CLOSE WINDOW

D2880
བོད་ཡིག

/'di la brten nas 'dir zhugs rnams/ /'di yi dngos grub thob par shog// //de kho na nyid sgron ma zhes bya ba/ slob dpon su bA gI shwa ra kIrtis mdzad pa rdzogs so//[ ]@/ /phyag na rdo rje'i spur bsad las tshogs bsdus pa bzhugs/ bcom ldan 'das dpal phyag na rdo rje la phyag 'tshal lo//bsnyen sgrub rtags dang ldan gyur nas/ /spur zhing bsad pa'i las dag brtsam/ /de yang las tshogs bsdus pa las/ /zhi bar ma gyur gdon bgegs la/ /smyag shad bal po se'u yi/ /sngags bzlas lcug mas byabs sam brabs/ /'jigs pa brgyad kyi rdzas kyis gzir//zhes pa ni spur bsad kyi sbyor ba'o/ /de'ang spur pa ni bskrad pa'i las te/ thog mar rig pa 'dzin pa nyid kyis zhugs pa bzhi'i mtshan nyid brtags la/ nad rnams dbyung zhing gnod pa gdon par bya ba'i thabs ni/ rgyal po bram ze rje rigs kyi/ / gzhon nu gtsang ma shar bltas te/ /dkon mchog gsum dang gos sngon la/ /phyag 'tshal sems bskyed smyag shad blang / /dag byed sngags bzlas chus bsangs la/ /yungs kar rma bya tshon skud bcings/ /byab pa'i rdzas de rtag tu bcang / /de nas rin chen snod dag tu//gtso bo klu chen brgyad po dang / /rigs drug rigs bzhi'i sa bdag gnyen/ /gzugs brnyan byas te klu sman dang / /dkar gsum rin chen dar zab bcas/ /shing snas mtha' bskor tshon lngas brgyan/ /gzhan yang mchod rdzas thams cad bsogs/ /rig pa 'dzin pas sgrub thabs ltar//sngon du 'gro ba'i las rdzogs bya/ /gtso bo gdan gyi klu brgyad las/ /paM las 'dab brgyad naM gyis mtshan/ /de gyur sbrul lam klu chen brgyad/ /btsun mo sras bcas blon po dang / /sprul pa yang sprul rnams bskyed la/ /de dang 'dra ba bkug bstim mchod/ /dbang bskur gtor ma byin rlabs sbyin//oM nA ga rA dza ba su ta k+Sha ka karko Ta pad+ma ma hA pad+ma shaM kha pA la g+he la g+he lu hu lu hu lu ta ge ni ba liM i daM/ gr-i h+Na gr-i h+Na khA hi khA hi/ gtor ma byin pas gdug rtsub zhi/ /de nas bdag nyid khro bor bsgom/ /gzungs sngags bzlas shing lcug mas byab/ /nA ga rA dza ba su ki hr-i da ya d+ha ra ya phud phud/dza ye phuHbi dza ye phuH/ dzi ti dzi ti phuH/ dzi ti aM ge phuH/ sa ma ya phuH/ shaM kaM ru te phuH/ a la ug+te phuH/ gra he ka ra phuH/ sa ma ya phuH/ nA ga sarba ni phuH/ hr-i da ya d+ha ra ya phud phud/ nad pa la byab gzugs la dbab/ /dug phyung khro bo'i che brjod la/ / zla dkyil steng bzhag yaM las bskyod/ /nA ga s+pha ra Na phaT ces/ /klu bro bsgags cing dam tshig bsgrags/ /gzungs brgya bzlas la phur zhing bskrad/ /de ltar brgya'am stong byas na/ /klu yi nad las grol bar 'gyur/ /gzugs brnyan sa'am chu bor dor/ /rdo rje 'dzin la phyag 'tshal te/ zhi dang spur bas mi thul zhing / /rig sngags 'chang gi bka' 'das na/ /de la 'jigs pa'i