CLOSE WINDOW

D2925
བོད་ཡིག

/sdig med dpal dang ldan par byed/ /dpal rdo rje rnam par 'joms pa'i las sna tshogs sgrub pa'i cho ga rdzogs so// //paN+Di ta chen po dz+nyA na shrI dang / lo tsA ba rab zhis bsgyur ba'o//[ ]@##/ /rgya gar skad du/ Ar+ya badzra bi dA ra Na nA ma d+hA ra NI sA d+ha naM sa kalpaM/ bod skad du/ 'phags pa rdo rje rnam par 'joms pa zhes bya ba'i gzungs kyi sgrub thabs cho ga zhib mo dang bcas pa/ 'phags pa rdo rje rnam par 'joms pa la phyag 'tshal lo/ /rin chen lta bu don bdun ldan pas rang don sku gcig mi shigs rdo rjer ldan/ /gzhan don rdo rjes 'joms pas gnyis med rdo rje'i sku gnyis snang //thams cad rnam pa kun mchog ldan zhing mi phyed mi shigs pa/ /gdug pa 'dul phyir rdo rje'i sku ste 'jigs byed zung la 'dud/ /bya ba'i rgyud mchog rtog pa bye brag rdo rje rigs kyi don/ /bdag gzhan don rnams rdzogs byed sangs rgyas kyis gsungs te//bla ma rgyal de grub brnyes byin rlabs de thob 'di yi zhal mthong ste/ /gnang ba byin dang ldan pas bdag nyid bram ze gzhon nu ste/ /rig sngags ma lus 'chad 'gyur 'di bsgoms nus thob la/ /slob ma sangs rgyas gsang bas bskul phyir 'di bshad bya/ /gang zhig 'di la dad mos nas//bsgrubs nas yon tan rdo rje 'byung / /'di yi dgongs pa'i bsam yas kyang / /lhun po ri rab zom rgyud du/ /de bzhin gshegs pas 'di skad gsungs/ /sngon gyi 'phrul pa la brten nas/ /ma 'ongs man ngag rnam gnyis te/ /bdag don rdo rje'i bsnyen pa dang / / gzhan don rdo rje'i las sbyor bcas/ /de tsam ma bshad do zhe na/ /gang dag tu ni rang nyid kyi/ /las kyi cho ga med pa las/ /de bzhin phyi yi rgyud chen las/ /gsungs pa'i cho ga 'dir bstan bya/ /de yi dus ni bzang zhing shis pa la/ /rdo rje'i gnas te bkra shis zhi gnas su/ /bar chad zhi sogs kun byas rdo rje'i g.yog dam dang //rdo rje sgrub po shes rab la sogs lung las bsngags pa ni/ /bya ba'i dbang dang dam tshig man ngag rab shes des/ lus dang ngag sems gtsang zhing yid dge bas/ /rdo rje'i sbyor ba kun dang ldan pas bsgrub/ /sa phyogs rab tu nyams dga' bar/ / sa yi cho ga kun shes nas/ /ba yi rnam lnga dri bcas pas/ /maN+Dal sngon po me tog bcas/ /der ni rten rnams ldan pa dang / /mchod pa lnga dang mchod yon bcas/ /khrus kyi bum pa bzang po dang / lha yi bum pa bzang por bya/ /de yang gser sogs dag las 'byung / /mtshan nyid ldan der chu klung chu//'o ma dri lnga sman dang 'bru/ /rin chen snying po me tog bcas/ /shel dang pha lam mu tig dang / /kha rgyan mgul gsum pa yis bcang / /dUr ba bdun dang ku sha dang / /rma bya'i sgro dang rdo rjer ldan/ /las kyi cho ga mthong ba yis/ /legs byas bskrad la sgrub rdzas ni//rin chen snod kyi steng du gnas/ /maN+Dal steng du de gzhag la/ /ras sogs gtsang ma gon pa yis/ /phyi rol khrus kyi rdzing bu ni/ /nyams dga' der