CLOSE WINDOW

D2939
བོད་ཡིག

/[ ]@##/ /'phags pa rdo rje rnam par 'joms pa'i khrus kyi cho ga /chos nyid mnyam pa nyid la rab gnas kyang / /thugs rjes gtan du mya ngan mi 'da' zhing / /'dod pa'i don grub mtha' yas gzugs mnga' ba//dpa' brtan rdo rje 'chang la phyag 'tshal lo/ /de la dang por bum pa'i mtshan nyid bstan pa'i dbang du mdzad nas/ nor bu yungs kar dUr ba dang / /rin chen rma med tsan+dan bcas/ /shel dang rdo rje'i me tog dang / /chu yi gser ram yang na ni/ /dngul gyi bum pa dag kyang rung //gtsang ma'i gos kyis dkri zhing dgang / /zhes gsungs pas/ gser ram dngul lam zangs las byas kyang rung / zhabs kyi gdub kor ni 'phang du sor gcig gi tshad du byas la gdags so/ /dbus kyi dbyibs ni lhung bzed 'dra bar bya'o/ / mgrin pa'i 'phang du so bzhi'i tshad du bya'o/ /mgrin pa'i nang gi tshad kyang sor bzhi pa'i sbubs su bya'o/ /mgrin pa'i kha khyer phyir skyed pa ni sor gnyis kyi tshad du byas la/ kha'i cha ga'i bshal ka sor gcig gi tshad du bya'o/ /dbul po rnams kyis dngul dang gser dang zangs la sogs pa las bya ba mi rnyed pas de'i phyir rgyu gzhan las bya bar gsungs te/bum pa pad+ma dmar po'i mdog ltar dmar zhing byi ru dang li khri dang mtshal gyi mdog ltar dmar ba dang / so btang nyes pa'i nag po ra ri med par bya'o/ /ltor ni chu phul lnga yan chod nas bcu shong ba'i tshad gar nus pa'i chad byas te/de nas lag pa byug spos kyis byugs te/ dri zhim po shin tu bkra shis pa'i bdug pas bdugs la/ gu gul la/ oM a mr-i te hUM phaT ces bdud rtsi thab sbyor gyi sngags kyis lan bdun du bzlas pas bum pa'i nang du bdugs la/ chu gtsang ma srog chags med par btsags pas bkang ste/de'i nang du tsan+dan dang ga pur dang / gur kum dang dzA ti dang / gla rtsi lnga po bsres pa'i chu yang blugs nas der rin po che lnga zhes bya ba nor bu rin po che dang / byi ru dang / gser sa le sbram dang / mu tig dang / shel dag dang / sman lnga zhes bya ba bya kr-i dang /sreng kri dang / gi bri kar ni dang / sa hA dang / sa ha de ba dang / 'bru lnga zhes bya ba nas dang / so ba dang / til dang / mon sran dang / mon sran gre 'u rnams kyang bcug la bum pa'i khar gser ram dngul phor ram khar phor gtsang ma'i nang du yungs kar blugs pa'i snod bzhag ste/ras gtsang ma kha tshar ma god pas bum pa'i kha dang yungs kar gyi snod dang bcas pa dkri zhing g.yogs la bcings te/ mdud pa'i steng du ba'i lci bas rgyas gdab pa'i tshul du glan la der rtswa dUr ba'i nyag ma bdun btsugs te phyag na rdo rje la dbul bar 'os pa'i me tog dmar po dri zhim po'am/yang na me tog dri zhim po gang yang rung ba'i phreng bas kyang bum pa'i mgrin pa bskor ba'i don no/ /dkyil 'khor med par bum pa 'ba' zhig gis 'dod pa'i las mi 'grub pas thog mar dkyil 'khor bri nas brtag dgos pas/ spyi rgyud dpung bzangs kyis zhus pa las 'dir sbyar bar bya ste/ phyugs lhas shing gcig lha yi khang pa'am/ /lam gyi bzhi mdo'am