CLOSE WINDOW

D2865
བོད་ཡིག

/[ ]@##/ /rgya gar skad du/ shrI badzra pA Ni sA d+ha naM/ bod skad du/ dpal phyag na rdo rje'i sgrub pa'i thabs/ bcom ldan 'das de bzhin gshegs pa thams cad kyi sku dang gsung dang thugs rdo rje'i bdag po dpal phyag na rdo rje ye shes kyi sku can la phyag 'tshal lo/ / de nas gsang ba'i bdag po dpal phyag na rdo rje mnyes par 'dod pas/ dang por gsang sngags dang / rig sngags thams cad grub pa'i rgyud dam tshig gi gnas rnams srog gi phyir yang mi gtang bar bsrung bar bya ste/ de la dam tshig ni 'di dag go/ /dkon mchog gsum dang byang chub sems/ sngags dang phyag rgya slob dpon dag /srog gi phyir yang mi gtang ste/ /de dag mchod cing rim gror bya/ /sangs rgyas bstan la zhugs pa yis/ /dge slong rnams la gus bya zhing / /lha dang bla ma la mi khro/ /'jig rten lha sogs mi smad do/ /sems can rnams la byams pa dang / /snying rje chen po bskyed nas kyang //de yi gnod pa bsal bya zhing / /bdag la gnod byas bzod par bya/ /ser sna ring du bsal nas ni/ /sbyin pas sems can phan gdags so/ /dam tshig med par gyur pa la/ /sngags dang phyag rgya sbyin mi bya/ /chang ni btung bar mi bya zhing / /mdor na bdag dang gzhan rnams la//phan pa 'ba' zhig lhur bya zhing / /khri la nyal bar mi bya'o/ /de ltar dam tshig bsrung ba la 'bad pas dang por mal nas tsog pur 'dug la chos nyid rnam par dag pa'i sngags lan gsum mam/ bdun bzlas so/ /oM swa b+hA ba bi shud+d+he sarba d+har+m+ma te badzra satwa hUM/ de nas mdun gyi nam mkha' la rigs gsum 'khor dang bcas pa dang /dpal phyag na rdo rje mdun du dmigs la phyag bya ste/ 'di skad gsol ba gdab po/ /'phags pa thams cad kyis thugs rjes gzigs te/ mgon ma mchis pa dag myur du sangs rgyas grub par mdzad du gsol zhes brjod par bya'o//de nas khro bo mnol ba med pa'i sngags dang phyag rgya dang bcas pas snying ga dang / lkog ma dang smin mtshams dang spyi bo dang / gnas bzhir bzhag ste bsrung bar bya'o/ /de nas phyi rol sa la sogs par 'gro bar bya'o/ /lag pa g.yas pa khu tshur bcas la mthe bong bsgreng ba ni khro bo mnol ba med pa'i phyag rgya ste sngags oM badzra kro d+hA na hUM dzaHphyi rol sa la sogs par 'gro ba'i tshe bdud rtsi thab sbyor gyi sngags 'di bar chad med par lan bdun bzlas na de'i tshe bag med par spyad kyang bgegs rnams kyis mi brdzi'o zhes lung nas 'byung ngo //de'i sngags la/na mo rat+na tra yA ya/ na mash+caN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ daMSh+T+rota ka Ta b+hai rA ya/ a si mu sa la d+ha rA ya/ pA ra shu pA sha hastA ya/ tad+ya thA/ oM a mr-i ta kuN+Da li/ kha kha/ khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ gr-i h+Na gr-i h+Na/gardza gardza/ bi s+pho Ta ya bi s+pho Ta ya/ sarba big+h+nAM bi nA ya kA nAM/ ma hA ga na pa ti dzI bi tAM ta ka rA ya hUM swA hA/ phyi rol nas slar log pa dang kha lag bkrus te nye