བོད་ཡིག |
253b2 @##/ /rgya gar skad du/ ma hA shU n+ya tA nA ma ma hA sU traM/ bod skad du/ mdo chen po stong pa nyid chen po zhes bya ba/ dkon mchog gsum la phyag 'tshal lo/ /'di skad bdag gis
253b3 thos pa dus gcig na/bcom ldan 'das ser skya'i gnas na shing n+ya gro d+ha'i kun dga' ra ba na bzhugs so/ /de nas bcom ldan 'das snga dro sham thabs dang chos gos gsol te/ lhung bzed bsnams nas bsod snyoms kyi phyir ser skya'i gnas su zhugs so/ /ser skya'i gnas
253b4 nas bsod snyoms bzhes te/zhal zas kyi bya ba mdzad cing / zas phyis len pa'i zhal zas spangs nas/ lhung bzed dang chos gos bzhag ste/ zhabs bsil nas shAkya dus bde'i gtsug lag khang ga la ba der gshegs so/ /de'i tshe na dge slong rab tu mang po dag gis
253b5 shAkya dus bde'i gtsug lag khang du bla gab med par stan rab tu mang po dag bting ste dong ngo //de nas bcom ldan 'das gtsug lag khang gi phyi rol du zhabs bsil nas nang du yang dag 'jog gi slad du gtsug lag khang du bzhugs so/ /de nas bcom ldan 'das phyem red nang du yang dag
253b6 'jog las bzhengs nas shAkya ltag pa ri'i gtsug lag khang ga la ba der gshegs so//de'i tshe na tshe dang ldan pa kun dga' bo dge slong rab tu mang po dag dang lhan cig tu shAkya ltag pa'i ri'i gtsug lag khang du 'di lta ste/ chos gos kyi las la 'dus te 'dug par gyur to/ /tshe dang ldan pa
253b7 kun dga' bos rgyang ring po nas bcom ldan 'das mthong ngo //mthong nas kyang stan las langs te bcom ldan 'das kyi gdan bshams nas 'di skad ces kyang gsol to/ /bcom ldan 'das tshur gshegs su gsol/ bcom ldan 'das legs par gshegs lags so/ /bcom ldan
254a1 'das gdan bshams pa 'di la bzhugs su gsol/bcom ldan 'das gdan la bzhugs nas tshe dang ldan pa kun dga' bo la bka' stsal pa/ kun dga' bo dge slong rab tu mang po dag gis shAkya dus bde'i gtsug lag khang du bla gab med par stan rab tu mang
254a2 po dag bting ste dong ngo //gsol pa/ bcom ldan 'das chos gos stsal ba'i dus lags so/ /bde bar gshegs pa chos gos stsal ba'i dus lags so/ /bka' stsal pa/ kun dga' bo dge slong bre mo gtam la dga' ba dang / bre mo gtam la kun du dga' ba dang / bre mo
254a3 gtam la kun du dga' ba nyid la brtson pa'i rjes su sbyor ba dang /tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas pa ni mi mdzes te/ kun dga' bo dge slong bre mo gtam la dga' ba dang / bre mo
254a4 gtam la kun du dga' ba dang /bre mo gtam la kun du dga' ba nyid la brtson pa'i rjes su sbyor ba dang / tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas shing / tshogs las gcig pu logs
254a5 shig na mi gnas pa des ni re zhig 'phags pa'i bde ba dang /nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba dang / de lta bu'i bde ba gang yin pa de dag ci 'dod pa bzhin 'thob pa dang / dka' ba med
254a6 par 'thob par 'gyur ba de ni gnas med do//kun dga' bo dge slong bre mo gtam la mi dga' ba dang / bre mo gtam la kun du mi dga' ba dang / bre mo gtam la kun du dga' ba nyid la brtson pa'i rjes su mi sbyor ba dang / tshogs la mi dga' ba dang / tshogs la kun du mi dga' ba
254a7 dang /tshogs la kun du dga' ba nyid la brtson pa'i rjes su mi sbyor ba la gnas shing / tshogs las gcig pu logs shig na gnas pa des ni re zhig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs
254b1 par byang chub pa'i bde ba dang /de lta bu'i bde ba gang yin pa de dag ci 'dod pa bzhin 'thob pa dang / dka' ba med par 'thob par 'gyur ba de ni gnas yod do/ /kun dga' bo dge slong bre mo gtam la dga' ba dang / bre mo gtam la kun du dga' ba dang / bre mo gtam la kun du
