CLOSE WINDOW

D2932
བོད་ཡིག

/ //paN+Di ta chen po de nyid kyis bsgyur ba'o//[ ]@##/ /rgya gar skad du/ badzra bi dA ra Na na ma d+hA ra Ni rat+na d+h+yu ti maN+Dal bi d+hi nA ma/ bod skad du/ rdo rje rnam par 'joms ba zhes bya ba'i gzungs kyi dkyil 'khor gyi cho ga rin chen snang ba zhes bya ba/bcom ldan 'das 'jam pa'i rdo rje la phyag 'tshal lo/ /ma rig log par lta ba 'joms mdzad pa'i/ /ye shes thugs rje nyi ma lta bu yis/ /mi shes sgrib pa ma lus sel mdzad pa'i/ /rdo rje rnam par 'joms la phyag 'tshal nas/ /gti mug dra ba bsal ba dang / /'dod chags dri ma bkru ba dang //zhe sdang zhi bar bya ba'i phyir/ /rgyud la brten nas 'di bshad do/ /byams dang snying rjer ldan pa yis/ /theg chen don la rab tu zhugs/ /sngon du bsnyen pa rab rdzogs shing / /brtul zhugs can gyis rab tu brtsam/ /dad dang ldan zhing snying brtser bcas/ /ri bo nags tshal yid 'ong ba'i//dben pa'i gnas su yongs su 'dug ste/ /sngon du bsnyen pa bya ba ni/ /rtsa ba'i dkyil 'khor bdun bsams te/ /rang nyid gtum po'i skur gsal bas/ /rtsa ba'i sngags ni brjod par bya/ /oM na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye hUM hUM/ phyogs skyong dag la gtor ma dag /rdo rje glu dang bcas pas dbul/ /sdig pa che dang bcas pa'i ma rungs pa/ /sa bdag dag la bka' bsgo bskrad byas nas/ /gzung ba sbyang zhing maN+Dal legs byas te/ /sa yi lha mo dag la rab tu mchod/ /gser dngul la sogs bum par ni/ /bkra shis brgyad dang snying po sogs//gzhan rnams dri zhim chus dgang ba'o/ /phyogs bzhi dkar dang mthing dang dmar/ /ljang gu gtsang gos gdu bu'o/ /cod pan phur bu bcu rnams dang / /gtor ma mchod rdzas bkra shis rdzas/ /yo byad rdzas rnams tshogs pa dang / /thig dang tshon gyi las byas te/ / brtan pa'i sngags kyis thig byin brlabs/ /thig gi bya ba rdzogs pa yis/ /bsrung ba'i sngags tshon byin gyis brlab/ /'dab bzhi 'khor lo bcur 'dug pa'i/ /sgo bzhi rta babs bcas pa bri/ /bum pa pad+ma dag la dgod/ /phur pa 'khor lo rtsibs bcu la'o/ /lha snam dag la gtor ma ste//'dod yon bkra shis rdzas dag dgod/ /gru chad mchod pa rdzogs par bshams/ /de ltar rdzas rnams dgod par bya/ /rgyan rnams kun gyis legs bgos te/ /ku sha'i steng 'dug shar du blta/ /mchod cing sdig bshags sogs byas nas/ /tshad med bzhi ldan sems bskyed do/ /oM d+harmad+hA tu sarba d+harma aHhUM gi sa bon las byung ba'i//gur dang dra ba'i rnam par bsgom/ /chos 'byung dkar po'i nang du b+hUM/ /rin chen khang par mdzes par bskyed/ /dbus su pad steng bum pa'i nang / /zla steng hUM byung rdo rje'i sku/ /mdog dkar rdo rje dril bu can/ /thugs kar zla steng rdo rje hUM/ / shar du pang steng bum pa'i nang / /zla steng d+hIH'byung sangs rgyas spyan/ /mdog dkar bum pa rdo rjes