CLOSE WINDOW

D2906
བོད་ཡིག

bod kyi lo tsA ba u rgyan pa rin chen dpal gyis ri bo chen po spu tra'i mgul du bsgyur ba'o//[ ]@##/ /rgya gar skad du/ Sha Ta maN+Da la bi d+hi nA ma/ bod skad du/ dkyil 'khor drug gi cho ga zhes bya ba/bcom ldan 'das rdo rjes rnam par 'joms pa la phyag 'tshal lo/ /chu klung ngam nags tshal lam chu bo'i 'gram mam ri sul lam phug gam yid dang mthun pa yul dben pa bas mtha'i dgon par slob dpon gtsug lag la mkhas pa chos la dga' ba bslab pa bsrung ba 'grogs na bde ba snying rje can/ dkyil 'khor du dbang bskur ba thob pa/dkyil 'khor la sogs pa'i las la dga' ba bya ba nyung zhing 'dod zhen chung ba/ rig sngags kyi 'bras bu rmi lam gyi rtags dang dngos grub thob pa dang / sgrub pa'i 'grogs po rigs btsun pa/ chos spyod pa dad pa can/ sems stobs che zhing brtson 'grus can/ bden par smra zhing rim gro can/gzugs ha cang mi ring mi thung ba/ mi sbom zhing mi skam pa/ sngo bsangs sdug bsngal bzod cing brtan pa/ gsang sngags zlos shing dam tshig shes pa/ bsam pa bzang zhing mi skyo ba gzhan gyis brid kyang 'phags pa'i tshul mi gtong ba'i grogs dang lhan cig tu maN+Dal byas nas stan bde ba la 'dug ste/rab tu dri zhim po'i me tog dang / rtsa ba dang sdong bu la sogs pa sbyar ba'i spos dang / gur gum la sogs pa'i dri dang / sman gyi rdog gu thams cad dang / kha ba dang tsha ba dang / bro ba dag thams cad kyang 'bras chan dang ldan pa rdo rje'i rigs la dbul bar gsungs so/ /de ltar sgrub pa'i yan lag gi rdzas bstan nas/sgrub pa'i lus ngag yid gsum gyi mtshan nyid bstan pa ni/ sangs rgyas kyi gzugs brnyan dang phyag rgya dang dman ma la mi bgom/ 'bru mar gyis lus mi bsku/ la phug dang sgog pa dang / tshwa dang skyur po dri mi zhim pa rnams mi bza'/ rdzun dang phra ma dang / ngag 'khyal pa rnams mi smra/glu dang gad mo dang rtsed mo dang rta gad rnams mi bya/ don med pa'i gtam dang mu stegs can dang rtsod pa mi bya/ gdol pa dang ma rabs dang kha shags mi bya/ lha dang drang srong rnams la zhe sdang gi sems mi bskyed/ sngags rang bzor mi bya/ ngan pa rnams la mi brnyas bla ma dang rdo rje spun la zhe sdang gis mi smad/mthu rgyas mi bya'o/ /de ltar sgrub pa'i yan lag bsten nas/ lus kyi kun du spyod pa ni thun gsum du khrus byas te/ oM hUM ha na badzra Ni ha sa lan 'ga' bzlas nas ro stod dang ro smad la bsku ba dang / oM badzra ha ra hUM zhes bya ba'i sngags kyis chu'i bgegs bsal la/na mo badzra ya oM hUM d+hU na d+hU na ma tha ma tha bi d+h+wAn swA hA/ zhes pas 'khrud cing bdud rtsi 'khyil ba'i sngags rings kyis bgegs bskrad la khrus byas nas/ oM a mr-i te hUM phaT ces pas khrus zin pa'i rting la chu snyim pa gsum spyi bor blugs so/ /oM su si ti ka ri swA hA/ zhes zlos shing / khyim pa yin na spyi gtsug bcing /rab byung yin na zhwa dang gos gyon/ de nas nye ba'i dbang po lnga kha dang lag pa dang rkang pa dang bshang ba dang gci ba'i lam dang nye ba'i dbang po lnga chus gtor la/ oM ki li ki li rak+Sha rak+Sha badzra hUM phaT ces bya ba zlos shing bsnyen pa'i khang par 'gro bar bya'o/ /rdo rje'i rigs la stod g.yogs smad g.yogs sngon po'am/dkar po la khro bo bdud rtsi thab sbyor bzlas te bgo ba dang / sangs rgyas spyan bzlas te ze kha bcing ba dang / oM badzra kro d+ha ma hA ba la ha na da ha ba tsa bid+h+wan sa ya uts+auSh+Tha kro d+ha hUM phaT ces pas rab byung yin na sham thabs bgo'o/ /khyim pa yin na rkang snam bgo'o/ /rdo rje dbyings kyi dbang phyug ma'i phyag rgya dang /na maHsa man+ta bud+hA nAM hUM druM zhes pas cod pan bcing ngo / /na maHsa man+ta bu d+d+hA nAM d+hiM riM riM badzra badzi dza swA hA/ zhes pas rdo rje dril bu bzung ngo / /de skad du yang / gos dang khrus dang rgyan dag gis/ /bdag nyid brgyan par mthong nas ni/ /de tshe bsnyen pa'i sgrub po yis//las rnams rab tu brtsam par bya/ /zhes gsungs so/ /de nas bdag nyid las thams cad pa bdud rtsi thab sbyor du bsam par bya ste/ na mo rat+na tra yA ya/ ma hA yak+Sha se nA pa ta ye/ na mo badzra kro d+ha ya tad+ya thA hu lu hu lu tiSh+Tha tiSh+Tha ban+d+ha ban+d+ha ha na ha na a mr-i te hUM phaT ces bya ba dang mthe bong gnyis kyis mthe'u chung mnan te/bsnol ba dpung bar gzhag ste/ snying ga'i zla ba'i dkyil 'khor la hUM bsgoms te s+pha ra Na hUM zhes pas rang dang 'dra ba'i khro bo du ma spros te sems can gyi don byas nas/ saM ha ra Na hUM zhes pas bsdus nas spyan gsum pa stag gi pags pa'i sham thabs can klu brgyad kyis brgyan pa/g.yon brkyang ba'i gnas pas bzhugs par bsams la gnas lngar bsrung bar bya ste/ rdo rje thal mo las mthe chung gnyis bsnol srin lag gnyis 'khyud gung mo gnyis kyi rtse mo sbyar mdzub mo gnyis rgyab tu sbyar mthe bong gnyis sbyar la snying gar bzhag pas dpal be'u dang / dpral bar bzhag pas mdzod spu dang /lkog mar pad+ma dang / mgor dbu'i gtsug tor dang / rkang lag la 'khor lo rtsibs stong dang ldan pa bskyed par bya'o/ /de nas mig g.yas pa ma las nyi ma dang g.yon pa Ta las zla ba/ dbus ma dus mtshams kyi me 'dra bar bskyed la/ mdzub mo gnyis mthe bo'i rtsa bar bkug mthe bong dang gung mo sbyar la/oM ru ru spu ru dz+wa la tiSh+Tha sid+d+ha ar+tha ne swA hA zhes pas mig byin gyis brlab par bya'o/ /de skad du yang / i las gyur pa'i mig tu bya/ /mig 'bras hUM las bskal ba'i me/ /de las khro bo'i me byung bas/ /sngags pas sprin dang rlung rnams bsreg /ces gsungs so/ / g.yon pa'i srin lag la sha'i dag byed btags/ badzra d+h+r-ika ces brjod par bya'o/ /dpral bar tsan+dan gyi thig le byas rdzi na dzika ces brjod par bya'o/ /bu mo gtsang mas bkal ba'i skud pa la mdud pa gsum rgyab la ru drAk+Sha rdog gcig pa dang bcas pas a ro l-ika ces pa'i sngags bzlas shing dge bsnyen gyi mgul ba dang btsun pa'i dpung bar bcing bar bya'o//skud pa dmar po gur gum las btsos pa la mdud pa bor la bsngags te/ oM ha ra ha ra ban+d+ha ni shu kra d+ha ra ni sid+d+ha ar+tha sA d+ha ni swA hA/ zhes bya ba stong bzlas pa rked par bcings na rtag tu khu ba 'gag par 'gyur ro//de ltar lus bsrungs nas gnas bsrung ba ni khro bo bdud rtsi 'khyil ba'i sngags rings dang spos chus bsang gtor byas pa dang / oM kI li kI lA ya badzra b+hu ra ban+d+ha hUM phaT ces bya ba khro bo phur bus phyogs bcur btab nas thal ba dang yungs kar gyis kyang bsrung bar bya'o/ /de nas steng bcing bar bya ste/oM su sid+d+ha ki ra dza la na a nan murta ye dz+wa la dz+wa la ban+d+ha ban+d+ha ha na ha na hUM phaT ces bya bas rdo rje bsdams pa las mthe bo dang mdzub mo dang mthe chung gsum bsgrengs te/ rdo rje'i bla re bsam par bya'o/ /de ltar bla re byas nas ra ba ni/ na mo rat+na tra yA ya/ na mash+tsaN+Da badzra pA Na ye/ma hA yak+Sha se nA pa ta ye/ oM sum+b+ha ni su m+b+ha hUM phaT/ oM gr-i h+Na gr-i h+Na hUM phaT/ oM gr-i h+NA pa ya gr-i h+NA pa ya hUM phaT/ oM A na ya ho/ b+ha ga bAn bid+yA rA dzA ya hUM phaT ces bya bas ra ba bya'o/ /de skad du yang / sna tshogs rab tu grub par byed pa'i rgyud las/ bdag nyid sngags dang phyag rgyas bsrung / / gtsug phud gos dang gtsang byed dang / /mdud pa bor te bdun gsum bzlas/ /bdag nyid bsrung ba'i phyir bzla'o/ /khang pa kho ra khor yug dang / /phur bu ra ba bla re dang / /phur bu bdud rtsi thab sbyor dang / /khro bo gnyis kyis rtag tu sbyar/ /yang na dpa' bo gcig sngags kyis/ /thams cad sngags kyis bsrung bar bya//yang na thal ba nyung kar chus/ /bdag dang gzhan dag bsrung bar bya/ /gsang sngags gsum po zhi ba la'ang / /sgrub pa po yis nan tan bya/ /phyi rol sa phyogs mi gtsang na/ /rdo rje 'chol ba'i sngags kyis bsrung / /bdud rtsi thab sbyor khrus kyi tshe/ /zan za'i tshe na badzra d+h+r-ika /khro bo 'chol ba'i sngags ni/ na mo badzra kro d+ha ma hA ba la ha na da ha pa tsa bi d+h+wan sa ya/ uts+tshu sma kro d+ha hUM phaT/ bdud rtsi thab sbyor gyi ni bshad zin to/ /nyal ba'i tshe/ oM e ka ta dza la badzra/ oM sa ma ya ma nu sma ra hUM phaT ces gsungs so/ /rang gi las la bye brag tu/ /bsrung dang spyan drang spyang ba dang //phyag rgya bcing dang bzlog gnon dang / /bskang dang tshim par bya ba dang / /tshar bcad pa dang bskul ba dang / /'khrul 'khor sbyin sreg khrus bya ba/ /dngos grub kun la thams cad du/ /sgrub pa po yis de dag bya/ /zhes gsungs pa las bsrung ba'i cho ga rim par phye ba ste dang po'o// //gnyis pa spyan drang ba'i cho ga ni rig pa mchog las gsungs pa bzhin ri rab kyi rtse mor bsams la dkyil 'khor drug gang la mos pa'i lha'i tshogs ri rab kyi steng du bsams la mchod pa rnams dang mchod yon mdun du bzhag la me tog la rdo rje thal mo kha phye ba dang / oM ma hA mi tri b+h+yung+ga te swA hA/me tog ma ser mo bskyed pa dang / rdo rje thal mo brkyang la mdzub mo gnyis sbyar te/ oM ka li ta d+harma d+hA tu a nu ga te swA hA/ zhes pas bdug pa ma dkar mo bskyed do/ /rdo rje thal mo brkyang ba dang / oM bi shud+d+ha gan d+hod+b+ha ba ye swA hA/ zhes pas dri chab ma ljang gu bskyed do/ /rdo rje thal mo las g.yon pa'i mthe bo dang mdzub mo sbyar la oM tsa le tsu le tsun+de swA ha/zhes pas lha bshos ma mthing ga bskyed do/ /rdo rje thal mo las mthe bo gnyis dang mdzub mo gnyis kyi rtse mo sprad la/ oM dIp+ta ta thA ga ta a pa ra tsa ya ra na a b+ha ba sa g+ha nod a ra dze swA hA/ zhes pas mar me ma dmar mo bskyed do//rdo rje thal mo nyid dang oM tsa le tsu le tsuM de ga ga na sa ma ye swA hA/ zhes bya bas yon chab ma dkar mo bskyed do/ /de nas bdag nyid byin gyis brlab par bya ste bdag nyid rigs drug gi skur bskyed pa la mtshog mar ni/ oM las gser mdog bsgyings pa'i sangs rgyas bsgom mo/ / mig gnyis la tsa las gtsug tor 'khor los sgyur ba ser po bsgom mo/ /lkog mar le las mi g.yo ba nag po ral gri dang zhags pa thogs pa bsgom mo/ /lte bar tsu las gtsug gi nor bu mdog dmar po la phyag gnyis pa dang po'i sangs rgyas bsgom mo/ /dpung pa gnyis su le las don yod zhags pa ser po bsgom mo//snying gar tsu las lha mo tsun+da phyag bco brgyad pa dmar mo bsgom mo/ /brla gnyis la swA las phyag na rdo rje nag po bsgom mo/ /rkang pa gnyis kyi hA las ral gcig ma mche ba gtsigs pa nag mo bsgom par bya'o/ /de ltar bdag nyid byin gyis brlabs nas mchod pa 'bul ba dang phyag 'tshal ba'o//lag pa byin gyis brlab par bya ste/ lag pa g.yas pa ni 'khor ba/ g.yon pa ni mya ngan las 'das pa/ mthe'u chung sa'i dkyil 'khor/ srin lag chu'i dkyil 'khor/ gung mo me'i dkyil 'khor/ mdzub mo rlung gi dkyil 'khor/ mthe bong nam mkha'i dkyil 'khor/ dri med nam mkha' lta bu'i lha mo lnga bsams la phyag 'tshal zhing thal mo sbyar