CLOSE WINDOW

D2888
བོད་ཡིག

lo tsA ba rin chen bzang bos bsgyur ba'o/[# ]@#/ /rgya gar skad du/ badzra pA Ni maN+Dal bid+hiH / bod skad du/ phyag na rdo rje'i dkyil 'khor gyi cho ga /dpal phyag na rdo rje la phyag 'tshal lo/ /dpal ldan phyag na rdo rje dang / /bla ma la gus phyag 'tshal te/ sgrub pa po la phan pa'i phyir//de yi dkyil 'khor cho ga brtsam/ /dpal phyag na rdo rje bsgrub par 'dod pa'i rnal 'byor pa'i don du dkyil 'khor cho ga 'di bsdu bar bya'o/ /de la sngon du bsnyen pa bya ba ni sgrub pa'i thabs las 'byung ba bzhin du bdag nyid lhar bskyed la snying po 'bum bzlas pa bya ba'am/yang na ji srid mtshan ma thob par ma gyur gyi bar de srid du bsgom pa dang bzlas pa ni sngon du bsnyen pa'i cho ga'o/ /de ltar bsnyen pa rdzogs nas sa'i cho ga bya ste/ gtsug lag khang ngam/ kun dga' ra ba'am/ nags tshal la sogs pa yid du 'ong ba'i gnas su sa bslang ba dang / sa sbyang ba dang / sa gzung ba dang / sa byin gyis brlab par byas te/ de la bslang ba ni gnas kyi bdag po la bslang ba dang / maN+Dal dang dri'i thig le dang / me tog gi tshom bu bya ste/ mchod pa dang gtor ma bshams nas oM a pra ti bi ka ra sha hUM dzaH zhes bya ba dang / rdo rje bsdams pa'i mdzub mo gnyis brkyang la sa la reg par byas pas sa'i lha mo 'khor dang bcas pa spyan drangs la/sa'i lha mo mchod pa dang / de'i 'khor lo gtor ma byin nas gsol ba gdab par bya ste/ skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin pa la//lha mo khyod ni dpang du gyur/ /skyob pa shAkya seng ge yis/ /ji ltar bdud kyi sde bcom pa/ /de bzhin bdag gis bdud kyi sde/ /pham par bya ste dkyil 'khor bri/ /zhes lan gsum gyi bar du brjod la/ sa byin par bsams te mchod la gshegs su gsol/ /de nas sa sbyang ba ni drag po dang zhi ba'i sbyin sreg bya'o//'dom gang nye 'khor du lte ba nub tsam mam pus mo nub tsam brkos la gseg ma dang / gyo mo dang / rus pa la sogs pa bsal la spos chus bran la/ sa de nyid kyis bkang nas sa'i ltas brtag par bya ste/ sa sbyang ba'i cho ga'o/ / de'i rjes la sa bzung ba ni gdugs dang /rgyal mtshan dang / bla re la sogs pa bres la sku gzugs bkram nas phyogs bzhir spos rgyun mi 'chad par btul bar bya'o/ /de nas lag pa g.yas pa der gtugs te / yi ge brgya pa bdun nam nyi shu rtsa gcig bzlas par bya ste/ sa gzhi rdo rje'i rang bzhin du byin gyis brlabs pa ni sa gzung ba dang byin gyis brlab pa ste sa'i cho ga'o// //de nas bdag nyid khrus bya zhing dris byugs la/ gos sngon po'i stod g.yogs dang / smad g.yogs bgo zhing / rgyan gdags shing rdo rje dril bur ldan pas gal te nus na smyung bar gnas pa'am ma nus na zas dkar gsum bza' bar bya'o//de la re zhig sa'i dkyil 'khor gyi dbus su 'dug la tshogs bsags pa dang / srung ba'i 'khor lo bsgom pa dang / gzhal yas khang gdan dang bcas pa bsgom par bya ste/ de'ang yi ge hUM yongs su gyur pa las rdo rje chen po nam mkha'i tshad dang mnyam pa khong stong bsam pa ni srung ba'i 'khor lo'o//de'i nang du b+hUM las gzhal yas khang gru bzhi sgo bzhi pa/ rta babs dang bcas pa bskyed la/ dbus su a las zla