CLOSE WINDOW

D2892
བོད་ཡིག

/ //rgya gar gyi mkhan po paN+Di ta te dza nge ba dang / /bod kyi sgra bsgyur gyi lo tsA ba dge slong shes rab kyis zhus shing gtan la phab pa'o//[ ]@##/ /rgya gar skad du/ badzra pA Ni nI lAM bar d+ha ra nA ga ba liM bi d+hi/bod skad du/ phyag na rdo rje gos sngon po can gyi klu gtor gyi cho ga /bcom ldan 'das khro bo'i rgyal po phyag na rdo rje gos sngon po can la phyag 'tshal lo/ /rang nyid lha yi nga rgyal gyis/ /byams dang snying rje byang chub sems/ /yang nas yang du bsgom byas nas/ /mdun du paM las pad+ma ni//kha dog dmar po 'dab brgyad de/ /phuHbrgyad las ni klu brgyad bskyed/ /de nas snying ga'i 'od zer dang / /oM phaiM phuHzhes pas klu chen brgyad/ /'khor dang bcas pa bkug la bstim/ /dkar gsum mngar gsum bdud rtsir bcas/ /dam tshig ye shes klu rnams mchod//de nas gtor ma byin brlab ste/ /snod ni khaM las rin po che/ /shin tu mdzes shing blta na sdug /yangs la rgya ni che bar bsgom/ /rin chen snod mchog de nang du/ /dkar gsum mngar gsum bdud rtsir bcas/ /snod ni shin tu gang bar bsam/ /de yi steng du yi ge gsum/ / kha dog dri dang ro sbyangs dang / /bdud rtsi ro mchog brgyad dang ldan/ /g.yas pa mchog sbyin phyag rgya la/ /ha hoHhrIHbaM dag las ni/ /dpag bsam shing chen bsam byas la/ /lo ma yal ga thams cad la/ /rin chen bum pa bdud rtsis gang / /dpag tu med pa bsams nas ni/ / bruM las bdud rtsi'i char babs pas/ /gtor ma yongs su gang bar bsam/ /oM AHhUM zhes lan gsum brjod/ /mgron rnams thams cad lce las ni/ /hUM las rdo rje sbu gus rngub/ /oM ba su ki i maM ba liM ta kha kha khA hi khA hi/ oM tak+Sha ka i maM ba liM ta kha kha khA hi khA hi/ oM karko Ta/ oM hu lu ta ka /oM pad+ma/ oM ma hA pad+ma/ oM shaM kha pA la/ oM ku li ka ya/ oM nA ga pa na saM khru ha ra ha ra i maM ba liM ta kha kha khA hi khA hi/ i maM ba liM tsaM la gdags/ oM phaiM klu'i rgyal po sog ma med/ i maM ba liM kha kha khA hi khA hi/ oM mtha' yas dang ni nor rgyas bu/ /'jog po dang ni stobs kyi rgyu//pad+ma pad+ma chen po dang / /dung skyong dang ni rigs ldan dang / /lha mo lha mo chen mo dang / /zla ba zla ba spyi gtsug che/ /snying po med dang hu lun+ta/ /dga' bo dang ni nyer dga' dang / /rgya mtsho dang ni rgya mtsho che/ /gdung ba dang ni gdung ba che/ /dpal gyi 'od dang 'od po che/ / rin chen 'od dang gzugs bzang dang / /gzugs chen 'od dang sbrul bzang lto 'phye che/ /smig rgyu dang ni smig rgyu che/ /klu chen brgyad po 'khor dang bcas/ /'dir gshegs mchod sbyin gtor ma bzhes/ /mdzes pa'i dkar gsum gtor ma 'di/ /mngar gsum 'o ma'i rgya mtshor bcas//rin chen phreng ba'i them skas can/ /klu yi gnod pa skyob byed pa/ /mthun pa'i rdzas su 'di gyur cig /mchod sbyin gtor ma 'di bzhes la/ /bdag cag 'khor dang bcas rnams la/ /klu las gyur pa'i nad rnams ni/ /mthong ba'i dug dang kha rlangs dug /bsam pa'i dug la sogs pa kun/ /de dag thams cad zhi gyur cig /bdag pas gces pa'i rdzas khyer la/ /bdag la gnod pa ma byed par/ /rtag tu byams pa'i sems dang ni/ /pha ma lta bu'i sems kyis ltos/ /gzhan yang las las skyes pa yi/ /bka' dang dam las thogs pa yi//gdug pa can gyi tshogs rnams kun/ /bka' yi pham 'bab 'di snoms la/ /so so rang re'i gnas su dengs/ /nyon cig nyon cig rigs kyi bu/ /ji ltar sa bon tsha ba la/ /myu gu tsha ba 'byung ba ltar/ /so so rang re'i gnas la spyon/ /'byung bzhi so sor gyur yang srid/ / bde gshegs bka' las 'gyur ba med/ /las 'bras 'gyur zhing slu mi srid/ /de las khyod sdig mi byed par/ /dge ba'i bsam pas gnas par gyis/ /bden pa bdar la chos bshad bya/ /de rjes yi ge brgya pa brjod/ /ye shes klu rnams gshegs su gsol/ /dam tshig pa ni mi dmigs bsam/