ni nyin phyed na/ /khrus bya der yang sa rab bsngags/ /stong pas dri ma rnam par sbyang / /der song khro bos khro bo sprul/ / se gol sngags kyis bgegs bskrad la/ /chu de lag g.yon gsum du gtor/ /spyi bor gcig gzhag kha bshal te/ /khrus byas nye reg 'thor 'thung bsngags/ /de bzhin bum pas snga bar bya/ /bud med sha chang la sogs ni/ /ku ba'i zas ni rnam lnga spang / /bshang sogs mi gtsang sbyor ba la//mnol ba med par sprul nas ni/ /de yi sngags dang phyag rgyas gdab/ /thams cad nyes par mi 'gyur ro/ /gtsang khang nyams dgar log nas ni/ /se gol 'chi med khro bos bskrad/ /rdo rjes sgo gcod stan yang ni/ /'jam bder ku shar ldan pa la/ /nub tu kha bltas brtan par gnas//skad cig mi phyed phyag rdor gyis/ /rnam 'joms dpag med rab bstan nas/ /skrod pa'i phyag rgyas sngags rdo rje/ /phyag 'tshal nas ni gtor byed par/ /rnam snang khro bo gnyis ldan pas/ /tshangs la sogs pa'i gdon sogs bskrad/ /'od zer rdo rje'i rwa sogs bsam//bar chad bgegs kyis mi tshugs so/ /rnam 'joms yang snying dri chab kyis/ /'byor pa bsangs te skad cig gis/ /mchod pa dag par bya phyir brlab/ /de nas mdun gyi nam mkha' la/ /sangs rgyas gnyis dang 'jigs byed drug /de la yid kyi las kun bya//rang bzhin rnam dag sngags kyis ni/ /nyams dang stong pa'i ye shes bya/ /rin chen khang pa yid 'ong ste/ /rdo rje'i brag tu rnam par bsam/ /der ni lha chen drag por bya/ /bdag nyid 'jigs pa'i nga rgyal gyis/ /shAkya seng ge 'khor bcas la/ /gsol gdab rdo rje'i bsam gtan gnyis//'dres byas 'dres pa stong pa na/ /rdo rje'i rnam par bsam sngags brjod/ /bdag don rdo rje stong pa'i lha/ /de nas gzhan don yi ge ste/ /thog med las ni gsal ba ste/ /de la yig gnyis sngo spras pa/ /nus ldan yi ge'i lha yin no/ /de la rdo rje sngags kyi sgra//stong pa mtshon byed khams rnams su/ /dam pa gnyis byas de la bstim/ /de ni sgra'i lha zhes bya ste/ /de gyur dam pa kun thim pas/ /rdo rje nyi ma la gnas pa'i/ /phyag na rdo rje gsang ba'i bdag /stobs chen khro bo 'jigs cha byad/ /sngo nag rdo rje sdigs mdzub can//ral pa la sogs kun ldan pas/ /'byung po bsdigs pa gzugs brnyan tshul/ /'di ni gzugs kyi lha zhes grags/ /de nas de ni gsal brtan phyir/ /ri bo 'bigs pa'i phyag rgya dang / /rdo rje yan lag 'bar ba yi/ /sngags kyis spyi bo sogs bzhag pas/ / gtsug tor la sogs grub cing bsrung / /de yang phyag rgya'i lha ru bstan/ /de nas dus ni thams cad du/ /de dang mi 'bral kun byed pa/ /mtshan ma'am rnam rtog lha zhes gsungs/ /ye shes lnga dang sku gsum dang / /don gnyis grub cing 'od dang ni/ /rdzu 'phrul nus pa ston byed pas//lha zhes shAkya mchog gis gsungs/ /de nas bum pa mi dmigs las/ /rin chen khang par 'dam skyes bzhi/ /ge sar sogs la bsil rdo rje/ /rdo rje man ngag ldan par bsam/ /dbus su sprin sgra