208b6 /'bad pas tshogs gnyis bsags nas ni/ /dngos grub rnam gnyis thob nas kyang / /gdug pa'i nad las grol bar shog / slob dpon 'phags pa klu sgrub kyis mdzad pa rdzogs so//[ ]@#/ /rgya gar skad du/ ma hA yak+Sha se nA pa ti badzra pA Ni sA d+ha na nA ma/
208b7 bod skad du/ gnod sbyin gyi sde dpon chen po lag na rdo rje zhes bya ba'i sgrub pa'i thabs/ dkon mchog gsum la phyag 'tshal lo/ /sangs rgyas gang gA'i bye snyed rjes gnang ba'i/ /mche gtsigs spyan dmar dbugs rgyu me ltar 'bar/ /'jigs pa'i nga ros klu rnams rgyan du brgyan/ /
209a1 gshin rje'i gzugs can khams gsum 'jigs par mdzad/ /klu rnams 'ching mdzad de la phyag 'tshal nas/ /de yi gzungs la brten nas sgrub thabs 'di/ /ji lta ba ni bdag nyid dran phyir bri/ /dang por sa phyogs bzang ba'o/ /dur khrod dam ni shing gcig gam/ /dben
209a2 pa'i gnas su 'dug nas ni//ba yi rnam lnga dri lnga yis/ /maN+Dal sngon po legs par byug /dri yi thig le dgu bkod la/ /dbus su mchod rten sngon po gzhag /bum pa gta' gtor mchod rdzas bsham/ /phyi nang dag pa'i khrus byas te/ /de nas rig pa 'dzin pa nyid/ /bde ba'i stan
209a3 la rab 'dug ste//dang por byang chub sems bskyed la/ /snying gar zla ba'i dkyil 'khor bsam/ /de yi steng du hUM bsams te/ /de las 'od 'phros snod bcud sbyangs/ /sngar gyi gnas su thim pa las/ /phyi nang thams cad dag par bsgom/ /swa b+hA ba bi shud+d+haHsarba d+harmA nAM badzra sid+d+hi hUM/
209a4 snying ga'i yi ge mtshan ma las/ /las kyi rdo rje sems dpar gyur/ /de las 'od zer rnam lnga 'phros/ /bla ma la sogs lhag pa'i lha/ /sangs rgyas byang chub sems dpa' dang / /dkon mchog gsum po spyan drangs te/ /phyag 'tshal mchod cing bshags pa dang / /yi rang bskul
209a5 zhing gsol ba gdab//skyabs 'gro lus dbul dge rtsa bsngo'o/ /de nas bgegs dgra'i ting 'dzin gyis/ /las rnams thams cad pa yi sngags/ /bzlas shing khro ba'i sprul pa 'phro/ /btul zhing sbyangs te mkha' gang gyur/ /de nas tshangs pa'i gnas bzhi bsgom/ /oM ma hA shU n+ya tA
209a6 dz+nyA na badzra swa b+hA ba At+ma kou0f85haM/chos rnams thams cad stong par bsgom/ /e yaM raM baM khaM laM saM/ /e las chos kyi 'byung gnas te/ /de bzhin 'byung ba rim bzhin bsgom/ /laM las ri rab lhun po'i steng / /saM las sna tshogs rdo rje bskyed/ /de las 'od zer sna lnga 'phros/ /rdo rje gur dang
209a7 ra ba dang //mtshon cha'i 'khor lo rdzogs par bskyed/ /dbus su b+h+rUM las gzhal yas khang / /bai DUR+ya ltar thams cad bskyed/ /tsa las 'khor lo rtsibs bzhi'i steng / /chu skyes nyi zla'i gdan stengs su/ /kha dog mthing ga'i yi ge hUM/ /de nyid las ni 'od 'phros pas/ /snod bcud
209b1 dag ni sbyang byas nas//rang gi lhag pa'i lhar gyur te/ /tshur 'dus khro bo'i rdo rjer gyur/ /de yi bum dkyil hUM sngon las/ /'od 'phro khro bo'i rigs bkug nas/ /de dag yongs su gyur pa las/ /thams cad 'joms pa'i stobs ldan pa/ /gnod sbyin sde dpon chen po ni/ /mdo
209b2 nas ji ltar gsungs bzhin bsgoms//zhal gcig phyag gnyis sku mdog mthing / /g.yas pa rdo rje g.yon sdigs mdzub/ /'od zer nyi ma 'bum gyi gzi/ /gos sngon na ra'i rgyan gyis brgyan/ /stag gi smad dkris seng stod g.yogs/ /klu chen rnams ni rgyan du brgyan/ /dbu skra