reg bya'o/ /lag pa g.yas pa'i thal mo bkan la gung mo dang srin lag yid tsam bkug pa'i bar du chu blugs la sngags 'dis btab la mgo dang lus kun la gtor la lhag ma rnams btung ngo //oM shud+d+he na tu sho d+ha na swA hA/ de nas rgyud dang mthun pa'i gnas yid du 'ong bar khrus byas kyang rung ma byas kyang rung ste/ nyes pa med de tshad med pa bzhi bsgoms pas sems kyi rgyud sbyangs la/ 'gro ba mtha' dag gdon par yid la 'dus pas sku gzugs la sogs pa'i spyan snga'am/gzhan yang rung ste/ phyag btsal ba dang mchod pa bshams pa dang byang chub tu sems bskyed pa la sogs te rim bzhin byas nas/ theg pa mchog las mi nyams par bya ba'i phyir skyil mo krung bcas te/ dam tshig nyams pa bskang ba'i phyir dam tshig gsum gyi phyag rgya la sogs pas byin gyis brlab pa cho ga 'di bzhin du bya'o//de la dam tshig gsum gyi phyag rgya thal mo sbyar la mthe bong gnyis bsgreng ba'o/ /phyag rgya 'di ni rgya chen te/ /sangs rgyas skyob pa rnams kyi yin/ /sangs rgyas kun gyi dam tshig ni//phyag rgya 'di la rab tu gnas/ /de'i sngags la/ na maHsa man+ta bud+d+hA nAM/ a sa me tri sa me ma hA sa ma ye swA hA/ de nas chos kyi dbyings kyi phyag rgyas bdag rnam par dag par bya ba ni lag pa gnyis kyi khu tshur bcangs la mthe bong gnyis nang du bcug la/ mdzub mo gnyis bsgreng ngo / /phyag rgya 'di phyag rgya chen po ste/ chos dbyings rnam par sbyong ba'o/ /de'i sngags la/ na maHsa man+ta bud+d+hA nAM/ d+harma d+hA tu swa b+hA ba At+ma kou0f85haM/ rdo rje sems dpar byin gyis brlab pa ni lag pa gnyis sor mo rgyab tu bsnol la/ mthe bong gnyis lag pa g.yas pa'i mthil du gzhug go//rgyal mchog dpal dang ldan pa yi/ /chos kyi 'khor los sgyur ba yi/ /'jig rten mgon po skyob pa yis/ /'khor lo rab tu 'di sgyur ro/ /de'i sngags la/ na maHsa man+ta badzrA NAM badzra At+ma konyahaM/ yi ge raM dkar po yang spyi bor bsam mo/ /de nas rdo rje go cha'i phyag rgya dang sngags kyis gnas lngar gtugs na go gyon par 'gyur ro//de'i phyag rgya la thal mo sbyar la mdzub mo gnyis gung mo'i rgyab tu sbyar mthe bong gnyis gung mo la sbyar ro/ /sngags ni/ na maHsa man+ta badzrA NAM/ badzra ka ba tse hUM/ de nas bgegs thams cad rnam par sel ba mi bzad pa'i rig sngags chen mo rjes su 'brang bar bya ba'i phyag rgya ni thal mo sbyar la mdzub mo gnyis bkug ste nang du gzhug gung mo gnyis rtse sprad srin lag gnyis brkyang mthe'u chung gnyis cung zad dgug pa ni srung ba chen mo'i phyag rgya ste/sngags la/ na maHsarba ta thA ga te b+h+yoH sarba b+ha ya bi ga te b+h+yo bi shwa mu khe b+h+yaHsarba thA haM khaM rak+Sha ma hA ba le/sarba ta thA ga ta pu ne nir dza te/ hUM hUM tra Ta tra Ta/ a pra ti ha te swA hA/ bgegs dang mi bzad nad thams cad/ /srin po 'jigs pa'i gzugs can rnams/ /'di ni dran pa tsam gyis kyang / /de dag thams cad 'byer bar byed/ / de nas yon chab kyi snod chu