gyur pa las/ /phyag na rdo rje thugs kyi mchog /rdo rje rnam 'joms khro bo ni//bdag mtshungs las kyi rdo rje la/ /zla ba med pa bsnams pa'o/ /de yi mdun du mA ma kI/ /sngo zhing dga' ldan ut+pal sngo/ /dam tshig rgyas 'debs bsnams pa'o/ /dran pa bzhi las byung ba ni/ /kun kyang rim min cig car ro/ /shar lho rdo rje kI la ni/ /sngo dmar 'jigs pa kun ldan la//rdo rje phur bu g.yas na ste/ /g.yon pa kun ni bsdigs par mdzad/ /lho nub rdo rje be con te/ /sngo nag rdo rje be+e con no/ /nub byang rdo rje tho ba ste/ /sngo skya de bzhin 'jigs pa la/ /rdo rjes mtshan pa'i tho ba ste/ /byang shar rdo rje gtum po ni/ /mig sman mdog 'dra rdo rje ni//rtse gcig bsnams pa rab tu bsgom/ /kun kyang tsham ngam bdud bzhi 'joms/ /de rnams ye shes lnga ldan rigs/ /dbu la mi bskyod mgon po ni/ /ral pa'i thor tshugs bzhad khro ba/ /dpa' bo dag la rnam par gsungs/ /de nas 'od zer 'gugs byed kyis/ / 'og nas 'khor bcas spyan drangs nas/ /rig pa rig ma dam tshig can/ /dpag med byon gyur mi 'chi ba/ /thugs ka nas bton des bskrad bcad/ /de la rang sngags bskul bcas kyis/ /mchod yon bzang po nyer bstan pa/ /mi shigs phyag rgya rang sngags lngas/ /so so la ni gnyis med zhugs//phyogs skyong 'khor gyi phyi rim du'o/ /de nas dam tshig bstan bya'i phyir/ /de bzhin mi phyed khros pa yis/ /rigs kyi yum gyis rgyas btab pas/ /de yang rig pa rnam pa gnyis/ /mtha' med par du zhugs phyir ro/ /bdag ni dam tshig ldan pa las/ /ye shes mi 'jug mtho dman tshul//de yang bya ba kun nas gsungs/ /de nas mchod pa rnam pa lnga/ /kun gyi rigs la de rigs dbul/ /sgra dang bzang po de bzhin no/ /thal mo sbyar nas gus pa yis/ /rdo rje bsnams la bstod pa yin/ /gang gi rang bzhin chags sdang rnam bral yang / / gdul bya gdul phyir khro la khro ba dang / /'dod chags can la chags can ltar ston pa/ /byang chub mchog gnas de la phyag 'tshal bstod/ /gang zhig las dang rnam smin mkhyen pa yis/ /'gro ba kun dang ji ltar mthun pa yi/ /gsang sngags gzugs kyis rjes su 'jug mdzad pa//sngags kyi rnam 'dren de la phyag 'tshal bstod/ /nad gcod bdud 'joms mi rtog bzhi las byung / /las rnams 'joms mdzad khro bo 'bar bar snang / /nor bu rin chen lta bur gdul bya gdul/ /khro bo khyed rnams la ni bstod phyag 'tshal/ /rig pa skyong ba'i lha rnams la//tshigs bcad bcu yis bstod pa yin/ /de nas 'dod pa'i don gsol gdab/ /de ltar bya ba rab rdzogs pas/ /don dang tshig gi lhar gnas shing / /bya ba rigs dang gdul bya'i phyir/ /bya rgyud rig pa 'dzin sde ste/ /der gnas sngags kyi bzlas bya ba/ /nor bu'i phreng ba'i bskul sngags kyis//byin rlabs lag pas legs gzung ste/ /mig gi lha thugs zla ba la/ /rdo rje gyes pa hUM gnas bsam/ /lce rtse mi g.yo gzhan mi thos/ /yid kyis sngags kyi sgrar gnas pa/ /rdo rje'i sngags