CLOSE WINDOW

D2916
བོད་ཡིག

/bgegs 'dul khro rgyal gtso la phyag 'tshal lo/ /dpal rdo rje rnam par 'joms pa la bstod pa slob dpon bram ze ma Ni badzras mdzad pa rdzogs so// //paN+Ti ta badzra shrI dang lo tsA ba rab zhi bshes gnyen gyis bsgyur ba'o//[ ]@##/ /rgya gar skad du/badzra bi dA ra Na ka la sha bi d+hiH/ bod skad du/ rdo rje rnam par 'joms pa'i bum pa'i cho ga /rdo rje rnam par 'joms pa la phyag 'tshal lo/ /yid du 'ong ba'i sa yi char/ /kun du spyod pa gtsang ldan pas/ /gser ram dngul lam khams gzhan gyis/ /bum pa mtshan nyid bzang ldan pa/ / legs bkrus dkar po'i rdzas kyis byugs/ /dris bdug ras kyis mgul pa dkris/ /me tog srad bus mdzes byas par/ /rin chen rma med tsan+dan dri/ /rgyun 'bab chu yis legs bkang ba/ /bzang po'i shing gis kha brgyan te/ /sa dang lci bar bsres pa yi/ /dkyil 'khor 'dab brgyad pad dbus su//dUr ba'i stan la yang dag gzhag /dri zhim chu yis bkang ba'i snod/ /rdo rje me tog phreng bar ldan/ /rang lha'i bsam gtan la gzhol bas/ /stong pa'i sngags kyis rnam sbyangs te/ /b+hUM las rin chen gzhal yas khang / /baM byung 'o ma'i rgya mtshor ldan/ /paM pad a las zla dkyil 'khor//der gnas hUM yig spro bsdu las/ /khro bo khro mo'i 'khor lo bskyed/ /ye shes spyan drangs mchod pa dang / /bstod dang gnyis su med par bya/ /dbang bskur slar yang mchod bstod nas/ /rang snying sngags kyi phreng bkod de/ /bzlas dang bum par spro bya bar/ /lan grangs nyi shu rtsa gcig gam//yang na brgya rtsa brgyad la sogs/ /ji srid mngon par 'dod pa'i mthar/ /mchod bstod 'dod don gsol ba dang / /lha rnams ye shes bdud rtsi yis/ /rab bkrus gtsang mar gyur pa dang / /nad med bgegs rnams 'joms pa dang / /dpal du byed cing bkra shis dang / /phun sum tshogs min 'joms par byed/