CLOSE WINDOW

D2929
བོད་ཡིག

/de phyir lus ngag bya ba dag la 'bad par bya/ /'di byas bsod nams sems can kun la'o/ /rdo rje rnam par 'joms pa'i man ngag las kyi thabs zhes bya ba/ slob dpon grub pa ba chen po byad+d+ha gu h+yas mdzad pa rdzogs so//[ ]@##/ /rgya gar skad du/ Ar+ya badzra bi dA ra Na nA ma a b+hi se ka bi d+hiH/ bod skad du/ 'phags pa rdo rje rnam par 'joms pa zhes bya ba'i khrus kyi cho ga /dpal rdo rje 'dzin pa la phyag 'tshal lo/ /rgyal po rgyal rigs spyi bo nas dbang bskur ba dag dang / rgyal po'i blon po dang / rje'u rigs dang / dmangs rigs dang /dge sbyong dang / bram ze gang dag srid pa'i rgya mtsho las ma rgal ba dag la nad thams cad dang gdon dang / byad la sogs pa gzhan gyi gnod pas sdug bsngal bar gyur pa de dag la/ rdo rje rnam par 'joms pa'i rig sngags kyi cho gas grol bar gyur cig /de'i phyir de dag rnam par dbye ba'i rim pa brtsam par bya'o//mdo 'di'i mtshan rdo rje rnam par 'joms pa zhes bya ba'i ming gi nges pa bstan te/ ji ltar zhe na/ rdo rje zhes bya ba ni 'phags pa rnams kyi yang dag pa'i ye shes kyi tshig bla dgas te/ ye shes de ni bsod nams dang ye shes tshad med pa'i tshogs can/rang dang gzhan gyi don phun sum tshogs pa'i yon tan dang ldan pas de'i phyir lag na rdo rjes lus thams cad rdo rjer byin gyis brlabs nas zhes bya bas/ 'byung ba chen po bzhi las grub pa lta bu ni ma yin gyi ye shes kyi lus can du bstan to/ /de'i phyir rdo rje'i ting nge 'dzin la snyoms par zhugs so zhes bya ba yang /ye shes de chos rnams kyi de kho na nyid shin tu rtogs pa'i ngo bo rdo rje ltar thogs pa med pas/ rtse gcig tu mnyam par gzhag pa'i gnas skabs la bya bar mngon no/ /ci'i phyir ye shes 'di la rdo rje zhes bya zhe na/ phyi rol gyi rdo rje rin po che dang chos mthun pa rnam pa bdun yod pa'i phyir dpe'i sgo nas don nye bar mtshon pa yin te/'di dag kyang 'di ltar/ mi chod pa/ mi shigs pa/ bden pa/ sra pa/ brtan pa/ thams cad du thogs pa med pa/ thams cad du ma pham pa zhes bya ba rnams te/ des ni ye shes de nyid kyi rang gi yon tan phun sum tshogs pa bstan to//de nas gzhan gyi don bstan pa ni/ thabs la mkhas pa'i byang chub sems dpa' sgo sna tshogs nas sems can gyi don mdzad pa ste/ khams gsum pa'i 'jig tshogs la lta ba phyin ci log gi bsam pa can/ /phyi dang nang nas bgegs dang log 'dren rnam par lta ba'i rgyu las kyi bag la nyal dang /kun nas ldang bar bcas pa de dag 'dul ba'i phyir/ sems can thams cad skrag par byed pa/ /sems can thams cad 'jil bar byed pa zhes bya ba nas sems can thams cad rengs par byed pa/ rmugs par byed pa'i zhes bya ba'i bar du tshig don bco lngas bstan te/de dag kyang mdor bsdu na las rnam pa bzhi'i sgo nas gzhan gyi don mdzad par bstan te/ zhi dang rgyas dang drag spyod dang / /dbang sogs las rnam bzhi po dag /thabs kyis 'dul ba'i don mdzad pa/ /ci rigs par ni sbyar bar bya/ /de ltar de dag ye shes kyi rdo rje