te/ dang po rigs drug gi 'khor lo gang rung spyan drang ba'i phyir/ g.yon brkyang ba bdud rtsi thab sbyor gyi phyag rgya las gung mo g.yab cing spyan drang ba'i sngags ni/ na mo tsu ru kun+d+ha tsu ru kun+d+ha/ badzra pA Ni na mo p+hU ta s+ye swA hA/ zhes pas spyan drangs la dbyangs ni/ bde bar gshegs so bcom ldan 'das/ /tshur gshegs 'dir ni bzhugs su gsol/ /bdag la mchod pa bzhes nas kyang / /thugs rjes dgongs shing gnang bar mdzod/ thal mo sbyar ba bkan pa las mdzub mo gnyis cung zad bkug nas dpral bar gzhag ste/oM ta thA ga tod+b+ha ba ye swA hA thal mo legs par sbyar ba la sor mo dbus ma gsum bskyed la pad+ma khya phye ba 'dra ba lkog mar bzhag la/ oM pad+mod b+ha ba ye swA hA/ lag pa gnyis ni rgyab bsnol te/ mthe'u chung dang mthe bo gnyis dkris te rdo rje 'dzin pa'i phyag rgya lte bar bzhag ste/ badzrod b+ha ba ya swA hA/ zhes bya bas phyag bya'o/ /me tog dbul ba'i dbyangs ni/ /ye shes rgya mtsho rlabs chen gyi/ /sems can kun la byams pa yi/ /stobs chen ye shes me tog gis/ /sangs rgyas bzhin du mchod par shog /sbyar ba'i dri yi bsgos pa yis/ /lus la lhag par khyab gyur pa/ / ye shes spos kyi byug pa ni/ /dri bzangs rtag tu 'byung bar shog /mkhas pa gang gis dngos po rnams/ /chos kyi dbyings dang mtshungs mthong zhing / /de yi rjes su zhugs pa yi/ /bdug spos kyis ni tshim par shog /dngos po thams cad snang byed pa/ /mi shes mun nag la sogs pa/ /bcom nas mar me rab tu gsal//chos kyi 'od zer kun 'byung shog /lus can kun gyi ji tsam du/ /yid la re ba yongs rdzogs pa/ /byang chub snying por 'dug nas su/ /bdud bcom sangs rgyas rol gyur cig /ces bya bas mchod pa dbul lo/ /de skad du yang / thog mar byug pa me tog dang / /bdug spos lha bshos rjes mthun pa//tha mar mar me rab sbyar nas/ /khro bo'i rgyal pos bsangs nas dbul/ /zhes gsungs pas na'o/ /de ltar phyag 'tshal zhing mchod nas sdig pa bshags pa ni/ sangs rgyas chos dang dge 'dun dang / /byang chub sems dpa' rnams dang ni/ /rig sngags gsang sngags tshogs rnams la//bdag gis sdig pa ma lus bshags/ /oM sar+b+ba pA pa di sha na ye swA hA/ sangs rgyas chos dang dge 'dun dang / /byang chub sems dpa' rnams dang ni/ /rig sngags gsang sngags tshogs rnams la/ /dad pas rjes su yi rang ngo / /oM a nu mo ta ye swA hA/ bde gshegs pad+mo rdo rje rigs//rdo rje khro bo pho nya dang / /bka' nyan la sogs pho nya la/ /chos kyi 'khor lo bskor bar bskul/ /oM d+harma tsakra pra brta nA ya swA hA/ bde gshegs rdo rje pad+ma'i rigs/ /rdo rje khro bo pho nya dang / /bka' nyan la sogs pho nya la/ /mya ngan mi 'da' gsol ba 'debs/ /oM a pa ra ni ra ba ni ye swA hA/sems can phongs pa bskyab pa dang / /ngan song gsum gyi mgon byas dang / /dkon mchog gsum gyi rten byin dang / /'khor ba'i skyabs bgyi byang chub bsngo/ /oM ku sha la ba ri na ye swA hA/ sems can phongs pa bskyab pa dang / /ngan song gsum gyi mgon byas dang / /dkon mchog gsum gyi rten byin dang //'khor ba'i skyabs bgyis bdag lus dbul/ /oM At+ma NaM ni r+Ya ta yA mi swA hA/ ngan 'gro rnams las bsgral ba dang / /nyon mongs rnams las sgrol ba dang / /srid pa'i mi bde dbugs 'byin dang / /mya ngan 'das pa'i sems bskyed do/ /oM bod+hi tsit+ta ut+pA da yA mi swA hA/ngan 'gro rnams las bsgral ba dang / /nyon mongs rnams las sgrol ba dang / /srid pa'i mi bde dbugs 'byin dang / /mya ngan 'das par skyabs su mchi/ /oM tri sha ra naM gats+tsha yA mi swA hA/ sngon gyi rgyal ba'i sras rnams kyis/ /smon lam ji ltar mdzad pa bzhin/ /sbyin dang tshul khrims bzod brtson 'grus//bsam gtan shes rab bdag bskyed shog /oM pra ne ta na ye swA hA/ de ltar 'khor lo drug spyan drang zhing tshogs bsags nas spyad ba bshad pa ni/ dang po mchod pa'i yan lag rdzas spyad ba bshad pa ni sngar bstan pa'i bdud rtsi thab sbyor gyi sngags dang phyag rgyas mchod pa'i bgegs bskrad la/bdud rtsi thab sbyor gyi sngags bzlas pa'i spos chu lag mthil du blugs la rdzas rnams la blta zhing ku sha'i pir thogs la oM dz+wa la dz+wa la ban du ri hUM phaT ces bya ba'i chus bsang ba dang / yungs kar gyis brab par bya'o/ /de'i rjes la gnas sbyang ba ni/ /sa gzhi'i dbus su yi ge raM bsams la 'od zer gyi spro bsdu byas pas las dang nyon mongs pa'i sa gzhi sbyangs la/de nas stong pa sgyu ma lta bu las/ yi ge a gser gyi mdog can bsams la de'i 'od zer 'phro 'du las gser gyi sa gzhi rdo rje rtse gsum pas mtshan pa dpangs su dpag tshad 'bum phrag brgyad yod pa/rgyar stong gsum gyi tshad yod pa bsams la/ bdud rtsi 'khyil pa'i phyag rgya sa la bzhag nas oM a tsa le bi ra swA hA/ zhes bya bas sa gzhi rdo rjer byin gyis brlab po/ /de nas sa'i lha mo'i sngags dang phyag rgyas phyis 'chad par 'gyur bas kyang byin gyis brlab par bya'o//de'i steng du paM las pad+ma dkar po 'dab ma brgyad pa de'i lte ba la yi ge ba shel dang ba lta bu las yan lag brgyad dang ldan pa'i chu 'o ma can gyi rgya mtsho chen po bsam par bya'o/ /phyis 'chad par 'gyur ba'i sangs rgyas spyan gyi phyag rgya dang sngags kyis byin gyis brlabs la/ oM bi ma la u da ga d+ha di hUM zhes bya bas kyang byin gyis brlab par bya'o//de nas yi ge laM las ri rab rin po che sna bzhi'i rang bzhin can/ gser gyi ri bdun dang gling bzhi gling phran brgyad kyis bskor ba/ de'i steng du b+hUM las gzhal yas khang sgo bzhi sgo khyud dang bcas pa'i dkyil 'khor drug gang yang rung ba rnal 'byor pas gang mos pa bsgoms la/oM na maHsarba ta thA ga tA nAM sarba thA ud+ga te s+pha ra Na hi maM ga ga na khaM zhes bya ba dang / thal mo khong stong du sbyar bas gzhal yas khang byin gyis brlab par bya'o/ /de nas oM las seng ge'i khri gdan bskyed la/ de'i steng du paM las pad+ma 'dab ma brgyad pa bskyed de/oM ki li ki li sarba badzri b+hU ra pa n+d+ha hUM phaT ces bya bas gzhal yas khang gdan dang bcas pa la/ spos chus lan gsum gyi bar du bsang gtor byas pas gnas dang stan sbyangs par 'gyur ro/ /de nas lha sbyang ba ni/ dkyil 'khor drug gang la mos pa'i lha dkyil 'khor dang gdan la bzhugs su gsol lo//de nas gu gul gyi dud pas bdug cing / oM su sid+d+hi ka ra dz+wa li ta a nan+da murta ye/ dz+wa la dz+wa la ban+D+ha ban+D+ha/ ha na ha na hUM phaT ces bya bas lha rnams bsang ba dang / steng du rdo rje phur bu bcus bgegs bcing ba dang / lha rnams sbyangs par yang 'gyur ro//sngar bshad pa'i su sid+d+hi ka ra'i sngags dang / gnod mdzes kyi sngags kyis rdo rje bla re dang rdo rje ra ba byas pas kyang gnas dang lha rnams sbyangs par 'gyur ro/ /de nas rdo rje khu tshur gnyis bcings nas mdzub mo gnyis brkyang pa sa la btsugs la/ na maHsa man+ta bud+d+hA nAM/ oM ta ra ta ra/ tu ru tu ru/ ma Ta ma Ta/ ban+d+ha ban+d+ha/ sarba tra a pra ti ha te/ sa si mi/ sa si mi saM ban+d+ha/ ku ru ku ru ta ra ta ra/ sa man+ta badzre sa man+ta badzre/ ku ru a ma le/ ku ru ma ye tu ta ye tu ta ye/ ba ra ba ra/ ka ra ka ra/ su si sa man+ta bi d+h+wa na sa ya dz+wa lA ya swA hA/ zhes bya bas lan bdun bzlas la sa'i ri mo bdun dang /thal ba'i ri mo bdun byas la me 'od kyi phreng ba bsams la mtshams gcad par bya'o/ /de ltar sbyang ba'i cho ga gsum pa bstan nas/ bzhi pa bcing ba'i cho ga bstan pa ni dang por rkang pa rdo rje'i skyil krung ngam/ sems dpa'i skyil krung bcas la/ dkyil 'khor drug las gang yang rung ba'i mdun du 'dug ste/ thal mo sbyar la bstod pa bya ste/ mgon po thugs rje che ldan pa/ /thams cad mkhyen pa'i ston pa po/ /bsod nams rgya mtsho yon tan zhing / /de bzhin gshegs la phyag 'tshal lo/ /dag pa 'dod chags bral ba'i rgyu/ / dge bas ngan song las grol ba/ /gcig tu don dam mchog gyur pa'i/ /zhi gyur chos la phyag 'tshal lo/ /grol nas grol ba'i lam thob pa/ /bslab pa dag la rab tu gnas/ /zhing gi dam pa yon tan gnas/ /dge 'dun la yang phyag 'tshal lo/ /stobs po che la drag shul che/ / rig sngags rgyal po dge ba can/ /gdul dka' ba dag 'dul ba po/ /rdo rje 'dzin la phyag 'tshal lo/ /de ltar phyag 'tshal nas khro bo nyi shu rtsa gcig pa'am/ bcu gsum pa'am/ lha lnga pa'am/ 'khrul 'khor gyi lha'am/ pho nya mo bcus bskor ba'am/ pho nya mo drug cu rtsa bzhis bskor bar bsams la/rdo rje'i rigs kyi ru drwak+Sha 'am/ rus pa'i phreng ba la/ oM badzri a rdzi ta ye swA hA/ zhes pa'i sngags bzlas shing phreng ba bzung nas dkyil 'khor gyi lha'am/ bum pa'i lha'am/ sbyin sreg gi lha gang yang rung ba'i phyag rgya bcings nas bsnyen pa'i bzlas pa bya'o/ /de la dang por khro bo nyi shu rtsa gcig pa'i lha'i phyag rgya bcings pa bstan pa ni dbus su rig pa mchog nas 'byung ba bzhin du dbang phyug chen po dang /u ma'i steng du g.yas brkyang ba'i gnas pas bzhugs pa/ khams gsum rnam par rgyal ba'i phyag rgyas rdo rje dang dril bu bsnams pa ste/ sbrul gyi rgyan gyis brgyan pa stag gi pags pa'i sham thabs mnabs pa/de'i g.yas su lha mo mA ma kI lag tu rdo rje dang sdigs mdzub 'chang ba/ sku mdog sngon por bsam pa'o/ /g.yon du bdud rtsi thab sbyor sku mdog dmar po g.yas na ral gri dang dgra sta/ g.yon na zhags pa dang sdigs mdzub bsam par bya'o//gtso bo'i snying po dang phyag rgya ni na mo rat+na tra yA ya/ na maHtsan+Da badzra pA Na ye/ ma hA yak+Sha se nA pa ta ye/ oM su m+b+ha ni su m+b+ha hUM/ oM gr-i h+Na gr-i h+Na hUM/ oM gr-i h+NA pa ya gr-i h+NA pa ya hUM oM A na ya hoHb+ha ga wAn bid+yA rA dzA ya hUM phaT/ phyag rgya ni khams gsum rnam par rgyal ba'i phyag rgyas so//mA ma kI'i phyag rgya ni rdo rje thal mo las mthe bo dang srin lag gnyis dang mthe'u chung nang du gzhug go/ /sngags ni na maHsa man+ta badzrA nAM/ tri ta tri ta rdza yan+ti swA hA/ bdud rtsi thab sbyor gyi phyag rgya ni rdo rje thal mo las gung mo gnyis brkyang la mdzub mo gnyis rgyab tu lcags kyur byas pa'o//sngags ni oM a mr-i te ha na ha na/ bi du na bi du na/ go pa ya go pa ya/ khA d+ha khA d+ha/ a mr-i ti A t+ma ka swA hA/ na mo badzra pA ni s+ya/ oM rdza ye dza ye ba he swA hA/ rgyal ba'i gsang sngags so/ /oM badzra pA ni s+ya/ oM bi dza ye bi kra me trai lokya bi kra me swA hA/ rnam par rgyal ba'i gsang sngags so/ / na mo badzra pA Ni s+ya/ oM badzre dke swA hA/ rdo rje mchog gi sngags so/ /na mo badzra pA Ni s+ya/ oM badzra ts+tshi n+da swA hA/ rdo rje rtags kyi sngags so/ /na mo badzra pA Ni s+ya/ oM swa ra bi ka bi shu d+d+he rat+na swA hA/ bkra shis kyi gsang sngags so/ /na mo badzra pA Ni s+ya/ oM tri tang ku swA hA/ shin tu bkra shis kyi gsang sngags so//na mo badzra pA Ni s+ya/ oM shrI ba ye swA hA/ pad+ma mtshan gyi gsang sngags so/ /na mo badzra pA Ni s+ya/ oM bi shud+d+he swA