khang stong nags tshal du/ /zhes gsungs so/ /dkyil 'khor bri bar bstan pa yang de nyid las/ /dkyil 'khor gru bzhi lham pa khru bzhi'i tshad//tshon rtsi rnam pa sna tshogs rnams kyis bri/ /phyogs kyi lha rnams gnas ni yongs su gzung / /sgo bzhi pa la phyogs kyi rtsa yang dgram/ /zhes gsungs te/ /de yang sa gzhi shin tu sbyangs shin tu 'thas par bcags pa la ba'i rnam lnga zhes bya ba/ 'o ma dang / mar dang / zho dang / gcin dang / lci ba rnams dang / spos rnams bsres pa rnams kyis bskus la thig gdab par bya'o/ /khru bzhi'i tshad la gru bzhi par byas la phur bus legs par gdab bo/ /de'i dbus su gsang sngags 'chang khrus byed pa'i sa khru do gzhag go/ /de'i phyi rim khru gang gi khyon yod pa la cha gsum du bgos te/dang por 'jig rten skyong ba rnams kyi gnas su bya'o/ /gnyis pa ni sgo khyud dang mu khyud mu tig gi phreng ba dag bri'o/ /gsum pa la ni mchod pa dag bri'o/ /'jig rten skyong ba rnams dgod pa yang / spyi'i rgyud gsang ba'i dkyil 'khor las/ 'di skad du/ brgya byin gyi ni rdo rjer gsungs/ /me lha'i phyag rgya me thab yin/ /gshin rje'i phyag rgya be con te/ /bden bral gyi ni ral grir bstan/ /chu bdag gi ni zhags par bstan/ /rlung gi phyag rgya rgyal mtshan yin/ /ku ber yi dbyug to yin/ /dbang phyug gi ni rtse gsum gsungs//sa yi phyag rgya bum pa yin/ /nyi zla'i phyag rgya zlum por bya/ /zhes gsungs so/ /dkyil 'khor ni sgo bzhir btod cing / bkra shis brgyad po dpal be'u dang / 'khor lo dang / gdugs dang / rgyal mtshan dang / pad+ma dang / bum pa dang / dung dang / nya dag bris pas mdzes par bya'o//dbus su ni ku sha bting zhing phyi rol thog tu yang ku sha dgram mo/ /steng du yang bla res legs par dgab cing me tog gi phreng ba dang / ba dan dang / dar gyi lda ldi dang / me long gis brgyan na khrus kyi cho ga bkra shis par 'gyur ro/ /de nas bum pa yang dkyil 'khor gyi dbus su bzhag ste/grwa bzhir seng ldeng gi phur pa bzhi la bdud rtsi thab sbyor gyi sngags gong du smos pa bzlas shing btsugs nas/ tshon sna lnga'i skud pa la yang gsang sngags de nyid bzlas shing bskor bas mtshams gcad par bya'o/ /bshos dang gtor ma bkod pa yang /dpung bzangs kyis zhus pa'i rgyud las/ bza' dang sha chang la phug la sogs bcas/ /'bras chan 'bras bu mang po'i gtor ma sbyin/ /zhes gsungs te/ ma phye ba yang 'os 'os su phye ste/ sha chang la phug dag ni gshin rje dang bden bral 'khor dang bcas pa la sbyin no//de nas rig sngags 'chang bdag nyid phyi nang gi dri ma dag par byas la/ gos sar pa bgos te/ cho ga brtsams pa'i dbang du mdzad nas/ des ni rab bkrus gtsang ma yis/ /mdo sde dam pa mnyan par bya/ /gang dag yid dge sems dngas shing / /gtsang ma'i gos kyis rab brgyan te//zab mo sangs rgyas spyod yul ba/ /mdo sde 'di ni nyan byed na/ /zhes gsungs te/ de'i don ni rang gi rgyud dag par byed de dkyil 'khor gyi nub sgor 'greng la/ lag pa byug spos kyis byugs nas/ rang gi