des 'dul bar mdzad/sel bar mdzad/ 'joms par mdzad pa'i phyir rdo rje rnam par 'joms pa zhes bya'o/ /de nas gsang sngags kyi tshig gang dag gsungs pa de dag kyang ye shes de'i rgyu las byung ba'i phyir thogs pa med pa rdo rje'i tshig tu rig par bya'o/ / de nas de dag gi cho ga bshad par bya ste/ cho gar bya ba thams cad kyang gtso bor slob dpon la brten pa yin pas/ de'i phyir slob dpon dang slob ma gnyis ka sta gon du gnas pa'i cho ga ni/ des ni rab bkrus gtsang ma yin/ /mdo sde dam pa mnyan par bya/ /gang dag yid dge sems dang zhing / / gtsang ma'i gos kyis rab brgyan te/ /zab mo sangs rgyas spyod yul ba/ /zhes bya ba la shin tu khrus bya ba dang gos gtsang ma gyon pa ni phyi'i gtsang sbra'o/ /sgo gsum nas sdig pa mi dge ba mi byed pa ni yid dge ba'o/ /byang chub tu smon pa ni sems dang ba ste de dag ni nang gi gtsang sbra'o/ /mdo sde dam pa mnyan par bya//zhes pa'i don ni rig sngags de dag ye shes las byung bar khong du chud par bya'o/ /zab mo sangs rgyas spyod yul ba/ /zhes bya ba yang ye shes de'i rang bzhin du rtogs pa nyid do/ /de nas slob dpon gyi cho gar bya ba ni mdo 'di nyid las dbang bskur ba'i yan lag tu bum pa bstan pa tsam du zad do//dkyil 'khor la sogs pa'i cho ga ma gsungs pa de dag 'di nyid du gsungs pa la mi mngon par 'gyur ba'am/ yang na spyi rgyud las gsal ba'i phyir ram de dag tu ma bstan pa ni gnyis ka ltar na yang de ltar sbyar ba nyid de/ de las ni/ phyugs lhas shing gcig lha yi khang pa'am//lam gyi bzhi mdo'am khang stong nags tshal du/ /dkyil 'khor gru bzhi lham pa gru bzhi'i tshad/ /tshon rtsi rnam pa sna tshogs rnams kyis bri/ /phyogs kyi lha rnams gnas ni yongs su gzung / /sgo bzhi'i sa la ku sha'i rtswa yang dgram/ /zhes gsungs pa las rig par bya'o//de nas dkyil 'khor bya ba yang slob dpon gyis dang po sa bslang par bya ba dang sbyang ba la sogs pa'i cho ga tshul bzhin du byas pa ste/ 'thas par bcags la ba'i rnam pa lnga dang sbos chu gtsang mas byug go /steng du yang bla re bre zhing dar gyi lnga ldi dang me tog gi phreng ba dang me long dag gis kyang brgyan par bya'o//gzhan yang dbang bskur ba'i cho ga la bkra shis kyi bum pa tshul dang ldan pas yon tan 'grub pa'i phyir/ 'di nyid las de'i rgyu bstan pa ni/ gser ram yang na ni/ /dngul gyi bum pa dag kyang rung / /zhes bya bas bstan to//de dag gi nang dgang ba ni chu'o zhes bya ba smos te/ tsan+dan dang ga pur dang gur gum la sogs pa'i chus nang bkang la/ de dang lhan cig dang ldan pa'i rin po che dang shel dang zhes bya ba ni dngos su zad do/ /nor bu zhes bya ba ni spyi tshig tu smos pa ste/ rnam par phye na pad+ma rA ga dang in+d+ra nI la la sogs pa rin po che'i rigs su gtogs pa mu tig dang sa le sbram la sogs pa dag ste de dag kyang gas chag med pa rgyan gyi bya ba byed nus pa dag ni rma med ces bya'o//gzhan yang de'i zla la yungs kar dang / rtswa dUr ba dang me tog rnams gzhug