gtsang ma dang dri chu dang me tog bzang pos bkang la chos kyi dbyings kyi yi ge dang / rigs kyi snying po dang 'phags pa mi g.yo ba'i sngags kyis btab ste/ g.yon phyogs su gzhag go/ /bsang gtor dang mchod pa'i yo byad gzhag go /de dag kun yang bsang ba dang sbyang ba'i phyir mi g.yo mgon nam/bdud rtsi thab sbyor gyi sngags kyis gdab po/ /de nas bskrad pa dang mtshams bcad pa dag byas te bsgom par bya'o/ /bskrad pa dang mtshams bcad pa yang de dag nyid kyis bya'o/ /chos kyi dbyings kyi yi ge raM/ /rigs kyi snying po badzra d+h+r-ika /mi g.yo ba'i phyag rgya ni lag pa g.yon pa'i khu tshur bcangs la mdzub mo dang gung mo gnyis brkyang la/srin lag dang mthe'u chung gnyis kyi rtse mo mthe bos mnan la lag pa g.yas pa yang de bzhin du byas te mdzub mo dang gung mo gnyis g.yon pa'i mthil du gzhag go/ /mi g.yo mgon po'i ral gri shubs su bcug pa ste/bskrad pa'i tshe ral gri shubs nas phyung nas g.yon nas bskor/ mtshams bcad pa'i tshe g.yas nas bskor sngags la/ na maHsa man+ta badzra NAM a tsa la kA Na tsaN+Da ma hA ro Sha Na s+pho Ta s+pho Ta ya hUM/ tra Da haM maM lan gsum bya'o/ /bdud rtsi thab sbyor gyi sngags dang phyag rgya thal mo sbyar nas gung mo gnyis rtse sprad de brkyang mthe'u chung bsnol te nang du bcug pa'i nang du srin lag gnyis bzhag pa'i rtse mo mthe bong gnyis kyis mnan la mdzub mo gnyis gung mo'i phyi rol nas rgur por byas te nas gang tsam ma reg par bya'o// bdud rtsi thab sbyor phyag rgya rtse gsum pa las thams cad pa ste las kun la 'di sbyar ro/ /sngags ni oM a mr-i te hUM phaT/ yang na sngar gyi sngags mang pos sbyar ro/ /de nas rdo rje sems dpa'i skyil mo krung du 'dug la snying gar zla ba'i dkyil 'khor la yi ge bsams te/ de las chos thams cad tshig gi lam dang bral lo zhes sgra byung nas dngos po thams cad stong par bsgom/de las 'od zer spro ba dang bsdu ba'i rim gyis bdag nyid bcom ldan 'das phyag na rdo rje'i sku re ba thams cad yongs su skor bar byed pa/ mdog me tog pri yang ku ltar ljong ser ram/ yang na rin po che markata ltar ljang sngon phyag gnyis pa dbu rgyan can rgyan thams cad kyis brgyan pa stod g.yogs dar la/ smad g.yogs dar ba ti 'am/ dar tshig gu bsnams pa 'od zer gyis bskor ba gzi brjid dang ldan pa phyag na ye shes kyi rdo rje rtse lnga pa bsnams par bsgom mo/ / chos kyi dbyings kyi yi ger dkar po yang spyi bor bsam mo/ /mig gnyis su trAM dmar po gzhag ste/ byams pa'i lta bas blta bar bya'o/ /de nas brtan par bya ba'i phyir de nyid kyi phyag rgya bcings te gnas lngar gtug go/ /lag pa gnyis khu tshur bcangs la gung mo gnyis gshibs te bsgreng /mdzub mo gnyis bkug la ngos gnyis su bzhag la rdo rje ltar bya'o/ /mthe bong gnyis dang mthe'u chung gnyis gzhibs te bsgrengs la bzhag srin lag gnyis lag pa'i nang du gzhug go/ /phyag rgya chen po rdo rje'i rgya/ /mi shes grong khyer 