mtshan/ /thugs kar zla steng d+hIHyig bsam/ /lho ru pad steng bum pa'i nang / /trAM byung zla steng mA ma kI/ /mdog mthing bum pa rin chen nang / /thugs kar zla steng sna tshogs trAM/ / nub tu pad steng bum pa'i nang / /zla steng raM byung gos dkar mo/ /mdog dkar bum pa pad+mas mtshan/ /thugs kar zla steng raM yig bsam/ /byang du pad steng bum pa'i nang / /zla steng tAM byung sgrol ma'i sku/ /mdog ljang bum pa sna tshogs mtshan/ /thugs kar zla steng tA bsam mo/ / rdo rje skyil krung gtso bo ste/ /rgyan rnams kyis ni rab brgyan te/ /mchod dang mchod pa'i tshul gyis ni/ /yum rnams rnam par bzhengs pa'o/ /'khor lo dag la nyi ma bcu/ /hUM gi sa bon las byung ba'i/ /rnam rgyal dkar po rdo rje bsnams/ /gshin rje dmar nag be+e con te/ /rta mgrin dmar po pad+mas mtshan//bdud rtsi 'khyil pa ljang gu'o/ /dbyug pa sngon po sngon po ste/ /don yod zhags pa mthing ga'o/ /khro gnyer can ni dmar nag ste/ /rdo rje 'khor lo ljang gu'o/ /steng phyogs mthing ga chen po ste/ /'og ni nam mkha'i mdog can no/ /phyag na phur bu so so ste/ /stag dang sbrul dang me dpung nang //de ltar dkyil 'khor rab rdzogs nas/ /ye shes spyan drangs mchod nas bstim/ /sku gsung thugs byin brlab pa ni/ /oM AHhUM/ de nas dbang bskur zhing bsgom mo/ /de'i rtsi ba'i sngags ni/ oM sar+b+ba bi d+yA badzra badzra hUM hUM/ gtso bo'i sngags so/ / s+phoT badzra badzra/ ka Ta badzra badzra/ ma Ta badzra badzra/ ma tha badzra badzra/ hUM d+hIHtrAM rAM tAM zhes bya ba'o/ /lan dang lan gyi tshul du mchod/ /de nas las kyi sgrub pa ni/ /oM na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ tad+ya thA/ oM tra Ta tra Ta/ tro Ta ya tro Ta ya/ s+phu Ta s+phuT/ s+pho Ta ya s+pho Ta ya/g+hUr+N+Na g+hur+N+Na g+hur+N+Na pa ya g+hur+N+Na pa ya/ sarba satwA ni/ bo d+ha bo d+ha/ saM bo d+ha yi/ saM bo d+ha ya/ b+h+ra ma b+ha ma/ saM b+ha ma ya/ saM b+h+ra ma ya/ sarba bud+d+ha ni/ ku Ta ku Ta/ saM ku Ta ya saM ku Ta ya/ sarba sha tUM/ g+ha Ta g+ha Ta/ saM g+ha Ta ya saM g+ha Ta ya/ aT+Ta ha sa nI la badzra su badzra ya swA hA/ hUM d+hIHtrAM rAM tAM hUM phaT swA hA/spro dang bsdu bas gtso bo zhu/ /gtso bos 'khor dang de bzhin no/ /gtso bo'i bdud rtsi chu nang nas/ /rnam shes shar du nyi steng hUM/ /bdag nyid gtum por bsam byas nas/ /sku gsung skye mched byin brlab bya/ /ma tis+thir badzra hUM/ /su tis+thi ra badzra oM/ /pra tis+thi ra badzra AHgung mo thal sbyar rdo rje ste/ / ser mo bsnol ba 'khor lo'o/ /mdzub mo rtse sbyar pad+ma yis/ /lan gsum bcings nas gsang sngags gsum/ /zla steng rdo rje 'khor lo ste/ /pad+ma sku gsung thugs la'o/ /skye mched zla steng rdo rje ni/ /so so dag la bsam par bya'o/ /ma hA badzra/ a pra ti ha ta badzra/ a mo g+ha