ba'i dkyil 'khor bsgom par bya'o/ /de nas bdag nyid lhar bskyed la ye shes sems dpa' gzhug pa dang / dbang bskur ba dang /yi ge gsum gyis gnas gsum du byin gyis brlabs pa'i bar du byas la sa'i lha mo mchod nas gsol ba gdab pa'i bar du bya'o/ /de nas sgrub pa'i grogs pos mtshan brgya rtsa brgyad pas bstod nas gsol ba gdab par bya ste/ maN+Dal dbus dang phyogs bzhir ni/ gos sngon can rigs lnga skad cig gis bsgoms la/ lha la gsol ba gdab pa'i cho ga /rdo rje'i dkyil 'khor bri ba'i phyir/ /bdag gis dkyil 'khor sa bzung bas / /sangs rgyas byang chub sems dpa' yis/ /bdag la byin gyis brlab tu gsol/ /zhes so/ /slob ma bzhi yis phyogs bzhi nas gsol ba gdab pa'i tshig 'di dag go//rdo rje gos sngon rigs kyi gtso/ /mnyam pa'i dang las 'bar ba'i sku/ /zhe sdang chen po tshar gcod phyir/ /rdo rje rigs kyis bzung mdzod/ /rin chen gos sngon rigs kyi gtso/ /mnyam pa'i ngang las 'bar ba'i sku/ /nga rgyal can rnams gzhom pa'i phyir//rin chen rigs kyi sa bzung mdzod/ /pad+ma'i gos sngon rigs kyi gtso/ /mnyam pa'i dang las 'bar ba'i sku/ /'dod chags can rnams gdul ba'i phyir/ /pad+ma rigs kyis bzung mdzod/ /las kyi gos sngon rigs kyi gtso/ /mnyam pa'i ngang las 'bar ba'i sku/ /phrag dog can rnams gdul ba'i phyir//las kyi rigs kyi sa bzung mdzod/ /ces so/ /de nas mig g.yas par ma las nyi ma'i dkyil 'khor/ /g.yon par Ta las zla ba / rkang mthil du sna tshogs rdo rje bskyed nas langs te sangs rgyas thams cad la phyag byas bdag lha'i sku gsal bar dmigs te/dbus kyi gtso bo nam mkhar bteg la khro bo'i bstod pa bya'o/ /de la bstod pa ni/ chos dbyings stong pa gnyis med ngang nyid las/ /'jig rten spyod pa'i tshul yang mi spong zhing / /thabs la mkhas pas 'jigs byed skur ston pa'i/ /khro chen 'bar ba'i tshogs la phyag 'tshal bstod//bskal pa'i me dpung 'bar ba'i klong dkyil nas / /dpa' bo stang stabs brkyang bskum tshul du bzhugs/ /nyi zla 'bar ba'i spyan gyi sdang mig gis/ /bgegs dpung sreg par mdzad la phyag 'tshal bstod/ /ces brjod la bka' bsgo bar bya ste/ dkyil 'khor chen po'i sa gzhi la gnas pa'i//lha la sogs pa'i bgegs tshogs kun nyon cig /nga ni gnas 'dir dkyil 'khor chen po 'bri/ /bgegs kyi rigs tshogs gang yin 'byer bar gyis/ /ci steng yi bka' las 'das gyur na/ /ye shes can gyi rdo rje 'bar ba 'dis/ /spyi bo tshal pa brgyar ni 'gas 'gyur zhing //rnam par 'jig par 'gyur bar gdon mi za/ /zhes bya ba dang / deng rnal 'byor gyi dbang phyug che ge mo zhes bya bas rdzogs pa'i slob che ge mo zhes bya ba byang chub tu rdzogs par bya ba'i phyir dang / sems can thams cad bla na med pa'i byang chub thob pa'i phyir dang /dpal phyag na rdo rje zhes bya ba'i dkyil 'khor chen po zhig rtsom gyis gang su rung bas sa phyogs 'di na gnas pa'i lha dang lha ma yin dang / gnod sbyin dang / srin po dang / yi dwags dang / sha za dang / 'byung po dang / gnon po dang / nam mkha' lding dang /mi'am ci dang / rig 'dzin la sogs pa rgan po dang / rgan mo dang / 'khor dang / g.yog tu bcas pa 'dir ma gnas par gzhan du dengs shig /de ltar phyag na rdo rje'i