345a7 /[ ]@##/ /rgya gar skad du/ badzra bi dA ra Na nA ma d+hA ra Ni tsaN+Da ma hA ro Sha Na sA d+ha na nA ma/ bod skad du/ rdo rje rnam par 'joms pa gtum po'i sgrub thabs zhes bya ba/ 'phags pa rnam par 'joms pa la phyag 'tshal lo/ /thabs dang shes
345b1 rab rang bzhin gyis//gdug pa can rnams 'joms pa yi/ /shin tu khro zhing 'jigs pa'i sku/ /rnam par 'joms la phyag 'tshal nas/ /rtsa ba'i rgyud don la brten nas/ /bdag gis sgrub thabs 'di bshad bya/ /re zhig yid du 'ong ba'i gnas su stan bde ba la 'dug ste/ byams pa dang ldan pa'i khrus byas
345b2 nas/dur khrod kyi sa la sogs pas dkyil 'khor 'dom gang gru bzhi pa byas te/ dbus su gru gsum brtsegs ma'o/ /tha ma rdo rje rgya gram dang / 'khor lo rtsibs bcu pa'i gru chad bzhi dang / sgo bzhi rta babs dang bcas pa/ rdo rje me ri dang bcas pa bri'o/ /de ltar bris nas phur bu bco lnga dgod
345b3 do//phyogs skyong la gtor ma dang lha bshos gzhag par bya'o/ /de ltar rdzogs nas bsgom pa ni byang chub tu sems bskyed pa la sogs pa byas la/ de nas oM swa b+hA ba shud+d+haHsar+b+ba d+har+m+ma ni hUM/ de'i rjes la rang nyid sa bon hUM gi rnam par gnas te/ 'od zer gyis rdo rje ra ba me ri dang bcas
345b4 pa bsgom par bya'o//de nas b+hUM las dkyil 'khor gyi khang pa bskyed nas/ dbus su nyi ma zla ba'i gdan no/ /rgya gram bzhi dang 'khor lo rtsibs bcu la nyi ma'i dkyil 'khor bcu bsams nas/ bdag nyid nyi zla'i steng du bsams te/ yongs su gyur pa las rdo rje/ de las 'od 'phros
345b5 sems can sbyangs sangs rgyas thams cad rdo rje de nyid la thim pas/rdo rje rnam par 'joms pa sku mdog mthing nag tu 'dug pa/ dbu skra dmar ser gyen du 'khyil ba/ chu lha dkar po mgul du bcings pa/ gzi can nag po se ral khar bcings pa/ mche ba gtsigs pa/
345b6 stod g.yogs sngon po/ smad stag gi sham thabs bcings pa/ zhabs brkyang bskum du bzhugs pa'o/ /na mo rat+na tra yA ya/ na mash+tsaN+Da badzra pA Na ye ma hA yak+Sha se nA pa ta ye/ hUM bcu las 'khor lo bcu'i steng du khro bo bcu dang / hUM bzhi las rdo rje rgya gram gyi steng du khro bo bzhi'o/ /
345b7 khro bo bzhi ni mche ba gtsigs pa'o/ /zhe sdang zhi zhing brjid pa'i sku mdog dkar po'o/ /lho'i rdo rje be con ni rtog pa thams cad gzhig pa'i sku nga rgyal zhi ba'i bdag nyid dmar nag go/ /nub kyi rdo rje brtan pa ni 'dod chags dri ma spangs pa dmar po'o/ /byang du rdo rje don yod brtan
346a1 pa phrag dog 'joms pa ljang gu'o//zhal gcig phyag gnyis pa rdo rje dang dril bu bsnams pa'o/ /sar+b+ba bid+yA badzra badzra/ s+phoT badzra badzra/ ka Ta badzra badzra/ ma Ta badzra badzra/ ma tha badzra badzra/ aT+Ta hA sa nI la badzra su badzrA ya swA hA/ 'khor lo'i rtsibs bcu la khro bo chen po bcu ni khams gsum
346a2 rnam par rgyal ba dkar po'o//gshin rje gshed ni dmar nag ste/ rta mgrin dmar po rta mgo ljang gu can/ bdud rtsi 'khyil pa ljang gu'o/ /sgo bzhir ro/ /dbyug pa sngon po la sogs pa mtshams su'o/ /de ltar steng 'og gnyis te/ khro bo bcu ni stag sham can/ sbrul gyis brgyan cing thams