ni rgyas bsdus gsum/ /mos pa gcig ni bzlas par bya/ / thugs bskul bdag gzhan don rdzogs nas/ /sems can khams sbyangs sems can che/ /byin rlabs rnam gnyis de gnas bsdu/ /don rnams rab tu rdzogs byed pas/ /zab mo bdag gi spyod yul te/ /sgra la gnas pa'i bzlas pa de/ /mi tshig g.yal dang dri ngan sogs/ / bar chad ngan pa spangs la bsgrub/ /de yang dam bcas bar du'o/ /de dag 'byung bar 'gyur ba na/ /khrus byas kha bshal phyag rdor gyi/ /yi ge brgya pas gsol gdab 'jug /thun drug sbyor ba de ltar bya/ /khrus gsum bya dang gos brje sogs/ /bya ba las gsungs rgyas par bya/ / tha mar nor bu bum pa dbul/ /bsrung la ngo mtshar tshul du gang / /bshang sogs spyod lam de bzhin bya/ /zas la bdud rtsir byin brlabs te/ /dbul dang bza' bas tshim pa'o/ /'khor lo gtor ma gtang ba yang / /bdag byas cho ga bzhin du'o/ /de ltar yon tan tshang ba yis/ / mthong dang rig pa'i mtshan ma 'byung / /lha yi rten bzhad mthong sogs dang / /lus bde mngon sum la sogs so/ /de ltar grub pas gang byas kyang / /grub ste gzhan du nyams par 'gyur/ /rtag tu de byed rnal 'byor pa/ /rdo rje'i sku ni nges par 'grub/ /rdo rje'i las kun smos ci dgos//de nas dkyil 'khor gshegs mchod dang / /bzod gsol dam tshig bsdu byas la/ /maN+Dal legs par byi dor bya/ /lhag gnyis dpa' bo gcig pa ni/ /'byor pa chung bar shes par bya/ /de nas sgrub pa'i las sbyar te/ /nad la sogs pa zhi bya dang / /las kyi tshogs rnams sgrub pa'o//rdo rje khrus kyis dag bya ba/ /rgyas par dag byas khrus las shes/ /bdag gam gzhan dag sdug bsngal sogs/ /ldan pa bsal phyir 'di dag brtsam/ /rdo rje slob dpon slob ma ni/ /gos gtsang khrus bya dkar gsum bza'/ /shin tu spyod lam gtsang ba yis/ / nang gi sdom pa bsnyen gnas sogs/ /rten gyis blangs te bdag gzhi can/ /de dag sta gon gnas pa ste/ /zhag gcig nyi ma la sogs bya/ /de nas sa yi las byas te/ /gtor ma rgyas pa gsungs pa bzhin/ /bslang la sogs ni sngags dag dang / /bsam gtan dag gis cung zad yin/ / ma 'byor 'bru dang bye gtsang dang / /rten gyi dkyil 'khor tshul du bya/ /'byor pa ldan na 'di lta ste/ /byug pas legs byugs khru bzhi pa/ /dge ba'i ras kyis thig btab nas/ /bkra shis tshon gyi 'khor lo ni/ /lte ba rtsibs bzhi la sogs bri/ /mtshan ma kun ni nges par dgod/ / sgo la phyag rgya bzhi yang ngo / /las kyi cho ga shes par bya/ /legs par nub tu sgo dbye'o/ /lhag chad gso zhing de rgyan du/ /mda' sogs 'phen dang rgyal mtshan gdugs/ /lnga ldi phreng bas nyams dgar mdzes/ /gong du gsungs pa'i bum pa gcig /khri la dbus su gnas par bya//mtshams bzhi de bzhin bum pa bzhi/ /bdag khrus bum pa nub tu'o/ /de nas rgyas par sngon bzhin du/ /khrus byas gsol gdab par bya'o/ /bum pa'i rdo rje thag bzung nas/ /bsam gtan sngon bzhin ldan pa yis/ /khro bo'i ngag tu ring