254b2 dga' ba nyid la brtson pa'i rjes su sbyor ba dang /tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas shing / tshogs las gcig pu logs shig na mi gnas pa des ni re zhig dus dang sbyor zhing srung ba'i
254b3 sems rnam par grol ba'am/dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni gnas med do/ /kun dga' bo dge slong bre mo gtam la mi dga' ba dang / bre mo gtam la kun du mi dga' ba dang / bre mo gtam la kun du dga'
254b4 ba nyid la brtson pa'i rjes su mi sbyor ba dang /tshogs la mi dga' ba dang / tshogs la kun du mi dga' ba dang / tshogs la kun du dga' ba nyid la brtson pa'i rjes su mi sbyor ba la gnas shing / tshogs las gcig pu logs shig na gnas pa des ni re zhig dus dang sbyor zhing bsrung
254b5 ba'i sems rnam par grol ba'am/dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni gnas yod do/ /kun dga' bo ngas gang la kun du dga' ba dang / mngon par dga' ba'i gzugs de'i rnam par 'gyur ba dang gzhan du 'gyur
254b6 ba las mya ngan dang /smre sngags 'don pa dang / sdug bsngal ba dang / yid mi bde ba dang / 'khrug pa dag 'byung bar mi 'gyur ba'i gzugs ni gcig kyang yang dag par rjes su ma mthong ngo / /kun dga' bo de lta bas na nga'i gnas pa ni 'di lta ste/ rnam pa thams cad du gzugs
254b7 kyi 'du shes las yang dag par 'das nas phyi stong pa nyid skus mngon sum du mdzad nas bsgrubs te bzhugs pa 'di yang rjes su rtogs shing rab tu rtogs so//nga gnas pa 'dis gnas pa na mchog tu dga' ba skyes te/ nga mchog tu dga' ba des lus kyi thams cad yang dag par myong
255a1 zhing dran pa dang shes bzhin gyis lan mang du gnas so//nga gnas pa 'dis gnas pa na dga' ba dang / shin tu sbyangs pa dang / bde ba dang / ting nge 'dzin skyes te/ nga ting nge 'dzin des lus kyi thams cad yang dag par myong zhing dran pa dang shes bzhin gyis
255a2 lan mang du gnas so//nga gnas pa 'dis gnas pa na dge slong dang / dge slong ma dang / dge bsnyen dang / dge bsnyen ma dag nye bar lhags par gyur nas/ nga de la gzhol ba dang / de la 'bab pa dang / de la bab pa'i sems kyis de dag la 'di lta ste/ brtson 'grus su rung
255a3 bar bya ba'i phyir phan tshun kun dga' bar gtam 'dre bar smra/phebs par smra zhing chos kyi gtam yang zer ro/ /kun dga' bo de lta bas na dge slong yang kye ma bdag phyi stong pa nyid lus kyis mngon sum du byas nas bsgrubs te gnas par bya'o zhes 'dod par gyur na/ kun dga' bo dge
255a4 slong des sems nang kho nar gzhag par bya/yang dag par gzhag par bya/ bsdus te gzhag par bya/ nye bar gzhag par bya/ dul bar bya/ zhi bar bya/ nye bar zhi bar bya/ rgyud gcig tu bya zhing ting nge 'dzin du bya'o/ /kun dga' bo dge slong gang 'di skad ces/ bdag gis
255a5 sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te
255a6 gnas par bya'o zhes zer na/kun dga' bo de ni rnam par 'khrul pa yin par rig par bya'o/ /de ci'i phyir zhe na/ kun dga' bo de ni gnas ma yin zhing skabs ma yin te/ gang sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /
255a7 dul bar ma byas/ zhi bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te gnas par 'gyur ba de ni gnas med pa'i phyir ro/ /kun dga' bo dge slong gang 'di skad ces/ bdag gis
255b1 sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par bya'o zhes zer na/ kun
