CLOSE WINDOW

D2924
བོད་ཡིག

/[ ]@/ /rdo rje rnam par 'joms pa'i las sna tshogs sgrub pa'i cho ga bzhugs/ @#/ /dpal rdo rje rnam par 'joms pa la phyag 'tshal lo/ /dkar zhing srog chags nyung ba dang / /zug rngu med cing snum pa'i sa la/ /zhi ba'i thab khung shing brtsigs te/ / me dbus rang lhag lha bskyed la/ /ye shes gzhug mchod bstod byas te/ /sngags mthar pA paM shAn+tiM sbyar/ /til dang me tog dkar bsregs la/ /'bad bcas thun bzhi'i sbyor ba yi/ /chu bor 'jug dang gos dkar gyon/ /'khru dang skyugs dang khrag 'dzag sogs//rmis ltas mtshan ma mthong ba yi/ /sdig pa thams cad byang bar byed/ /bum pa dkar po mtshan nyid bzang / /dkar po'i ras kyis mgul ba dkris/ /dge ba'i shing gis kha brgyan par/ /rgyun 'bab chu dang dkar po'i dris/ /bkang bar rang gi lha bskyed la/ / ye shes gzhug dang mchod bstod bya/ /sngags mthar sdug bsngal shAn+tiM sbyar/ /dkar 'od spro dang bsdu ba'i mthar/ /lha gzhug bdud rtsi chus bkrus pas/ /sdug bsngal thams cad med par byed/ /ser ba'i sa las byas pa'i thab/ /me tog 'bras bu bzang 'byung zhing / /me dbus lha bskyed ye shes bcug /mchod dang bstod pas mnyes byas la/ /sngags mthar puSh+TiM ku ru sbyar/ /'bras bu bzang dang me tog ser/ /mngar ba'i rdzas rnams bsregs pa yis/ /dpal ni rnam par 'phel bar byed/ /rin chen bum pa dri zhim chu/ /gtsang ma'i ras kyis mgul pa dkris//bzang po'i shing gis kha brgyan pa/ /lha bskyed ye shes gnyis med la/ /mchod dang bstod pas mnyes byas te/ /in+d+ra bi sho d+ha na ya/ /sngags mthar sbyar ba bzlas pa'i chus/ /legs bkrus dbang po rnam par sbyor/ /rgyas pa'i thab tu dri bzang shing / /me dbus rang lhag lha bskyed de//ye shes gnyis med mchod dang bstod/ /sngags mthar A yu d+hA ra sbyar/ /dUr ba me tog ser bsregs pas/ /tshe zad pa dang tshe nyams skyob/ /sngar bstan thab tu bzang po'i shing / /me dbus lha bskyed ye shes bstims/ /mchod dang bstod pas legs mnyes byas/ / sngags mthar rgyas pa'i spel tshig dang / /'bru ser me tog ser bsregs pas/ /phun sum tshogs pa 'phel bar byed/ /bum bzang gtsang ma'i chus bkang ste/ /'bru sman rin chen snying po dri/ /ma nyams ras kyis mgul dkris shing / /bzang po'i shing gis kha brgyan par/ /lha bskyed ye shes gzhug mchod bstod//sho d+ha ya bi sho d+ha ya/ mthar sbyar sngags bzlas legs bkrus pas/ /lha rnams mdun gyi nye bar gnas/ /dmar ba'i sa la dbang byed thab/ /me tog dmar 'byung zhing brtsigs pa'i/ /me dbus lha bskyed ye shes bcug /mchod bstod wa shaM mA na ya//sngags kyi mthar sbyar me tog dmar/ /bsregs pas mdza' sdug dbang du byed/ /tshe ra'i tshil bu gu gul dang / /yungs kar ce spyad glad par sbyar/ /brgya rtsa brgyad du mngon bsngags pa/ /dur khrod sol ba'i me la bsregs/ /bdugs pas bran bza' sogs lus bdugs//gdon gyis gtses las thar bar byed/ /pad+ma'i rtsa ba tsan+dan dmar/ /mngon par bsngags pa'i me sbar te/ /rig sngags brgya rtsa brgyad bzlas pa'i/ /dUr bas rang gi mig bskus na/ /phan tshun mi mthun gnas pa yang / /bltas pa tsam gyis mdza' bor 'gyur/ /rgyas pa'i thab tu shing brtsigs nas//me dbus lha bskyed ye shes bstim/ /mchod dang bstod pas legs mnyes bya/ /puSh+TiM ku ru mthar sbyar ba'i/ /sngags bcas 'bru rnams bsregs pa yis/ /nor 'phel nor 'grib 'joms par byed/ /bzang po'i dum par gtsang ma'i chu/ /'bru sman rin chen dri bzang ldan//mngon par bsngags pas legs bkrus pas/ /mya ngan dal dang gnod pa 'joms/ /bla gos mtha' la brgya rtsa brgyad/ /mngon bsngags mdud pa bdun por nas/ /lam du zhugs na mi bzad pa'i/ /'jigs dang nyam nga las sgrol byed/ /tho rangs lha yi bsam gtan ldan/ / sngags kyis mngon par bsngags pa yi/ /chu dang thal ba yungs kar gyis/ /phyogs mtshams bcings pas phongs pa 'joms/ /rig sngags kyis bsngags rdza na'i/ /bdugs pas gza' las thar ba dang / /gu gul bdug pas lus bdugs pas/ /rgyu skar gnod pa 'joms par byed//kha dog lnga yi skud pa la/ /rig sngags stong phrag bdun bzlas nas/ /gang gi mgul lam dpung pa las/ /bcings pas byang stems las grol byed/ /mi bzad gdon gyis nyen pa la/ /sngags kyi chu yis lus bkrus nas/ /gu gul yungs nag yi dags skra/ /khwa yi gshog pa rma bya'i sha /ce sbyang rtug pa sngags bcas pa'i/ /bdugs pas nges par thar bar byed/ /rmi lam sdig pa'i mtshan ma mthong / /gtsang ma'i gos gyon dris bdugs te/ /shar du mngon par phyogs pa yis/ /rig sngags brgya rtsa brgyad bzlas pa'i/ /chu yis khrus byas dge ba dang /