CLOSE WINDOW

D2912
བོད་ཡིག

'phags pa rdo rje rnam par 'joms pa'i sgrub thabs mdor bsdus pa slob dpon tsan+d+ra go mis mdzad pa rdzogs so//[ ]@##/ /rgya gar skad du/ badzra bi dA ra Na maN+Dal bi d+hiH/ bod skad du/ rdo rje rnam par 'joms pa'i dkyil 'khor gyi cho ga / dpal rdo rje rnam par 'joms pa la phyag 'tshal lo/ /gdug pa 'dul mdzad khro bo che/ /rdo rje can la phyag 'tshal lo/ /gang gis legs par smin byed pa'i/ /'khor lo'i cho ga bshad par bya/ /slob dpon mtshan nyid bzang ldan pas/ /legs par brtags pa'i slob ma la/ / tshul bzhin bsnyen pa sngon song nas/ /ri bo bzang sogs shis pa'i sar/ /bslang dang sbyang dang gzung ba dang / /bsrung ba'i cho ga legs byas pas/ /thog mar bum pa'i bya ba las/ /gser ram dngul lam yang na zangs/ /kham las gnyis lnga nyi shu lnga/ /dkar po'i rdzas kyis legs byugs la//rang lha'i mtshan ma ldan par bya/ /ma nyams ras kyis mgul dkris pa/ /dri zhim chu yis bkang ba dang / /'bru sman rin chen lngar ldan pa/ /bzang po'i shing gis kha brgyan nas/ /ku sha'i stan la yang dag gzhag /lha yi 'khor lo bsgom pa dang / / bzlas mthar mchod zhu bdud rtsir bya/ /slob ma gsum la skyabs 'gro dang / /byang chub tu ni sems bskyed pas/ /sgo gsum mi dge las bzlog cing / /kun du spyod pa gtsang ldan pas/ /rang lha'i rnal 'byor brtson byed pa'i/ /dam tshig rjes su 'dzin pa la/ /gnas gsum yi ge gsum gyur pa'i//mtshan ma gsum gyis byin brlabs te/ /rdo rje dang bcas dris reg dang / /mchod pa lnga yis legs mchod bya/ /dkyil 'khor byi dor legs byas par/ /dri dang me tog tshom bur bcas/ /bskyed dang gnyis med mchod pa la/ /bstod de nam mkhar gshegs gsol bya/ / dri dang ba yi lci ba yis/ /legs par byugs pa'i stegs bu la/ /gtsang ma'i ras kyi srad bu dang / /man ngag rig pas thig btab ste/ /der ni kha dog lnga ldan pa'i/ /tshon gyis khro bo'i 'khor lo bri/ /gru bzhi kun nas sgo bzhi pa/ /twa ra na bzhis rnam par brgyan/ /phyi rol rdo rje'i phreng ba dang / / 'bar ba'i phreng bas yongs su bskor/ /nang dbus rdo rje kha bzhi pa/ /'bar la rtsibs bcu'i 'khor lor ldan/ /der ni rang lha mtshan ma rnams/ /ji ltar mthong ba'i rjes 'brang bri/ /der yang bum pa dgod pa dang / /bla re me tog phreng mdzes pas/ /sna tshogs mchod pa'i bkod par ldan/ /dri zhim bum pa gtor ma bcas//slob dpon kun spyod gtsang ldan pas/ /gtsang ma chu yis khrus byas te/ /sar pa'i gos dang rab ldan pas/ /bde ba'i stan la legs 'dug ste/ /mdun gnas 'khor lo gtod pa yis/ /rnam sbyang dam tshig bskyed pa dang / /ye shes gnyis med byin rlabs dang / /dbang bskur mchod dang bstod bzlas bya//dri zhim chu yis legs bkrus te/ /bzang po'i dri yis legs byugs shing / /sar ba'i gos dang rgyan ldan pa'i/ /slob ma dkyil 'khor nang bcug ste/ /ku sha'i stan la legs bzhag nas/ /thog mar bum pa'i chus dbang bskur/ /rdo rjes dri yi thig le dang / / mngon par bsngags pa'i me tog phreng / /bkra shis tshigs bcad mgo la sbyin/ /bsgom dang bzlas dang gtad pa dang / /sbyin bya bsgrub bya sku dang gsung / /thugs dang yon tan phrin las la/ /'khrul 'khor sbyin sreg phur bu dang / /mnan pa'i las la dbang bar bya/ /de nas mchod dang gtor ma dang //gshegs dang dkyil 'khor bsdu ba'o/ /tshul 'dis smin byas slob ma ni/ /las dang dngos grub kun dbang phyug /gzhan la phan byed bdag nyid che/ /lha rigs sngags rnams kun nong 'gyur/ /rdo rje khro bo'i dkyil 'khor du/ /slob ma yongs su smin byed pa'i/ /cho ga legs bkod bsod nams des/