72b5 /de ltar byas pas sangs rgyas thams cad kyi sku gsung thugs kyi byin rlabs kyi gzhir 'gyur ro/ /bran dang bza' mi gdon gyis gtses pa bsrung ba'i cho ga chen mo zhes bya ba/ slob dpon ye shes rdo rjes mdzad pa rdzogs so//[ ]@##/ /dpal
72b6 rdo rje rnam par 'joms pa la phyag 'tshal lo//mi mthun pa'i 'thab pa dang rtsod pa rnams zhi bar 'dod pas nags stug po'i khrod du song ste/ dkyil 'khor 'khor lo rtsibs bzhi pa zhi ba'i kha dog tu bzhengs la lha rnams spyan drang ba dang / bzhugs su gsol ba la sogs pa bya ste/
72b7 bkra shis bum pa la lha rnams dbang bskur ba la sogs pa bya ste/ bum pa de nyid la mchod cing bstod pa byas la snying po rgyas bsdus gang mos la zhag bdun nam bcu gcig tu bzlas brjod bya'o/ /de nas bdag nyid lha'i nga rgyal dang ldan pas skra brdzes la stod g.yogs gzar la/ sdigs
73a1 mdzub bsgreng la g.yul 'gyed pa'i khrod de'i bar du phyin na g.yul 'gyes so//mi mthun pa'i sems can rnams la yungs kar la bzlas nas gtor na mthun par 'gyur ro/ /bdag dang mthun pa'i sems can la gnod par sems pa las ka ra bI ra'i me tog la
73a2 bzlas nas/de'i gdong du gtor na gnod pa bya ba dang / bsam pa zhi bar 'gyur ro/ /rtswa dUr ba la dur khrod kyi thal ba la bzlas nas gtor na 'phrog ma'i sems zhi bar 'gyur ro/ /mdza' bshes dang mdza' bo mi mthun pa la ni go la'am shing gang yang rung ba la bzlas nas byin na mdza'
73a3 zhing gcugs par 'gyur ro//rgyal po'am yon tan can dang mi mthun pa la ni bya nag mo'i sgo nga dang / mu zi la bzlas la me byas la rlung phyogs su phyar ba tsam gyis mthun sems dang ldan par 'gyur ro/ /mi mthun pa zhi bar byed pa'i rtsi sbyor dbyig gi nor bu zhes bya ba/ slob dpon
ye shes rdo rjes mdzad pa rdzogs so/