las brgyad brtsam/ /grog mkhar bdud 'chang tshub ma yi/ /sa las mthing nag gru gsum brtsig /zur gsum lcags kyu brtsegs mas mtshan/ /dbus su ling ga sngon dmar gyis//bcings te byad bcug phur la btod/ /mgyogs phur rtsang dang phur pas bskor/ /bye tshan gze ma yungs kar dang / /tsha la zangs lcags dur blugs bcas/ /dmar gtor dug gtor dug thun bsham/ /gru gsum dur khrod g.yam pas bcad/ /dur khrod ras la nam mkha' lding / / gser mdog zhal gsum phyag drug gis/ /ba su ta yi klu rnams 'dzin/ /spyan mig nyi zer rdo rje'i mchu/ /'khor lo'i gzhug sgro ral gri'i gshog /lus rnams rdo rje'i spu yis gtams/ /de 'dra rgyal rigs kha bstan gzhag /khra spyang nya khra gcan gzan gyi/ /mche sder la sogs khyu rnams bsog /drag po'i mchod yon bsham byas la/ /de nas rig pa 'dzin pa rnams/ /na ra'i gos gyon gos sngon gyi/ /so so'i bsam gtan la zhugs nas/ /bsnyen sgrub spur dang gsang sngags bzlas/ /zhi bas dug phyung gsad pa yi/ /rtse gcig bsgoms te brtson 'grus kyis//bar chad med par las la sbyar/ /nag po'i tshes brgyad nas brtsams te/ /zhi ba byams pa snying rje bsgom/ /gzungs kyi sngags dang shAn+tiM bzlas/ /nad dang gdug rtsub zhi bar bsam/ /spur ba gong du bstan pa bzhin/ /gsad ba'i sbyor ba'i drag sngags ni/ /rig pa 'dzin pa hUM yig las//gyur te nag po char sprin mdog /smin mtshams dpral bsdus ha ha bzhad/ /rdo rje tshar gcod sdigs mdzub bcas/ /de 'drar bsgoms te yungs kar la/ /sngags bzlas tshangs pa'i gnas su thab/ /shi sa drag po 'di yis gdab/ /yak+Sha nI lAm+ba ra d+ha ra badzra pA Ni hUM/ma hA yak+Sha se nA ba ta ye de ba ku ru sha na d+ha ra/ /thog thog thog ril thog thog dar byams sad/ /che ge mo'i lus la rum rum/ /snying la shag shag ma ma shAn+ti rbad pu nan+ti ta sri rbad pu nan/ nA ga sa khrag pu ma mA ra ya phaT/ /yungs kar yungs nag ske tshe dang / /tsha la zangs lcags bye tshan char//gnam lcags drag po'i sngags des brdeg /gcan gzan mche sder bya khra'i mchu/ /mkha' lding rgyal po'i sngags bzlas brab/ /kI la ya dang bcas pa'i sngags/ /dus drug phur pas gzir bar bya/ /'og nas drag po'i rdzas kyis bdug /smyag shad bal po se'u yi//lcug mas brdeg cing rig sngags bzlas/ /g.yas nas gsad cing g.yon nas spur/ /mi bzad rdzas kyis de la byug /gag pa lhog pa byung ba bzhin/ /drag po'i sngags kyis de la gdab/ /bdun nam rtsa gcig bdun tsho bdun/ /de la sogs te bsgrubs gyur na//nA ga rA dza karko Ta/ /des zin pa yang grol 'gyur nges/ /phyag na rdo rje'i las bsdus 'di/ /paN+Di ta rnams kyis mdzad pas/ /mi ma yin rnams skrag cing brgyal/ /des na rnam smin sdig pa'i rgyu/ /de phyir shin tu gsang bar gsungs/ /dpal phyag na rdo rje'i spur gsad las tshogs bsdus pa zhes bya ba/