346a3 cad phur bu bsnams pa/zhabs brkyang bskum du bzhugs par bsgom mo/ /de ltar dam tshig rdzogs nas spyan drang ba dang / mchod pa dang bstim pa byas nas/ oM AHhUM sa bon gsum byin gyis brlab pa byas la thugs phyag mtshan dang bcas pas skye mched byin gyis brlabs nas dbang
346a4 bskur zhing gtso bos mtshon par bya'o//de nas bsgoms pas skyo na bsnyen pa dang / sgrub pa'i bzlas pa bya'o/ /de nas lha mo'i glus gtor ma nye bar phul te/ spyod pas gnas par bya'o/ /las bya bar 'dod pas rabs chad nag po'i rus pa'i phye ma dang / yungs kar dang / ske tshe dang /
346a5 shang tshe dang / til nag po dag gis thod par ni dug chu dag gis gdab par bya'o/ /tad+ya thA/ oM tra Ta tra Ta/ tro Ta ya tro Ta ya/ s+phu Ta s+phu Ta/ s+pho Ta ya s+pho Ta ya/ g+hur+N+Na g+hur+N+Na/ g+hur+N+NA pa ya g+hur+N+NA pa ya/ sar+b+ba satwa ni bo d+ha bo d+ha/ saM bo d+ha ya saM bo d+ha ya/ b+h+ra ma b+h+ra ma saM b+h+ra ma ya saM b+h+ra ma ya/ sarba b+hU ta/
346a6 ni/ ku Ta ku Ta/ saM ku Ta ya saM ku Ta ya/ sarba sha trUM nAn/ g+ha Ta g+ha Ta/ saM g+ha Ta ya saM g+ha Ta ya/ a mu kaM mA ra ya phaT/ lcags phye zangs phye rdo phye gdab/ oM sar+b+ba bid+yA badzra badzra/ s+pho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ aT+Ta hA sa nI la badzra su badzrA ya swA hA/ de nas khro bo
346a7 chen po bcu'i phur pas gdab par bya'o//he phu lu ni ru phu lu gr-ih+Na ku lu mi li tsu lu ku ru ku lu badzra bi dzA ya kI li kI lA ya swA hA/ ka Ta ka Ta ma Ta ma Ta/ ra Ta ra Ta/ mo Ta na phra mo Ta nA ya/ badzra kI li kI lA ya swA hA/ tsa ra ni tsa ra/ ha ra ha ra/ sa ra sa ra/ mA ra ya badzra kI li kI lA ya swA hA/
346b1 ts+tshin+da ts+tshin+da ma hA kI li kI lA ya swA hA/ b+hin+da b+hin+da ma hA kI li kI lA ya swA hA/ ban+d+ha ban+d+ha kI li kI lA ya swA hA/ krod+ha krod+ha kI li kI lA ya swAhA/ tsu tshu tsu ru tsaN+Da kI li kI lA ya swAhA/ ha ra ha ra badzra d+h+ra rA ya swA hA/ trAs ya trAs ya badzra kI li kI lA ya swA hA/ pra ha ra phra ha ra/ badzra pra b+hany+dzanA ya trA sa ya badzra kI li
346b2 kI lA ya swA hA/de nas gtong ma byas nas dbul bar bya'o/ /de nas drag po'i sbyin sreg ni/ gru gsum khru gang ba la sum brtsegs su bya'o/ /dur khrod kyi sol bas byugs la/ dbus su rdo rje nag po bri bar bya'o/ /rus pa'i phye ma dang / yungs kar dang / yungs nag dang / ske tshe dang shang tshe la
346b3 sogs pa gong du bstan pa'i rdzas ni bsreg rdzas so//de nas bdag nyid khro bo gtum po khros pa'i skur bsgom mo/ /mdun du me thab nag po'i nang du/ 'khor lo'i steng du lha bco lnga po so sor me dpung dang bcas pa bskyed la/ thugs kar raM bsams la bsreg par bya ba ni/ mA
346b4 ra ya dgug pa dang /gzhug pa dang / bcing ba dang / myos su gzhug pa ni/ sprul pa'i khro bos byas la sngags 'dis bsreg go/ /na mo rat+na tra yA ya nas saM g+ha Ta'i bar dang / sar+b+ba sha trUm hUM/ a mu kaM mA ra ya phaT ces pas bsreg rdzas dbul bar bya'o/ /yang snying sngags la mA ra ya btags