bka' thos pas myur ba nyid du dengs shig /gang dag mi 'gro ba de dag ni da'i ye shes kyi rdo rje chen po kun du 'bar ba 'dis mgo bo tshal pa brgyar 'gas par gyur ta re zhes lan gsum brjod de/rdo rje chen po'i gar dang / rdo rje chen po'i 'gros kyis sa gzhi lan gsum bskor zhing / rang gi lus las khro bo'i tshogs phyung la sdang ba thams cad bskrad par bsam mo/ /de nas yi ge hUM gis srung ba'i 'khor lo byas la/phur bu lnga stong phyag na rdo rje smad rdo rje rtse gcig pa lta bur bskyed nas/ oM badzra kI li kI la ya sarba big+h+nA ban+d+ha hUM phaT ces bya ba brgya rtsa brgyad bzlas la/ dbus dang grwa bzhir oM g+ha g+ha g+hA ta ya g+hA ta ya/ sarba du Sh+TA na hUM phaT/ kI lA ya kIl ya sarba pA paM hUM phaT/hUM hUM hUM badzra kI li kI lA ya badzra d+ha ra Adz+nyA pa ya ti/ kA ya wA ka tsit+ta badzra kI lA ya hUM phaT ces bya bas btab la/ oM badzra mung+ga ra A ko Ta ya hUM phaT ces bya bas brdung bar bya'o/ /de nas srung skud bcing ba dang / gu gul gyis bdugs pa dang / me tog phreng ba btags shing dri'i thig le byas nas byams pa'i go cha bskon par bya'o//de nas dkyil 'khor ba'i rnam lnga dang / snying po bzlas pa'i dri chus byugs la/ dbus su dri'i thig le byas te me tog gi tshom bu bkram nas dzaHhUM baM hoH'i sngags kyis bteg pa'i lha bzhugs su gsol lo / ye shes sems dpa' gzhug pa dang /dbang bskur ba dang / yi ge gsum gyis gnas gsum du byin gyis brlabs/ mchod pa rgyas pa dang / bstod pa byas nas snyan gsan dbab par bya ste/ phyag na rdo rje bcom ldan 'das/ /rig sngags rgyal la phyag 'tshal lo/ /slob ma kun la brtse ba dang //khyed rnams la yang mchod pa'i phyir/ /sang ni dkyil 'khor bri bar 'tshal/ /bcom ldan bdag ni gus pa la/ /de bas gnang ba mdzad par rigs/ /zhes lan gsum brjod par bya ste/ lha lhag par gnas par bya'o/ / de nas bum pa gnyis legs par bkrus na ras gtsang mas mgul pa bcings te/ldum bcas lcug mas kha brgyan la/ rin po che lnga dang / sman lnga dang / 'bru lnga bcug nas lhag par gnas par bya ste/ de nas bum pa bdud rtsi 'khyil pas bsangs nas/ b+h+rUM las gzhal yas khang dang / ba~M las 'o ma can gyi rgya mtsho dang / hrIH las sna tshogs pad+ma dang /a las zla ba'i dkyil 'khor bskyed nas de'i steng du hUM las phyag na rdo rje bskyed de/ ye shes sems dpa' dgug pa dang / gzhug pa dang / dbang bskur ba dang / byin gyis brlab pa dang / mchod pa dang / bstod pa byas nas sngags brgya rtsa brgyad bzlas te/ gos gtsang mas bkab la bzhag ste/ phyi de zhag gsum du bzlas pa bya ste bum pa lhag bar gnas pa'o/ / de nas 'byor pa yod na sbyin sreg gi mchod pa bya'o/ /de nas gtor ma'i cho ga las 'byung ba bzhin du gtor ma btang nas/ slob ma lhag par gnas pa bya ste/ khrus byas la me tog lag tu thogs te slob dpon gyi zhabs gnyis la phyag 'tshal nas gsol ba btab ste rgyun bshags bya'o//dga' chen khyod la bdag dga'o/ /slob dpon khyod ni dgongs su gsol/ /byang chub chen po'i tshul bstan pa'i/ /mgon po chen po bdag la stsol/ /dam tshig chen po stsal du gsol//byang chub sems ni bdag la stsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po'i grong mchog tu/ /mgon po bdag ni gzhug tu gsol/ /bu tshur theg pa chen po yi/ /gsang sngags tshul chen spyod pa dag /khyod la yang dag bstan par bya//khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje can/ /rdo rje gsang sngags 'di bsgoms pas/ /dpa' bo byang chub shing drung du/ /thams cad mkhyen pa'i mtshan ma brnyes/ /gsang sngags sbyor ba mnyam med de//shAkya seng ge skyob pa yis/ /bdud sde shin tu mi bzad pa'i / /dpung chen dag kyang de yis bcom/ /'jig rten rjes 'jug par rtogs nas/ /'khor lo bskor nas mya ngan 'das/ /des na kun mkhyen thob bya'i phyir/ /bu yis blo gros 'di gyis shig /de nas lhar bskyed nas mchod pa bya ste/so shing dor ba dang / ku sha sbyin pa dang / srung skud gdags pa dang / zab cing rgya che ba'i chos bshad par bya ste / 'jig rten du ni kun mkhyen rnams / /u dum+WA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / / gsang sngags spyod pa'i cho ga ni/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /chos kyi 'khor lo bskor ba dang / /'gro don mnyam med byed par 'gyur/ /gzhan yang theg pa chen po yi/ /lam mchog 'di ni dpal dang ldan//khyed rnams der ni dong pas na/ /thams cad mkhyen pa'i 'bras bu thob/ /rdzogs pa'i sangs rgyas nyid du 'gyur/ /des na bu yis brtson par gyis/ /slob ma lhag par gnas pa'o/ /de ltar lhag par gnas par byas nas/ /nang par nyi ma shar ba dang mchod pa bshams la /dkyil 'khor nam mkhar bteg ste/ sa gzhi ba'i rnam pa lnga dang dri chen pos byugs nas thig skud byin gyis brlabs la cho ga bzhin thig gdab par bya'o/ /da nas tshon dgye bar bya ste/ tshon byin gyis brlabs la dbus su pad+ma dang zla ba'i gdan la rdo rje rtse lnga pa bris pa dang /phyogs kyi rim par tshon dgye ba dang / rtsig pa la phyi rim dkar po dang / ser po dang / dmar po dang / ljang gu dang / nag po dang / kha khyer dmar po dang / rin po che'i pha gu ser po dang / dra ba dra phyed nag po/ mda' yab ljang gu/ rta babs ci mdzes pa/ rdo rje me ri dang bcas par bri bar bya'o//de ltar dkyil 'khor bris nas dgongs ka'i dus su mchod rdzas rnams bsags nas bdag nyid stan bde ba la 'dug ste/ lha'i nga rgyal gyis dkyil 'khor bteg la yid kyis nang du zhugs te/ lhag pa dang ma tshang ba'i nyes pa zhi bar bya ba'i phyir lan bdun bskor bar bya'o//de nas me tog gi phreng ba dor la slar rang gi mgo la bcing bar bya'o/ /de nas bdag nyid lhar bskyed la mdun gyi lha yang sa bon gyi yi ge yongs su gyur pa las rdo rje las 'od zer spro bsdu byas nas/ lhar bskyed la ye shes sems dpa' gzhug pa la sogs pa byas nas/ mchod pa rgyas par phul bstod pa byas nas bum par bcug ste/ bzlas pa byas nas chur zhu ba las sku khrus gsol bar bya'o/ /de nas sbyin sreg bya ba dang / gtor ma btang nas slob ma la dbang bskur bar bya ste/ de nas bdag nyid 'jug pa'i cho ga dang / slob ma 'jug pa'i cho ga yang tshul bzhin du bya'o//de nas dkyil 'khor gyi lha la phyag byas la/ gnang ba nod par bya ste/ bdag ming 'di zhes bgyi bas ni/ /rdo rje slob dpon dka' thub che/ /sems can rnams la phan