hA/ pad+ma'i phreng ba'i sngags so/ /na mo badzra pA Ni s+ya oM pra marda ni swA hA/ g.yung drung gi gsang sngags so/ /na mo badzra pA Ni s+ya o bi d+h+wa sa na pra marda ni ts+tshi n+da ts+tshi n+da swA hA mdung rtse gsum pa'i gsang sngags so//na mo badzra pA Ni s+ya oM bi nA ya ka nA sha ni swA hA/ rdo rje gsang sngags so/ /na mo badzra pA Ni s+ya sarba sha trUM pra marda ni swA hA/ mche ba'i sngags so/ /na mo badzra pA Ni s+ya oM a di sha ya bi kra me swA hA/ mdung thung gi gsang sngags so/ /na mo badzra pA Ni s+ya oM hUM phaT swA hA/klu lag gi gsang sngags so/ /na mo badzra pA Ni s+ya oM pA sha ye swA hA/ zhags pa'i gsang sngags so/ /na mo badzra pA Ni s+ya oM khad+ga swA hA ral gri'i gsang sngags so/ /na mo badzra pA Ni s+ya oM ma hA daN+Di swA hA/ dbyug pa'i gsang sngags so/ /na mo badzra pA Ni s+ya/ oM tsakrA yu d+ha ke swA hA/ 'khor lo'i gsang sngags so/ /rdo rje 'dzin pa'i phyag rgya las g.yas pa'i khu tshur bcangs pa ni rgyal ba'i 'o/ /gung mo gnyis gzhibs nas brkyang pa ni rnam par rgyal ba'i 'o/ /srin lag dang gung mo gnyis ka brkyang pa ni rdo rje mtshan gyi'o/ /rdo rje 'dzin ma'i phyag rgya phral nas brang dkyil du bzhag pa ni rdo rje rtags kyi'o//rdo rje 'dzin ma'i phyag rgya nyid brang dkyil du bzhag pa ni bkra shis kyi'o/ /lte bar gzhag pa ni shin tu bkra shis kyi'o/ /thal mo kha phye ba 'dra ba ni pad+ma'i phyag rgya'o/ /thal mo kha phye ba pad+ma'i phreng gi phyag rgya'o/ /khams gsum rnam par rgyal ba'i phyag rgya las mthe bo dang srin lag gnyis bsnol ba ni g.yung drung gi'o//rdo rje bsdams pa las gung mo gnyis brkyang nas mdzub mo gnyis rgyab tu gzhag pa ni mdung rtse gsum pa'i 'o/ /rdo rje thal mo las srin lag nang du mthe bos mnan pa ni rdo rje'i'o/ /g.yon pa'i khu tshur gyi steng du g.yas pa'i khu tshur gyi mdzub mo bsgreng ba ni mche ba'i'o//khams gsum rnam par rgyal ba'i phyag rgya ltar lag ngar gnyis rgyab tu sprad la gung mo gnyis gshibs pa ni mdung thung gi'o/ /lag ngar gnyis rgyab sprad la/ mthe bo dang mthe'u chung gnyis lu gu rgyud du sbrel la sor mo drug sbrul mgo'i gdengs ka ltar brkyang ba ni klu lag gi'o//lag pa gnyis rgyab sprad la mthe'u chung mnan pa ni zhags pa'i phyag rgya'o/ /lag ngar gnyis gshibs nas mthe bos mdzub mo mnan la sor mo gsum brkyang ba ni ral gri'i phyag rgya'o/ /lag pa gnyis rdo rje khu tshur gyen du bsgreng ba'i gung mo gnyis brkyang pa ni dbyug pa'i phyag rgya'o//g.yon pa khu bub pa'i steng du g.yas brkyang la kha bub nas gzhag pa ni 'khor lo'i phyag rgya'o/ /de ltar phyag rgya bco brgyad bcings nas bzlas par bya ste/ dkyil 'khor la dgod pa'i thabs bshad pa ni rgyal ba dang / rnam par rgyal ba dang / rdo rje mtshan ni shar du'o/ / rdo rje rtags dang / bkra shis dang shin tu bkra shis ni byang du'o/ /pad+ma'i mtshan dang pad phreng dang / g.yung drung ris ni lho phyogs su'o/ /mdung rtse gsum pa dang / rdo rje dang mche ba ni nub phyogs su'o/ /dkyil 'khor gyi nang gi shar du mdung thung / lhor klu lag /nub tu ral gri/ byang du zhags pa/dbyig pa dang 'khor lo gnyis ni gtso bo'i mdun dang rgyab tu'o/ /g.yas dang g.yon du ni mA ma kI'i rdo rje lcags kyu bsnams pa dang bdud rtsi thab sbyor ro/ /rig pa mchog las mA ma kI der bzhag na rig sngags 'grub par the tshom mi bya'o zhes gsungs so/ /sngags zlos pa'i tshe rig sngags 'di rnams gdon gang la bya zhe na/rgyal bas lha'i gdon rnams so/ /rnam par rgyal bas snying nad skye ba'i dri za'o/ /rdo rje mtshan gyis 'byung po la'o/ /rdo rje rtags ni lha ma yin la'o/ /bkra shis kyis tshangs pa'i srin po la'o/ /shin tu bkra shis kyis gnod sbyin la'o/ /pad+ma'i mtshan gyis srin po la'o//pad+ma phreng gis gzu lums can yugs sa ma'i gdon la'o/ /g.yung drung ris kyis bis ral bong bu'i gdong can la'o/ /rtse gsum pas ni smyo byed la'o/ /rdo rjes ni log 'dren la'o/ /mche bas sha za la'o/ /mdung thung gis brjed byed la'o/ /klu lag ni dug skyed pa'i klu la'o//zhags pa ni nam gru la'o/ /ral gri ni bya la bstan par bya'o/ /dbyug pa ni skem byed la'o/ /'khor lo ni gzhon nu la'o/ /mA ma kI'i phyag rgya ni thams cad la'o/ /rdo rje lcags kyu bstan bya zhing / /rdo rje 'dzin bka' bzlas brjod bya/ /lag na rdo rjes sngags bstan pas/ /gdon rnams thams cad 'jig par byed//ces gsungs pas rang phyag na rdo rjer bsgom par nges so/ /rgyal ba stegs bu'i steng du rdo rje rtse gsum pa chang zungs can bri'o/ /de bsams la bzlas pas sa'i gdon gyi pho nya thams cad kyis mi tshugs so/ /rnam par rgyal ba rdo rje rtse gsum pa dbyug pa la btsugs pa me 'od 'bar ba bsams la sngags dang phyag rgya bzlas pas tshangs pa'i chu'i gdon gyis mi tshugs so//rdo rje mtshan gyi rdo rje rtse gsum pa bsams nas phyag rgya bcings shing bzlas pas lha chen po me'i gdon gyis mi tshugs par bden pa'o/ /rdo rje rtags kyi sngags dang phyag rgya bcings pa log 'dren rnams kyis mi tshugs pas sra ba'o//bkra shis kyi sngags dang phyag rgya bcings pas rdo rje sde'i rigs kyi dmyal bas mi tshugs pas brtan pa'o/ /shin tu bkra shis kyi sngags dang phyag rgya bcings pas phur bu gsum pa ste yi dags kyis mi tshugs pas thogs pa med pa'o//pad+ma'i mtshan ni spyan ras gzigs dbang phyug ste/ byol song gi sems kyis mi tshugs pas ma pham pa'o/ /pad+ma phreng ni dpal chen mo ste mi'i sems skrag par byed pa'o/ /g.yung drung ni tshogs kyi lha rnams te/ lha dang lha ma yin gyi sems 'jil bar byed pa'o/ /mdung rtse gsum pas ni rdzing gi lha mo ste/gnod sbyin gyi rigs rnams gcod par byed pa'o/ /rdo rje ni khro bo bdud rtsi thab sbyor te/ srin po rnams gnon par byed pa'o/ /mche ba ni ma mo rnams kyi ste rang gi las dang nyon mongs pa 'jig par byed pa'o/ /mdung thung ni smin drug gi bu karti ka ste gzhan gyi las 'jig par byed pa'o//klu lag ni klu'i rgyal po rgya mtsho ste/ bdag gi gdon gza' chen po rnams rlag par byed pa'o/ /zhags pa ni 'jig rten skyong ba'i ste/ gzhan ni gdon ma rungs pa'i 'khor lo las thar bar byed pa'o/ /ral gri ni mi'i ste/ 'byung po rnams 'gugs par byed pa'o/ /dbyug pa ni sa'i lha mo ste/phrin las rnam bzhi byed du 'jug pa'o/ /'khor lo ni nor lha ste ma grub pa rnams grub par byed pa'o/ /bdud rtsi thab sbyor gyis ni grub pa rnams chud mi za bar byed pa'o/ /rdo rje mA ma kIs ni 'dod pa thams cad rab tu sbyin par byed pa'o/ /de ltar na lha nyi shu rtsa gcig gi phyag rgya bcing ba bshad pa yin no//dkyil 'khor dang po'i sngags dang phyag rgya bcing ba rdzogs so// //dkyil 'khor gnyis pa la mos pa'i sngags dang phyag rgya bcing ba bshad pa ni bdag nyid cho ga drug gis lhar bskyed nas/ mdun du snga ma lta bu'i gzhal yas khang gi nang du rdo rje rigs kyi khro bo bzhag pas/ shar phyogs su khams gsum rnam par rgyal ba'i phyag rgya bcings nas/sngags ni tra Ta tra Ta tro Ta ya tro Ta ya aSh+Ta ha sa nI la badzra su badzrA ya swA hA/ lho phyogs su rin chen rigs kyi rnam par rgyal ba'i rin chen hUM mdzad kyi phyag rgya bcings la/ oM s+phu Ta s+phu Ta s+pho Ta ya s+pho Ta ya he phu l+lu ni ru phu l+lu gr-i h+Na ku khu mi li tsu lu ku ru ku lu badzra bi dza yA ya swA hA/nub phyogs su pad+ma'i rigs kyi khro bo rdo rje phur bu chos kyi hUM mdzad kyi phyag rgya bcings la/ g+hur+Na g+hur+Na g+hur+NApa ya g+hur+NA pa ya kI li kI lA ya swA hA/ byang phyogs su las kyi rigs kyi khro bo rdo rje smyos pa ni las kyi hUM mdzad kyi phyag rgya bcings la/ sarba satwa ni bo d+ha ya bo d+ha ya saM bo d+ha ya saM bo d+ha ya ka Ta ka Ta ma Ta ra Ta ra Ta mo Ta bra mo Ta nA ya swA hA/ shar lho mtshams kyi phur bu chen po ni b+h+ra ma b+h+ra ma saM b+h+ra ma ya saM saM b+ha ma yaM ts+tshin+da ts+tshin+da b+hin+da b+hin+da ma hA kI li kI lA ya swA hA/ lho nub mtshams kyi khro bo phur bu'i sngags ni/ oM sarba b+hU ta ni kuT+Ta kuT+Ta saM ku Ta ya saM ku Ta ya ban+d+ha ban+d+ha kro d+ha kro d+ha kI li kI lA ya swA hA/nub byang mtshams kyi phur bu gtum po'i sngags ni/ oM sarba sha trUM g+ha Ta nAn/ g+ha Ta g+ha Ta/ sad+g+ha Ta ya sad+g+ha Ta ya/ tsu ru tsu ru tsan+Da kI li kI lA ya swA hA/ byang shar mtshams kyi khro bo rdo rje phur bu'i sngags ni/ oM sarba bi d+yA badzra badzra/ tA sa ya tA sa ya/badzra kI li kI lA ya swA hA/ de bzhi'i phyag rgya ni rdo rje bsdams pa las gung mo gnyis rdo rje phur pa gzhibs pa ni phur bu'i phyag rgya'o/ /shar phyogs kyi sgo ba rdo rje 'dzin pa'i sngags ni/ oM s+phuT s+phuT badzra badzra/ ha ra ha ra badzra d+hA rA ya swA hA/ lho'i sgo ba rdo rje rab tu 'jigs pa'i snying po ni/oM ka Ta ni badzra badzra pra ha ra pra ha ra/ badzra pra b+hany+dza nA ya swA hA/ nub kyi sgo ba rdo rje mgyogs pa'i snying po ni/ oM ma Ta badzra badzra ma ti s+thi ra badzra su ti s+thi ra badzra pra ti s+thi ra badzra ma hA badzra a pra ti ha ta badzra/ a mo g+ha badzra/ e hi badzra shI g+h+raM badzrA ya swA hA/ byang phyogs kyi sgo ba rdo rje bsgyur ba'i snying po ni/oM ma tha badzra badzra d+ha ri d+hi ri d+hu ru d+hu ru/ sarba badzra ku laM e brtA ya swA hA/ de rnams kyi phyag rgya ni rdo rje lcags kyu dang zhags pa dang lcags sgrog dang / dril bu'i phyag rgya nyid kyis so/ /de ltar sngags dang phyag rgya bcings nas/ bsgrub pa'i lha ni yi ge hUM las gtso bo rdo rje rnam par 'joms pa rdo rje dang sdigs mdzub bsnams pa bskyed la de'i thugs ka'i hUM las khro bo bcu gnyis sprul nas/de dang ye shes sems dpa' tha mi dad par gyur pa las/ sngags dang phyag rgya bcings nas sgrub po zhes phyag na rdo rje dbang bskur ba las gsungs so/ /yang na snga ma'i gnas de'i steng du tra ba ti'i khro bo lnga dang /phyogs skyong ba bcu dang bcas pa spyan drangs la/ dbus kyi gtso bo rdo rje rnam par 'joms pa sku mdog ljang sngon g.yas pa na rdo rje rtse lnga pa rgya gram phyogs gcig med pa bsnams pa/ de'i phyag rgya ni thal mo sbyar la/ rdo rje dbyings kyi dbang phyug ma'i phyag rgya las srin lag gnyis nang du bsnol la/na mo rat+na tra yA ya/ na ma sh+tsaN+Da badzra pA Na ye/ oM badzra bi dA ra badzra hUM phaT/ badzra ya na swA hA/ byang shar mtshams kyi rdo rje gtum po dmar nag rdo rje rtse gcig pa 'phyar te bsnams pa'o/ /phyag rgya ni g.yon pa sdigs mdzub snying gar gzhag la g.yas pa ba dan gsum pa 'phyar ba dang /sngags ni oM ma hA tsaN+Da hUM phaT/ stobs po che ni rdo rje ka na ya zhes bya ba rdo rje nas 'bras 'dra ba bsnams pa sku mdog nag po'o/ /de'i phyag rgya ni lag pa gnyis snyim pa khong stod du sbyar la/ sngags ni oM ma hA ba la hUM phaT/ gzhan gyis mi thub pa ni rdo rje rtse gsum pa bsnams