255b2 dga' bo de'i tshig ni legs pa yin no//de ci'i phyir zhe na/ kun dga' bo de ni gnas yin zhing skabs yin te/ gang sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas
255b3 shing /ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par 'gyur ba de ni gnas yod pa'i phyir ro/ /kun dga' bo ji ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar
255b4 'jog par byed/dul bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed ce na/ 'di la dge slong dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing /
255b5 yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas khyab par ma gyur pa dang / khyab par ma byas pa kyang med do/ /'di lta ste/ dper na khrus mkhan nam/ khrus mkhan gyi slob ma mkhas pa zhig gis/ khrus chal
255b6 zhib mo dag khar phor ram/gzhong bu'am/ nya phyis su blugs te/ chus btab cing mnyes na/ de khrus chal gyi ril bu rlan pa rlan dang ldan pa/ rlan gyis kun du gang ba/ phyi nang bcas par rlan gyis khyab par 'gyur zhing / phyir yang mi 'jig la zag par yang mi 'gyur ro/ /
255b7 de bzhin du dge slong yang dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing / yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde
256a1 bas khyab par ma gyur pa dang /khyab par ma byas pa kyang med do/ /kun dga' bo de ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dul bar byed/ zhi bar byed/
256a2 nye bar zhi bar byed/ rgyud gcig tu byed cing / ting nge 'dzin du byed pa yin te/ kun dga' bo dge slong des ni sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing / ting
256a3 nge 'dzin du byas te/phyi stong pa nyid yid la bya'o/ /kun dga' bo dge slong de phyi stong pa nyid yid la byed pas sems rnam par g.yo bar 'gyur zhing / 'di lta ste/ phyi stong pa nyid la de'i sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun
256a4 dga' bo gal te dge slong de de ltar so sor rtog pa'i tshe bdag phyi stong pa nyid yid la byed pa na sems rnam par g.yo bar 'gyur zhing /'di lta ste/ phyi stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun
256a5 dga' bo dge slong des nang stong pa nyid yid la bya'o//kun dga' bo dge slong de nang stong pa nyid yid la byed pa na yang sems rnam par g.yo bar 'gyur zhing / 'di lta ste/ nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur
256a6 la/kun dga' bo gal te dge slong de de ltar so sor rtog pa'i tshe bdag nang stong pa nyid yid la byed pa na yang sems rnam par g.yo bar 'gyur zhing / 'di lta ste/ nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes
256a7 par gyur na/kun dga' bo dge slong des phyi nang stong pa nyid yid la bya'o/ /kun dga' bo dge slong de phyi nang stong pa nyid yid la byed pa na yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par ma 'gyur/
256b1 mos par mi 'gyur la/ kun dga' bo gal te dge slong de de ltar so sor rtog pa'i tshe bdag phyi nang stong pa nyid yid la byed pa na yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos
256b2 par mi 'gyur bar shes par gyur na/kun dga' bo dge slong des mi g.yo ba yid la bya'o/ /kun dga' bo dge slong de mi g.yo ba yid la byed pa na yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas
256b3 par mi 'gyur/mos par mi 'gyur la/ kun dga' bo gal te dge slong de de ltar so sor rtog pa'i tshe bdag mi g.yo ba yid la byed pa na yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas par mi