pa'i phyir/ /slob ma rnams ni 'jug par 'tshal/ /de nas rdo rje slob ma yi / /spyod lam legs par gsungs pa yi / / bla ma chen po khyed kyis ni/ /byang chub chen po'i lam ston pa'i/ /bsam gyis mi khyab dam chos snod / /dbang bskur dam pa mdzad du gsol/ /gdong g.yogs bcing ba dang / rgyun bshags bya ba dang / sdom pa gzung ba dang / lhar bskyed cing las thams cad pa'i bum pas khrus bya ba dang / dkyil 'khor du 'jug pa dang /lha'i dam tshig bsgrag pa ni/ mthu stobs phyag na rdo rje ni/ /khyod kyi snying la yang dag zhugs/ /rtag tu yi dam lha yin gyi/ /tshul 'di smra bar ma byed cig /gal te tshul 'di smras na yang / /de ma thag tu dral te gshegs/ /zhes pa'o/ /de nas tsan+dan gur gum la sogs pa'i chu khyor bar blugs la/ 'di ni khyod kyi dmyal ba'i chu/ /dam tshig 'das na tshig par byed/ /gal te gsang sngags dngos grub ni/ /rdo rje bdud rtsi'i chu 'dis 'grub/ /ces brjod do/ /de nas slob dpon gyis dam tshig bsgrags te / da ni phyag na rdo rje ste/ /nga yis bsgo ba'i las nyon cig /ma mos brnyas par ma byed cig /gal te khyod kyis brnyas na ni/ /dam tshig 'di yis sreg par byed/ /tsha ba chen po'i gnas su bsreg /ces pa'o/ /ye shes dbab pa ni / de nas rdzas kyi dud pa btang / /rdo rje slob dpon thugs ka nas/ /kha dog dmar ba'i a bton nas/ /slob ma'i snying gar gzhug par bya/ / slob ma rnams kyis bde ba bsgom/ /'phar dang ldeg pa'i rtags byung na/ /de nyid brtan pa'i yan lag bya/ /ye shes dbab pa'o/ /phreng ba dor ba dang / /gdong g.yogs dgrol ba dang / dkyil 'khor lta ba byas nas lhar bskyed la/ rang bzhin rnam dag bdag nyid las/ / dpa' bo dbang phyug ma yi gnas/ /dri med rang bzhin dkyil 'khor ni/ /bu khyod kyis ni blta bar gyis/ /gdong g.yogs bkrol te 'khor lo'i lha / /de bzhin nyid ni bstan par bya/ /gtso bo sgo mar bcas pa bstan/ /chu dang / cod pan dang / rdo rje dang / dril bu dang / ming gi dbang bskur bar bya'o//de nas sku gsung thugs kyi brtul zhugs la sogs pa bskur ro/ /de yang dang po/ yon phul nas ni gsol gdab bya / /bum pa'i chu kun bsdus nas bya / /slob ma la ni dbang bskur bya/ /byang chub rdo rje sangs rgyas pas/ /ji ltar phul bas mchod pa che/ /bdag kyang bsgral ba'i don du ni//nam mkha'i rdo rje bdag la stsol/ /zhes brjod la/ de nas bum pa'i dbang bskur te/ rdo rje dbang skur chen po ni/ /khams gsum kun gyis phyag byas pas/ /gsang gsum gzhi las byung ba yi/ /rdo rje gos sngon chu dbang sbyin/ /oM badzra nI lAM ba ra d+ha ra a b+hi Shiny+tsa mi/ de nas dbu rgyan gyi dbang bskur te/sangs rgyas yon tan las byung ba'i/ /yid bzhin nor bu 'bar ba che/ /bsams pa thams cad 'byung ba'i gnas/ /rin chen gos sngon dbang bskur ro/ /oM rat+na mu ku Ta a b+hi Shiny+tsA mi/ de nas rdo rje'i dbang bskur te/ /sangs rgyas kun gyi rdo rje'i dbang / /de ring khyod la bskur byas pas//sangs rgyas thams cad rab bsgrub phyir/ /pad+ma'i gos sngon rdo rje zung / /oM pad+ma nI lAM ba ra d+ha ra badzra pA Ni a b+hi Shiny+tsa mi/ de nas dril bu'i dbang bskur te/ /chos kun sgyu ma'i sgra sgrogs te/ /stong pa'i don las sad