pa sku mdog ljang ser/phyag rgya ni dzam+b+ha la'i chu sbyin pa'i phyag rgya nyid gzhan gyis mi thub pa'i phyag rgya ste/ sngags ni oM a dzi ta hUM phaT/ shar du brgya byin/ lhor gshin rje/ nub tu chu lha/ byang du gnod sbyin/ byang shar du dbang ldan/ shar lhor me lha/ lho nub tu bden bral/ nub byang du srin po/ steng du tshangs pa dang nyi zla/ 'og gis sa'i lha rnams kyi 'chad par gyur cing sngags dang phyag rgyas bskul ba la bzhugs su gsol bar bya'o/ /'khrul 'khor byed par 'dod na phyis 'chad pa'i khro bo bcu gsum bsams la/ zhi ba ni gro ga'am ras la 'khrul 'khor bcu gsum pa bris la sngags dang phyag rgyas bskul ba'am/rgyas pa ras ser po la bri ba'am/ dbang la bud med kyi smad sham la bri ba'o/ /mngon spyod kyi dur khrod kyi ras la bri ba dang / gi wang ngam gur gum mam mtshal lam dug gis bris la/ khro bo bcu gsum pa'i sngags dang / phyag rgya bcing bar bya'o/ /'khrul 'khor bri ba ni 'grel pa las shes par bya'o//yang na dkyil 'khor lnga pa pho nya bcus bskor ba'i phyag na rdo rje gzhal yas khang gi dbus su gzhag la/ phyis 'chad par 'gyur ba'i sngags dang phyag rgya bcing zhing bsgrub par bya'o/ /yang na pho nya mo drug cu rtsa bzhis bskor ba'i dkyil 'khor phyis 'chad par 'gyur ba'i sngags dang phyag rgyas bcing zhing bsgrub par bya'o//de ltar dkyil 'khor drug gi phyag rgya bcing ba'i cho ga rdzogs so// //lnga pa dkyil 'khor drug gi phyir bzlog pa'i cho ga bshad pa ni phyir bzlog pa lus kyi nyes pa ni lces sngags zlos mi nus pa dang / lag pas phyag rgya bcing mi nus pa dang /rkang pas skyil krung dang stang stabs mi nus pa dang / mig gis sku gzugs dang mchod rten dang lha la blta bar mi nus pa dang / ngag gi nyes pa rdzun dang phra ma dang / ngag 'khyal ba dang tshig rtsub mo la dga' ba dang / sems kyi nyes pa bzlas brjod byed pa'i tshe khro ba dang / 'dod yon lnga la chags pa che ba dang /zhum pa dang mi dga' ba dang / 'jigs pa dang 'jungs pa dang / rig sngags zlos pa'i tshe sbrid pa dang lud pa dang / gtam gyis bar chod pa'i tshe nye reg byas nas phyag 'tshal te/ gzhi nas bzlas brjod brtsams na bzlas brjod kyi bgegs dang bar gcod thams cad bzlog cing zil gyis mnan par 'gyur ro//bzlas pa'i phyir bzlog pa bshad nas/ mchod pa'i phyir bzlog pa ni/ mchod pa dus gsum du byas na bar chod phyir bzlog go/ /rdzas kyis phyir bzlog pa ni lha la bsngos pa'i snod rnams kyang nyin re bzhin lan re re bkru bar bya'o/ / me tog la sogs pa'i rnying pa rnams dus gsum du phyag par bya'o/ /shes rab kyi pha rol tu phyin pa la sogs pa'i glegs bam bklag pa dang / mchod rten dang dkyil 'khor dus gsum du byas na bar chad rnams phyir bzlog par 'gyur ro/ /slob ma gdul bya'i phyir bzlog pa ni bgegs kyis brlams pa'am/nad kyis gzir ba'am/ lhod pa dang bag med pa dang / lus dang sems skyo ba'am/ ma bsdams pa'am mi gtsang bas bzlas brjod byas na bzlas pa grangs su mi gtogs te/ mnyam par ma gzhag pa'i bzlas brjod dang / sbyin sreg byas pa dang / spyan drang ba'i cho ga bzlas pa ma rdzogs na grangs su mi brtsi bas zla ba nyi ma gzas zin pa'i tshe/sngags stong bzlas na phyir bzlog gi bsnyen par the tshom med do/ /sangs rgyas zhabs kyis bcags pa'i gtsug lag khang ngam mchod rten nam cho 'phrul gyi zla ba la bzlas na bsnyen par 'gyur ro/ / bla ma la sngags kyi gnang ba mnos na yang myur du 'grub par 'gyur ro/ /bum pa spos chus bkang ba tra ba ti'i dkyil 'khor lha lnga pa'am/ bcu gsum pa'i sngags zlos pa'i bum pas dbang bskur na yang phyir bzlog par 'gyur ro/ /bum pa ma rnyed na mchod yon gyi snod me tog dang chus bkang la/bgegs bsal zhing phyir bzlog pa'i phyir dbang bskur bar bya'o/ /chos brgyad dam bco lnga'am/ gnam stong gi tshe/ lha bshos che ba dang / mar me ches che ba dang / sbyin sreg ches che ba dang / sa gzhi byi dor ches khyad par gyur ba byas pas kyang phyir bzlog par 'gyur ro//bar chad kyi bgegs dang bral na sku gzugs dang mchod rten las 'od 'byung bar 'gyur ro/ /bkres pa chung ba dang nad las thar pa dang / shes rab 'phel ba dang / gzi mdangs che ba dang / rmi lam bden pa mthong ba dang / bzlas brjod la dga' ba dang / ngal ba chung ba dang /dri zhim pa dang / gtong phod pa dang / yon tan lhur len par 'gyur ro/ /bsnyen pa'i phyir bzlog pa'i cho ga rdzogs so// //sta gon dang dkyil 'khor chen po'i tshe/ mchod pa med pa dang / mi gtsang ba dang / bzlas brjod kyi yi ge la lhag chad byung ba dang / le lo dang 'dod chags dang g.yeng ba dang bcas pa'i tshe til nag dang yungs kar gyis sbyin sreg byas na phyir bzlog par 'gyur ro//dkyil 'khor chen po'i tshe dbang bskur bya ba'i slob ma mtshams med pa lnga dang / de dang nye ba lnga dang / mi dge ba bcu byas pa'ang thog mar bzlas pa 'bum byas pa yang tha mar sbyin sreg byas na phyir bzlog par 'gyur ro//lnga pa phyir bzlog pa bshad nas/ gsang sngags kyis yongs su bskang ba bshad pa ni yi ge lhag chad byung ba dang / rmi lam du byung ngam lhas bstan na de bskang ba'i cho ga ni shog shog gam gro ga la gi wang gis sngags kyi yi ge yangs mor bris la lha la mchod pa chen po byas shing /sbyin sreg byas nas/ rig sngags khri'i steng du bzhag ste/ mngon par mchod nas gsol ba btab nas/ bdag nyid ku sha'i stan la mgo shar phyogs su bstan nas nyal nas rig sngags kyi dbang phyug ma dang / bde bar gshegs pa sras dang bcas pa rnams kyi shog shog la sngags tshang bar bris pa'am/rmi lam du tshang par ston par 'gyur ro/ /sa bon dang dkyil 'khor chen po'i tshe rdzas kyi lhag ma dang ma tshang ba dang / dkyil 'khor lha'i lhag pa dang / ma tshang ba bskang bar bya'o/ /drug pa bskang ba'i cho ga rdzogs nas/ lha tshim par bya ba'i cho ga bshad pa ni mchod pa byed pa'i thog mar khrus dang chas byas pas lha mnyes pa dang /a ka ru nag po la sogs pa'i mchod pa'i rdzas khyad par can phul bas lha mnyes pa dang / til dang zho dang mar dang sbrang rtsi bsres pa'i sbyin sreg 'bum phrag brgya phul na lha mnyes pa dang / nyin zhag gsum mam lnga'am bdun nam nyi shu rtsa gcig gi bar du ba'i 'o ma dang zas mchog dang mar dang bcas pas sbyin sreg brgya phul na mnyes par 'gyur ro//lha'i mchod pa'i bar du gcod pa'am lha dang 'bral du 'jug pa lha'i bgegs byed pa la mngon spyod kyi phur pas gdab pa dang / yungs kar gyis gzir ba dang /'khrul 'khor bris nas snying gar gzhug pa dang / nyis ldab pa ma sum ldab tu bskyar na lha mnyes par 'gyur ro/ /bsnyen pa'i lha tshim par byed pa bstan nas dkyil 'khor gyi tshe bzlas brjod dang / sbyin sreg dang dbang bskur gyis kyang lha rnams mnyes par 'gyur ro/ /de ltar mnyes pa bdun pa bstan nas/brgyad pa tshar bcad pa ni dkyil 'khor bri ba dang / sta gon gyi tshe ri bo'am mtsho'am / dur khrod dam/ khang stong ngam/ shing gcig gam/ 'bab chu'i 'gram mam/ skyed mos tshal lam/ phug la sogs pa'i gnas su bgegs nye bar zhi bar bya ba'i phyir dang por sa sbyang ba'i cho ga bya'o//tsan+dan dmar pos byugs pa'i seng ldeng gi phur pa bzhi la skud dmar dkri zhing phur bu'i sngags brgya bzla zhing gdab pa dang / bdud rtsi 'khyil ba'i sngags bzlas la yungs kar gyis brab pa dang / ba dan dkar po cig la rig sngags kyi rgyal po bzlas la smyug ma ring po'i rtse mo la btags te shar phyogs su gzugs pa dang /rdo rje re ba bsngags pa'i lcags kyi phye mas ra ba bya ba dang / rdo rje dra ba'i sngags kyis lcags kyi phye ma la brgya bzlas pas ri mo bris nas rdo rje dra bar 'gyur ro/ /dkyil 'khor dang po'i sgor bdud rtsi 'khyil ba'i ral gris bsrung ba dang / gzhan gyis mi thub pa'i rtse gsum pas bsrung ba dang /'phrog ma la sogs pa gnod sbyin gyi sde dpon nyi shu rtsa brgyad bris pas bsrung bar bya'o/ /na maH sarba ta thA ga te b+h+yaH sarbA mu khe b+h+yaH sarba ta thA ga te b+h+yAH kam+b+ha/ badzra kI li kI lA ya swA hA/ a gar+b+ha swA hA/ rdo rje phur bu'i sngags so/ /na maHsar+b+ba ta thA ga ta b+h+yaHsar+b+ba mu khe b+h+yaHsar+b+ba badzra pra ka ra/ta thA ga ta g+ha ta dza na ka ku ru ku ru tsakra na swA hA/ rdo rje ra ba'i sngags so/ /na maHsar+b+ba ta thA ga te b+h+yaHsar+b+ba mu khe b+h+yaHsar+b+ba thA badzra pany+dza ra ni k+Shi pa ka ga na kaM swA hA/ rdo rje dra ba'i sngags so/ /brgyad pa tshar gcad pa rdzogs so/ /dgu pa bskul ba ni dkyil 'khor chen po'i tshe lugs su blugs pa'am bris pa'am/brkos pa'am brdungs pa la sogs pa mdun du bzhag la bdag nyid cho ga drug gis lhar bskyed la/ snying po dang bskul ba'i sngags sbyar la lha la bskul bar bya'o/ /de la lha drug ni 'dir rdo rje rigs kyi dbang du byas nas dang po stong pa nyid du bsgoms nas/namaHsar+b+ba ta thA ga ta naM oM sar+b+ba bi shud+d+ha badzra hUM zhes bya bas snod bcud thams cad stong pa nyid du bsam par bya'o/ /don dam pa'i lha ste dang po'o/ /stong pa nyid kyi ye shes las kun rdzob kyi snang ba/ na maHsa man+ta bud+d+hA nAM/ tsaN+Da ma hA ro Sha Na hUM tsan+d+ra a sa na zhes bya bas rig byed kyi sgra'i tshul du rtog bral gyi shes pas sgra brnyan gyi tshul du snang ba gdan bskyed pa ste gnyis pa'o//de nas rtog pa dang bcas pa'i shes pas yi ge hUM k+Sh+mi bsams pa ni yig 'bru'i lha ste gsum pa'o/ /hUM las 'od zer phreng ba dang bcas pas spro bsdu byas pa las rdo rje rtse lnga pa'i phyag rgya bsam pa ste phyag rgya'i lha ste bzhi pa'o//phyag mtshan nas 'od zer 'phro 'du byas pa las sku phyag rgya chen po'i lha na maHsa man+ta bud+d+hA nAM tsaN+Da ma hA ro Sha Na hUM/ trai lo kya bi dza ya hUM zhes bya ba khro bo khams gsum rnam par rgyal ba zhal gcig pa phyag gnyis pa gnod mdzes kyi phyag rgyas rdo rje dril bu bsnams pa/ g.yas pa brkyang ba'i gnas pas dbang phyug chen po dang u ma mnan pa/rig sngags kyi rgyal po chen po stobs po che zhes grags pa 'od zer gyi phreng ba can bsams la mA ma kI'i phyag rgya bcings te/ snying gar na maHsa man+ta badzra NAM kri ta kri ta kri ta dza yan+ti swA hA/ zhes pas snying gar dpal be'u bskyed par bya'o/ /dbral bar sngags dang phyag rgyas smin mtshams kyi mdzod spu bskyed par bya'o//lkog mar sngags dang phyag rgyas tshangs pa'i gsung dbyangs bskyed par bya'o/ /spyi gtsug tu bzhag nas dbu'i gtsug tor bskyed par bya'o/ /rkang pa dang lag pa'i mthil du 'khor lo rtsibs stong dang ldan pa bskyed par bya'o/ /sku phyag rgya chen po'i lha ste lnga pa'o//de nas lha nyi shu rtsa gcig gam bcu gsum pa'am tra ba ti lha lnga pa'am/ 'khrul 'khor gyi lha'am/ rdo rje pho nya mo bcus bskor ba'am/ pho nya mo drug cu rtsa bzhis bskor ba'i phyag rgya dang sngags rig pa mchog gi rgyud dam/ sna tshogs rab