'jig pa ste/ /sangs rgyas rnams kyi ye shes 'di//nyid kyi byin gyis brlabs te bstan/ /phyag na rdo rje'i phyag rgya ste/ rdo rje la'o/ /sngags la/ na maHsa man+t+ra badzra NAM tsaN+Da ma hA ro Sha Na hUM/ de nas yan lag rdzogs par bya ba'i phyir gtsug tor gyi phyag rgya bcings la spyi gtsug tu gzhag go/ /lag pa gnyis khu tshur bcings la gung mo gzhibs te bsgreng mdzub mo gnyis ngos nas bkug ste sbyar ro//gtsug tor phyag rgya rgya chen te/ /gtsug tor zhes ni grags pa yin/ /'di ni bcings pa tsam gyis kyang / /rgyal ba'i mchog tu gyur pa yin/ /de'i sngags la/ na maHsa man+ta badzrA nAM hUM hUM/ de nas ye shes kyi spyan bsgrub bo//lag pa g.yas pa khu tshur bcangs la gung mo srin lag brkyang mthe bong gi drung du bzhag go /'di ni sangs rgyas mgon rnams kyi/ /ye shes las byung spyan yin te/ /mig gi steng du mkhas pas gzhag /de las ye shes spyan du gyur/ /de'i sngags la/na maHsa man+ta bud+d+hA nAM/ ga ga na s+pha ra Na k+Sha Na/ ka ru ma hA ta thA ga ta tsak+Shu swA hA/ de nas yum gyi phyag rgya bcings la gnas lngar gtug go/ /lag pa gnyis khu tshur bcangs la gung mo gnyis gzhibs te bsgreng mdzub mo gung mo'i phyi rol nas bkug la bar nas gang tsam gyis ma reg par bya/mthe bong gnyis srin lag gnyis dang mthe'u chung gnyis nang du gzhug go/ /'di ni yum mA ma kI'i phyag rgya ste rdo rje rtse gsum pa'o/ /de'i sngags la/ na maHsa man+ta badzrA NAM dr-i D+ha tiSh+Tha tiSh+Tha dza yan te swA hA/ de'i 'og tu rdo rje go cha'i phyag rgya bcings la go bgo ste phyag rgya dang sngags gong du bstan no//de nas mdun du gzhal med khang bsams te/ de'i rim pa yang dang por chos kyi dbyings kyi yi ge raM gyis gnas kun stong pa'i rang bzhin gyis rnam par dag par bsams la de'i 'og tu nam mkha'i dkyil 'khor du yi ge a gser gyi mdog can las gser gyi sa gzhi gru bzhi rdo rje'i rang bzhin can rdo rjes mtshan pa rgya dang khyon dpag tu med par bsam mo//de'i steng du pad+ma dkar po 'dab ma brgyad pa'i steng du yi ge baM mdog dkar po gangs dang shel lta bur dngas shing gsal ba las chu'i rgyun 'o ma dang mu tig gi 'bru lta bu yan lag brgyad dang ldan pa 'byung ba/gser gyi sa gzhi bkang ste dpag tu med pa'i rgya mtsho chen por gyur par bsam mo/ /de'i nang nas yi ge laM las ri rab chen po sna bzhi las grub pa gru bzhi pa rgya dang khyon dpag tu med par byung ba'i steng du rin po che sna bdun gyi gzhal med khang brtsegs ma'i nang na pad+ma dang seng ge'i gdan chen po pad+ma'i gdan mang pos bskor bar bsams te/de dag ji ltar bsams pa bzhin du gyur par sngags 'dis byin gyis brlab po/ /na maHsa man+ta bud+d+hA nAM/ oM a na maHsarba ta thA ga te b+h+yo bi shwa mu khe b+h+yaHsarba thA khaM ung+ga te s+pha ra Na hi maM ga ga na khaM swA hA/ 'di ltar de dag thams cad de bzhin du gnas par 'gyur ro/ /yang na nam mkha' mdzod kyis kyang de bzhin du gnas