CLOSE WINDOW

D2882
བོད་ཡིག

dpal phyag na rdo rje mdo lugs kyi man ngag lag tu blang ba'i sgrub thabs slob dpon chen po bIR+ya tsan+d+ras mdzad pa rdzogs so//[ ]@/ /gsang sngags kyi bzlas brjod bzhugs/ /'phags pa lag na rdo rje gos sngon po can la phyag 'tshal lo/ /dben zhing nyams dga'i gnas dag tu//rnal 'byor sngags kyi skyon gyur pa/ /sgra ches skyon gyur 'byung po dag /snod med gyur pas thos gyur na/ /sgra ches bar chad mthu med gyur/ /sgra chung gyur na dngos grub med/ /skyen gyur lus kyi phrad pa nyams/ /des na sngags kyi mthu med 'gyur/ /bul na bzlas pa'i grangs med pas//dus 'das par gcod sbyor ba 'byung / /glo dang g.yal dang sgrid pa dang / /gnyid la sogs pas bar chod na/ /des ni yi dags bdud la sogs/ /spro nas myur du bar gcod 'byung / /sngags kyi bsnyen pa byed dus su/ /me dang 'dra ba'i zhe sdang gis/ /sngags kyi 'bras bu sreg par byed/ / kun nas dkris pa'i 'dod chags kyis/ /yon tan rgyu rnams 'ching bar byed/ /mun pa lta bu'i gti mug gis/ /dngos grub ster ba rnyed mi 'gyur/ /sgang bu lta bu'i nga rgyal gyis/ /dngos grub chu 'dra rtse la min/ /sngags kyi yon tan sprin 'dra la/ /phrag dog rlung gis 'thor bar byed/ /dngos grub bye ma'i rgyun 'dus pa'ang //brtson 'grus rdo rje'i brag med na/ /le lo'i dba' rlabs chen po 'khrug /dngos grub bar du gcod pa bcu/ /lnga las 'byung bas lnga bcu ste/ /mi dge bcu zhes gsungs pa yin/ /ma byin len dang srog gcod g.yem/ /tshig 'khyal ngag rtsub phra ma rdzun/ /brnab sems gnod sems log par lta//dge bcu'i bar du gcod pa ste/ /yang dag don gyi sgra zhes bshad/ /'di ltar dngos grub kun bral bas/ /sngags kyi 'bras bu 'dod pas spang / /de spangs 'bras bu myur du 'thob/ /rtag tu bzlas brjod me dpung la/ /bsam gtan rlung gis sbar gyur na//sdig pa stobs can mi bzad pa'i/ /ljan ljin thams cad sreg par byed/ /bzlas brjod me yi rgyun 'dra yang / /bsam gtan bral bas mi 'grub ste/ /sdig pa chu dang 'dra bas gsod/ /de bas bsam gtan ldan par bya/ /rdo rje'i bzlas pa zhes gsungs pas/ /rdo rje gsum gyi skur bsgoms te//phyi dang shin tu nang dag dang / /dgug dang gdon dang yang dag dang / /oM gyi don dang la sogs pa/ /de la dmigs nas bzlas par bya/ /gang zhig don 'di med gyur pas/ /gsang sngags bzlas brjod byas gyur pa/ /mun la bye ma'i gser phye tshol/ /mi 'dod 'du yi 'dod pa min/