CLOSE WINDOW

D2893
བོད་ཡིག

/gtor ma rgya mtsho chen po'am/ /yang na gnod pa'i phyogs su gtong / /rdo rje gos sngon gyi klu gtor cho ga slob dpon 'gro bzang sa snying pos mdzad pa rdzogs so//[ ]@##/ /rgya gar skad du/ ga Na tsakra nA ma/ bod skad du/ tshogs kyi 'khor lo zhes bya ba/gos sngon can la phyag 'tshal lo/ /gdug pa 'dul byed rdo rje can/ /de la rtag tu phyag 'tshal te/ /tshogs gnyis yongs su rdzogs bya'i phyir/ /tshogs kyi cho ga bshad par bya/ /gnas khang dben zhing nyams dga' bar/ /phyag dar chag chag byas nas ni/ /dkyil 'khor yang ni rab bzhengs la//yang na maN+Dal sngon por bya/ /gdugs dang ba dan la sogs dbul/ /rdo rje can gyi rten rnams dgram/ /mchod pa lnga dang ldan par bya/ /gtor tshogs rnams kyang bzang du bsham/ /bdag nyid yi dam lhar ni bskyed/ /mig gnyis dag tu nyi zla bsgom/ / de steng hUM ni bsam par bya/ /phyogs rnams kun tu bltas pas bsreg /de nas gnas ni bsrung bya'i phyir/ oM sum+b+ta ni sum+b+ha hUM hUM phaT/ shar gyi phyogs su rab 'phros pas/ /rdo rje rigs kyi khro bo ste/ /sku mdog dkar la 'jigs pa'i gzugs/ /phyag na mtshon cha sna tshogs thogs/ / dpag tu med pas gang bar bskyed/ /oM gr-ih+Na gr-ih+Na hUM hUM phaT/ rin chen rigs kyi khro bo ste/ /sku mdog ser la 'jigs pa'i gzugs/ /phyag na mtshon cha sna tshogs thogs/ /dpag tu med pas gang bar bskyed/ /oM gr-ih+NA pa ya gr-ih+NA pa ya hUM hUM phaT/ pad+ma rigs kyi khro bo ste/ / sku mdog dmar la 'jigs pa'i gzugs/ /phyag na mtshon cha sna tshogs thogs/ /dpag tu med pas gang bar bskyed/ /oM A na ya ho b+ha ga wAn bid+yA rA dza hUM hUM phaT/ las kyi rigs kyi khro bo ste/ /sku mdog sngo la 'jigs pa'i gzugs/ /phyag na mtshon cha sna tshogs thogs//dpag tu med pas gang bar bskyed/ /phyogs gsum spros pa shes par bya/ /rdo rje gur dang ra ba gsum/ /de la me dpung 'bar ba bskyed/ /de nas mgron rnams spyan drangs la/ /bdun po yongs su dag par bya/ /de nas gtor ma gtor chog bzhin/ /rgyas par rab tu dbul bar bya//de nas tshogs la bgegs bskrad la/ /gtor ma byin gyis brlab pa ni/ /de nas tshogs bdag bkod pa ni/ /tshogs rje tshogs kyi bdag po ni/ /bcom ldan rdo rje gos sngon can/ /tshogs kyi bdag po bzhugs su gsol/ /dus gsum bla ma rnams dang ni/ /jo bo dkon mchog gsum po dang //bstan pa srung ba'i chos skyong dang / /dpal mgon bdun cu rtsa gnyis sogs/ /tshogs kyi bdag por bzhugs su gsol/ /de nas tshogs ni dbul ba ni/ /dus gsum bla ma rnams dang ni/ /yi dam lha tshogs 'khor bcas la/ /tshogs kyi mchod pa dbul lags na//thugs rje cher dgongs dngos grub stsol/ /a la la ste mchod pa bzhes/ /lha rnams 'dul phyir gos dkar can/ /sku yi dkyil 'khor 'khor bcas la/ /lha srin 'dul phyir gos dmar can/ /gsung gi dkyil 'khor 'khor bcas la/ / klu rnams 'dul phyir gos sngon can/ /thugs kyi dkyil 'khor 'khor bcas la/ /bla med dkon mchog gsum po la/ /bstan pa srung ba'i chos skyong la/ /lhag ma yul bdag rnams la sbyin/ /de nas tshogs la longs spyod pa/ /lhag ma 'byung po'i gtor ma gtong / /glu dang gar dang bskor ba sogs//mchod pa rnam pa sna tshogs dbul/ /de nas mjug gi las rnams su/ /mchod bstod yi ge brgya pas bshags/ /bzod par gsol zhes gshegs pa ni/ /gang yang bdag blo gti mug pas/ /legs spyad 'di la nyes pa gang / /de kun mgon pos bzod par mdzod//gtso bo nus pa ma mchis shing / /ma tshang ba dang ma chog pa/ /de kun mgon pos bzod par mdzod/ /hUM khyed kyis sems can don kun mdzad/ /rjes su mthun pa'i dngos grub stsol/ /nyid kyi yul du gshegs su gsol/ /nyid kyi yul du gshegs nas kyang /