209b3 sma ra ser la 'jigs//smin mtshams dpral bsdus mche gtsigs mtshams/ /ha ha a la la zhes bzhad/ /brkyang bskum klu brgyad zhabs kyis mnan/ /rdo rje mchu yis klu brgyad gzir/ /nyi zla dang ni pad+mar bcas/ /dbus kyi cha la rnam par bzhugs/ /de nas rang gi snying gar ni/ /
209b4 rang dang 'dra ba'i gos sngon bskyed/ /dbang po drug la'ang de bzhin bsgom/ /de nas thugs ka'i sa bon las/ /hUM 'phros 'khor lo rtsibs bzhi'i steng / /'phro 'dus phyag mtshan yig 'brus mtshan/ /de dag yongs gyur sde dpon bzhi/ /shar du rdo rje gnod sbyin te/ /lho ru srin po
209b5 za ba po//nub tu rdo rje gdon chen bdag /byang du rdo rje ro langs te/ /sde dpon chen po bzhi rnams kyang / /zhal gcig phyag gnyis mthing nag la/ /g.yas pa rdo rje rtse lnga 'dzin/ /g.yon rnams sdigs mdzub tri shU la/ /ral gri dbyug to 'khor lo'o/ /klu chen brgyad ni rgyan du
209b6 byas//smad dkris na bza' sngo bkra dang / /ra ga za hor tsan dmar brgyan/ /ba ti khra bo'i sham thabs can/ /stod g.yogs sngon po'i chos gos 'chang / /dbu skra sma ra gyen ser 'greng / /a la la yi gad rgyangs sgrogs/ /brkyang bskum rigs bzhi'i klu rnams mnan/ /brgya byin mdzes
209b7 dang nyi mar bcas//me 'bar dbus su bskyed par bya/ /bgo ba dag kyang yig 'bru las/ /ji bzhin du ni bskyed byas te/ /rdo rje go cha'i phyag rgya yis/ /gnas lngar gtug cing lus bsrung bya/ /na maHsa man+ta badzrA NAM badzra ka ba tsa hUM/ rdo rje lnga yi phyag rgya yis/ /brtan par byas te lus
210a1 byin brlab//thugs ka'i hUM las 'od 'phros nas/ /ye shes sems dpa' spyan drangs la/ /phyag 'tshal mchod bstod sdig bshags te/ /sku gsung thugs su byin brlabs nas/ /mchod rten sngon po dag la bstim/ /'od zer 'du 'phro'i byin gyis brlab/ /thugs
210a2 las 'od 'phros bde gshegs bskul//mi bskyod sangs rgyas bye snyed rnams/ /spyan drangs mchod bstod sdig bshags te/ /gzungs ltar rjes su gnang mdzad nas/ /dbang bskur byin rlabs de nyid thim/ /dbu la mi bskyod rdo rjes mtshan/ /thugs mtshan la sogs bsgoms nas ni/ /
210a3 sngags kyi phreng ba 'khor ba las/ /spro bsdu'i rim pa gsal bar bsgom/ /sangs rgyas gang gA'i bye snyed kyis/ /gsungs pa'i gsang sngags skyon spangs bzlas/ /phar 'phros pa ni mchod pa'i tshul/ /de las 'od byung gdon sdig sbyangs/ /dngos grub rnam gnyis thob par bsam/ /
210a4 ji ltar nye bar ma gyur par/ /gshegs su gsol dang thun mtshams med/ /mchod rten sngon po dag la'o/ /yang na rig pa 'dzin pa yis/ /thun mtshams mchod bstod gtor ma btang / /tha ma'i thun la gshegs su gsol/ /dkyil 'khor lha rnams thugs kar bsdu/ /de nyid
210a5 mi dmigs stong par bsgom//sgyu ma lta bu'i spyod lam bya/ /bsnyen dus rig pa 'dzin pa yi/ /rtsa sngags yig 'bru bcu bdun bzlas/ /oM nA lAM ba ra d+ha ra badzra pA Ni rA dz+nyA pa ya ti swA hA/ 'di yis las rnams thams cad 'grub/ /grangs dang dus dang mtshan ma yi/ /bsnyen pa rab 'bring
210a6 tha ma'i tshad//dbang po rab 'bring dag dang sbyar/ /bsnyen pa rtags dang ldan gyur na/ /dngos grub blang phyir bsgrub pa bya/ /sngon du bsnyen pa'i cho ga'o/ /de nas bsgrub pa bya ba ni/ /lho phyogs rgya mtsho'i gnas dag tu/ /gtsang ba'i sa blang stegs bu brtsig /ba yi rnam lnga blangs pa dang / /'o ma'i
