65a1 /[ ]@##/ /dpal rdo rje rnam par 'joms pa la phyag 'tshal lo/ /rna ba'i dbang po nyams shing rna ba gso bar 'dod pa'i sgrub pa po dam tshig dang ldan pas/ zhag gsum smyung bar gnas shing gos gsar pa gyon la khrus kyi cho
65a2 ga brgya rtsa brgyad byas la/de'i rjes la bdag nyid rdo rje rnam par 'joms pa sku mdog ljang gur dmigs la bdag nyid kyi snying ga'i sa bon las 'od 'phros pas 'phags pa mchod sems can gyi don byas pas/ phrin las bzhi'i 'dod pa rnams yongs su rdzogs par byas pas/ de
65a3 nas yang 'od 'phros pas sngar dang 'dra/de nas 'od 'phros pas sgra'i lha mo grangs med pa 'phros te/ de dag re re las kyang sprul ba'i lha mo dpag tu med pa 'phros te/ snang ba thams cad sgra'i lha mo zhal nas sgra snyan pa sna tshogs pa brjod pas/ phyag na sgra snyan pa'i byung khungs bi wang dang /
65a4 gling bu dang / rdza rnga la sogs pa rnam pa sna tshogs pa bsnams shing de nyid kyi sgras sangs rgyas kyi zhing khams thams cad du mchod pa'i bye brag sprin rnam par byed pa sangs rgyas dang byang chub sems dpa' rnams mchod nas/ slar ye shes kyi 'od phung chen po gcig tu gyur nas/ bdag nyid la
65a5 bskor ba lan gsum byas nas bdag gi snying ga'i sa bon la thim nas/de nyid thim pas lus ngag khro bo rdo rje rnam 'joms kyi nga rgyal du dmigs la/ tshogs rdzogs par bya/ de nas yang 'od 'phros pas lha mo de dag gis gong ltar sems can gyi don byas nas/ yang ye shes kyi 'od
65a6 phung po chen po gcig tu gyur nas/bdag gi snying ga'i sa bon la bstim pa snga ma dang 'dra'o/ /de nas lan gcig 'phros nas don gnyis rdzogs par byas nas bdag gi rna ba la thim pas sangs rgyas thams cad kyi snyan rnam par dag pa dri ma med cing 'od gsal ba ye shes kyi mkhyen pa rdzogs
65a7 par dmigs shing snying po rgyas bsdus ci rigs par bzlas so//rna ba na ba rnams la khug chos chen po'i phye ma dang / rtsi mar la bzlas te blugs/ 'on zhing sgra mi thos pa rnams la 'bru mar dang ru rta la bzlas te byug go/ /zug che zhing gzer ba rnams la mar sna tshogs dang sbrang rtsi la bzlas
la rtsa rnams la byugs te nyi ma la sreg go/