29b5 /[ ]@##/ /dpal rdo rje rnam par 'joms pa la phyag 'tshal lo/ /rgyal po chen po bzhi'i dkyil 'khor du dbang bskur bar 'dod pa'i sgrub pa po dam tshig dang ldan pas/ gnas khang yid dang mthun par
29b6 sa'i cho ga rnams rdzogs par byas la/rgyal po chen po bzhi'i dkyil 'khor bzhengs la/ sa stegs gru gsum mnyam zhing chags kyis 'thas par bya zhing / de nas thig le'u tse dgur btab la le'u tse lnga pa gru bzhi sgo bzhi pa/ dbus kyi le'u tse dkar po shar ljang lho nag po/ nub
29b7 dmar po byang ser po de'i bar gyi rtsig pa sngon po la gser gyi dong tse brtsegs pa/grwa rnams su bum pa dmar po dpag bsam gyi shing dang / nor bu'i nang na chu 'bab pa bri/ gru'i dum bu ljang gur bya/ sgo rim dang 'dra ba bris la bum pa lnga la sogs pa sku mdog mthun pa'i tshon gyis bsgyur la/
30a1 so so'i phyag mtshan btab la so so'i gnas su bzhag la skud pa sngon dmar gyis sbrel la/ phyogs mtshams su me long gi phreng ba dang / dar sna dang / dril bu g.yer kha'i dra bas bres so/ /steng nas ras dkar po'i gdugs kyis bkab la/ rgyan sna tshogs pas
30a2 brgyan par bya'o//shog bu la rgyal po chen po bzhi'i gzugs bris la mda' la btags la gnas su gzugs so/ /de nas bgegs bskrad pa la sogs pa byas la dbus kyi bum pa la dpal rdo rje rnam 'joms sku mdog dkar por gyur te bum pa'i phyag rgyas spyan drangs te sngags brgya rtsa
30a3 brgyad brjod la pU dza la sogs rdzogs par dbul/de nas shar phyogs kyi bum par rA dza yul 'khor srung spyan drangs te/ lag pa g.yon pa pi wang len pa ltar byas la oM D+h+r-i swA hA zhes pa brgya brjod pas bum pa'i nang du zla ba'i dkyil 'khor gyi steng du seng ge'i gdan gyi steng du/ yul 'khor
30a4 srung ljang gu rin po che'i rgyan rnams kyis brgyan pa/dar gyi lhab lhub dang bse'i rmog zhu gsol ba/ phyag g.yas pas pi wang 'dzin pa g.yon gyis len pa bskyed do/ /lho'i bum par 'phags skyes po spyan drangs te/ bskyed pa ni lag pa g.yas pa'i mdzub mo dang gung mo sbyar te bsgrengs
30a5 la/oM bI swA hA zhes brgya brjod pas/ 'phags skyes po sku mdog nag po dar gyi lhab lhub dang rin po che dang bse'i rmog zhu gsol ba/ phyag na ral gri bsnams pa snga ma bzhin du bskyed do/ /nub kyi bum par spyan mi bzang spyan drangs te bskyed pa ni g.yon pa'i mdzub mo zhags pa ltar bya
30a6 ste/oM k+Sha swA hA zhes pa brgya brjod pas spyan mi bzang sku mdog dmar po dar la sogs pas brgyan pa/ sbrul mgo bdun gyis bskor ba spyan dmar la 'bur ba/ phyag na chu srin dang zhags pa bsnams pa bskyed do/ /byang gi bum pa la rnam thos sras spyan drangs te bskyed pa ni/
30a7 lag pa gnyis kyis mthe bong gze mo'i rna ba ltar byas la/ oM bai swA hA zhes brjod pas rnam sras mdog ser po gser btso ma 'dra ba dar la sogs pas brgyan pa phyag na ne'u le'i rkyal pa gser gyi dong tses bkang ba bskyed do/ /de nas sgrub pa po bdag nyid kyis khrus byas la/ gos gsar
30b1 pa gyon te/bzlas pa bya ba ni lha de dag gi snying ga'i dkyil 'khor gyi sngags kyi rang sgra la sogs pa dmigs te/ oM tsa ra ni tsa ra/ oM ha ra ha ra/ oM sa ra sa ra swA hA/ oM mA ra ya swA hA/ oM bi dA ra ya swA hA zhes bum pa re la khri phrag re so so'i las kyi sngags bzlas shing de nyid
mchod pa la sogs pa bya ste/