CLOSE WINDOW

D2913
བོད་ཡིག

/kun gyis bla med mchog thob shog /rdo rje rnam par 'joms pa'i dkyil 'khor gyi cho ga bram ze dzA ya warmas mdzad pa rdzogs so//[ ]@##/ /rgya gar skad du/ badzra bi dA ra Na sA d+ha naM nA ma/ bod skad du/ rdo rje rnam par 'joms pa zhes bya ba'i sgrub thabs/dpal rdo rje rnam par 'joms pa la phyag 'tshal lo/ /chos dbyings ye shes rang bzhin gyis/ /'gro ba'i gdug pa kun 'dul ba'i/ /rdo rje can la phyag 'tshal te/ /de yi sgrub thabs bri bar bya/ /dkon mchog gsum la skyabs song zhing / /byang chub sems dang rab ldan pas/ /dkyil 'khor zhugs shing dbang blangs te//rjes su gnang ba thob pa dang / /ri bo bzang zhing 'jug ngogs sogs/ /rnam par dben zhing nyams dga' bar/ /kun nas gtsang ba'i kun spyod kyis/ /bde ba'i stan la 'dug pa dang / /rang snying pad zlar gnas pa yi/ /hUM yig mthing shun mdog lta bu/ /'od zer phreng ba 'khrigs pa yis//phyogs rnams kun du khyab pa dang / /rdo rje khro bo 'jigs chen po/ /sangs rgyas byang chub sems dpar bcas/ /nam mkha' gang bar gsal dmigs te/ /phyag 'tshal la sogs bcu gcig bya/ /de rjes phung po la sogs pa'i/ /chos kun rnam par dben pa yi//stong pa'i rang bzhin la gnas pas/ /gsang sngags brjod de brtan par bya/ /nam mkhar gnas pa'i paM yig dang / /a las pad+ma zla bar gnas/ /hUM yig 'od zer phreng 'phros pas/ /ra ba sa gzhi bla re gur/ /dra ba me yis yongs su bskor/ /de nas hUM las spros bsdus pas/ / khro bo rdo rje rtse lnga pa/ /de yongs gyur las rang lha'i gzugs/ /zhal gcig phyag gnyis char sprin mdog /g.yas dang g.yon gyi phyag gnyis kyis/ /rab 'bar rdo rje rtse lnga dang / /dril bu bsgyings bcas sdigs mdzub bcas/ /rdo rje phreng ba rin chen sprul/ /stag gi pags pas rnam brgyan pa//g.yon brkyang pa yi gom pas bzhugs/ /kun nas 'od kyi tshogs 'phros pas/ /gdug pa ma lus sreg par bsgom/ /lus ngag yid kyi gnas gsum du/ /pad+ma nyi ma zla ba la/ /rdo rje rtse gsum rang yig gsum/ /dkar dang dmar dang nag por bsgom/ /hUM yig las 'phros 'od zer gyis//mdun du ye shes spyan drangs te/ /mchod dang bstod pa sngon song bas/ /dbang bskur de nas bzlas pa brtsam/ /oM na maHtsaN+Da badzra kro d+ha ya/ hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/ dam tshig ye shes snying gar gnas/ / spro dang bsdu ba'i bsam gtan can/ /khro bo'i skad gsang mthon po yis/ /sngags mchog yang dag bzlas par bya/ /bzlas pa'i mthar ni mchod pa dang / /bstod dang yi ge brgya pa gdon/ /mdun du ye shes gshegs gsol la/ /khro bo'i ngar 'dzin brtan pos gnas/ /bla ma'i man ngag ji bzhin du//sgrub thabs yang dag bkod pa las/ /dge ba thob pa gang yin des/ /'gro kun sangs rgyas thob par shog /rdo rje rnam par 'joms pa zhes bya ba'i sgrub thabs dpal gaM gA d+ha ras mdzad pa rdzogs so// //paN+Ti ta chen po dz+nyA na shrI dang / lo tsA ba cog gru rab zhis bsgyur pa'o/