CLOSE WINDOW

D2908
བོད་ཡིག

bod kyi lo tsA ba spu rangs bsod nams blo gros kyis bsgyur cing zhus te gtan la phab ba'o//[ ]@##/ /rgya gar skad du/ badzra bi dA ra Na nA ma snA ta bi d+hi br-i t+ti/ bod skad du/ rdo rje rnam par 'joms pa zhes bya ba'i khrus kyi cho ga'i 'grel pa/ dpal rdo rje 'dzin pa la phyag 'tshal lo//rgyal po rgyal rigs spyi bo nas dbang bskur ba dag dang rgyal po'i blon po dang / rje'u rigs dag dang dmangs rigs dag dang / dge sbyong dang bram ze gang dag srid pa'i rgya mtsho las ma brgal ba dag la/ nad dang gnod pa dang / byad la sogs pa gzhan gyi gnod pas sdug bsngal bar gyur pa de dag la/dpal rdo rje rnam par 'joms pa'i khrus kyi cho gas grol bar 'gyur te/ de'i phyir de dag rnam par dbye ba'i rim pa brtsam par bya'o/ /mdo sde 'di'i don gyi mtshan rdo rje rnam par 'joms pa zhes bya ba'i ming gi sgo nas nges par bstan te/ ji lta zhe na/ rdo rje zhes pa ni 'phags pa rnams kyi yang dag pa'i ye shes kyi tshig bla dgas te/ ye shes de ni bsod nams dang ye shes tshad med pa rnams kyi tshogs can/ rang dang gzhan gyi don phun sum tshogs pa'i yon tan dang ldan pas/ de'i phyir lag na rdo rje lus thams cad rdo rjer byin gyis rlabs nas zhes bya bas/'byung ba chen po bzhi las grub pa lta bu ni ma yin gyi ye shes kyi lus can du bstan pa'o/ /de'i phyir rdo rje'i ting nge 'dzin la snyoms par zhugs pa zhes pa yang ye shes des chos kyi de kho na nyid shin tu rtogs pa'i ngo bo rdo rje ltar thogs pa med pas rtse gcig tu mnyam par gzhag pa'i gnas skabs la bya bar mngon no//ci'i phyir ye shes 'di las rdo rje zhes bya zhe na/ phyi rol gyi rdo rje rin po che dang chos mthun pa rnam pa bdun yod pa'i phyir dpe'i sgo nas nye bar mtshon pa yin te/ de dag kyang 'di lta ste/ mi chod pa/ mi shigs pa/bden pa/ sra ba/ brtan pa/ thams cad du thogs pa med pa/ thams cad du ma pham pa zhes bya ba rnams te/ de ni ye shes de nyid kyis rang gi yon tan phun sum tshogs pa yang bstan to/ /de gzhan gyi don bstan pa ni/ thabs la mkhas pa'i byang chub sems dpa'i sna tshogs nas sems can gyi don mdzad pa ste/khams gsum pa 'jig tshogs la lta ba/ phyin ci log gi lta ba can/ phyi dang nang nas bgegs dang log 'dren rnam par ldang ba'i rgyu/ las kyi bag la nyal ba dang / kun nas ldang ba dang bcas pa de dag 'dul bar bya ba'i phyir sems can thams cad skrag par byed pa/sems can thams cad 'jil bar byed pa zhes bya ba nas/ sems can thams cad bsrung ba zhes bya ba dang / sems can thams cad rengs par byed pa/ rmugs par byed pa zhes bya ba'i bar du cho ga'i don rnam pa bco lngas bstan te/ de dag rnam pa bzhi'i sgo nas gzhan gyi don mdzad pa bstan te/zhi dang rgyas dang drag spyod dang / /dbang sogs las rnam bzhi bo dag /thabs kyis 'dul ba'i don mdzad pa/ /ci rigs par ni sbyar bar bya'o/ /de ltar de dag gi ye shes kyi rdo rje des 'dul bar