lha ji ltar gnas pa bzhin du bsgoms la/ mig gnyis su yi ge hUM 'bar ba re bsams la se gol gyi sgra phyung zhing /phyogs su bltas pas mtshams bcad bgegs bskrad nas/ slar stan bde ba la 'dug nas dkyil 'khor de yang rin po che sna tshogs las grub pa'i lha'i gnas bzang po dpe med par dmigs shing / bum pa de yang yid bzhin gyi rgya mtsho'i bdud rtsi'i chus gang bar dmigs te/lag pa gnyis thal mo khong stong du sbyar ba las/ kha phye ste pad+ma'i tshul du byas pa ni pad+ma'i gdan gyi phyag rgya yin te/ de'i sngags la/ oM pad+ma kam la ye swA hA zhes brjod nas yid bzhin gyi mtsho'i dbus su pad+ma'i sdong po dang lo ma dang 'dab ma dang ze ba dang /snying por bcas pa dpe med par bzang zhing che ba gcig bsams te/ mchod yon gyi snod blangs la sgreng zhing 'di skad du/ dad pa dang ni dam tshig gis/ /tshur gshegs tshur gshegs bcom ldan 'das/ /bdag gi mchod yon bzhes su gsol/ /mchod yon bzhes nas de nyid du//mchod pas bdag la dgyes par mdzod/ /A ha ra A ha ra/ sarba bid+ya d+har pU dzi te swA hA zhes brjod pas 'phags pa mdun gyi nam mkha' la 'khor dang bcas pa gshegs par rig pa dang / bar 'dir phyir 'breng ba'i bgegs bskrad/ a mr-i tas bsang yang na rtsa sngags sam bskrad sngags kyis so//lag pa g.yas pa'i mthe'u chung gi sen mo mthe bong gis mnan te/ lhag ma gsum nas do tsam gyis ma reg par byas te/ /rdo rje'i tshul du byas nas bstan pa ni dam tshig chen po'i phyag rgya yin te/ de'i sngags la/ oM shaM ka re ma hA sa ma ye swA hA zhes brjod nas/gdan de la 'phags pa khro bo'i rgyal po phyag na rdo rje'i thugs kyi khyad par las byung ba/ rdo rje rnam par 'joms pa zhes bya ba mdog sngon po yid tsam khro ba/ phyag g.yas na rdo rje rgya gram las rwa phyogs gcig med pa bsams pa/ phyag g.yon pa dkur brten cing 'gying ba/dbu rgyan rtse bran can/ rgyan thams cad kyis brgyan pa/ na bza' stod g.yogs dar la smad g.yogs tshi gu can mnabs pa/ 'khor rigs kyi lha dpag tu med pa dang gshegs par dmigs shing / rtsa ba'i phyag rgya lag pa gnyis thal mo khong stong du sbyar la srin lag gnyis nang du bkug ste/phan tshun bsnol ba'i rtse mo mthe bong dang mdzub mo'i drung du cung zad 'byung bar byas la/ gung mo gshibs phyi rol nas mdzub mo bkug la nas gang tsam gyis ma reg par byas te/ mthe bong gnyis dang mthe'u chung gnyis kyang gshibs pa ni rdo rje rnam par 'joms pa'i rtsa ba'i phyag rgya las thams cad byed do//de'i sngags la/ oM badzra dz+wa lAn lA ye swA hA/ de nas mchod pa rnam pa lnga rim bzhin du dbul ba ni/ dang por byug spos dbul te/ gtsang zhing gtsang mar sbyar ba yi/ /lha rdzas bzang po'i byug spos 'di/ /bdag gis dad pas 'bul lags kyis//bzhes nas bdag la dgyes par mdzod/ /A ha ra A ha ra sarba bid+ya d+ha ra pU dzi te swA hA/ de nas me tog dbul te/ gtsang zhing gtsang mar skyes pa yi/ /lha rdzas dam pa'i me tog 'di/ /bdag gis dad pas 'bul lags kyis/ /bzhes nas bdag la