256b4 'gyur/mos par mi 'gyur bar shes par gyur na/ kun dga' bo dge slong des sems de ting nge 'dzin de dang de dag la gzhol bar bya/ dul bar bya/ zhi bar bya/ las su bya/ bsro bar bya/ yang dag par bsro bar bya/ yongs su bsro bar bya/ drang por bya zhing las su
256b5 rung ba dang /gnas pa dang / bcos su rung ba dang / btub par bya'o/ /kun dga' bo dge slong des sems de ting nge 'dzin de dang de dag la gzhol bar byas/ dul bar byas/ zhi bar byas/ las su byas/ bsro bar byas/ yang dag par bsro bar byas/ yongs su bsro bar
256b6 byas/drang por byas shing / las su rung ba dang / gnas pa dang / bcos su rung ba dang / btub par byas te/ phyi stong pa nyid yid la bya'o/ /kun dga' bo dge slong de phyi stong pa nyid yid la byed pa na sems rnam par g.yo bar mi 'gyur zhing 'di lta ste/ phyi stong pa nyid la sems
256b7 'jug pa dang /dang ba dang / gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag phyi stong pa nyid yid la byed pa na sems rnam par g.yo bar mi 'gyur zhing / 'di lta ste/ phyi stong pa nyid la sems 'jug pa dang / dang ba dang / gnas pa dang /
257a1 mos par gyur par shes na/ kun dga' bo dge slong des nang stong pa nyid yid la bya'o/ /kun dga' bo dge slong de nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ nang stong pa nyid la sems 'jug pa dang / dang ba dang /
257a2 gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag nang stong pa nyid yid la byed pa na yang sems rnam par g.yo bar mi 'gyur na/ 'di lta ste/ nang stong pa nyid la sems 'jug pa dang / dang ba dang / gnas pa dang / mos par
257a3 gyur par shes na/kun dga' bo dge slong des phyi nang stong pa nyid yid la bya'o/ /kun dga' bo dge slong de phyi nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang / gnas pa dang /
257a4 mos par gyur la/ kun dga' bo gal te dge slong de de ltar so sor rtog pa'i tshe bdag phyi nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang / gnas pa dang / mos par gyur par shes
257a5 na/kun dga' bo dge slong des mi g.yo ba yid la bya'o/ /kun dga' bo dge slong de mi g.yo ba yid la byed pa na yang sems rnam par g.yo bar mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang / mos par gyur la/ kun dga' bo gal
257a6 te dge slong de de ltar so sor rtog pa'i tshe bdag mi g.yo ba yid la byed pa na yang sems rnam par g.yo bar mi 'gyur zhing /'di lta ste/ mi g.yo ba la sems 'jug pa dang / dang ba dang / gnas pa dang / mos par gyur par shes na/ de de la dran pa dang shes bzhin can
257a7 du 'gyur ro//kun dga' bo dge slong de gnas pa 'dis gnas pa na/ gal te 'chag pa la sems 'jug par gyur na/ kun dga' bo dge slong des gtsug lag khang gi phyi rol bla gab med pa'i 'chag sar dbang po rnams nang du bsdus shing yid phyi rol du ma song bar snga phyi'i
257b1 'du shes kyis bcag par bya'o//de de ltar 'chag pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo dge slong de gnas pa 'dis gnas
257b2 pa na/gal te 'dug pa la sems 'jug par gyur na/ kun dga' bo dge slong des gtsug lag khang gi phyi rol du rkang pa bkrus te gtsug lag khang gi nang du zhugs la skyil mo krung bcas te lus drang por bsrang la dran pa mngon du bzhag ste 'dug par bya'o/ /de de ltar 'dug pa na 'jig
257b3 rten la brnab sems dang /yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo dge slong de gnas pa 'dis gnas pa na/ gal te rnam par rtog pa dag la sems 'jug par
257b4 gyur na/kun dga' bo dge slong des mi dge ba/ sdug bsngal ba/ 'phags pa ma yin pa/ gnod pa dang ldan pa'i rnam par rtog pa 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / de lta bu'i rnam par
