CLOSE WINDOW

D2871
བོད་ཡིག

/[ ]@##/ /rgya gar skad du/ badzra pA Ni sA d+ha naM nA ma/ bod skad du/ phyag na rdo rje sgrub pa'i thabs zhes bya ba/ bcom ldan 'das rdo rje hUM la phyag 'tshal lo/ /dpal ldan sangs rgyas 'dus pa'i sku//gdug pa 'dul mdzad sbrul sogs brgyan/ /rdo rje 'dzin la phyag 'tshal te/ /de yi sgrub thabs bri bar bya/ /bcom ldan rdo rje 'dzin pa yi/ /sgrub thabs kyi ni go rims rnams/ /bla ma ji ltar gsungs pa ltar/ /man ngag brjed byang du bkol la/ /khro bo'i rgyal po bsnyen 'dod pas//gnas ni dur khrod shing gcig gam/ /yang na rdo rje 'dzin pa'i khyim/ /bkra shis nyams dga'i gnas dag tu/ /maN+Dal sngon po legs byas la/ /me tog la sogs mchod rdzas dgram/ /bde ba'i stan la rab 'dug ste/ /gdong la sogs pa khrus byas la/ /skad cig ma yi ting 'dzin gyis//hUM yig las ni mdog nag pa/ /khro bo'i rgyal po rab bsgoms te/ /dpa' ba'i nyams gyis yungs kar la/ /skad cig ma yi ting 'dzin gyis/ /sngags bzlas khro bo'i sprul pa spro/ /gdug pa tshar bcad tshur 'dus pas/ /rdo rje gur dang ra bar gyur//de nas rang gi snying gar ni/ /a dkar zhu bas zla ba yi/ /dkyil 'khor nya gang lta bur bsam/ /de steng hUM sngon zhu ba las/ /rdo rje sngon po rtse lnga bsam/ /de yi bum par hUM sngon po/ /de las 'od zer phyogs bcur 'phros/ /sangs rgyas byang chub sems dpa' dang / lhag pa'i lha dang bla ma rnams/ /spyan drangs mdun gyi mkha' la bzhugs/ /bsod nams tshogs ni bsags pa'i phyir/ /phyag 'tshal mchod sbyin sdig bshags rnams/ /bdun po yongs su dag pa yi/ /tshig tu brjod de tshogs bsags bya/ /spyan drangs rnams ni gshegs su gsol//de nas ye shes tshogs bsags phyir/ /phyi nang snod bcud 'od zhu nas/ /bdag nyid kyi ni thugs kar thim/ /de nyid 'od zhu hUM la 'dus/ /hUM zhu zla tshes thig ler thim/ /chos rnams rang bzhin rnam dag pa'i/ /ngo bo nyid las byung ba yi/ /sngags 'di yang dag brjod par bya//oM ma hA shU n+ya tA dz+nyA na badzra swa b+hA ba At+ma kou0f85haM/ tshig gi don dang bcas par bsgom/ /chu las chu bur rdol ba'i tshul/ /yaM las rlung gi dkyil 'khor de/ /raM las me yi kha dog lnga/ /dbus su paM las pad+ma bsam/ /a las zla ba'i dkyil 'khor r o//de yi steng du hUM sngon las/ /de zhu rdo rje sngon po ni/ /'od zer sngon po 'phro bar bsam/ /de yi bum par hUM sngon bsam/ /de las 'od zer hUM phra mo/ /'phros nas phyi nang snod bcud sbyangs/ /tshur 'dus rdo rje phra mor gyur/ /sngar gyi gnas su thim pa las/ /de zhu rdo rje sngon po ni/ /nam mkha'i mtha' dang mnyam par bsam//de yi bum dkyil hUM sngon las/ /sku mdog nam mkha'i mdog can la/ /de las 'od byung bcud sbyangs te/ /tshur 'dus phyag na rdo rje yi/ /sku ni phra mo'i tshul du 'dus/ /de las phyag na rdo rje'i sku/ /mdo nas ji ltar gsungs bzhin bsgoms/ / de nas dam tshig sems dpa'i sku/ /bsnyen pa'i dus su bsgom