dgyes par mdzod//de nas bdug pa dbul te/ shing gi khu ba yid du 'ong / /dri yis rgyas pa bdug pa'i mchog /bdag gis dad pas 'bul lags kyis/ /bzhes nas bdag la dgyes par mdzod/ /lha bshos dbul te/ sman rnams khu ba yi gar 'ong / /dri yis rgyas pa lha yi zas//bdag gis dad pas 'bul lags kyis/ /bzhes nas bdag la dgyes par mdzod/ /'di yan chad kyi sngags ni gong mar smos pa gong ma bzhin du sbyar ro/ /de'i 'og tu mar me dbul te/ gdon rnams 'joms shing bkra shis la/ /dge zhing mun pa rnam sel ba//lha rdzas bzang po'i zhun mar 'di/ /bdag gis dad pas 'bul lags kyis/ /bzhes nas bdag la dgyes par mdzod/ /A lo ka A lo ka sarba bid+ya d+ha ra pU dzi te swA hA/ de nas gdon rnams la gtor ma sbyin par bya ste/ /lha dang lha min gnod sbyin lto 'phye grul/ /nam mkha' lding dang 'dab bzangs lus srul po//dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bdag gis pus mo sa la btsugs nas su/ /thal sbyar de dag la ni gsol ba 'debs/ /bu smad bcas shing g.yog 'khor bcas pa rnams//gsan nas phan gdags slad du 'dir gshegs shig /sems can gang dag ri rab steng gnas dang / /dga' ba'i tshal dang lha yul gang gnas dang / /gang dag shar nub nyi ma'i khyim gnas dang / /chu bo kun dang chu yi ngogs rnams dang / /rin chen gnas su'ang gnas ni bcas pa dang //rdzing dang mtsho dang lu ma ltang lteng dang / /khron pa dang ni ngam grog chu mig dang / /grong dang phyugs lhas grong khyer nags tshal dang / /khong stong dag dang lha yi gnas dag dang / /lha khang mchod rten 'dug gnas bsti gnas dang / /mu stegs gnas dang glang chen khang pa dang //gang dag rgyal po'i dkor khong gnas pa dang / /srang dang khyams dang lam kha'i bzhi mdo dang / /gang dag shing gcig po dang lam po che/ /dur khrod chen po nags tshal chen po dang / /gang dag seng ge glang chen dred kyi gnas/ /'jigs pa'i sa dang 'brog na gnas pa dang //gling bzang rnams su gnas ni bcas pa dang / /gang dag lhun po dur khrod gnas pa rnams/ /rab tu thugs dgyes dri dang phreng ba dang / /bdug pa gtor ma mar me bstod gus 'bul/ /'di dag bzhes nas bsnams dang gsol mdzod la/ bdag gi las 'di'i 'bras bu mchis par mdzod//lag pa gnyis thal mo sbyar ba las kha phye ste bkan pa ni gtor ma sbyin pa'i phyag rgya'o/ /de'i sngags la srin po rnams la krang ke re/ sha za rnams la/ mi tsi mi tsi/ 'byung po rnams la gung gung / thams cad la/ na maHsarba ta thA ga te b+h+yo/ bi shwa mu khe b+h+yaH/ sarba tat+khaM ung+ga te s+pha raN i maM ga ga na khaM swA hA/ de ltar gdon rnams la gtor ma byin nas phyogs skyong rnams la mchod pa lag pa gnyis thal mo khong stong du sbyar ba las/ sor mo dbus ma gsum bskyed de/ pad+ma'i tshul du bya'o/ /de'i sngags la/ dbang ldan gyi phyogs su ru drA ya swA hA/dbang po'i phyogs su sha krA ya swA hA/ me'i phyogs su ag+na ye swA hA/ gshin rje'i phyogs su bep+ta ye swA hA/ bden bral phyogs su rak+Sha sa a d+hi pa ta ye