257b5 rtog pa gang dag yin pa de dag mngon par spangs la/dge ba bde ba 'phags pa gnod pa med pa dang ldan pa'i rnam par rtog pa 'di lta ste/ nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa dang / de lta bu'i rnam
257b6 par rtog pa gang dag yin pa de dag la rnam par brtag par bya'o//de de ltar rnam par rtog pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo
257b7 dge slong de gnas pa 'dis gnas pa na/gal te gtam la sems 'jug par gyur na/ kun dga' bo dge slong des mi dge ba 'phags pa ma yin pa gnod pa dang ldan pa'i gtam 'di lta ste/ rgyal po'i gtam dang / rkun po'i gtam dang / 'thab mo'i gtam dang / zas kyi gtam
258a1 dang /skom gyi gtam dang / gos kyi gtam dang / lam srang gi gtam dang / smad 'tshong ma'i gtam dang / 'jig rten gyi gtam rgyud kyi gtam dang / lam ngan pa'i gtam rgyud kyi gtam dang / rgya mtsho'i gtam rgyud kyi gtam dang / yul gyi mi dang / sna chen
258a2 po la gtogs pa'i gtam rgyud kyi gtam dang /de lta bu'i gtam gang dag yin pa de dag mngon par spangs la/ 'phags pa'i yo byad bsnyungs pa sems kyi sgrib pa med pa dang 'thun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi gtam dang / shes
258a3 rab kyi gtam dang /rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi sogs pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong
258a4 ba'i gtam dang /'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di nyid kyi rten cing 'brel par 'byung ba'i gtam dang / de lta bu'i gtam gang dag yin pa de dag gi gtam bya'o/ /de de ltar gtam zer ba na 'jig rten
258a5 la brnab sems dang /yid mi bde ba dang / sdig pa mi dge ba'i chos rnams sems kyi rjes su mi 'brang zhing de de ltar dran pa dang shes bzhin can du 'gyur ro/ /kun dga' bo 'phags pa nyan thos kyis ma la bdag gis sems 'dod pa'i yon tan lnga po 'di dag las 'dod pa'i yon
258a6 tan gang yang rung ba la brten nas kun du 'byung ba yod dam/'on te bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung ba med ces yang dang yang du 'dod pa'i yon tan lnga po 'di dag la rang gi sems so sor brtag par
258a7 bya ste/kun dga' bo nga ni 'dod pa'i yon tan lnga po dag las gzhan pa la sems kun du 'byung bar mi smra'o/ /kun dga' bo gal te dge slong de de ltar so sor rtog pa'i tshe bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun
258b1 du 'byung ba yod par shes par gyur na/kun dga' bo dge slong des 'dod pa'i yon tan de dang de dag la mi rtag par rjes su blta zhing gnas par bya/ zad par rjes su blta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung
258b2 bar rjes su blta zhing gnas par bya'o//kun dga' bo dge slong de 'dod pa'i yon tan de dang de dag la mi rtag par rjes su lta zhing gnas pa dang / zad par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / nges par 'byung bar rjes su lta
258b3 zhing gnas pa na/de'i sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung bar 'gyur ba gang yin pa de kun du 'byung bar mi 'gyur ro/ /kun dga' bo gal te dge slong de de ltar so sor rtog pa'i tshe bdag gi sems 'dod pa'i yon tan lnga
258b4 po 'di dag las 'dod pa'i yon tan gang yang rung ba la brten nas kun du 'byung bar gyur pa gang yin pa de spang bar shes par gyur na/de de la dran pa dang shes bzhin can du 'gyur ro/ /kun dga' bo 'phags pa nyan thos kyis ma la bdag gis nye bar len pa'i phung po 'di dag la nga'o snyam pa'i nga rgyal
