CLOSE WINDOW

D2872
བོད་ཡིག

/ //rgya gar gyi paN+Di ta dI paM ka ra shrI dz+nyA na dang / lo tsA ba rgya brtson 'grus seng ges bsgyur ba'o//[ ]@##/ /rgya gar skad du/ nI lAM bar d+ha ra badzra pA Ni sA d+ha naM nAm/bod skad du/ /phyag na rdo rje gos sngon po can gyi sgrub thabs zhes bya ba/ gnod sbyin gyi sde dpon chen po khro bo gtum po la phyag 'tshal lo/ /gdug pa 'dul mdzad klu rnams rgyan du mdzad/ /gtum zhing rngam pas gshin rje'i cha lugs 'dzin/ /khro rgyal gos sngon can la phyag 'tshal te/ / de yi sgrub thabs bdag nyid dran phyir bri/ /gnod sbyin gyi sde dpon chen po nye bar bsgrub par 'dod pa'i rnal 'byor pas/ gnas dben zhing nyams dga' ba'i sar maN+Dal bya ba ni bu mo lo bcu drug lon pa lus sngo ba/ sna nyag pa khro gnyer dang ldan pa/ shin tu khros pa'i ngang tshul dang ldan pa sa len du bcug ste/lho nub mtshams nas sa sngon po'am nag po len du bcug pa/ dri zhim po'i chu la srung ba'i sngags bzlas te/ oM badzra pA Ni satwa ar+tha sid+d+hi ku ru rak+Sha zhes btab la/ maN+Dal sngon po rgyar khru gang ba la/ dpangs su mtho gang ba brtsigs te/ tsan+dan dang / a ka ru dang /dzA ti dang / e la dang / rams dang / so ba shing gi lo ma dri chus byugs la/ me tog sngon po'am dri'i thig le dgu byas la/ mchod rdzas rnams dgram par bya'o/ /de nas sgrub thabs ltar lha dgu'i rang bzhin bsgom mo/ /de'ang sgrub thabs las gta' bcas la mchod do zhes pa ni gnod sbyin lag na rdo rje'i sgrub thabs 'di'o//dpal phyag na rdo rje gnod sbyin gyi gta' gtor 'di la brten la rtag tu sgrub pa ni gtor ma'i snod rin po che'i rgyu las byas te/ de'i nang du 'bras chan dang / nas dang / gro la sogs pa las gtor ma byas te/ spyan gzigs dang / sha dang mar dang / mngar la sogs pas brgyan par bya'o//de'i nang du thun mong dang thun mong ma yin pa'i gdan bsham pa'am/ bskyed par bya'o/ /laM las ri rab bsams te/ de'i steng du a las thod pa'i sku mkhar/ steng du ma las nyi ma/ paM las pad+ma/ bdag nyid kyi thugs ka'i hUM las 'od 'phros te/ /bsgrub bya bkug ste thun mong ma yin pa'i gdan la bstim/yang 'od zer lcags kyu lta bu'i tsha tsha 'phros pas lha dang phral la gcer bu byang thang la bor ba ltar bsam/ steng du hUM las gnod sbyin gyi sde dpon bskyed do/ /sku mdog mthing nag zhal gcig phyag gnyis g.yas rdo rje/ /g.yon rtse gsum 'phan can 'phyar ba/bzhin khros pa/ smin ma glog stong 'od du 'gyur ba/ dbu skra dmar ser gyen du bcings pa ste/ rin po che dang sbrul gyis brgyan pa/ mig 'bras hUM las me'i phung po 'dra ba/ zhal nas ha ha dang hUM hUM gi sgra sgrogs pas khams gsum pa brgyal bar byed pa/klu chen po brgyad kyis sku la rnam par brgyan pa/ sku che la yan lag rags pa/ ri rab la rnam par bzhugs pa ste/ zhabs gnyis rgya mtsho'i gting du brkyang la/ dbu bar snang gi khams na 'phyo ba/ 'khor gnod sbyin dang srin po'i tshogs kyis bskor ba cig bskyed do/ /de ci 'dra ba cig ri rab rtse nas spyan drangs la phyag 'tshal//mchod pa dbul/ bdun rnam dag bya ste/ bstod pa dang 'dod pa'i don la gsol ba btab ste/ jaHhUM baM hoHsa gnyis su med par bstims la/ gta' bdag las kyi gnod sbyin phyag na rdo rje drag po'i sgo nas thugs rjes bzhugs pas gzas pa