par 'gyur ro/ /de nas bcom ldan 'das phyag na rdo rje spyan drang bar bya ste/ nyid kyi dam tshig gi phyag rgya bcings nas mthe bo gnyis nang du g.yab cing sngags 'dis rang gi pho brang nas spyan drang bar bya'o//na maHsa man+ta badzrANAM/ e h+ye hi b+ha ga wAn ma hA kA ru NI ka badzra pA Ni sa pa ri wA ra sa ma ya s+t+waM/ de nas gshegs te mdun gyi nam mkha' la dmigs la sngar bstan pa'i dam tshig gsum gyi sngags dang phyag rgya dang / rang gi phyag rgya dang yum gyi phyag rgya rnams bstan te so so'i sngags brjod do//de nas dam tshig can du gzigs pas mnyes par bya ste/ gzhan la phan 'dogs par bzhed pas sngags pa ji srid 'dod pa de srid du byin gyis brlab po/ /de nas 'phags pa mi g.yo mgon nam bdud rtsi thab sbyor gyi sngags dang phyag rgyas snga na gnas pa dang /phyi nas 'brang ba'i bgegs rnams bskrad par bya'o/ /de nas gzhal med khang gi nang du gshegs par bya ba'i phyir mchod yon sngags kyis btab pa blangs la tshigs su bcad pa 'dis mchod yon spreng zhing nang du byon par bsam mo/ /bdag gi dad dang dam tshig gis/ / tshur gshegs tshur gshegs bcom ldan 'das/ /bdag gi mchod yon bzhes nas kyang / /'di nyid du ni bzhugs su gsol/ /de nas byon te dbus kyi pad+ma dang seng ge'i gdan la dpal phyag na rdo rje dang 'khor gyi pad+ma'i gdan rnams la gsang sngags dang khro bo la sogs pa dpal phyag na rdo rje'i zhabs 'bring gi 'phags pa rnams bzhugs su gsol lo//de nas mchod yon gyi snod du spos gtsang ma blugs la zhal dang zhabs bsil dbul bar bya'o/ /de'i sngags la/ oM pra wa ra sat+kA ra pratIts+tsha swA hA/ bdag kyang 'phags pa'i 'khor gyi nang na 'dug par bya'o/ /'phags pa'i pho brang gi phyi rol du 'phags pa mi g.yo ba'i 'am/bdud rtsi thab sbyor gyi sngags dang phyag rgyas mtshams bcad do/ /de nas 'phags pa'i tshogs la phyag bya ste/ tshigs su bcad pa 'di brjod do/ /mchod pa rnams rim pa bzhin du dbul/ bcom ldan thugs rjes byon pa legs/ /bdag ni bsod nams skal bar ldan//bdag gi mchod yon bzhes nas kyang / /thugs rjes thugs dpag mdzad du gsol/ /zhes dang por mchod yon dbul bar bya'o/ /de'i sngags ni/ oM sarba de ba ta thA a tsi ta a mr-i ta da rA ya swA hA/ de nas dri dbul te/ gtsang zhing gtsang mar sbyar ba yi//lha rdzas dam pa'i dri mchog dag /bdag gis dad pas 'bul lags kyi/ /bzhes nas bdag la dges par mdzod/ /A ha ra A ha ra b+ha ga bAn sarba bid+yAd+ha ra pU dzi te swA hA/ zhes sngags 'di tshigs bcad kun gyi mjug la brjod/ de nas me tog dbul te/ gtsang zhing gtsang mar skyes pa yi//lha rdzas dam pa'i me tog 'di/ /bdag gis dad pas 'bul lags kyi/ /bzhes nas bdag la dges par mdzod/ /de nas bdug spos dbul te/ nags tshal bcud ldan yi gar 'ong / /dri zhim rgyas pa'i bdug pa'i mchog /bdag gis dad pas 'bul lags kyi//bzhes nas bdag la dges par mdzod/ /lha bshos dbul te/ sman rnams bcud gtsang yi gar 'ong / /sngags