210a7 dri chu tsan+dan dang //gur gum ga pur la sogs byug /gru bzhi rab tu gnas pa dang / /thig la sogs pa'i rim pa yang / /gzhan nas 'byung ba bzhin du gdab/ /dbus su 'khor lo rtsibs bzhi bri/ /lha rnams la sogs cha rnams kyang / /mtshan nyid rgyas par gzhan bzhin no/ /mchod
210b1 rdzas la sogs gong bzhin bshams//khyad par dag gi rdzas rnams ni/ /bum pa sgrub pa'i rdzas kyis dgang / /dngos grub rdzas kyis kha bcad la/ /mgul chings sngon po'i dar gyis bcing / /dkyil 'khor dbus su gzhag par bya/ /rag sha rus pa'i rgyan cha dang / /seng ldeng phur pa rdo rje rnams/ /
210b2 bla re rgyal mtshan ba dan gdugs/ /gzhan yang sgrub rdzas thams cad bsogs/ /de nas rig pa 'dzin pa nyid/ /rtsa ba'i sdom pa la sogs bsrung / /gtsang ma'i zas zos smyung bar gnas/ /shar bltas chos gos sngon po gyon/ /bde ba'i stan la rab 'dug ste/ /snga dro dang po snying rje'i bdag /
210b3 bskyed rim bsnyen pa'i dus bzhin bya/ /khyad par bum pa'i lha rnams bskyed/ /tshogs bsags sngon 'gro rjes 'jug rnams/ /bsnyen pa'i dus dang mthun par gsung / /khyad par ye shes sems dpa' bstim/ /sku gsung thugs su byin gyis brlab/ /rigs kyi bdag po spyan
210b4 drangs te//byin brlabs dbang bskur bum nang thim/ /thun mong sngags sam khyad par sngags/ /bzlas shing spro bsdu'i rim pa ni/ /snod bcud ye shes bcud bsdus nas/ /bum nang lha dang rdzas la thim/ /sngags la gtad de bzlas pa ni/ /lce ni hUM gi rdo rjer gyur/ /snying ga'i mtshan
210b5 ma la sogs las//sngags kyi phreng ba brgyud mar 'khor/ /de las khro chung grangs med spros/ /bsreg gzir bcom btags tshar bcad bskrad/ /tshur 'dus nad dang gdon rnams phyung / /dngos grub rnam gnyis thob nas kyang / /rdo rje lta bu'i ting 'dzin bsgom/ /thun mtshams
210b6 mchod bstod gtor ma btang //sgrub pa thon nas bum pa yis/ /bdag gam gzhan la dbang bskur te/ /dngos grub rdzas rnams lha la dbul/ /lhag ma bdud rtsir bsam ste bza'/ /de nas yi ge brgya pas bshags/ /ye shes 'khor lo gshegs su gsol/ /dam tshig
210b7 dkyil 'khor rang la bsdu//thams cad sgyu ma lta bur bsgom/ /sgyu ma lta bu'i nga rgyal las/ /ji ltar zhi ba'i las rnams bya/ /paM las chu skyes 'dab brgyad bskyed/ /gtso bo klu chen brgyad bsams te/ /rin chen snod du gtor ma bsham/ /dkar gsum mngar gsum klu sman
211a1 blugs//sbyangs shing byin gyis brlabs byas te/ /klu la byin pas gdug rtsub zhi/ /sngags bzlas 'od zer 'phro 'du yis/ /byab pa'i rdzas kyis dug phyung ste/ /chos bshad khro bo'i che brjod pas/ /sngon gyi dam tshig rjes dran te/ /des na zhi bar 'gyur ba yin/ /yang na
211a2 mtshan ma bzang po 'byung //ngan na spogs pa'i cho ga bya/ /de rjes zhi ba'i sbyin sreg bya/ /gdon dang sdig pa zhi bar 'gyur/ /zhi bar ma gyur gdon bgegs la/ /smyag shad bal po se'u yi/ /sngags bzlas lcug mas byabs sam brabs/ /'jigs pa brgyad kyi rdzas kyis
211a3 gzir//gla rtsi gu gul mu zi dang / /dri chen mi sha spyang ki'i brun/ /bsregs pa'i dud pas skrag cing 'bros/ /de ni khyad par klu la shis/ /de bzhin gzungs kyi las tshogs rnams/ /ji lta bar ni 'grub par 'gyur/ /de yis ma bzlog bgegs rnams la/ /mngon spyod dag gi las byas te/