par byed/ /shes rab dril bu'i dbang bskur bas/ /las kyi gos dbang thob par shog /oM karma nI lAM bar d+ha rA pa ti s+t+waM ab+hi Shiny+tsA mi/ de nas ming gi dbang bskur te/ /rdo rje'i ming ni bla med pas/ /cis kyang mi tshugs mi shigs pas/ /bla med byang chub nges thob pas / /bde gshegs gos sngon dbang thob shog /oM bud+d+ha nI lAM ba ra d+ha ra nA ma a b+hi Shiny+tsA mi//de nas phyir mi ldog pa rdo rje slob dpon gyi dbang bskur te/ dbang stegs pad+ma 'dab brgyad bri/ /de steng slob ma bzhag nas ni/ /tshig gis gsol ba gdab par bya/ /mi ldog 'khor lo'i dbang stsol cig /dkyil 'khor lha yi de nyid dang / /sngags dang phyag rgya'i de nyid rnams/ / bdag nyid slob dpon bgyid par 'tshal/ /de nas bum chus dbang bskur te / /gsang ba byang chub sems kyi chu/ /lha yi chu ni dag pa ste/ /dri med rdo rje chu yi dbang / /rdo rje rigs mchog chu dbang sbyin/ /rdo rje dam tshig sbyin te/ hUM thog mtha' med pa'i sems dpa' ni/ /rdo rje sems dpa' dga' ba che//kun du bzang po kun bdag nyid/ /rdo rje dang po'i bdag po'i gtso/ /yang dag thog ma med pa yi/ /skyes bu chen po bcom ldan 'das/ oM badzra a b+hi Shiny+tsA mi/ dril bu'i dam tshig sbyin te / 'di de sangs rgyas thams cad kyi/ /shes rab dbyings zhes 'gro bar 'dod/ /rtag tu khyod kyis kyang zungs te //rgyal ba'i byang chub mchog tu bzhed/ /oM badzra dAp+ti driSh+Ti a b+hi Shiny+tsA mi/ phyag rgya'i dam tshig sbyin te/ thabs dang shes rab gnyis med rgya/ /mi phyed rdo rje'i ngo bo nyid/ /'khyud pa'i dam tshig phyag rgya ste/ /khyod kyis kyang ni rtag tu bcang / /oM kA ya mu tra a b+hi Shiny+tsa mi/dkyil 'khor gyi ni de nyid dang / /slob dpon de nyid rab tu sbyin/ /de ba maN+Dal gu ru a b+hi Shiny+tsA mi/ de la lha'i gnang ba sbyin pa'o / /sems can rnams la phan don phyir/ /'jig rten khams ni thams cad du/ /ji lta ji ltar 'dul 'gyur ba/ /de ltar chos kyi 'khor lo bskor//rjes su gnang ba sbyin pa'o/ /'di ni sangs rgyas thams cad kyi/ /rdo rje sems dpa'i phyag na gnas/ /rtag tu khyod kyis kyang bzung ste/ /lag na rdo rje'i brtul zhugs brtan / /oM sarba ta thA ga ta tiSh+Tha sa ma ya/ a ti de sha s+t+waM ya mi badzra satwa hi hi hi hi hUM zhes brtul zhugs sbyin no//de nas slob dpon gtso bor bsgoms te/ chos gos gyon pa'i tha ma lag pa g.yon pa'i khu tshur gyis snying gar bzung la/ lag pa g.yas pas mchod sbyin du byas / /kye 'dod chags rdo rje rdzogs sangs rgyas/ /zhes bos la/ sngags 'di brjod par bya'o/ /sid+d+hi sa ma ya s+t+waM b+hur b+hu ba swaH /de nas lung bstan te/ sangs rgyas dang byang chub sems dpa' dang / 'phags pa thams cad kyis mgrin gcig tu yang dag pa'i byang chub tu lung bstan pa'o / /mchod sbyin gyi phyag rgya chen po'i mthu dang / sngags kyi mthu nges par 'ong gis dad par gyis shig ces lung bstan par bya'o//dkyil 'khor cho ga sbyar ba yis / /dge ba gang des 'gro ba kun/ /phyag na rdo rje thob nas ni/ /'gro don ma lus byed par shog /dpal phyag rdo rje'i dkyil 'khor gyi cho ga /slob dpon klu sgrub dang / 'gro bzangs snying pos don gcig tu bsdebs pa rdzogs so/