CLOSE WINDOW

D2983
བོད་ཡིག

nad pa la snga ma ltar byin na/ dri za'i gdon las thar bar nges so/ /slob dpon ye shes rdo rjes mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /tshangs pa'i gdon las thar bar 'dod pas/sngon du 'jug dus dang mtshan nyid bstan te/ kha ton dang dka' thub la dga' ba dang / tshangs par spyod pa'i mi la yar ngo'i tshes brgyad dang nyal tshangs pa'i gdon gyis 'dzin te/ yang na bram ze dang tshangs spyod nyams pa la 'jug /zhugs pa'i mtshan ma ni gshe ba dang / kha rgod pa dang gar byed pa dang /cis kyang mi skrag /smra bar mi byed/ rang gi lus la rdo la sogs pas rdeg pa dang / rig byed bstan bcos smra bar byed pa sngags 'chang ba la lan ldon par byed pa'o/ /de nas gdon las thar pa'i thabs ni gtor ma sbyin te/ nas bre gsum btsos pa'i chang dang / khur pa dang / me tog phreng ba dmar po dang / shing thog sna tshogs pa dang / til nag po dang bcas pa'i gtor ma ri rtse la byin la/ de nas nad pa de gos sngon po gyon la lho phyogs su khrus byas la shing ka ra bI ra'i rtsa ba me tog shun lpags su bcas pa shing pa ta la dang / gso ma dang /bil ba'i rtsa ba dang / sgron shing dang / shing rtsa pi pi ling dang / na le sham dang / rtsa ba lnga dang / sgog skya rnams dang / mar phul bdun dang / ba'i gcin srang nyi shu seng lding shun lpags bshus pa srang nyi shu rtsa bzhi btsos nas snga ma ltar byin na tshangs pa'i gdon thams cad las thar bar nges so/