kyi zhal zas bshos 'di dag /bdag gis dad pas 'bul lags kyi/ /bzhes nas bdag la dges par mdzod/ /mar me dbul te/ gdon rnams 'joms shing bkra shis pa//dge zhing mun pa rnam sel ba/ /bdag gis dad pas 'bul lags kyi/ /bzhes nas bdag la dges par mdzod/ /A lo ke sarba bid+yA d+ha ra pU dzi te hUM swA hA/ dri la sogs pa dngos su ma 'byor na yang / de dag gi phyag rgya bcings la yid kyis 'jig rten gyi khams thams cad khyab pa'i mchod pa bya'o//de la mchod yon gyi phyag rgya ni thal mo bkan la mdzub mo gnyis gung mo'i tshigs gsum par sbyar la srin lag gnyis dbus su bkug la mthe bong gnyis glor sgyur ba 'di ni bdud rtsi rgyun gyi phyag rgya ste mchod yon gyis sbyar ro/ / dri'i phyag rgya ni lag pa g.yas pa mi 'jigs pa'i phyag rgya bya ste/ lag pa g.yon pas g.yas pa'i mkhrig ma nas bzung ba'o/ /me tog gi phyag rgya ni lag pa gnyis sor mo phan tshun bsnol la lag pa'i nang du bcug la mdzub mo gnyis rtse mo gcig tu sbyar la gdu bu'i tshul du byas la mthe bong glor gzhag ste thal mo ltar bya'o//bdug spos kyi phyag rgya ni lag pa gnyis kyi mthe'u chung dang srin lag dang gung mo'i sor mo rnams phan tshun du rgyab tu sbyar te so so'i sor mo'i drung du bkug nas mdzub mo gnyis gzhibs te bsgreng / mthe bo gnyis glor gzhag go/ /lha bshos kyi phyag rgya ni bzed pa'i thal mo las mdzub mo cung zad bkug pa'o//mar me'i phyag rgya ni mthe bong dang gung mo'i sor mo gnyis gcig tu sbyar te gtod la lhag ma rnams khu tshur du bya'o/ /mchod yon gyi sngags ni/ na maHsa man+ta bu d+d+hA nAM ga ga na sa ma ye swA hA/ dri'i sngags ni/ na maHsa man+ta bud+d+hA nAM/ bi shud+d+hA ga na d+ho t+b+ha bA ya swA hA/ me tog gi sngags ni/ na maHsa man+ta bud+d+hA nAM/ ma hA mu tra mung+ga te swA hA/ bdug pa'i sngags ni/ na maHsa man+ta bud+d+hA nAM/ d+ha rma d+hA tu mung+ga te swA hA/ lha bshos kyi sngags ni/ na maHsa man+ta ga te pU dza na sa ma ye hUM/ mar me'i sngags ni| na maHsa man+ti bud+d+hA nAM/ta thA ga ta a tsi s+phar Na a ba b+ha sa ga ga me da ra ye swA hA/ 'di dag kyang mchod pa tsam du zad de/ bdag gi nus pa dang 'jig rten na bsngags pa'i mchod pa rgya chen po gzhan dag kyang ci 'byor ba dbul lo/ /de nas mchod pa spyi'i phyag rgya bcings te/ sems rab tu dang ba'i sgo nas yid kyis mchod pa rgya chen po byas te/de'i thabs kyang sangs rgyas dang byang chub sems dpa' thams cad kyi mthu dang / chos kyi dbyings kyi mthu dang / bdag gi bsod nams dang ye shes dang smon lam gyi mthu dang dam pa'i chos kyi dbyings kyis khyab pa'i mchod pa chen po'i sprin chen po dang /rgyan dam pa dang / bstod pa sna tshogs pa rnams 'phags pa thams cad kyi 'khor gyi dkyil 'khor du 'byung zhing de bzhin gshegs pa thams cad kyis byin gyis brlabs par gyur cig ces bsam zhing tshig tu brjod la/ mchod pa'i sprin chen po 'byung bar byed pa'i rig sngags 'di lan gsum brjod