thung gnyis/ /brgya rtsa brgyad dam rtsa gcig bzlas//las la de las mang mi dgos/ /bdag dang lha sogs 'od zer gyis/ /bsgrub bya'i 'dod sgrub byas par bsam/ /de yang lha ni rdo rje chu/ /de nas las kyi cho ga ni/ /lha yi mtshan ma dug 'joms kyis/ /phyi ste nub kyi sgo nas ni/ /shar sgor ston pa thar bar bsam//dbus su khri steng de nas ni/ /rnam par 'joms pas nga rgyal bya/ /dri ma dag dang ldan bsams te/ /bden pa bdar zhing bka' bsgo nas/ /sngags rnams kun du dril ba yis/ /dang por de la yungs kar gyis/ /bskrad de de nas rma bya dang / /dUr ba ku shas byabs pa la//nad sogs ma lus gdon par bya/ /de nas sngags bzlas grogs kyis ni/ /bkra shis bsgrags la chu dbang bskur/ /thams cad dag par bsam par bya/ /dung la sogs pa bkra shis sbyin/ /de nas de la lha bkod de/ /sngags kyi gnas su bsrung bar bya//dge ba'i las la srung 'khor ni/ /rtsibs bzhi rgyan sngags spras pa yang / /rin po ches bris rab gnas la/ /byin rlabs bzlas te gdags par bya/ /de nas de la shel sgo nas/ /nub nas bton la rdo rje sbyin/ /rnam 'joms las kyang brlab par bya/ /de nas dbang bskur thob pa ste//nad la sogs pa las thar ba/ /zla ba sgra gcan las thar bzhin/ /phun sum tshogs pa'i rgyud kun ldan/ /yon tan ma lus rtsa bar 'gyur/ /bde ba kun dang ldan pa dang / /sdug bsngal thams cad sel mdo bzhin/ /sdig las grol te byang chub mchog / thun mong las ni nges par 'grub/ /lan cig brtsams pas de sgrub na/ /rtag tu khrus byas smos ci dgos/ /de nas dkyil 'khor gshegs mchod la/ /bzod gsol dam tshig bsdu byas la/ /maN+Dal legs par byi dor bya/ /lha gcig bum pa gcig pa ni/ /'byor pa chung bas shes par bya//de ltar shes pa'i sgrub pa pos/ /bdag gzhan 'dod pa rdzogs don du/ /rdo rje las sngags ting 'dzin gyis/ /las rnams bsgrub par bya ba yin/ /bshad rgyud rdo rje'i zom las ni/ /rdo rje'i rtsa ba 'di ltar bkrol/ /bskrad pa la sogs bco lnga la/ /las kyi mtha' bsgyur sngags 'khor las//bsam gtan mkhas pas shes par bya/ /bsdu na rnam pa bzhi ru 'gyur/ /rig sngags mnan dang rig sngags gcad/ /las gsum rmongs dang rengs pa'o/ /zhi ba la sogs las rnams ni/ /dus dang phyogs dang rdzas rnams dang / /bsam pa thabs dang lha dang sngags//'khor lo ming gis bsgyur ba'o/ /zhi bar bya ba la sogs rnams/ /lha yi rnam pa gsum 'gyur te/ /gtso 'khor gnyis su bsdebs pa dang / /gtso dang 'khor ni so so ste/ /kun la las kun rdzogs pa'o/ /sngags dang lha dang 'khor los shes/ /kun gyi las ni 'di ltar bya//zhi ba'i dus ni snga dro ste/ /shar du kha bltas dkyil 'khor la/ /brten pa'am yang na bum pa la'o/ /shin tu dge ba'i las dag las/ /tsan+dan dkar pos 'khor lo bri/ /rab gnas bum pa'i steng bzhag ste/ /lha rnams dkar po rnam par bsam/ /mchod pa de bzhin sngags mchog ni//phyag 'tshal thams cad rig pa gnas/ /zhi