258b5 dang /nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod dam/ 'on te bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs
258b6 su ma shes la ma bkag ma bsal ba med ces/de dang yang du nye bar len pa'i phung po lnga po 'di dag la rang gi sems so sor brtag par bya'o/ /kun dga' bo gal te dge slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i
258b7 'dun pa dang /nga'o snyam pa'i bag la nyal ma spangs shing yongs su ma shes la ma bkag ma bsal ba yod par shes par gyur na/ kun dga' bo dge slong des nye bar len pa'i phung po lnga po 'di dag la yang dang yang du 'di lta ste/ 'di ni gzugs so/ /'di ni gzugs kyi kun 'byung ba'o/ /'di ni
259a1 gzugs kyi zad pa'o//'di lta ste/ 'di ni tshor ba dang / 'du shes dang / 'du byed rnams dang / 'di ni rnam par shes pa'o/ /'di ni rnam par shes pa'i kun 'byung ba'o/ /'di ni rnam par shes pa'i zad pa'o zhes kun 'byung ba dang zad par rjes su
259a2 blta zhing gnas par bya'o//de nye bar len pa'i phung po lnga po 'di dag la yang dang yang du kun 'byung ba dang zad par rjes su lta zhing gnas pa na/ de la nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la
259a3 nyal ma spangs shing yongs su ma shes la ma bkag ma bsal bar gyur pa gang yin pa de med par 'gyur ro//kun dga' bo gal te dge slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun
259a4 pa dang /nga'o snyam pa'i bag la nyal 'byung bar gyur pa gang yin pa de spangs par shes par gyur na/ de de la dran pa dang shes bzhin can du 'gyur te/ kun dga' bo chos de dag ni gcig tu dkar ba/ gcig tu dge ba/ gcig tu kha na ma tho ba med pa ste/ bdud
259a5 sdig can gyis 'da' bar bya ba ma yin zhing /sdig pa mi dge ba'i chos kun nas nyon mongs par 'gyur ba dang / yang srid par 'gyur ba gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis
259a6 mi 'phrogs pa yin no//kun dga' bo ji snyam du sems nyan thos dad pa can dag ji srid 'tsho'i bar du phyir bkag kyang ston pa'i phyi bzhin rjes su 'brang bar 'os pa ci'i phyir snyam/ gsol pa/ btsun pa bcom ldan 'das ni chos rnams kyi gzhi bo lags te/ bcom
259a7 ldan 'das kyis mtshon pa dang /bcom ldan 'das la rten pa lags pas bcom ldan 'das kyis don de dge slong rnams la legs par bka' stsal du gsol/ bcom ldan 'das las thos nas dge slong rnams kyang 'dzin par 'gyur lags so/ /bka' stsal pa/
259b1 kun dga' bo de'i phyir legs par rab tu nyon la yid la zung shig dang bshad par bya'o/ /kun dga' bo nyan thos dad pa can gang dag 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched
259b2 du brjod pa'i sde dang /gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par bstan pa'i sde'i chos de dag dang / de lta
259b3 bu'i chos rnams mnyan pa'i phyir ji srid 'tsho'i bar du phyir bkag kyang ston pa'i phyi bzhin rjes su 'brang ba ni 'os pa ma yin no//de ci'i phyir zhe na/ kun dga' bo chos de dag ni yun ring po nas thos shing bzung la brtan par byas shing kha ton byang ba dang / yid kyis
259b4 brtags pa dang /mthong bas shin tu rtogs par byas zin pa'i phyir ro/ /kun dga' bo nyan thos dad pa can gang dag 'phags pa yo byad bsnyungs pa sems sgrib pa med pa dang 'thun par 'gyur ba'i gtam 'di lta ste/ tshul khrims kyi gtam dang / ting nge 'dzin
259b5 gyi gtam dang /shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi sogs pa'i gtam dang / yo byad bsnyungs pa'i