346b5 pas bsreg par bya'o//phrin las rnam pa bzhi'i sngags kyis yungs kar la sogs pa bsreg par bya'o/ /yang snying gis ni bye ma rnams kyis gdab par bya'o/ /yam shing ni gdug pa'i shing la bya ste/ khro bo'i sngags kyis bsreg par bya'o/ /de ltar phul nas gtor ma gtang ste/ thal bas
346b6 mnan par bya'o//de ltar sbyin sreg rdzogs nas mnan par bya'o/ /nag po'i thod par che ge mo'i gzugs gcer bu dbyangs yig dang / gsal byed phyin ci log gis gnas brgyad du dzaHbrgyad kyis bskor ba'i gzugs/ mi gtsang ba'i skud pas byang du bcug la thod par gzhug go /phur bu bcus
346b7 gdab par bya'o//thun la sogs pas gdab par bya'o/ /de ltar byas nas mchod rten kun nas zlum pa'am/ khru gsum gang yang rung ba sum brtsegs byas la/ 'og rnams la rdo rje gsum bri bar bya'o/ /bum pa'i nang du sangs rgyas gang gA'i klung gi byin gyis brlabs pa'i sngags dang /
347a1 yang snying 'khor lo rtsibs bzhi pa la bris pa gzhug go/ /rab tu gnas par bya ba'i phyir sngon du bsnyen pa bya ba ni/ bdag nyid rdo rje rnam par 'joms pa sku mdog mthing nag /sbrul gsum gyis brgyan cing rdo rje dril bu bsnams pa/ shin tu khro ba cig bsgoms
347a2 la/thugs kar nyi ma'i steng du hUM bsgoms nas/ ye shes sems dpa' spyan drang ba la sogs pa byas la bsgom pa ni/ oM na maH tsaN+Da badzra pA Na ye/ ma hA yak+Sha se nA pa ta ye hUM zhes 'bum mam sa ya bzlas par bya'o/ /de ltar rdzogs nas rab tu gnas par bya ba ni/ maN+Dal sngon por
347a3 me tog sngon po gcal du bkram ste/pU dza ci 'byor pa yang bshams la/ sku'i dkyil 'khor la sogs pa la brten nas bsgrub par bya'o/ /de ltar rdzogs nas mchod rten hUM nag po las rdo rje rgya gram gyi steng du mchod rten 'khor lo sum brtsegs pa'i rnam pa can
347a4 bskyed la/'khor lo dang po la rdo rje rnam par 'joms pa la khro bo bzhi dang bcas pa/ bar du hUM ka ra la phyogs kyi khro bo bzhi/ 'og gi stobs po che la mtshams kyi khro bo bzhi ste/ lha bco lnga'i rnam par bsam pa'o/ /de nas bdag nyid rdo rje gtum por bsams la/
347a5 des ye shes sems dpa' spyan drangs te bstims pa la sogs pa bya'o/ /'khor lo'i rtsibs rnams la de bsgoms nas/ sku'i gsang sngags phrin las bzhi dang / de las sna tshogs te sprul pa'i las bya'o/ /thugs kyi sngags ni sku gdung byin gyis brlab pa'i ched du bzlas
347a6 so//gsung gi sngags ni bdag nyid do/ /de ltar dang po gcad mnan bzlog pa'i las bya'o/ /thod pa dang bcas pa mnan cing bskor bar bya'o/ /dam pa'i gdams ngag la brten nas/ /rgyud don zab mo'i lam 'di sbyar/ /nyes pa khyed la bzod par 'bul/ /'di brtsams
347a7 sems can bde thob shog /rdo rje rnam par 'joms pa'i sgrub thabs/ slob dpon chen po dngos grub brnyes pa'i sa ba ri pas mdzad pa rdzogs so// //bal po'i paN+Di ta de ba pUr+Na ma ti dang / lo tsA ba dge slong chos kyi bzang pos bsgyur ba'o// //