mdzad/ sel bar mdzad 'joms par mdzad ba'i phyir//rdo rje rnam par 'joms pa zhes bya'o/ /de nas gsang sngags kyi tshig gang dag gsungs pa de dag kyang ye shes kyi rgyu las byung ba'i phyir/ thogs pa med pa'i rdo rje'i tshig tu rig par bya'o/ /de nas de dag gi cho ga bshad par bya ste/ cho gar bya ba thams cad la/ /gtsor slob dpon la brten par bya ba yin pas de'i phyir slon dpon slob ma gnyis sta gon la gnas pa'i cho ga bshad cing bstan par bya ba ni/des ni rab khrus gtsang ma yin/ /mdo sde dam par mnyan par bya/ /gang dag yid dge sems dang zhing / /gtsang ma'i gos kyis rab brgyan te/ /zab mo sangs rgyas spyod yul ba//zhes bya ba la/ shin tu khrus bya ba dang / gos gtsang ma bgo ba ni phyi'i gtsang sbra'o/ /sgo gsum nas sdig pa mi byed pa ni yid dge ba'o/ /byang chub tu smon pa ni sems dang ba ste/ de dag ni phyi nang gi gtsang sbra'o/ /mdo sde dam pa mnyan par bya/ /zhes pa'i don no/ / rig sngags de rnams ye shes las byung bar rig par bya'o/ /zab mo sangs rgyas spyod yul ba/ /zhes pa yang ye shes kyi rang bzhin du rtogs pa nyid do/ /de nas slob dpon gyi cho gar bya ba ni mdo sde 'di nyid las dbang bskur ba'i bum pa yan lag bstan pa tsam du zad de/ dkyil 'khor la sogs pa'i cho ga gsungs pa de nyid gsungs pa las mi mngon par 'gyur ba'am yang na spyi rgyud dag las gsal ba'i phyir ro//de dag du ma bstan pa de gnyis ka ltar na yang de dag dang sbyar ba nyid do/ /de las ni/ phyugs lhas shing gcig lha yi khang pa dang / /lam gyi bzhi mdo khang stong nags tshal du//dkyil 'khor gru bzhi lham pa khru bzhi'i tshad/ /tshon rtsi rnam pa sna tshogs rnams kyis bri/ /phyogs kyi lha rnams gnas ni yongs su bsrung / /sgo bzhi'i sa la ku sha'i rtswa rnams dgram/ /zhes gsungs pa la rig par bya'o/ /de ltar dkyil 'khor bya ba yang slob dpon gyis sa dang po brtag pa dang sbyor ba la sogs pa'i cho ga tshul bzhin du bya ste/'thas par bcag ste ba'i rnam pa lnga dang spos chu gtsang mas byugs te steng yang bla re bre zhing / dar gyi lnga ldi dang / me tog gi phring ba dang / me long dag gis kyang brgyan par bya'o/ /gzhan yang dbang bskur ba'i cho ga la bkra shis kyi bum pa tshul dang mthun pa'i yon tan 'grub pa'i phyir 'di nyid las de'i rgyu bstan pa ni/gser ram yang na ni/ /dngul gyi bum pa dag kyang rung / /zhes bya bas ston to/ /de'i nang du dgang pa ni chu yis zhes pa smos te/ tsan+dan dang gur gsum la sogs pa'i spos chus bkang ste/de'i lhan cig ldan pa'i rin po che ni shel dang rdo rje zhes pa ni dngos su zad nor bu zhes bya ba spyi'i tshig tu smos te/ rnam par ma phye ba'i pad+ma rA ga dang / in+d+ra nI la la sogs pa ni rin po che'i rigs su gtogs pa dang mu tig dang sa le sbram la sogs pa ste/ de dag gas chag med pa rgyan gyi bya ba byed nus pa ste rin chen rma med ces bya'o//gzhan yang de'i zla la yungs kar dang / rtswa