badzra/ e hi badzra/shI g+haM badzrA ya swA hA/ de nas phyogs skyong bcu rnams dgug /khro bo bcu yi phur bus gdab/ /he phu lu ni ru phu lu gr-ih+Na ku lu mi li tsu lu ku ru ku lu badzra kI li kI lA ya swA hA/ ka Ta ka Ta/ ma Ta ma Ta/ ra Ta ra Ta/ mo Ta na pra mo Ta na ye kI li kI lA ya swA hA/ tsa ra ni tsa ra/ ha ra ha ra/ sa ra sa ra/mA ra ya kI li kI lA ya swA hA/ ha na ha na/ tsu ru tsu ru ma hA kro d+ha tsaN+Da kI li kI lA ya swA hA/ ts+tshin+da ts+tshin+da/ b+hin+da b+hin+da/ ma hA kI li kI lA ya swA hA/ ban+d+ha ban+d+ha krod+ha krod+ha kI li kI lA ya swA hA/ ha ra ha ra badzra d+ha rA ya swA hA/ pra ha ra pra ha ra badzra pra b+hany+dza nA ya swA hA/ trA sa ya trA sa ya badzra kI li kI lA ya swA hA/brgya'am nyi shu rtsa gcig gis/ /go rims bzhin du phyogs rnams bcing / /slob dpon chos gos yongs gyon nas/ /rdo rje dril bu rab thogs nas/ /gzhan dag mchod rdzas thogs byas te/ /kha zas dri zhim sman dang ni/ /bkra shis rdzas thogs slob ma dag /bskor zhing glu 'di blang bar bya'o//na maHsa man+ta badzrA NAM/ sarba ba le A brta ya/ ma hA ba le ka ta be/ ta ta le/ a tsa le/ maN+Da la mA ye a ti badzra/ ma hA ba le be+e ga ra Na ra Na a dzi te dz+wa la dz+wa la/ ti Ti ti Ti ping+ga le/ da ha da ha/ te dzo ba ti/ ti li ti li/ ban+d+ha ban+d+ha ma hA ba le/ badzra kro d+ha dz+wa lA ya swA hA/ zhes pas blang zhing bskor bar bya'o/ /grub pa chud mi za bar bya/ /bkra shis ston mo bza' bar bya/ /slob ma'i 'dod pa sgrub pa'i phyir/ /gtsang gos ser po rgyan btags nas/ /ku sha'i steng du legs 'dug ste/ /'khor lo'i steng du gzhag par bya/ /gang dag yid dge sems dang ba'i/ / sdig bshags sems bskyed sdom pa sbyin/ /spyi bor gtso bo mgrin par bdag /thugs kar yum ni bsam par bya/ /sangs rgyas bstims nas khrus gsol bya/ /bdag nyid khro bo'i thugs ka nas/ /lha mo'i glu dang bcas pas bkru/ /spyi bor bdag po bsam par bya/ /brtan par bya phyir sngags 'di bzlas//oM ma tis+thi ra badzra/ su tis+thi ra badzra/ pra tis+thir badzra/ badzra kA ya A brta ya swA hA/ mchod pa dag gis yang dag mchod/ /deng nas bzung ste lha yi sku/ /rtag tu bral bar mi bya'o/ /lus kyi las dag bya ba ni/ /mi dge bcu dag mi bya'o/ /de ltar rdzogs nas gtor ma gang / /sbyang spel sbyar ba byas nas ni//dkyil 'khor lha dang mgron rnams mchod/ /oM na maHsa man+ta badzrA NAM/ sarba ba le A brta ya/ ma hA ba le/ ka ta be/ ta ta le/ a tsa le/ maN+Da la mA ye/ sgrub pa'i dkyil 'khor mchod pa'o/ /a ti badzra ma hA ba le be ga ra Na ra Na a dzi te dz+wa la dz+wa la/ ti Ti ti Ti ping+ga le/ da ha da ha te dzo ba ti/ti li ti li/ ban+d+ha ban+d+ha/ ma hA ba le/ badzra kro d+ha dz+wa la ye swA hA/ bar du gcod pa sel ba'i khro bo bcu mchod