CLOSE WINDOW

D2904
བོད་ཡིག

/[ ]@##/ /rgya gar skad du/ nI lAM ba ra rta ra badzra bA Ni kro d+ha rA dza sA d+ha naM/ bod skad du/ khro bo'i rgyal po phyag na rdo rje gos sngon po can sgrub pa'i thabs/ phyag na rdo rje gtum po la phyag 'tshal lo/ /g.yon brkyang gar gyis ri bong 'dzin pa la/ /legs bzhugs khro rgyal klu dgra de btud nas//de bsnyen cho ga bla ma bzang po las/ /ji ltar 'ongs pa bdag nyid dran par bri/ /de la khro bo'i bdag po yang dag par bsnyen par 'dod pa'i rnal 'byor pas tho rangs nyid du gdong bkru ba la sogs pa byas nas bsam gtan gyi sa la me tog gcal du bkram pas dga' bar byas pa'i dbus su stan bde ba la 'dug ste/rang gi snying gar yi ge hUM sngon po bsams la/ de'i 'od kyis rje btsun bla ma dang / sangs rgyas dang rgyal ba'i sras thams cad bskul te/ de dag gi mdun du yang dag par mchod pa dang / sdig pa bshags pa la sogs pa bya'o/ /de'i 'og tu oM shU n+ya tA dz+nyA na badzra swa b+hA ba At+ma ko u0f85haM/tshig gi don dang bcas par stong pa nyid du rnam par bsam mo/ /de nas rang gi snying gar a las byung ba'i zla ba'i dkyil 'khor/ de'i steng du yi ge hUM mthing ga 'od dang bcas par bsams te/ de'i 'od kyis 'gro ba ma lus par sbyangs shing / rang gi lhag pa'i skur gyur te/de dag thams cad 'dus nas sa bon gyi yi ge la bzhugs pa dang / rdo rje sngon po rtse lnga pa 'od zer gyi phreng ba 'khrugs par gyur pa blta ste/ de nas yang de las 'od zer 'phros pas sems can ma lus par rab tu drangs te/ rdo rje la zhugs pa dang / de nas de yongs su gyur pa las kha dog sngon po cher 'bar ba//rab tu khros shing 'dug pa ste/ /g.yon brkyang pa yis legs brten pa/ /bcu drug lo lon lta bu la/ /rab tu khros pa'i lta stangs can/ /lto 'phye brgyad kyis rnam brgyan cing / /zla ba'i gdan la legs bzhugs pa/ /zhal gcig phyag ni gnyis pa ste/ /g.yas na rdo rje rtse lnga pa//bsnun pa'i tshul gyis legs bzung zhing / /g.yon pa sdigs mdzub 'dzin mdzad pa/ /smad g.yogs sngon po legs bsnams shing / /spyan dmar mche ba rnams gtsigs pa/ /nyi ma'i 'od can mgo skyes ni/ /dmar ser gyen phyogs cod pan can/ /ha ha 'o dod chen po yis/ / log 'dren la sogs skrag byed pa/ /'jigs byed khro bo'i bdag por ni/ /bdag nyid rnam par bsam par bya/ /de'i rjes su nyid kyi thugs ka'i hUM las 'od zer 'phros pas ye shes sems dpa'i spyan drangs te/ yang dag par mchod la dzaHhUM baM hoHzhes pas/ de dgug pa dang gzhug pa dang /bcing ba dang / dgyes par bya'o/ /de nas sku gsung thugs byin gyis brlab pa'i phyir spyi bo dang mgrin pa dang snying ga'i zla ba'i dkyil 'khor rnams la rim pa ji lta ba bzhin du dkar po dang nag po dang dmar po'i oM AHhUM rnams rnam par bsam mo/ /de'i 'og tu spro ba dang bsdu ba'i rim pas ji srid skyo bar ma gyur gyi bar du bsgom par bya zhing skyo bar gyur na sngags bzlas par bya ste/skyen pa dang bal ba dang shin tu gsal ba dang mi gsal ba yang ma yin pa'i rnam par rtog pa spangs pas so/ /de nas bzlas pas skyo na/ oM a kA ro mu khaM zhes bya ba la sogs pas gtor ma nye bar phul te/oM badzra satwa sa ma ya/ ma nu pA la ya/ badzra satwa twe no ba tiSh+Tha/ dri D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba si d+d+hi m+me pra yats+tsha/ sarba karma su tsa me rtsi t+taM shre yaHku ru hUM ha ha ha ha hoHb+ha ga bAn/ sarba ta thA ga ta/ badzra mA me muny+tsa badzrI b+ha ba ma hA sa ma ya satwa hAHzhes bya bas lhag pa dang ma tshang pa dag yongs su rdzogs par bya'o//de'i rjes su ye shes sems dpa'i yang dag par mchod pas/ oM kro d+ha b+ha ba sarba sa trA r+tha/ si d+hA tat+t+wa ya tha mu gats+tsha d+ha/ bud+d+ha bi shwa ya ma/ pu nar ga ma nA ya muHzhes bya ba 'dis gshegs par bya'o/ / de la 'dir yang dag par bsnyen pa'i sngags ni/ oM nI lAM ba ra d+ha ra badzra pA Ni hUM phaT ces bya'o/ /de ltar sgrub la mngon brtson skal ldan rnams kyis ni/ /bsgrims te rang gi bla ma'i min ngag bdud rtsi gang / /'thungs pas lus sogs rab rgyas sngags rtsa skyes pa yis/ /rtogs pas bstan pa'i las la rab sbyar bde ba ni//de yis gnod pa ma lus bsal bar phod pa ste/ /gang dag skal ldan sngon gyi skye bar bsnyen byas pa/ /de dag bla ma bzang pos nyer bstan thob tsam gyis/ /sngon du bsnyen pa ma byas rtog par sbyar bas kyang / /dgos pa lus med mi ring nyid kyis 'byung bar 'gyur//de ltar bla mas gang bshad pa na byung bdud rtsi yi/ /thigs pas sdug bsngal zhi byed 'di ni 'dir gtor bas/ /skye bo rtog pa'i dug ni nad med nyams gyur pa/ /de rtogs rtog skyes nad dang nyer 'tshe zhi bar shog /bdag gis 'di dang gzhan dag tu/ / bsod nams gang dang gang bgyis pa/ /bsod nams de yis mgon po rnams/ /rtag tu bdag gis mthong bar shog /khro bo'i rgyal po phyag na rdo rje gos sngon po can gyi sgrub thabs/ slob dpon su tsan+d+ra b+ha dra'i zhal snga nas mdzad pa rdzogs so// //rgya gar gyi mkhan po bi na ya tsan+d+ra dang /