dUr ba dang / me tog rnams gzhug par bya'o/ /tshul de bzhin du spyi rgyud las kyang / bum pa pad+ma dmar po'i mdog 'dra zhing / /nag po ra ri med cing rin chen bcas/ / sman dang 'bru dang spos chus bkang ba dang / /kha rgyan ras kyis mgul pa dkri bar bya/ /zhes bstan to/ /de dag gi lto bar chu bre gang shong ba la sogs pa bstan to/ /mtshan nyid gzhan rgyud dag las rig par bya'o/ /yang gong ma'i 'bru dang sman zhes bya ba la/ bya kri seng kri la sogs pa'i sman rnam pa lnga dang /til dang sran ma sha ka la sogs pa'i 'bru sna tshogs rnams rgyud las grags pa bzhin no/ /mgul chings gtsang ma'i gos zhes bya ba ma spyad pa ma nyams pa'i ras dkar po kha tshar dang bcas pa'o/ /dkri zhing dgang ba ni gong du bstan pa'i rdzas rnams kyi mdor bsdus te bstan pa'o/ / bum pa de ltar byas pa yang rtog pa gzhan cho ga las 'byung ba ji bzhin du grangs bzhi 'am lnga'am gu gul gyi dung pa la sogs pas bdug la dbus dang grwa bzhir gzhag pa'o/ /de nas slob dpon bdag nyid las kyi khro bor bsgyur nas/ lag pas rdo rje dang yungs kar blangs te/ bskrad cing bsrung ba dang / mtshams bcad pa dag byas nas/ thig skud lag tu blangs te/ phyogs ma 'khrul bar sa bcad de/ rim pa gsum par thig gdab par bya'o/ /de nas ri mo bri ste/ dkyil 'khor gyi gtso bo'i phyag rgya rdo rje rgya gram las phyogs gcig med pa pad+ma 'am seng ge'i khri'i steng du gzhag go//de'i grwa bzhir 'khor rnams kyi phyag mtshan byang shar mtshams nas brtsams te/ khro bo rdo rje gdengs pa dang / rdo rje rtse gcig pa dang / be con rdo rjes mtshan pa dang / rdo rje tho ba rnams bri'o/ /de nas rim pa gnyis par dbang ldan la sogs pa phyogs skyong bcu dang /de'i bkra shis kyi lha mo brgyad kyi phyag mtshan yang bri'o/ /rim pa gsum par ni rin po che'i chun 'phyang dang mu tig gi phreng ba dag dgod cing phyogs bzhir sgo khyud dang rta babs kyis mdzes par bya'o/ /de'i phyi rol stegs bu'i mtha' skor du rtswa ku shas bskor cing / me tog gi sil ma dag kyang dgram mo//de nas phyi rol du byung ste/ 'byung po thams cad la snying brtse ba'i phyir/ bza' ba sha chang la phug la sogs bcas/ /'bras chan 'bras bu mang po'i gtor ma sbyin/ /zhes bya ba dag khyer nas/ lha dang lha min gnod sbyin lto 'phye grul/ /zhes pa la sogs pa'i bstod pa dang bcas pa'o//bden pa bdar bar byas nas lag pa gnyis kyis thal mo khong stong du sbyar ba las kha phye ste/ bkan nas bstan pa'i tshul du bya ba ni gtor ma sbyin pa'i phyag rgya ste/ 'byung po de dag la so so'i rig sngags dag brjod cing nam mkha' mdzod kyi rig pas byin gyis brlabs te bsngo'o//de nas slar yang log ste lha'i gnas su song la tshon gyi dkyil 'khor de dag mdun gyi bar snang la gyen du spag cing rin po che'i gzhal yas khang gdan seng ge dang pad+mar bcas pa'i gdan khri bsams nas der rig sngags kyi lha 'khor dang bcas pa spyan drang ba ni pho brang