tu grub pa'i rgyud las gsungs pa rnams kyis bskul ba'i sngags dang spel nas bzlas pa bya ste bsnyen pa dang po'o//bsnyen pa'i tshe bum pa bskyed nas bum pa la bzlas pa bsnyen pa gnyis pa'o/ /sbyin sreg bya zhing sngags dang phyag rgya bcings pa bsnyen pa gsum pa'o/ /ras ris sam sku gzugs bzhag nas sngags dang phyag rgya zlos pa ste bsnyen pa bzhi pa'o//zhi ba'i rdzas mar ram 'o ma mdun du bzhag la/ rgyas pa'i rdzas gi wang ngam sre ta any+dza na la sogs pa gzhag pa'am/ dbang la mtshal dang tsan+dan dang gur gum la sogs pa gzhag pa dang / mngon spyod la khrag gam zhag gam dug la sogs pa mdun du gzhag la dro ba'am 'bar ba'am/'phar ba'am du bar 'thul ba'am rul ba la sogs pa'i rtags byung ba'i bar du sngags dang phyag rgya bcing ba ni bsnyen pa lnga pa'o/ /nad pa la sogs pa thag ring na yang rims dang dug dang nad zhi bar bya ba'i phyir nad pa de'i gzugs brnyan byas la sngags dang phyag rgya bcing ba dang / rgyas pa la tshe 'phel ba dang / rigs rgyud 'phel ba dang / nor 'phel bar bya ba'i phyir de'i gzugs brnyan byas la sngags dang phyag rgya bcing ba dang / dbang la mi rigs bzhi dbang du bya ba dang / lha dang dri za dang gnod sbyin dang srin po dang / klu dang lha ma yin gyi gzugs brnyan byas la sngags dang /phyag rgya bcing ba dang / mngon spyod la bsad pa dang / bskrad pa dang rmugs pa dang / rengs par bya ba'i phyir de'i gzugs brnyan byas la sngags dang phyag rgya bcing ba ni bsnyen pa drug pa'o/ /de ltar bsnyen pa rdzogs nas ldang bar 'dod pa'i cho ga bcu gcig bya ste/ dang por phyag 'tshal ba dang /mchod pa dang / bstod pa dang / rang dang sgrub pa'i grogs po dang / byis pa chung ba la 'di ltar bsrung bar bya ste/ gser dang / lung thang dang / pun dza re dang / gi wang dang / mar dang / sbrang rtsi dang / shu dag rnams la na mo badzra pA Ni s+ya tsi li tsi li/ bin+d+hi bin+d+hi/ muny+tsa muny+tsa/ di bi la ka na swA hA/badzra pA Ni ka na swA hA/ badzra pA Ni rA dz+nyA pa ya ti swA hA/ de bas na d+ha rA dz+nyA pa ya ti swA hA/ ri ya sA rA dz+nyA pa ya ti swA hA/ zhes bya ba'i sngags dang sman gyis bsrung bar bya'o/ /shis par brjod pa dang / smon lam gdab pa dang / bzod par gsol ba dang / lha'i bum pa gos kyis dgab pa dang / go cha bskon nas ru drA k+Sha gdong gcig pa'am/rdo rje 'bru yang lag pa g.yon par bcangs la bsrung bar bya'o/ /de bzhin gshegs pa'i yi ge brgya pa'am/ rdo rje'i rigs kyi yi ge brgya pa bzlas pas lhag pa dang ma tshang ba bskang bar bya'o/ /ldang ba'i tshe mtshan thog thag bsdu ba dang ling+ga dang sman yang gos kyis dgab par bya'o//phreng ba dang sngags dang lha la bcol bar bya'o/ /gzungs 'don cing bdag dang / lha mi brjed pas ldang bar bya'o/ /bsnyen pa'i cho ga rdzogs so/ /de ltar bsnyen pa zhag bdun nam/ zla ba gcig gam zla ba drug gam lo gcig gi bar du bsnyen pa byas la sa sbyang ba'i dkyil 'khor gyi thig gam/ras ris sam sku gzugs mdun du bzhag la nye ba'i bsnyen pa zhag bdun nam gsum bya'o zhes gsungs so/ /rdul tshon gyi dkyil 'khor byed pa'i tshe sngon du sa'i cho ga bya ba ni skar ma rgyal dang gza' phur bu dang / khyim khyu mchog la bab pa'i dus su sa sbyang bar bya ste/ thog mar bdag nyid bdud rtsi thab sbyor ram hUM mdzad kyi skur bskyed la maN+Dal bya/ dri'i thig le bya/ me tog dgram/ mchod pa bshams/ gtor ma bshams la sa'i lha mo spyan drang ba dang / 'khor la gtor ma sbyin par bya'o/ /de nas sbyin sreg dang / bdud rtsi 'khyil ba'i sngags rings kyis bgegs bskrad par bya'o//lkog ma'am rked pa'am/ pus mo nub tsam du brkos la/ spos chus sbrus pa'i sas bkang ste/ rdo rje mA ma kI'i sngags dang / phyag rgyas sman lnga dang rin po che lnga gzhug par bya'o/ /sa'i mtshan nyid bstan nas mthon dman can dang / tsher ma can dang /gyo mo can dang / ngam grog dang rus pa dang sdong dum dang thal ba dang / gseg ma dang / rdo dang / skra dang / srin bu dang / grog sbur la sogs pa de rnams kyi nye bar 'tshe ba spangs te/ shar dang byang du gzhol ba nye 'khor na chu mod pa/ khor 'khor yug tu me tog dang 'bras bur ldan pa/ 'o ma can gyi shing skyes ba zhi ba la sa dkar bo/ rgyas pa la ser po/ dbang la dmar po/ mngon spyod la sa gzhi nag po der sa sbyang bar bya'o/ /sa gzhi 'thas pa dang khang thog dang rdo leb dang / mchod rten drung dang / 'bab chu dang mtsho'i drung dang / mngon spyod kyi sbyin sreg gam phur bus gdab pa'i gnas su sa gzhi sbyang mi dgos so//sa gzung ba ni dang por ba'i rnam lnga dang / tsan+dan dang gla rtsis byugs nas me tog sil ma la sogs pa bkram ste/ khro bo kI li kI lA ya bzlas pas bsang gtor bya'o/ /gzhan gyis mi thub pa dang rgyal ba'i gtsug tor gyi sngags kyis sa sbyang ba dang / rdo rje'i rigs la khyad par du bdud rtsi thab sbyor gyis sa gzung ngo //sa brtag pa ni ri bo mchog gi dngos grub 'thob po/ /mtsho 'gram du 'jig rten pa'i dngos grub 'thob po/ /dur khrod la sogs par 'jig rten pa'i dngos grub 'thob po/ /ring bsrel can gyi mchod rten kyi drung du sngags kyi dngos grub 'thob po//'bab chu'i 'gram du rig sngags 'grub po/ /nags tshal du gnod sbyin mo 'grub po/ /phug tu mngag gzhug pa rnams 'grub po/ /bsnyen pa'i tshe tshar gcad pa'i cho ga sngar bshad pa bzhin du byas pas ni sa bsrung bar 'gyur ro/ /de nas rdo rje slob dpon dang / sgrub pa'i grogs pos sngar bshad pa bzhin du khrus dang gos dang rgyan btags pa dang /mchod pa rnams byin gyis brlab cing snga ma bzhin du bdag nyid cho ga drug gis lhar bskyed la/ snga ma bzhin du ri rab kyi rtse mor bsams nas/ rdo rje lcags kyu ma'i phyag rgyas sa'i lha mo spyan drang bar bya ste/ ba dan gsum pa'i phyag rgya las gung mo lcags kyus g.yab pa dang /na mo tsu ru kun+da/ tsu ru kun+da badzra pA Ni/ na mo bud+d+hA ya swA hA/ yoM pra ti sa sa bi pa ya tra san+ni hi to b+ha ba zhes brjod cing bzhugs su gsol lo/ /de nas mchod yon dang bcas pa'i mchod pa lngas mchod la/ skyob pa sangs rgyas thams cad kyi//spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang du gyur/ /skyob ba shAkya seng ge yis/ /ji ltar bdud kyi sde bcom ltar/ /de bzhin bdag gis bdud kyi sde/ /pham par byas te dkyil 'khor bri/ /zhes bya bas dbang du gsol lo/ /mi bskyod pa'i phyag rgyas sa la lan gsum reg par bya'o//de nas 'khor la gtor ma byin gyis brlab cing bsngos nas/ sa'i lha mo dang bcas pa gshegs su gsol lo/ /de nas sta gon gyi bgegs nye bar zhi ba'i cho ga byas te ma dang Ta las mig gnyis su nyi ma dang zla ba bskyed la/ mig 'bras hUM las rdo rje bskyed par bya'o//rkang mthil du hUM las sna tshogs rdo rje bskyed la khro bo'i skur bsgoms la/ sgrub pa'i grogs mchog gis ngan song sbyong ba nas 'byung ba'i me ltar 'bar ba'i mtshan brgya rtsa brgyad pas bstod la de'i rjes la slob dpon gyis khro bo'i bstod pa bya ste/ chos dbyings stong pa gnyis med ngang nyid las//'jig rten spyod pa'i tshul yang mi spang ste/ /thabs la mkhas pas 'jigs byed skur ston pa/ /khro chen 'bar ba'i tshogs la phyag 'tshal lo/ /de nas/ dkyil 'khor chen po'i sa gzhi la gnas pa/ /zhes pas kyang bka' bsgo ste/ de rnal 'byor gyi dbang phyug che ge mo zhes bya ba dang /rig sngags 'chang grub pa rgan po dang / rgan mo rnams dengs shig ces bya bas bgegs bskrad pa dang / hUM hUM 'gro ba 'dzin pa yis ni byas zin gyi/ /hUM hUM gdug pa'i yid can gang yin pha zad song / /hUM hUM khro bo'i rgyal po sdang mig 'bar ba yis/ /hUM hUM bsregs nas thal ba bzhin du byas sa re//shar phyogs nas ni char chen 'bab/ /me phyogs glo bur snang ba 'byung / /gshin rje 'chi bdag gzugs su 'byung / /bden bral sems can la 'jigs byed/ /chu phyogs gshin rje 'brug sgra sgrogs/ /rlung gi phyogs nas 'tshub ma 'byung / /gnod sbyin pho mo byang phyogs gnas//dbang ldan phyogs nas sna tshogs gzugs/ /steng nas mthu chen lha rnams dang / /'og nas sa 'gas g.yo byed pa/ /gang dag mtshan mo rgyu ba yi/ /bgegs rnams thams cad 'gro bar gyis/ /zhes bya ba brjod la bdud rtsi thab sbyor gyi sngags ring gis bgegs bskrad par bya'o//de nas rdo rje'i 'gros kyis bskor ba lan gsum byas la 'greng la thal mo mchog mar gzhag la de bzhin gshegs pa rnams la phyag 'tshal lo/ /sngags ni sngar bshad pas bya'o/ /de nas stang stabs bya ste/ g.yas brkyang dang g.yon brkyang gis phyogs bzhir bya ba dang / thal mo sbyar te rked pa'i gnas su gzhag la/rting pa phrad de mig thur la bltas la/ rdo rje phur bu sred med kyi bus sa 'og rim pa bdun g.yo bar bya'o/ /hUM 'brug gi sgra lta bu dang / rdo rje gyen du gsor zhing rdo rje gar bskor nas legs par blangs pa'i rdo rje 'phen pa dang bsdu ba bya'o/ /de nas khro bo dang phyag brnyan dang bran mo dang pho nya mo rnams spro zhing /rdo rje be con thogs pa'i g.yas brkyang dang / dbyug pa dang mdung thung dang / mda' bo che dang / 'khor lo dang / rdo rje rtse gcig pa dang / gtun shing la sogs pa thogs pa'i khro bo bgegs gzhom pa'i stang stabs bya'o/ /tshangs pa'i gnas man chad gser gyi sa gzhi yan chad kyi lha dang lha ma yin dang /gnod sbyin rnams gcig tu bsdus nas/ rdo rje me dang rlung gi khro bos bskrad par bya'o/ /dkyil 'khor gyi dbus su seng ge'i tshul du mchongs nas g.yas brkyang dang g.yon brkyang bya ba dang rdo rje khu tshur gnyis rked par bzhag nas lus po 'gul zhing gar bya ba dang /rdo rje gsor zhing rkang pa g.yas g.yon sa la gdab pa dang / bung ba'i 'phur stangs bya ste/ rkang pa brlar gzhag la lus po bskor bar bya'o/ /g.yon pa'i rdo rje'i yi khu tshur gyi nang du g.yas pa'i sor mo gsum btsugs pa bton la ral gri shubs nas 'byin pa bzhin du ral gri'i phyag rgyas bgegs bskrad pa dang /rkang pa gnyis gshibs la rdo rje spyi bo la bskor zhing 'khor lo 'phang ba'i tshul du bya'o/ /rgyas par ni phyag na rdo rje dbang bskur ba'i rgyud dang / mngon par byang chub pa'i rgyud phyi ma las blta bar bya'o/ /de ltar stang stabs rdzogs nas/ sngar bshad pa'i tshar bcad pa'i cho gas kyang 'dir ra ba dang dra bas bsrung bar bya'o//de nas seng ldeng ngam lcags las byas pa'i phur bu stod khro bo smad rdo rje rtse gcig pa lta bu bskyed la phur bu'i sngags brgya rtsa brgyad bzlas par bya zhing dbus dang / zur bzhir btsugs la/ skud pa dmar po btags pa dang / me tog gi phreng ba dang / dri dang gu gul gyi dud pa dang / go cha bskon pa'i bar du phur bu'i cho ga rdzogs par bya'o/ /de nas dkyil 'khor drug gang yang rung bar byed par 'dod pas b+hUM las gzhal yas khang bskyed la ba'i rnam pa lnga dang / tsan+dan la sogs pa'i dris byugs te/ dkyil 'khor drug gi lha dang mthun pa'i so so'i sngags