211a4 gnas ni gdug cing rtsub pa yi/ /gnod sbyin pho mo 'du ba'i sar/ /sde dpon chen po'i 'khrul 'khor bca'/ /rig pa 'dzin pas lhor bltas te/ /gnag cing rtsub pa'i stan la 'dug /gcer bu khros pa'i sems ldan pas/ /dur khrod ro ras chen po la/ /khrag dang dug gis zhal
211a5 zhal bya//smyo byed tsha ba gsum gyis byug /nim pa ga bur snag tsha la/ /rus chen dag gi smyu gu yis/ /'khrul 'khor rim gyis bca' ba ni/ /'khor lo rtsibs brgyad mu khyud bcas/ /re'u mig phyir bstan rtse mo nang / /sde dpon lto bar 'khrul 'khor bri/ /khros pas mche
211a6 gtsigs gnod sbyin 'jigs//sbrul gnyis za zhing 'khor lo 'dzin/ /de bzhin steng 'og 'khor lo bri/ /mu khyud dag la mtha' rten sngags/ /rtsibs la ya tshogs bcu drug bri/ /dbus su lha sbyin gzugs bris te/ /mgo dang dbang po yan lag rnams/ /rtsibs mchan
211a7 dag la brgyan zhing dgod//snying gar nr-i dang lte bar dzaH/ /ming rnams go rims bzhin du bri/ /'khrul 'khor lcags kyi bum par gzhug /bskyed pa'i rim pa tshul bzhin bsgom/ /bzlas pa sngags kyi rim pa yis/ /bkug ste gru gsum kha bcad gzir/ /sngags bzlas
211b1 'khrul 'khor dgongs pa yang //steng gcod me yi 'khor lo ste/ /me rlung drag po g.yon du 'khor/ /'og gcod rlung gi 'khor lo ste/ /drang zhing myur bar g.yas su 'khor/ /'khor lo sbu gri chen po yis/ /lhas byin lus sems so sor dbral/ /phung po mtshon cha'i 'khor
211b2 los gtub//'khor lo tsha grang 'thab pa'i sgra/ /'ur 'ur 'brug ltar sngags bzlas shing / /khros pas rgyun du bskor na ni/ /klu chen brgyad ni 'chi bar 'gyur/ /nges par gsod na mnan dang bsreg /yang na nag po'i tshes brgyad nas/ /brtsams te mthing nag 'brub khung du/ /ling ga
211b3 'khrul 'khor nang bcug la//rdzas skyes tshul du bskyed bya ste/ /sngags bzlas bkug ste rtags ldan na/ /sde dpon bzhi yi 'khrul 'khor du/ /bcug ste rdo rje'am phur bu yis/ /dus drug 'khrul 'khor nang du brdung / /mngon spyod las rnams gang byed kyang / /mchod rten
211b4 nag por byug bya ste//gdug pa'i mchod yon la sogs bsham/ /nyi shu rtsa gcig tu mchod cing / /mtshan dang ldan pa'i ka pA lar/ /bdud rtsi sha khrag sna tshogs bkang / /gtor ma sde dpon rnams la sbyin/ /thod chen rnga brdung phrin las bcol/ /ling ga drag po'i sbyin sreg bya/ /
211b5 yang na mnan pa'i las bya'o/ /bcom ldan 'das kyis gsungs pa yi/ /gzungs kyi las tshogs gang byed kyang / /mchod rten sku gdung dang ldan par/ /rtag tu me tog sngon pos mchod/ /bdun nam bcu bzhi nyi shu gcig /gzungs sngags stong rtsa brgyad bzlas na/ /des ni las rnams
211b6 thams cad 'grub//grub nas rtag tu mchod par bya/ /gnod sbyin sde dpon chen po yi/ /gzungs sgrub 'di la nyes pa gang / /gong ma rnams la bzod par gsol/ /bsod nams sems can kun la bsngo/ /bdag gis sgrub thabs 'di byas pas/ /'bad pas tshogs gnyis bsags
211b7 nas ni//rig sngags 'chang 'drar gyur nas kyang / /gdug pa'i nad las grol bar shog /gnod sbyin gyi sde dpon chen po lag na rdo rje'i gzungs kyi sgrub pa'i thabs/ slob dpon chen po su wA gI shwa ra kIrtis mdzad pa rdzogs so// //rgya gar gyi paN+Di ta dI paM ka ra shrI dz+nyA na dang / lo tsA
brgya brtson 'grus seng ges bsgyur cing zhus te gtan la phab pa'o/