བོད་ཡིག |
265b4 @##/ /rgya gar skad du/ d+h+wa dzA gra na nA ma ma hA sU traM/ bod skad du/ mdo chen po rgyal mtshan dam pa zhes bya ba/ dkon mchog gsum la phyag 'tshal
265b5 lo//'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag gal te
265b6 khyed cag dgon pa na 'dug kyang rung /shing drung na 'dug kyang rung / /khyim stong pa na 'dug kyang rung ste/ 'jigs pa'am/ bag tsha ba'am/ spu zing zhes byed pa skye bar gyur na/ de'i tshe khyed kyis 'di ltar bcom ldan 'das de ni de bzhin gshegs pa dgra
265b7 bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin no zhes nga rnam
266a1 pa las yang dag par rjes su dran par gyis shig /de'i tshe khyed kyis nga rnam pa las yang dag par rjes su dran par byas na 'jigs pa'am/ bag tsha ba'am/ spu zing zhes byed pa 'byung bar 'gyur ba gang yin pa de med par 'gyur ro/ /dge slong dag
266a2 sngon lha dang /lha ma yin gyi g.yul nye bar gnas par gyur na/ lha'i dbang po brgya byin gyis sum cu rtsa gsum pa'i lha rnams la smras pa/ grogs po dag gal te khyed cag lha dang lha ma yin gyi g.yul du zhugs pa na/ 'jigs pa'am/ bag tsha ba'am/ spu
266a3 zing zhes byed pa skye bar gyur na/de'i tshe khyed kyis nga'i rgyal mtshan mchog rnam par rgyal byed yang dag par rjes su dran par gyis shig /de'i tshe khyed kyis nga'i rgyal mtshan mchog rnam par rgyal byed yang dag par rjes su dran par byas na 'jigs pa'am/ bag tsha ba'am/
266a4 spu zing zhes byed pa 'byung bar 'gyur ba gang yin pa de med par 'gyur ro/ /dge slong dag de bzhin du gal te khyed cag kyang dgon pa na 'dug kyang rung / shing drung na 'dug kyang rung / khyim stong pa na 'dug kyang rung ste/ 'jigs pa'am/ bag tsha ba'am/ spu zing
266a5 zhes byed pa skye bar gyur na/de'i tshe khyed kyis 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur
266a6 ba bla na med pa/lha dang mi rnams kyi ston pa/ sangs rgyas bcom ldan 'das yin no zhes nga rnam pa las yang dag par rjes su dran par gyis shig /dge slong dag de'i tshe khyed kyis nga rnam pa las yang dag par rjes su dran par byas na/ 'jigs pa'am/ bag tsha
266a7 ba'am/spu zing zhes byed pa 'byung bar 'gyur ba gang yin pa de med par 'gyur ro/ /dge slong dag lha'i dbang po brgya byin de ni da dung 'dod chags dang bcas/ zhe sdang dang bcas/ gti mug dang bcas shing skye ba dang / rga ba dang / na ba dang / 'chi ba dang / mya
266b1 ngan dang /smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mthar la/ 'jigs pa yod/ bag tsha ba yod/ dngangs pa yod/ 'bros pa yod cing / de ni lan 'ga' 'jigs par yang 'gyur
266b2 bag tsha bar yang 'gyur/dngangs par yang 'gyur/ 'bros par yang 'gyur te/ dge slong dag da dung 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags
266b3 'don pa dang /sdug bsngal ba dang / yid mi bde ba dang / 'khrug pa dag las yongs su ma thar la/ 'jigs pa yod/ bag tsha ba yod/ dngangs pa yod/ 'bros pa yod pa'i lha'i dbang po brgya byin de'i tshig kyang sum cu rtsa gsum pa'i lha rnams dad pas
266b4 mnyan par bya bar sems shing tshig bzhin du bya bar sems na/dge slong dag nga ni de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang /
266b5 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar ba/ 'jigs pa med/ bag tsha ba med/ dngangs pa med/ 'bros pa med pa yin pas dge slong dag de bzhin gshegs pa
266b6 dgra bcom pa yang dag par rdzogs pa'i sangs rgyas 'dod chags dang bral ba/zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang /
266b7 'khrug pa dag las yongs su thar ba/ 'jigs pa med pa/ bag tsha ba med pa/ dngangs pa med pa/ 'bros pa med pa/ nga'i tshig mnyan par bya ba dang / gtams pa bzhin bya ba dang / rjes su bstan pa bzhin bya ba de ni bya ba'i gnas yin no/ /bcom
267a1 ldan 'das kyis de skad ces bka' stsal te/bde bar gshegs pas de skad gsungs nas/ ston pas gzhan yang 'di skad bka' stsal to/ /dgon pa dang ni shing drung dang / /khyim stong dag tu 'jig rten gtso/ /rnam par 'dren pa rdzogs sangs rgyas/ /rjes
267a2 su dran gyis dge slong dag /gal te rnam 'dren 'jig rten gtso/ /rdzogs sangs rgyas pa mi dran na/ /'dod chags bral ba rnams kyi mchog /chos de rjes su dran par gyis/ /gal te 'dod chags bral ba'i mchog /chos de rjes su mi dran na/ /dge 'dun bla med
267a3 bsod nams zhing //de ni rjes su dran par gyis/ /sangs rgyas chos dang dge 'dun rnams/ /de ltar rjes su dran byas na/ /'jigs dang bag tsha spu ldang ba/ /med par 'gyur ro dge slong dag /'jigs pas skrag pa'i mi mang po/ /ri dang nags tshal rnams dag dang / /kun
267a4 dga' mchod pa'i ljon shing la//skyabs su 'gro bar gang byed pa/ /de ni skyabs gtso ma yin zhing / /de ni skyabs mchog ma yin te/ /skyabs de dag la rten byed pa/ /sdug bsngal kun las grol mi 'gyur/ /gang dag sangs rgyas chos dang ni/ /dge 'dun dag la skyabs song ba/ /
267a5 sdug bsngal sdug bsngal kun 'byung dang / /sdug bsngal yang dag 'gags pa dang / /bde zhing mya ngan 'das 'gro ba'i/ /'phags lam yan lag brgyad pa yi/ /'phags pa'i bden pa bzhi po dag /shes rab kyis ni legs mthong 'gyur/ /de ni skyabs kyi gtso bo dang / /
267a6 de ni skyabs kyi mchog yin te/ /skyabs de dag la brten byas na/ /sdug bsngal kun las grol bar 'gyur/ /bcom ldan 'das kyis de skad ces bka' stsal nas/ /dge slong de dag yi rangs te/ bcom ldan 'das kyis gsungs pa la mngon par bstod do// //
267a7 mdo chen po rgyal mtshan dam pa zhes bya ba rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa// //
CLOSE WINDOW