259b6 gtam dang /'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di pa nyid kyi rten cing 'brel par 'byung ba'i gtam dang / de lta bu'i gtam gang
259b7 yin pa dag mnyan pa'i phyir ji srid 'tsho'i bar du phyir bkag kyang ston pa'i phyi bzhin rjes su 'brang ba ni rigs pa yin no//kun dga' bo gsum po 'di dag ni gnod pa yin te/ gsum gang zhe na/ slob dpon gyi gnod pa dang / slob ma'i gnod pa dang / tshangs
260a1 par spyod pa'i gnod pa'o//kun dga' bo slob dpon gyi gnod pa gang zhe na/ kun dga' bo 'di la ston pa rtog ge pa dpyod pa can rtog ger gtogs pa'i sa rang gi spobs pa las byung ba/ so so'i skye bo pa dpyod pa'i rjes su spyod pa la
260a2 gnas pa de 'jig rten du byung na/de gnas mal dgon pa'am/ nags 'dab bam/ bas mtha' dag tu gnas par byed do/ /de gnas mal dgon pa'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba
260a3 dag rjes su 'brang bar 'gyur ro//de nyan pa po khyim pa dang / rab tu byung ba rjes su lhags pa dag la chums par byed cing brgyal bskyed par byed la/ mang po bsdu ba'i phyir rjes su 'jug par byed do/ /kun dga' bo de ni slob dpon gyi gnod pa zhes bya'o/ /
260a4 kun dga' bo slob dpon gyi gnod pas gnod par gyur pa'i slob dpon de ni sdig pa mi dge ba'i chos kun nas nyon mongs par 'gyur ba/ yang sred par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang /
260a5 'chi bar 'gyur ba rnams kyis gnod par 'gyur ro/ /kun dga' bo slob ma'i gnod pa gang zhe na/ kun dga' bo 'di la nyan pa po dad pa dang ldan pa ston pa de nyid kyi tshig la mngon par dad par gyur pa de ston pa de nyid kyi dben pa'i rjes su slob pa'i tshe/ gnas mal dgon
260a6 pa'am/nags 'dab bam/ bas mtha' dag tu gnas par byed do/ /de gnas mal dgon pa'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim
260a7 pa dang /rab tu byung ba rjes su lhags pa dag la chums par byed cing brgyal ba skyed par byed la/ mang po bsdu ba'i phyir rjes su 'jug par byed de/ kun dga' bo de ni slob ma'i gnod pa zhes bya'o/ /kun dga' bo slob ma'i gnod pas gnod par gyur pa'i slob ma
260b1 de ni sdig pa mi dge ba'i chos kun nas nyon mongs par 'gyur ba/yang srid par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo
260b2 tshangs par spyod pa'i gnod pa gang zhe na/kun dga' bo 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med
260b3 pa/lha dang mi rnams kyi ston pa/ sangs rgyas bcom ldan 'das 'jig rten du byung na/ de gnas mal dgon pa'am/ nags 'dab bam/ bas mtha' dag tu gnas par mdzad do/ /de gnas mal dgon pa'am/ nags 'dab bam/ bas mtha'
260b4 dag na bzhugs pa'i tshe nyan pa po khyim pa dang /rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa dag la chums par mi mdzad cing brgyal ba skyed par mi mdzad la/ mang po bsdu ba'i phyir rjes su 'jug
260b5 par mi mdzad kyang /de nyan pa pos kun du gang zhing gnas na lhag pa'i sems las byung ba bzhi po de dag gis tshe 'di la bde bar gnas pa thob pa gang dag yin pa de dag las gang yang rung ba las yongs su nyams par nga smra la/ gcig pu ma 'dres pa dang /
260b6 bag yod pa dang / rtun pa dang / sems bsdus pa'i bdag nyid de/ de dag gis nyams pa med pa'i sems rnam par grol ba skus mngon sum du mdzad cing gnod pa gang yin pa de la ni rnam grangs gang gis kyang yongs su nyams pa med par nga smra mod kyi/ 'on kyang
260b7 nyan pa po dad pa dang ldan pa ston pa de nyid kyi bka' la mngon par dad par gyur pa de ston pa de nyid kyi dben pa'i rjes su slob pa'i tshe/gnas mal dgon pa'am/ nags 'dab bam/ bas mtha' dag tu gnas par byed do/ /de gnas mal dgon pa'am/ nags