pa ni/ /sku mdog nam mkha'i 'od can la/ /zhal gcig phyag kyang gnyis pa ste/ /spyan dmar mche ba gtsigs pa la/ /phyag g.yas rdo rje g.yon sdigs mdzub/ /shin tu gdug cing khros pa ste/ /klu chen brgyad kyis rnam par brgyan//stod g.yogs sngon po legs bsnams shing / /na bza' chos gos sngon po 'chang / /smad g.yogs ba ti khra bo dang / /stag gi smad g.yogs seng stod g.yogs/ /nyi zla'i steng na gar byed dgyes/ /bdag nyid dang ni sbrul rgyan gyi/ /kha nas ha ha'i sgra sgrogs pas/ / log 'dren tshogs rnams 'joms par byed/ /de ltar khro bo'i rgyal por ni/ /bdag nyid rnam par bsam par bya/ /bdag nyid dam tshig sems dpa' yi/ /thugs kar zla ba rdo rje hUM/ /'phro 'dus ye shes sems dpa' bsgom/ /thugs kar nyi ma rdo rje hUM/ /sran ma nas tshad yungs 'bru la/ / rtsa ba'i sngags kyis bskor bar bsam/ /rdo rje go cha'i phyag rgya yis/ /gnas lngar gtug cing lus bsrung bya/ /na maHsa man+ta badzrA NAM ka ba tsa hUM/ rdo rje rtse lnga'i phyag rgya yis/ /sngags 'di brjod de brtan par bsam/ /na maHsa man+ta badzrA NAM badzra tsaN+Da ma hA ro Sha NA ya hUM/ lcags kyu'i phyag rgya bcas nas ni//thugs ka'i hUM las 'od 'phros pas/ /'od zer lcags kyu'i dbyibs byung nas/ /ye shes sems dpa' spyan drangs te/ /'og min gnas mchog dam pa yi/ /lcang lo can gyi pho brang nas/ /sangs rgyas kun gyis rjes gnang ba'i/ /gsang bdag 'phags pa gos sngon can//'khor bcas ma lus spyan 'dren gyis/ /'dir gshegs mchod pa dam pa bzhes/ /oM nI lAM bar d+ha ra badzra pA Ni sa ma ya maN+Da la ma d+he A gats+tsha ya/ A gats+tsha ya/ pra be sha ya/ pra be sha ya/ tiSh+Tha ya tiSh+Tha ya/ a ba lo kA ya hUM dzaHmdun gyi nam mkhar bzhugs par bsam//snying ga'i lha mo'i tshogs kyis mchod/ /oM nI lAM bar d+ha ra badzra pA Ni/ badzra puSh+pe pU dza me g+ha sa mu dra s+phar Na sa ma ye hUM/ badzra d+hU pe hUM/ badzra A lo ke hUM/ badzra gan+d+he hUM/ badzra nai wi d+ye hUM/ badzra gI ti ga ta ga ta hUM swA hA/ sngags dang tshigs bcad rab brjod pas/ /dngos sam yid kyis mchod pa dbul//de nas bstod dang phrin las bcol/ /mdun du gta' yi gtor ma la/ /a las ban+d+ha gzhal yas khang / /thun mong gdan dang nyi ma'i steng / /hUM yig las ni mdog gnag pa/ /las kyi sems dpar bskyed par bya/ /ri rab chen po'i lho shar nas/ /lcang lo can gyi bskul tshig dang //sngags dang phyag rgyas spyan drangs bstim/ /mchod dang sdig bshags la sogs bya/ /dzaHhUM baM hoHzhes pa yis/ /ye shes sems dpa' bstim pa bya/ /spyi bo mgrin pa snying ga ru/ /oM AHhUM gsum rab bkod de/ /yi ge bcu gsum 'khor lo bsgom//oM sarba ta thA ga ta kA ya bA ka tsit+ta badzra swa b+hA ba At+ma konyahaM/ sku gsung thugs su byin brlabs nas/ /mi bskyod sangs rgyas bye snyed rnams/ /spyan drangs mchod dang sdig bshags te/ /rjes su gnang ba gsum ldan gyis/ /dbang bskur byin