CLOSE WINDOW

D2931
བོད་ཡིག

rdo rje khu tshur gyi sngags la/ oM badzra da ma da ma hUM s+phoT ya b+hasmi ku ru hUM phaT swA hA/ bskrad pa dang / bdug pa dang / chu'i khrus dang / byab pa dang / bsrung ba rim pa bzhin du bya'o/ /khrus kyi cho ga'i rim pa rdzogs so//[ ]@##/ /rgya gar skad du/ badzra bi dA ra Na nA ma d+hA ra NI u pa de sha/ /bod skad du/ rdo rje rnam par 'joms pa zhes bya ba'i gzungs kyi man ngag /bcom ldan 'das rdo rje rnam par 'joms pa la phyag 'tshal lo/ /'dir bla ma dam pa'i man ngag gi las kyi tshogs cung zad dran pa rnams dgod par bya'o/ /de la las kyi rnam par dbye ba mang mod kyang /'dir ni phrin las bco brgyad las ma gsungs pas de dag gi don yang bsdu na gnyis nyid de/ phan gdags pas rjes su gzung ba dang / tshar gcad pas rjes su gzung ba'o/ /de dag kyang zhi ba la sogs pa phrin las bzhis 'grub par 'gyur la phrin las kyang sgrub pa po tshad dang ldan pas yin gyi gzhan du na don med par 'gyur ro//thog mar sngags pa snying rje chen pos bskul ba'i bsnyen pa yongs su rdzogs par byas la de'i 'og tu las dang mthun pa'i 'khrul 'khor bri bar bya'o/ /de yang zhi ba'i 'khrul 'khor ni dkar po'i phyogs kyi tshes gang yang rung ba la ras sam shing shun la sogs pa ras gzhi dkar po la pad+ma rgyas pa lta bu'i rtsibs brgyad pa'i 'khor lo gur gum la sogs pas gtsang sbra la gnas par bri'o//de'i lte ba la na mo rat+na tra yA ya/ na maHtsaN+Da badzra pA Na ye ma hA yak+Sha se nA pa ta ye che ge mo la rak+Sha rak+Sha zhes spel la bri'o//rtsibs rnams la rim pa bzhin du gnod par byed pa rnams tra Ta tra Ta tro Ta ya tro Ta ya che ge mo la rak+Sha rak+Sha zhes bri'o/ /de'i mu khyud phyi ma la yang snying po bri bar byas te/ sngags de thams cad mgo phyir bstan pa'o/ /de ltar bris pa'i 'khrul 'khor de la sngags pas 'di ltar las la sbyar bar bya ste/rang nyid yud tsam gyis lhar bsams la mdun gyi nam mkha' la bcom ldan 'das rnam par 'joms pa bskyed la gsol ba btab pa ni bcom ldan 'das thugs rje chen po khyod ni thams cad la phan pa dang bde ba'i phyir zhugs pa yin na de yang che ge mo 'di'i gnod pa 'di dag nye bar zhi bar byin gyis brlab tu gsol zhes ngag gam yid kyis lan gsum gsol ba gdab par bya ste bar gyi tshig spel la phrin las gzhan la yang sbyar bar bya'o//de ltar gsol ba btab pas bdag dang bsgrub bya la byin gyis brlabs nas 'di ltar 'dod pa grub par bsams te/slar yang bcom ldan 'das 'khrul 'khor gyi lte ba la bzhugs te rgyun mi chad par byin gyis brlab pa mdzad par bsams la spel ba dang bcas pa'i bzlas pa bya'o/ /zin pa dang mchod de bstod pa yang byas la thams cad zhu ba dang bcom ldan 'das kyi thugs pad+ma rgyas pa lta bu'i thugs kar bsgrub bya tshud pas mchog tu bde zhing gnas par bsams la de bzhin nyid kyi blos me tog la yang snying po ci nus par bzlas pa 'khor lo la gtor bar bya'o//de ni rab tu gnas pa zhes bya ste 'khor lo dril la bsgrub bya la btags te/de la 'gom par mi bya ba ni dam tshig go/ /sems can thams cad gzhil bar byed pa dang / zhi ba dang bsrung ba ste/ las gsum dang 'brel pa'i zhi ba'i 'khrul 'khor gyi rnam par dbye ba rdzogs so// //ji ltar sngar bstan pa'i tshul gyis bar gyi tshig 'dis spel la 'dir yang sbyar te rgyas pa'i 'khrul 'khor ni gzhi ser po la rin po che'i phung po lta bu'i dbyibs can bris la ming 'di zhes bya ba'i che ge mo rab tu gnas par rgyas par mdzod cig ces spel bar bri zhing mu khyud phyi ma la ni yang snying bri'o//de nas gsol ba gdab pa la sogs sngar bzhin no//de la 'dir khyad par gyi gdams ngag ni 'di yin te/ 'dod pa thams cad rab tu sbyin pa zhes gsungs pa'i phyir na yo byad don du gnyer bas nor gyi bdag po la bskul bar bya'o/ /de yang 'khrul 'khor gyi sbyor ba spangs nas yan lag brgyad dang ldan pa'i chu la spos la sogs pa'i dri stsal te dngos su'am