lcang lo can gyi dpal phyag na rdo rje ye shes kyi snang ba'i khyad par las byung ba'i/dpal rdo rje rnam par 'joms pa zhes bya ba sku mdog ljang sngon zhal gyi smin ma khro gnyer can phyag g.yas rdo rje rtse lnga pa thugs kar 'dzin pa/ phyag g.yon pa dkur brten cing 'gying bag can/stod g.yogs dang smad g.yogs dar ljang gu'i tshig gu gsol ba/ rgyan thams cad kyis brgyan pa 'khor lo rig sngags kyi lha dang / khro bo phyag brnyan grangs med pa'i tshogs can bdag nyid kyi phyag rgyas spyan drang ste/ lag pa gnyis thal mo khong stong du sbyar la srin lag gnyis nang du bcug la phan tshun bsnol ba'i rtse mo mdzub mo'i drung du cung zad bkug par byas la/gung mo gnyis gzhibs pa'i phyi rol nas mdzub mo gnyis bkug la/ bar nas gang tsam gyis ma reg par byas nas mthe bong gnyis mthe'u chung gnyis gzhibs la de'i sngags ni/oM badzra dz+wa la nA ya swA hA/ zhes bya'o/ /yang na rdo rje lcags kyu ma'i sngags dang phyag rgyas spyan drang ngo / /de nas thog mar dam tshig gi sngags dang phyag rgya bstan par bya ste/ lag pa g.yas pa'i mthe'u chung gi sen mo mthe bos mnan la/ lhag ma rnams rdo rje rtse gsum pa'i tshul du byas te/de'i sngags ni oM shaM ka re ma hA sa ma ye swA hA/ zhes brjod do/ /de nas yang dkyil 'khor nang gi grwa bzhir khro bo bzhi gzhag ste/ byang shar mtshams nas bzung ste khro bo'i rgyal po rdo rje gtum po zhes bya ba sku mdog smug nag/ bzhin khro gnyer can phyag g.yas na rdo rje rtse lnga gdengs par byas pa thogs par bsams te/de'i phyag rgya ni lag pa g.yon pa'i mdzub mo snying ga'i phyogs su gzhag /g.yas pa'i sor mo gsum rdo rje ltar bya ste/ de nyid kyi sngags kyang 'di nyid las/ ts+tshin+da ts+tshin+da ma hA kI li kI lA ya swA hA/ zhes sbyar bar bya'o/ /de nas shar lho mtshams su rdo rje kI lA ya zhes bya ba/mdog ljang nag dpral ba khro gnyer can phyag g.yas pa rdo rje rtse gcig pa ka na ya'i dbyibs 'dra ba thogs par bsams te / de'i phyag rgya ni lag pa gnyis khu tshur nang du bcangs te/ cung zad bsnol ba'i tshul du bcug ste mthe bong gnyis gyen du gzhibs te bsgreng la/ de'i sngags ni/ban+d+ha ban+d+ha kro d+ha kro d+ha kI li kI lA ya swA hA zhes bya bar sbyar ro/ /de nas yang lho nub mtshams su rdo rje be con zhes bya ba sku mdog mthing nag sma ra ser po gyen du 'khyil ba/ g.yas na be con gyi rtse mo rdo rjes mtshan pa bsams te de'i phyag rgya ni phyag 'tshal ba thal mo sbyar ba las mthe bong gnyis bsgreng te/tshigs bkug nas srin lag gi drung du gzugs par bya'o/ /de'i sngags ni tsu ru tsu ru tsaN+Da kI li kI lA ya swA hA zhes sbyar ro/ /de nas nub byang mtshams su rdo rje khro bo zhes bya ba mdog nag po shin tu khros pa mche ba gtsigs pa bsams te/ de'i phyag rgya ni lag pa gnyis khu tshur bcangs te mthe bong gnyis bsgreng ste mthe'u chung gnyis nang du gzhug go//de'i sngags ni hrA sa ya trA sa