do//mchod pa spyi'i phyag rgya ni lag pa thal mo khong stong du sbyar la spyi bor gzhag go/ /'di'i sngags la/ na maHsa man+ta bu d+d+hA nAM/ a b+hi sa ma ye s+phar Na hi maM ga ga na khaM/ d+harma d+hA tu A kA sha sa man+ta maM/ sarba ta thA ga ta pa ri shud+d+ha maN+Dal la/ ma ma pri Ni d+hi pu N+ya dz+nyA na ba len d+ha/ sarba ta thA ga ta a d+hi Sh+ThA na ba len tsa swA hA/ de ltar mchod pa'i sprin chen po 'phags pa thams cad kyi dkyil 'khor du de bzhin du gnas par 'gyur bar yid ches par bya'o/ /zhes bcom ldan 'das kyis gsungs so/ /de nas rdo rje dril bu lag tu blangs la dril bu dkrol zhing bstod pa 'dis bstod do//dpa' bo chen po thabs brnyes pa/ /sku gsung thugs ni rdo rje yis/ /rdo rje mchog gi lam ston pa/ /rdo rje rgyal po phyag 'tshal bstod/ /ye shes gnyis med tshul 'chang zhing / /theg mchog rtogs par thugs su chud/ / gsang sngags rgyal po gsang 'dzin pa/ /gsang ba'i bdag po phyag 'tshal bstod/ /stobs po che la drag shul che/ /rig sngags rgyal po dge ba po/ /gdul dka' ba dag 'dul mdzad pa/ /rdo rje bsnams la phyag 'tshal bstod/ /de nas byang chub tu sems bskyed pa dang / sdom pa gzung ba la sogs pa bya ste/ 'di skad du 'dod pa'i don la gsol ba gdab po/ /bcom ldan 'das bdag sangs rgyas dang byang chub sems dpa'i thams cad la skyabs su mchis kyis bdag la thugs brtse bar gzigs te/ 'gro ba ma lus pa bskyab pa'i mthu bdag la stsol cig ces brjod do//de nas 'jig rten gyi khams ma lus par sems can gyi don du 'gyur bar bya ste/ 'jig rten gyi khams phyogs bcu'i zhing rab 'byams thams cad du sems can gyi don mdzad pa kha dog dang tshul dang / spyod lam rnam pa sna tshogs su ldan pa kun du bzang po'i sprul pa mang po rab tu 'byung bar gyur cig /des kyang sems can thams cad kyi phyi nang gi gdon thams cad rab tu zhi zhing de bzhin gshegs pa thams cad kyis rab tu bsngags la 'jig rten dang 'jig rten las 'das pa'i phun sum tshogs pa thams cad kyang de dag gis thob par gyur cig par bsams nas byin gyis brlab pa gsum gyis byin gyis brlab po//sems can gyi don byin gyis rlob pa'i rig sngags nam mkha' mdzod du byung bar mdzad pa 'di lan gsum brjod do/ /na maHsarba ta thA ga te b+h+yo/ bi shwa mu khe b+h+yaHsarba thA khaM ung+ga te s+pha ra Na hi maM ga ga na khaM swA hA/ 'dis lan gsum bzlas pas ji ltar bsams pa'i don rnams sems can gyi khams rnams su de bzhin du 'gyur bas sangs rgyas dang byang chub sems dpa' rnams kyis mkhyen gyi gzhan shes rab chung ba rnams kyis mi shes so zhes bcom ldan 'das kyis gsungs so//de bas na byang chub sems dpa'i theg pa pa rnams kyis yid ches par bya'o//de ltar de bzhin gshegs pa rnams mnyes par bya zhing 'gro ba ma lus pa'i don byas pa des bdag gi lha'i phyag rgya dang sngags kyi yi ge bkod pa la sogs pas bdag nyid lha'i skur bsgyur la yi ge khaM dkar po de'i spyi bor gzhag ste mdun