pa'o/ /ha ra ha ra badzrA d+ha rA ya swA hA/ phyogs skyong mchod pa'o/ /pra ha ra pra ha ra badzra pra b+hany+dza nA ya swA hA/ oM a kA ro mu khaM zhes bya bas 'byung po thams cad pa'i mchod pa'o/ /de ltar mchod nas bstod pa ni/bde gshegs dri med khro bo'i sku/ /skyon gyis ma gos sku mdog dkar/ /rdo rje dril bu mi g.yo brten/ /rnam par 'joms la phyag 'tshal bstod/ /dus gsum sangs rgyas bskyed pa'i yum/ /skyon gyis ma gos sku mdog dkar/ /sems can bde la sbyar mdzad pa'i//spel ba'i rdo rje ma la bstod/ /yon tan thams cad bskyed pa'i yum/ /mi 'gyur rin chen bai dUr mdog /sems can kun gyi skyabs mdzad pa'i/ /sku yi rdo rje ma la bstod/ /dri ma med cing 'od gsal ba'i/ /'dod chags dri ma spangs pa'i yum/ /sems can rnams la spro ba mdzad//blo ldan rnams la phyag 'tshal bstod/ /bya ba thams cad yongs su bsgrub/ /shes rab sgrol ma yum gyi mchog /ljang gu'i mdog can 'gying bag can/ /don dang ldan la phyag 'tshal bstod/ /khro bo chen po brjid pa'i sku/ /zhe sdang rnam dag bdag nyid can/ / dri za 'dul mdzad rdo rje bsnams/ /rnam par rgyal la phyag 'tshal bstod/ /khro bo chen po brjid pa'i sku/ /nga rgyal rnam dag bdag nyid can/ /gshin rje 'joms byed be+e con bsnams/ /gshin rje gshed la phyag 'tshal bstod/ /khro bo chen po brjid pa'i sku/ /'dod chags rnam dag bdag nyid can//chu lha 'dul mdzad pad+ma bsnams/ /rta mchog dpal la phyag 'tshal bstod/ /khro bo chen po brjid pa'i sku/ /phrag dog rnam dag bdag nyid can/ /gnod sbyin 'dul mdzad 'khor lo 'dzin/ /gnod sbyin 'dul la phyag 'tshal bstod/ /me dpung 'bar ba brjid pa'i sku//sngon po'i mdog can dbyug pa sngo/ /me lha gdug pa 'dul mdzad pa'i/ /dbyug sngon can la phyag 'tshal bstod/ /me dpung 'bar ba brjid pa'i sku/ /don yod zhags pa mthing ga'i mdog /rlung lha gdug pa 'dul mdzad pa'i/ /don yod zhags la phyag 'tshal bstod//me dpung 'bar ba brjid pa'i sku/ /khro gnyer can ni dmar nag ste/ /srin po'i gdug pa 'dul mdzad pa'i/ /khro gnyer can la phyag 'tshal bstod/ /me dpung 'bar ba brjid pa'i sku/ /rdo rje 'khor lo ljang gu'i mdog /'byung po'i dregs pa 'joms mdzad pa'i/ / rdo rje 'khor lo phyag 'tshal bstod/ /rdo rje hUM sgra sgrogs pa che/ /steng phyogs dregs pa 'joms mdzad pa'i/ /mthing ga'i mdog can rab 'jigs pa/ /hUM sgra sgrogs la phyag 'tshal bstod/ /stobs chen rab tu gnon mdzad pa'i/ /'og gi bgegs chen gnon pa'i bdag /nam mkha'i mdog can 'jigs pa'i sku//stobs chen gnon la phyag 'tshal bstod/ /de ltar bstod nas gshegs su gsol/ /rdo rje rnam par 'joms pa'i sku'i dkyil 'khor bstan pa ste dang po las kyi rim pa'o// //thugs kyi dkyil 'khor bstan pa ni/ /bdag nyid lha yi skur bsgoms la//maN+Dal me tog bcas pa'i steng / /gtso bo'i bum pa steng bzhag