swA hA/ chu lha'i phyogs su me ga a sha nA ya swA hA/ rlung lha'i phyogs su bA ya be+e swA hA/ ku be+e ra'i phyogs su yak+Sha bid+d+ha re swA hA/steng gi phyogs su a di t+yA ya swA hA/ nyi ma'i'o/ /zla ba'i tsan+d+rA ya swA hA/ 'og gi phyogs su phr-i thi bye swA hA/ sa'i lha mo'i'o/ /de ltar phyogs skyong rnams kyang mchod de/ bzlas brjod bya ba'i dbang du mdzad nas/ lan grangs nyi shu rtsa gcig gam/ /yang na lan grangs brgya rtsa brgyad//rdo rje rnam 'joms bzlas nas su/ /rgyal po rtag tu khrus gyis shig /ces 'byung ba'i don ni de ltar 'phags pa 'khor dang bcas pa dang / 'jig rten skyong ba dang / 'byung po thams cad la mchod pa byas nas/ bum pa'i nang du 'phags pa spyan drangs pa de nyid kyang srog dang bcas pa lta bur dmigs te/de'i thugs kar zla ba'i dkyil 'khor dri ma med pa la yi ge'i phreng ba rnams bkod de bzlas so/ /lha'i sku dang / zla ba'i dkyil 'khor dang / yi ge'i phreng ba la dus gcig tu dmigs pa ni 'jig rten na za 'og la sogs pa'i gding ba khra bo la lta ba dang 'dra'o//zla ba'i dkyil 'khor chung ngu'i nang du yi ge'i phreng ba mang ba ji ltar bkod ce na/ sems goms pa rnams la mi rung ba med de/ chu nyung du shin tu dang ba'i nang du nyi zla dang / gza' skar la sogs pas brgyan pa'i nam mkha' thams cad snang ba bzhin no//rgyal po zhes pas 'dzin du zad do/ gzhan yang khrus kyi sbyor ba bya ba'i dbang du mdzad nas/ mdo sde 'di yi gzi brjid kyis/ /srog chags dag ni thams cad kyi/ /mi bzad pa yi nad rnams kun/ /de dag thams cad zhi bar lta/ /tshe dang bsod nams 'phel bar 'gyur//sdig pa kun las rnam par thar/ /zhes gsungs te/ de ltar bzlas brjod kyi grangs tshang nas phyogs bcu'i lha rnams dga' bar bya ba'i phyir/ tshigs su bcad pa yang bsgrag par bya ste/ dbang po rdo rje 'chang ba'i lha/ lha yi rgyal po gdon gyi bdag /shar phyogs gdon gyi tshogs bcas la//mchod pa bgyid cing phyag kyang 'tshal/ /me ste bsreg bya za ba'i lha/ /'byung po'i rgyal po gdon gyi bdag /phyogs mtshams gdon gyi tshogs bcas la/ /mchod pa bgyid cing phyag kyang 'tshal/ /gshin rje be con 'chang ba'i lha/ /ma mo'i rgyal po gdon gyi bdag /ma mo'i gdon gyi tshogs bcas la/ /mchod pa bgyid cing phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /sna tshogs gdon gyi tshogs bcas la/ /mchod pa bgyid cing phyag kyang 'tshal/ /zhags pa thogs pa chu yi lha//bden pa gsung ba gdon gyi bdag /nub phyogs gdon dang bcas pa la/ /mchod pa bgyid cing phyag kyang 'tshal/ /rlung ste srog kyang 'dzin pa'i lha/ /tshig srung gdon gyi bdag po ste/ /rlung gi phyogs kyi gdon bcas la/ /mchod pa bgyid cing phyag kyang 'tshal/ / gnod sbyin lag na be con thogs/ /nor srung gdon gyi bdag po ste/ /byang phyogs gdon dang bcas pa la/ /mchod pa bgyid cing phyag kyang 'tshal/ /dbang dang ldan pa 'dren pa'i lha/ /bgegs kyi rgyal po gdon gyi bdag /dbang ldan phyogs kyi gdon bcas la/ /mchod pa bgyid cing