sogs pa'i rdzas rnams 'bab chu chen po la bskyal lo/ /grong khyer gyi shar phyogs su dung sna tshogs pa'i sgra chen bsgrag cing gdugs dang rgyal mtshan bsgreng /lho ru rnga sna tshogs pa'i sgra bsgrag cing ba dan bsgreng / nub tu cha lang dang / gaN+DI'i sgra dang / cang te'u'i sgra bsgrag cing / rta dang glang po la zhon/ byang du dril bu dang pheg rdob kyi sgra sgrog cing dar sna tshogs pa phyar ro//de nas tshogs ci rigs par bsag cing bshags pa rnams bya'o/ /de lta bu'i cho ga lan gsum mam bdun byas na/ rnal 'byor pa de'i bsod nams phyogs thams cad du shing skam po la me 'bar ba bzhin du 'gro bar nges so/ /bsod nams 'phel bar byed pa'i dpal ye shes kyi phreng ba zhes bya ba/