par bya'o/ /tshul bzhin du spyi'i rgyud las kyang //bum pa pad+ma dmar po'i mdog 'dra zhing / /nag po ra ri med pa rin chen bcas/ /sman dang 'bru dang spos chus bkang ba dag /ldum bus kha brgyan ras kyis mgul ba dkri/ /zhes bstan te/ de dag gi ltor ni chu bre gang shong pa las bya bar bstan to/ /mtshan nyid gzhan ni rgyud gzhan dag las rig par bya'o//yang gong ma 'bru dang sman dang zhes bya ba la/ bya kr-i dang seng kri la sogs pa'i sman rnam pa lnga dang / til dang sran ma la sogs pa 'bru sna lnga rnams rgyud las grags pa bzhin du sbyar ro/ /mgul chings ni gtsang ma'i gos zhes bya ba ma spyad pa ma bab pa'i ras dkar po kha tshar ma nyams pa dang bcas pa'o//dkri zhing dgang ba ni gong du bstan pa'i rdzas rnams kyi don mdor bsdus te bstan pa'o/ /bum pa de ltar bca' ba de yang rtog pa gzhan gyi cho ga las 'byung ba bzhin du grangs bzhi 'am lnga dag gu gul la sogs pa la rdo rje khro bo'i sngags kyis btab ste bdugs la dbus dang grwa bzhi ru gzhag par bya'o//de nas slob dpon bdag nyid las kyi khro bor bsgyur la lag tu rdo rje dang yungs kar blangs te/ bskrad cing bsrung ba dang / mtshams bcad pa dag byas nas/ thig skud lag tu blangs te phyogs ma 'khrul par bcad la rim pa gsum par thig gdab po//de nas lha'i ri mo bris te/ dbus kyi dkyil 'khor du gtso bo phyag na rdo rje rgya gram phyogs gcig med pa pad+ma dang seng ge'i khri stengs su gzhag go/ /de'i grwa bzhir 'khor rnams kyi phyag rgya byang shar mtshams nas bzung ste khro bo'i rdo rje rtse lnga pa gdengs pa dang /rdo rje rtse gcig pa dang / be con rdo rjes mtshan pa dang / rdo rje tho ba rnams bri'o/ /de nas rim pa gnyis par dbang ldan la sogs par 'jig rten skyong ba bcu dang / bkra shis kyi lha mo brgyad kyi mtshan ma dag bri'o/ /rim pa gsum par rin po che'i chun 'phyang dang /mu tig gi phreng ba dag dgod do/ /phyogs bzhir sgo khyud dang rta babs dag gis mdzes par bya'o/ /de'i phyi rol stegs bu'i mtha' skor du yang rtswa ku shas bskor cing me tog gi sil ma dag kyang bkram mo/ /de nas phyi rol du byung ste 'byung po rnams la snying brtse ba'i phyir/bza' dang sha chang la phug la sogs bcas/ /'bras chan 'bras bu mang po'i gtor ma sbyin/ /zhes bya ba dag khyer nas/ lha dang lha min gnod sbyin lto 'phye grul/ /zhes bya ba la sogs pa'i bstod pa'i bden pa bdar la/ lag pa gnyis thal mo khong stong du sbyar ba las kha phye ste bkan nas bstan pa'i tshul du byas pa ni gtor ma sbyin pa'i phyag rgya ste/'byung po de dag la so so'i rig sngags dag brjod cing nam mkha' mdzod kyi rig pas kyang byin gyis brlabs la bsngo'o/ /de nas slar log ste lha'i gnas su song la tshon gyi dkyil 'khor de dag mdun gyi nam mkha' la gyen du dpag cing /rin po che'i gzhal yas khang pad+ma dang seng ge'i gdan khrir bcas pa bsams nas/ der rigs kyi sngags kyi lha 'khor dang bcas pa spyan drang ba ni pho brang lcang lo can nas dpal phyag na rdo rje ye