du lha bzhugs pa'i thugs kar bzlas pa bya ba'i yi ge phreng ba bkod la dbugs dang dran pa rab tu bsdams nas slar sdud pa'i tshig gis non par yid la shib bur mi drag mi dal zhing mi skyo bar ji tsam 'dod pa'i bar du bzlas par bya'o//bzlas kar nyid kyi dam tshig gi phyag rgya bcings te bdag dang lha'i thugs kar bzung la de nas nor bu lag pa g.yas pas blangs nas snyim par bcug la bdud rtsi thab sbyor gyi sngags bzlas te/de'i 'og tu yang yum bzlas snying ga'i thad kar bzung la bzlas pa re la nor bu re re bgrang zhing mgo mjug tu phyag bya'o/ / na maHsa man+ta badzrA NAM tsaN+Da ma hA ro Sha Na hUM/ ji skad bstan pa bzhin ma nus na yang sangs rgyas dang byang chub sems dpa' thams cad la phyag 'tshal bar dmigs te sems can gyi don phun sum tshogs par 'gyur bar dmigs shing bzlas so/ /de nas ngal lam gtong bar 'dod na bzlas pa gtad de bzlas pa rnams yid kyis dpal phyag na rdo rje la gtams pa'i tshul gyis phul la las kyi rdo rje sems dpar bsgyur te 'phags pa rnams la mchod pa ji skad bstan pa bzhin du bya zhing dge ba'i rtsa ba yang rgya cher bsngo'o//'phags pa rnams la mchod pa'i phyir bdag las kyi rdo rje sems dpar byin gyis brlab pa ni/na maHsa man+ta badzrA NAM zhes bya'o/ /de nas mchod yon dbul te 'di skad brjod pas dpal phyag na rdo rje 'khor dang bcas pa slar gshegs su gsol lo/ /gdon mi za bar bdag la yang / /rjes su brtse bar dgongs nas ni/ /rgyal ba sras dang bcas pa rnams//ci bde bar yang gshegs su gsol/ /de nas dam tshig gsum gyi phyag rgya spyi bor gyen du bkrol sngar dam tshig gi phyag rgyas bzhugs pa rnams gshegs par bya'o/ /mtshams bcad pa yang yid kyis dgrol lo/ /de nas chos kyi dbyings kyi phyag rgyas chos kyi dbyings su byin gyis brlabs la rdo rje sems dpa'i sngags dang phyag rgyas las kyi rdo rje sems dpar byin gyis brlab po//spyi bor chos kyi dbyings kyi yi ge ra yig bsam mo/ /rdo rje go cha'i phyag rgyas kyang go bgos la sangs rgyas dang byang chub sems dpa' thams cad la phyag byas nas dge ba'i las bya bar rab tu bsam zhing ldang ngo //langs nas kyang mdo sde zab mo bklag pa la sogs pa dge ba'i las ci nus pa bya'o/ /de nas zas za ba'i tshe na bdag nyid rigs kyi snying pos bsrungs la sngags 'di bzlas la lan gsum btab ste/ chos kyi dbyings kyi yi ges sbyangs la zas kyi ro la ma chags par rigs pa dang ldan par ran par bza'o//na maHsa man+ta bud+d+hA nAM/ oM a mr-i tod+b+ha bA ya swA hA/ nyal ba'i tshe na yang rigs kyi yum gyi snying pos bsrungs nas glo g.yas pas nyal lo/ /ji skad bstan pa bzhin du ma nus pas mnyes par bya mi nus so snyam pa'i bsam pa mi bskyed do//dpal dang ldan pa'i skal ldan pas/ /zhabs la gtugs nas bsdus pa yin/ /rnam dag lam chen mdzod yin pas/ /skal ldan byang chub mchog gis spyad/ /dpal phyag na rdo rje sgrub pa'i thabs slob dpon sangs rgyas gsang bas mdzad ba rdzogs so/