CLOSE WINDOW

D3043
བོད་ཡིག

slob dpon chen po dpal mar me mdzad kyis mdzad pa rdzogs so//[ ]@##/ /dpal rdo rje can la phyag 'tshal lo/ /sems can rnams kyi nad mi bzad pa drag po zhi bar 'dod pa'i sgrub pa po dam tshig dang ldan pas/ seng ldeng gi lo ma brdungs te/btsir ba'i khu ba la bzlas pa stong phrag bdun bzlas na/ 'brum bu me dbal nag po shin tu mi bzad pa'i nad zhi bar 'gyur ro/ /a la ka'i lo ma 'bras bu dang bcas pa'i phye mar byas nas snga ma bzhin du bzlas nas/ blud na gag lhog dang 'bras mi bzad pa zhi bar nges so//gla rtsi dang btsan dug sngags kyis zin pa la snga ma ltar bzlas nas blud na mdze nad mi bzad pa rnams zhi bar nges so/ /so ma ra dza dang / tsan+dan dkar po dang / phag pa'i mkhris pa dang / rma bya'i sgo nga ser po la snga ma ltar bzlas nas blud na/ dug nad mi bzad pa las thar bar nges so//dar ya ka dmar po dang / skyer pa'i khaN+Da la snga ma ltar bzlas nas blud na mkhris pa sha ya'i nad mi bzad pa zhi bar 'gyur ro/ /'bras bu gsum pa dang pa la sha dang / tsi tra ka'i khu ba la snga ma ltar blud na smyo 'bog gi nad rnams zhi bar 'gyur ro/ /khyi'i rus pa dang ga pur gyi chu dang bzang drug gi me tog rnams la snga ma ltar bzlas nas blud na/rims kyi nad mi bzad pa rnams zhi bar 'gyur ro/ /mi bzad pa'i nad zhi bar byed pa gser gyi rgya mtsho zhes bya ba/ slob dpon ye shes rdo rjes mdzad pa rdzogs so/ /