shes kyi khyad par las byung ba dpal rdo rje rnam par 'joms pa zhes bya ba sku mdog ljang sngon zhal gyi smin ma khro gnyer can/phyag g.yas pa na rdo rje rtse lnga pa thugs kar bsnams pa/ g.yon pa dkur brten cing 'gying ba/ stod g.yogs dang smad g.yogs dang dar pa ti'am tshi gu gsol ba/rgyan thams cad kyis brgyan pa/ 'khor gsang sngags dang rig sngags kyi khro bo dang / khro mo phyag brnyan grangs med pa'i tshogs can dag rang nyid kyi rtsa ba'i phyag rgyas spyan drangs te/ lag pa gnyis thal mo khong stong du sbyar la srin lag gnyis nang du bkug ste phan tshun bsnol ba'i rtse mo mdzub mo'i drung du cung zad dbyung bar byas la/gung mo gnyis gzhibs pa'i phyi rol nas mdzub mo gnyis bkug ste/ bar nas gang tsam gyis ma reg par byas la mthe bong gnyis dang mthe'u chung gnyis gzhibs par bya'o/ /de'i sngags la/ oM badzra dz+wa la na ye swA hA/ zhes bya'o/ /yang na rdo rje lcags kyu la sogs pa'i sngags dang phyag rgyas spyan drang ngo / /de nas thog mar dam tshig gi phyag rgya bstan te/ lag pa g.yas pa'i mthe'u chung gi sen mo mthe bos mnan la lhag ma rnams rdo rje rtse gsum gyi tshul du byas la/ de'i sngags ni/ oM shaM ka ra ma hA sa ma ye swA hA/zhes so/ /de nas dkyil 'khor gyi grwa bzhir khro bo bzhi gzhag ste/ byang shar mtshams nas bzung ste khro bo'i rgyal po rdo rje gtum po zhes bya ba mdog smug nag bzhin khro gnyer can phyag g.yas pa na khro bo'i rdo rje rtse lnga pa gdengs pa phyar te thogs par bsam mo/ /de'i phyag rgya ni lag pa g.yon pa'i mdzub mo snying ga'i logs su gzhag /g.yas pa'i sor mo gsum rdo rje ltar byas te/ de'i sngags kyang 'di nyid las/ oM tsu ru tsu ru tsaN+Da badzra kI li kI lA ya swA hA/ zhes bya ba dang sbyar ro/ /de nas shar lho'i mtshams su rdo rje kI li kI lA ya zhes bya ba mdog ljang nag dpral ba khro gnyer can/phyag g.yas pa na rdo rje rtse gcig pa ka na ya'i dbyibs 'dra ba thogs pa bsam ste/ de'i phyag rgya ni lag pa gnyis khu tshur bcangs la cung zad bsnol ba'i tshul du byas la/ mthe bong gnyis gyen du gzhibs la bsgreng ngo / /de'i sngags ni/ oM tra sa ya tra sa ya badzra kI li kI lA ya swA hA/zhes bya ba dang sbyar ro/ /de nas lho nub kyi mtshams su rdo rje be con zhes bya ba mdog mthing nag sma ra ser po 'khyil pa/ phyag g.yas na be+e con gyi rtse mo rdo rjes mtshan pa bsnams pa ste/ de'i phyag rgya ni lag pa gnyis phyag 'tshal ba'i thal mo las mthe bo gnyis bsgreng ste tshigs bkug nas srin lag drung du gzugs par bya ste/de'i sngags la/ oM ha ra ha ra badzra d+ha rA ya swA hA/ zhes bya ba dang sbyar ro/ /de nas nub byang gi mtshams su rdo rje tho ba zhes bya ba mdog nag po shin tu khros pa mche ba gtsigs pa bsams te/ de'i phyag rgya ni lag pa gnyis khu tshur bcangs te mthe bong gnyis bsgreng mthe'u chung gnyis nang du gzhug go /de'i sngags ni/ oM pra ha ra pra ha ra badzra pra b+ha ny+dza nA ya swA hA/ zhes bya ba dang sbyar ro/ /de