zlos shing dri'i thig le dang /me tog gi tshom bu bya'o/ /de nas dkyil 'khor drug gang byed 'dod pa'i lhar bskyed la/ me tog gi sil ma gtor te/ sngags dang phyag rgyas sgo phye la/ sngar gyi bsnyen pa bzhin du spyan drang ba dang / sbyang ba dang bcing ba dang / phyir bzlog pa dang /lhag pa dang ma tshang ba bskang ba dang / lha tshim par bya ba'i phyir mchod pa rgyas pa snga ma bzhin du dbul bar bya'o/ /de nas bum pa lhag par gnas pa bya ste/ rtsa ba nag nog med pa/ kha gyed pa/ mchu 'phyang ba/ gsus pa che ba/ mgrin pa ring ba/ ras dang / dar gyis mgul pa bcings pa 'bras sa can gyi shing gis kha brgyan pa'i nang du sman lnga dang /'bru lnga dang / rin po che lnga dang / spos lnga dang / snying po lnga spos chu dang bcas pa bcug la raM las bum pa snga ma'i sngags dang phyag rgyas stong par bsams la b+hUM las gzhal yas khang du bsams la/ baM las 'o ma'i rgya mtsho'i steng du a las byung ba'i zla ba dang pad+ma bsams la de'i steng du lha so so'i sngags kyis lhar bskyed par bya'o//yod cing 'byor na dkyil 'khor drug gi so so'i lha dang mnyam pa'i bum pa'i steng du las thams cad pa'i bum pa bya ba'am/ mi 'byor na lnga'am las thams cad pa dang gnyis bya'o//de nas sngags dang phyag rgyas sgo phye ste lha spyan drang bar bya'o/ /hUM ye shes bskal pa me ltar 'bar ba'i 'od/ /ma rig 'dod khams bdud rnams thams cad bsreg /zhe sdang gshin rje'i 'jig rten thams cad 'joms/ /log 'dren srin po yang dag 'dul ba'o//dpa' bo chen po dpa' mtshan stag lpags can/ /rig pa'i rgyal po khro bo bzhugs su gsol/ /log 'dren 'joms pa'i slad du spyan 'dren gyis/ /'gro ba'i don phyir mchod kyis gshegs su gsol/ /ba dan gsum pa'i phyag rgyas g.yab cing /na mo tsur kun+d+ha/ tshur kun+d+ha/ badzra pA Ni bud+d+ha sa s+ya/ badzra aM ku sha dzaHzhes bya bas spyan drang ngo / /oM pra ba ra sat+kA ra pra tI ts+tsha swA hA/ zhes bya bas zhabs bsil dang / pu sh+pa mA la ye swA hA/ zhes bya bas me tog gi gdan dbul bar bya'o/ /de nas bdud rtsi 'khyil pas lha'i phyi nas 'ongs ba'i bgegs bskrad la/phaT ma hA kA la hUM zhes bya bas sgo bcad de/ rdo rje rigs kyi phyag rgya dang / badzra d+h-ika ces bya ba'i spyi'i snying po yang brjod par bya'o/ /de nas dkyil 'khor drug gang byed pa'i sngags dang phyag rgya bstan te/ sku mdog dang phyag mtshan yang bum pa'i nang du gsal bar dmigs nas sku phyag rgya chen po bsgoms te/mchod yon sngon du 'gro ba'i mchod pa dang / bstod pa dang mtshan brgya rtsa brgyad 'don pa dang / rdo rje rnam par 'joms pa'i gzungs kyang tshar gcig gdon par bya'o/ /bdag gi dge ba'i rtsa ba 'di dag gis 'jig rten dang 'jig rten las 'das pa'i rgud pa dang bral bar gyur cig /'jig rten dang 'jig rten las 'das pa'i 'byor ba phun sum tshogs pa thob par gyur cig ces bya ba'i smon lam gdab par bya'o/ /bcom ldan 'das rdo rje 'chang ba 'khor dang bcas pa yang bdag dang slob mar bcas pa la dbang bskur ba dang khrus bya bar yang gnang bar mdzad du gsol/bum pa lhag par gnas pa'i cho ga'o/ /de nas sbyin sreg lhag par gnas par bya ste/ zhi ba byed na dkyil 'khor gyi byang shar gyi mtshams su thab khung zlum po sor bzhi phyir dor ba'i kha khyer zlum po dang / sor bzhi steng du brtsegs pa'i kha khyer gyis bskor ba dang /sor bzhi phyi rol du bskor ba kha khyer la rig pa mchog dang ngan song sbyong ba'i rgyud nas 'byung ba bzhin du phyag mtshan bkod de/ tshon rtsi dkar pos byugs te 'o ma can gyi shing la mar dang 'o ma dang / sbrang rtsir bcas pas sbyin sreg bya'o//byang phyogs su rgyas pa'i thab khung gru bzhi pa kha khyer sor brgyad pa rim pa gsum dang bcas pa snga ma'i rgyud las 'byung ba bzhin du phyag mtshan bkod de sa ser byugs te/ zho dang 'bras chan dang bcas pa sbyin sreg bya'o/ /nub phyogs su gzhu lta bu'i thab khung la/ rgyar khru gang zabs su khru phyed/zheng du yang khru phyed yod pa/ kha khyer ni sor bzhi pa rim pa gsum gyis bskor ba/ rgyud las 'byung ba bzhin du phyag mtshan bkod la/ btsag gis byugs te/ mar dang / sbrang rtsi dang / me tog la sogs pas dbang gi sbyin sreg bya'o/ /lho phyogs su dkyil 'khor gru gsum kha khyer sum brtsegs dang bcas pa/sor gsum pa'i tshad la/ rgyud las 'byung ba bzhin du khro bo'i phyag mtshan bkod la tshon rtsi sngo nag gis byugs la dug dang khrag dang ske tshe dang / lan tshwa la sogs pas sbyin sreg bya'o/ /yang na gru gsum sgo nub tu btod pa'i dkyil 'khor bris la de'i dbus su gnod sbyin gyi sde dpon mthu chen legs par grub pa zhes bya ba dang /phyogs gcig tu dbyig pa khu tshur rdo rje lcags kyu kI li kI la 'jigs byed/ ser skya dang / thog thog dang / lu gu rgyud dang / rnam rgyal dang / nag po dgod do/ / sgor ni dga' byed gdong dang rdo rje sde dang / lag bzangs gsum dgod do/ /gru gsum kha ran can la/ yam shing seng ldeng dang nim pa dang dur khrod las skyes pa dang / dug dang khrag dang ske tshe dang yungs kar dang gzugs brnyan gyi steng du gnas nas bsreg pa'am/ mjug tu gzugs brnyan gtub cing bsreg par bya'o//rdo rje rnam 'joms la ma mo bcus bskor ba'i snying po ma b+hi zhes bya ba yin par legs par 'grub pa las gsungs so/ /yang na las thams cad pa'i thab khung zhi ba dang mtshungs pa las/ cung zad kha phyir gyed pa la/ dkyil 'khor drug gang byed pa'i lha bkod la/'o ma can gyi shing la me sbar la/ a las pad+ma'i steng du me lha ser po zhal gcig spyan gsum pa tshangs pa'i gzugs can ril pa spyi blugs dang / phreng ba thogs pa mchod phyir thogs dang / thal ris gsum pas mtshan pa/ ra skyes la zhon pa'i me lha bskyed de me sbar nas/ me lha ye shes sems dpa' spyan drangs te/tshur gshegs tshur spyon 'byung po che/ /me yi rgyal po drang srong che/ /sreg blugs zhal zas 'di bzhes la/ /'bar ba'i nang du bzhugs su gsol/ /zhes brjod la/ skyabs sbyin gyi phyag las mthe bo srin lag gi drung du gzhag la/ ag+ne e h+ye hi ma hA b+hU ta/ de b-i ra Sh-i dwa dzas rbot+ta ma gr-i hi tou0f85hu ti ma hA rasma san+ni hi to b+ha ba zhes pa'i sngags kyis bzhugs su gsol lo/mchod yon dang zhabs bkru ba dang / gdan dang sku khrus gsol ba dang / dris byug pa dang / me tog dang spos la sogs pas mchod pa dang 'o ma dang nas dang 'bras yos la sogs pas mchod la dgang gzar mar gyis bkang ba dang /ag+ne ha bya ka bya ba ha nA ya A ri bya A di bya ba ha nA ya swA hA zhes bya bas dgang blugs dbul lo/ /de nas me brtag par bya ste/ du ba med cing gser gyi mdog ltar gdangs/ /rab tu che la me lce g.yas su 'khyil/ /kha dog 'ja' 'dra yang na dkar yang rung / / yang na byi ru bcag pa'i kha dog 'dra/ /shin tu snum la me lce 'gab nas 'phro/ /rab tu 'bar ba nyi ma'i 'od dang 'dra/ /dbyibs ni bum pa rgyal mtshan gdugs dang 'dra/ /dpal be'u dung dang pad+ma blugs gzar 'dra/ /me lce tri shUl rdo rje ral gri 'dra/ /yang na shing rta mchog dang rnga yab 'dra/ / sgra dang ga da rdza rnga gling bu'i sgra/ /du ba me lce dri zhim me stag bzang / /yang na mi sbar bar yang 'bar bar 'gyur/ /de tshe dngos grub rgya chen thob par 'gyur/ /du ba che zhing me stag rgod pa dang / /'bar ba dka' zhing cung zad cung zad 'bar/ /me lce rnam par 'chad cing gzi mdangs med/ /rtsub nag sprin dang pA la sha yi mdog /gsal shing dang 'dra zhib ma'i gzugs kyang 'dra/ /phyugs kyi mgo 'dra sgra yang rab tu rtsub/ /me lce 'phro bas sbyin sreg byed pa'i mchog /mi ro'i dri ba dngos grub med par ston/ /me yi mtshan ma 'di dag mthong nas ni/ /stobs po che yi mar gyis sbyin sreg bya//de nas til dang nas dang zho dang 'o ma'i sbyin sreg byas la me lha la bstod do/ /me lha'i thugs kar dkyil 'khor drug gang yang rung ba'i lha bkod do/ mchod pa dang bstod pa dang bsreg rdzas dbul bar bya'o/ /de nas me lha'i thugs ka'i ye shes sems pa'i dkyil 'khor du phyir bzhugs su gsol la/me lha gshegs su gsol cing / me lha'i dam tshig sems dpa' me tha mal pa la thim par bsam mo/ /sbyin sreg sta gon du gnas pa'o/ /gtor ma sta gon du gnas pa ni bdud rtsi 'khyil pa'i sngags kyis gtor ma bsangs la/ khro bo 'chol ba'i sngags kyis bsrungs nas/sangs rgyas spyan dang nam mkha' mdzod kyis spel te/ kha 'bar ma'i sngags kyis bsdos la/ dpung bzangs kyis zhus pa'i rgyud nas 'byung ba bzhin du gdon rnams la sngon du mchod pa phyogs skyong ba rnams la phyis mchod par bya'o/ /phyogs skyong gi sngags ni dbang ldan la ru dA ya swA hA/dbang po la sha krA ya swA hA/ me lha la ag+ne ye swA hA/ gshin rje la be ba sA d+ha ye swA hA/ bden bral la rAk+Sha sA d+hi pa ta ya swA hA/ chu lha la ba ru NA ye swA hA/ rlung lha la bA ya be swA hA/ ku be ra la yak+Sha sid+d+ha reswA hA/ srin po la krad ke ri swA hA/ sha za la mi tsi mi tsi/'byung po la gung gung / gdon rnams kyi ni sar+b+ba de ba nA ga yak+Sha rak+Sha sA a su ra kin+na ra ma ho ra ga ma tr-i ga Na pi shA tsi/ un+mA ta/ a pa sma ra ka ta pU ta na/ ru ru s+phu ru/ dz+wa la tiSh+Tha sid+d+hi lo tsa na sar+b+ba ar+tha sA d+ha ni swA hA/ zhes pas bsngos la gtang bar bya'o/ /khyad par gyi 'byung po la gcig sbyin par bya'o//gtor ma lhag par gnas pa'o/ /de nas sngar bstan pa'i slob ma mtshan nyid dang ldan pa lhag par gnas par 'dod na/ de nas gshegs pa la mchod yon dang / mchod pa phul la/ na bza' re re 'am/ spyir zung gcig phul la/ bde gshegs rdo rje'i rigs bdag po//rdo rje 'chang ba thugs rje'i bdag/ /bdag la mnyes shing dgyes pa dang / /byin gyis brlab cing dngos grub stsol/ /zhes gsol ba btab la rdo rje lcags kyu'i phyag rgyas slob ma dgug pa dang / lcags sgrog gis bcing ba dang / rdo rje ser ba'i phyag rgyas bsdigs pa dang /khro be con dang stobs po ches dam tshig 'dzin du gzhug go/ /de nas snga ma bzhin du bdun rnam dag byas la/ slob ma khro bo phyag na rdo rje'am bdud rtsi 'khyil par bskyed de/ yi ge hUM dang rang gi sngags kyi lha'i phyag rgya chen po bsams la/ mA ma kI'i phyag rgyas gnas lngar byin gyis brlabs te/so shing dor ba dang / kha lan gsum du bkru ba dang / srung skud mdud pa gsum pa bcing ba dang / ku sha byin nas rmi lam brtag pa dang / sems dpa' gtsug tor dang / gzi brjid phung po bskyed pa dang / byams pa'i sngags kyis go cha bskon pa dang / hUM bzhi pa'i sngags dang bdud rtsi thab sbyor gyis bsrungs ba dang /spos chus brlan pa'i lag pa mgo la gzhag la rig sngags kyi rgyal po lan bdun bzlas pa dang / de nas slob ma la zab cing rgya che ba'i chos bshad par bya'o/ /slob ma lhag par gnas pa'o/ /de nas snyan gsan dbab par bya ste/ lha rnams kun la gsan par gsol//'di zhes bgyi ba'i bcom ldan 'das/ /rig sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang / /khyed rnams la yang mchod pa'i phyir/ /sang ni dkyil 'khor 'bri bar 'tshal/ /bcom ldan bdag ni gus pa lags//de bas gnang bar mdzad par rigs/ /sangs rgyas mgon po brtser ldan dang / /byang chub sems dpa' dgra bcom dang / /gang yang gsang sngags lha rnams dang / /'jig rten skyong ba'i lha rnams dang / /gang yang 'byung po mthu chen dang / /gang yang lha yi spyan mnga' ba'i/ /sangs rgyas bstan la dga' ba rnams//bdag la dgongs par mdzad du gsol/ /bdag gi ming ni 'di zhes bgyi/ /sang ni gdugs la dkyil 'khor ni/ /bzang po ming ni 'di zhes bgyi/ /yo byad ci 'byor pas 'bri na/ /bdag dang slob mar bcas pa la/ /thugs ni brtse bar dgongs su gsol//tshogs pa thams cad dkyil 'khor du/ /byin gyis brlab par mdzad du gsol/ /zhes snyan gsan phab nas/ phyag 'tshal nas bstod do/ /sta gon gyi lha gshegs su gsol lo/ /sta gon gyi cho ga bsgrub pa rdzogs so// //sgrub pa chen po dkyil 'khor gyi cho ga byed par 'dod pas/slob dpon dang slob ma ku sha'i stan dang sngas la nyal nas/ nang par slob ma la snying brtse ba'i phyir dkyil 'khor byas te/ slob ma la rmi lam ci mthong zhes kyang dri bar bya'o/ /sangs rgyas dang mchod rten dang sku gzugs la sogs pa mthong na dge'o/ /phyag na rdo rje kun nas btus pa las 'byung ba bzhin du rmi lam brtags nas/rmi lam mi shis na gtor ma dang sbyin sreg la sogs pa bya'o/ /nang par sngar bshad pa'i sngags dang phyag rgyas gos dkar po gon nas/ /bdud rtsi 'khyil ba'i sngags zlos shing / tshon sna lnga'i srad bus rab gtsang ma mdzes pa/ shin tu ran pa dri zhim pa reg na bde ba/legs par bkal ba sra ba sbom phra med pa/ 'jur mdud med pa'i thig skud la/ dkar po la raM chos kyi dbyings kyi rang bzhin/ dmar po la kaM gser thub kyi rang bzhin/ ser po la aM thub pa byang chub snying po'i rang bzhin/ ljang gu la paM phyag na rdo rje'i rang bzhin//sngon po la hUM khams gsum rnam par rgyal ba'i rang bzhin du bskyed la/ oM badzra sa ma ya mA ti kra ma hUM zhes bya bas bzlas la/ mchod pa lngas mchod nas thig gdab par bya'o/ /thig gi cho ga ni thun mong gi cho ga las shes par bya'o/ /srad bu chad na bla ma 'chi/ /ring thung khyer na na bar 'gyur//phyogs 'khrul slob ma myos par 'gyur/ /ltas ngan byung na dngos mi 'grub/ /ces gsungs so/ /de nas ba'i rnam lngas sa gzhi kho ra khor yug tu chag chag btab la byugs te/ byung na rin po che'i phye ma'am/ sA lu'i phye ma'am sa'i phye mas bya'o/ /de nas tshon rtsi la oM badzra tsi tra sa ma ya hUM zhes bya ba dang /rig sngags kyi rgyal po phyag na rdo rje'i sngags kyis bsang gtor bya/ mchod pa phul la/ dang po gzugs su bri bar bshad/ /gnyis pa dag ni phyag rgyar bshad/ /gsum pa stan dang gnas dag dang / /yig 'bru bri bar rab tu bsngags/ /de la dkyil 'khor dang po lha nyi shu rtsa gcig pa dgod do//dbus kyi lte ba rtsibs lnga pa la dbus su bcom ldan 'das phyag na rdo rje sngar bshad pa bzhin du bri ba dang / 'khor lo'i rtsibs bzhi la/ g.yas su mA ma kI/ g.yon du bdud rtsi 'khyil pa ste/ mA ma kI'i rtags rdo rje rtse gsum pa/ byang du rdo rje rtse gsum pa dbyug pa la btsugs pa/ / dbus su rdo rje rtse gsum pa gnyis chang zungs drang por 'dug la/ chang zungs kyi lte ba la dgra sta srab mo kha phyir bltas pa bri bar bya'o/ /mdun du skem byed kyi dbyig pa/ rgyab tu gzhon nu'i 'khor lo/ rdo rje rtse gsum pas bskor ba/ de'i phyi rol gyi rtsibs bcu gnyis la/ shar du rgyal ba'i rdo rje rtse gsum pa/rnam par rgyal ba'i rdo rje rtse gsum pa me lce 'phro ba/ rdo rje mtshan gyi rdo rje rtse gsum pa shar du dgod do/ /byang du rdo rje rtags kyi rdo rje rtse gsum pa/ bkra shis kyi rdo rje rtse gcig pa/ shin tu bkra shis kyi rdo rje rtse gsum pa pad+mas mtshan pa'o/ /lhor pad+ma'i mtshan gyi pad+ma'i sdong bu kha cung zad bye ba rdo rje rtse gsum pa dang bcas pa'o//pad+ma phreng gi pad+ma'i sdong bu kha bye ba dbus na rdo rje rtse gsum pas mtshan pa'o/ /nub tu g.yung drung ris kyi ni gru bzhi bsnol ba'i dbus su g.yung drung 'khyil pa'i rtse mor shing thog skyu ru ra'i 'bras bu rin po ches mtshan pa'o/ / mdung rtse gsum pa dang / rdo rje ni kha gnyis pa rdo rje'i rwa dbus ma nas 'bras kyi dbyibs ltar 'dug pa'o/ /mche ba ni pad+ma'i sdong bu la mche ba gnyis rdo rje rtse gsum pas mtshan pa'o/ /nang gi sgo bzhir mdud rtse gcig pa dang / sbrul gyi zhags pa me lce dang bcas pa rdo rje rtse gsum pas mtshan pa dang / mdung rtse gsum pa sbrul gyi zhags pa dang bcas pa dang /ral gri bris la/ pany+tsa rA ga'i rtsig pa dang / 'dod yon gyi snam bu dang / rin po che'i mda' yab dang / dra ba dra phyed dang / dar yol dang / rta babs dang / rdo rje ra ba me 'od dang bcas pa bri'o/ /dgod pa'i sngags dang phyag rgya ni sngar bshad zin to//dkyil 'khor gnyis pa ni sngar bshad pa'i sngags dang phyag rgyas dbus su rdo rje rnam par 'joms pa sku mdog sngon po khams gsum rnam par rgyal ba'i phyag rgyas rdo rje dang dril bu bsnams pa/ stag gi pags pa'i sham thabs can/ rig pa mchog las gsungs pa bzhin bsam par bya'o/ / shar gyi khro bo dkar po rdo rje dang sdigs mdzub/ lho'i khro bo ser po rin po che dang sdigs mdzub/ nub kyi khro bo dmar po pad+ma dang sdigs mdzub/ byang gi khro bo ljang gu sna tshogs rdo rje dang sdigs mdzub mdzad pa'o/ /mtshams bzhi'i sku mdog nag po'o/ /shar lhor rdo rje'i phur bu bsnams pa'o/ / lho nub tu rin po che'i phur bu bsnams pa'o/ /nub byang du pad+ma'i phur bu bsnams pa'o/ /byang shar du sna tshogs rdo rje'i phur bu bsnams pa'o/ /sgo bzhir lcags kyu dang / zhags pa dang / lcags sgrog dang / dril bu bsnams pa'o/ /lhag ma ni snga ma bzhin no/ /lnga lnga pa ni sku mdog dang phyag mtshan snga ma bzhin du bkod la//phyogs skyong ba bcu yang sta gon gyi gtor ma'i sngags dang / rdo rje bsnams pa las gung mo myu gu ltar gshibs te/ bsgreng la mthe bong dang / mthe'u chung so sor bsgreng la spyi'i phyag rgyas dgod par bya'o/ /dkyil 'khor bzhi pa 'khrul 'khor yang khro bor bskyed pa'i tshe dbus kyi gtso bo rdo rje'i 'dzin pa sku mdog sngon po/g.yas rdo rje g.yon pa sdigs mdzub/ stag gi pags pa'i sham thabs bsnams pa/ dbang phyug chen po khyo shug mnan pa'o/ /thams cad kyang sku mdog nag po'o/ /stag gi pags pa'i sham thabs mnabs pa/ shar du rdo rje be con/ lhor rdo rje 'chol pa rdo rje bsnams pa/ nub tu rdo rje tho ba/ byang du rdo rje lcags kyu/ shar lhor rdo rje lcags sgrog /lho nub tu rdo rje ser ba/ nub byang du rdo rje gnod mdzes/ byang shar du rdo rje rmongs byed/ shar sgor rdo rje stobs po che/ lho sgor rdo rje bzhad pa/ nub sgor rdo rjes seng ge'i gdan/ byang sgor rdo rje gtum po/ ya sos ma mchu mnan pa/ skra dang sma ra 'bar ba bri bar bya'o/ /lhag ma ni snga ma bzhin no/ /yang rdo rje pho nya mo bcus bskor ba'i dkyil 'khor ni dbus su rdo rje rnam par 'joms pa snga ma bzhin du bris la/ 'khor lo rtsibs bcu pa'i rtsibs dang po blo gros rdo rje ma rdo rje bsnams pa/gnyis pa rdo rje dril bu bsnams pa/ gsum pa rdo rje nag mo rdo rje nag mo rdo rje gsum pa bsnams pa/ bzhi pa gzhan gyis mi thub pa be con bsnams pa/ lnga pa rdo rje rol pa rdo rje rtse gcig pa bsnams pa/ drug pa rdo rje ska rags rdo rje rtse gsum pa bsnams pa/ bdun pa rdo rje shugs mda' gzhu bsnams pa/brgyad pa rdo rje nyi ma rdo rje 'bar ba bsnams pa/ dgu pa rdo rje dbyig pa rdo rje dbyug thob bsnams pa/ bcu pa rdo rje bden pa sna tshogs rdo rje bsnams pa bri bar bya ste/ de sgrub pa'i sngags dang phyag rgya ni rdo rje dbyings kyi dbang phyug ma'i phyag rgya las srin lag nang du bcug la/ na maHsa man+ta bu d+d+ha badzra NAM tsa n+Da ma hA ro Sha Na hUM phaT/ces bya bar bri bar bya'o/ /yang na rdo rje nyid bstod de/ bstan pa ni pho nya mo rnams kyi ste/ na mo rat+na tra yA ya/ na mo badzra d+ha ra pra na ma bi d+yA ga Na s+ye swA hA/ zhes bya'o/ /rdo rje pho nya mo drug cu rtsa bzhis bskor ba'i dkyil 'khor la shar phyogs su rdo rje rigs kyi dang po rdo rje 'dzin pa/gnyis pa mdangs dkar ma/ gsum pa rdo rje rgyal ba/ rdo rje rnam par rgyal ba/ rdo rje khu tshur/ rdo rje rtse gcig pa/ rdo rje gdong dmar/ rdo rje 'od zer phreng / rdo rje rna cha'i gdong / rdo rje dga' byed gdong / rdo rje snga/ rdo rje lag bzang / rdo rje khro bo/ rdo rje rtse gcig pa/rdo rje snying po'i rgyal po/ rdo rje 'jigs byed rnams gzhag par bya'o/ /lhor rin po che'i rigs rdo rje'i ske rags/ rdo rje klu mgo can/ rdo rje klu 'dzin/ rdo rje yangs pa chen mo/ rdo rje klu chen mo/ rdo rje 'phrog pa/ rdo rje dga' ba nye dga'/ rdo rje kha 'bar ma/ rdo rje dka' thub zlog /rdo rje dbyig pa/rdo rje 'od zer phreng / rdo rje lcags kyu ma/ dpal gyi blo gros/ khro bo kI li kI lA ya/ khro bo su ru su ru/ dpal lha mo/ nub phyogs pad+ma'i rigs la/ ma tang+gi/ mig sna ma'i gdong / rdo rje rtse mo/ skrag byed chen mo/ b+h+ring+gi ri ti/ rdo rje ser skya/ rdo rje gtsug 'chang / rdo rje lcags sgrog /rdo rje sel byed/ rdo rje gdong / nam mkha'i gdong / rdo rje gnod 'joms/ rdo rje mi bzad pa/ rdo rje 'jigs pa/ rdo rje lu gu rgyud/ rdo rje thog thog rnams bri bar bya'o/ /byang phyogs su las kyi rigs rdo rje dbyig pa/ 'jigs byed chen po/ bdud rtsi thab sbyor/ /pad+ma yangs pa/rdo rje legs pa/ rdo rje dgra sta/ rdo rje seng ge'i khri/ rdo rje lcags mda'/ rdo rje mtshon cha mchog /rdo rje mtshon cha'i shugs/ rdo rje mtshon cha'i snying po/ dam tshig chen po/ rdo rje dbyug pa/ rdo rje gtsug gtor/ rdo rje'i 'dod pa/ rdo rje 'jigs byed rnams bri bar bya'o/ /rdo rje pho nya mo de rnams bri ba'i sngags dang phyag rgya ni sngar bstan pa'i spyi'i de nyid kyis bya'o//de ltar dkyil 'khor drug bris nas/ gdugs bzhi dang / ba dan bzhi gur gum dang rgya skyegs las btsos pa shing ring bzhi'i rtse mo la btags pa la sogs pa'i dkyil 'khor gyi rdzas dang / phyag na rdo rje dbang bskur pa'i rgyud nas 'byung ba bzhin du bsrung ba'i yan lag phyogs bzhir mdo bzhi bklag pa dang /mda' bcu dang phur bu gdab pa dang / ral gri bcu dang / mtshon thag btags pa dang / sngar bshad pa bzhin du bsrung ba'i yan lag rnams dang / mchod pa'i rdzas thams cad dang /bum pa dang sbyin sreg dang / gtor ma'i rdzas thams cad bsags la rnal 'byor pa bdag nyid sngar bshad pa bzhin du khrus dang gos bgo ba byas nas/ cho ga drug gis lhar bskyed de/ /srung ba dang spyan drang sbyang ba dang / /phyag rgya bcing dang phyir bzlog gnon/ /bskang dang tshim par bya ba dang //tshar gcod pa dang bskul ba dang / /'khrul 'khor sbyin sreg khrus bya ba/ /zhes bshad pa'i cho ga bcu gnyis 'dir