brlabs gnyis med thim/ / oM shrI badzra pA Ni hUM ma hA tsaN+Da sarba duSh+TA na/ sarba bud+d+ha sa pa ri wA ra badzra sa ma ya hUM/ chos kyi rgyal por dbang bskur ro/ /thugs ka'i ting 'dzin sems dpa' la/ /gtad de sngags kyi phreng bas bskor/ /bdag dang las kyi sems dpa' la/ /spro dang bsdu ba'i rim pa rnams//ji lta bar ni gsal bar bsgom/ /bcom ldan 'das kyis gsungs pa yi/ /gsang sngags skyon spangs bzlas par bya/ /bsnyen dus lha la gtad de bzlas/ /sgrub pa'i dus su sngags la gtad/ /bzlas dus gzas pa po rnams la/ /gtad de sngags kyi 'phro 'du bya//de nas bdag dang rgyan cha yi/ /sbrul gyi kha nas sngags bzlas pas/ /me yi 'tshubs ma dmar nag dang / /khro bo grangs med 'phros ba las/ /de yis de dag bsregs nas kyang / /lhag ma lus par gyur pa rnams/ /spogs pa yi ni sbyor bas bsreg /de ltar byas nas bsgom zhing bzlas//de nas dang po'i thun thon nas/ /skyo'am dub na mchod byas te/ /gtor ma byin gyis brlabs te dbul/ /bstod dang phrin las bcol bar bya/ /ji ltar nye bar ma gyur pa/ /ye shes sems dpa' gshegs mi gsol/ /mchod rten sngon po dag la'o/ /thun ni gnyis dang gsum pa la//ye shes sems dpa' mchod pa dang / /thun ni tha ma bsgom pa'i tshe/ /dang po'i thun ni mthun par gsungs/ /yi ge brgya pas brtan par bya/ /de nas ldang ba'i dus dag tu/ /rig sngags las kyi lha la gtad/ /de ltar ma nor bsgoms byas na/ /dngos grub dam pa ci 'dod pa//gang la dmigs pa de 'grub 'gyur/ /bsnyen rdzogs mtshan ma bzang ba dang / /ye shes sems dpa' gshegs mi gsol/ /gshegs na dngos grub yal 'gyur bas/ /lha ni rgyun du 'khor ba yi/ /man ngag zhal las shes par bya/ /gtor ma bka' las phab nas ni//gta' yi bdag po mchod byas nas/ /gta' gtor bskul tshigs bcas la gtad/ /bsgrub bya'i phyogs su dmar lam bstan/ /gta' yi bdag po gshegs su gsol/ /las kyi sems dpa' bdag la bsdu/ /hUM hUM zhes bsdu mi dmigs bsgom/ /skad cig ma yi nga rgyal gyis//spyod lam ci bder gnas par bya/ /bsnyen rdzogs mtshan ma bzang gyur nas/ /drag po las la sbyar byas te/ /mchod rten sngon po sku gdung ldan/ /me tog sngon po drir bsnyugs kyis/ /nyi shu rtsa gcig tu mchod cing / /bdag nyid gos sngon chas gon la//rak+Sha rus pa'i phreng ba bgrang / /sngags ni brgya dang brgya lnga bcus/ /thun bdun gyis ni rnal 'byor bya/ /rdo rje'am seng ldeng phur pa la/ /gzungs sngags stong rtsa brgyad bzlas te/ /bsam gtan rdo rje thogs pa yi/ /drag sngags lnga bcu rtsa gcig bzlas/ / gzas pa po la bsnun gyur na/ /des ni las rnams thams cad 'grub/ /bdag gis 'di byas dge ba yis/ /blo chung rnams kyis don rtogs te/ /'bad pas tshogs gnyis bsags nas ni/ /phyag na rdo rje thob par shog /phyag na rdo rje mdo lugs kyi man ngag /slob dpon su wA gI shwa ra kI rtis gzungs kyi 'grel pa ltar mdzad pa 'grel pa las gzungs sgrub thabs su mdzad pa rdzogs so/