phyag kyang 'tshal//'og gi klu ste sa yi lha/ /sa 'dzin lag pa chen po ste/ /dam tshig shes pa'i gdon bcas la/ /mchod pa bgyid cing phyag kyang 'tshal/ /steng gi lha tshogs thams cad dang / /zla ba nyi ma gza' chen dang / /gza' dang rgyu skar bcas pa la/ /mchod pa bgyid cing phyag kyang 'tshal//de nas shu ti dang ba'i rnam lnga chu dang sbyar ba la/ bdud rtsi thab sbyor gyi sngags gong du smos pa btab ste/ khrus byed pa'i lus bskus te/ dril nas khrus byas te gos sar pa bgos nas/ dkyil 'khor gyi sgor 'dug ste/ de la srung ba chen po bya'o/ / de nas gsum la skyabs su 'gro ba la sogs pa byin te/ dkyil 'khor bskor du bcug la/ gus pas phyag byas la/ cho ga bzhin du dkyil 'khor gyi dbus su rtswa ku sha bkram pa'i steng du bde bar 'dug la/ gsang sngags zlos pas bum pa blangs te/ gzungs sngags bzlas shing khrus byed du bcug la phyi nang gi dri ma thams cad ma lus par dag par bsam mo//shin tu bde legs dang bkra shis dang / rgyal bar gyur cig ces bya ba'i tshig dang rol mo'i sgra skad rab tu snyan pa dang yang ldan par 'gyur ro/ /yungs kar dang / zho dang / dUr ba dang / li khri dang / me long dang / dung dang / bil ba'i 'bras bu dang / gi wang rnams kyang slob ma'i nang du ras khri'u bting ba'i nang du bzhag ste/ de bkra shis 'don pa'i lag tu bzhag nas rdzas de rnams re re nas blangs shing sbyin no/ /de nas byab bya ste/ rma bya'i steng du zla ba'i steng du gzungs sngags bsams la/ des byab cing gzungs ring brjod pa'i gsham la che ge mo'i sarba byA d+hi la sogs pa sbyar ro//de nas bsrung ba bya ste/ skud pa la bsrung ba byas la gdags/ gzungs ring bris la de la rab gnas byas pa gdags so/ /de nas yang bsrung ba bya ste/ rdo rje phyed de'i lag tu byin nas zhi ba dang dga' ba'i sems kyis longs shig ces bya ba'i tshig kyang brjod par bya'o//rdo rje phyed po de la bzung nas gdon thams cad las thar nas ldang ste/ zla ba sgra gcan 'dzin gyis bzung ba las thar ba bzhin du lus sdig pa dang bral ba'i dbang du mdzad nas/ sdig pa thams cad byang byas nas//sdug bsngal thams cad med par byed/ /rgyud do cog gi rtsa ba ste/ /dpal kun gyis ni legs par brgyan/ /sems can dbang po nyams pa dang / /tshe zad pa dang tshe nyams dang / /phun sum tshogs min gang chags dang / /lha rnams rgyab kyis phyogs pa dang / / mdza' sdug skye bo sdang ba dang / /bram ze la sogs gtses pa dang / /phan tshun mthun pa ma yin dang / /nor 'grib pas ni gnod pa dang / /mya ngan ngal las gnod pa dang / /'jigs pa dang ni phongs pa dang / /gza' dang rgyu skar byad stems dang / /mi bzad gdon gyis nyen pa dang / /mya ngan ngal las byung ba yis//rmi lam sdig pa mthong na yang / /cho ga 'di yi phan yon gyis/ /de dag las ni thar bar 'gyur/ /zhes gsungs pa'o/ /de nas 'byor na zhi ba'i sbyin sreg bya'o/ /yang gzhan du na 'di ltar bya'o/ /byams pa che dang snying rje che/ /mnyam par ldan par byas kyang rung /