262b4 mchod sbyin 'di brtsams bsod nams kyis/ /'gro ba thams cad rgyas gyur te/ /rdo rje 'dzin pa'i sa thob shog /rdo rje'i 'dzin pa'i gtor ma'i cho ga rdzogs so// //slob dpon ba su d+ha badzras mdzad pa'o//[ ]@##/ /rgya gar skad du/ karma sarba rak+Sha bi d+hi nA ma/ bod skad du/
262b5 bsrung ba'i cho ga las thams cad pa zhes bya ba/ bla ma rje btsun pa rnams la phyag 'tshal lo/ /nad dang gnod pa zhi ba dang / /mi mthun thams cad bzlog pa'i phyir/ /bsrung ba'i dam pa'i rim pa 'di/ /phan phyir bdag gis bshad par bya/ /de la rdo rje 'dzin pa sgrub pa'i rnal 'byor pa dag
262b6 gis/dben pa'i sa phyogs su maN+Dal logs re la khru re yod pa/ gru bzhi pa 'phangs su sor brgyad pa/ ngos shin tu mnyam pa brtsigs la/ de la ba'i rnam pa lngas byug pa bya'o/ /de'i steng du tsan+dan dang gur gum la sogs pa'i dri bzang po rnams kyis snyoms par byug par bya'o/ /
262b7 de'i steng du me tog dri dang kha dog dang ldan pas legs par spungs te/ de'i steng du srung ba'i 'khor lo bzhugs su gsol ba ni/ ras sam gos bzang bri ba ni/ /gur gum chu yis 'khor lo ni/ /rtsibs brgyad mu khyud gnyis bcas la/ /rgya gram nang du chud pa bri/ /oM dang swA hA'i
263a1 bar dag tu//na mo ming dang spel ba ni/ /dri sna tshogs kyis thig le byas/ /lte ba dag tu dgod par bya/ /tsan+dan la sogs rnam pa brgyad/ /oM hUM phaT mthar bsres pa ni/ /rtsibs brgyad dag la rim bzhin no/ /mu khyud nang gi rim pa la/ oM tsaN+Da ma hA ro Sha Na hUM phaT/ che ge mo
263a2 zhes bya ba 'di kA ya bAka tsit+ta A yu She dzre baM shrI te dza sarba rak+Sha rak+Sha swA hA/nang du lta ba'i tshul gyis bri/ /phyi rol mu khyud yang de bzhin/ /mtshal dang dngul gyi khu ba yis/ /g.yas g.yon dag tu bri bar bya/ /ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/
263a3 ya ra la wa/ sha Sha sa ha k+ShaHha ha TaT+Ta/ a A/ i yI u U r-i rI l-il-I/ e ai o au aM aHde nas 'khor lo de dag nyid/ /rdo rje 'dzin par bskyed bya ste/ /dgug gzhug mchod bstod byas nas kyang / /'khor lo'i ngo bor gyur par bsam/ /rtsa ba ming dang bsrung ba'i sngags/ /
263a4 spel ba'i bzlas pa stong du bya/ /zhes 'byung ba'i phyir/ cho ga'i rim pa 'di dag las nyams par mi bya'o/ /'di dag gis ni brgya byin la sogs pa gnod pa ches che ba dag kyang ma lus pa bsrung bar 'gyur ro/ /dus ma yin par 'chi ba dag kyang ma lus pa bsrung zhing / /dus ma yin
263a5 par 'chi ba dag kyang nges par bzlog par 'gyur ro//sngags mkhan 'di dag ni tshangs spyod kyi dka' thub kyis gnas par bya'o/ /tshes brgyad nas brtsams te bco lnga'i bar gyis cho ga'i rim pa ji lta bar bya'o/ /bcu drug la 'gro ba mnyes pa'i mchod rten bya'o/ /sgo gsum gnod pa bsrung
263a6 ba'i phyir//bdag gis bsrung mchog la legs sbyangs/ /'di la nye bar gzhol ba rnams/ /mi mthun thams cad zhi bar shog /las thams cad pa'i bsrung ba'i cho ga zhes bya ba rdzogs so// //slob dpon ba su d+ha badzras mdzad pa'o/ /rnal 'byor pa bsod snyoms pa pradz+nyA shrI dz+nyA na kI rta si
rang 'gyur du mdzad pa'o/