ya badzra kI li kI lA ya swA hA zhes bya bar sbyar bar bya'o/ /de nas de'i phyi rol gyi dkyil 'khor rim pa gsum par dbang ldan la sogs pa 'jig rten skyong ba bcu dang / rnam rgyal la sogs pa bkra shis kyi lha brgyad kyi phyag mtshan rnams dgod par bya ba'i phyir/de dag so so'i sngags dang phyag rgya bcings la spyan drangs shing rang rang gnas su bkod nas gtso bo 'khor dang bcas pa rnams la gus pa khyad par can byas te/ mchod yon dang me tog dang bdug spos la sogs pa dang zhal zas dang mar me'i mchog rnams rim bzhin du dbul lo//de nas phyogs bcu dag na ji ltar srid pa'i lha rdzas dang / kun du bzang po'i mchod pa dag gis kyang mchod la/ nam mkha' mdzod kyi rig pas kyang byin gyis brlab ste/ 'di ltar namaHsar+b+ba ta thA ga te b+h+yo/ bi shwa mu khe b+h+yaHsar+b+ba tad khaM ung+ga te s+pha ra Na hi maM ga ga na khaM swA hA/de nas bstod pa gang yang rung bas bstod/ de nas rig sngags gdon pa ni/ lan grangs nyi shu rtsa gcig gam/ /yang na lan grangs brgya rtsa brgyad/ /ces bya bas grangs nges par gsungs pa la/ rtsa ba'i rig sngags dang mjug nas yang snying gi sngags rnams dang gnyis bskul ba dang bcas par zlo na ni lan grangs nyi shu rtsa gcig zlos par 'gyur ro//yang na de rnam pa gnyis ka zlos par mi nus na na maHtsaN+Da badzra zhes pa nas a mr-i te hUM phaT ces pa'i bar ni rig sngags 'di'i yang snying ste bskul tshig dang bcas pa lan grangs brgya rtsa brgyad bzlas par bya'o//de ltar bzlas brjod zin nas yon bdag dang slob ma gnyis ka yang dkon mchog la skyabs su 'gro bar bya'o/ /dkyil 'khor dbus su khri lta bu gzhag pa'i sar yang na ri mo yid kyis gdeg pa dang / yang na phyag rgya nyi tshe bya'o/ /de nas der bum pa rnams kyi chus blugs shing dbang bskur te/shu ti dang nye shing la sogs pas kyang bkru/ rol mo dang bkra shis la sogs pa yang gdon no/ /khrus zin nas sgor 'byung ba'i dus su zho dang mar dang sman dang 'bras bu la sogs pa bkra shis kyi rdzas rnams la cho gar bstan pa rnams mthong ba dang reg pa dag ni bkag pa med do//de nas rig sngags kyi rgyal po 'di'i cho ga'i phan yon 'byung ba mdor bsdus na gnyis su 'dus te/ sdug bsngal sel bar byed pa dang bde ba skyed par byed pa'o/ /de la sdug bsngal sel ba ni/ sems can dbang po nyams pa dang / /tshe zad pa dang tshe nyams dang //zhes bya ba nas/ de dag thams cad zhi bar blta/ /zhes bya ba dang / sdig pa thams cad byang byas nas/ /sdug bsngal thams cad med par byed/ /ces bya ba la sogs pa tshigs su bcad pa bzhis bstan to/ /bde ba skyed par byed pa ni/ rgyud do cog gi rtsa ba ste/ /dpal kun gyis ni legs par brgyan//zhes bya ba nas/ tshe dang bsod nams 'phel bar 'gyur/ /sdig pa kun las rnam par thar/ /zhes bya ba rnams kyis bstan te/ de dag gis phan yon mdor bsdus pa tsam du zad kyi/ gzhan yang rgyal po'i chad pas 'jigs pa dang / chom rkun dang / me dang /