ste/ /yang snying nye ba'i snying po bzlas/ /snying po them nas bsgrub pa brtsam/ /dang po sa yi cho ga bya/ /maN+Dal mda' gang gru bzhi ste/ /pad+ma 'dab bzhi 'khor lo bcu/ /so sor rigs dang mthun par bri/ /gser dngul la sogs bum par ni//nor bu yungs kar 'dur ba dang / /shel dang pad+ma tsan+dan dang / /gser dang rin chen chus dgang bya/ /dri zhim bkang ba'i bum pa bzhi/ /'dab ma bzhi por gzhag par bya/ /'khor lo'o steng du de bzhin te/ /mchod pa'i rdzas dang gtor ma bshams//de ltar rdzogs nas ku sha'i steng / /rgyan dang bcas pas legs 'dug ste/ /mchod cing sdig bshags la sogs bya/ /oM sarba d+harma d+hA tu AHde nas stong pa'i ting 'dzin las/ /yi ge hUM du rab bsams te/ /rdo rje'i khang pa rab tu bskyed/ /b+hUM las rin chen khang par ni//dag cing gsal ba rgyan dang bcas/ /paM las byung ba'i pad+ma'i gdan/ /steng du rin chen bum pa ni/ /zla steng rdo rje mtshan pa'o/ /sarba bid+yA badzra badzra/ ka Ta badzra badzra/ ma Ta badzra badzra/ ma tha badzra badzra hUM/ yang snying zla steng hUM la ste/ snying po zla steng rdo rje la'o//ha ra ha ra badzra/ ma Ta ma Ta badzra/ d+hu na d+hu na badzra/ da ha da ha badzra/ pa tsa pa tsa badzra/ d+ha ra d+ha ra badzra/ d+ha rA ya d+ha rA ya badzra/ dA ru Na dA ru Na badzra/ ts+tshin+da ts+tshin+da badzra/ b+hin+da b+hin+da badzra hUM hUM/ gtso bo'i bum pa de bzhin du/ /phyogs bzhi'i bum pa'i rdo rje la/ /yang snying bzhi po go rims bzhin//de bzhin khro bo'i bum pa la/ /nyi ma khro bo'i rdo rje la/ /snying po'i sngags kyis so so ste/ /go rims bzhin du bsgom par bya'o/ /de ltar rdzogs nas sangs rgyas bstim/ /bdag nyid shar du gnas pa yis/ /mchod dang mchod pa'i tshul du bzlas/ /oM na mo rat+na tra yA ya/na maHtsaN+Da badzra pA Na ye/ ma hA yak+Sha se nA pa ta ye/ oM sarba bid+yA badzra badzra/ s+pho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ aT+Ta ha sa nI la badzra su badzrA ya swA hA/ snying po ni/ na mo rat+na tra yA ya/ na ma sh+tsaN+Da badzra bA Na ye/ ma hA yak+Sha se nA pa ta ye/ ha ra ha ra badzra/ ma Ta ma Ta badzra/ d+hu na d+hu na badzra/ da ha da ha badzra/ pa tsa pa tsa badzra/ d+he rA ya d+ha rA badzra/ d+ha rA ya d+ha rA ya badzra/ dA ru Na dA ru Na badzra/ ts+tshin+da ts+tshin+da badzra/ b+hin+da b+hin+da badzra a mr-i te hUM hUM phaT/ de ni gtso bo'i bzlas pa ste/ /yang snying mchod pa'i bum pa la'o/ /snying pos bar chad sel ba'i phyir/ /phyogs skyong bcu po bsdu par bya'o//de ltar byas na bdag nyid dang / /slob mas bsgo ba bkra shis rdzas/ /mchod rdzas thogs nas bskor ba dang / /bstod pa'i sngags ni brjod pa dang / /de nas bkra shis ston mo bya/ /bdag gis da ni khrus bya ste/ /lha mo dpag med sprul nas ni/ /slob ma