nas phyi rol gyi rim pa gnyis par dbang bdag la sogs pa 'jig rten skyong pa bcu dang / rgyal ma la sogs pa bkra shis kyi lha mo brgyad kyi phyag rgya bsgom ste/de dag so so'i sngags dang phyag rgya bcings te spyan drang zhing rang rang gi gnas su bkod la/ gtso bo 'khor dang bcas pa de rnams la gus pa'i mchod pas khyab par bya ste/ mchod yon byug spos me tog bdug pa dang / /zhal zas mar me'i tshogs rnams rim bzhin dbul/ / de nas phyogs bcu dag na ji ltar srid pa'i lha rdzas dag kun du bzang po'i mchod sprin dag gis mchod la/ nam mkha' mdzod kyi rig pas kyang byin gyis brlabs te/ 'di ltar ro/ /na maHsarba ta thA ga te b+h+yo bi shwa mu khe b+h+yaH/ sarba tang+baM ung+ga te s+phar Na hi maM ga ga na khaM swA hA/ de nas bstod pa ci shes pas kyang bstod do//de nas bzlas pa bya ba ni/ /lan grangs nyi shu rtsa gcig gam/ /yang na lan grangs brgya rtsa brgyad/ /ces pa grangs ma nges par gsungs pa la rtsa ba'i rig sngags mjug snying po'i rig sngags rnam pa gnyis bskul tshig dang bcas par zlos pa ni nyi shu rtsa gcig bzlas par bya'o//yang na de rnam pa gnyis ka gdon par mi nus na mjug na/ na ma sh+tsaN+Da badzra zhes bya ba nas a mr-i te hUM phaT ces bya ba'i bar ni rig sngags 'di'i snying po yin te bskul tshig dang bcas par lan grangs brgya rtsa brgyad gdon par bya'o/ /de ltar bzlas brjod zin nas yon bdag gsum la skyabs su 'gro ba la sogs pa byas te/dkyil 'khor gyi dbus su khri'u lta bu bzhag pa'i sar ri mo yid kyis bteg pa dang / yang na phyag rgya nyi tshe dbyi bar bya'o/ /de nas bum pa rnams kyi chu blugs shing dbang bskur te/ shu ti dang nye shing la sogs pas khrus bya'o//rol mo dang bkra shis kyang gdon no/ /khrus zin nas sgor 'byung ba'i dus su zho dang sman dang 'bras la sogs pa bkra shis kyi rdzas la sogs pa cho gar bstan pa rnams mthong ba'am rig par bya ba dag ni bkag pa med do/ /de nas rig sngags kyi rgyal po 'di'i cho ga'i phan yon 'byung ba yang mdor bsdu na gnyis te/sdug bsngal sel bar byed pa dang / bde ba skyed par byed pa'o/ /sdug bsngal sel bar byed pa ni/ sems can dbang po nyams pa dang / /tshe zad pa dang tshe nyams dang / /zhes bya ba nas/ de dag thams cad zhi bar lta//zhes bya ba'i bar dang / phan yon ni/ sdig pa thams cad byang byas nas/ /sdug bsngal thams cad med par byed/ /ces pa'i tshigs su bcad pa bzhis bstan to/ /bde ba skyed par byed pa ni/ /rgyud do cog gi rtsa ba ste/ / dpal kun gyis ni legs par brgyan/ /zhes bya ba dang / tshe dang bsod nams 'phel bar 'gyur/ /sdig pa kun las rnam par thar/ /zhes bya ba rnams kyis bstan to/ /de dag kyang phan yon mdor bsdus pa tsam du zad kyi/ gzhan yang rgyal po'i chad pa dang / chom rkun dang / me dang /chu dang / dug dang / mtshon la sogs pa'i 'jigs pa thams cad las sgrol bar rig par bya'o/ /'phags pa rdo rje rnam par 'joms pa'i khrus kyi cho ga /slob dpon sangs rgyas gsang bas mdzad pa rdzogs so// //