CLOSE WINDOW

D2994
བོད་ཡིག

/'byung po 'gugs pa'i bsgrub pa rdo rje lcags kyu zhes bya ba/ slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /rig sngags kyi las thams cad byed du 'jug pa'i sgrub pa las kyi bye brag sna tshogs pa bsgrub par 'dod pa'i sgrub pa po dam tshig dang ldan pas/gnas khang yid dang mthun par rdo rje rnam par 'joms pa'i lha lnga'i dkyil 'khor bzhengs la/ bum pa lnga la rgyud stong phrag re bzlas la/ de nas las la sbyar ba ni/ rig sngags gcad par 'dod na mtshon rnon po la snying po rgyas pa lan gnyis brjod pas rtswa ku sha bcad do/ /yang na sa bcad do/ /des rig sngags bcad par nges so/ /lan gsum pas rig sngags nyams pa skongs so/ /mar ngo'i nyi shu gsum la sngags brjod la dkyil 'khor gyi mdun du mchod pa byas na rmi lam du dge ba dang mi dge ba ston par nges so//thal ba 'am chu la lan bzhi bzlas te/ dur khrod kyi sol ba las gzugs byas te/ mtshon gyis gtub cing sa la brdabs na gdon las grol bar nges so/ /yang na dur khrod kyi so la bas lag mthil g.yon du rdo rje bris te/sa la gzugs bris la rdo rje dang ldan pa'i lag pas mnan na gzhan gyi rig sngags non to/ /skud pa la mdud pa bor la lan nyer gcig brjod pas rig sngags 'ching ngo / /dkyil 'khor gyi tsan+dan dmar pos rdo rje rtse lnga pa bris la gu gul gyis bdugs la me tog gtor zhing gzhan gyi rna bar lan nyer gcig bzlas na ka babs par nges so//chu'am so phag gi dum bu'am thal mo brdabs pa lan bdun bzlas na nad pa la phra men ma'i nye 'byed las grol lo/ /rma bya'i mdongs dang chu gri dang me long la brgya bzlas na sbrul gyis zin pa las grol lo//rgya spos dang / rgya mtsho sbu ba dang / ldong ros dang / rma bya'i mkhris pa la stong bzlas te/ chu dang sbyar te ltor btang na dug gis zin pa las grol lo/ /chu bskol ba la lan lnga bzlas te btang na srin bu dang sbrang bu'i nad sos/ mar la lan brgya rtsa brgyad bzlas brjod byas nas bud med sbrum ma'i bu skye kha ma la byin na bde bar btsa' bar 'gyur ro//bdug pa sna tshogs pa la sngags lan nyer gcig brjod nas bdugs na byis pa gdon gyis zin pa las grol lo/ /sbyin sreg gi thal ba dang thal ba gtsang ma la lan brgya rtsa brgyad brjod nas rkun ma byung ba'i phyogs su gtor na rku mi shes par 'gyur ro//gos kyi mtha' mar mdud pa lan bdun bor nas sngags lan bdun brjod pas bdag bsrung bar shes so/ /spyi gtsug gi skra la mdud pa bor nas lan bdun brjod pas gzhan bsrung ngo / /chu la lan brgya rtsa brgyad brjod nas phyogs bzhir gtor bas chu srin gyi 'jigs pa las grol lo//yungs kar la lan bdun bzlas nas gtor na stag gi 'jigs pa las thar ro/ /phur bu la lan brgya rtsa brgyad bzlas nas zhing dkyil du btab na zhing srung bar byed do/ / shing sor bcu gnyis pa mer btang la 'bras dang 'o thug dang zho dang sbrang rtsi dang mar dang sbyar la blugs gzar du blugs la zhag gsum du sreg blugs stong rtsa brgyad byas na bdag dang gzhan zhi bar 'gyur ro/ /zhag bdun byas na grong khyer tsam zhi bar 'gyur ro/ /mngar gsum gyi sbyin sreg zhag bdun du byas na char 'bebs so//dUr ba'i nyag ma la sbrang rtsi zho dang mar gyi nang du bsnyugs pa'i sbyin sreg nyi ma gcig la lan stong rtsa brgyad byas na de ltar zhag bcu'i bar la byas na dus ma yin par 'chi ba rnams zhi'o/ /rtswa dUr ba'i sbyin sreg lan 'bum byas na tshe stong phrag lnga thub bo//slong mo'i zas za zhing sngags 'bum phrag gcig bzlas te/ zla ba gzas zin pa'i tshe ba nag mo'i 'o ma la lan brgya rtsa brgyad brjod nas byugs na bcud len du 'gyur ro/ /lo legs pa dang bu tsha 'phel bar 'dod na zho'i sbyin sreg brgya rtsa brgyad byas pas 'grub par 'gyur ro//pha rol gyi dpung gi gnod pa nyams par byed na/ lcags phye til mar dang sbyar ba'i sbyin sreg lan gsum byas te/ rgyal mtshan dang dung la brgya rtsa brgyad brjod pas 'phyar zhing bus pas rgyal mtshan mthong zhing dung gi sgra thos pas pha rol gyi dmag dpung gis mi tshugs so//gzhan du longs ma spyad pa'i bum pa 'bru dang sman dang rin po ches bkang la lan brgya rtsa brgyad bzlas nas khrus byas na bgegs kyis zin pa las thar ro/ /byis pa bkrus na gdon gnod do cog gis zin pa las thar bar 'gyur ro/ / rma bya'i mjug ma la lan stong rtsa brgyad brjod na dug go cog zhi ba'o/ /skud pa la mdud pa bdun bor nas lan brgya rtsa brgyad brjod nas mgul du btags na rims nad bsrung ngo / /lam du zhugs pa'i tshe rdo rje can la dmigs te lan gsum brjod nas song na chom rkun gyi 'jigs pa mi 'byung ngo //gru rgal ba'i tshe chu la lan bdun brjod nas chu'i nang du gtor nas chu rgal na bde bar ngogs su phyin no/ /yungs kar la stong rtsa brgyad bzlas nas bdag gi dmag 'khod pa'i sa la dang / mgo la gtor na dmag las rgyal bar nges so/ /mda' sngon po la stong rtsa brgyad brjod nas pha rol gyi dmag gi khyim du 'phangs na pha rol gyi mtshon gyi nus pa nyams par 'gyur ro//yid la bzlas brjod brgya rtsa brgyad byas na chom rkun gyi nus pa med pa'o/ /lcags kyi phur pa lan stong bzlas nas dur khrod du btsugs na/ mi ma yin pa thams cad kyi gnod pa dang bral zhing bcing bar 'gyur ro//de nyid phyung na mthong bar nges so/ /mtshams gcad par 'dod na yungs kar ram dur thal lam chus bya'o/ /nad pa la gdon dbab pa ni gu gul la lan nyer gcig bzlas te bdug go/ /char dbab par dka' na mngar gsum khrag dang sbyar ba'i sbyin sreg stong rtsa brgyad byas pas dbab bo//mngar gsum dkar dang bcas pa'i sbyin sreg byas na char pa 'chad do/ /ser ba gcad par 'dod na yungs kar dang til nag po la bzlas so/ /sprin bsdu bar 'dod na srin bal gyi mdud pa la bzlas so/