po'i nyon mongs pa dang /rig sngags dang / gsang sngags dang / snying po dang / phyag rgya dang / phrin las rnam pa bzhi'i sgo nas bzhugs te/ drag pos drag po sgrol bar bsam mo/ /de nas sngags bzlas par bya ste/ oM badzra pA Ni hr-i da ya Na hUM phaT swAhA/ dpal gnod sbyin gyi yang snying yin pas bsnyen pa'i dus su bdun 'bum nyi khri gdon no//mtshan ma bzang ba dang sgrub pa la 'jug ste/ bdag nyid phyag na rdo rje'i nga rgyal gyis thugs ka'i hUM las 'od zer 'phros pas las kyi gnod sbyin gyi thugs dam bskul te 'od zer dmar po me'i 'od lta bu byung ste/gzas pa po bsreg pa dang sdig pa la sogs pa sbyangs te/ slar bdag nyid kyi thugs kar thim par bsam/ oM yak+Sha nI lAM bar d+ha ra badzra pA Ni hUM/ ma hA yak+Sha se nA pa ta ye/ che ge mo a mu ka s+ya mA ra ya hUM phaT ces sngags bzlas pas zhal nas sngags kyi phreng ba me'i 'od dang bcas te las kyi lha'i zhal du thim/thugs ka nas 'thon te/ slar bdag nyid kyi snying gar thim ste/ sngags kyi phreng bas bskor bas gzas pa po sngags kyi phreng bas bsregs shing 'dul bar bya'o/ /sgrub pa rtags bzang ba dang las la sbyar te/ rgyud las kyang / 'og tu me yi dkyil 'khor bsam//me 'bar klong chen dkyil du gzir/ /bsam gtan rdo rje thogs pa yis/ /gdul bya'i steng du dbab par bya/ /zhes gsungs pas bsregs bskrad bcom btags par bsam/ /dmar lam bstan pa ltar ting nge 'dzin gyi dgongs pa bya zhing drag sngags bzlas te/ta d+ya shrA bud+d+ha bud+d+ha/ bi bud+ng+nya ma hA prA p+ta/ ha ra ha ra nA ga nAM/ pra ha ra pra ha ra nA ga nAM/ ts+tshin+da ts+tshin+da nA ga hr-i da ya ni/ b+hin+da b+gin+da nA ga da mA ni/ pi si man d+ha nA ga sha rI ra ni/ bi s+phoT ya/ nA ga ya nA ni/ tad+ya thA hUM phaT/ nA ga bi da ra na hUM phaT/ nA ga uts+tsha Ta nA ya hUM phaT/ nA ga mA ra na sod sod/ nA ga mA ra na bying bying / nA ga mA ra na mugs mugs/ nA ga mA ra na ha la ha la/ nA ga mA ra na shig shig /nA ga mA ra na du na du na/ nA ga mA ra na myos myos/ bying bying thum ri li li dzaHzhag nyi shu rtsa gcig tu mi yengs mi myur bar smra ba gcad do/ /ting nge 'dzin gyi dgongs pa gsal la drag por bya'o//kha zas kyi dus la bab pa 'am ldang bar 'dod na ye shes sems dpa' che la mchod pa dbul/ /gtor ma bsngo/ bstod pa bya/ las kyi lha la gtor ma dbul ba ni phyag na rdo rje'i thugs ka'i hUM las a las ban+d+ha'i 'og tu yaM las rlung gi dkyil 'khor de'i steng du raM las me gru gsum/de'i steng du hUM gsum/ de'i steng du ban+d+ha'i gzhal yas khang / /de'i nang du sha lnga bdud rtsi lnga/ yaM las rlung byung / me 'bar/ mes thod pa bskol/ sha lnga bdud rtsi lngar gyur pas mchod/ rtsa sngags la ba liM ta khA hi zhes btags la dbul/las kyi dus su gtor ma sha khrag tu dmigs la dbul/ rtsa sngags lam ma sarba sha trUM btags la dbul/ skabs su gtor ma bskul/ bdag nyid gnyid log gam/ kha zas dus la bab na lus kyi lha la thugs dam gtad/ rig sngags dbul/ gta'i gtor ma gtong na gtor ma bka' las phab la no bi ka ltar bskul tshig dang bcas la gtang ngo //gta' bdag gshegs su gsol/ bskyed pa dag la bsdu/ gnod sbyin lag na rdo rje'i sgrub pa'i thabs/ gta'i gtor ma'i gdams ngag slob dpon su wA gI shwa ra kI rtis mdzad pa rdzogs so/