CLOSE WINDOW

D2910
བོད་ཡིག

/las kyi mtha' bco brgyad pa'i man ngag slob dpon rdo rje go chas mdzad pa rdzogs so//[ ]@##/ /rgya gar skad du/ badzra bi dA ra Na nA ma d+hA ra NI bi byeH/ /bod skad du/ rdo rje rnam par 'joms pa zhes bya ba'i gzungs kyi cho ga /rdo rje rnam par 'joms pa la phyag 'tshal lo//zhi yang gdug 'dul khro mchog sku 'dud de yi cho ga bshad/ rang skad cig gis lha'i nga rgyal dang ldan pa'i thugs kar zla ba'i dkyil 'khor gyi steng du gzungs kyi sngags bsams la de'i 'od kyis sangs rgyas dang byang chub sems dpa' dang / bcom ldan 'das phyag na rdo rje dang bcas pa spyan drangs la/mchod pa dang / sdig pa bshags pa dang / bsod nams la rjes su yi rang ba dang / dkon mchog gsum la skyabs su gsol ba dang / byang chub tu sems bskyed pa dang / lam la gnas pa dang / lus dbul ba dang / dge ba'i rtsa ba bsngo ba byas la/oM shu n+ya tA dz+nyA na badzra swa b+hA ba At+ma kou0f85haM zhes pas chos thams cad stong pa nyid du lhag par mos par bya'o/ /de'i rjes la gzungs kyi yi ge sgra tsam la dmigs pa dang / de yongs su gyur pa las/ gzungs kyi yig 'bru rnam par bsam pa dang / de yongs su gyur pa las zla ba'i dkyil ' khor chen po gzungs kyi yi ge rnams gzungs kyi tshul du nang na gnas par bsams la/de las phyag na rdo rje'i sku dpag tu med pa 'phros pas sems can thams cad kyi sdig pa dang sdug bsngal sbyangs te/ bla na med pa'i byang chub la bkod de/ slar 'dus nas zla ba la thim/ de yongs su gyur pa las bcom ldan 'das phyag na rdo rje'i thugs kyi sprul pa rdo rje rnam par 'joms pa sku mdog ljang gu phyag g.yas na sna tshogs rdo rje ngos gcig med pa bsnams pa g.yon pa dril bu dkur brten pa/rgyan thams cad kyis brgyan pa/ sems dpa'i skyil mo krung du bzhugs pa/ de'i thugs ka'i zla ba'i dkyil 'khor gyi steng du gzungs kyi yi ge rnams bsam mo//de'i sngags kyi 'od kyis mdun du ye shes sems dpa' rang dang 'dra ba lcang lo can gyi pho brang nas spyan drangs nas/ me tog la sogs pas mchod nas bstod de/ de gnyis kyi zla ba'i dkyil 'khor gyi steng gi sngags las 'od 'phros pas sngags kyi yi ge rab 'od bskal pa'i me 'dra bar bsam/ye shes sems dpa'i sku dang de'i thugs ka'i zla ba dang / de'i steng gi gzungs kyi yi ge la dmigs te gzungs gdon no/ /yang dam tshig sems dpa'i gsung la dmigs te gzungs gdon no/ / de bzhin du rim gyis thun bzhi ru gzungs 'bum bzlas pa ni sngon du bsnyen pa'o/ /de nas nad pa la sogs pa'i don du sa phyogs gtsang ma ru ba'i rnam pa lngas byugs te/ me tog gi sil ma dgram par bya'o/ /phyogs skyong bcu dang bcas pa'i dkyil 'khor bri ba'am/ maN+Dal gang yang rung ba byas la/rin po che'am sa las byas pa'i bum pa rtsa ba mi gnag pa nag po ra ri med par rin po che sna lnga dang / 'bru lnga dang / sman lnga dang / snying po lnga dang / spos dri zhim po blugs te/ ldum bus kha brgyan la mgrin par ras kyis dkri'o/ /hUM las rin po che'i bum par bskyed de baM las bdud rtsi'i rgya mtsho/paM las pad+ma de'i steng du gong bzhin du bcom ldan 'das bskyed la/ ye shes sems dpa' spyan drangs te mchod bstod byas la gtor ma btang ste/ gong bzhin bzlas par bya'o/ /de nas nad pa sdom pa 'dzin du bcug la/ bum pa'i chus khrus byas na nad pa nad las thar bar 'gyur ro/