bsams pas rnal 'byor pas yud tsam gyis rnam par snang mdzad du bsams la mdun gyi nam mkha' la de bzhin gshegs pa bsam zhing de bas dma' bar ji ltar 'dod pa'i nor gyi lha bsams te/bdag ni dbul te de bzhin gshegs pa mchod pa dang dbul po rnams la phan pa'i nus pa med pa la ji ltar bya snyam du 'dun pa drag po byas la/yang 'di snyam du dkon mchog mchod pa la sogs pa'i yo byad kyi don du dzam+b+ha la khyod la nor gyi dngos grub 'byung gis bdag la myur du longs spyod rgya chen po stsal du gsol zhes dngos sam yid kyis brjod la/de'i ngang la yang snying po brgya rtsa brgyad pa'i chu lag pa g.yas pas dzam+b+ha la'i spyi bor blugs par bsams te de la chu sbyin no/ /de'i tshe dzam+b+ha las sngon bcom ldan 'das kyi spyan sngar ji ltar khas blangs pa dang / de ltar chu ster ba'i dus su yang bcom ldan 'das dpang po'i tshul du bzhugs pa dang /bdag ni bcom ldan 'das rnam par 'joms pa'i sku yin la de ni sangs rgyas kun gyi gsang ba'i bdag nyid kyang yin te lag na rdo rje'o/ /lag na rdo rje ni gnod sbyin gyi sde dpon yin la dzam+b+ha la yang gnod sbyin yin pas na/ dpon lag na rdo rje yin pas 'bangs sam 'khor dzam+b+ha la la bka' stsal pa ni mi slu bas na sngags pa'i 'dod pa thams cad dzam+b+ha las rab tu sbyin par 'gyur te 'di ni nges pa'i 'khrul 'khor rgyas pa 'di ni gnas dben par mchod cing gzhag par bya'o//'di ni rgyas pa'i las dang 'dod pa thams cad rab tu sbyin pa dang /ma grub pa rnams grub par byed pa dang / grub pa rnams chud mi za ba ste phrin las rnam pa bzhi po de ni rgyas pa'i 'khrul 'khor gyi las su rig par bya ba rdzogs so// //dbang gi 'khrul 'khor dmar po zla gam bris la dbus su hUM nag po bri zhing de'i g.yas dang g.yon du hrIH dmar po re re bris te/mu khyud zlum pos bskor ba la yang snying bris la stegs bu la bzhag go/ /de nas sngags pas gos dmar po bgos la nub phyogs su kha bltas te/ de nas brtsams te che ge mo dbang du bsdu'o snyam pa'i blo dang gsol ba la sogs pa byas la de'i rjes la rang gi lus 'khrul 'khor gyi lte ba'i hUM la thim nas/de yongs su gyur pa las rnam par 'joms mdzad du rang nyid bsam mo/ /las myur par bsgrub pa ni lag pa nyid myur bas na rang gi srin lag g.yas pa las hrIH dmar po cig byung nas rang gi g.yas na 'dug par bsams la/ g.yon pa las kyang de bzhin te hrIHde las 'od zer dmar po 'phro zhing rang 'dod pa'i las byas te slar yang de nyid la 'dus pas sngags kyang rang gi spel bas bzla'o//de'i tshe na yang sngar gyi mdun gyi nam mkha'i bcom ldan 'das ni ji srid 'dod kyi bar du byin gyis rlob cing bzhugs par bsam mo/ /'dod pa'i don grub nas hrIHni rang la bsdus la rang yang zhu nas ji ltar 'dod pa'i tshul du gnas par bya'o//'di'i 'khrul 'khor ni ting nge 'dzin nyid kyang rung ngo / /'dis ni 'byung po thams cad 'gugs pa dang / gdon thams cad las thar bar byed pa la sogs pa phrin las gnyis gtso bor byed do/ / dbang gi phrin las kyi rim pa rdzogs so// //bcom ldan 'das dpal rdo rje rnam par 'joms pa gtum po la phyag 'tshal lo/ /mngon spyod la gnyis te/ mi dang mi ma yin pa'i dbye bas so/ /'khor lo bris la lte ba'i gru gsum la bsgrub bya'i ming dang mA ra ya sod nan zhes bya ba la sogs pa'i spel tshig dang bcas pa bri'o//shar gyi rtsibs la sarba sha trUM nAM/ g+ha Ta g+ha Ta che ge mo mA ra ya rbad ces bri'o/ /g.yon du bskor ba'i rtsibs la saM g+ha Ta ya che ge mo mA ra ya rbad ces so/ /rtsibs gcig la a mu kaM mA ra ya phaT/ na maHsa man+ta badzrA NAM sarba ba laM A brta ya ma hA ba le che ge mo mA ra ya rbad ces bri zhing mu khyud la yang sngags de dag nyid do//sngags de dag ni mgo nang du bstan pas so/ /de nas yang gsol ba la sogs pa sngar bzhin bya ste/ bcom ldan 'das ni shin tu khro bar bzhugs pa la gsol ba gdab bo/ /rang nyid rnam par 'joms mdzad du bsams pa'i zhal nas sngags