261a1 'dab bam/bas mtha' dag na gnas pa'i tshe/ nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa de dag la chums par byed cing brgyal ba skyed
261a2 par byed la/mang po bsdu ba'i phyir rjes su 'jug par byed de/ kun dga' bo de ni tshangs par spyod pa'i gnod pa zhes bya'o/ /kun dga' bo gnod pa rnams las 'di lta ste/ slob dpon gyi gnod pa dang / slob ma'i gnod pa de dag ni cung zad tsam du
261a3 zad kyi/gnod pa rnams las 'di lta ste/ tshangs par spyod pa'i gnod pa de ni tha chad yin no/ /kun dga' bo tshangs par spyod pa'i gnod pas gnod par gyur pa'i tshangs par spyod pa de ni sdig pa mi dge ba'i chos kun nas nyon mongs par 'gyur ba/ yang srid
261a4 par 'gyur ba/gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo nga ni mdza' bshes dang ldan pas kun du spyod par byed kyi/ 'gran
261a5 zla dang ldan pas ni ma yin no//kun dga' bo ji ltar na nyan thos rnams ston pa la 'gran zla dang ldan pas kun du spyod cing mdza' bshes dang ldan pas ma yin zhe na/ kun dga' bo 'di la ston pa rjes su thugs brtse ba dang ldan pa/ thugs rje dang ldan pa/
261a6 don du bzhed pa/ phan par bzhed pa/ thugs rje bar gyur pa/ nyan thos rnams la dge slong dag khyed la phan pa 'di dang / bde ba 'di dang / phan pa dang bde ba 'di'i phyir ro zhes chos ston par mdzad pa na/ de'i nyan thos de dag gus par nyan par mi byed
261a7 cing /rna klog par mi byed/ kun shes par bya ba'i sems nye bar 'jog par mi byed/ chos kyi rjes su 'thun pa'i chos sgrub par mi byed la/ ston pa'i bstan pa las rnam par 'das shing gnas par byed na/ kun dga' bo de ni nyan thos rnams ston
261b1 pa la 'gran zla dang ldan pas kun du spyod cing mdza' bshes dang ldan pas ma yin pa yin no//kun dga' bo ji ltar na nyan thos rnams ston pa la mdza' bshes dang ldan pas kun du spyod cing 'gran zla dang ldan pas ma yin zhe na/ kun dga' bo 'di la ston pa rjes su
261b2 thugs brtse ba dang ldan pa/thugs rje dang ldan pa/ don du bzhed pa/ phan par bzhed pa/ thugs rje bar gyur pa/ nyan thos rnams la dge slong dag khyed la phan pa 'di dang / bde ba 'di dang / phan pa dang bde ba 'di'i phyir ro zhes chos ston par mdzad
261b3 pa na/de'i nyan thos de dag gus par nyan par byed cing / rna klog par byed kun shes par bya ba'i sems nye bar 'jog par byed/ chos kyi rjes su 'thun pa'i chos sgrub par byed la/ ston pa'i bstan pa yang dag par blangs te gnas par byed na/ kun dga' bo
261b4 de ni nyan thos rnams ston pa la mdza' bshes dang ldan pas kun du spyod cing 'gran zla dang ldan pas ma yin pa yin no/kun dga' bo nga ni khyed cag la tshar bcad cing bcad cing / zil gyis mnan cing mnan cing smra ste/ rdza mkhan rdza ma mtshos pa dag las sra ba
261b5 gang yin pa de 'jog par byed pa bzhin du khyed cag la dbyig tu mi 'dzin gyis/nga'i tshig gi lam rnams la yang bzod par gyis shig /bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la mngon par
261b6 bstod do// //bar sdom ni/ 'phags pa'i bde dang dus sbyor dang / /gzugs dang mchog dga' dge slong dang / /khrus ril phyi stong nyid sogs dang / /ting nge 'dzin la sems gzhol dang / /'chag pa dang ni 'dug pa dang / /rnam rtog gtam dang 'dod yon tan/ /phung po gcig dkar
261b7 nyan thos dang //gnod dang mdza' bshes tshar gcod pa'o/ /mdo chen po stong pa nyid chen po zhes bya ba rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa// //
CLOSE WINDOW