yang thams cad rdzogs par byas la/ bdag nyid dngos grub bsgrub pa'am slob ma dbang bskur ba'i phyir cho ga thams cad spyad par bya'o//de ltar bsnyen pa'i tshe don bcu gnyis ji ltar byas pa bzhin du nye ba'i bsnyen pa la yang de bzhin du bya'o/ /sgrub pa sta gon la yang de bzhin du bya'o/ /sgrub pa chen po dkyil 'khor zhag kyang bcu gnyis snga ma bzhin du bya'o/ /de nas dkyil 'khor drug gang yang rung ba la/slob ma dbang bskur ba'i cho ga bshad par bya ste/ de la dang por phyi'i 'jug pa ni sems rab tu dang ba'i slob ma snga ma bzhin du phyag 'tshal ba dang / mchod pa dang / sdig pa bshags pa dang / rjes su yi rang ba dang / chos kyi 'khor lo bskor ba la sogs pa bdun rnam dag byas la/sngar bshad pa'i sngags kyis btab pa'i stod g.yogs dang / smad g.yogs dang gdong g.yogs bskon la dkyil 'khor gyi bdag po'i sngags dang phyag rgya spyi bor bzhag nas sngags lan gsum bzlas nas/ lha'i rigs kyi bsod nams ci 'dra ba de bzhin du 'bab par 'gyur ro//des dkyil 'khor du dbang du 'gyur ro/ /de nas rdo rje rigs kyi sngags bzlas la me tog 'phangs la gang la phog pa'i lha de ni de'i rigs kyi lhar 'gyur ro/ /de nas gdong g.yogs bkrol nas dkyil 'khor bstan te/ dkyil 'khor bzang po 'di la ltos/ /da ni dad pa rab tu bskyed//khyod ni sangs rgyas rigs su skyes/ /sngags dang rig pas byin gyis brlabs/ /'byor pa thams cad mngon du gyur/ /rten dang dngos grub thams cad kyang / /khyod la mngon du phyogs 'gyur gyi/ /dngos grub thob phyir dam tshig srungs/ /zhes brjod par bya'o//de'i tshe me tog dbu la phog na mchog gi dngos grub 'thob/ me tog rked pa la phog na thun mong gi dngos grub 'thob/ me tog rkang pa la phog na 'jig rten pa'i dngos grub 'thob par 'gyur ro/ /nang gi 'jug pa rdzogs nas/ nas dang sbrang rtsi dang 'o ma la sogs pa zhi ba 'am/ yang na rgyas pa/ mngon spyod kyis bgegs bzlog pas dbang bskur ba'i 'os su 'gyur ro/ /de nas bdud rtsi 'khyil pa'i sngags kyis btab pa'i rten sar pa la bzhag nas/ sgrub pa'i grogs pos bkra shis kyi tshigs su bcad pa 'di skad gdon par bya ste/ gang la ser sna rnam chags pa//rnam bcom dri ma sel mdzad cing / /thugs zhi gnod pa mi mnga' des/ /khyed la bde legs mdzad par shog /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa des/ /khyed la bde legs mdzad par shog /ston pa bzhugs pa rnams kyi rten//sems can kun gyi don gyi phyir/ /gang gi bde ba mnga' mdzad des/ /khyed la bde legs mdzad par shog /skyob pa gang gis byams pa yi/ /thugs kyis 'gro ba 'di dag kun/ /bu gcig bzhin du rtag bskyangs des/ /khyed la bde legs mdzad par shog / gang zhig 'khor bar 'khor ba yi/ /sems can kun gyi rten gyur cing / /gling dang dpung gnyen gyur pa ste/ /khyed la bde legs mdzad par shog /gang zhig chos kun mngon sum gyur/ /gtsang zhing slu ba mi mnga' la/ /gsung gtsang gtsang bar mdzad pa ste/ /khyed la bde legs mdzad par shog /dpa' bo chen po gar skyes par/ /phun sum tshogs don 'byor gyur cing / /don grub tshogs kyang grub pa ste/ /khyed la bde legs mdzad par shog /gang zhig skyes pas sa rnams ni/ /nags tshal bcas par rab g.yos shing / /sems can thams cad rab dga' byed/ /khyed la bde legs mdzad par shog /byang chub snying por gang zhig gis/ /sa dag rnam drug g.yos gyur cing / /bdud yid mi bder gyur pa ste/ /khyed la bde legs mdzad par shog /chos kyi 'khor lo bskor ba na/ /'phags pa'i bden pa rnam gsung ba/ /thub pa'i bstan pa gang byung ste//khyed la bde legs mdzad par shog /sangs rgyas khyed la bde legs mdzad/ /brgya byin bcas pa'i lha rnams dang / /'byung po kun gyi bde legs ni/ /khyed la rtag tu sbyin gyur cig /sangs rgyas bsod nams mthu dag dang / /lha rnams kyi ni bsams pa yis/ /khyod kyi 'dod don gang yin pa//don de de ring 'grub 'gyur shog /rkang gnyis khyed cag bde legs shog/ /rkang bzhi khyed cag bde legs shog/ /khyed cag lam 'gro bde legs gyur/ /phyir 'ong dag kyang bde legs gyur/ /nyin mo bde legs mtshan bde legs/ /nyi ma'i gung la'ang bde legs shog /khyed cag kun tu bde legs 'gyur/ /khyed cag sdig par ma gyur cig /ces bkra shis brjod nas/ cho ga drug gis ltar bskyed nas gnas lngar byin gyis brlabs nas dkyil 'khor gyi sngags bzlas pa'i gdugs bteg la khro bo gnod mdzes kyi sngags bzlas pa'i bdug pas bdug cing rnga yab kyis g.yab la glu dang sil snyan dang /rnga brdungs nas/ dkyil 'khor gyi lha kun la gsol ba btab la/ dkyil 'khor gyi lha'i sngags btab pa'i bum pas lan gsum bskor ba byed du bcug la chu'i dbang bskur bar bya'o/ /de nas phyag rgya bcing ba dang /sngags bzlas pas spyi bor gtug par bya'o/ /de nas gos sar ba bskon nas cod pan dang rgyan btags pa dang / dkyil 'khor gyi lha thams cad kyi phyag mtshan g.yas pa g.yas par sbyin/ g.yon pa g.yon par byin la/ de nas slob dpon gyis me tog gi phreng ba spyi bor bzhag la ming gdags par bya'o//de nas seng ge'i khri la bzhag la/ gdugs dang rgyal mtshan bsgrengs nas/ rin po che sna bdun dang bkra shis rdzas brgyad dang lha rnams kyi phyag mtshan dang bcas pa byin la/ rang rang gi ming dang lung bstan pa dang / gzengs bstod pa dang / dbugs dbyung bar bya'o/ /de nas sngags kyi gnang ba gi wang ngam gur gum gyis yi ge bris la slob ma dang slob dpon mnyam du lan bdun gyi bar du bklag par bya'o/ /des sngags kyi gnang ba thob par 'gyur ro/ /dkyil 'khor mthong nas dbang bskur ba ni rnam pa bzhir 'gyur te/slob dpon go 'phang thob pa'i phyir/ /dang po'i dbang du bsgrags pa yin/ /rig sngags thams cad grub pa'i phyir/ /gnyis pa'i dbang du bshad pa yin/ /bgegs ni rab tu gzhom pa'i phyir/ /gsum pa rab tu bsgrags pa yin/ /bzhi pa sbyor ba thob pa'i phyir//cho ga bzang po de bshad do/ /zhes gsungs so/ /bum pa'i dbang bskur ba dang po'o/ /rig sngags bzlas pa gnyis pa'o/ /bgegs rnams zhi ba gsum ba'o/ /dpal 'phel ba ni bzhi pa'o/ /zhes gsungs pa'o/ /ngan song gsum du mi lhung ba dang / mi khom pa brgyad spangs pa dang //tshe rabs dran zhing longs spyod che/ /tshul khrims ldan zhing gzugs kyang bzang / /rtag tu mi dang lha rnams kyi/ /mtho ris gnas su skye bar shog /ces smon lam yang gdab par bya'o/ /gal te sdom pa 'dzin par mi nus pa'am/ nad pa'am bar chad mang du 'byung ba'am/'byung po'i log 'dren gyis zin pa'am/ rig pa mchog las gsungs pa'i gdon rnams kyis gtses pa la khrus kyi cho ga bya ste/ bdud rtse'i 'khyil par bskyed la gnas lngar byin gyis brlabs te/ lha rnams kyi sngags zlos shing yungs kar gyis brab pa dang / rma bya'i sgro'i dbus su phyag rgya bcings pa ni bin du pa la zhes bya bas dkyil 'khor gyi sngags zlos shing byab pa dang /ru drA k+Sha gdong gcig pa'i rin po che rma med pa lus la btags nas bsrung ba bya ste/ dkyil 'khor gyi lha rnams la gsol ba gdab par bya'o/ /mgon po thugs rje 'chang ba'i lha//rig sngags rgyal po dge ba can/ /gnod pa thams cad zhi ba'i phyir/ /mgon po khyod kyis byin rlabs mdzod/ /ces brjod la/ dge ba'i rtsa ba bsngo bar bya ste/ bdag gi dge ba'i las rnams 'di dag gis/ /'jig rten du ni sangs rgyas myur bar shog /'gro la phan phyir chos rnams ston byed cing //sems can sdug bsngal mang pos gzir las grol/ /zhes dge ba'i rtsa ba bsngo ba dang / bzod par gsol bar bya ste/ gang yang bdag blo gti mug pas/ /zhes bya ba la sogs pa brjod par bya'o/ /de nas rdo rje lcags kyu ma'i sngags dang phyag rgyas dkyil 'khor gyi lha bum pa'i lha dang gcig tu bsres la/rma bya'i sgros dkyil 'khor gyi phyag rgya rnams phyis nas khrus kyi gzhong pa bzhag ste/ e ma sangs rgyas thams cad kyi/ /thugs rje can gyi thabs chen gyi/ /zhi yang sems can don du ni/ /dri ma med pa'i khro bor gyur/ /zhes bstod la bdud rtsi 'khyil ba'i sngags rings kyis kyang mtshams bcad gnas lngar rdo rjes gtug cing byin gyis brlab/sems dpa' gtsug tor dang / gzi brjid phung po bskyed par bya ste/ lag pa g.yas pa khu tshur bcangs la mdzod spur bzhag ste/ na maHsa man+ta bud+d+hA nAM a bu dzu zhes bya bas mdzod spu bskyed par bya'o//rdo rje dbyings kyi dbang phyug ma'i phyag rgya spyi bor bcings te/ oM dz+wa la dz+wa la/ dib+ta od ka de u bi sha du na du na hUM zhes bya bas gtsug tor bskyed par bya'o/ /rdo rje 'chol ba'i sngags dang phyag rgya dang / gu gul gyi dud pas kyang bdug par bya'o//khams gsum rnam par rgyal ba'i phyag rgya dang / oM badzra a sha ni hUM phaT ces bya bas sran phye dang bag phye de'i lus la btab la/ sgrub pa'i grogs pos sngar bshad pa'i bkra shis kyi tshigs su bcad pa gdon zhing bum pa thams cad kyi lha zhu bar bsams la de bzhin gshegs pa shAkya thub pa la phyag 'tshal lo//phyag na rdo rje la phyag 'tshal lo/ /bdud rtsi thab sbyor la phyag 'tshal lo/ /de thams cad kyi mthu dang / byin gyi rlabs kyis che ge mo zhes bya ba'i gnod pa dang / gdon thams cad zhi bar gyur cig ces brjod la/ spyi bo nas rkang pa'i bar du lus thams cad khrus bya'o/ / dkyil 'khor gyi lha'i sngags lan bdun bzlas pas spyi bor blugs pa dang / lan bdun bzlas shing snying gar blugs pa dang / lan bdun bzlas pas lte bar blugs par bya'o/ /de nas rma bya'i sgros byab cing / rdzogs sangs rgyas kyis bsngags pa yi/ /go 'phang 'di ni thob bya'i phyir/ / 'khor ba'i rgya mtsho ma rungs pa'i/ /dgra dang bgegs kyang med par shog /rkun po la sogs med par shog /mu stegs can las rgyal gyur cig /byang chub snying po thob par du/ /bdud sde bzhi yis mi thub cing / /khro bo mngag gzhug pho nya mo/ /bran la sogs pas bsrung bar shog /gcong rong g.yang sa la sogs dang / /gdon dang rims nad med par shog /ces byas la rma bya'i sgros byab par bya'o/ /de nas rdo rje rnam par 'joms pa'i gzungs lan gnyis gsum bton la khrus lan gsum bya'o/ /de nas sngar bshad pa bzhin du/ de la bsrung ba byas gos bskon nas me tog gi phreng ba dang /khro bo rnams kyi phyag mtshan bris pa'am/ lugs ma spyi bor gdags par bya'o/ /de nas bdag nyid kyang sngar bshad pa bzhin du bsrung ba byas la ldang bar bya'o/ /spyan drangs ba'i lha yang / khyod kyis sems can don kun mdzad//ces bya ba la sogs pas gshegs su gsol bar bya'o/ /dam tshig sems dpa' yang stong ba nyid du zhu ba dang rdul tshon gyi lha'i dman ma yang chu bo la sogs par dor bar bya'o/ /de nas gnas de na gnas pa'i 'byung po dang / gdon rnams dang / phyogs skyong la gtor ma byin la/nus na sbyin bdag dang slob ma bsrung ba'i phyir sbyin sreg bya'o/ /sangs rgyas byang chub sems dpa' dang / /rig 'dzin sngon gyi mkhas pa yis/ /ci gsungs lhag chad med par ni/ /rang bzor ma byas bzod gsol med/ /legs grub rig pa mchog dag dang / /rab grub gsang ba spyi rgyud dang /