brjod pas sngags kyi phreng ba 'phros nas gang la bya ba'i lus la phog pas de yongs su zhu nas rnam shes yig 'bru gcig tu gyur pa 'phen pa'i rlung gis bteg ste/yi ge yaM gi steng na nr-i sngo nag tu gnas pa bkug nas 'khor lo'i lte bar tshud par bsams la/de yang 'dar zhing 'phar la mi bzod bzhin du gnas par bsam mo/ /'khor lo'i rtsibs kyi rtse mo la yang gzugs brnyan bri ba'am bsam par bya'o/ /rab tu bsgrim par bya'i gzhan du na rang gi srog kyang g.yo bar 'gyur na dgra bgegs lta ci smos/ zin pa dang las kyi mtha' bsreg pa'am mnan pa gang yang rung ba bya'o/ /'dir yang man ngag gi 'di yin te/ rig sngags gcod par byed pa zhes bya ba'i skabs su skud pa sngon po la sum bsgril byas nas sngags brgya rtsa brgyad bzlas te rdo rje lta bu'i mdud pa'am/ lcags sgrog gam zhags pa lta bu'i mdud pa dor zhing /mdud pa re re'i nang du pha rol gyis rbad pa'i mi ma yin pa dang de rbod par byed pa po'i dngos po rnams chud cing rab tu bsdams nas sngags bzlas pas de ltar gyur te de mgul du gdags so/ /gang gi tshe mi u0f7fdgos pa'i tshe mdud pa dgrol bar bya'o/ /gzhan du bsod n ams ma yin pa sog par 'gyur ro//de bzhin du rig sngags thams cad gnon par byed pa zhes pa de la yang man ngag gi gnad 'di lta bu brtsam par bya'o/ /'khrul 'khor gzhung ltar bris la 'khrul 'khor gyi lte bar bsgrub bya'i gzugs lce shin tu che ba bris la/ lce la rtsibs kyi sngags rnams dang /che ge mo 'di zhes bya ba'i ngag rengs par gyis shig ces spel te bri'o/ /de la sgrub pa byas la ri rab sa nag po las byas pa'i stod du rnam par 'joms mdzad kyi sngags shog bu la sogs pa la bris pa stsal/ smad du bug pa gru gsum brus la de'i nang du 'khrul 'khor bris pa de bcug la mnan par bya'o//'di ni sngags kyi nus pa'am rbod gtor nye bar zhi bar byed pa ste mngon spyod kyi khyad par ro// //yang sems can thams cad skrag par byed pa zhes bya ba la 'khrul 'khor spangs la rta nag po'i rnga ma la bshang ba'i srin bu brgyus te phreng ba byas nas gang la bya ba la dmigs te khros pas sngags bzlas na/grong khyer la sogs pa 'jigs shing skrag par 'gyur te sngags las su rung na las de dag la the tshom mi za'o/ /mngon spyod kyi 'khrul 'khor ni skrag pa dang rig sngags gcod pa dang rig sngags gnon pa dang / las 'joms pa dang rig sngags kyi las byed du 'jug pa dang / rengs par byed pa ste las drug byed pa'o//dgra'i mngon spyod kyi 'khrul 'khor rnam par phye ba'i rim pa rdzogs so// //da ni bgegs kyi mngon spyod kyi 'khrul 'khor brtsam par bya ste/ ro ras la sogs pa la 'khrul 'khor gru gsum sum brtsegs su byas la grwa rnams la/ oM ts+tshin+da che ge mo ts+tshin+da b+hin+da che ge mo b+hin+da ma hA kI li kI lA ya che ge mo mA ra ya phaT ces bri'o//dbus su bgegs kyi gzugs dang mA ra ya zhes spel la bri'o/ /yang gsol ba btab pa la sogs pa byas la rang nyid chu'i zla ba lta bu'i rnam par 'joms mdzad du sku che la yan lag rags par bsgom mo/ /de nas rab tu bsgrims nas sngags ring po 'ba' zhig bzlas par bya ste/sngags kyi 'od kyis gang la bya ba'i lus la phog pas rab tu gzir zhing mi bzod par bsams te/ dper na lo thog la ser ba bab pa lta bur dmigs shing khros pas bzla'o/ /zin pa dang las kyi zhabs bsreg pa dang / mnan pa gang 'dod pa bya'o/ /'khrul 'khor 'di ni phal cher bgegs la bshad kyis 'on kyang rnal 'byor las su rung ba'i sngags pas 'khrul 'khor gcig gis kyang las thams cad la sbyar bar nus so/ /'dis gdon rlag par byed pa dang / rmugs par byed pa'i las gnyis 'grub bo//de ltar phrin las bcu bdun no/ /gzhan gyi las 'jig pa ni sdig pa ste de dag par byed pa ni bum pa la sogs pa'i khrus dang 'brel phyir 'dir ma smos so/ /thams cad la ni spel ba'i tshig ni so so'i skabs dang sbyar ro/ /rdo rje rnam par 'joms pa'i man ngag paN+Di ta smr-i ti dz+nyA na kIrtis mdzad pa rdzogs so/