ba gtso ste 'khor gyi yang / /bzhi la bod pa rab brtags te/ /kye nas blo gros bzlas pa yis/ /thams cad zhi bar bltas nas ni/ /'khor lo lus la gdags pa yis/ /nad sogs thams cad zhi bar 'gyur/ /rgyas la ser po'i ris la ni//gur gum gyis ni 'khor lo bri/ /de bzhin bya ste lha rnams ser/ /sngags ni de bzhin gtso bo yi/ /gcod byed 'khor lo'i 'dzin bskul lo/ /de yis rgyas bsams mchod na ni/ /tshe sogs thams cad rgyas par 'gyur/ /dbang la smad 'tshong zhabs ma la/ / rgya skyegs khu bas 'khor lo bri/ /de bzhin bsam gtan dmar po la/ /sngags ni de mtshungs phur bu nas/ /phyag 'tshal bzlas pas dbang byas bsam/ /lam chen sbas na kun dbang 'gyur/ /gsad la gru gsum chos 'byung dang / /thams cad nag byas ro ras la/ /dug la sogs pas 'khor lo bri//kha sbyar phye la bkug bstims nas/ /lha rnams drag pos bsad par bsam/ /sngags ni gsod pa gsad par bzlas/ /tha ma bsregs na thams cad 'chi/ /gzhan gyi rig sngags gcad pa ni/ /gi wang gis ni 'khor lo bri/ /lha kun drag por shes par bya//de bzhin gcad sa ming bcas dang / /stobs chen bzlas ngag bcad par bsam/ /de nyid de yis rab gtugs na/ /des ni byad stems rig sngags kun/ /gcod byed de la the tshom med/ /rig sngags mnan la de bzhin du/ /mtshon gyi reg pas bris nas ni/ /las kyi rdo rjes mnan par bya//sngags ni ming bcing bzlas bsdoms bsreg /de yi sngags rnams mnan bsams shing / /lam chen rgya gram dag mnan na/ /nges par rig sngags kun gzhom 'gyur/ /rengs la de bzhin kA ya s+t+waM/ /rmongs la bi d+hi mo ha'o/ /ngag rengs wA ka s+t+waM zhes brjod//skrag la b+hai ra ya hUM ngo / /'jil ba la b+ha ya ka ra'o/ /'joms la ma ta zhes pa yin/ /las 'jil karma b+han+dza'o/ /gdon mi za la a mri sod/ /brlag la ta thA ya zhes te/ /thar la bi mok+Sha ya'o/ /dgug la A kAR+Sha ya'o/ /las byed karma kA ra ya/ /ma grub grub byed karma sid+h+ya//'dod la karma d+ha ya'o/ /srung la rak+Sha ku ru ste/ /gza' skar bzlog pa la sogs pa/ /man ngag ldan pa'i mkhas pas sbyar/ /'dis ni las rnams 'grub par byed/ /bya ba bzhi ni nges shes bya/ /rdo rje lta bur thogs med pa/ /nan tan gyis ni bsgrub par bya/ /nan tan gyis ni bsgrub byas pas//bdag dang gzhan don nges par 'grub/ /nges par don mthong bya ba'i cho ga ni/ /brgya rtsa brgyad byas de ni 'di ches te/ /rdo rje rnam 'joms cho ga 'di sbyar bas/ /khams gsum ma lus don rnams thob par shog /'phags pa rdo rje rnam par 'joms pa'i sgrub thabs cho ga zhib mo dang bcas pa/bram ze rig sngags 'chang ba mkhas pa chen po ku mA ra se nas mdzad pa rdzogs so// //rgya gar gyi mkhan po bud+d+ha gup+ta dang / bod kyi lo tsA ba dpa' many+dzu shrI warmas bsgyur cing zhus te gtan la phab pa'o// //phyis paN+Di ta dz+nyon teng ha du dang / lo tsA ba da 'og bsod nams mos pa shes rab kyis gsan nas zhus pa'o/