dag la khrus gsol phyir//gsang sngags bstod pas khrus gsol bya'o/ /na maHsa man+ta badzrA NAM/ sarba ba le A brta ya/ ma hA ba le ka ta be ta ta le/ a tsa le/ maN+Da la mA ye/ a ti badzra/ ma hA ba le/ be ga ra Na ra Na a dzi ti dz+wa la dz+wa la/ ti Ti ti Ti ping+ga le/ da ha da ha/ te dzo ba ti/ ti li ti li/ ban+d+ha ban+d+ha ma hA ba le badzra kro d+ha dz+wa lA ya swA hA/ma ti s+thi ra badzra/ su ti s+thi ra badzra/ pra ti s+thi ra badzra/ ma hA badzra/ a pra ti ha ta badzra/ a mo g+ha badzra/ e hi badzra/ shI g+h+raM badzrA ya swA hA/ d+har d+har/ d+hi ri d+hi ri/ d+hu ru d+hu ru/ sarba badzra ku laM A brta ye swA hA/ zhes khrus byas nas/ gtor ma phul te gshegs su gsol/ /rdo rje rnam par 'joms pa'i thugs kyi dkyil 'khor bstan pa'o// //gsung gi dkyil 'khor bstan pa ni/ /bdag nyid khro bo'i skur bsgoms nas/ /maN+Dal steng du gtso bo'i bum/ /sa bon la brten bsnyen pa bya/ /dang po sa yi cho ga bya/ /maN+Dal shin tu legs byas te/ /pad+ma 'dab bzhi bri bar bya'o/ /de de ltar dkyil 'khor rdzogs nas ni//rin chen rgyu las byas pa yi/ /bum pa lnga po pad steng dgram/ /las kyi bum pa shar du ste/ /gtso bo'i snying po rdzas kyis dgang / /gzhan dag dri zhim chus dgang ngo / /mchod dang gtor ma zhal zas bsham/ /ku sha'i steng du legs 'dug ste/ /byang chub mchog tu sems bskyed do//de nas stong pa'i ting 'dzin las/ /bdag nyid khro bo'i skur bskyed nas/ /spyan drangs byin rlabs rdzogs pa yis/ /mdun du maN+Dal rin chen gnas/ /pad+ma 'dab bzhir bcas pa yi/ /steng du bum pa lnga bskyed nas/ /nang du zla steng sa bon ni/ /hUM d+hIHtrAM rAM taM ngo / na mash+tsaN+Da badzra krod+hA ya hUM/hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/ bum pa bzhi la so so ste/ /de ltar bskyed nas sangs rgyas bstim/ /bsgrub pa'i rig sngags 'di bzlas so/ /na mash+tsaN+Da badzra kro d+hA ya/ hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/mchod dang mchod pa'i tshul gyis ni/ /bdud rtsi chu yi rang bzhin bsam/ /las kyi bum pa byin gyis brlabs/ /bum nang zla steng bdud rtsi 'khyil/ /sngon po brang du bsnol ba'i phyag /shin tu 'jigs pa bskyed par bya/ /oM na maHtsaN+Da badzra kro d+ha ya/ hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i ta kuN+Da li hUM phaT/ ces pas bgegs bskrad bskor bar bya/ /bkra shis gsol nas khrus bya'o/ /gtor ma'i cho ga rdzogs pa yis/ /dam tshig bsdus nas gshegs su gsol/ /rig pa'i las dag gtang ba'i phyir/ /gang dag yid dge sems dang pas/ / dkyil 'khor la ni 'jug pa'i phyir/ /lus ni byin gyis brlab par bya'o/ /ma ti s+thi ra badzra/ su ti s+thi sa badzra/ oM AHhUM/ ma hA badzra/ a pra ti ha ra badzra/ a mo g+ha badzra/ e hi badzra/ shI g+h+raM badzra/ hUM hUM hUM hUM hUM/ rdo rje 'khor lo pad+ma'i steng / /'dug ste phreng ba dor bar bya'o/ /d+ha ra d+ha ra/ /d+hi ri/ d+hu ru d+hu ru/ hUM pU dza ho zhes bya bas dor bar bya'o/ /de nas rdo rje phyag byed du bcug la/ rdo rje'i glu dang bcas pas bskor bar bya ste/ gong du yang de bzhin no/ /bla ma rdo rje 'dzin pa kye/ /gtso bo 'khor bcas dgongs su gsol/ /mi shes mun gyis bsgribs pa la/ /dkyil 'khor dam pa bstan du gsol//lam chen 'di ni bstan par bya/ /khyod ni lam nyid sgrub par gyis/ /lam mchog sgrub par rab tu dka'/ /nyes pa dag gis ma gos par/ /'bras bu myur du 'byin par byed/ /dam tshig 'das na dmyal bar ltung / /na mo rat+na tra yA ya/ na maHtsaN+Da badzra kro d+ha ya na ra kan hUM/mi shes mun gyis bsgribs pa la/ /dkyil 'khor 'di ni bstan par bya/ /maN+Dal la phaT/ bkra shis rdzas kyis mchod par bya/ /de nas lha mos khrus gsol nas/ /'khor lo'i steng du bzhag nas ni/ /slob ma lha yi skur bskyed la/ /mchod pa dag gis yang dag mchod/ / dus gsum gshegs pa'i sku yi mchog /sku dang yongs su rgyas pa'i sku/ /sku mchog 'di ni khyod kyis zung / /lus kyi mi dge spang bar bya'o/ /sarba ta thA ga ta su ti s+thir badzra oM/ /de nas mchod pa dbul bar bya'o/ /dus gsum gshegs pa thugs kyi mchog /thugs dang phrin las ldan pa'i thugs//ye shes 'di ni khyod kyis zung / /yid kyi las dag mi bya'o/ /oM sarba ta thA ga ta ti s+thi ra badzra hUM/ mi 'bral gzungs kyi bdag nyid che/ /mu tig rin chen phreng ba 'di/ /sku dang ye shes mi 'bral ba'i/ /ngag gi nyes spong phreng ba gzung / /oM sar+b+ba ta thA ga ta pra ti s+thi ra badzra AH de nas bkra shis brgyad dang rgyal mtshan dang /gdugs kyis kyang dbang bskur bar bya'o/ /de'i rjes la/ tshigs su bcad pa 'di lan gsum brjod par bya'o/ /yon tan rgyas pa sku mdog gser dang mtshungs/ /shes rab rtags su pu sti ral gri bsnams/ /'phags pa 'jam dpal bkra shis gang yin pa//bkra shis dam pa des kyang deng 'dir bde legs shog /thugs rje'i rtags su sku mdog zla ba'i 'od/ /ma chags skyon gyis ma gos phyag na pad+ma bsnams/ /'phags pa spyan ras gzigs kyi bkra shis gang yin pa/ /bkra shis dam pa des kyang deng 'dir bde legs shog /chos nyid mi 'gyur rtags su sku mdog mthing nag ste/ /thabs dang shes rab dbyer med rtags su rdo rje 'dzin/ /dpal ldan phyag na rdo rje'i bkra shis gang yin pa/ /bkra shis dam pa des kyang deng 'dir bde legs shog /de nas gtor ma btang nas ye shes sems dpa'i mdun du yi ge brgya pa brjod de gshegs su gsol/dad pas bla ma bzang btsal des/ /dam pa'i drin gyis yang dag thob/ /dge ba gang gis ye shes 'di/ /'dir bzhugs rnams kyis thob par shog /rdo rje rnam par 'joms pa'i dkyil 'khor gyi cho ga rin chen snang ba zhes bya ba slob dpon chen po sa wa ri pas mdzad pa rdzogs so/